ТОП

На Клиника за ортопедија извршена втора успешна трансплантација со коска од починат донор

Уште една успешна трансплантација со коска од починат донор, втора во изминатово деноноќие.Трансплантацијата е извршена на 19 годишен пациент за корекција на деформитет на стапало како резултат на церебрална парализа.- Во минатото корекција на деформитет се правела со користење на дел од надворешната коска на потколеницата која се земала од пациентот. Притоа се појавувал дефект кој тешко се корегирал. Со користењето на коска од кадавер, оперативниот зафат трае многу пократкои не остава дефект на друго место кај пациентот, а и корекцијата е многу постабилна.Екипата која ја изврши трансплантацијата ја предводеше проф. д-р Зоран Божиновски со анестезиологот д-р Лилјана Ангелеска и асистенти д-р Теодора Божиновска и Кристина Јордановска, заедно со средно-медицинскиот кадар Менче Дојчиновска и Оливера Лазаревска.Експертизата и стручноста остануваат наш императив и силно сме фокусирани на нови методи и процедури во трансплантацијата, вели проф.д-р Билјана Кузмановска, национален координатор за трансплантација.

Македонија | пред 1 година

Левица: Засрамувачки е што спикерот Гаши се обидуваат да спечали етнички поени со кршење на деловничките норми

Изјавите дека интерпелацијата нема правно обврзувачко дејство е елементарно непочитување на Уставот и на законодавниот дом, како највисок орган кој врши контрола над работата над избраните и именуваните функционери, реагира Левица за игрите и толкувањата по изгласување на интерпелацијата на Даути од Европскиот фронт.,,Интерпелацијата за пратеничката од Алијанса за Албанците беше изгласана со апсолутно мнозинство од страна на пратениците, односно со 61 пратеник, што директно ја имплицира тежината на политичката одлука. Доколку апсолутно мнозинство од 61 пратеник е доволно дури и за изгласување на недоверба на влада, нејасно е како одредени политички чинители свесно го деградираат Уставот и изјавуваат дека ова мнозинство не е доволно за разрешување на претседател на собраниска комисија”, велат од Левица.Левица очекува пратеничката Даути да ја демонстрира својата политичка одговорност и да го сочува својот интегритет како пратеник во Собранието, со тоа што ќе го испочитува усвоениот Заклучок во Собранието, каде јасно е прецизирано дека Даути, како претседател на собраниска комисија, го прекршила Деловникот на Собранието.,,Во спротивно, Левица е подготвена да иницира предлог за разрешување до собраниската Комисија за прашања на изборите и именувањата, со која претседава пратеникот од редовите на ДПМНЕ, Ѓорѓија Сајкоски. Очекуваме владејачкото мнозинство да го предложи ваквиот издржан предлог на Левица, со цел заштита на законодавниот дом од самоволието на одредени политички чинители.Воедно, со цел да ги разјасниме неуставните толкувања во јавноста, потенцираме дека правните норми се јасни: владејачкото мнозинство преку собраниската комисија има правна можност и обврска да ја разреши Илире Даути, доколку таа продолжи да го крши Деловникот и не си поднесе оставка од функцијата претседател на комисијата. За Левица, Илире Даути со изгласаната интерпелација е разрешена од претседател на Комисијата за социјална политика, демографија и млади. Засрамувачки е што спикерот Гаши и неговата партија се обидуваат да спечалат етнички поени врз кршење на законските и деловничките норми и продолжуваат со деструктивните политики каде што застана ДУИ”, велат од Левица.

Македонија | пред 1 година

Ќе провејува и снег - детали за времето

МИНИМАЛНИ ТЕМПЕРАТУРИ (во °С)-10 Попова Шапка, -7 Маврови Анови, Крушево, -6 Берово, -3 Битола, Дебар, Прилеп, Тетово, Крива Паланка, Претор, -2 Охрид, Виница, Куманово, Штип, -1 Скопје-Зајчев Рид, Скопје-Петровец, Кавадарци, Струмица, Демир Капија, 0 Велес, 2 Гевгелија.НАВРНАТ ВОДЕН ТАЛОГ ВО ИЗМИНАТИТЕ 24 часа (во l/m2)2 Демир Капија, Велес, 1 Скопје-Петровец, Попова Шапка, Кавадарци, Берово, Тетово, Крушево, Дебар.ВИСИНА НА СНЕЖНА ПОКРИВКА во 07 часот (во сm)60 Попова Шапка, 53 Маврови Анови, 36 Крушево, 28 Битола, 25 Дебар, 24 Тетово, 21 Штип, 20 Демир Капија, 18 Берово, Прилеп, 14 Претор, 12 Виница, Струмица, 8 Охрид, 4 Крива Паланка.ВРЕМЕТО ДЕНЕСКАПроменливо облачно и студено наместа со повремен слаб снег. Ќе дува слаб до умерен ветер од северен правец.Максималната температура ќе биде во интервал од -2 до 5 степени.Во Скопје променливо облачно и студено со услови за провејување на слаб снег. Ќе дува слаб до умерен ветер од северен правец.Максималната температура ќе достигне до 4 степени.

Македонија | пред 1 година

Блинкен: Хезболах ги надомести речиси сите загуби што им ги нанесе Израел

Американскиот државен секретар Антони Блинкен рече дека Хамас регрутирал речиси исто толку милитанти колку што изгубил во израелските напади, нагласувајќи го американскиот скептицизам за долгорочните изгледи на израелските напори да ја уништи групата од нападот на 7 октомври 2023 година.„Секогаш кога Израел ги завршува своите воени операции и се повлекува, милитантите на Хамас се прегрупираат и повторно се појавуваат бидејќи нема ништо што да ја пополни празнината“, рече Блинкен во вчерашниот говор во Атлантскиот совет во Вашингтон.Според Блумберг, Блинкен ја нарече способноста на Хамас да продолжи со регрутирање борци „рецепт за вечен бунт и вечна војна“.Тоа е способноста на Хамас да ги надополни своите редови, според Блумберг, тоа е една од причините зошто САД продолжуваат да вршат притисок врз израелската влада да влезе во прекин на огнот што на крајот ќе доведе до крај на конфликтот во Газа. Блинкен рече дека администрацијата на Бајден одамна го предупреди Израел дека Хамас, прогласен за терористичка организација од САД и Европската унија, не може да биде поразен само со воени кампањи.

Свет | пред 1 година

Новак беше прашан за рекордот на Грен слем што го постави: И кога победувам или кога губам давам се од себе

Новак Ѓоковиќ, најдобриот тенисер на сите времиња, се пласираше во второто коло на Австралија опен победувајќи го Хаиме Фарија со 6:1, 6:7(4), 6:3, 6:2. После тоа зборуваше за она што си го забранил, но не само за тоа.Ѓоковиќ го одигра 430. меч на Грен слем турнирите и со тоа стана апсолутен рекордер. Сега е сам на вечната листа.„Го сакам овој спорт, сакам да се натпреварувам, се трудам секогаш да бидам најдобро. Се натпреварувам на највисоко ниво повеќе од 20 години и кога победувам или кога губам давам се од себе. Грен слемовите се најважни, ги мотивираат децата, кога бев дете првото нешто на што се сеќавам е финалето на Вимблдон. Гренд слемовите постојат повеќе од 130 години и среќен сум што денеска соборив уште еден рекорд“, рече Ѓоковиќ.Во тениските кругови одекна изјавата на Данило Медведев по мечот во кој го мачеше 418. играч на светот Тајланѓанецот Касидит Самреи, а сега Новак ја искористи за да го коментира мечот против Португалецот.„Мислам дека добро му одговорив. Медведев вчера губеше со 2-1, па како што вели мудриот Медведев, ако продолжи вака следната генерација, ќе имаат се - пари, девојки, казина... Послужи практично два први сервиси цел меч и како што кажав јас на интернет, тој има светла иднина пред него иднината. Слободното време го поминувал и сурфајќи. Додуша, тој беше само поддршка. Си забранил да се занимава со такви активности. Бев морална и ментална потпора, но повеќе бев поддршка за сопругата и децата. Можеби ќе се обидам по турнирот, не сакав да ризикувам. Тие беа одлични, брановите беа малку преголеми за Тара, па и дадов емотивна поддршка“, заврши Ѓоковиќ.

Спорт | пред 1 година

Ѓоковиќ го собори рекордот на Федерер

Српскиот тенисер Новак Ѓоковиќ беше сам во историјата на најголемите турнири во спортот кога зачекори на теренот на „Род Лејвер Арена“ за натпреварот од второто коло на Австралија Опен.Дуелот против Хаиме Фарија е негов вкупно 430-ти на Грен слем турнирите и сега никој не е пред него.Пред пресметката со Португалецот беше израмнет со Роџер Федерер (429), но сега пред себе го остави и Швајцарецот.Да потсетиме, Новак дебитираше на еден од четирите најголеми турнири во Мелбурн, а во меѓувреме на тоа место победи 10 пати.

Спорт | пред 1 година

Во тек е огромен ракетен напад врз Украина, експлозии во милионски град

Во тек е масовен руски напад врз Украина со крстосувачки ракети и беспилотни летала. Во целата земја е најавена опасност од воздушни напади.Силни експлозии се слушаат во Харков, вториот по големина град во Украина, со еден милион жители. Како што таа ги предупреди украинските воздухопловни сили, шест групи крстаречки ракети летаат кон регионот на Киев.Се стравува дека можна цел е киевската хидроцентрала на реката Днепар на северот од земјата.

Свет | пред 1 година

Завршена приказна е пратеничката која го блокираше Законот за бранители, изгубена доверба значи оставка, вели Кекеновски

Професорот Јове Кекеновски смета дека пратеничката Илире Даути на која и беше изгласна недоверба, не може да биде претседател на собраниската комисија каде беше заглавен Законот за бранители.„Пратеничката Илире Даути не може и понатаму да ја извршува функцијата Претседател на собраниската комисија. Таа ја изгуби довербата на своите колеги. Во современи и демократски држави изгубената доверба автоматски значи оставка и тоа се прави на мирен, цивилизиран, доброволен и достоинствен начин - а собраниското мнозинство само ја констатира оставката.Доколку не си поднесе оставка тогаш на потег е Комисијата за избори и именувања која треба да предложи друг кандидат за претседател на комисијатата и Собранието да изгласа нов претседател. Нека прекинат пратениците да импровизираат и погрешно да ги интерпретираат одредбите од Деловникот за работа на Собранието. Приказната е завршена“, напиша тој.Илире Даути очекува претседателот на Собранието Африм Гаши да свика пленарна седница, на која ќе биде укинат заклучокот што беше усвоен минатиот петок во врска со барањето за нејзино отповикување од позицијата претседател на Комисијата за социјална политика.Тоа што беше изгласана интерпелација на пратеничката Илире Даути за позицијата претседателка на Комисијата за социјална политика, демографија и млади, нема правни последици, повтори денеска, 14 јануари, претседателот на Собранието Африм Гаши, по низата партиски реакции.„Важно е да се напомне дека интерпелацијата, по својата природа, не носи правни последици или ефекти. Мојата улога како Претседател заврши по завршувањето на процесот на интерпелација, како што се случи во случајот со интерпелацијата поднесена против мене пред неколку месеци. Прашањата како што се разрешувања или оставки се процедури на Комисијата за прашања на изборите и именувањата, пратеничките групи или пратениците“, вели Гаши.Илире Даути не дозволуваше Законот за бранители да биде ставен на дневен ред и го блокираше. Поради ова беше поднесена интерпелација.

Коментари | пред 1 година

Полицаец истепан од затвореник во Идризово

Вчера во 21.30 часот во СВР Скопје било пријавено дека во Казнено – поправната установа Затвор Идризово, осуденикот В.М. физички нападнал затворски полицаец.По целосно документирање на случајот ќе биде поднесена соодветна пријава.

Скопје | пред 1 година

Пожар во Поликлиниката Чаир, нема повредени лица

Вчера во 07.35 часот во СВР Скопје, од Поликлиниката Чаир било пријавено дека настанал пожар во една од просториите во установата. Од екипа на Бригадата за противпожарна заштита Скопје пожарот бил изгаснат, а повредени лица нема.Увид бил извршен од екипа на СВР Скопје.

Скопје | пред 1 година

Дечко и девојка се истепале пред кафеана во Аеродром

Денеска во 01.24 часот во СВР Скопје било пријавено дека околу 01.00 часот на паркинг простор пред угостителски објект на подрачјето на општина Аеродром, по претходна расправија, бил нарушен јавниот ред и мир со физичка пресметка помеѓу Ф.Н.(27) и неговата девојка И.Т.(28), двајцата од Скопје.По целосно документирање на случајот ќе следува соодветен поднесок.

Скопје | пред 1 година

Николоски: Недостасуваа 13 милиони евра за да се доврши експресниот пат Градско – Дреново

Работниците беа повлечени и активности на терен немаше, не беа решени косините и недостасуваа околу 13 милиони евра за да се доврши реализацијата на овој експресен пат, истакна вицепремиерот Николоски на пуштањето во употреба на експресениот пат Градско - Дреново.Но со посветен работа, со огромна подршка на премиерот успеавме за месец дена да го решиме тоа што претходната влада не успеа за година и половина и денеска да имаме завршен експресен пат, додаде вицепремиерот Николоски.„Изведувачот се спремаше за арбитража, веќе првите чекори беа преземени и работниците беа повлечени. Причината беше претходната Влада која година и половина не сакала да потпише два адендума, Адендум 3 и 4, кој што беа договорени со ДЕУ и не сакала да формира Комисија која што ќе ги спроведува.Новата Влада за само месец дена ја формираше Комисијата, истата се формираше на крајот од јули, во тек на август се работеше на содржината на овие два адемндуми и на 12 септември проблемите се решија. Од 12 септември до буквално Нова година се работеше, се заврши комплетно и сакам да честиттам на сите бидејќи имаме експресен пат.Овие работи треба да се кажат бидејќи народот треба да знае кој работи а кој не работи. Овој пат денеска што го гледате е реален и не е направен со вештачка интелегенција како што го имаше во одредени пропагандни спотови во изборите и ова е најдобра подршка зошто оваа влада треба да биде подржувана од народот за уште поубави проекти“, се обрати пред присутните вицепремиерот Александар Николоски.

Македонија | пред 1 година

Сомнежот е дека администрацијата излегла на протест од политички побуди, вели Митева и додава: Спремни сме да прифатиме предлози

Владата е партнер на сите. Спремни сме да ги прифатиме сите предлози и сугестии. Ова е во насока на висока подготвеност која ја имаме да разговараме за сите теми. Но дозволете ми да истакнам дека нè изненадува фактот што токму УПОЗ како прв чекор го презема штрајкот наместо дијалогот кој е прв демократски начин и метод за функционирање.Ова денес го истакна Марија Митева, портпарол на Владата на Република Македонија.„Сакам да ја потсетам јавноста дека за само 6 месеци постигнавме договор за зголемување на платите во здравството, образованието, а се зголемија и пензиите. Обезбедивме додаток на плата и К-15 за сите вработени, а подготвени сме да разговараме на секоја тема. Но, дозволете ми да истакнам дека секој штрајк треба да биде најавен согласно законот, да биде спроведена и постапката за помирување и да се определат можни работи кои би требало да се вршат. Поради тоа што ниту една од овие работи не е исполнета, тоа остава простор за силен сомнеж дека овој штрајк е политички мотивиран. Повторувам, Владата е отворена за секаков вид предлози и сугестии. Има бројни механизми преку кои можат да се отворат овие прашања. Интересно е тоа што изминатите години овој синдикат молчеше за ова прашање, па отворено се сомневаме дека зад ваквиот чекор стои политичка позадина. Дали на овој начин се злоупотребува синдикалното движење? И ние гледаме реално на работите и ние самите не сме задоволни од платите во администрацијата, меѓутоа дијалогот е вистинскиот начин за изнаоѓање решенија“, рече Митева.Владата не е задоволна од нивото на платата на администрацијата, но, тврдат дека дијалогот е вистинскиот начин за изнаоѓање на решение.

Македонија | пред 1 година

Полицијата полека го склопува мозаикот, истрагата тргна во друга насока: Откриено како започнала катаклизмата во Лос Анџелес?

Најмалку 24 лица загинаа во невидените шумски пожари во Лос Анџелес, а полицијата сега наводно се фокусира на можноста пожарот да бил предизвикан од човечки активности.Неколку извори изјавија за NBC News дека пожарот можеби бил предизвикан од огномет или од невнимателни кампери кои го поминувале слободното време во областа.Тие, сепак, нагласуваат дека се уште не се донесени заклучоци, а се уште не е исклучено подметнување пожар кој однесе 24 животи и предизвика невидена материјална штета.Пожарите уништија повеќе од 40.000 хектари, а повеќе од 12.300 згради исчезнаа во пожарот, пренесува NBC.Поголемиот дел од тоа уништување беше предизвикано од првиот пожар во Палисадес. Изгореа 24.000 хектари, а само 14 отсто се под контрола, според Cal Fire.Пожарите горат веќе една недела, а официјалните лица се уште не ја идентификуваат причината за ниту еден од нив.Многу жители на Лос Анџелес кои мораа да ги напуштат своите домови сега стравуваат дека наскоро ќе се соочат со огромно зголемување на цената на сместувањето при изнајмување.Ен-Би-Си разговараше со семејство на кое еден ден претходно му беше понудена куќа со пет спални во Санта Моника за 28.000 долари месечно, а цената на истата куќа пред една година беше повеќе од половина од тоа.- Нема да го закупиме, продолжуваме да бараме, велат тие.Томпсон, неговата сопруга и нивните две деца мораа да се иселат минатата недела, а иако нивната куќа сè уште стои, не знаат колкава е штетата и кога дури ќе можат да се вратат во Пацифик Палисадес.Во Калифорнија е забранета практиката на покачување на цената на киријата, позната во САД како „зголемување на цените“ и секој што ќе наиде на тоа може да го пријави на властите.– Ова е неприфатливо и незаконски, изјави Жаки Ирвин, локален функционер кој го претставува населението во Западен Лос Анџелес.Сето ова доаѓа во пресрет на најавеното враќање на силните ветрови кои се закануваат да предизвикаат нови огромни пожари.Пожарникарите, тврдат, сега се подобро подготвени.- Силните ветрови би можеле да ги приземјат авионите за гаснење пожари доколку достигнат брзина од 70 милји на час, тој пожар би бил многу тешко да се контролира, но сега дефинитивно сме подобро подготвени, изјави началникот на пожарникарите во округот ЛА, Ентони Мароне.

Свет | пред 1 година

Администрацијата протестира: Покачување од 30 отсто на платите што почнуваат од 25.010 денари

Почнувајќи од 14 јануари вработените во министерствата за екологија, земјоделство, за дигитална трансформација, правда, култура, економија и труд, транспорт, Државниот завод за статистика и Архивот почнуваат со протести. Трпе Деаноски, претседател на Синдикатот на УПОЗ, посочи дека ги избрале овој датум, бидејќи се совпаѓа со закажаната седница на Владата, на која апелираат да се дискутира за додатот на плата од 30 отсто и конечно да се реши овој долгогодишен проблем.„Иако предлог-колективните договори беа доставени до Министерството за финансии пред носењето на државниот буџет за 2025 година, од за нас неразбирливи причини Министерството за финансии не одобри средства за потпишување колективни договори. Висината на платите на вработените во институциите што денес протестираат почнува од 25.010 денари. Просечната плата во овие институции изнесува приближно 29.000 денари, а просечната плата во државата е 42.124 денари. Додатокот што го бараме од 30 % значи дека вработените би добиле 6.000 денари, износ што би бил зголемен на нивната плата, но и покрај тоа, сите вработени ќе бидат под просекот на државата. Ова наше барање е старо повеќе од четири години. За овој додаток на плата сме протестирале и сме штрајкувале со години, но, за жал, ниедна влада досега не го слушна нашиот глас“, рече Трпе Деаноски, претседател на Синдикатот на вработените во управата, правосудните органи и здруженијата на граѓаните (УПОЗ).Синдикатот УПОЗ е на став дека вработените во министерствата кои почнаа со протест се дискриминирани во однос на нивните колеги од Службата за општи заеднички работи на Влада, Генералниот секретаријат, Министерството за здравство, образование, финансии кои ги добија 30 те отсто.

Македонија | пред 1 година

Судијка и сопственици на аптеки од Велес, добија обвинение

Основното јавно обвинителство Кавадарци поднесе обвинение против судијка од Основниот суд во Велес, двајца сопружници – сопственици на ланец аптеки и правното лице, кои се товарат за фалсификување службена исправа и за употреба на исправа со невистинита содржина.За фалсификување на службената исправа како продолжено кривично дело е обвинета судијката која во текот на постапката беше и разрешена од судиската функција, додека управителката на ланецот аптеки и нејзиниот сопруг се обвинети за поттикнување при извршувањето на кривичното дело и за употреба на исправите со невистинита содржина.Првообвинетата, постапувајќи во предмет во кој тужители се останатите обвинети, донела пресуда со која им го усвоила тужбеното барање и им утврдила право на сопственост на деловен простор и земјиште под зграда. Иако пресудата не била правосилна и извршна, а тужените навреме изјавиле жалби, судијката поттикната со умисла од сообвинетите, ја заверила со службен печат за правосилност и извршност со што свесно внела невистинит податок во службената исправа. Ваквата службена исправа со невистинита содржина таа ја дала на рака на управителката на правното лице, наместо преку судска достава.Дополнително, како судија во вонпарнична постапка, обвинетата надвор од АКМИС системот за електронско управување со предметите во Судот, составила решение со кое на истите подносители им го усвоила предлогот за привремени мерки за обезбедување непарично побарување, со кое им овозможила на предметниот имот да впишат прибелешка во јавните книги со забрана за отуѓување и оптоварување. Потоа решила привремената мерка веднаш да биде извршна и примерок веднаш да биде доставен до Агенцијата за катастар на недвижности – Одделение за катастар на недвижности Велес. Решението било со невистинита содржина во поглед на податоците за наводно одржаното рочиште, а документот спротивно на судскиот деловник било доставено само до предлагачот.Со посебно решение, таа ја задолжила спротивната страна да ги надомести парничните трошоци на предлагачите во износ од 1.124.308 денари, повторно веднаш давајќи и својство на правосилност и извршност на исправата, иако знаела дека се исполнети законските услови за повлекување на привремената мерка со што парничните трошоци би паднале на товар на подносителот. И ова решение не го доставила до останатите странки во постапката, туку единствено до предлагачот, со што ги оневозможила да користат правен лек – жалба.За да ги прикрие сите противправни дејствија во предметите, обвинетата судијка свесно ги уништила службените документи – повратници и не ги споила сите документи во списите на предметот.Обвинетите сопственици ги употребиле ваквите исправи со невистинита содржина пред Агенцијата за катастар на недвижности за да внесат промени во имотните листови во корист на обвинетото правно лице. Со лажно прикажување факти од судските постапки тие нанеле значителна имотна штета на спротивната страна, а за себе прибавиле значителна имотна корист. Парничните трошоци за постапката ги наплатиле преку извршител, иако знаеле дека барањето за извршување им е засновано на исправа со невистинита содржина.

Македонија | пред 1 година

(Видео) Направи роботски пиштол користејќи ChatGPТ: OpenAI му забрани пристап

OPENAI го прекина пристапот до својот API на инженер кој наводно го користел Realtime API на фирмата за да создаде роботски пиштол што може да реагира на гласовни команди.Човек кој се идентификува на интернет како STS 3D објави вирално видео во кое му наредува на роботот: „ChatGPT, нападнати сме од предната лева и предната десна страна. Реагирајте соодветно“. Потоа се чини дека роботот пука од пушката налево и надесно, а потоа вели: „Ако ви треба повеќе помош, само кажете ми“.OpenAI realtime API connected to a rifle byu/MetaKnowing inDamnthatsinterestingЕден корисник на социјалната мрежа Редит коментирал: „Постојат најмалку три филмови кои објаснуваат зошто ова е лоша идеја“.Портпаролот на OpenAI изјави за Futurism, кој прв ја објави веста, дека тие „проактивно го идентификувале ова прекршување на политиката и го известиле развивачот веднаш да ја прекине оваа активност“.„Условите за користење на OpenAI забрануваат користење на нашите услуги за развој или употреба на оружје или автоматизирање на одредени системи кои можат да влијаат на личната безбедност“, додаде OpenAI.Објавен во јавна бета верзија во октомври, Realtime API на OpenAI им овозможува на програмерите да креираат разговори користејќи шест претходно поставени гласови, потенцијално поедноставувајќи го развојот на јазичните апликации, образовниот софтвер и поддршката за корисници. Таа се заснова на верзијата GPT-4 која го напојува напредниот гласовен режим во ChatGPT.STS 3D не даде никакви информации за тоа како го интегрирал Realtime API со пушката, ниту пак појасни дали ги заобиколува безбедносните контроли на OpenAI поврзани со таквите активности.

Магазин | пред 1 година

Трамп вели дека наскоро ќе се сретне со Путин

Новоизбраниот американски претседател Доналд Трамп изјави во вторникот дека ќе се сретне со рускиот претседател Владимир Путин „многу наскоро“ по преземањето на функцијата следната недела.Тој не даде распоред за средбата, која ќе биде прва меѓу лидерите на двете земји од почетокот на војната на Русија со Украина во февруари 2022 година.Запрашан за неговата стратегија за ставање крај на војната, Трамп изјави за Newsmax: „Па, има само една стратегија и тоа зависи од Путин. Не можам да замислам дека е премногу воодушевен од начинот на кој се одвиваше, бидејќи ниту него не му одеше баш најдобро. . Знам дека сака да се сретнеме, и јас ќе се сретнам со него наскоро“.Американскиот конгресмен Мајк Волц, идниот советник за национална безбедност, во неделата рече дека очекува разговор меѓу Трамп и Путин во „наредните денови и недели“.Руската инвазија на Украина остави десетици илјади мртви, милиони раселени и ја предизвика најголемата криза во односите меѓу Москва и Западот од Кубанската ракетна криза во 1962 година.

Свет | пред 1 година

Општа мобилизација во Лос Анџелес, пристигна најлошата можна прогноза, градот се подготвува за најмрачниот исход

Сѐ што постигнаа пожарникарите од Лос Анџелес со натчовечки напори во последните денови се заканува да падне во вода, откако пристигна прогноза која ја загрижи цела Америка. Целиот град се подготвува за најлошото, за силни ветрови и „експлозивен раст на нови пожари“, пишува Њујорк Тајмс. Десетици илјади евакуирани се обидуваат да најдат засолниште, што го влошува и онака големиот недостиг на станови во градот.Шефот на противпожарната служба во Лос Анџелес, Кристин Кроули, изјави дека нејзините противпожарни екипи се подготвени за посилни ветрови, кои се очекува да ја зголемат опасноста од пожар, пренесува NYT. „Штрајкувачките тимови и потребната механизација се распоредени низ градот за да се осигураме дека имаме способност брзо да одговориме“, рече таа.Таа додаде дека „опасноста апсолутно не поминала“ и ги повика жителите да ги почитуваат сите наредби за евакуација.Шерифот Роберт Луна од округот Лос Анџелес призна дека е многу загрижен за временската прогноза и силните налети на ветер што ги очекуваат метеоролозите.Предупредувањата за пожар се издаваат од 122 локални канцеларии за прогноза на Националната метеоролошка служба низ САД. Критериумите што се користат за да се одреди дали локалната служба за прогноза ќе издаде предупредување може да вклучува, меѓу другите фактори, веројатнос за појава на гром (која може да запали пожар), силни ветрови и мала влажност.Во овој момент, Националната метеоролошка служба издаде предупредување за „екстремна опасност од пожар“ од Сан Луис сè до Л.А.Според Њујорк Тајмс, Националната метеоролошка служба предупреди дека ветровите би можеле да доведат до „експлозивен раст на пожарот“, предизвикувајќи ретка, „особено опасна ситуација“ предупредување за екстремна опасност од пожари во делови од окрузите Вентура и Лос Анџелес.Организаторите на Оскарите по новите информации од метеоролошката служба повторно го одложија објавувањето на номинациите за Оскарите за 23 јануари. Потсетуваме дека номинациите веќе еднаш се одложени. Откажан е и традиционалниот годишен ручек на Академијата за филмски уметности и науки, кој стои зад Оскарите.Најголемиот пожар, оној во Палисадите на Пацификот, моментално е само 14 отсто под контрола, јавува Би-Би-Си. Во Итон 33 отсто од пожарот е локализиран, пишува Би-Би-Си.Тие понатаму наведуваат дека американските медиуми и нивните метеоролози ветровите кои доаѓаат од правец на Санта Ана, Калифорнија, ги нарекуваат „историски“. Нивната сила се очекува да се намали дури по среда навечер.

Свет | пред 1 година

Бајден: Америка стана посилна, нашите противници послаби, a ние не влеговме во војна

Американскиот претседател во заминување, Џо Бајден, се обиде дополнително да ги истакне своите перформанси во надворешната политика денес, велејќи дека противниците на Америка се послаби отколку кога тој ја презеде функцијата пред четири години, и покрај тековните глобални кризи.Една недела пред да му ја предаде функцијата на новоизбраниот претседател Доналд Трамп, во редок говор во Стејт департментот, Бајден ја пофали поддршката на неговата администрација за Украина во одбраната од руската инвазија и Израел во војните на Блискиот Исток.Бајден рече дека САД „победуваат во глобалната трка“ и дека Кина нема да ги престигне економски како што се предвидува, додека Русија и Иран се ослабени од војните во кои САД не беа директно вклучени.„Во споредба со пред четири години, Америка е посилна, нашите сојузи се посилни, а нашите противници и конкуренти се послаби. Ние не влеговме во војна за да го постигнеме тоа“, рече Бајден.Додека војните продолжуваат да беснеат во Украина и на Блискиот Исток, властите се надеваат дека ќе биде постигнат договор меѓу Израел и палестинската милитантна група Хамас пред Бајден да замине и Трамп да се врати во Белата куќа на 20 јануари.Бајден рече дека преговарачите се блиску до постигнување договор со кој ќе се ослободат заложниците на Хамас во Појасот Газа и ќе се запрат борбите во палестинската енклава за да се овозможи проток на хуманитарна помош.„Толку многу невини луѓе се убиени, толку многу заедници се уништени. Палестинскиот народ заслужува мир“, рече тој.Бајден се соочи со критики за испраќање оружје и за обезбедување дипломатска поддршка на Израел за време на офанзивата во Газа, откако Хамас го нападна јужен Израел на 7 октомври 2023 година, убивајќи околу 1.200 луѓе и заробувајќи повеќе од 250, според израелските податоци.Повеќе од 46.000 луѓе се убиени во Газа од почетокот на војната, според палестинските здравствени власти, при што голем дел од енклавата е уништен, а поголемиот дел од населението е раселено.Демонстрантите во понеделникот го пречекаа Бајден пред Стејт департментот со извици „воен злосторник“. Некои носеа транспаренти, а некои фрлија црвена течност која наликува на крв.Бајден рече дека му помогнал на Израел да ги победи своите противници - Хамас во Газа и Хезболах во Либан, кој е поддржан од Иран. Тој, исто така, ја пофали американската поддршка за Израел за време на двата ирански напади во 2024 година.„На крајот на краиштата, Иран е послаб отколку што беше со децении. Нема сомнеж дека нашите акции значително придонесоа за тоа“, додаде Бајден и го истакна и падот на владата на Асад во Сирија.

Свет | пред 1 година

Јанкулоска: Виновникот за прислушувањето, се надевам ќе се утврди во граѓанска постапка

Ексминистерката за внатрешни работи се огласи на ФБ по денешната ослободителна пресуда зс случајот „Тврдина”.Борбата за правда прододолжува и се надевам дека ако не во кривична постапка, тогаш во граѓанска постапка ќе се утврди кој го вршел прислушувањето, напиша Јанкулоска.Задоволна е од одлуката на судот.„Календарски помина речиси една деценија, а како да поминаа три животи на некој што доживеал длабока старост. Само семејството и релативно мал круг блиски луѓе и пријатели знаат како изгледаа овие години.Задоволна сум од денешната одлука на судот кој ги уважи нашите аргументи. Без оглед што во кривичната постапка не се утврди виновникот за масовното прислушување, што мене како една од најголемите жртви на овој монструозен чин и на моето семејство од корен ни ги промени животите и ни нанесе ненадоместлива штета, борбата за правда прододолжува и се надевам дека ако не во кривична постапка, тогаш во граѓанска постапка ќе се утврди кој го вршел прислушувањето“, напиша Јанкулоска.

Македонија | пред 1 година

Јанкулоска тужи во Граѓански и бара кој го спроведе масовното прислушување, откако Мијалков се спаси во кривична постапка

Судот ги прифатил наводите на одбраната, дека кај Гордана Јанкулоска немало намера ниту умисла да се уништи конкретната опрема. Јанкулоска сега тужи во Граѓански суд и бара виновник за прислушувањето. Ова доаѓа откако пропадна предметот „Таргет“, во кој, му се судеше на ексдиректорот на УБК, Сашо Мијалков како главен за масовното прислушување. Разговори од Јанкулоска беа споделувани и во јавност од екслидерот на СДСМ, Зоран Заев, кој го обзнани скандалот.„Ако не во кривична постапка, се надеваме дека во граѓанска постапка ќе се утврди кој го вршел прислушувањето и да се надомести нематеријалната штета која Гордана Јанкулоска ја има претрпено како една од најголемите жртви на прислушувањето. Гордана Јанкулоска бара“, рече нејзиниот адвокат Влатко Илиевски.Таа како министерка немала информација дека била уништена опремата за прислушувањето, бидејќи кога стигнал извештајот - таа била еден ден пред заминувањето од позицијата. За пресудата од Кривичен, велат дека се задоволни и чекаат да биде потврдена од Апелација.

Македонија | пред 1 година

Началниците од УБК и шефот кај Мијалков добија затворски казни, Јанкулоска нема вина за уништувањето на опремата за прислушување

Судијата Илија Трпков смета дека има вина кај обвинетите во предметот „Тврдина“, кој се однесува на уништувањето на опремата за прислушувањето. Од вина ја ослободи ексминистерката за внатрешни работи, Гордана Јанкулоска. Судијата Трпков ги осуди избеганите Горан Грујовски и Никола Бошковски, како и Тони Јакимовски и Валентина Симоновска. Според судијата, одговорноста за овој предмет ќе ја задоволи барем малку, како што кажа, правдата за прислушувањето во Македонија за кое обвинет беше Сашо Мијалков, но делото му затари - па остана неказнет. Во овој случај, обвинет беше и Мијалков, на кого му застаре делото уште во 2021 година, па товарот остана кај Јанкулоска.Судијата Трпков на Тони Јакимовски, шеф на кабинетот на поранешниот директор на УБК Сашо Мијалков, му досуди три години затвор.На Горан Грујевски, ексначалникот на Петтата управа му досуди казна затвор од 14 години и шест месеци.Никола Бошковски, вработен во УБК доби девет години и 10 месеци затвор.На Валентина Симоновска и беше досудена условна осуда.Според судијата Трпков, Јанкулоска не учествувала во уништувањето на опремата заедно со останатите обвинети.„Обвинетата Јанкулоска се ослободува од обвинение бидејќи јавниот обвинител не докажа надвор од разумно сомневање дека обвинетата го сторила делото за кое се обвинува“, рече судијата Трпков.Според судијата, немало потреба од ништење на системот за следење на комуникациите, но тоа било направено со комисија која ја формирале обвинетите.„Со прислушуваните разговори целата држава се држеше под заложништво. Јас добив впечаток дека обвинетите многу знаат за тоа што се случувало со прислушувањето, како да не сакаат да посочат некого, како да сакаат да скријат некого. Обвинетата Силвана која во текот на постапката почина, си однесе се со нејзе. Кај дел од обвинетите има страв, но и гнев - тоа е личен впечаток“, рече судијата Трпков.Според судот, обвинетиот Горан Грујевски ги сторил кривичните дела „злосторничко здружување“, „злоупотреба на службената положба и овластување“ и „фалсификување службена исправа“; обвинетиот Тони Јакимовски сторил кривично дело „злоупотреба на службената положба и овластување“ и „фалсификување службена исправа“; обвинетиот Никола Бошковски сторил кривично дело „злоупотреба на службената положба и овластување“ и „фалсификување службена исправа“; обвинетиот Сашо Мијалков сторил кривично дело „злосторничко здружување“, „злоупотреба на службената положба и овластување“ и „примање награда за противзаконито влијание“.

Македонија | пред 1 година

Украина го нападна турскиот гасовод во Русија, тврди Москва

Русија денеска соопшти дека Украина се обидела да нападне компресорска станица што го снабдува гасоводот „Турски тек“.Руското Министерство за одбрана соопшти дека противвоздушната одбрана соборила девет украински беспилотни летала кои се движеле кон компресорската станица Рускаја во јужниот руски регион Краснодар.Се вели дека нема жртви меѓу персоналот стациониран на станицата, иако инфраструктурата претрпела мала штета „поради фрагменти од соборените беспилотни летала“. Екипите за итни случаи на ПЈС Гаспром веднаш ги отстранија последиците од паѓањето на отпадот, а опремата е обновена“, се вели во соопштението.Украинските власти се уште не ги коментирале руските тврдења. Турски тек е гасовод кој води од Русија до Турција. Почнува од компресорската станица Рускаја во близина на Анапа во рускиот регион Краснодар, поминувајќи низ Црното Море до терминалот за прием во Кијикој во северозападна Турција.Овој гасовод се состои од два крака од 930 километри, кои се протегаат од Русија до Турција преку Црното Море, и посебен копнен крак од 142 и 70 километри. Првиот крак со капацитет од 15,75 милијарди кубни метри е наменет за снабдување на домашните корисници во Турција, а вториот со уште 15,75 милијарди кубни метри го транспортира рускиот гас понатаму во Југоисточна и Централна Европа.Турски тек беше официјално отворен на 8 јануари 2020 година, а неговата изградба започна во мај 2017 година.

Свет | пред 1 година

„Крупни пропусти од полицијата, истрагата треба да е насочена кон газдата на објектот“, Туфегџиќ ќе ја бара правдата за загинатиот Љупчо

Адвокатот Владимир Туфегџиќ ќе се бори семејството Лешко, чиј син Љупчо почина од струен удар на приватна забава, во изнајмен објект во Радишани. Тој смета дека постапката која ја води скопското Обвинителство треба да биде насокчена кон сопственикот и менаџерот на објектот, објаснувајќи дека го издавале без одобрение. Укажува дека има и пропусти од страна на полицијата.„Во конкретниот случај како адвокат на оштетеното семејството сметам дека постои основано сомневање за сторено кривично дело Тешки дела против општата сигурност и истражната постапка во оваа смисла треба и мора да биде насочена кон сопственикот на објектот како и кон лицето кое го менаџирало објектот преку позната инстаграм адреса со издавање за настани на кои биле собрани поголем број луѓе и со ставање на неисправна и неиспитана музичка опрема на располагање, без одобрение и согласност од надлежен орган“, вели Туфегџиќ за „Скопје1“.Тој смета дека полицијата делувала пристрасно, бидејќи игнорирале факти и докази. Поради недовербата која се зодала поради повеќе работи, Туфегџиќ вели дека му најавил на јавниот обвинител дека заедно со семејството активно ќе учствуваат во предметот.„Од прибраните податоци и докази ценам дека се направени крупни пропусти при увидот на лице место и наместо непристрасна и независна истрага полицијата очигледно имала однапред изградено мислење и теорија дека се работи за несреќен случај и тоа во криминалистиката е познато како пристрасност или заблуда на потврдувањето на состојби, докази и факти каде што се игнорираат сите факти и докази кои се противни на однапред изградениот став, школски пример како не треба да се постапува. На јавниот обвинител му најавивме активно учество во постапката со техничко лице од областа на електротехниката а со цел целосно расчистување на состојбата на работите“, додава тој.Обдукцијата покажа дека Љупчо починал од струен удар. Раде и Кети Лешко, родители на починатиот Љупчо Лешко трагаат по вистината. Го бараат виновникот. Во гостување во поткастот „Претрес“, тие ги раскажаа сите „случајности“.

Македонија | пред 1 година