ТОП

(Видео) „Нечовечки е што ја жртвувал сопствената ќерка“, вели Хајрулахи за шефот Коцевски

Суспендираниот прв човек на Вишото обвинителство Скопје, Мустафа Хајрулахи, во Претрес со Ландов говореше и за пробивањето во јавност на Извештајот за ревизијата во Обвинителството, пред да биде официјално објавено. Тој на една телевизија и дал видео снимка како ќерката на државниот обвинител Љупчо Коцевско дава службени материјали на новинарката Мирослава Симоновска.„Новинарите ги почитувам до небото и назад. Ако новинарката се чувствува непријатно, и се извинувам“, рече Хајрулахи.Снимката ја добил од анонимен свиркач, кој му ја дал во ГТЦ. Вели дека не го познава.„Не верував дека може да се случи републичкиот јавен обвинител ова да го направи. Нечовечки е што ја жртвувал сопствената ќерка”, посочи Хајрулахи.

Македонија | пред 1 година

(Видео) Мислењето за Фатиме ќе си го задржам за себе, за СЈО е излишно да се зборува, со Бубевски имам професионален однос, рече Хајрулахи

Не пропушајте за првпат да чуете за хаосот во Обвинителствата, селективната правда, „чудното“ водење предмети.. и тоа од вишиот обвинител Мустафа Хајрулахи!Тој е суспендиран, но раскажа многу работи кои во најмала рака, се казниви. Зборевме и за односот со другите обвинители, меѓу кои се Фатиме Фетаи и лицата кои беа дел од СЈО.?t=745

Македонија | пред 1 година

Детали за палењето на Адвокатска комора: Скопјанец со отишол со секира и керозин, имал план како се да дигне во воздух

Основното јавно обвинителство Скопје донесе Наредба за спроведување истражна постапка против 41-годишен скопјанец за кого постои основано сомнение дека сторил – Тешки дела против општата сигурност од член 292 став 1 во врска со член 288 став 3 во врска со став 1 од Кривичниот законик.На 25 ноември осомничениот со умисла подметнал пожар во просториите на Адвокатската комора на РСМ на ул. “Методија Шаторов – Шарло”, предизвикувајќи на тој начин значителна опасност за животот и телото на луѓето и за имотот од поголеми размери.Една недела претходно осомничениот набавил секира со гумирана рачка, плинска запалка, заштитни ракавици и 48 коцки за потпалување со керозин. На критичното утро, со сопственото возило дошол во близина на зградата каде се сместени просториите на Адвокатската комора, маскиран со “фантомка” и со секирата ја скршил влезната врата. Коцките керозин ги наредил на скалите, а врз нив ставил повеќе плински боци и со употреба на плинската запалка ги потпалил. Со тоа предизвикал пожар од поголем обем во станбената зграда. Причинетата штета се проценува на околу 9.255.000 денари. Само 30-тина минути по настанот осомничениот веднаш со сопственото возило, преку граничниот премин “Блаце” ја напуштил државата.Фактот што тој се крие и е недостапен за органите на прогонот, можноста да го повтори делото или да ја попречи постапката со влијание на сведоците се основи поради кои јавниот обвинител до судијата на претходна постапка од Основниот кривичен суд во Скопје достави предлог за определување мерка притвор за осомничениот. Мерката ќе започне да се применува од неговото пронаоѓање и лишување од слобода, а во меѓувреме по него ќе биде распишана потерница.

Македонија | пред 1 година

Сопартиец на Меџити и портпарол на ВРЕДИ го сместуваат во Советот на обвинители, обвинува Левица

„Иако Законот за Советот на јавните обвинители на РМ предвидува децидна забрана за членување во политичка партија на членовите на Советот - коалицијата ДПМНЕ, ЗНАМ и ВРЕДИ со одлучна дрскост, сепак реши за член на Советот на ЈО да го смести Адриан Демири којшто е истакнат сопартиец на вицепремиерот Изет Меџити и често портпарол на коалицијата ВРЕДИ“, вели Левица и додава:.Наместо универзитетски професори, поранешни судии на Уставниот суд, меѓународни судии, истакнати правници како што наложува Законот - владејачката гарнитура која ветуваше реформи во правосудниот систем, одлучи да продолжи по теркот на СДС и ДУИ, па како ‘гарант’ за правда, инсистира на Демири со просек 6,97 на додипломските студии. Неговата биографија и прилози не содржат никаква надеж дека довербата од 2% воопшто би се покачила.Имено, Ардиан Демири личната биографија ја започнува со функциите и позициите на неговиот покоен татко, а на една страна од вкупно три, објаснува за статусот на неговото семејство. На втората страна објаснува за неговото вработување во Општина Струга уште за време на неговите средношколски денови и позициите во Општината обезбедни од страна на градоначалникот Рамиз Мерко. На третата страна како доказ за неговата истакнатост, наведува шест гостувања на Алсат ТВ.Демири неговата проактивност и стручност ја докажува и со дури пет приложени сертификати, и тоа за: Подготовка за полагање на правосуден испит; Учество на обука за стратешко планирање за општините; Учество на обука за правда прилагодена за децата; Семинар за набљудување на судските процеси; Семинар за договорите за финансиски лизинг.Од јавно достапните информации, а согласно доставената документација како кандидат, евидентно е дека предлогот на ДПМНЕ-ЗНАМ-ВРЕДИ за член на Советот на ЈО, Адриан Демири, запишал, но не ги завршил постдипломските студии од областа на граѓанското право.Според јавните објави на Демири на социјалните мрежи, може да се заклучи дека врв на неговата правничка кариера е успехот да го ослободи од казна затвор албанскиот играорец кој на Велигден постави големо албанско знаме на Самоиловата тврдина во Охрид изјавувајќи дека Охрид е албански град.Македонските граѓани повеќе од три децении се ускратени од правда и правна сигурност од некомпетентен и корумпиран правосуден систем во распад со 2% доверба. Бизнис елитите на криминалните политички партии ДПМНЕ, СДС, ДУИ и нивните деривати, со секое доаѓање на власт, брзаат со поставување на свои партиски послушници на чело на правосудните тела, а со цел обезбедување на комоција во криминалното владеење и зацврствуање на сопствената моќ.Овој предлог доаѓа во време на најавите на власта дека започнува чистка на обвинителите и судиите блиски до претходната власт, со што јасно се обелоденува вистинската намера на новите властодршци - узурпација преку поставување на сопствени кадри избрани во партиските штабови, далеку од предизборното ветување за борба со криминалот и решавање на овој горлив проблем на македонското општество.

Македонија | пред 1 година

Фокс Њуз: Трамп и предложи на Канада да станат 51-та држава на САД

Доналд Трамп му предложи на канадскиот премиер Џастин Трудо минатата недела дека ако царините за неисполнување на трговските и имиграциските проблеми би ја убиле економијата на соседна Канада, можеби Канада треба да стане 51-та американска држава, дознава Фокс њуз.Минатиот петок, Трудо направи непланирано патување за да се сретне со Трамп во Мар-а-Лаго, откако идниот американски претседател се закани дека ќе воведе високи царини за канадските производи. Поточно, Трамп се заканува дека ќе воведе царини од 25% на Канада и Мексико поради, како што вели, нивната неможност да го запрат протокот на илегални имигранти и наркотици од тие земји во САД.Според Фокс њуз, според две лица кои биле на масата и го слушнале разговорот, Трамп, иако љубезен и срдечен, бил многу директен за тоа што очекувал од северните соседи. Парафразирајќи го разговорот, Трамп му рече на Трудо дека Канада ги поразила САД со тоа што дозволила големи количини на дрога и луѓе да ја преминат границата, вклучително и илегални имигранти од повеќе од 70 различни земји.

Свет | пред 1 година

Едно лице повредено: ново пукање во Чаир

Едно лице е повредено во пукање кое денеска се случи во скопската населба Чаир. Лицето е пренесено во една од скопските болници на лекување, а неговата состојба засега не е позната. Пукањето се случило во близина на чаирскиот стадион.„Денеска (02.12.2024) од ГОБ “Св.Наум Охридски” во СВР Скопје е пријавено дека кај нив со повреда од огнено оружје бил донесен Џ.Х. од Скопје, кој според пријавеното, бил повреден во паркот на ул. “Кемал Сејфула” во Скопје“, велат од МВР..Полицијата е веќе на терен и собира информации, а се гледаат и камерите од „Сејф сити“ за да се дојде до информации за сите кои учствувале во инцидентот.„Пукањето се случило во близина на чаирскиот стадион“, велат од МВР.

Скопје | пред 1 година

Јаневска: УЧК за оваа држава не значат ништо, а комитите треба да ги чествуваме

Министерката за образование и наука Весна Јаневска, денеска, одговарајќи на новинарски прашања, рече дека просветните инспектори се на терен да го испитааt случајот со организирање училишна приредба во Челопек со ученици вo воени униформи, со амблеми на УЧК и со пушки во рацете и вели дека добиле пријави.Инспектори се испратени и во Чаир, во две училишта во Тетово и едно во Струга.Таа беше децидна, политиката надвор од образованието.Министерката рече дека УЧК и амблемите на УЧК за оваа држава не значат ништо.„Во оваа држава, војната, конфликтот, кој како сака да го нарече, предизвика жртви на сите инволвирани страни. Сите мајки исто плачат, сите мајки исто жалат. Наместо да се потрудиме да го заборавиме тој конфликт и да ги образуваме децата на она што јас го кажувам, ние малите деца ги учиме на воинственост, на држење на оружје, на некакви позиции за стрелање, на нешто што не е поврзано со нашата историја”, изјави министерката.На новинарско прашање за реакцијата на ДУИ, дека и во скопската општина Аеродром била организирана приредба со комити, Јаневска посочи:„Комитите се дел од историјата на државата Македонија. Комитите ги учат во наставните програми. Комити биле и Македонци и Албанци и Турци и други етникуми. Македонци, Албанци, Турци, Роми, Власи се бореле во Втората светска војна против заеднички непријател. Ние тие луѓе треба да ги чествуваме. Тие луѓе се бореле за слобода и за сопствена држава и за просперитет на сопствената држава”, рече Јаневска.„Ова е наша заедничка земја на сите граѓани кои живеат на оваа територија која се вика Македонија. Во оваа наша заедничка земја ние треба заеднички да ја градиме“, рече Јаневска.,,Сите треба заеднички да чуваме одговорност кон неа и љубов и да имаме идеи за нејзин просперитет за да го подобриме животот на граѓаните. Младите се иднината на секоја земја. Кога ги образуваме децата, ние треба да ги образуваме на базичните човекови вредности, на недискриминација, на соживот, на разбирање, на емпатија. Најмалку што треба да има во училиштата е политика. Децата деца треба да растат во духот, на патритоизмот, на традицијата, во почитувањето на вредностите“, рече министерката Весна Јаневска.

Македонија | пред 1 година

Судски совет денеска не избра заменик на Дамева

 Судскиот совет на денешната итна седница не расправаше за избор на нов претседател по оставката на Весна Дамева од функцијата претседател.На седницата не дојдоа двајца членови: Лорета Ѓорѓиева и Александар Камбовски.Членовите кои беа присутни, едногласно одлучија дека е подобро да бидат во комплетен состав кога ќе се бира претседател.

Македонија | пред 1 година

Црвено-жолти таблички на службените возила

За да се стави крај на злоупотребите, регистерските таблички на службените возила на Владата, министерствата и на државните институции ќе имаат нов изглед.Како позадина на табличките ќе биде црвената боја, а бројките и буквите ќе бидат жолти.Директорот на службата за општи и заеднички работи на Владата, Ивица Томовски, најави дека новиот Правилник за регистарски таблици е веќе изготвен и следната недела ќе се најде на седница на Влада.„Министерството за внатрешни работи е задолжено да спроведе постапка за набавка на таблици со црвена боја, по што ќе започне процесот на замена. По завршувањето на тендерот, сите институции ќе имаат рок од 30 дена за да ги променат табличките. Ова ќе овозможи спречување на злоупотреби, односно службените возила нема да може да се користат за приватни и за партиски цели”, вели Томовски.

Македонија | пред 1 година

Судски совет на итна седница ќе бира наследник на Дамева

Судски совет свика итна седница на ССРМ, на која ќе го костатираат престанокот на функцијата на Дамева и ќе изберат нов претседател на Судскиот совет.Седницата ќе се одржи денеска во 14 часот. На Дамева мандатот и истекуваше во среда, 5.12, но таа, два дена порано на прес конференција соопшти дека поднесува оставка поради притисоците и дискредитациите од власта.

Македонија | пред 1 година

Од Нова година, струјата поскапа најмногу за 1 процент

Претседателот на Регулаторната комисија, Марко Бислимоски ги презентираше нивните пресметки, според кои цената на електричната енергија ќе се зголеми за најмногу 1% од почетокот на 2025 година.„Не очекувам просечната цена на домаќинствата да биде поголема од 1 процент. Во однос на оној дел што е најважен за домаќинствата и за малите потрошувачи, кај мрежарината, вклучувајќи ја цената на преносот и на дистрибуцијата има намалување за 7 проценти. Успеавме да ја намалиме мрежарината затоа што одредени компании имаат поголем профит од она што беше одредено. Позната е и цената по која ЕСМ ќе продава струја на ЕВН хоум”, изјави Марко Бислимоски, претседател на РКЕ.

Македонија | пред 1 година

Во пензија на 67 години - бара Фискалниот совет

Фискалниот совет предлага во 2026 година да се зголеми старосната граница за одење во пензија.Фискалниот совет е државна институција чиј основач е Собранието и ова мислење го даде во врска со Фискалната стратегија (2025-2029). Ставот го достави до законодавниот дом и во него бара во 2026 година да се зголеми старосната граница за одење во пензија. Во стратегијата усвоена од владеачкото мнозинство стои препорака, старосната граница за остварување на право за пензија на мажи и жени да биде 67 години старост.Потребно е и зголемување на стапката на придонесот за ФПИОМ (тековно е 18,8%), која моментално е за 2,4% помала во однос на 2008 година кога изнесуваше 21,2%, пишува во мислењето.Според Фискалниот совет, буџетската дупка во Фондот за пензиско и инвалидско осигурување е голема, а линеарните зголемувања од 2.500 денари ќе придонесат Фондот на долг период да не биде одржлив.Фискалниот совет, пак, е составен од високи професионалци. Претседател на Фискалниот совет е Глигор Бишев, поранешен директор на Шпаркасе банка, а членови се академик Абдулменаф Беџети и Марина Трпеска, редовен професор на Економскиот факултет при УКИМ.

Македонија | пред 1 година

(Фото) Трудници и мали деца заглавени во Леуново, алармираат институциите да помогнат итно

Сѐ уште има заглавени лица во Леуново. За ова сведочат и фотографии кои се споделени на Фејсбук.„Еве ги граѓаните што останаа по своја желба во Леуново. Во моментов сме повеќе од 25 возила, меѓу нас има трудници и мали деца! Патот кон Бунец е непрооден, пријавено е во сите служби, ниту една не реагира!!! Makedonijapat Центар за управување со промени - ЦУП / Center for Change Management АМСМ Општина Маврово и Ростуше”, пишува Симона Стефановска, една од заглавените.Ова место беше затрупано со снег за време на викендот. Висината достигна до 60 сантиметри.

Македонија | пред 1 година

Запален автомобилот на јавниот обвинител Џелал Бајрами

Ноќеска во Куманово е запалено возилото на јавниот обвинител Џелал Бајрами.Станува збор за сопствено возило кое било паркирано пред објектот каде живее.Дежурен јавен обвинител излегол на местото на настанот и од страна на органите се подигнати доказни материјали.Џелал Бајрами е обвинител во државното јавно обвинителство, а претходно во Владата на Груевски бил министер за труд и социјална политика и заменик-министер за внатрешни работи, како кадар на ДУИ.Инаку синоќа во Куманово се случиле неколку пожари, во еден од нив во изгоре дуќан на членот на Советот на Општина Куманово, Фитор Јакупи и повеќе автомобили.ДУИ реагира дека пожарите се подметнати.

Македонија | пред 1 година

(Видео) Претседателката на Судскиот совет, Дамева, поднесе оставка од функцијата

Весна Дамева, претседателка на Судскиот совет, поднесе оставка од функцијата. Таа се заблгодари на членовите на Советот, за кои рече дека имаат интегритет. Според неа, мнозинство во советот се професионалци. Најголем респект посочи дека има за судиите кои не се додворуваат на политичарите. За неа, клучно за повлекувањето биле текстови по портали, со кои се оцрнувала. Текстовите биле за постапка во која странка е компанија на нејзниот сопруг.„Изминатиот период нема слух кај извршната и законодавната власт за да се обезбеди брза и ефикасна власт, која треба да се обезбеди со финансии, согласностите за 2024 година беа одбиени, финансиите скратени. Политичарите, претсдателот на Владата, изразуваат критики за Судскиот совет, негативен став за судиите.. И сметам дека единственото нешто што ми останува е да го зачувам мојот мир и спокојство. Затоа, поднесувам неотповиклива оставка од функцијата. Од политичарите, од собраниска говорница се правеа обиди да се наруши мојот интегритет. Мицкоски изнесе наводи дека во Судскиот совет има кланови и се фалсификуваат записници“, рече Дамева.Според неа, пратеник во Собрание, Антонијо Милошоски, биле изнесени закани со кривична одговорност, толкувајќи правна ситуација. Посочи дека од политичар во власта било најавено дека треба да има измени во Судски совет, а на место на сегашните членови да бидат донесени „нивни луѓе“.Дамева рече дека кога незакоски ја разрешиле, се мислела дали воопшто да се врати во Судскиот совет.„Долго, многу долго се мислев дали да се вратам како претседател и да останам на функцијата, бидејќи знаев дека поради однесувањето на одредени членови на советот, ќе има критики и опструкции. На тие членови, ставот не им бил самостоен, иако преку образложенијата, изгледало така“, посочи Дамева.Според неа, политичарите треба да сфатат, дека судската власт е самостојна и независна.„Длабоко во себе верувам дека судиите се професионални и непристрасни. На тие кои не се, им порачувам: не си играјте со огнот, ја девалвирате судиската функција која не е занает и трговија, туку значи правораздавање. Очекувано е голем број судии кои правораздаваат сами да се огласуваат, а кацерот од нивните редови, сами да го отстрануваат“, рече Дамева.Таа ги пофали медиумите за реалното информирање врз основа на факти. Според неа, Судскиот совет бил транспарентен и отчетен во изминатата година.„Пред вас и само за вас, застанува јавноста, која вистинито треба да се информира. Недозоволиво е да се објави напишан текст од политичар, адвокат, со цел некому да му нарушите углед, да го претставите како нечесен, а уште повеќе да обвинувате судии и јавни обвинители и да влијаете врз нив. Тоа не е дозволиво во секоја демократска држава. Не го зборувам ова бидеќи и јас бев изложена на таква ситуација, туку од почит кон судиите и обвинителите, како и јавноста. Слободата на изразување да се почитува треба од секого“, рече Дамева.

Македонија | пред 1 година

(Фото) Неколку пожари во Куманово: ДУИ вика дека се случува криза, обвинител собира снимки од камери

Синоќа во Куманово се случиле неколку пожари, во кои изгоре дуќан на членот на Советот на Општина Куманово, Фитор Јакупи и повеќе автомобили, а ДУИ реагира дека пожарите се подметнати. Според пишувањата на дел од медиумите, еден од изгорените автомобили е на висок јавен обвинител.За пожарот во кој му изгоре канцеларијата, ноќеска извести самиот Јакупи на својот профил на Фејсбук.„Ве известувам дека денеска во раните утрински часови околу 3.05 часот од црна рака на непознати лица мојата приватна канцеларија во Куманово беше опожарена“, напиша Јакупи во својата објава.Тој повика на брза реакција од надлежните органи.Се огласи и Обвинителството.„Дежурен јавен обвинител од Основното јавно обвинителство Куманово изврши увиди на локациите каде беа опожарени два автомобили и една деловна просторија. Преземени се сите дејствија и се испитуваат причините и евентуалните мотиви за опожарувањето. Прибрани се траги од лице место кои ќе бидат предмет на вештачење, а се врши увид и во снимки од камери за видео надзор“, велат оттаму.

Македонија | пред 1 година

„Мислам дека ќе биде многу тешко да се донесе пресуда за вина“: Игор Јуриќ откако го потврди обвинението за убиството на Данка Илиќ

Откако Високиот суд во Зајечар го потврди обвинението за убиството на Данка Илиќ, бранителите на Дејан Драгијевиќ и Срѓан Јанковиќ, кои се товарат за тешко убиство, како и бранителот на Радослав Драгијевиќ, кој е обвинет за помагање на сторителите на кривичното дело, ги најавија нивните жалби. Во следните три дена, колку што имаат законски рок, ќе се жалат до Апелациониот суд во Ниш, за да се укине решението и да се донесе ново решение. Родителите на Данка Илиќ велат дека очекувале потврда на обвинението, но тоа нема да ја врати нивната ќерка, додека адвокатите оценуваат дека обвинителството сега има тешка задача.Бранителот на Радослав Драгијевиќ, обвинет за непријавување кривично дело и помагање на сторителот, најави навремена жалба, бидејќи, како што вели, смета дека обвинителниот акт е незаконски покренат против неговиот клиент и очекува Судот на Апелација ќе ја укине таквата одлука, па дури и ќе ја прекине кривичната постапка.Милинко Јовановиќ, бранителот на Радослав Драгијевиќ изјави дека Радослав е татко на Дејан, кој во истиот случај беше обвинет за кривично дело - тешко убиство и дека тој како најблизок роднина не може да одговара со закон за не пријавување на тоа кривично дело.„Тоа го ослободува и од одговорност за второто кривично дело за кое беше обвинет, а тоа е помагање на сторителот по извршувањето на кривичното дело. За тие две кривични дела според законот не одговараат најблиските“, рече адвокатот Јовановиќ.Родителите на Данка Илиќ велат дека очекувале претходно да биде потврдено обвинението и дека се надеваат дека на судењето ќе ја дознаат вистината каде е телото на нивната ќерка, а Драгијевиќ и Јанковиќ заслужуваат да останат во затвор.Како што рече Ивана Илиќ, мајката на Данка, потврдата на обвинението не и значи ништо.„Моето дете го нема, дури ни нејзиното тело. Секој ден се повеќе се борам со болката. Никој не може ни да замисли колку е тешко“, изјави таа за Телеграф.Милош Илиќ, таткото на Данка, изјави дека би сакал само да знае каде е телото на неговата ќерка, за тој и Ивана да ја закопаат или барем да најдат мир, што е можно повеќе.Слушнав дека обвинението е потврдено, тоа го очекував и време е тоа да се случи, што поскоро да заврши оваа агонија и тие да ја добијат заслужената казна“, рече тој.Познавачите велат дека доколку жалбата на бранителот биде одбиена и судот не ја прекине постапката, што е малку веројатно во оваа фаза, може да очекуваме главниот претрес да почне за половина година до една година.Адвокатот Предраг Савиќ рече дека обвинителството има многу тешка задача да докаже и да го убеди судот во извесноста на нивните докази.„Доказите се релевантни, дека има меѓусебна поврзаност меѓу тие докази и кривичното дело убиство на малата Данка, нема тело, нема ДНК и се бара доживотна казна затвор“, рече Савиќ.Игор Јуриќ од Центарот за исчезнати и малтретирани деца рече дека верува оти судската постапка ќе биде покрената, но каков ќе биде епилогот од судењето ќе биде голема дилема.„Имаме двајца мажи кои сториле тешко кривично дело, доколку нема други материјални докази и немаме директен сведок за ова кривично дело, јас лично мислам дека ќе биде многу тешко да се дојде до пресуда“, рече Јуриќ.Поминаа осум месеци од исчезнувањето на двегодишната Данка Илиќ, но многу работи во овој случај се уште се мистерија. И покрај обвинението дека девојчето било убиено, нејзиното тело никогаш не било пронајдено и никогаш официјално не била прогласена за мртва.

Свет | пред 1 година

Денот „Д“ за правораздавањето: Обвинителите со пролив и државни обвинител се таргет

Ова е денот „Д“ доколку се суди според најавите на премиерот Христијан Мицкоски, а се однесуваа за акција против корупцијата во правосудството. Според него, трпението завршило, а од денеска ќе се бара одговорност од обвинители кои кога ќе требало да спроведат акција, добивале дијареја. Тој најави цврст пристап и јасна визија за правда.„Планирањето беше детално, а од понеделник започнуваме со конкретни чекори,“ изјави Мицкоски.Акцијата нема да вклучува употреба на специјални полициски сили или јавно понижување на обвинетите, туку ќе биде спроведена преку институционални мерки кои ќе гарантираат транспарентност и почит кон законот.„Сметаме дека спектаклите немаат место во правосудниот процес. Потребно е фокусирано, систематско и законски уредено делување,“ објасни премиерот.Не беше поштеден ниту државниот обвинител, Љупчо Коцевски за кого кажа дека добол шанса, ама не ја искористил.„Државниот јавен обвинител, господинот Љупчо Коцевски доби шанса и плеќа како никој негов претходник, а за возврат добивме стотици истраги, процеси и обвинители, што кога треба да стават потпис на налог за увид, за претрес, за лишување од слобода наеднаш добиваат грозница, покачена температура, дијареа, анксиозност или се трудат на кој било начин да го опструираат процесот.Државниот јавен обвинител, Љупчо Коцевски вели дека се неосновани обвинувањата на премиерот дека обвинители не си ја вршеле работата под изговор дека имаат здравствени проблеми, како дијареа, покачена температура и анксиозност. Според него, имало само еден случај во кој обвинител не отишол на закажан состанок бидејќи имал вирус, но по неколку дена одржал неколку состаноци со надлежните служби од полицијата за координација по одредени предмети.Шокантни постапувања за првпат од прва рака можеше да чуе и јавноста, од суспендираниот обвинител, Мустафа Хајрулахи.?list=PLm6WbTW4gkMm9SA3GYzjLPE0VWu1c-A7d

Македонија | пред 1 година

(Видео) Невреме го уништи Халкидики, катастрофа на Родос: Вака сега изгледаат одморалиштата кои Македонците ги обожаваат

Бурата Бора создаде хаос низ Грција, а најмногу настрадаа островите Родос и Лемнос, додека големи материјални штети претрпе и Халкидики.На Родос и Лимнос на граѓаните не им се препорачува движење, бидејќи се очекува нов наплив на невреме, а се предвидуваат и обилни врнежи со грмежи низ целата земја, кои ќе траат до вторник. Силното невреме не го заобиколи и Халкидики, кој исто така денеска ќе биде погоден од невреме, а обилни врнежи се очекуваат на Пелопонез и на островите Киклади.Драматично беше синоќа во Ситонија. Граѓаните на Торони и Порто Куфос си го штедеа имотот бидејќи поројот навлезе во куќи и кафеани, уништуваше патишта и однесе возила. Бројни патишта во Ситонија се непроодни поради одрони и паднати дрвја, а пожарникарите и спасувачите имаа полни раце работа во текот на целата ноќ.

Свет | пред 1 година

Заглавени и на Попова Шапка, тргнале со летни гуми

Од 112 во 13:30 часот добиена е пријава за блокирани возила пред влезот во Попова Шапка на раскрсница до викендиците.РЦУК Тетово известува дека контактирале со ПС Попова Шапка, пријавителот и Македонија пат. Истите известиле дека блокираните возила на Попова Шапка не се како резултат на неисчистени коловози туку се работи за несовесни граѓани кои со летни гуми се упатиле на Попова Шапка. Патот е прооден, моментално две возила го чистат истиот. Проблемите се настанати од луѓето. Возилата со зимски гуми без никакви проблеми се движат по патот. Патрола од ПС Попова Шапка е на местото на настанот.Според дежурниот во ПС Попова Шапка во наредниот период може да се јават и други пријавувачи за истиот проблем бидејќи како ќе одминува времето поголем број на луѓе ќе почнат да се симнуваат од Шапка кон Тетово и да се створат поголеми колони од возила.

Македонија | пред 1 година

Вонредна информација за проодноста на патните правци по врнежите од снег

РЦУК – Тетово, известува дека по извршените контакти со одговорните лица од ЕЛС, Полициските станици и од ЈП за одржување и заштита на магистралните и регионалните патишта добиена е информација дека во поголемиот дел од Северозападниот регион, Тетово и Гостивар, состојбата со локалните и регионалните патни правци е редовна.Во Тетовскиот реон, на повисоките населени места по коловозите има остатоци од снег кои го отежнуваат сообраќајот и за движење по истите потребна е зимска опрема. Патниот правец с.Стенче – с.Гургурница (опш.Брвеница) е прооден, а истиот го расчитувала екипа од ЕЛС од утринските часови. Истата екипа сеуште е на терен поради тоа што во тој реон има појава на силни ветрови кои би можеле да нанесат навеви од снег на коловозот. И патните правци кои водат до високопланинските села од Општина Тетово се проодни. Сообраќајот се одвива во зимски услови.Во општина Маврово-Ростуше, на некои места има наврнато и околу 80 см снег. Паднати биле десетина дрвја кои го попречуваа сообраќајот. Екипа од ЈП за одпжување и заштита на магистралните и регионалните патишта со моторна пила од утринските часови е на терен и постапно ги сече и одстранува паднатите дрвја. Паните правци моментално се чистат по приоритет. Возило од Македонија пат моментално почнува со чистење на патот околу Мавровско езеро од кај страната на Бунец. Поради големите наноси на снег се очекува чистењето на патиштата да потрае подолго време. По извршениот контакт со одговорното лице од ЕЛС Маврово добиена е информација дека во најголем дел локалните патни правци се проодни. Проблеми има во Мавровскиот дел додека во Ростушкиот не се забележани проблеми и таму количината на паднат снег е драстично помала.РЦУК – Скопје, известува дека според добиените информации од контакт лицата во општините во скопскиот регион, во планинските делови во општините Чучер Сандево, Бутел, Сопиште, Студеничани и Зелениково има остатоци од кашест снег кој се топи, патиштата се проодни и нема никаков застој во одвивање на сообраќајот во тие делови.РЦУК – Велес, известува дека во општина Кавадарци на повисоките места има снег и тоа: на Витачот има 25 сантиметри и кај Михајлово 50 самтиметри. Според известувањето од ТППЕ Кавадарци, кај излетничкото место Михајлово има 3 пожарникари со 1 теренско возило и со 2 моторни пили кои одстрануваат гранки од дрвја. На расчистување на патот работат екипи ангажирани од ЕЛС Кавадарци, и од 09:30 часот, патот за Михајлово е прооден по 1 лента, а се работи и на целосно расчистување.Во општините Велес, Свети Николе и Неготино има врнежи од дожд и патните правци се проодни.РЦУК – Битола, известува во општина Битола, се работи на расчистување на патниот правец кон Хотел „Молика“ и Ски центарот Ниже Поле. Останатите патни правци во општините Битола, Прилеп, Демир Хисар и Крушево се проодни.РЦУК – Струмица, известува дека во општина Гевгелија, на патниот правец Гевгелија – с.Фурка има одрон на патот и на расчистување на истиот работат од ЈП за одпжување и заштита на магистралните и регионалните патишта.Останатите патни правци во општините Струмица, Радовиш, Валандово, Гевгелија и Дојран) се проодни.РЦУК – Охрид, известува дека во општините Охрид, Струга, Дебар, Кичево и Македонски Брод сообраќајот на сите магистрални, регионални и локални патни правци се одвива редовно по влажни коловози. Дождот кој во моментов е активен во регионот го стопи снегот на патиштата и нема проблеми во сообраќајот.РЦУК – Куманово, известува дека во општините Куманово, Крива Паланка, Кратово, сите магистрални, регионални и локални патни правци се проодни, а сообраќајот се одвива тековно во зимски услови. Засега немаат информации за непроодни локални патни правци во планинските места.РЦУК – Штип, известува дека во општините Штип, Кочани, Пробиштип, Делчево, Македонска Каменица, Берово и Виница, сите патни правци се проодни, а сообраќајот се одвива тековно во зимски услови и по влажни коловози.АМСМ известува дека на ден 01.12.2024 година, вo 07:50 часот, на магистралниот пат А2 Охрид – Кичево, односно планинскиот превој Пресека и обратно, сообраќајот за Тешки товарни возила e нормализиран.На патниот правец Тетово – Попова Шапка е зaдолжително користење на зимска опрема (ланци).Забрани за сообраќај за тешки товарни возила има на планинските превои Стража, Ѓавато и Маврово.Од УХМР во 08:30 часот добиени се следните информации:НАВРНАТ ВОДЕН ТАЛОГ за 24 часа, до 07:00 часот (во l/m2):127 Демир Капија; 96 Попова Шапка; 81 Гевгелија; 79 Кавадарци; 69 Прилеп; 61 Битола; 55 Пожаране; 52 Струмица; 48 Скопје-Петровец; 43 Штип; 42 Маврови Анови; 39 Куманово; 35 Претор; 34 Берово; 33 Тетово; 29 Скопје-Зајчев Рид; 27 Дебар; 25 Велес; 18 Охрид, Виница; 15 Крива Паланка.ВИСИНА НА СНЕЖНА ПОКРИВКА во 07:00 часот (во сm):61 Маврови Анови; 44 Крушево, Попова Шапка; 15 Дебар; 14 Претор; 7 Берово; 4 Битола.ВРЕМЕТО ДЕНЕСКА:Облачно со повремени врнежи од дожд и снег, во западните и јужните делови пообилни (над 30 l/m2). На планините и на повисоките места, претежно во западните делови врнежите ќе бидат од снег. Ќе дува умерен, наместа долж Повардарието повремено засилен ветер од северен правец. Максималната температура ќе достигне од 2 до 7 степени.Во Скопје облачно со врнежи од дожд, повремено пообилни, а во повисоките делови од котлината од дожд и снег. Ќе дува умерен, во делови од котлината повремено засилен ветер од северен правец. Максималната температура ќе достигне до 5 степени.

Македонија | пред 1 година

Се трупа снег во Маврово: заглавено семејство со две мали деца

Од 112 во 10:21 часот, добиена е пријава за заглавени лица од ТППЕ Гостивар во снегот кај село Леуново.Исто така, во 11:43 часот, добиена е пријава и за заглавено возило (фамилија со 2 мали деца) во снегот, пред Хотел Радика, с.Леуново.РЦУК Тетово извести дека од страна на ЈП за одржување на магистралните и регионалните патни правци добиле информација дека висината на снежната покривка е околу 80 см, и дека веќе работат на расчистување на патот околу Мавровско Езеро, но истото им е отежнато поради паднати дрвја на патот.

Македонија | пред 1 година

Вучиќ за инцидентот во Косово: Вчера имаше хибриден напад врз нашата земја, тоа беше претстава, а не акција

Српскиот претседател Александар Вучиќ се обрати до јавноста во врска со изјавите на Аљбин Курти и Џељаљ Свечља дека Белград бил вмешан во експлозијата на каналот Ибар-Лепенац. Посочи дека вчера се било претстава за меѓународната и домашната јавност, а малтретирани биле Србите во Косово.„Вчера имаше хибриден напад врз нашата земја“, рече претседателот Вучиќ на почетокот на своето обраќање.Тој рече дека внимателно следел се што е соопштено од приштинските власти и нивните меѓународни спонзори, како и нивните медиуми, па кажа дека има факти кои докажуваат дека вчера имало претстава, а не акција против тероризам.„Зошто ова беше глупо изведено, од тие кои го режираа. Јас и донесов материјал за Сргија и водата. Книга. За што се работи, од 1985 година постои идеја да се сврти водотекот и тие остануваат без вода. Нема потреба од никаков тероризам. Ама јас бев против тоа“, посочи Вучиќ.Според него, по девет минути од настанот, имало барање КФОР да има распоредување на вооружени сили на Северот во Косово.„Тоа беше првата цел. Ќе видите, или ќе потврдат или ќе преќутат. Имаме докази“, додаде Вучиќ.Во Приштина овој настан го окарактеризира како „терористички напад“ и го обвинија Белград дека стои зад него.Претседателот на Србија, Александар Вучиќ изјави дека Србија недвосмислено отфрла каква било вмешаност во нападот на каналот Ибар-Лепенац и повика на темелна, непристрасна и транспарентна истрага за овој чин на саботажа.

Свет | пред 1 година

Уапсен осомничениот убиец на Оки во Грција: тука ќе одговара за планираното убиство

Основното јавно обвинителство Скопје донесе Наредба за спроведување истражна постапка против едно лице за кривично дело кое во македонскиот Кривичен законик е предвидено како – Убиство од член 123 став 2 точка 3 во врска со став 1 и член 22, како и за Неовластено изработување, држење, посредување и тргување со оружје и експлозивни материи според член 396 став 3.Осомничениот 33-годишник, на 15 јули 2023 година, во Ханиоти, Република Грција, заедно со уште едно засега непознато лице, со умисла го лишиле од живот сега покојниот Орхан Бајрами, а ги довеле во опасност и животите на уште четири лица. По претходен договор, осомничениот и неговиот соизвршител маскирани пристигнале во туристичкиот комплекс каде била сместена жртвата и се приближиле до отворената задна балконска врата. Осомничениот од огнено оружје – пиштол „Црвена застава“ со калибар 7,65 мм со пригушувач испукал 11 куршуми, а неговиот соучесник со пиштол од ист калибар уште 8 куршуми во правец кон оштетените. Од куршумите, три завршиле во телото на сега починатиот, нанесувајќи му смртоносни повреди.Грчките истражни органи имаа издадено налог за апсење на осомничениот, како и Европски налог за апсење и меѓународна потерница поради сомненија за кривични дела – Намерно убиство со соучесништво и Обид за сериско и соучесничко убиство на територијата на Република Грција. Со оглед на тоа што станува збор за македонски државјанин за кого не постои можност за екстрадиција, врз основа на инструментите за меѓународна правна соработка, грчките власти го отстапија кривичното гонење на Основното јавно обвинителство Скопје.Јавниот обвинител до Основниот кривичен суд во Скопје достави предлог за определување мерка притвор за осомничениот.

Македонија | пред 1 година

(Видео+фото) Снежни идили низ Македонија

Во неколку делови од Македонија веќе има снег, што е специфично за овој период од годината. Бела Прекривка има на Попова Шапка, туристички центар каде веќе има и туристи.Снег ги прекри и улиците на Дебар.Снежна идила има и во ПрилепИнтензивни подготовки за скијачката сезона има и на Пелистер.

Македонија | пред 1 година