ТОП

Првиот голем бран на врнежи пристигнува: Вечерва и утре ќе има обилни врнежи од дожд, грмежи и локално невреме

Првиот бран на врнежи и тоа поврзан со Средоземниот циклон, кој полека ќе се преместува над Јадранот, ни пристигнуваат денес попладне и навечер, како и утре (вторник). Врнежи од дожд ќе има насекаде во Македонија, локално проследени со грмежи и со засилен ветер, најпрвин од јужен и од југоисточен правец, а утре (вторник) од северен правец.Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со услови за појава на град. И во Скопскиот регион денес попладне  и навечер, како и утре (вторник) ќе започнат врнежи од дожд. Во делови од котлината тие ќе бидат поројни и проследени со грмежи и со засилен ветер. И во делови од Скопскиот регион ќе има услови за појава на невреме.Апелираме во случај на појава на невреме  и на силни електрични празнења, да не се претстојува на отворен простор  и под осамени дрвја.Што се однесува до температурите, тие позначително ќе опаднат, особено утре (вторник) кога максималните дневни температури ќе се искачуваат во интервалот од 18 до 24 степени.Да напоменам дела за време на овој прв бран на врнежи, локално ќе наврне значително количество на воден талог (над 30 л/м2).

Македонија | пред 1 година

Трамп или Харис: Кој ќе има предност во претседателската дебата

Дебатата е закажана за вторник и ќе биде првпат Камала Харис и Доналд Трамп да се сретнат во дебата во живо.Втората претседателска дебата на САД ќе се одржи во вторник и тоа ќе биде првпат Доналд Трамп и Камала Харис да се соочат.Претседателските дебати се огромно телевизиски и може да имаат големо влијание врз тоа како Американците одлучуваат да гласаат.Се шпекулира дека Камала Харис е вешта во дебатите, но Доналд Трамп во претседателските дебати во 2016 и 2020 година покажа дека е тежок ривал.Дебатата ќе се одржи во Филаделфија на 10 септември.Ова е втора претседателска дебата во 2024 година.Првата се одржа во јуни меѓу Доналд Трамп и претседателот Џо Бајден, пред Бајден да одлучи да се повлече од изборната трка.Дебатата ќе се емитува на ABC и ќе се емитува на ABC News Live, Disney+ и Hulu.Секој кандидат има најмногу две минути да одговори на прашањето на модераторот и две минути за одговор.Микрофоните на кандидатите ќе бидат исклучени додека зборува другиот и нема да има публика во дебатната сала.Харис сакал микрофоните да бидат постојано вклучени, но неодамна се согласила на ова правило.За прв пат беше воведено пред четири години, откако првата дебата меѓу Трамп и Бајден беше проследена со постојани упади и расправии.Дебатата во вторник ќе ја водат двајца модератори, Дејвид Муир и Линси Дејвис, двајцата водители на вестите на ABC.

Свет | пред 1 година

Нема фотографија

Израел изврши напади врз Сирија, најмалку пет лица загинаа, 19 се ранети

Во синоќешните израелски напади врз неколку области во централна Сирија, најмалку пет лица загинаа, 19 се ранети и предизвикани се пожари, јавија сириските државни медиуми.Во тие напади, Израел целеше голем број воени локации во централниот регион, а сириските сили за воздушна одбрана пресретнаа и соборија некои од нив, објави новинската агенција САНА.Најмалку 19 ранети лица, од кои тројца се во критична состојба, се пренесени во државната болница Масјаф во западната провинција Хама, како и телата на петмина загинати, изјави началникот на болницата Фајсал Хајдар.Сириската опсерваторија за човекови права, организација со седиште во Обединетото Кралство, која известува за ситуацијата во Сирија, рече дека еден од нападите бил насочен кон научно-истражувачки центар во Масјаф, а други целни локации биле „ирански милиции и експерти стационирани да развиваат оружје во во Сирија“, пренесува АП.Израелската армија се уште не ги коментира овие наводи.Израел со години извршува напади врз цели во Сирија за кои тврди дека се поврзани со Иран, а од почетокот на војната со Хамас овие напади се интензивираа.

Свет | пред 1 година

Нема фотографија

Синер чека одлука дали е легално да падне на допинг

Јаник Синер, италијанскиот тенисер го освои УС Опен со убедлива победа против Тејлор Фриц со 3:0 во сетови.Без разлика на титулата на УС Опен, Синера го очекува период на неизвесност кој во голема мера може да го одреди понатамошниот тек на неговата кариера.Да се ​​вратиме за момент на 10 март 2024 година, кога Синер првпат беше позитивен на клостебол, супстанца која се третираше како допинг. Осум дена подоцна, Синер беше позитивен по втор пат. Следеа две суспензии - 4 април и 17 април, но и двете беа укинати наскоро - првата, поради првиот позитивен тест, траеше само еден ден, додека втората траеше седум дена.Конечната одлука дојде по сослушувањето на 15 август, а беше објавено четири дена подоцна - на Синер му беше дозволено да продолжи да се натпреварува бидејќи „не бил позитивен на тестот поради невнимание или грешка“.Од тој момент започна рокот од 21 ден за жалби до Судот за спортска арбитража.Речиси веднаш по објавувањето на оваа информација, Светската антидопинг агенција (ВАДА) објави дека „внимателно ќе го разгледа случајот“ и дека „го задржува правото на жалба“.Времето минуваше, а од ВАДА немаше информација до 5 септември, кој беше ден пред истекот на рокот за жалба.Италијанскиот портал „Fanpage.it“ од Неапол, инаку еден од најголемите медиуми од оваа земја, го објави одговорот што го доби од ВАДА на прашањето што се случува со случајот на Синер:„Како што правиме со секој случај, внимателно ја испитуваме оваа пресуда и го задржуваме правото да поднесеме жалба до Судот за спортска арбитража, доколку е потребно.На прв поглед премногу лежерно со оглед на сериозноста на ситуацијата. И тогаш 6 септември помина без никаква помпа - ниту ВАДА ниту Агенцијата за тениски интегритет (ITIA), која првично најави дека Синер нема да биде суспендиран, не објавија никакви најави.Иако на почетокот чудно, набрзо стана јасно зошто нема информации.Имено, рокот за жалби пред Судот за спортска арбитража истече на 6 септември, но - за сите освен за ВАДА.Како што е наведено на сајтот на оваа антидопинг агенција, а во делот за жалби на пресудите кога се во прашање допинг спортистите, за нив важат посебни правила.Имено, ВАДА има право на жалба на казната 21 ден по првичната одлука, или 21 ден од моментот кога е комплетирано досието и ја има целата документација на случајот во нејзина сопственост.Конкретно, член 13.2.3.5 го наведува следново:„Крајниот рок за поднесување жалба на WADA е подоцна од:Дваесет и еден ден по истекот на рокот за жалби од други странкиилиДваесет и еден ден од приемот на комплетното досие во врска со донесувањето на одлуката.“Во суштина, ова остава можност ВАДА да го започне процесот на жалба на 29 ноември, под услов тие 21 ден да бидат доволни за да ги собере сите потребни информации. Од друга страна, доколку има потреба од повеќе документација или изостане некоја хартија, постои можност целиот случај да трае подолго од тоа.Сепак, поверојатно е дека целата ситуација ќе се реши и пред тој рок. Италијанските медиуми напоменуваат дека ВАДА одлучила да го почека понеделникот за да не се крева врева на УС Опен не само поради Синер, туку и поради останатите тенисери и дека може да очекуваме конкретни чекори и најава за финалето. исходот најрано во понеделник, 9 септември.

Спорт | пред 1 година

Криминалци наместо во затвор, се шетале низ Скопје: фатени двајца, еден во Кисела Вода и Гази Баба

Приведени криминалци во Скопје барани со потерници за извршени тешки кражбиДенеска (08.09.2024) полициски службеници од Оперативен тим потраги при СВР Скопје околу 06 часот во Скопје, на територија на општина Кисела Вода, го лишија од слобода Ф.П. (31) од Скопје, кој бил баран по централна потерница од МВР по наредба од Основен кривичен суд Скопје, за затворска казна од две години, за сторено кривично дело „тешка кражба“.Исто така, денеска (08.09.2024) полициски службеници од Оперативен тим потраги при СВР Скопје околу 06.50 часот во Скопје, на територија на општина Гази Баба, го лишија од слобода В.Д. (33) од Скопје, кој бил баран по централна потерница од МВР по наредба од Основен кривичен суд Скопје, за затворска казна од една година, за сторено кривично дело „тешка кражба“.Лицата ќе бидат предадени на надлежната казнено поправна установа.

Македонија | пред 1 година

По 33 години, засегнати сме од надворешни притисоци, непринципелни блокади, безбедносни кризи, вели Сиљановска за Денот на независноста

Претседателката Гордана Сиљановска Давкова упати честитка до граѓаните по повод 8 Септември - Денот на независноста.„Почитувани граѓани,На 8 септември 1991 година, македонските граѓани, користејќи го правото на самоопределување, ја изразија својата волја и во огромен број го дадоа својот глас за суверена и самостојна македонска република. Освен на референдумското ливче, таа волја беше изразена и преку озарените лица на илјадниците граѓани спонтано собрани на плоштадот „Македонија“, каде што со голем ентузијазам и надеж за иднината ѝ се радуваа на независноста.Со тој чин, тие, ние, македонските граѓани, на мудар, демократски и мирољубив начин, во согласност со Повелбата на Обединетите Нации, ја напуштивме федерацијата што се распаѓаше и зачекоривме во новата етапа на македонската државност. Заокружувајќи го делото на илинденците и на асномците, ја превзедовме одговорноста да градиме модерна, европска, правна држава која ќе обезбеди мир и соживот, социјална правда, економска благосостојба и напредок на личниот и заедничкиот живот.33 години подоцна, ентузијазмот и надежта се, за жал, засенети од бројните предизвици со кои се соочивме како држава, од надворешни притисоци и непринципиелни блокади, преку внатрешни поделби, па сè до политички и безбедносни кризи. Низ годините имавме и успеси и грешки, и подеми и падови. Пропуштените можности, сеприсутната партизација и политизација и хроничната корупција ги отуѓуваат граѓаните и ги иселуваат младите.Наша должност е да ги оставиме на страна поделбите и да се сплотиме околу општото добро и јавниот интерес. Мора да ги вложиме сите наши лични и институционални капацитети за да ја направиме македонската република пристојно место за живеење, што ќе им дава еднакви шанси за напредок на сите нејзини граѓани, република што ќе биде грижлива кон најдобрите, инклузивна кон различните, солидарна кон ранливите и праведна кон сите.Само со европеизација на државата, со владеење на правото и со борба против корупцијата, со функционални институции и со компетитивна економија и систем на заслуги ќе им овозможиме на младите генерации, правото на потрага по среќа да го остварат дома, во заедничката татковина, во која ќе работат, ќе основаат семејства и ќе создаваат иднина. Само така, ќе ја обновиме надежта и ќе го вратиме ентузијазмот од почетокот на македонската независност.Нека ни е честит 8 Септември – Денот на независноста!“

Македонија | пред 1 година

Куп прашања неодговорени, 14 загинати лица: две години откако изгореа пациенти сосе болницата во Тетово, ќе има ли одговорност?

Куп прашања неодговорени, 14 загинати лица, десетина повредени. Ова е епилогот од пожарот во модуларната ковид-болница во Тетово, која изгоре до темел. Починатите се претежно пациенти, кои беа на болничко лекување поради Ковид -19 во таа модуларна болница, а двајца се членови на семејствата на болните.Кабелот, односно спојот на струјата, го предизвикал пожарот, покажаа истрагите на Обвинителството. Но, истрагата за тоа дали болницата е изградена според сите прописи, но и дали тендерската документација е изготвена за да се изгради безбедна модуларна болница – никогаш не го виде светлото на денот. Обвинителството за организиран криминал и корупција ја собра документацијата, отвори постапка. И толку. Остана на тоа.Имаше еден судски процес, но... ексдиректорот на тетовската болница Флорин Бесими и поранешниот економски директор Артан Етеми, не се гона поради причината за пожарот во тетовската модуларна болница, туку бидејќи не ставиле пропишани уреди за гаснење на пожар. На докторот Бобан Вучевски кој беше ослободен од вина, му се судеше бидејќи дозволил влез на роднини во болничките соби, иако тоа било забрането.Истражувањето на „ИРЛ“ пак, покажа дека ковид-болниците, вклучвајќи ја и изгорената во Тетово со која изгубивме и човечки животи, биле градени без елаборат за електрична инсталација, без елаборат за противпожарна заштита, без надзор за изградбата и други пропусти.„По ова, надлежностите за спроведување на тендер му се префрлаат на Министерството за здравство, тогаш водено од Венко Филипче. И во поништената постапка и подоцна во повторената постапка тендерот го добива македонската компанија Брако, една од семејните фирми на поранешниот вицепремиер Кочо Анѓушев“, се наведува во истражувањето.Претставници на семејствата на 14 лица кои ги загубија своите животи во пожарот во модуларната болница во Тетово за денеска на двегодишната од пожарот и трагедијата во која ги загубиле своите блиски, најавија јавен протест со цел да побараат да има ново обвинение.Вечерта на 8 септември во тетовската модуларна болница за ковид-пациенти се случи една од најголемите трагедии во историјата на државата. Македонските крим-техничари утврдија дека пожарот во модуларната болница во Тетово настанал како последица од електрична куса врска преку висок преоден отпор во приклучниот кабел на дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат. Ова беше единствениот конкретен податок којшто укажуваше која била иницијалната каписла за избувнувањето на пожарот. Неколку месеци подоцна својот извештај го доставија и германските експерти коишто вршеа вештачење во странски лаборатории.

Македонија | пред 1 година

33 години независна Македонија: Низа тешкотии, но и убави денови

На 8 септември 1991 година, 95 отсто од граѓаните на Македонија на референдум се изјаснија за самостојна и суверена држава.Меѓу поважните датуми од патот кон независноста кои му претходеа на референдумот се 25 јануари 1991 кога првиот состав на повеќепартиско Собрание усвои Декларација за независност, а два дена подоцна го избра Киро Глигоров за прв претседател на самостојна и суверена Република Македонија.По референдумот, пак, на 17 ноември 1991 беше усвоен Уставот, а следуваше и монетарно осамостојување и воведување на денарот на 26 април 1992.„Граѓани и граѓанки на Македонија, дозволете вечерва на вас и на сите граѓани и граѓанки на Македонија, да ви ја честитам слободна, суверена и самостојна Македонија“, изјави тогаш првиот претседател на независна Македонија Киро Глигоров, соопштувајќи ги резултатите од референдумот.Владеењето на правото, судството и правната држава и понатаму се најголемите проблеми, а тоа се основите на една држава. Најголемото разочарување за граѓаните е судството. Специјалното јавно обвинителство, беше формирано да ги решава проблемите со криминалот и корупцијата, а самото тоа стана извор на нови проблеми. Истовремено, куп роднини на политичари станаа судии и обвинители. Дел од актуелните правораздавачи - се актери во корумпираната претстава.На гласањето, според официјалните податоци, од 1.495.626 гласачи излегле 1.132.981 граѓанин со право на глас или 71,85 отсто, а од вкупниот број граѓани кои гласале на Референдумот позитивно се изјасниле 1.079.308 граѓани односно 95,09 отсто (односно 72,16% од вкупниот број на граѓани со право на глас). Резултатите сами по себе говорат за успешноста на Референдумот. Во официјалниот извештај на Комисијата за спроведување на Референдумот се вели дека за начинот на кој беше спроведен не беа поднесени приговори или жалби поради неправилности или повреди на одредбите на Законот за републички Референдум. Комисијата ја констатирала масовноста на граѓаните со право на глас во Македонија кои се изјасниле “за” самостојна и суверена Македонија.Сенка врз настаните со кои се поставија темелите на самостојна Македонија фрли бојкотот на референдумот од страна на дел од албанската етничка заедница и неподдржувањето на новиот Устав од пратениците Албанци. Десет години подоцна Уставот беше надополнет по конфликтот во 2001 и потпишувањето на Рамковниот договор.На референдумот му претходела Декларација за независност која првиот повеќепартиски Македонски парламент ја усвоил на 25 јануари 1991 година.

Македонија | пред 1 година

Дождот помогна за гаснење на огнот кој шест дена беснее во Мариовско

Дождот кој пред малку заврна во прилепско помогна во гаснењето на пожарот во Мариовско и околината, вели директорот на ЦУК, Стојанче Ангелов.Тој дополнително ќе извести дали е изгаснат целосно.Преку 30 километри достигна огнената линија од пожарот во Мариовско, кој е активен веќе шести ден, без знаци на смирување. На терен се над 200 професионалци кои превенираат ширење на огнот кон населените места.Директорот на Центарот за управување со кризи, Стојанче Ангелов, информира дека пожарот во Мариовско во моментов е најтешкиот пожар во државата и предизвикува голема вознемиреност кај граѓаните.

Македонија | пред 1 година

(Видео) Актерката Весна Бејби соопшти дека се бори со рак

Актерката Весна Бејби Петрушевска преку вклучување во живо на „Инстаграм“ соопшти дека и дијагнотицирале рак.„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.Таа посочи дека ги живее најтешките моменти, задачи и преживувања, но не сака сожалувања.„Имав две операции, се работи за рак на дојка. Минатата година кога јас се оперирав и вадев жолчка, ми кажаа дека треба да ја следам состојбата. Како што спиев, едно ми скокна на десната града, што толку ме заболе, што јас се јавив на мојот д-р Огнен. Ме среди за 24 часа, со тоа што ми обезбеди торакалец, жена, Наташа Толевска, извонреден хирург“, додава Петрушевска.Посочува дека таа живее со дијагнозата и состојбата на телото.„Имам 30 сантиметри рез, кој што ве инвалидизира, лузна, белег, која ве потсеќа на животот кој треба да го живеете“, додава Петрушевска.

Магазин | пред 1 година

Алармантно се шири опасноста од голема кашлица, за една недела 25 новозаболени

Заразните болести за кои мислевме дека се искоренети, повторно се шират.Институтот за јавно здравје информира дека од 30 август до 5 септември во државава се пријавени 25 нови случаи на големакашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.,,Возраста на заболените е од еден месец до 60 години, а најголем број на случаисе од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.

Македонија | пред 1 година

Јавното обвинителство ќе спроведе истрага за убиството во Кочани

Основното јавно обвинителство Кочани донесе Наредба за спроведување истражна постапка против две лица, кои се осомничени дека како соизвршители извршиле кривично дело – Убиство според член 123 став 1 во врска со член 22 од Кривичниот законик.Двајцата осомничени, по претходна расправија, лишиле од живот едно лице, нивен сосед, удирајќи го повеќе пати со тврди предмети и нанесувајќи му повреди по целото тело.По наредба на јавен обвинител, на телото на починатиот е извршена обдукција, а од лице место се прибрани траги и материјални докази кои се предмет на вештачења.Јавниот обвинител до судијата на претходна постапка достави предлог за определување мерка притвор за двајцата осомничени. Кочанскиот суд го прифати предлогот и им определи притвор од по 30 дена.

Македонија | пред 1 година

Пронајдени 800 грама марихуана кај 19-годишно момче од радовишко

Денеска (07.09.2024) во 06.40 часот полициски службеници од СВР Струмица-ОВР Радовиш го лишија од слобода Е.З.(19) од село Бучим, радовишко. При претрес на неговиот дом, извршен со судска наредба, биле пронајдена околу 800 грама марихуана.Лицето било задржано во Полициската станица Радовиш, за настанот бил запознаен јавен обвинител од Основното јавно обвинителство Струмица и по документирање на случајот против Е.З. ќе биде поднесена соодветна пријава.

Македонија | пред 1 година

На опожарени места во Кисела Вода градење нема да има, дециден е Ѓорѓиевски

Градоначалникот на Кисела Вода, Орце Ѓорѓиевски, дециден е дека на опожарените места во Расадник, нема да има градење. Тој се заблагодари за интервенциите од сите кои учествувале во гаснењето. За полицијата посочи дека имала брза и професионална разрешница.“Почитувани припадници на МВР, почитуван министер Панче Тошковски, дозволете ми да ја изразам мојата благодарност за брзата, професионална и експедитивна разрешница на случајот со подметнатиот пожар во Расадник, Кисела Вода. За жал, нечија детска игра може да донесе сериозни последици, како што беше случај кај нас пред 3 дена. Имено, се работи за тројца малолетници кои на територијата на Расадник, фрлале пиротехнички средства кои претходно ги запалиле со запалка, по што се запалила сувата трева. Пожарот брзо се рашири и изгореа над три хектари површина!”, објави ЃорѓиевскиТој упати апел до родителите.“Против 14 годишниот поднесена е кривична пријава за ,,предизвикување општа опасност”, казниво по член 288 од Кривичниот законик. Благодарение на противпожарните екипи и брзата реакција, за што сакам и нив да им изразам длабока почит, МВР, населението и службите на општината спречивме катастрофални последици со кои можеше да биде трагично по животот на мојот народ, како и нивниот имот. Дозволете ми да апелирам и до родителите да внимаваат на своите деца, особено во вакви периоди на пожари. Детската игра може да биде фатална. Сите ние сме родители и сите сакаме најдобро за нашите дечиња, затоа треба и така да се однесуваме”, смета Ѓорѓиевски.Градоначалникот е дециден - на опожарените места нема да има градење.“А сега, откако се крена маглата кои некои сакаа да ја наметнат, особено оние кои планира 99 згради во Расадник според ДУП-от кој јас го поништив, уште еднаш сакам да потенцирам дека на опожарени места во Кисела Вода - НЕМА ДА ИМА ГРАДЕЊЕ! Уште еднаш, благодарам и поклон до земја за МВР, ЦУК, Противпожарната бригада и мојот храбар народ”, посочува Ѓорѓиевски.

Скопје | пред 1 година

Не смее да има на улица слободни кучиња, а ‘Лајка’ да престане да пушта кучиња по селата во околината на Скопје, акармира Најчевска

Професорката по право, Мирјана Најчевска го впери прстот кон ЈП Лајка, претпријатие на Градот Скопје, чиј градоначалник е Данела Арсовска. Ова доаѓа по поплаката од жителка дека куче скокнало над неа и ја искалао на стомак, додека пак количката со нејзиното дете паднала.“Ајде вака уште еднаш да повторам: Не смее да има на улица слободни кучиња без газда и поводец. Секој кма право да се заштити од слободно пуштено куче на секој можен начин. А ‘Лајка’ да престане да пушта кучиња по селата во околината на Скопје”, апелира професорката Најчевска.Сандра Лазаревска од Скопје на Фејсбук раскажа за напад од улично куче на пешачка патека во скопската населба Карпош. Како што пишува, таа била на прошетка со своето бебе, а завршила со рани на стомакот.“На прошетка со бебето неполни 40 дена, на стаза наменета за пешаци, каде што ПРИТОА нема никакво осветлување. Гледам слика пред мене од затрчано куче и се запрашувам дали оди накај мене или према нешто друго. Ни 2 ни 3, во секунда се фрла на мене, ме каса по стомак и ме бутка на земја. Паѓам. Како што паѓам, паѓа и количката во која се наоѓа син ми, паѓа од количка СРЕЌА на мека исушена трева, лазам по тревата да го фатам за да не го повреди, го зимам во раце и СРЕЌА некако ништо не му се беше случило. Две девојки позади мене ми ги слушнаа врисоците и се стрчаа да ми помогнат…И до кога вака со кучињава пуштени како во дивина а во главен град, без никакви сериозни мерки?Скраја да е!”, напиша таа на нејзиниот Фејсбук профил и ги повика надлежните да го решат овој проблем.

Коментари | пред 1 година

Миа Костова: Ќе го изгубите и Центар, може треба да се разгледа можноста часови да се држат во септември во МПЦ, пријатно, ладничко на ниво

Инфлуенсерката Миа Костова по бурата од реакции која ја крена со објавата дека нема да го пушти нејзиниот син во училиште додека во училниците температурите се 37 степени, замина во Санторини. Во дел од коментарите ја прашуваа дали плаќа данок кон државата од профитот кој го прави како јавна личност, на што таа одговори. Најголемиот револт го донесе фактот што училиштето во кое учи нејзиниот син е новоизградено, но без клими.“Сите загрижени кои прашуваат дали плаќам данок, ќе мора да ве разочарам дека плаќам. До денар. Пари на рака не земам. Затоа што ова што го работам не е пазар. Знам дека сте разочарани и од фактот дека не работам со компензации во случај некој да ве праша. И да, сѐ си плаќам сама, напиша Костова.На дневен ред на Советот на Општина Центар ќе се најде и барање за донација од црква на МПЦ во Берлин. Тоа го искоментира и Костова.“Е сега, кога веќе плаќам данок имам право да барам основна вентилација па и клима во школо и тоа да е приоритет пред инвестиција на општина Центар за црква во Берлин. Може треба да се разгледа можноста часови да се држат во септември во МПЦ, пријатно, ладничко на ниво. Штета баш ми е криво што ќе го изгубите и Центар.Ботови на сдсм дали сте спремни на 3….2….1… Отидов ја на Санторини, вие мислете му ја кај идат парите и челичајте ги вашите Херкулчиња на 78 степена и радувајте се на црква во Берлин. И да, Санторини сама си го плаќам”, додаде Костова

Коментари | пред 1 година

Девет пожари не се под контрола: Македонија и натаму се справува со огнените стихии

Во текот на изминатиот ден, петок, 06.09.2024 година, имаше вкупно 19 пожари на отворен простор, од кои активни се 7, под контрола се 3 и изгаснати се 9.АКТИВНИ: 71. Општина Прилеп 1: с.Пештани – с.Кокре – с.Кален – с.Дуње – с.Бонче – с.Крушевица – с.Волково – с.Штавица – с.Прилепец – с.Чумово – с.Селце – с.Лениште – с.Беловодица – с.Смолани – с.Дрен (нискостеблеста вегетација, сува трева и борова шума);2. Општина Чашка: Планина Мукос – с.Ораов Дол (активен), с.Оморани (локализиран), с.Степанци (под контрола) (ниска вегетација, мешана борова и липова шума);3. Општина Петровец: с.Градманци – с.Брезница – с.Катланово (нискостебелста шума);4. Општина Штип: с.Хаџи Хамзали – с.Едеклерци – с.Топлик, полигон Криволак (нискостеблеста шума, смреки и сува трева);5. Општина Долнени 1: с.Десово (сува трева и ретка деградирана шума);6. Општина Прилеп 2: м.в.Дервен (шума);7. Општина Прилеп 3: с.Дрен – с.Смолани (букова шума).ПОД КОНТРОЛА: 31. Општина Чучер-Сандево: с.Танушевци, м.в.Рамно (мешана шума);2. Општина Крушево: Градска депонија (ѓубре);3. Општина Делчево: Градска депонија (ѓубре).ИЗГАСНАТИ: 91. Општина Гостивар: нас.Млаки, близу муслиманските гробишта (сува трева);2. Општина Струмица: м.в.Суфилар (сува трева и гаража);3. Општина Василево: с.Чанаклија – с.Нова маала (сува трева);4. Општина Куманово: нас.Карпош (грмушки и сува трева);5. Општина Ѓорче Петров: с.Никиштани (ѓубре);6. Општина Студеничани 1: с.Вртекица (мешана шума и сува трева);7. Општина Студеничани 2: с.Долно Количани (мешана шума и сува трева);8. Општина Кичево: с.Црвивци (ѓубре);9. Општина Македонски Брод: с.Русјаци (сува трева).

Македонија | пред 1 година

Оваа слика го обиколи светот: Јарослав во бруталниот напад загуби три ќерки и сопругата

Четири бели крста и четири ковчези, илјадници луѓе и неопислива тага на татко и сопруг кои го придружуваа своето семејство до последното почивалиште. Ова се сцените на болка денеска од Лавов, каде градот се прости од жртвите кои загинаа во рускиот ракетен напад.Единствениот преживеан член од ова семејство е таткото Јарослав Базилевич – фотографиите од неговото крваво лице со лузни го обиколија светот во средата. Во напад, заедно со неговите три ќерки – Емилија (7), Дарина (18) и Јарина (21) – и неговата сопруга Јевгенија (43) загинаа уште три други од градот Лавов. Нападот се случи пред зори, Русите силно го бомбардираа центарот на градот. 50 цивили се ранети, а некои згради се целосно уништени.За време на последното збогување, илјадници луѓе се собраа пред црквата во центарот на градот.Јарослав Базилевич беше опкружен со толпа луѓе во гарнизонската црква на Светите апостоли Петар и Павле, а неговото лице се уште има рани од експлозијата.Отец Јарослав ги прегрнуваше и бакнуваше добронамерниците покрај отворените ковчези на ќерките и сопругата. На неговото лице имаше лузни од шрапнели и модринки.„Никогаш во животот не сум сретнала такви луѓе“, рече Олександра Петриук, блиска пријателка на една од сестрите, држејќи хризантеми во раката и борејќи се со солзите надвор од црквата.Русија негира дека намерно гаѓала цивили.

Свет | пред 1 година

Од понеделник доаѓа вистинска есен на Балканот и во Македонија, ќе ни треба и потопла облека

Почнувајќи од Понеделник (9.9.2024), па речиси во текот на целата наредна седмица територијата на нашата Македонија ќе потпадне под влијание на циклонска активност со центар над Средоземјето.Во ваква ситуација времето ќе биде многу променливо со повремени врнежи од дожд со променлив интензитет. На повеќе места ќе има и развој на конвективни грмотевични облаци од кои се очекуваат поројни врнежи од дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со појава на град.За време на оваа циклонска активност, на повеќе места ќе наврне позначително количество на воден талог (над 25 л/м2) локално и над 30 л/м2, со што се можни и локални поплавувања.И во Скопскиот регион од понеделник (9.9.2024) па во деновите потоа ќе има честа појава на врнежи од дожд, грмежи и повремено засилен ветер. Во делови од котлината ќе има услови и за појава на невреме, проследено со обилен пороен дожд, силен ветер, силни грмежи и електрични празнења и со појава на град.Ветерот кој го очекуваме во текот на следната седмица повремено ќе биде со брзина и од над 60 км/час и претежно од северен правец, особено кон крајот на работната седмица и за време на следниот викенд.Апелираме во случај на појава на невреме и на електрични празнења да не се претстојува на отворен простор и под осамени дрвја.Што се однесува до температурите, тие во текот на следната работна недела ќе бидат значително пониски од сегашните и максималните дневни температури ќе се искачуваат во интервалот од 24 до 31 степени, меѓутоа за време на следниот викенд тие ќе бидат уште пониски и ќе се искачуваат во интервалот само од 19 до 26 степени, а утринските ќе бидат во интервалот од 6 до 14 степени, додека на планинските и на повисоките места ќе бидат и уште пониски.Со оваа голема промена на времето која ја очекуваме следната седмица, дефинитивно му кажуваме збогум на долгото и тропско лето во Македонија, но и на целиот Балкански Полуостров.

Македонија | пред 1 година

Нема фотографија

Папата Франциско пристигна во земја богата со злато, гас и нафта

Пaпата Фрањо денеска во Порт Морзби повика на подобар третман на работниците во Папуа Нова Гвинеја, земја со околу 600 острови во југозападниот дел на Пацификот, која стана важна за меѓународните компании поради своите резерви на гас, злато и нафта, додека тој апелираше до политичките лидери да го запрат племенското насилство.„Дури и ако мора да се вклучат надворешни експерти и големи меѓународни компании во експлоатацијата на овие ресурси, сосема е правилно да се земат предвид потребите на локалното население при распределбата на приходите и вработувањето на работници, за да се подобрат нивните услови за живот. “ – рече папата Франциско.Папата рече дека природните ресурси треба да се развиваат на одржлив начин што „ја подобрува благосостојбата на сите, без никого да исклучува, преку меѓународна соработка, меѓусебно почитување и договори корисни за сите страни“. По пристигнувањето во конференцискиот центар APEC Haus во главниот град на Папуа Нова Гвинеја, Порт Морезби, папата беше пречекан од танчери во традиционална облека со пердуви на главата.

Свет | пред 1 година

(Видео) Швајцарија ги евакуира туристите со хеликоптери по невремето и лизгањето на земјиштето

Власта во швајцарската област Састал, која е отсечена од патниот сообраќај поради невремето и лизгањето на земјиштето, денеска понудија евакуација на туристите со хеликоптер.Околу 2.200 туристи се блокирани во Састал, повеќето од нив Швајцарци, изјави портпаролот на регионалниот кризен тим. Не брзаат сите да си заминат, рече тој. Туристите можат да летаат со хеликоптер, што трае само неколку минути од Саас-Фи до Сталден, за околу 150 евра.Патот до котлината вчера по обилните врнежи во еден момент беше затрупан, а најрано од недела се очекува повторно да биде прооден.Извидувачкиот лет покажа дека е неопходно да се минираат гломазни парчиња карпи над патот, некои и по 100 кубни метри.

Свет | пред 1 година

Американците немаат освоено Грен слем повеќе од 20 години: Овој човек ќе има можност да стави крај на тениските маки

Веќе во полуфиналето на УС Опен беше јасно дека Американец ќе игра за грен слем титула. Се покажа, по пет сета и поразот од Френсис Тиафо, дека тоа ќе биде Тејлор Фриц. Јавноста на Соединетите Американски Држави сега се надева дека тој ќе стави крај на тениското страдање со двојна цена.Фриц е неискусен кога се во прашање финалињата. Никогаш не отиде подалеку од четвртфиналето на Грен слемовите. Сега, тој ќе има можност да направи повеќе добри работи за себе и за белиот спорт во својата земја.Верувале или не, Американците немаат освоено Грен слем од 2003 година кога Енди Родик триумфираше на УС Опен.Тоа беше нивната последна голема титула, иако силно влегоа во овој век.Ним им припадна првиот Грен слем трофеј во 21 век, бидејќи Андре Агаси го освои Австралија Опен.Фриц сега има шанса која никој ја немал во последните 15 години.Наспроти него е Јаник Синер, светскиот тенисер број еден. Нема да биде лесно, но со помош на среќата, публиката и брзањето што ја има, можеби ќе може да се надева на нешто. Се подготвува голема приказна.

Спорт | пред 1 година

Толку од летото: Од понеделник доаѓа вистинска есен на Балканот и во Македонија, ќе ни треба и потопла облека

Почнувајќи од Понеделник (9.9.2024), па речиси во текот на целата наредна седмица територијата на нашата Македонија ќе потпадне под влијание на циклонска активност со центар над Средоземјето.Во ваква ситуација времето ќе биде многу променливо со повремени врнежи од дожд со променлив интензитет. На повеќе места ќе има и развој на конвективни грмотевични облаци од кои се очекуваат поројни врнежи од дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со појава на град.За време на оваа циклонска активност, на повеќе места ќе наврне позначително количество на воден талог (над 25 л/м2) локално и над 30 л/м2, со што се можни и локални поплавувања.И во Скопскиот регион од понеделник (9.9.2024) па во деновите потоа ќе има честа појава на врнежи од дожд, грмежи и повремено засилен ветер. Во делови од котлината ќе има услови и за појава на невреме, проследено со обилен пороен дожд, силен ветер, силни грмежи и електрични празнења и со појава на град.Ветерот кој го очекуваме во текот на следната седмица повремено ќе биде со брзина и од над 60 км/час и претежно од северен правец, особено кон крајот на работната седмица и за време на следниот викенд.Апелираме во случај на појава на невреме и на електрични празнења да не се претстојува на отворен простор и под осамени дрвја.Што се однесува до температурите, тие во текот на следната работна недела ќе бидат значително пониски од сегашните и максималните дневни температури ќе се искачуваат во интервалот од 24 до 31 степени, меѓутоа за време на следниот викенд тие ќе бидат уште пониски и ќе се искачуваат во интервалот само од 19 до 26 степени, а утринските ќе бидат во интервалот од 6 до 14 степени, додека на планинските и на повисоките места ќе бидат и уште пониски.Со оваа голема промена на времето која ја очекуваме следната седмица, дефинитивно му кажуваме збогум на долгото и тропско лето во Македонија, но и на целиот Балкански Полуостров.

Македонија | пред 1 година

(Вознемирувачко видео) Силувачот во Кисела Вода се обиде ладнокрвно да замине, додека жената не можеше да се соземе од шокот

Повеќе од две минути траел обидот за силување на 30-годишната скопјанка во Кисела Вода, покажуваат видео материјалите до кои дојде „Скопје1“. Ја спасиле врисоците, но и упорната борба со силувачот. Од снимките се слуша како жртвата извикува: „Помош, пушти ме“, а нападот врз неа се случува непосредно пред булеварот „Борис Трајковски“, кај црквата.Силувачот не се откажува и натаму ја држи соборена на земја, по што, доаѓа лице од страна кое му го одвлекува вниманието, а жртвата успева да избега. Откако жената поминува улица, истото го прави и силувачот, а тука излегува и уште еден маж кој ги слушна врисоците.Додека жртвата е исплашена и во шок, лицата кои и помогнаа на жената тргнаа да го фатат лицето и го совладаа. „Скопје1“, претходно објави снимки од тој момент.Засега е познато само дека станува збор лице со иницијали С.Г., кој има 31-година. Обвинителството побара, а судот му изрече 30 дневен притвор.*Жртвата е замаглена на снимката, а нејзиниот глас измутиран - со цел нејзина заштита.

Скопје | пред 1 година

Побарана подготвителна постапка спрема дете за предизвикување пожар во Расадник

Јавен обвинител од Основното јавно обвинителство Скопје до судијата за деца во Основниот кривичен суд Скопје поднесе барање за поведување подготвителна постапка спрема дете во судир со законот кое презело дејствија кои со закон се предвидени како кривично дело – Предизвикување општа опасност по член 288 став 1 од Кривичниот законик.На 3 септември во попладневните часови, детето на возраст од 14 години, заедно со уште две деца во ризик кои не наполниле 14 години и од тие причини не се кривично одговорни, палеле петарди и жижици на земјена патека во месноста Расадник, Кисела Вода. Како последица на тоа, бил инициран пожар кој брзо се проширил на околната сува трева поради ветерот и зафатил површина од околу 3 хектари – дрвја, сандаци со пчели и неколку бандери за пренос на електрична енергија. Со пожарот била предизвикана значителна опасност за животот и телото на луѓето и за имотот од големи размери.

Скопје | пред 1 година