ТОП

Маж во Босна и Херцеговина ги уби сопругата и синот (13), сега е во бегство

Маж во текот на ноќта ги убил сопругата и 13-годишниот син во Калесија, Босна и Херцеговина, а полицијата трага по него, потврди за Klix.ba Адмир Арнаутовиќ, портпарол на кантоналното обвинителство во Тузла.Безживотните тела се пронајдени во станбено-деловен објект, а како што неофицијално дознава порталот, мажот и жртвата формално се разведени, но живееле заедно.„Повеќе детали ќе се знаат подоцна“, изјави Арнаутовиќ.Според Klix.ba, убиена е Инела Селимовиќ, која на последните локални избори беше кандидат на партијата Народ и правда (НиП) за Советот на општина Калесија.Организацијата „Глас на жените“ излезе со соопштение за убиството:„Додека чекаме Федералното Министерство за правда конечно да го достави ревидираниот нацрт на измените на Кривичниот законик со кои би се регулирало фемицидот како посебно дело, сведоци сме на чести родови убиства на жени.Ја повикуваме владата на Федерацијата што поскоро да го достави текстот на Законот за изменување и дополнување на Кривичниот законик. Уште едно во низата ужасни убиства врз основа на пол“, велат тие.

Свет | пред 1 година

Европски сили мора да учествуваат во преговорите за судбината на Украина, децидни се од Европската комисија

Европските сили, вклучувајќи ги Велика Британија, Франција и Германија, во средата рекоа дека мора да учествуваат во какви било идни преговори за судбината на Украина, нагласувајќи дека само фер договор со безбедносни гаранции ќе обезбеди траен мир.„Нашите заеднички цели треба да вклучуваат ставање на Украина во позиција на сила. Украина и Европа мора да бидат дел од какви било преговори“, се вели во заедничката изјава на седумте земји и Европската комисија.„На Украина мора да и се обезбедат силни безбедносни гаранции. Праведен и траен мир во Украина е неопходен услов за силна трансатлантска безбедност“, се вели во соопштението, додавајќи дека европските сили со нетрпение очекуваат разговори со нивните американски сојузници за понатамошни мировни чекори.Министрите за надворешни работи на Франција, Велика Британија, Германија, Полска, Италија, Шпанија и Европската комисија во средата во Париз се сретнаа со украинскиот министер за надворешни работи.Состанокот, закажан пред неколку недели, имаше за цел да ја претстави одбранбената стратегија на блокот, да разговара за тоа како да се зајакне Украина, да се планираат идни мировни преговори и да се разговара за тоа како да се пристапи кон разговорите со американската администрација кога тие ќе се сретнат на Минхенската безбедносна конференција овој викенд.На овие теми мораше да се пристапи во ново светло откако американскиот секретар за одбрана Пит Хегсет рече дека враќањето на границите на Украина од пред 2014 година е нереално и дека САД не го гледаат членството на Киев во НАТО како дел од решението за војната.Коментарите на Хегсет уследија по телефонскиот разговор меѓу претседателот Доналд Трамп и рускиот претседател Владимир Путин, по што Трамп рече дека нивните тимови се согласиле веднаш да започнат преговори. Европските сили не беа однапред информирани за поканата и беа изненадени од отвореноста на Хегсет, велат дипломатите.На прашањето дали некои европски земји ќе бидат вклучени во мировните преговори, прес-секретарот на Белата куќа Каролина Левит рече: „Во моментов нема вклучени европски земји“.

Македонија | пред 1 година

Кој е уапсениот од бандата на Штекли: Дарко Кнеле бил во автомобилот со кокаин

Дарко Голубовски-Кнеле е еден од уаспените со над 4 килограми кокаин во Скопје. Станува збор за лик кој себеси се претставува како лик од подземјето, со бурен живот, за на крај да заврши со вештачко срце. Директорот на Бирото за јавна безбедност, Александар Јанев, објави дека станува збор за лик кој е дел од групата на уапсениот Раде Трајковски-Штекли.„Упорноста и професионализмот се клучни за успешната истражна работа. Во координација со Јавен обвинител, продолживме со активностите против криминалната група на Штекли, и при дополнителни дејствија, по само нецел месец од разбивањето на групата, повторно е пронајдена и одземена дрога од истата криминална банда“, напиша Јанев.Во поткастот кај јутуберот „Лазаров“ зборуваше и за Раде Штекли.„Пријател сум со Раде Штекли. Тој ми е другар, комшија. Неговата мајка, Бог да ја прости, почина во Милано, а учеше со татко ми. Тој е од Керамидница. Не знам што да му кажам за Раде Штекли, кој број патики носи? 43-44“, рече Голубовски-Кнеле.?t=6051Тој раскажа дека не се му здосадил бурниот живот и покрај здравствените проблемите.„И ден денес уживам, кај и да влеза позитивна ми е енергијата“, додаде Голубовски-Кнеле.Неофицијално, на Кнеле, поради здравствените проблеми, му е одреден куќен притвор.

Македонија | пред 1 година

(Видео) Ацо Тошта: Заев и Спасовски нѐ осудија за 27 април, Села го спасивме јас и градоначалникот на Ѓорче

Во „Претрес со Ландов”, гостин беше Ацо Тошта, лице осудено за обид за убиство на пратеникот Зијадин Села во настаните на „27 април”.Тошта е основач на ВМРО-ДПМНЕ и бил во обезбедувањето на Никола Груевски.„Немаше убиство ниту обид за убиство на Села. 27 април беше кобен за нас. Крсто Муковски кој ги отвори вратите беше амнестиран и награден од Заев. Јас и Александар, градоначалникот на Ѓорче Петров го спасивме Зијадин Села. Влатко Ѓорчев ме молеше: Тошта застани зошто ќе гори Македонија.Фросина Ременски викаше да не тепаат бидејќи е бремена. Толпата беше револтирана, го шамараше и тепаше и Влатко Ѓорчев. Заев и Спасовски нас нѐ осудија”, рече Ацо Тошта.

Македонија | пред 1 година

(Видео) Таткото на усмртената Викторија до судијката Љубинка Башевска: Дали мирно спие, кој изврши притисок врз неа

Славе Николов, таткото на Викторија која трагично загина кај „Сити мол”, во 2022 година во „Претрес со Ландов”, кажа дека кај Јордан Ѓорѓиев, возачот кој ја усмрти Викторија немало никакво каење.„Никакво каење, ниту сочувство немаше ниту од него, ниту од неговите родители. Најголемата вина според моите сознанија е притисокот во судството. Судијката Љубинка Башевска не може да донесе правда”, рече Николов.„Дали мирно спие, дали има грижа на совест и од кого имаше притисок“, ја праша таткото на Викторија судијката Љубинка Башевска која ја досуди казната од 3 години за возачот-убиец.

Македонија | пред 1 година

(Видео) Таткото на загинатата Викторија: Нема утеха додека сме живи, правда нема

Гостин во „Претрес со Ландов” е Славе Николов таткото на Викторија која трагично загина кај „Сити мол” во 2022 година.„Нема утеха додека сме живи. Верував во правосудството, но се случи сосема друго”, вели Славе Николов.Јордан Ѓорѓиев, возачот кој ја усмрти Викторија доби затворска казна од три години, одреди Кривичниот суд. Олеснителна околност за судот е дека го признал делото, изразил каење и бил млад со 23 години, како и дека не бил осудуван до сега и дека сѐ уште е студент.Апелациониот суд во Скопје му ја зголеми казната на Јордан Ѓоргиев на четири години.

Македонија | пред 1 година

Крстевска Цалева времено на местото на Хајрулахи

Наташа Крстевска Цалева ќе ракободи со скопското Вишо јавно обвинителство.Таа доаѓа времено на ова место поради суспензијата на досегашниот шеф Мустафа Хајрулахи.Тој беше суспендиран и одалечен од вршењето на функцијата заради кривична пријава за малтретирање на свои колеги обвинители со што се отвори војна на релацијата Коцевски- Хајрулахи.Крстевска Цалева дојде какл предлог на државниот обвинител Љупчо Коцевски, со едногласна поддршка од членовите на Советот на јавни обвинители.По завршувањето на дисциплинската постапка против Хајрулахи ќе се знае епилогот, дали ќе се оди на избор на нов шеф на скопското Вишо обвинителство или Хајрулахи ќе се врати.Во предлогот за Крстевска Цалева стои дека е обвинител со интегритет, без забелешки на нејзината работа, а била и неодамна избрана да работи во Вишото обвинителство.Дисциплинската против Хајрулахи трае.Комисијата за утврдување негова одговорност утврдила неправилности во заведување на предметите во обвинителството. Хајрулахи пак се пожали на притисоци од државниот обвинител Коцевски поради предметот со бонусите на СЈО.

Македонија | пред 1 година

Велешанец се обидел да изврши силување во Аеродром, тврди Обвинителството и бара притвор

Основното јавно обвинителство Скопје донесе Наредба за спроведување истражна постапка против едно лице поради обид да изврши кривично дело – Полов напад и силување од член 186 став 3 во врска со став 1 од Кривичниот законик.„Осомничениот велешанец, на возраст од 53 години, во населбата Аеродром во Скопје, спротивно на јасно изразената волја на една оштетена, со употреба на сила се обидел врз неа да изврши полов однос. Откако жртвата пружила активен отпор со удирање со рацете и нозете и гласно викање за помош, осомничениот излегол од возилото каде го извршил нападот и побегнал.Бидејќи постојат околности што укажуваат дека доколку осомничениот се остави да се брани од слобода ќе се даде во бегство или пак ќе се крие, со што ќе биде недостапен на органите на прогонот, но и со оглед на тоа дека постојат особени околности кои укажуваат дека ќе ја попречува кривичната постапка со влијание врз сведокот-оштетена или дека ќе го ќе го повтори или доврши обиденото кривично дело, јавниот обвинител до судијата на претходна постапка од Основниот кривичен суд Скопје достави предлог за определување мерка притвор“, велат од Обвинителството.

Македонија | пред 1 година

Владата се реши за разрешување на републичкиот обвинител Љупчо Коцевски

Владата го задолжи Министерството за правда да преземе активности за поведување на постапка за разрешување на државниот јавен обвинител.„Разочарувањето на Владата за постапувањето надвор од законските надлежности, разочараноста на граѓаните од системот кој не функционира, резултира со нарушена доверба и нефункционирањето на правната држава“, рече портпаролката на Владата, Марија Митева.Таа образложи и аргументи за разрешувањето.„Се отвори расправата за последниот индекс на транспарентност, од каде можеше да се види дека четири точки се однесуваат на состојбите во Обвинителството и судството. Дополнително, последното именување за в.д. шеф на Вишо јавно обвинителство е одлука која е незаконска“, рече Митева.

Македонија | пред 1 година

Коцевски за Владата откако „тргна возот“ за разрешување: Ги немате сите точни информации!

Републичкиот јавен обвинител, Љупчо Коцевски, за кого Владата донесе одлука за поведување на инцијатива за разрешување тврди дека не работел незаконски. Тој на Владата и посочува дека донела грешна одлука водејќи се од неточни информации.„Од она што имав прилика да го прочитам по медиумите, причина за одлуката на Владата била тоа што изборот на раководител на Вишото јавно обвинителство Скопје бил наводно незаконски. Верувам дека Владата ги немала на располагање сите релевантни и точни информации и заради избегнување на недоразбирања, сакам да го појаснам следното: Распоредот за работа на Вишото јавно обвинителство Скопје, донесен од обвинителот Хајрулахи, кој во моментов е суспендиран, беше со важност до 31.12.2024 година. Согласно тој распоред лицата определени за негови заменици го имаа статусот на заменик до истекот на распоредот на 31.12.2024 година. Распоредот за работа на Вишото јавно обвинителство Скопје за 2025 година е донесен од обвинителот Цветановски во јануари 2025, во момент кога истиот немал својство ниту на заменик, ниту на шеф на Вишото јавно обвинителство Скопје, што значи дека ваквиот распоред не е донесен согласно закон и не може да произведува правно дејство. Со потврдување на одлуката за суспензија и на обвинителот Цветановски, се јави потреба да се определи јавен обвинител кој времено ќе раководи со Вишото јавно обвинителство Скопје.Сакам да укажам дека не е првпат да се постапува на овој начин и приоритет беше во случајот да се определи раководител на Вишото јавно обвинителство Скопје кој ќе биде гарант за непристрасното, професионално и објективно работење на обвинителството до завршување на дисциплинска постапка за обвинителот Хајрулахи. Појаснувам дека не се работи за назначување на вршител на должноста виш јавен обвинител туку за определување на времен раководител на вишото јавно обвинителство Скопје. Според тоа ве верувам дека моето постапување во овој случај, како и во целокупното мое работење е согласно закон, а со цел овозможување на непречено и законито функционирање на јавното обвинителство и заштита на јавниот интерес“, вели Коцевски.

Македонија | пред 1 година

Советот на обвинителите контра Владата, претседателката без одговор дали Коцевски може да се разреши и ако дадат негативно мислење

Душица Димитриеска, претседател на Советот на обвинители,  се спротивстави на Владата, која беше децидна дека назначувањето на обвинител кој ќе го заменува Мустафа Хајрулахи во скопското Јавно обвинителство е незаконска. Според Димитриевска, одлуката е законска.„Беше донесена одлука, следејќи ги состојбите во Вишото јавно обвинителство каде вишиот јавен обвинител е оддалечен од функцијата, советот утврди дека е потребно во ова јавно обвинителство да се назначи обвинител кој ќе раководи со Обвинителството. Таа одлука е едногласна“, рече Димитриевска.Прашана дали имало законска основа за ваква одлука, таа рече: „Да има, мора да има потписник, мора да има јавен обвинител кој ќе го раководи“.„Јас не можам да дадам одговор на тоа прашање, јас тврдам дека нашата одлука е законита. Тоа Обвинителство мора да има јавен обвинител кој ќе раководи. Уште еднаш да напоменам, се работи за јавен обвинител кој ќе раководи додека трае оддалечувањето на јавниот обвинител“, додаде Димитриевска.Прашана да ја објасни процедурата за разрешување на државниот обвинител Љупчо Коцевски, таа им порача на новинарите да си видат во законот, оти таму ја имало. Немаше ни конкретен одговор, дали процедурата продолжува во Собрание и покрај евентуално дадено негативно мислење од Советот на јавни обвинители за разрешување на Коцевски.„Во однос на тоа прашање, сакам да изјавам дека до сега, немаме до Советот никаков предлог добиено. Кога ќе има предлог, ќе се произнесеме. Советот ќе ги испочитува роковите и процедурата“, рече Димитриевска.

Македонија | пред 1 година

Доживотен затвор за Фадил, кој свирепо ја уби штипјанката Емилија: „Моето дете гние, нека гние и тој во затвор“

Убиецот Фадил Зејнелов кој свирепо ја убил Емилија Пешева на 29 години, е осуден на доживен затвор.„Обвинетиот сторил убиство, судот го осудува на доживотен затвор. Во изречената казна му се смета и времето поминато во притвор. По анализа на сите докази, утврди дека оваа казна е потребна и оправдана. Пред се поради начинот на извршување на кривичното дело, траело неколку минути.. Имало решителност од негова страна, а борба од страна на Емилија. Второ, покрај свирепоста при извршувањето, судот утврди дека во август 2024 година, при меѓусебни средби имало физички напад, утврдени во болница“, рече судијата Сашко Георгиев.Родителите се задоволни од пресудата.„Правилна одлука донесе. Не може да ја излечи болката, таа нема да се врати. Но работата е такви луѓе да нема. Моето дете ќе гние, нека гние и тој во затвор“, рекоа мајката и таткото.Ја давел, ја оставил да умре и заминал да игра комар. Вака изгледало убиството на Емилија Пешева во ноември минатата година. Убиецот Фадил Зејнелов го призна убиството, а семејството и обвинителството бараат доживотен затвор. Слободан Пешев, татко на убиената Емилија рече дека неговата ќерка била користена од убиецот за пари.

Македонија | пред 1 година

Инспектор од Град Скопје го пријавил Курто Дудуш дека го навредувал, градоначалникот исто пуштил пријава за закани

На 11.02.2025 околу 10.30 часот З.Г., инспектор во град Скопје, пријавил во СВР Скопје дека на ул.2бб во близина на дива депонија, при вршење на службени дејствија за вршење на надзор и подигање на мостри, дошле две лица и еден од нив (К.Д. -градоначалник на Шуто Оризари) почнал да ги навредува него и неговите колеги и да им се заканува и го попречувал земањето на мостри.На 11.02.2025 во 13.10 часот во Полициското одделение Шуто Оризари, К.Д.(50) од Скопје – градоначалник на Шуто Оризари, пријавил дека за време на инспекциски надзор на отпад од страна на вработени во град Скопје, кој бил сместен на неговиот имот на подрачјето на Шуто Оризари, Ф.С.(47) од Скопје, вработен во град Скопје, му упатувал закани. Се работи на расчистување на случајот.

Скопје | пред 1 година

Ако Собранието за шест месеци не го корегира Кривичниот законик, тоа ќе го прави Уставен

Уставниот суд донесе одлука да се поведе постапка за оценување на уставноста на Законските измени и дополнувања на Кривичниот законик, во целина.Дополнително, одлучено е Уставниот суд да испрати Известување до Собранието за сомнежите и сознанијата во овој предмет и да му даде рок од максимални шест месеци за да ги коригира спорните законски одредби.Судот во оваа фаза од постапката изрази сомнеж дека оспорениот акт е во спротивност со темелните вредности на уставниот поредок, односно дека е во спротивност со владеењето на правото уредено со членот 8 став 1 алинеја 3, како и дека не е во согласност со гарантираната уставна заштита за еднаквост на сите граѓани пред Уставот и законите, предвидена со членот 9 став 2 од Уставот.Судот смета дека под сомнеж може да се стави и материјалниот и формалниот аспект. Неспорно е дека Собранието има надлежност за нормирање на општествени односи, но во овој случај Судот се сомнева дека Законодавецот не водел сметка за уставно-правната реалност и последиците кои ќе настанат по донесувањето на овие законски измени, а се во насока на предизвикување на нееднаквост во казнената политика за сите граѓани.Уставниот суд изразува сомнеж и за формалниот аспект, односно за постапката на донесување на овој Закон, поради носење на измените во процедура во која се користи европско знаменце иако нема оправдана, деловничка цел за тоа.Согласно Актот на Судот, доколку Собранието не постапи по насоките за законски интервенции, Уставниот суд ќе премине во следната фаза од постапувањето, односно ќе се донесе конечна одлука, која може да има укинувачки или поништувачки карактер, во зависност од проценката на тежината на повредата.Судот го зема предвид фактот дека може да настане правна празнина и евентуални последици во отсуство на казнените одредби на кои би се повикале судиите во кривичните постапки, доколку се донесе конечна одлука во следната фаза, без да го извести Собранието и да побара интервенции и токму ова беше клучно да се одлучи прво да се обрати до Законодавниот дом кој е надлежен за интервенирање во законите.

Македонија | пред 1 година

Мицкоски: Коцевски не ја оправда довербата, доблесно ќе биде да се повлече

Претседателот на Владата на Република Северна Македонија, Христијан Мицкоски, одговарајќи на новинарското прашање за разрешување на Државниот јавен обвинител, истакна дека Љупчо Коцевски, имал доволно можност да се покаже како бескомпромисен борец за правдата и против оние случаи каде што има основано сомневање за сторен криминал, меѓутоа, како што рече довербата не ја оправдал.„Па, не би го коментирал него повеќе, јасно кажа Владата. Имаше тој, доволно можност да се размрда, да се покаже како бескомпромисен борец за правдата и против оние случаи каде што има основано сомневање за сторен криминал. Но, очигледно, дека барањето изговори и купувањето време се нечија карактерна особина. Така што мислам дека имаше тој доволно време да покаже, за жал, таа доверба не ја оправда и сега Владата отпочнува еден процес.“, изјави премиерот.Премиерот Мицкоски нагласи и дека чесно и доблесно би било Државниот јавен обвинител самиот да се повлече, со цел да се избере обвинител кој ќе работи против криминалот и корупцијата во државата.„Денеска бев во Парламентот, тој процес се започна во Парламентот, во Парламентот ќе заврши. Така што мислам дека чесно и доблесно од него би било да самиот се повлече и да го скратиме овој период, да можеме да избереме обвинител, кој што бескомпромисен борец ќе биде, против криминалот и корупцијата во Македонија.“, рече премиерот.

Македонија | пред 1 година

„Сложни попови и во петок мрсат“: пратениците не се откажуваат од вртоглаво големи суми за патни трошоци

Дел од пратениците кои земаа вртоглави суми на пари за патни трошоци, ќе можат да продолжат да го прават тоа. Пропадна обидот за намалување на сумите за патарини, гориво, амортизација на возилата. Левица не доби поддршка од владејачкото мнозинство. Левица поднесе предлог – законот за ограничување на патните трошоци, со цел трошокот да се намали на 6,5 литри гориво на поминати 100 километри (околу 500 денари).Тоа би значело ако некој пратеник патува дневно 200 километри во два правци ќе земе околу 1.040 денари, наместо 3.200 кои ги зема сега за 200 километри.„Честито нови милиони евра, колеги патриоти. Со здравје да си ги трошите“, напиша лидерот на Левица, Димитар Апасиев, откако предлог-законот за ограничување на патните трошоци за пратениците не беше усвоен и не беше ставен на дневен ред на денешната седница.Иако во собраниската сала имаше 100 присутни пратеници, „за“ гласаа 23 пратеници, еден беше „против“, а немаше „воздржани“. Со тоа предлогот на Левица не беше усвоен.Досега, јавноста беше сведок на исплати од илјадници евра за пратениците од другите градови кои патуваат за да се појават на седници.

Македонија | пред 1 година

Екссоветничката на Заев уште не знае дали ќе поднесе оставка од Судскиот совет по интерпелацијата

Членот на Судскиот совет, Тања Чачарова-Илиевска ја примила интерпелацијата и најави дека ќе одговори на истата. Немаше конкретен одговор дали ќе понесе оставка, бидејќи интерпелацијата не го наложува тоа, но доколку се изгласа недоверба тоа ќе значи дека тие кои ја избрале веќе не сметаат дека треба да биде дел од највисокото судско тело.„Ја примив интерпелцијата вчера, за став не сум подготвена сега. Ја прочитав, но немав можности за добро да ја разгледам. Тоа што ми падна во очи дека тоа не е за интерпелација на Тања Чачарова-Илиевска на Судскиот совет, него упатува за интерпелација на Судскиот совет. Упатува на колективна одговорност. Јас кажувам дека одговорноста мора да биде индивидуална иако Судскиот совет е колективно тело. Ние сите гласаме, и зависно на секој засебен глас се носи одлуката“, рече Чачарова-Илиевска.„Сметам дека добро треба да анализирам, па тек тогаш ќе имам одговор на вашето прашање за оставка“, рече Тања Чачарова-Илиевска.При назначувањето на Чачарова-Илиевска, тогашниот претседател на ВМРО-ДПМНЕ, Христијан Мицкоски, реагираше дека таа е финансиер на СДСМ, советник на Заев и владин член на бордот на Телеком.[caption id="attachment_321665" align="alignnone" width="1135"] Screenshot[/caption]

Македонија | пред 1 година

„Црната листа“ на УЈП: еве кои се фирми должат на државата, над 5 илјади должници се истите од минатиот период

Управата за јавни приходи ја објави листата на должници. Листата ги опфаќа долговите доспеани до 31.10.2024 и неплатени до 31.01.2025.Вкупниот број на должници објавени на оваа листа изнесува 5,705. Нивниот вкупен долг е 11,053 милиони ден.Од претходната листа бр. 01/2025, се повторуваат 5,567 должници, од кои: 3,158 должници имаат зголемен долг за 137,5 милиони денари. 271 должници имаат намален долг за 159,4 милиони денари. 2,138 должници имаат непроменет долг“, објави директорката Елена Петрова.На листата се објавени нови 138 должници, со вкупен долг од 93 милиони денари. За нив, УЈП при следна објава ќе даде информации за преземени мерки за наплата.„309 должници од Листата бр. 01/2025, со вкупен долг од 349,7 милиони денари, не се наоѓаат на Листата бр. 02/2025. За првпат, на Листата бр. 02/2025 се објавени информации за преземени мерки за наплата кај 100 даночни должници. ⚖️ Ова не се смета за даночна тајна според Законот за даночна постапка и додава дополнителна транспарентност на Листата“, додава Петрова.[pdf-embedder url="https://skopje1.mk/wp-content/uploads/2025/02/08-1179-1_Lista_na_dolznici_br.02_10.02.2025.pdf"]

Македонија | пред 1 година

Пред пратениците можност за намалување на патните трошоци; „Земаат вртоглави суми, а не донираат за болни дечиња“, пишува доктор Лазаров

Пратеникот Димитар Апасиев од Левица објави дека денеска е денот „Д“ за ограничување на патните трошоци кои ги земаат пратениците, а докторот Ненад Лазаров објави дека досега ниту еден пратеник не донирал пари за лекување на деца преку платформата „ECrowd.mk“. Двете работи се врзуваат со тема која со години ја фрустрира јавноста, со оглед дека илјадници евра народни пари се исплаќаат за народните избраници да можат да одат од дома до работа и назад.„Според сегашната манипулативна методологија, за секои извозени 100 km пратениците наплаќаат по околу 1.700 денари на име "ПАТНИ ТРОШОЦИ" + патарини. Ние предлагаме овој трошок да се намали на 6,5 литри гориво на поминати 100 km (што би било околу 500 денари). Денес е денот Д. Да видиме како ќе се изјаснат пратениците на пленарната седница закажана во 11:00 часот...“, напиша Апасиев.Вчера пак, докторот Ненад Лазаров ги просва пратениците за кои рече дека земаат вртоглави суми за патни трошоци, дали им е брука да вртат глава на страна кога има апели за помош.„Ниеден пратеник од Собрание на Република Северна Македонија до сега нема донирано за болните дечиња за кои Фондација ECrowd.mk се бори заедно со родителите и народов! Гледам сега вртоглави суми за патни трошоци се земаат и понатака, добро бе, нели ви е само малку барем срам на сите до еден, познати и непознати, илјадници евра да искеширате, нели ви е брука глава да вртите на апели за помош? 4 години возиме бесплатни домашни посети низ Скопје, исто така еден денар поддршка и помош, 5 литри бензин да помогневте и 2 завои, каква ви е таа душа а сигурно секојдневно ги гледате апелите за донации? И треба ли од такви ко вас да очекуваме дека за народ се грижите? Јас ќе ви кажам, срам ми е од секој еден од вас“, напиша Лазаров.

Македонија | пред 1 година

Средношколки прегазени од мотоцикл во Скопје - семејството: Возачот свесно не закочил

Две средношколки биле прегазени од мотоцикл додека оделе кон училиште минатиот вторник, сведочи семејството на едно од девојчињата за „Скопје1“. Тие посочуваат дека мотоциклот свесно не закочил, а не им укажал ниту помош. Според сведочењето на девојчињата, помош им укажале лица кои се движеле со камионче. За кратко, лицето со мотоциклот се вратило, па и кажало на прегазените дека можат да се договорат, да не помислуваат да викнат полиција. Девојчињата со Брза помош биле однесени во болница. Настанот се случил кај Цементара во правец кон средното училиште „Марија Кири Склодовска“.Ирена Стојчевска, мајка на една од средношколките раскажа што се случило и на што се сомневаат.„Тој што го возел моторот и бил позади нив свесно не закочил и удрил во нив по што не им укажал помош и си продолжил.Девојчето е со огромни болки модрици и рани, контузии користејќи цело време Бруфени за да се ублажат болките. Полицијата ги пронашла двете момчиња и ги идентификувала. Интересно е дека патеката која има сообраќаен знак за велосипеди во поголем дел е единствена патека. Над неа има патека за пешаци која по стотина метри завршува како влез во зграда, а долу на патот останува една заедничка тесна патека која е и единствен тротоар и патека за велосипед. При што од полицијата е укажано дека смее да се движат мотори од 50 кубика, а тоа е единствен тротоар на кој што може да се движат и пешаци“, вели Ирена Стојчевска, мајка на едно од девојчињата.„Скопје1“ побара став и од МВР, од каде велат дека направиле увид на местото и составиле записник.„Во врска со вашето прашање околу случена сообраќајна незгода од 04.02.2025 година на булеварот „Србија“ во Скопје ве информираме дека од страна на ОУСН при СВР Скопје е извршен увид на лице место, односно од страна на полициски службеници биле превземени сите увидни дејствија. Воедно, поднесено е и писмено известување до ОЈО-Скопје и во понтамошната постапка ќе следи соодветна пријава по комплетирање на целокупниот увиден материјал“, велат од МВР.Мајката посочува дека револтот кај нив е голем од причина што девојчињата се удрени и никој не чувствува вина за настанот.„До кога вака малолетниците ќе дивеат по скопските улици и тротоари и прашањето ми е дали требаше некој да биде жртва во ситуацијата за да се преземаат соодветни мерки против сторителите?“, прашува мајката Стојчевска.Семејството и само водело истрага, па успеало да стигне и до лицата за кои се сомневаат дека биле на мотоциклот. Оттука, се наметнува можноста, тие да се и малолетни.

Скопје | пред 1 година

Кој е Љупчо Коцевски кој завршил Правен на 32 години, а Владата сака да го смени по само една година мандат?

Владата не мисли дека државниот обвинител Љупчо Коцевски, кој на 32 години дипломирал на Правниот факултет, добро го научил или применува правото.Иако беше очекувано неговото предвремено збогување со функцијата, Коцевски самоуверено настапуваше дека со неговиот избор за државен обвинител работите тргнале на подобро.Коцевски минатата година ги исполни условите за заминување во пензија бидејќи наполни 64 години. Доколку помине процедурата за разрешување која ја иницираше Владата и гласаат најмалку 61 пратеник, Коцевски заминува во пензија бидејќи нема да има право на апанажа.Кој е Љупчо Коцевски? Од адвокат директно во Вишо, па во Државно обвинителство.Еве што стои во неговата биографија:Јавниот обвинител на Република Северна Македонија Љупчо Коцевски е роден на 01.08.1960 година во Тетово.Дипломира на Правниот факултет при Универзитетот „Св. Кирил и Методиј“ – Скопје во 1992 година, а во 1994 година положил правосуден испит.Од 1995 до 2008 година работел како адвокат во Тетово. Во обвинителството е од 05.11.2008 година, кога е избран за јавен обвинител во Вишото јавно обвинителство Гостивар. Во текот на обвинителската кариера, Коцевски бил член на Управниот одбор и на Комисијата за полагање завршен испит на Академијата за судии и јавни обвинители „Павел Шатев“, член на Извршниот одбор на Здружението на јавните обвинители, како и член на работни групи за подготовка на повеќе закони.На 18.01.2022 година Советот на јавните обвинители го избра за јавен обвинител во Јавното обвинителство на Република Северна Македонија.Во републичкото јавно обвинителство е раководител на Одделението за мета податоци и мерки за следење на комуникациите и претседател на Комисијата за утврдување дисциплинска одговорност на јавен обвинител во вршење на јавнообвинителската функција.Собранието на Република Северна Македонија на 13.02.2024 година го именуваше Коцевски за Јавен обвинител на Република Северна Македонија.

Македонија | пред 1 година

Масовен балистички напад на Киев, станбени згради горат во метрополата: „Вака Владимир Путин сака да ја заврши војната!“

Во раните утрински часови, руската војска извршила ракетен напад врз Киев, објавија украинските власти, а пренесува Ројтерс.„Вака Путин сака да ја заврши војната. Русија изврши ракетен напад врз Киев и неговата околина“, објави Андриј Јермак, началник на кабинетот на украинскиот претседател Володимир Зеленски. Градоначалникот на Киев Виталиј Кличко изјави дека најмалку едно лице загинало во нападот, а избувнале и неколку пожари во станбени и нестанбени згради. Меѓу повредените има и деветгодишно дете.Во раните утрински часови во средата, руската војска извршила ракетен напад врз Киев, објавија украинските власти, а пренесува Ројтерс. Лицето кое загина е убиено во областа Оболонски, објави на Телеграм, Државната служба за вонредни состојби (СЕС) на Украина. СЕС додаде дека уште едно лице е повредено во областа и дека се уништени две деловни згради - од кои едната се запалила.Предупредувањето за воздушен напад се појави само на самиот почеток на нападот, што сугерира дека украинската одбрана не можела навреме да го открие нападот со радар. Сè уште не е официјално познато кои проектили употребила руската војска во оваа прилика.

Свет | пред 1 година

Мицкоски му сплете „свилен гајтан“: Љупчо Коцевски на пат да биде државен обвинител со најкраток мандат

Љупчо Коцевски од функцијата државен јавен обвинител, најверојатно ќе се збогува за нецела година откако е избран, наместо за шест години колку што му трае мандатот. Иако секогаш во одбрани медиуми, милуваше да каже: „Јас како државен обвинител“, или: „Откако јас сум државен обвинител“, па да се пофали дека многу работи, од транспарентност до ефикасност, сепак изгледа ќе биде државен обвинител кој бил најкратко ја извршвувал највисоката фиункција во хиерархијата на Обвинителството.Иако со некои потези се обиде да и угоди на Владата, таа сепак одлучи да отпочне активности за разрешување на државниот обвинител Љупчо Коцевски.Постапката за предвремено разрешување е регулиран со Законот за јавно обвинителство од 2020 година и како што стои во одредбите треба да спречи политизација во изборот и разрешување на првиот обвинител. Законот предвидел: Владата на Република Македонија, по претходно прибавено мислење од Советот на јавните обвинители на Република Македонија, до Собранието на Република Македонија да поднесе предлог за разрешување на Јавниот обвинител на Република Македонија.Јавниот обвинител на Република Македонија се разрешува од функцијата јавен обвинител пред истекот на мандатотво следните случаи:– поради тешка дисциплинска повреда од членот 91 алинеи од 1 до 6 од овој закон ако повредата е сторена со намера или очигледна небрежност по вина на Јавниот обвинител на Република Македонија, без оправдани причини и ако повредата предизвикала тешки последици или ако е член во политичка партија.Иницијатива за разрешување на Јавниот обвинител на Република Македонија може да поднесе Советот на јавни обвинители на Република Македонија, во која ќе ги наведе причините, околностите и фактите од кои се раководел за поднесување на иницијативата.Владата на Република Македонија предлогот за разрешување на Јавниот обвинител на Република Македонија го доставува до Советот на јавни обвинители на Република Северна Македонија, кој е должен во рок од 15 дена од денот на приемот на предлогот, до Владата на Република Северна Македонија да достави образложено позитивно или негативно мислење во писмена форма.На седницата на Советот на јавни обвинители на Република Македонија на која се расправа по предлогот на Владата на Република Северна Македонија за разрешување на Јавниот обвинител на Република Северна Македонија не учествува Јавниот обвинител на Република Северна Македонија.Јавниот обвинител на Република Македонија има право писмено да се произнесе по предлогот за разрешување.Владата со предлогот за разрешување задолжително го доставува до Собранието на Република Македонија и мислењето.Ако Советот на јавни обвинители на Република Македонија од оправдани причини во определениот рок не достави мислење до Владата рокот се продолжува за уште 15 дена. Ако и во овој рок Советот на јавни обвинители на Република Македонија не достави мислење, се смета дека не го поддржува предлогот на Владата.Јавниот обвинител има право да присуствува на седницата на Собранието и да се произнесе по предлог на Владата за негово разрешување.Како тешки дисциплински повреди кои се основ за предвремено разрешување се сметаат намерно или неоправдано правење на крупни професионални грешки, било каква судска пресуда и затворска казна помала од 6 месеци, потоа за дело сторено како обвинител, неизземање во случаи кога требало да се изземе од постапување, издавање на класифицирани информации од истрага и од судења, недолично донесување и кршење на јавен ред и мир, неподнесување изјава за имотна состојба.Владата по само еден ден од самопофалбите на Коцевски во интервју за „Алфа“, соопшти дека аргументите за отпочнување на постапката за разрешување на Коцевски се последниот извештај за Индекс на перцепција за корупцијата за 2024-тата година и назначувањето на вршител на должност на раководител на скопското Вишо Јавно обвинителство, чии раководител и заменик раководител се суспендирани поради истраги и постапки за законско прекршување, кои според Владата се незаконски.

Македонија | пред 1 година

Караница за сообраќај резултирала со вадење пиштоли и убиство во Чаир

Недоразбирање во сообраќај е причината за расправијата во Чаир. По караницата, почнало пукањето. Неофицијално, според дел од медиумите, кавгата поточно била за паркинг место.Во пукањето, Хебиб Буњаку, син на Екрем Буњаку кој е ексфункционер на ДУИ, бил погоден со еден куршум што го усмртил на лице место. Другото лице, има две прострелни рани, но не е во животна опасност. Има и трето повредено лице кое е на лекување на Комплексот клиники „Мајка Тереза“.Пукањето се случило на полноќ.

Македонија | пред 1 година

Детали за пукањето во Топанско: Двајца повредени, еден загинат, тројца уапсени

Маж на возраст од 35 години е лицето кое почина откако кон него било пукано на подрачјето во Чаир, велат од МВР. Второто лице кое било со загинатиот, е исто така повредено но во стабилна состојба. И трето повредено лице побарало лекарска помош во Комплексот клиники „Мајка Тереза“. За настанот има повеќе уапсени лица.„На 11.02.2025 во 00.06 часот во СВР Скопје, од Градската општа болница „Св. Наум Охридски“ било пријавено дека кај нив со повреди од огнено оружје биле донесени Х.Б.(35) и А.Д.(35), двајцата од Скопје, и дека подоцна Х.Б. починал, а над А.Д. била извршена интервенција и бил задржан на лекување. По преземени мерки било утврдено дека тие претходно учествувале во вооружена престрелка на подрачјето на Чаир. Поради повреди од огнено оружје, во Комплексот клиники „Мајка Тереза“ бил пренесен и Н.Д. од Скопје.Исто така, по преземени мерки, а поради сомнение дека учествувале во престрелката, полициски службеници од СВР Скопје околу 01.40 часот во болницата го лишиле од слобода Б.Б.(39) од Скопје, на подрачјето на Чаир го лишиле од слобода Н.Д.(22) од Скопје, додека, подоцна биле пронајдени и лишени од слобода Р.Р.(41) и К.Т.(28), двајцата од Скопје. Лицата биле задржани во полициска станица и по целосно расчистување и документирање на случајот, ќе бидат поднесени соодветни пријави“, велат од МВР.

Скопје | пред 1 година