ТОП

Две лица осомничени за илегална трговија со дрога: Фатени со 13,16 грама хероин и 13,17 грама мешавина од кофеин и парацетамол

Основното јавно обвинителство Велес донесе Наредба за спроведување истражна постапка против две лица за кои постои основано сомнение дека како соизвршители сториле кривично дело – Неовластено производство и пуштање во промет наркотични дроги, психотропни супстанции и прекурсори според член 215 став 1 во врска со член 22 од Кривичниот законик.Осомничените, велешанец и велешанка, во патничко возило БМВ со скопски регистарски ознаки пренесувале од Скопје во Велес наркотична дрога која претходно ја набавиле. При преглед на возилото во близина на патарината кај Сопот полицијата пронашла 13,16 грама хероин и 13,17 грама мешавина од кофеин и парацетамол која се користи како додаток за зголемување на масата на некои дроги, а биле пронајдени и парични средства за кои постои сомнение дека потекнуваат од илегална продажба на дрога.Јавниот обвинител до судијата на претходна постапка од Основниот суд во Велес достави предлог за определување мерка притвор за двете лица, особено имајќи ја предвид опасноста да се дадат во бегство и да го повторат делото.

Македонија | пред 1 година

Се појавија морбили: Андоновска со апел до матичните, суспектен случај на морбили да биде пратен на Инфективна или во ИЈЗ

Кај 12-годишно дете, од село Долно Коњари се потврдени морбили, соопшти директорката на Институтот за јавно здравје, Марија Андоновска. Андоновска информираше дека според епидемиолошката анкета, болеста е донесена од Нови Пазар, Србија. Детето не е вакцинирано против оваа заразна болест.„Ова е втор докажан позитивен случај оваа година во Македонија. Првиот е регистриран во јуни, во Лабуништа, Струга. Се работи за невакцинирано дете. На 3 септември од инфективната клиника е препратено до Институтот за јавно здравје, 12 годишно дете, коешто било сомнително на морбили и после направените анализи констатирано е дека детето е позитивно. Се работи за импортиран случај од Србија, во Нови Пазар, каде што веќе има појава на морбили“, рече Андоновска.Андоновска апелираше матичните лекари штом забележат суспектен случај, да биде препратен или на Инфективната клиника, па оттаму да го препратат кај нив на анализи, или директно да дојде на тестирање во Институтот.,,Нашата обврска и наша работа е по констатирањето на позитивен случај, да дадеме препораки на семејството за изолација.", вели Андоновска.За морбилите нема изолација пропишана со закон и останува на добра волја на семејството дали ќе ги почитува препораките или не.Таа повтори дека и во двата случаја годинава, децата не биле вакцинирани со вакцина против мали сипаници.

Македонија | пред 1 година

14-годишник со уште две деца го запалил Расадник во Кисела Вода

На 06.09.2024 СВР Скопје до ОЈО Скопје поднесе кривична пријава против 14-годишен малолетник за сторено кривично дело „предизвикување општа опасност", предвидено и казниво по член 288 од КЗ. Имено, пријавениот, заедно со уште две деца кои не наполниле 14 години и не подлежат на кривична одговорност, на 03.09.2024 околу 15 часот во местото викано Расадник, на територија на општина Кисела Вода во Скопје, фрлале пиротехнички средства кои претходно ги запалиле со запалка, по што се запалила сувата трева и настанал пожар кој зафатил површина од околу три хектари.Со брзата реакција на полициски службеници од СВР Скопје, во координација со други служби, пожарот е локализиран и спречено е настанување на штета од големи размери.

Скопје | пред 1 година

Влатко Ѓорчев, Солза Грчева, Лилјана Затуроска и Павле Трајанов добија координаторски позиции во Владата

Владата распредели нови позиции, па така повеќе истакнати имиња добија свои позиции.Влатко Ѓорчев, Солза Грчева, Лилјана Затуроска и Павле Трајанов добија координаторски позиции во Владата.Влатко Ѓорчев национален координатoр за демографија, млади и човечки ресурси. За многумина ваквиот потег е очекуван бидејќи токму Ѓорчев години наназад меѓу главните промотори на политиките за зголемување на наталитетот во земјата.Лилјана Затуроска ќе биде нов национален координатор за локална самоуправа.Павле Трајанов од Демократски сојуз беше назначен за национален координатор за спречување насилен екстремизам и борба против тероризмот.Истакнатата професорка Солза Грчева беше назначена за национален координатор за реформи во високото образование.Блерант Рамадани за национален координатор за примена на нови технологии.Укината е позицијата национален координатор за кохезија.

Македонија | пред 1 година

(Видео) Детали за обидот за силување на жената: Ја зграпчил за рацете и ја влечел кон споредна улица, ја турнал и се обидел...

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторил кривично дело – Полов напад и силување од член 186 став 1 во врска со член 19 (во обид) од Кривичниот законик.На 5 септември, осомничениот 31-годишник нападнал жена во Кисела Вода и спротивно на нејзината јасно изразена волја, со умисла се обидел да изврши полови дејствија врз неа. Жртвата се движела пеш кон нејзиниот дом и откако го поминала пешачкиот премин на булеварот „Борис Трајковски“ во близина на општината Кисела Бода, осомничениот ја зграпчил со двете раце и се обидел да ја одвлече кон споредна улица. Ја турнал и се обидел полово да ја нападне. Жената цело време викала, барала помош и се обидувала да се ослободи, а кога започнале да се собираат луѓе осомничениот ја пуштил без да ја реализира намерата.Надлежниот јавен обвинител до судијата на претходна постапка поднесе предлог за определување мерка притвор за осомничениот, наведувајќи дека постои опасност тој да се даде во бегство, да ја попречува кривичната постапка или да го доврши обиденото кривично дело. Основниот кривичен суд Скопје го прифати предлогот и на осомничениот му е определена мерка притвор во траење од 30 дена.

Скопје | пред 1 година

(Фото) Мицкоски објави цени на училишни прибори од маркети: Намалени се

,,Најновите мерки на Владата ги даваат своите резултати, набавката на училишниот прибор сега е поекономична за македонските семејства.Цените на училишниот прибор се значително намалени, што го олеснува товарот на родителите и овозможува секое дете да тргне подготвено на училиште.Семејствата, пак, ги чувствуваат позитивните ефекти бидејќи со намалените цени се овозможува повеќе средства да останат за други важни животни потреби.Еве само неколку примери од продавниците каде цените веќе се прилагодени за да одговорат на новите правила. Со ова, илјадници семејства ќе можат полесно да го подготват училишниот прибор без да се грижaт за високите трошоци.Заедно градиме подобра иднина за сите.”, напиша премиерот Христијан Мицкоски.

Македонија | пред 1 година

Следната седмица ни доаѓаат обилни дождови, голем пад на температурите, па дури и можност за снег на највисоките места

Почнувајќи од 9.9.2024 (Понеделник), па во текот на целата наредна седмица ќе имаме чести и пообилни врнежи од дожд, проследени со грмежи како и со повремено силен ветер. Сето ова ќе биде поради формирањето на циклонски систем над Средоземјето, и истиот ќе влијае на времето насекаде на балканот, вклучувајќи ја и Македонија. Во поголем дел од регионот се очекува да наврне поголемо количество на воден талог, со што можни се и локални поплавувања, а температурите следната седмица ќе бидат значително потпросечни за овој дел од годината, што значи дека и тоа како следната седмица ќе ги почиувствуваме првите знаци на есента.Со оваа промена, поради големиот пад на температурите, на Европските Алпи ги очекуваме и првите обилни врнежи од снег. Можеби звучи чудно, поради тоа што сеуште е многу рано, но моменталните излези на прогностичките материјали со кои располагаме дури цртаат дека следната седмица ќе има и прво провејување на снег на високите планински места во регионот, па дури и во Македонија.

Македонија | пред 1 година

(Видео) Скопјанец се обидел да силува жена: го бркаа и фатија, па претепаа

Млад скопјанец кој се обиде да силува жена во Кисела Вода, среде полноќ. Обидот се случил на булеварот “Борис Трајковски” близу Општината Кисела Вода. Очевидци сведочат дека девојката барала помош, по што се стрчале кон силувачот и почнале да го бркаат. “Скопје1” дознава дека преминале преку булеварот и го стигнале на улица Пушкинова, па го тепале додека не дошла полиција.“Денеска во 00.40 часот на подрачјето на Кисела Вода, полициски службеници од СВР Скопје го лишиле од слобода С.Г.(31) од Скопје, постапувајќи по претходна пријава дека на подрачјето на Кисела Вода се обидел да изврши обљуба врз 30 - годишна жена од Скопје.По целосно документирање на случајот ќе следува соодветна пријава, соопшти МВР.Instagram embed code generator.boxes3{height:175px;width:153px;} #n img{max-height:none!important;max-width:none!important;background:none!important} #inst i{max-height:none!important;max-width:none!important;background:none!important}

Скопје | пред 1 година

По несреќата каде татко и син ги загубија животите: Итно запирање над работите на автопатот Скопје-Куманово

По наредба на јавен обвинител, инспектор за патишта од Државниот инспекторат за транспорт изврши вонреден инспекциски надзор над градежните работи што ги изведува правно лице на автопатот А2, клучка Хиподром-наплатна станица Миладиновци, каде во сообраќајната несреќа која се случи на 2 септември автомобил „Мерцедес“ удри во товарно возило, сопственост на правното лице ангажирано на проектот, при што животот го загубија возачот на автомобилот „Мерцедес“ и неговиот малолетен син.„По надзорот, изготвен е записник и донесено е решение со кое се задолжува правното лице веднаш да ги запре сите градежни работи до добивање на одобрение од надлежен орган за времена измена на режимот на сообраќај за изведување работи на левата – брза сообраќајна лента. Во меѓувреме, правното лице треба да постави и одржува времена вертикална и хоризонтална сообраќајна сигнализација со која ќе овозможи безбедно и непречено одвивање на сообраќајот на автопатската делница.Непосредно по тешката сообраќајна несреќа, Основното јавно обвинителство Скопје поведе постапка против две лица поради сомненија дека сториле кривично дело – Тешки дела против безбедноста на луѓето и имотот во сообраќајот. Проверките за целосно испитување на кривичната одговорност за настанот се во тек, а по краткотрајниот притвор од 48 часа, по предлог на јавниот обвинител, на двете лица им се определени мерки на претпазливост“, велат од Обвинителството.Categories

Македонија | пред 1 година

Пожарот во Мариово не стивнува

Пожарот во Мариово не стивнува. Огнената линија е проширена на преку 25 километри изјави началникот на прилепскиот кризен штаб Ирена Стерјоска Локвенец.Таа вели дека сега најголемата грижа е пламенот да не ги зафатени селата и другите објекти и од таа причина на терен се повеќе од 150 лица. Со огнот се опфатени околу 8000 хектари.„Критично е кај селото Крушевица, загрозено е од два фронта. Таму имаме лоцирано доста екипи, таму се и 50 припадници на АРМ и на полицијата и вложуваат надпросечни напори да се изборат со стихијата. На теренот се и пожарникари, не само од Прилеп, туку и од повеќе градови. Гори и под репетиторите кај селото Штавица и за среќа, огнот слегува надолу, но за среќа не е опфатена боровата шума.”, вели Ирена Стерјоска Локвенец.Командирот на прилепската противпожарна единица Виктор Стојчески, известува дека 90-тина професионалци се упатени кај манастирот Прилепец.„Пожарот е активен и кај Крушевица и кај Бонче во високиот дел. Сега нашите пожарникари и другите професионалцци, 90-тина, се упатуваме кон манастирот Прилепец. Во моментов не се загрозени селата, се прават напори да се направи заштита околу селата. На помош е и дел од месното население“, вели Стојчески

Македонија | пред 1 година

Мицкоски за Арсовска: Не се карам, решавањето на проблемот со превозот е во раце на Градот и ЈСП, ако се купат автобуси ќе стигнат догодина

“Јас не се карам со никого”, рече премиерот Христијан Мицкоски, на констатација од новинар дека тој и скопската градоначалничка Данела Арсовска се расправаат наместо да се набават автобуси за жителите.“Ги повикуваме да аплицираат на повикот. Набавката на автобуси можеби не претставува проблем. На состанокот со Арсовска очекувавме да чуеме план. Рековме дека ќе ги поддржиме програмите, ги подддржавме. Иако не веруваме дека ќе допринесат нешто позитивно. Денеска да почнеме процес на набавка на автобуси за Скопје, ќе бидат испорачани следната година”, рече Мицкоски.Според него, тие биле конструктивни како партија.“Ние стоиме на располагање да чуеме план, а ако е планот: гладајте за кредит, за да ги добиеме за догодина”, тоа не го решава проблемот бидејќи ќе стигнат догодина”, рече Мицкоски.Според него, со наменско трошење на средствста кои ЈСП ги добива од Град Скопје, се решава проблемот.“Тоа е во рацете на менаџментот на ЈСП и Градот Скопје”, додаде тој.На констатацијата дека набавка на 250 автобуси, тој рече дека: “Да размислуваме како Влада за да направиме пакет за сите општини кои имаат потреба од јавен градски превоз. Ако на Скопје му требаат 250 автобуси, тогаш на другите им требаат уште 250. Овие прашања ќе бидат решени”.

Скопје | пред 1 година

Зоки Фаци се врати од Турција: Наместо таму, ќе се оперира во Македонија - му кажале дека има надеж и покрај метастазите

,,Добро утро на сите. Изминативе неколку дена беа турбулентни во врска со Зоки па чекавме конкретна информација за да ви споделиме.Зоки вчера се врати од Турција, таму се направија целосни испитувања кои чинеа за 3 дена околу 6000-7000 евра и истите покажаа дека туморот е над 30 cm и имал метастази во почетна фаза. Таму му беше предложено дека треба повторно да оди на хемотерапии па тек за месец, два да биде опериран. Но, Зоки се слушна со доктор и од Систина и одлучено е дека тука ќе го оперираат и нема потреба повеќе да се чека.Само што ми се јави Зоки и ми кажа дека има надеж многу и дека му е кажано дека ќе биде се океј. Значи операцијата би требало да се случи следнава недела, а кога ќе имаме нови информации ќе ве известам.”, напиша Стефан Лазаров.

Македонија | пред 1 година

(Видео) Додека Скопје тоне во проблеми, Градот на Арсовска го врати Ќосето на кружен тек

Градоначалничката Данела Арсовска преку ЈП Улици и патишта го врати спомен обележјето на Андон Лазов Јанев, познат како Ќосето или Касапот. Ваквиот потег на Град Скопје раководен од Арсовска доаѓа во време кога граѓаните имаат куп поплаки за раководењето на градот, кој се соочува со проблеми кои ги засегаат граѓаните.Таблата за враќање на Ќосето е поставена на кружниот тек как “Ист гејт мол”. Арсовска и Градот практично ја спроведуваат одлуката изгласана од Советот на три дена пред Нова година. Тогаш, со 23 гласови „за“, 3 „против“ и 7 „воздржани“ Советот на Град Скопје ја изгласа иницијативата за враќање на споменикот на Андон Лазов Јанев – Ќосето, кој пред пет години беше отстранет од пред комплексот судови.Споменикот на Ќосето беше поставен пред зградата на Врховниот суд ноќта меѓу 6 и 7 септември 2014 година, како донација од Здружението за духовно обединување на Сетинци, Попадинци и Крушоради од Лерин, но голем дел од јавноста го гледаше како дел од контроверзниот проект „Скопје 2014“.Споменикот беше отстранет во февруари 2018 година, на почетокот од мандатот на претходната администрација на скопскиот градоначалник Петре Шилегов со образложение дека се работи за дивоградба.Во меѓувреме, не спроведувањето на изборната програма и ветувања, (не)хигиената во градот, нередовниот превоз, неисправните автобуси, преполните контејнери остануваат нерешен проблем од градските власти, предводени од Арсовска.

Скопје | пред 1 година

(Фото) Проблематична себепромоција на Филипче: освен дека работи, јавноста дозна и која е пациентката која има здравствен проблем

Фотографија на докторот Венко Филипче, кој воедно е и претседател на СДСМ, донесе дилеми и негодувања во јавноста. Тој се пофали со активностите кои ги обавува на неговата официјална страница на “Фејсбук”, под која напиша “Работно”.На фотографијата освен тој, е и негова колешка. Но и име и презиме, датум на раѓање, од пациентката, чија медицинска снимка е отворена на екранот до нив.Откривањето на лични податоци од здравствен осигуреник (пациент), би значело и прекршување на Законот за здравствена заштита. Членот 153, став 2, вели дека професионална тајна се податоците на пациентите. Во член 154 пак се наведува дека прекршувањето на одредбата ќе значи повреда на работниот однос.Во Законот нема одредби кои овозможуваат овие членови да не важат. Тоа значи дека без разлика дали е од невнимание, негрижа или со дозвола, откривање на медицинска снимка од пациент би било прекршок.Фотографијата ја виделе минимум 5.000 лица ако се суди според бројот на лајкови. *Сликата е со заматено име и презиме, оригиналната можете да ја најдете на страницата од Венко Филипче или линкот во првата реченица

Македонија | пред 1 година

Миа Костова наместо на училиште детето ќе си го носела на плажа цел септември: Во училница беше 37 степени, попладне е 57 степени!

Инфлуенсерката Миа Костова, смета дека е нехумано децата да седат по училници на 37 односно 57 степени. Таа отворено најави дека нејзиниот син Андрија ќе оди на плажа, па од октомври со намалување на топлото време - во училиште.“Планирам Андрија да ја почне школската година во октомври, не дека е свилен него дека бев вчера на родителска во 19:00, во училница беше 37 степена, верувам дека во 12:00 попладне е 57 степена. Ако Центар конкретно нема решение, јас имам. Ќе фатиме уште некоја плажа, па нека полага. Ако нема начин најново школо во државава да има климатизација, што останува за другите школи и општини. 2024 - неклиматизиран простор. Па има еден период од денот кога сонцето е директ во училници. Не знам стварно дали сте нормални? Ај големиве, а целодневна? Замислете училница на сонце, без клима и деца што трчаат низ неа. Па кратко било, да издржиме. Ништо не издржуваме, ја би бојкотирала настава, само така. Во спротивно ќе си го повлечам детето што доаѓа со мокри гаќи и чорапи дома па ќе се договараме за пропуштем материјал”, напиша Костова.Таа доби поддршка, но и критики. Во коментари, голем дел од родителите излегоа со свои сведоштва.“Бонус: помаливе не искачаат на одмор, јадат во училница. Од глава не ми искача сликата како изгледаа сите како од сауна кога отидов да ги земам”, стои во еден од коментарите.“И јас сега излегов од родителска ова го кажав на класната, се изнасмеа и ми рече дека јас сум одлучувала за тоа дали детето ке остане неписмена. Ок демек живее помеѓу писмен народ”, пишува во друг.Имаше и такви на кои не им беше сфатлив потегот на Костова.“Во ‘наше време’ клима беше мисловна именка, па еве сите испоумревме мајката...”, пишал нејзин следач, на што таа врати: “Александар Антиќ во време на баба ми музеле крави пред школо, исто така немало температури од 56 степени во лето, ама тоа не е тема на муабет. Многу би сакала сите вие со вакви опаски и превише памет да ве седнат у клупа таму од 8 до 16! Да се потсетиш на твоите школски денови”.

Коментари | пред 1 година

Активни шест пожари, еден е под контрола

,,Во текот на вчерашниот ден, 04.09.2024 година, имаше вкупно 40 пожари на отворен простор, од кои активни се 6, под контрола е 1 и изгаснати се 33.АКТИВНИ: 61. Општина Прилеп: с.Пештани – с.Кокре – с.Кален – с.Дуње – с.Бонче – с.Крушевица – с.Волково, пожарот се шири на 3 крака: с.Бонче кон с.Крушевица, превој Слива кон с.Чумово и кон с.Пештани (нискостеблеста вегетација, сува трева и борова шума);2. Општина Чашка: Планина Мукос – с.Степанци (под контрола), активен е кај с.Оморани и м.в.Кадиица – с.Ораов Дол (мешана шума);3. Општина Петровец: с.Градманци, с.Брезница и с.Катланово (нискостебелста шума);4. Општина Штип: с.Хаџи Хамзали – с.Едеклерци – с.Топлик, полигон Криволак (нискостеблеста шума, смреки и сува трева);5. Општина Чучер-Сандево: с.Танушевци, м.в.Рамно (мешана шума);6. Општина Долнени: с.Десово (сува трева и мешана шума);ПОД КОНТРОЛА: 11. Општина Кочани: градска депонија (ѓубре).ИЗГАСНАТИ: 331. Општина Кисела Вода: бул.Борис Трајковски кај Расадник (сува трева);2. Општина Студеничани 1: с.Студеничани (сува трева);3. Општина Студеничани 2: с.Батинци (сува трева);4. Општина Карпош: с. Злокуќани (сува трева);5. Општина Арачиново: с. Арачиново (сува трева);6. Општина Битола: нас.Горно Оризари (сува трева);7. Општина Крушево: с.Белушино (сува трева);8. Општина Прилеп 1: м.в.Дервен, во близина на чешмата (сува трева);9. Општина Прилеп 2: Во близина на ресторан Романса (сува трева);10. Општина Прилеп 3: во близина на ресторан Романса (сува трева);11. Општина Прилеп 4: м.в.Дервен, во близина на планинарски дом (борова шума и сува трева);12. Општина Деир Хисар: с.Кривогаштани – с.Обршани (сува трева и ѓубре);13. Општина Демир Хисар: с.Загориче (сува трева и ѓубриште);14. Општина Охрид 1: с.Волино (сува трева);15. Општина Охрид 2: с.Орман (сува трева);16. Општина Струга: с.Добовјани (стрниште);17. Општина Неготино 1: с.Пепелиште (ниска вегетација и ѓубре);18. Општина Неготино 2: кај бензинска пумпа Макепетрол (ниска вегетација и ѓубре);19. Општина Штип: градска депонија (ѓубре).20. Општина Куманово 1: Покрај автопат Табановце-Куманово кај бензинска пумпа Детоил (сува трева и стрниште);21. Општина Куманово 2: кај бензинска пумпа ИБ Петрол пред влез во Куманово (сува трева);22. Општина Куманово 3: кај Ветеринарна амбуланта (ѓубре);23. Општина Старо Нагоричане: с.Никуљане (ѓубриште);24. Општина Брвеница: с.Челопек (сува трева и грмушки);25. Општина Јегуновце: м.в.Шлака (сува трева);26. Општина Врапчиште 1: с.Добридол (нива);27. Општина Врапчиште 2: с.Врапчиште (сува трева);28. Општина Врапчиште 3: с.Сенокос кон с.Неготино (сува трева во ниви);29. Општина Врапчиште 4: с.Неготино (ниска вегетација);30. Општина Гостивар 1: с.Чегране (мешана шума и сува трева);31. Општина Гостивар 2: с.Градец, кај гробиштата (сува трева и грмушки);32. Општина Врапчиште: с.Добридол, м.в.Мазрача (ниска вегетација);33. Општина Брвеница: с.Милетино (шума).”, информираат од ЦУК.

Македонија | пред 1 година

(Видео) Вучиќ се пофали дека нема да престојува во хотел, туку во барака

Српскиот претседател Александар Вучиќ приреди нов дел од политичкиот циркус на Инстаграм. Имено, тој објави видео на кое го покажува сместувањето каде ќе престојува во наредните денови. Вучиќ од среда до 9 септември престојува во Подриње, а во видеото се пофали дека нема да престојува во хотел, туку во барака.Потоа покажува како изгледаат собите, тоалетите и просторијата во која тврдат дека спијат.„Следните шест до седум дена ќе ги поминам овде. Овде има тоалет, многу убаво е уреден. Многу убава туш кабина. Мала, но чиста бања. Има се, супер“, вели Вучиќ во видеото во кое се фали и со својата мала канцеларија, кревет и телевизор. Се пофалил и со малиот фрижидер што му го донеле од канцеларијата во Белград.„Овој мал фрижидер го донесоа од мојата канцеларија во Белград“, вели Вучиќ.Кревет, телевизор, кошули подготвени. Ќе биде интересно во следните денови, очекувам дека ќе направиме многу за луѓето“, рече меѓу другото српскиот претседател.Погледнете го видеото.

Свет | пред 1 година

На повеќе места ќе има појава на врнежи и грмежи, како и локално невреме

Поради прилив на поладен воздух од север, и неговиот судир со многу потоплиот воздух кој се наоѓа над нашата територија, до крајот на денешниот ден, а особено утре (петок) како и за време на викендот во попладневните и во вечерните часњови се очекува поголемо дестабилизирање на атмосферата.До крајот на денешниот ден ќе има претежно изолиран развој на облачни нестабилни јадра кои ќе условат појава на пороен дожд, грмежи и засилување на ветерот во зоната на нестабилност.Веќе утре (петок) како и за време на викендот во попладневните и во вечерните часови на повеќе места се очекува развој на конвективни грмотевични облаци кои ќе условат појава на пороен дожд, грмежи и засилен ветер. Локално процесите ќе бидат поинтензивни и во форма на невреме, проследено со обилен пороен дожд, силен ветер, силни грмежи и електрични празнења и со услови за појава на град.И во делови од Скопската котлина ќе има развој на нестабилност, проследена со пороен дожд, грмежи и засилен ветер. Можна е и појава на невреме, проследено со обилен пороен дожд, силен ветер, силни грмежи и електрични празнења и со услови за појава на град.Апелираме во случај на појава на невреме и на електрични празнења да не се претстојува на отворењн простор и под осамени дрвја.Што се однесува до температурите, наутро тие ќе се спуштаат во интервалот помеѓу 12 до 19 степени, додека преку ден тие секојдневно ќе бележат тенденција на постепен пад и за време на викендот тие ќе се искачуваат во интервалот од 25 до 32 степени.Во Скопје наутро температурата ќе се спушта во интервалот помеѓу 16 и 17 степени, додека преку ден таа ќе се искачува во интервалот од 31 до 34 степени. Само денес таа ќе биде повисока и ќе се искачи до околу 36 степени.

Македонија | пред 1 година

Москва е во неволја ако Украинците добијат моќни ракети

Русија би можела да се најде во значителна неволја доколку се потврдат најавите дека Украинците добиваат моќни ракети од Соединетите Американски Држави.Белата куќа е отворена за испраќање крстосувачки ракети со долг дострел JASSM (Joint Air-to-Surface Standoff Missile) во Украина, што би можело значително да ја подобри позицијата на Украинците во конфликтот со Русија. Претставници на администрацијата на Џо Бајден открија дека сè уште не е донесена конечна одлука дали да се испрати ЈАССМ, но Пентагон моментално „работи на комплицираните детали“.Испораката на овие ракети во Украина би можела значително да ја промени стратешката рамка на конфликтот со ставање на голем дел од Русија во дострел на моќни ракети со прецизно наведување, особено кога Украина ќе почне да поставува неколку десетици од најавените Ф-16, секој способен да носи два од овие крстосувачки ракети. Воените аналитичари веруваат дека воведувањето на ракетите ЈАССМ, кои се невидливи за противракетната одбрана и можат да погодат подалеку од повеќето други ракети во сегашниот воен инвентар на Украина, сериозно ќе ја искомплицира способноста на Русија да ги одржи своите офанзивни операции и потенцијално ќе обезбеди стратешка предност на Украина. вооружените сили. Лансирањето од позиција во близина на северната граница на Украина со Русија може да им овозможи да ги погодат воените објекти до Воронеж и Брјанск, а на југ да нападнат аеродроми или поморски објекти на Крим.Досегот на основната верзија JASSM е 370 километри и содржи боева глава од 450 килограми. Тие спецификации го ставаат во иста класа со англо-француската ракета „Олуја сенка“ што Украина веќе ја користеше, особено во нападот во 2023 година врз седиштето на руската Црноморска флота на Крим. Влијанието на ова оружје зависи од тоа дали Вашингтон дозволува нивно користење во Русија. Воениот аналитичар Филипс О'Брајан за Радио Слободна Европа објасни дека најголемиот проблем за Америка е што „САД не сакаат технологијата ЈАССМ да заврши во погрешни раце“.ЈАССМ во украински раце би значело дека таа земја има напредно офанзивно оружје што може да навлезе во најдобрата руска одбрана. Ова би било голем проблем за Русија, особено кога станува збор за клучните цели на Крим, но и за големите воени магацини, командните бункери, центрите за обука, дури и ако се наоѓаат длабоко зад фронтот во Украина. Ниту еден од беспилотните летала со долг дострел што ги поседува Украина не е ни приближно толку прецизен или има слична деструктивна моќ.Меѓутоа, во случај на употреба на ЈАССМ во украинско-рускиот конфликт, голема загриженост предизвикува можноста некои од ракетите да експлодираат и да паднат во рацете на Русите. Ова треба да се избегне по секоја цена бидејќи американската воена стратегија, во случај на војна со Кина, предвидува масовна употреба на овие ракети и Вашингтон не сака Кинезите и Русите да ги откријат технолошките карактеристики на ЈАССМ. Досега тоа не можеа да го направат бидејќи Американците го користеа ЈАССМ во само неколку напади врз единиците на ИСИЛ во Сирија пред десет години. Решението би можело да биде испорака на постари модели во Украина.

Свет | пред 1 година

Дали наскоро на Балканот пристигнува циклонот “убиец на летото”?!

Многу важна метео вест, која веруваме на сите вас ќе ви биде од големо значење, и покрај тоа што е негативна вест и тоа за оние кои допрва планираат да го искористат својот одмор.Судејќи по она што моментално го прикажуваат прогностичките материјали, на Балканот наскоро доаѓа "Убиецот на летото”. Сепак многу повеќе детали околу ова очекува те во следните метео објави.Веруваме дека и покрај оваа метео најава, во следните излези на прогностичките материјали ќе се случат позитивни измени, поради тоа што Метеоролошките параметри и услови постојано од час во час се менуваат и времето е многу променливо.

Македонија | пред 1 година

ЗНМ со реакција до „Паркови“ по заканите до „Скопје1“: Евентуална тужба би била карактеризирана како СЛАПП, обвинувањето за говор на омраза може да се сфати како притисок

Здружението на новинарите на Македонија (ЗНМ), согласно своите заложби за заштита на правата и интегритетот на новинарите, реагира на барањето за извинување за објавен текст испратено од страна на адвокатот на ЈП Паркови и зеленило до редакцијата на Скопје1.мк како и на погрешното интерпретирање на ставовите на ЗНМ, што е нотирано во истото барање.Во прилог, целата реакција:„Неспорно е дека според Законот за граѓанска одговорност за навреда и клевета (ЗГОНК) член 12, може да се бара јавно извинување или јавно повлекување на изјавата или содржината. Но од друга страна укажуваме дека единствени професионални тела за утврдување на прекршување на етичкиот кодекс на новинарите се Советот на честа при ЗНМ како и комисијата за жалби при Советот за етика во медиумите на Македонија (СЕММ).Обвинувањето за говор на омраза за легитимни теми од јавен интерес во текстот насловен како „Депонија и ѓубришта на кејот на Вардар“ објавен на 03 септември 2024 година, може да се сфати како сериозен притисок врз работата на новинарите. Евидентно е дека нема елементи на говор на омраза во овој текст, а интересно е тоа што ЈП Паркови и зеленило воопшто не се ни спомнува во објавата.Поради ова може да се смета дека ваквата комуникација од страна на ЈП Паркови и зеленило претставува закана кон професионалната новинарска работа, а евентуална тужба со сигурност би била карактеризирана како Стратешкa тужбa против учеството на јавноста (СЛАПП).Овие тужби се карактеризираат како тужби кои се поднесени од моќни субјекти, односно ентитети (на пример: јавно претпријатие, јавен функционер, деловно лице од висок профил) против граѓански организации или поединци, како што се новинари или други лица, кои изразиле критична позиција за суштинско прашање од некаков политички интерес или општествено значење.Во барањето за извинување има и погрешно толкување и интерпретација на ставовите на ЗНМ за објавен текст испратено од страна на адвокатот на ЈП Паркови и зеленило до редакцијата на Скопје1.мк. Правниот застапник на ова јавно претпријатие погрешно користи јавни ставови на ЗНМ поврзани со говор на омраза, со цел да имплицира на непрофесионално новинарско известување.Токму поради ова, јавно се обраќаме со појаснување и испраќаме поука до засегнатата страна со цел ваквата комуникација во иднина да не прерасне во негативна пракса.ЗНМ апелира до раководството во јавните претпријатија да негуваат култура на толеранција и професионален однос со новинарите и медиумските работници, и да покажат подготвеност за соработка а не да се посегнува по тужби кон нив“.

Скопје | пред 1 година

Поради намалената видливост во Мариово, употребата на хеликоптер не е возможна, информираше Ангелов

Во текот на вчерашниот ден имало вкупно 27 пожари, од нив 4 се активни, 2 се ставени под конторола, а 21 се целосно изгаснати, информираше Стојанче Ангелов, директор на ЦУК.,,Денес рано наутро на местото на пожарот во прилепско Мариово пристигнаа 25 полициски тигри, 70 припадници на македонската армија, 40 вработени во Национални шуми, како и повеќе од 60 пожарникари. За жал поради намалената видливост, употребата на хеликоптер не е возможна.", вели Ангелов.Покрај пожарот на територијата на прилепско Мариово, активни пожари има и во Општина Чашка, Општина Чучер Сандево и пожарот на територијата на Општина Долнени.Ангелов апелираше до сите граѓаните да бидат внимателни.

Македонија | пред 1 година

Славески му одговори на пратеникот: Ти мене “шота”, ја тебе “Рока мандољин”

,,ТИ МЕНЕ “ШОТА” ЈАС ТЕБЕ “РОКА МАНДОЛИНЕН”“Шота” се играла и ќе се игра не само во Скопје, туку насекаде, од Триглав до Гевгелија. Таа е дел од културното наследство на Балканот. Тоа прекрасно оро е дел од нашата заедничка традиција. Ова треба да го знае младиот пратеник Ријад Шаќири.“Шота” секогаш нѐ спојувала, а не нѐ разделувала и не треба да се користи за плашење. Тоа нема да помине!Во Скопје ќе се пее и “Рока мандоленен”. И не само во Скопје!А за молитвите надвор од верските објекти, постојат закони, пишани и непишани правила. Нашите сограѓани од исламска вероисповест треба да се среќни што Приштина и Тирана на Скопје не му се ниту до глуждот според бројот и достапноста на џамии и други исламски светилишта за вршење верски обреди.”, напиша Трајко Славески.

Македонија | пред 1 година

(Видео) 11 минутно рочиште: Палчо на судење за 16 дена, предметите споени, осомничените назад по притвори

Влатко Кешишов, Велибор Манев и Боре Видевски, кои се товарат дека ги извршиле убиствата на Вања Ѓорчевска и Панче Жежовски, седнаа на обвинителна клупа во Кривичниот суд. Освен нив, спроведен од куќен притвор е и таткото на убиеното девојче, Александар Ѓорчевски. Наместо судење, имаше спојување на предметите.  Па така, на сите поврзани со двата кривично правни настани ќе им се суди заедно, наместо одделно како што беа поднесени обвиненијата.Рочиштето траеше 11 минути - судијата ги прочита имињата на присутните и кажа дека се прифаќа барањето на Обвинителството за спојување на предметите и одреди датум за ново судење.Евидентно е дека сите обвинети имаат адвокати, со кои ќе се бранат во постапката. Првообвинениот, Љупчо Палевски-Палчо за кого Обвинителството вели дека е планерот и реализаторот на убиствата, не е спроведен од затворот „Скопје“ во Шутка.За првпат, во судницата, лице в лице се сретнаа ликвидаторите и таткото на убиената Вања, кој е обвинет во постапката дека дал информации за траекторијата на неговото движење. Адвокатот Владимир Туфегџиќ во неколку наврати укажа дека ќе го докаже спротивното во текот на постапката.Следното рочиште е закажано за 20-ти септември.

Македонија | пред 1 година

„Моето тело пратете го во Чачак, во Србија, а срцето оставете ми го во Љубљана“: Ова беше последната желба на Бора Ѓорѓевиќ

Фронтменот на групата „Рибља чорба“ и еден од нашите најголеми рокери, Бора Ѓорѓевиќ, почина на 72-годишна возраст, по тешко боледување и проблеми со белите дробови. Последните денови ги помина во болница во Љубљана.Да потсетиме, Бора е роден во Чачак, град за кој беше многу приврзан, поради што секогаш имаше нервоза кога настапуваше таму.Во една прилика, кога ја изведе песната „Две гитара“, што ја направи со покојниот басист Миша Алексиќ, ја расплака публиката.Освен што ја испеа, Бора им ја рецитираше песната и на чачани, оставајќи им ја својата последна желба:„Пратете го моето тело во Чачак, во Србија, оставете ми го срцето во Љубљана, нека биде таму. Не трошете пари, јас не сум толку важен лик“.

Свет | пред 1 година