ТОП

УПОЗ бара средба со Владата, се закануваат со порадикални чекори

Синдикатот на работниците од управата, правосудните органи и здруженијата на граѓани(УПОЗ), денеска поднесе формално барање за средба со премиерот Христијан Мицкоски, соопшти претседателот на синдикатот, Трпе Деаноски.Барањето за средба, доаѓа откако изминатите денови имало, како што ги нарече Деаноски, декларативни соопштенија од страна на Владата преку кои ги канела на средби преку медиумите.„Формално ние не добивме покана за продолжување на дијалог“, рече Деаноски за време на денешниот протест кој вработените во седум министерства и две институции го одржаа пред зградата на Министерството за финансии.Деаноски го изнесе ставот дека дијалогот не се води преку соопштенија и медиуми. Дијалогот, рече, еднострано бил прекинат од страна на Министерството за финансии со одбивање на предложените колективни договори за додаток на плата од 30 проценти за вработените што протестираат.„Вработените очекуваат Владата да покаже разбирање и да ја прифати оваа подадена рака од Синдикатот на УПОЗ за изнаоѓање решение за нашите барања.Во спротивно, повторно ќе ги активираме протестите, а ќе ги искористиме и сите со закон дадени можности за изразување на незадоволството на работниците се до остварување на барањата”, рече Деаноски.Деаноски не ја исклучи можноста и за тужба против државата, но рече дека прво ќе дадат шанса за продолжување на дијалогот.„Имаме разговарано, и вчера на состанокот што го одржавме со синдикалните организации, прво ќе чекаме, ќе дадеме шанса за продолжување на дијалогот, ако не ќе ги продолжиме протестите, се размислува за одење на штрајк и за тужби до државата“, одговори Деаноски.Протестираат вработените во Министерството за животна средина и просторно планирање, Министерството за дигитална трансформација, од Министерството за земјоделство, шумарство и водостопанство, Министерството за правда, Министерство за култура и туризам, Министерството за економија и труд, Министерство за транспорт, Државниот завод за статистика и Државниот архив. Тие веќе четврти ден излегуваат на полчасовен протест пред зградите. Протестите се одржуваа од 11 до 11:30 часот.

Македонија | пред 1 година

Мицкоски: Апелација докажа дека СДСМ е клеветничка партија

Апелациониот суд досуди во корист на премиерот и лидер на ВМРО- ДПМНЕ, Христијан Мицковски против партијата СДСМ за клевета.СДСМ на својот профил напишала: Антизападниот шпион Христијан Мицкоски е продолжена рака на криминалецот Никола Груевски.Еве што напиша Мицкоски по пресудата на својот ФБ профил:„Апелација докажа дека СДСМ е лажно клеветничка партија.По којзнае кој пат, откако сум Претседател на ВМРО-ДПМНЕ, но овој пат по судски пат, се докажа дека сум предмет на континуиран измислен и клеветнички напад, јас и моето семејство од страна на политичките противници.Не очекувам да престане оваа методологија, но секогаш кога политичка партија ќе изнесе лажно тврдење, конструирано со невистини и клевети, а не во прашална форма како што често го прават на кукавички начин, ќе ја барам правдата по легален, судски пат.Пресудата е јасна, клеветничката СДСМ треба на свој трошок да ја објави пресудата и да се извини за лагите кои се изнесени. Ова е уште една потврда дека неколкупати по ред, без исклучок ги губат судските случаи, затоа што клеветат, дури и ваквото судство не може да ги 'испере'“.Мицкоски ја објави и пресудата.

Македонија | пред 1 година

Трагедија: Починаа две новороденчиња близначиња

Две новороденчиња, близначиња од 20 дена, го загубија животот под трагични околности.Како што информира јавниот обвинител Стевчо Биноски, семејството кое живее во многу лоши услови во селото Славеј, вчера околу пладне повикало Итна медицинска помош. Екипата на Итната помош, пристигнувајќи на местото, констатирала смрт кај едното бебе, а второто било пренесено во прилепската болница во критична состојба, каде што подоцна починало.„Семејството во селото Славеј повикало итна помош. Близначињата биле во тешка здравствена состојба. Екипата на итната помош штом пристигнала констатирала смрт кај едното бебе, а другото било префрлено во прилепската болница во тешка состојба каде починало. Семејството живее во екстремно лоши услови и има уште три деца. Наредив обдукција за да се утврди причината за смртта на новороденчињата. Известени се надлежните, меѓу кои од Центарот за социјални работи од Прилеп”, вели Биноски.Денеска во 12 часот закажана е прес конференција во Центарот за Социјални работи.

Македонија | пред 1 година

Разоткриена банда која се занимавала со проституција и дрога - десет лица седнуваат на обвинителна клупа

По завршувањето на истражната постапка која ја водеше Основното јавно обвинителство за гонење на организиран криминал и корупција, а во која учествуваа полициски службеници од Истражниот центар на ОЈОГОКК и од Одделот за организиран и сериозен криминал на МВР на РСМ, јавниот обвинител од ова обвинителство до Основниот кривичен суд Скопје поднесе обвинение против 10 лица и едно правно лице.Седуммина обвинети како членови на злосторничко здружение сториле кривично дело Посредување во вршење проституција, од кои четворица се обвинети и за кривичното дело Перење пари и други приноси од казниво дело, а за кое дело се обвинува и правното лице. Останатите двајца припадници на групата се обвинети за Неовластено производство и пуштање во промет на наркотични дроги, психотропни супстанции и прекурсори, додека на полицискиот службеник освен злосторничко здружување му се става на товар и кривичното дело Оддавање службена тајна.Организираната група ја создал првоосомничениот, кој ги организирал и координирал криминалните активности на другите припадници на групата која во временскиот период од 2020 година до октомври 2024 година се занимавала со посредување во вршење проституција и недозволена трговија со дрога, а дел од обвинетите ги прикривале нелегално стекнатите приходи од овие кривични дела. Членови на криминалната група биле и две службени лица – затворски полицаец и полициски службеник.Во текот на истражната постапка, тројца од осомничените го признаа извршувањето на делата и се спогодија со обвинителството. Врз основа на предлог спогобите на две лица за сторени кривични дела Злосторничко здружување и Неовластено производство и пуштање во промет на наркотични дроги, психотропни супстанции и прекурсори им се изречени затворски казни во траење од 2 години и 3 месеци и од 1 година и 8 месеци, а службеното лице е осудено на казна затвор во траење од 1 година и 8 месеци за сторени кривични дела Злосторничко здружување и Оддавање службена тајна. За осомничениот кој е недостапен на органите на прогонот постапката е прекината до негово пронаоѓање.Во постапката се определени мерки кон вреден недвижен имот во Тетово и Гостивар, вреден подвижен имот – возила, накит и часовници од значителна вредност, како и парични средства и други предмети што потекнуваат и се принос од кривичните дела.Имајќи ги предвид околностите, поврзаноста на обвинетите и кривичните дела што им се ставаат на товар, јавниот обвинител цени дека во моментот мерката притвор е единствена со која во моментот може да се обезбеди присуство на обвинетите и непречено водење на постапката истата, па му предложи на судот истата да биде продолжена за секој од нив.

Македонија | пред 1 година

Се скара Зеленски со словачкиот премиер: Те пукаа, зошто не прости? Играте опасна игра додека војната не стигне пред вашите домови

„Владата на Словачка игра многу опасна игра критикувајќи ја воената поддршка на Западот за Украина и се доближува до Русија“, изјави вчера украинскиот претседател Володимир Зеленски во интервју за полски медиуми.„Словачките лидери играат многу опасна игра. Тие ќе продолжат да го прават тоа додека војната не стигне до нивните домови“, рече Зеленски.Неговите коментари доаѓаат во време на растечки спор меѓу Украина и Словачка, откако словачкиот премиер Роберт Фицо му се закани на Киев со последици за неговата одлука да го запре транзитот на руски гас во ЕУ.Фицо, кој ја посети Москва во декември за да разговара за прашањата за снабдување со гас со рускиот претседател Владимир Путин, исто така постојано ја критикуваше воената помош за Украина и санкциите против Русија.Зеленски во разговор со полските новинари потсети на разговорот со словачкиот премиер на средбата на европските лидери.„Му реков: „Те пукаа. Зошто не прости? Зошто го уапси тоа лице што те повреди?“, рече Зеленски, правејќи паралела помеѓу руската инвазија на Украина и обидот за атентат врз словачкиот премиер.Фицо беше тешко повреден откако беше застрелан во словачкиот град Хандлови на 15 мај 2024 година, по состанок на владата. Словачките власти соопштија дека нападот бил политички мотивиран. Осомничениот, 71-годишниот писател Јурај Цинтула, е приведен и го чека судењето.@На тоа го потсетив (Фицo) и му кажав дека сите ние, без разлика на вашите позиции, го осудуваме таквиот потег затоа што е пукано во жив човек“, рече Зеленски.„А тоа е Путин. Тој е истиот. Пука во живи луѓе, иако со туѓи раце“, заклучи Зеленски.

Свет | пред 1 година

Нема фотографија

Повеќе американски лидери бараат одложување на забраната на TikTok: „Милиони живеат од тоа“

Се поголем број американски официјални лица веруваат дека на кинескиот сопственик на TikTok треба да му се даде повеќе време да ја продаде апликацијата и да ја спречи нејзината забрана пред новоизбраниот претседател Доналд Трамп да се врати во Белата куќа.Доаѓачкиот советник за национална безбедност на Трамп рече дека новата републиканска администрација ќе ја одржи жива апликацијата за социјални медиуми што ја користат 170 милиони Американци доколку биде постигнат остварлив договор, а лидерот на демократите во Сенатот Чак Шумер го повика претседателот Џо Бајден да одобри одложување од 90 дена за да се спречи TikTok да биде забранет уште во недела.„Ќе преземеме мерки за да го спречиме TikTok да згасне“, изјави американскиот претставник Мајк Волц за Fox News, посочувајќи на одредба во законот што дозволува продолжување од 90 дена доколку има „значителен напредок“ кон продажба.„Во основа му купува време на претседателот Трамп за да продолжи TikTok да работи“, рече Валц, кого Трамп го избра да биде негов советник за национална безбедност.„Ја разгледуваме можноста дека можеме рационално да се обидеме да го решиме овој проблем“, рече во четвртокот демократскиот сенатор Ед Марки.„Јасно е дека е потребно повеќе време за да се најде американски купувач и да не се нарушат животите и егзистенцијата на милиони Американци, толку многу инфлуенсери кои изградија добра мрежа на следбеници“, рече Шумер.Во април, Конгресот му нареди на ByteDance да го продаде TikTok во рок од 270 дена, повикувајќи се на загриженост за националната безбедност. Министерството за правда овој месец соопшти дека „збирката на чувствителни податоци на TikTok за 170 милиони Американци и нивните контакти претставува моќна алатка за шпионажа“ за Кина.Официјален претставник на Белата куќа вчера изјави дека со крајниот рок на 19 јануари „за време на празничниот викенд еден ден пред инаугурацијата, останува на следната администрација да го спроведе“. Белата куќа претходно соопшти дека Бајден не планира да издаде продолжување.Завчера, Ројтерс објави дека TikTok планира да го запре работењето на својата апликација во САД во недела, кога треба да стапи на сила федералната забрана.

Свет | пред 1 година

Има оперативни информации кај е Груби, објави Тошковски

Оперативни информации има, но официјална потврда каде се наоѓа поранешниот прв вицепремиер Артан Груби, по кого е распишана меѓународна потерница, засега нема. Ова во интервју за емисијата „Клик плус“ на ТВ 21 вечерва го изјави министерот за внатрешни работи Панче Тошковски.„Станува збор за оперативни информации на оперативно ниво кои што ги добиваме и соодветно ги споделуваме со сите надлежни органи во рамки на други држави кои што, да речеме, имаме оперативни информации дека предметните лица се наоѓаат таму каде што сме ги добиле информациите. Од ден на ден сѐ повеќе и повеќе е сигурно дека се лага тврдењата дека осомничените се чисти како солза и дека имаат приватни обврски. Одделот за внатрешна контрола утврди дека направена е кардинална грешка од полицискиот службеник којшто требало да го запре, да го легитимира, да извести и да постапи по мерки од неговиот надреден во насока на напатствијата коишто ги дало Јавното обвинителство. Поднесена е кривична, постапено е од страна на Министерството, не е крив пајакот како на времето“, вели Тошковски.Груби ја напушти Македонија во средината на декември.

Македонија | пред 1 година

(Видео) По речиси една и пол година брутално заробеништво во Појасот Газа, Хамас конечно ги ослободува израелските заложници

Кабинетот на израелскиот премиер Бенјамин Нетанјаху потврди дека е постигнат договор со Хамас за ослободување на заложниците кои се држат во Газа, пишува Си-Ен-Ен.Претходно во четвртокот, премиерот Бенјамин Нетанјаху рече дека нема да коментира додека не се финализираат сите детали.Договорот, објавен во средата од посредниците Катар, САД и Египет, ќе доведе до пауза во борбите во Газа и постепено ослободување на израелските заложници и палестински затвореници.Нетанјаху му нареди на израелскиот безбедносен кабинет да се состане во петок, по што владата ќе се состане за да го одобри договорот.

Свет | пред 1 година

Русите му подготвија „добредојде“ на британскиот премиер во Киев, Зеленски го „увери“: „Ќе ги поздравиме и нив“

Посетата на британскиот премиер Кир Стармер на претседателската палата во Киев беше дочекана со порака од Русија - за време на неговиот престој во палатата, на небото беше соборен руски дрон, како што пренесува Sky News.Британскиот премиер се сретна со украинскиот претседател Володимир Зеленски за да разговараат за следните чекори за Украина, за време на неговата прва посета на Киев по неговата изборна победа во јули минатата година.Звукот на противвоздушен оган се слушаше во дворот на палатата додека воздушните сирени предупредуваа за можни напади со беспилотни летала. Додека сирените за воздушни напади се секојдневна појава во Украина, соборувањето на дронови од небото над палатата во Киев не е. Соборен е еден дрон, иако очевидци проценуваат дека имало најмалку два дронови и веруваат дека најверојатно станува збор за дронови за набљудување бидејќи соборениот не експлодирал при ударот.Претседателот Зеленски накратко ги коментираше своите руски непријатели, велејќи кога беше откриен дронот: „Ќе ги поздравиме и нив“.Премиерот Стармер, од друга страна, рече дека заканата од беспилотни летала „е потсетник за тоа со што се соочува Украина секој ден“ и дека војната е предизвикана од „руска агресија“.

пред 1 година

(Видео) Автомобил влета во демонстранти во Белград, прегази студентка: возачот обвинет за обид за убиство, ЕУ загрижена

Студентка денеска е тешко повредена во Белград кога возач влетал во група студенти додека со 15-минутно молчење им оддавале почит на загинатите при падот на натстрешникот на железничката станица во Нови Сад. Студентката на Правниот факултет се наоѓала на тротоарот кога била удрена од автомобилот. Девојката има 20 години, доаѓа од Краљево.Откако почнаа протестите имаше бројни инциденти, но ова е првпат да резултира со сериозна повреда.Српските медиуми пренесоа дека возачот на автомобилот побегнал од местото на настанот, по што полицијата и обвинителството соопштиле дека е идентификуван, пронајден и дека му е одреден притвор од 48 часа.Тој е осомничен за тешко убиство во обид. Министерот за внатрешни работи Ивица Дачиќ изјави дека осомничениот М.П. (1987) претходно седумпати бил осудуван за различни кривични дела.Делегацијата на Европската Унија во Србија денеска соопшти дека е многу загрижена поради денешната повреда на студентка од автомобил при блокадата на сообраќајот во Белград и посочи дека правото на собирање мора да се заштити кога тоа се остварува на мирен начин.„Многу сме загрижени поради денешниот инцидент против демонстрантите, очекуваме брза истрага и на повредената студентка и посакуваме целосно закрепнување. Правото на собирање е фундаментално право кое мора да се заштити кога се остварува мирно“, соопштија од Делегацијата на социјалната мрежа Икс.Додека, под слоганот „Нема да не газите“, се организираа студентите од Нови Сад кои ја блокираат раскрсницата кај пазарот „Футошка“. Блокирана беше и раскрсницата пред Правниот факултет во Белград, по што студентите се упатија до Врховното јавно обвинителство на улица „Немањина“.

Свет | пред 1 година

Грипот коси

За повеќе од три пати е зголемен бројот на заболени од грип оваа недела во споредба си претходната. Ова се податоци од последниот извештај на Институтот за јавно здравје.Во текот на втората недела од јануари пријавени се 1.053 случаи на заболени од грип.Од заболените 633 лица се на возраст од 15-64 години, забележни се 179 случаи кај деца на возраст од 5-14 години, а 144 кај деца на возраст од 0-4 години и 97 се регистрирани кај лица на возраст над 65 години.Најмногу заболени има во Скопје 305, потоа Дебар 134, Куманово 118, Тетово и Гостивар по 66, Кавадарци 62.„Од почетокот на сезоната 2024/2025, заклучно со втората недела, во вирусолошката лабораторија на ИЈЗ пристигнати се 130 материјали од здравствените установи - од амбулантски и болнички лекувани пациенти за тестирање за присуство на вирусот на грип, од рутинскиот надзор. Сите пристигнати материјали се тестирани за присуство на инфлуенца вирус, SARS-CoV-2 и/или RSV. Детектирани се 14 позитивни случаи на Influenza, 2 Influenza А(H1)pdm09, 11 Influenza А(H3) и 1 Influenza B/Victoria. Регистриран е еден позитивен случај на SARS-CoV-2. Дополнително, регистрирани се 5 позитивни случаи на респираторен синцицијален вирус (RSV)“, стои во извештајот на ИЈЗ.Во земјава се спроведува таканаречен сентинел надзор за состојбата со грип и КОВИД-19 во земјава за да се добијат подетални информации во однос на инциденца, интензитет, тип на вируси кои циркулираат и за имплементација на навремени превентивни мерки. Од сентинел местата кои учествуваат, во 2-ра недела пријавени се вкупно 50 САРИ (Сериозни Акутни Респираторни Инфекции).

Македонија | пред 1 година

(Видео) ,,Крик за живот”, на Онкологија секој агол, секој ходник, секоја соба мириса на борбата со смртта

Екипата на „Претрес”, влезе на Онкологија. Тоа е Клиниката каде на секој чекор, секој агол, секоја соба демне смртта. Но и Клиника во која пациентите заболени од рак ја гледаат последната надеж за спас и преживување.https://www.youtube.com/live/2n7ferxNp4AДневно низ ходниците поминуваат и по 200, 300 пациенти кои треба да бидат опслужени од малубројниот персонал. Недостасуваат лекари и медицински персонал, а понекогаш и лекови. Пациентите стравуваат дека веќе утре нема да има терапија.Стигматизирани се и пациентите и персоналот. „Претрес“ бара од државата да обезбеди бесплатен превоз за болните кои доаѓаат од другите градови да примаат терапија - а од сведочењата ќе дознаете и зошто. Влеговме и на одделот за радио-терапија.Лекарите и сестрите апелираат - Не се лекувајте со чаеви, одете на лекар. Говорат за многуте профитери кои сакаат да заработат врз болката и немоќта на пациентите.Наредната среда ќе може да го видите вториот дел од „Крик за живот”. Нашата камера регистрираше гужви и нервози во ходниците каде и луѓе колабираат чекајќи со часови терапија. Го отвораме и прашањето што се случува година и пол по скандалот за Онкологија.

Македонија | пред 1 година

Обвинение за убивањето на кучето кај „Момин поток“: две лица ќе одговараат откако го влечеле со жица и тепајќи го до смрт

Основното јавно обвинителство Скопје, имајќи ја предвид пред се вознемиреноста што во јавноста ја предизвика видео снимка од мачење на куче во Момин Поток, веднаш по поднесувањето на кривичната пријава презеде дејствија и го прибра целокупниот доказен материјал и денеска поднесе обвинение против две лица за кривично дело – Убивање и мачење животни од член 233 став 1 од Кривичниот законик.Двајцата соизвршители на 19.11.2024 година го изложиле на непотребни маки и му нанеле непотребни болки, изложувајќи го на страдање кучето Феликс, мажјак, црна боја, на возраст околу една година. Првообвинетиот со тврд дрвен предмет во облик на стап и без оправдана причина започнал да го удира со повеќе удари кучето во пределот на главата и телото, нанесувајќи му тешки повреди. Потоа, заедно со второобвинетиот го врзале со жица и така врзано го влечеле по дворот до контејнер, каде го фрлиле мислејќи дека кучето е мртво. Како последица на повредите, кучето угинало на 07.01.2025 година.Јавниот обвинител достави и предлог за определување мерка на претпазливост – задолжително јавување во Судот за двајцата обвинети, имајќи го предвид пред се објектот на инкриминацијата на ова кривично дело изразено преку заштита на животните од нехумано постапување.

Скопје | пред 1 година

(Видео) Тројца повредени во несреќата во центарот на Скопје - детали од МВР

На 15.01.2025 околу 21.55 часот во СВР Скопје било пријавено дека на крстосница од бул. „Св. Климент Охридски“, ул. „Митрополит Теодосиј Гологанов“ и ул. „Димитрие Чуповски“ во Скопје се случила сообраќајна незгода помеѓу товарно возило „пежо боксер“ со скопски регистарски ознаки, управувано од Н.Е.(59) од Скопје и патничко возило „мерцедес“ со скопски регистарски ознаки, управувано од Д.И.(47) од с. Волково, скопско.Во незгодата со телесни повреди се здобиле двајцата возачи и уште една сопатничка од возилото „пежо боксер“ Ф.Е.(46) од Скопје, констатирани во Градската општа болница „Св. Наум Охридски“ и Комплексот клиники „Мајка Тереза“.Извршен бил увид од увидна екипа од СВР Скопје.

Скопје | пред 1 година

Од овој петок разведрување, наутро температури и под -10 степени

Од овој петок, па за време на викендот ќе имаме стабилизирање и целосно разведрување на времето во Македонија, и истото ќе услови да имаме многу студени ноќи у утра, кога температурите насекаде низ Македонија ќе се спуштаат под нулата.На повеќе места температурите се очекува да се спуштаат под -5 степени, односно близу -10 степени, а во делови од Македонија тие ќе се спуштаат и под -10 степени, односно до близу -15 степени.Од друга страна пак, максималните дневни температури ќе бидат во постепен пораст, па така од петок и за викендот насекаде ќе бидат над нулата, со исклучок на високите планини и Скијачките центри.После ова, на повидок и тоа по 20 јануари се нови многу ладни продори од север  и од северисток кој ќе условуваат многу ниски температури на воздухот, а ќе донесат и нови снежни врнежи. Состојбата околу ова постојано ќе ја следам и јавноста навремено ќе биде информирана токму околу оваа ситуација.

Македонија | пред 1 година

Зеленски одговори зошто Украина не водела преговори со Русија и порача: можете да ја примените формулата „мир преку сила“, принудувајќи ги окупаторите на дијалог

Украина не води тајни преговори со Русија, бидејќи ја цени довербата на своите западни партнери, изјави украинскиот претседател Володимир Зеленски.Тој во интервју за полските медиуми изјави и дека таквите преговори се можни од позиција на сила и затоа на Киев му се потребни сигурни безбедносни гаранции.„Украина не води никакви шеговити разговори со Русија, тоа не е во наш интерес. Затоа што за нас губењето на довербата на нашите партнери е секако голем ризик“, рече Зеленски, пренесува Укринформ.Зеленски истакна дека има доволно „пријатели“ во ЕУ кои преговараат и се обидуваат да ја покажат својата посветеност на Руската Федерација или балансираат меѓу Украина и Русија, но за среќа, како што наведе, нивниот број се уште не е голем.„За нас е многу важно да го зачуваме сојузот и поддршката на нашите партнери од ЕУ и НАТО. Во овие три години успеавме да ја изградиме оваа унија, без која Украина не би опстанала и таа поддршка ја одржуваме до ден-денес“, рече Зеленски, објаснувајќи дека затоа нема преговори со Русија зад грбот на партнерот.Тој нагласи дека не може да има преговори со Русите без учество на Украина и оти затоа Киев ќе реагира одлучно доколку некоја земја води такви преговори зад грбот на Украинците. Украина не е против преговорите, но неопходна е желбата да се запре војната, изјави украинскиот претседател.Па дури и да не сака другата страна, можете да ја примените формулата „мир преку сила“, принудувајќи ги окупаторите на дијалог“, нагласи Зеленски.Според него, Украина треба да добие сигурни безбедносни гаранции од сојузниците, бидејќи, како што рече, примирјето без такви гаранции едноставно ќе и овозможи на Русија да се подготви за следната фаза од војната, како што тоа веќе го правеше во периодот од 2014 до 2022 година. година. Зеленски во средата ја посети Варшава, каде што се сретна со полскиот премиер Доналд Туск и претседателот Анджеј Дуда.

Свет | пред 1 година

Австралиската инфлуенсерка си го отрула сопственото бебе, па снимала и барала донации

Австралиска инфлуенсерка е обвинета дека го отрула своето девојче со цел да собере донации и да ги зголеми нејзините следбеници на социјалните мрежи.Една жена од Квинсленд тврдеше дека ја снимила битката на своето дете со смртоносната болест на социјалните мрежи, но детективите тврдат дека го дрогирала едногодишното дете, а потоа ја снимила во „екстремна вознемиреност и болка“.Лекарите ја алармирале полицијата во октомври, кога бебето било примено во болница со сериозни здравствени проблеми. По повеќемесечна истрага, 34-годишната жена беше обвинета за тортура, труење, експлоатација на деца и измама.„Немам зборови да опишам колку се одвратни дејствија од ваква природа“, изјави за новинарите утринава генералниот инспектор на полицијата во Квинсленд, Пол Далтон.Жената, чие име не е објавено, но се знае дека живеела во регионот Саншајн Коуст, му дала на детето повеќе лекови. Тоа го направила без одобрение од лекар. Таа дала се од себе за да набави лекови и да го прикрие своето однесување, соопшти полицијата, додавајќи дека користела и лекови наменети за друго лице во нејзиното домаќинство за да ја отруе сопствената ќерка.Полицијата почнала истрага на 15 октомври, кога бебето било донесено во болница во тешка состојба. Тестовите за неодобрени лекови се покажаа позитивни подоцна во јануари, соопшти полицијата.Жената собрала околу 37.300 американски долари преку донации на GoFundMe, кои страницата сега се обидува да им ги врати на донаторите, рече инспекторот Далтон. Полицијата истражуваше други луѓе за наводната злоупотреба, но немаше докази за покренување обвинение против некој друг, додаде тој.Денеска треба да се одржи првото рочиште од судењето на инфлуенсерката.

Свет | пред 1 година

Што знаеме за договорот за прекин на огнот во Газа? Еве ги сите детали, дури и најмал инцидент ќе разгори нов воен виор

Израел и Хамас постигнаа договор со кој конечно може да се стави крај на војната во Газа и да се овозможи ослободување на израелските заложници и палестински затвореници, пишува Би-би-си.Ова се клучните детали од тој договор.Како изгледа договорот?Деталите за договорот, кој наводно бил одобрен од двете страни, сè уште не се објавени. Израелскиот премиер Бенјамин Нетанјаху рече дека се уште има неколку нерешени клаузули, кои се надева дека наскоро ќе бидат финализирани.Постигнатиот договор ќе доведе до крај на војната во Газа и размена на заложници и затвореници.Хамас зеде 251 заложник кога го нападна Израел во октомври 2023 година. Сè уште држи 94 заложници, иако Израел верува дека само 60 се живи.Се очекува Израел да ослободи околу 1.000 палестински затвореници, од кои некои се затворени со години, во замена за заложниците.Како може да функционира прекинот на огнот?Се очекува прекинот на огнот да се одвива во три фази, откако ќе се објави договорот. Катарскиот премиер Шеик Мохамед бин Абдул Рахман Ал Тани рече дека договорот ќе стапи на сила во недела, доколку биде одобрен.Би-Би-Си направи нацрт на начелно договореното од изјавите на американските, палестинските, израелските и катарските претставници.Првата фаза би траела шест недели, а во рамките на таа фаза би имало „целосен и целосен прекин на огнот“, рече Џо Бајден.Американскиот претседател не прецизираше колку заложници ќе бидат ослободени за време на ПРВАТА ФАЗА - но катарскиот шеик Ал Тани на прес-конференција претходно вечерта рече дека ќе има 33.Портпаролот на израелската влада Дејвид Менсер претходно изјави дека повеќето, но не сите, од 33-те заложници кои се очекува да бидат разменети, вклучително и деца, се верува дека се сè уште живи.Тројцата заложници веднаш ќе бидат ослободени, изјави претходно за Би-Би-Си палестински функционер, а остатокот од размената ќе се одржи во текот на шест недели.Понатаму, во текот на првата фаза, израелските трупи ќе се повлечат од „сите“ населени области на Газа, рече Бајден.„Палестинците исто така би можеле да се вратат во своите домови во сите области на Газа“, рече тој.За потсетување, речиси сите 2,3 милиони жители на Газа мораа да ги напуштат своите домови поради израелските наредби за евакуација, воздушните напади и борбите на теренот.Ќе има и зголемување на испораките на хуманитарна помош во Газа. Палестински претставник претходно изјави дека деталните преговори за втората и третата фаза ќе започнат на 16-тиот ден од прекинот на огнот.ВТОРА ФАЗАВтората фаза ќе означи „траен крај на војната“, рече Џо Бајден. Останатите живи заложници, вклучително и мажи, ќе бидат ослободени во замена за повеќе палестински затвореници.Од 1.000 палестински затвореници за кои се верува дека биле ослободени од Израел, околу 190 отслужуваат казна од 15 или повеќе години.Израелски функционер претходно изјави за Би-Би-Си дека осудените за убиство нема да бидат пуштени на окупираниот Западен Брег.Ќе има и целосно повлекување на израелските војници од Газа.ТРЕТА ФАЗАТретата и последна фаза ќе вклучува реконструкција на Газа - нешто што може да потрае со години - како и можно враќање на преостанатите тела на заложниците.Кои прашања се сè уште нерешени и неодговорени?Беа потребни месеци макотрпни преговори за да се пронајдат деталите од првата и втората фаза, не само затоа што Израел и Хамас воопшто не си веруваат еден на друг.Хамас сакаше целосен крај на војната пред да ги ослободи заложниците. Ова беше неприфатливо за Израел.Прекинот на огнот ефикасно ќе ја запре војната додека се имплементираат условите. Сепак, според Би-Би-Си, не е јасно дали тоа ќе значи дека војната е завршена засекогаш.Една од клучните воени цели на Израел беше да ги уништи воените и управувачките способности на Хамас. Иако е сериозно оштетен од Израел, Хамас сè уште има одреден капацитет да дејствува и да се прегрупира.Исто така, не е јасно кои заложници се живи или мртви, или дали Хамас воопшто знае каде се сите исчезнати. Од своја страна, Хамас побара ослободување на некои затвореници кои Израел вели дека нема да ги ослободи. Се верува дека ова ги вклучува и оние кои учествуваа во нападите на 7 октомври.Исто така, не е познато дали Израел ќе се согласи да се повлече од тампон зоната до одреден датум или неговото присуство таму ќе биде неодредено.Секое примирје веројатно ќе биде кревко.Прекините на огнот меѓу Израел и Хамас кои ги прекинаа претходните војни беа потресени од судирите и на крајот прекинати.Распоредот и сложеноста на овој прекин на огнот значи дека дури и мал инцидент може да се претвори во нов воен виор.

Свет | пред 1 година

Нерешено заврши натпреварот Македонија-Унгарија на Светското првенство во ракомет

Македонската ракометна репрезентација одигра нерешено на првиот натпревар од Светското ракометно првенство. Имавме напад за триумф, водство и меч-топка, но не ја реализиравме, а Унгарија знаеше да се извлече и да израмни за еден освоен бод.Македонските репрезентативци одиграа 27:27 (14:14) со Унгарија во салата во Вараждин, каде имаа голема поддршка од македонските навивачи.Унгарија се чинеше дека имаше успешен старт на натпреварот, Зоран Илиќ ги постигна првите два гола и исто така зголеми на 5-2 за Унгарците. Но, тогаш Мартин Митревски го блокира голот на Македонија, Унгарија исто така направи неколку лоши додавања и Македонија влезе во игра - прво директно израмнување, а потоа уште два гола. Пред сѐ Филип Кузмановски презеде голема одговорност во тимот на Кирил Лазаров и умешно ја водеше играта.Унгарците дури пред крајот на првото полувреме се доближија и конечно можеа да се изборат за резултат 14:14 на полувремето.Утре е ден одмор, а во петок нашите ракометари повторно ќе истрчаат на теренот, против селекцијата на Холандија (18 часот).

Свет | пред 1 година

Објавен условот на Путин за средбата со Трамп, според Блумберг

Рускиот претседател Владимир Путин наскоро може да разговара со новоизбраниот американски претседател Доналд Трамп, а за време на разговорот, според извештајот на Блумберг, тој ќе бара Украина никогаш да не стане членка на НАТО.Извор запознаен со подготовките на Москва за преговорите меѓу Путин и Трамп рече дека Кремљ верува дека одредени членки на НАТО можат да продолжат да испраќаат оружје во Украина во рамките на билатералните безбедносни договори, но дека тоа оружје не смее да се користи против Русија или за враќање на окупираните територии.Блумберг забележува дека лидерите на Украина веројатно нема добро да ги прифатат овие тешки барања бидејќи војната влегува во третата година.Позицијата на Путин е во спротивност со желбата на Трамп да го прекине конфликтот што е можно поскоро и може да биде обид да и се даде на Русија повеќе простор за маневрирање во преговорите. Блумберг продолжува и истакнува дека рускиот напредок во источна Украина е бавен и „постигнат по висока цена“.Анонимен извор рече дека условите на Русија вклучуваат задржување на барем де факто контрола врз речиси 20 отсто од окупираната територија на Украина, вклучувајќи го и анектираниот Крим. Сепак, Москва наводно е подготвена на одредени територијални отстапки.Американскиот државен секретар Антони Блинкен претходно изјави дека администрацијата на Бајден подготвува силна преговарачка позиција за Украина за Трамп.Во меѓувреме, идниот советник за национална безбедност на Трамп, Мајк Волц, смета дека војната во Украина ќе заврши дипломатски, но дека прекинот на огнот е неопходен прв чекор. Тој исто така смета дека повлекувањето на руските војници од сите окупирани украински територии е нереално.„Едноставно не мислам дека е реално да се очекува протерување на секој Русин од украинска територија, па дури и од Крим. Претседателот Трамп ја препозна таа реалност“, нагласи Валц.

Свет | пред 1 година

Бајден рече дека преговарачите ќе работат на „траен крај на војната“ во втората фаза од договорот за прекин на огнот

Американскиот претседател Џо Бајден рече дека разговорите ќе се движат подалеку од привремениот прекин на огнот објавен во средата, кон договор во втората фаза што може да вклучи „траен крај на војната“.„Во текот на следните шест недели, Израел ќе преговара за потребните аранжмани за постигнување на втората фаза, која е траен крај на војната. Повторувам: траен крај на војната“, рече Бајден.„Постојат голем број детали што треба да се договорат за да се премине од првата во втората фаза. Но, планот предвидува прекинот на огнот да трае се додека траат преговорите, дури и ако траат подолго од шест недели“ додаде тој.Бајден потврди и дека „Американците ќе бидат дел од првата фаза од ослободувањето на заложниците“.Според договорот, Хамас и поврзаните милитантни групи се очекува да ослободат 33 заложници киднапирани од Израел за време на нападот на 7 октомври 2023 година.За возврат, Израел ќе ослободи стотици палестински затвореници, а според Бајден „Палестинците исто така ќе можат да се вратат во своите населби во сите делови на Газа, додека хуманитарната помош ќе почне да доаѓа со зголемена брзина“. Во евентуалната трета фаза од договорот, „сите останки на заложниците кои беа убиени ќе им бидат вратени на нивните семејства и ќе започне големиот план за обнова на Газа“, рече Бајден.

Свет | пред 1 година

Хамас и Израел се договорија за прекин на огнот

По многу жртви, разурнати домови, уништени семејства, Хамас и Израел постигнаа договор за запирање на непријателствата и ослободување на заложниците.Договорот е постигнат со посредство на САД, Катар и Египет.Jerusalem Post објави дека договорот ќе се одвива во три фази. Во првиот, Хамас би ослободил 31 заложник, а израелските одбранбени сили постепено би се повлекле од Појасот Газа, но би го задржале безбедносниот периметар. Израел, исто така, ќе ги ослободи, како што велат, терористите осудени на доживотен затвор, вклучително и оние кои учествувале во нападот на 7 октомври 2023 година.Првата фаза би траела 42 дена, а првиот ден, три жени држени во заробеништво од Хамас ќе бидат ослободени.Втората фаза вклучува ослободување на дополнителни заложници и повлекување на ИДФ од Појасот Газа, како и обезбедување безбедносни протоколи за Палестинците кои се враќаат во северниот дел на Газа.Во третата фаза, сите преостанати заложници ќе бидат на слобода, а ИДФ потоа целосно би се повлекла од Појасот Газа.Според Ал Арабија, која се повикува на палестински извори, објавувањето на договорот за прекин на огнот во Газа ќе биде извршено во Каиро.

Свет | пред 1 година

Нема пилоти за ер-тракторите, нема план во случаи на пожар, поплава или земјотрес

Заводот за ревизија во својот извештај посочува повеќе проблеми во функционирањето на Дирекцијата за заштита и спасување.Како проблем го посочува недостигот на пилоти за трите авиони кои гасат шумски пожари. Од Дирекцијата пак велат дека побарале зголемување на платите за пилоти со што очекуваат се надеваат на зголемен интерес за тие работни места.Дирекцијата тешко ќе се справи со последиците во земјотрес, поплава или пожари. Ова е заклучокот од извештајот на Државниот завод за ревизија кој го проверувал работењето на Дирекцијата.Најголем проблем бил немањето Национална стратегија за заштита и спасување. Руинирани и без најсоодветен инвентар се и голем дел од засолништата кои се доделени на Дирекцијата за заштита и спасување. Тие се блокирани од мебел и покуќнина или личат на депонии. Ваквата состојба е утврдена од страна на државните ревизори при посетата на засолнишата во Општините Центар, Аеродром, Карпош, Гази Баба, Велес и Штип. Некои од нив воопшто не се ни во функција поради неисправни системи за вентилација и недостаток на струја и вода.„Ваквата состојба создава ризик од некоординирани активности на локално, национално, регионално и неѓународно ниво при справувањето со опасностите од природни непогоди и влијае врз целокупниот систем на заштита и спасување во државата“, наведува Државниот завод за ревизија во својот извештај.„ДЗС нема донесено пишани критериуми за утврдување на потребите и приоритетите за набавка на противпожарна опрема и средства за гасење на пожари за протипожарните единици. Во 2023 година набавени се 40 изолациски дишни апарати и 20 рачни термални камери за пожарникари, но истите не се распоредени на ТППЕ по општините, туку се складирани во магацините на ДЗС”, се вели во извештајот на Државниот завод за ревизија.

Македонија | пред 1 година

УПОЗ: Опозицијата да не лови поени на синдикалните барања

И денеска продолжија протестите на дел од вработените во јавниот сектор. Тие остануваат на своето барање за раст на платите од 30% за дел од јавниот сектор кој до сега не успеал да потпише колективен договор.Бараат и од власта и од опозицијата да се откажат од обидите да му дадат политичка нота на протестот.Побараа актуелната опозиција да не се лепи и да не лови политички поени на нивниот протест, бидејќи како што рече претседателот на Синдикатот на работниците од управата, правосудните органи и здруженијата на граѓани (УПОЗ), Трпе Деаноски, имаале седум години да го решат проблемот, но, направијале се што можат да го забранат колективното договарање.На актуелната власт за тврдењето дека се политички инструирани и одговорија дека ги помешала со некој друг Синдикат.Потсетија дрка УПОЗ само во 2022, 2023 и 2024 година, има организирано три штрајка, најмалку 20 протести, од кој на протестот во месец декември 2023 година, над 5000 вработени од управата и правосудството излегоа на улица.

Македонија | пред 1 година

Исчезнатата Лидија Трајковска е починатата жена пронајдена во водите на Вардар

Телото на жената, кое минатата недела беше извлечено од водите реката Вардар кај селото Таор, Зелениково, е на исчезнатата 43-годишна Лидија Трајковска.Трајковска од семејството беше пријавена за исчезната на 8 ноември 2024 година. Последен пат беше видена на автобуска станица во скопското село Јурумлери, каде и живееше.Потрагата по исчезнатата жена траеше два месеци, а нејзиниот брат и сестра бараа и меѓународна помош за да ја пронајдат.

Македонија | пред 1 година