тимчо муцунски

„Алабаковски го изрази револтот на сите граѓани за тоа што Бугарија го прави кон нас“, вели Муцунски

Ламбе Алабаковски го изрази револтот на сите граѓани за тоа што Бугарија го прави кон нас, истакна Тимчо Муцунски во интервју кај познатиот јутјубер Стефан Лазаров на прашање поврзано со палењето на бугарскиот клуб во Битола.„Тој има направено прекршок и има систем кој ќе го доведе тој да одговара за овој прекршок, но имам информации дека јавното обвинителство прави се, односно сериозно претерува за да ги задоволи интересите на другата страна која подолг временски период ја негира нашата нација“, потенцираше Муцунски во интервјуто.Тој додаде дека тоа што го прави Бугарија создава нетпреливост помеѓу граѓаните на двете држави и нагласи дека односот на оваа земја кон нас е засрамувачки.- Ламбе е одличен македонски уметник кој има феноменални песни кои сите ги слушаме, истакна на крајот Муцунски.

Магазин | пред 3 години

(ВИДЕО) „Успехот на МЗТ со АБА немаше да го постигнеме без Фемили Аеродром“, вели Муцунски

Во гостувањето кај познатиот јутјубер Стефан Лазаров, Муцунски потенцираше дека е израснат во Аеродром и знае што значи МЗТ за жителите на оваа општина.„Како човек кој што израснал во Аеродром, знам колкаво е значењето на овој клуб. Најголема грешка што може некој политичар да ја направи, е да се прави експерт за кошарка. Јас сакам да гледам кошарка на телевизија, но одлуката што ја направивме во тој момент е што ја оставивме кошарката на кошаркарите. Има нова управа тимот, има фантастичен нов тренер, имаше добар тим што беше засилен со неколку добри играчи. Заслугата е нивна не на градоначалникот. Наше е да даваме поддршка кога можеме да овозмпожуваме подобри услови. Во делот на резултатите заслугата е на играчите, стручниот штаб, управата. Мене лично ако ме прашате, резултатот со АБА немаше да го постигнеме без Фемили Аеродром. Салата беше преполна, имаше преубава енергија и мислам дека тоа беше главниот фактор кој ги мотивираше кошаркарите да постигнат резултат.“, кажа Муцунски во интервјуто.Тој додаде дека редовно комуницира со нив, бидејќи тие се дел од Аеродром и луѓето кои ја градат спортската култура.„Спортот е шоу бизнис и мора да се анимираат луѓето за да бидат во сала. Освен задржување на најдобрите играчи, важно е да се анимира публиката да има атмосфера и тоа е дискутирано во неколку наврати“, истакна градоначалникот и најави интересна новина. Идејата е следната година дресот на МЗТ да биде дизајниран од некој локален – аеродромски уметник.- Раководството на тимот сака клубот да биде поврзан со општина Аеродром и со граѓаните, а нас како раководство ни е обврска тоа да им го дозволиме, нагласи Муцунски во интервјуто.

Магазин | пред 3 години