Иран изврши ракетен напад врз американска воена база во Јордан, што Техеран го опиша како одговор на американските напади врз ирански танкери. Иранското Министерство за надворешни работи соопшти дека нападот бил извршен во рамки на, како што го наведува, правото на легитимна одбрана.
Јорданската армија соопшти дека нејзините системи за воздушна одбрана пресретнале и уништиле 18 од вкупно 20 балистички ракети истрелани од Иран. Две ракети паднале во ненаселени подрачја, а нема пријавено жртви.
Иранското МНР предупреди дека САД ќе ги сносат последиците од, како што ги оцени, непријателските дејствија против Иран. Нападот претставува нова ескалација на директниот судир меѓу Вашингтон и Техеран.
