ТОП

Претседателката на Косово и порано правела проблеми на аеродромот во Скопје, вели премиерот

Додека се случуваше настанот на аеродромот во Скопје се Африм Гаши се слушнав два пати, вели премиерот Христијан Мицкоски во вечерашниот „Претрес со Ландов“.„Првиот пат кога претседателката на Косово му се јавила на Африм Гаши дека е предмет на проферка додека го поминувала ВИП терминалот на аеродромот во Скопје. Јас реков, тоа е нормална процедура, и јас пред неколку дена се вратив од пат, прво не го користам ВИП терминалот, туку ја поминувам истата процедура како и сите граѓани. Вториот пат се слушнав кога бев информиран дека лицето кое што било таму направило инцидент, таков каков што направило, и посочив дека доколку се докаже дека има пречекорување на овластување на овластувањата и законот, кажав дека тоа лице ќе биде суспендирано и ќе одговара. И тоа се случи и тука се завршува целата ситуација“ рече премиерот.И на премиерот на Косово, Албин Курти му го кажав истото вели Мицкоски, дека ова не е прв пат.„Истото се случувало и порано, кога претседателката на Косово не сакала да помине низ скенерската контрола и сакала така да помине. И тогаш пуштале записници и тогаш било интервенирано од страна на полицијата. Тоа се случувала и во претходната Влада“ рече Мицкоски.Следете го во ЖИВО Претресот на премиерот Христијан Мицкоски и поставувувајте прашања на јутуб каналот на prvatvmk:

Македонија | пред 1 година

(Во живо) „Претрес“ на премиерот Христијан Мицкоски

Првоповиканиот од „Илинденска“, премиерот Христијан Мицкоски , по голема опозициска битка седна во премиерската фотелја. Ова ќе биде првиот претрес на актуелен премиер во студиска атмосфера. Ќе учествувате и вие во него. Ќе ја задржиме транспарентноста, отчетноста, кредибилноста. Па на крајот, коректноста.Прв гостин во новата сезона, професорот од „Илинденска“.Кој ја дестабилизира државата? Каде е правдата, а каде одговорноста? Кој нуди мито, што со ветувањата? Дали во овие сто дена се донесе гордост? Северна или Македонија? Кој ќе ги решава проблемите на граѓаните? До кога платите ќе растат по 500 денари, а трошоците по 5000 денари? И многу повеќе....Следете во живо:

Македонија | пред 1 година

Расчистен случајот „Долно Блаце“, дисциплинска постапка за шест полициски службеници кај кои е утврдена одговорност

Одделот за внатрешна контрола, криминалистички истраги и професионални стандарди при МВР го расчисти случајот од 17.08.2024 на граничниот премин „Долно Блаце“ при обезбедување на делегација на претседателот на Собранието, Африм Гаши, и по извршен увид во службените материјали, анализа на видео надзорот и извршени разговори со полициски службеници, поради сторена повреда на работниот ред и дисциплина утврдено во член 187 став 1 алинеја 10 од Законот за внатрешни работи, и член 210 став 1 алинеја 10 од Колективниот договор на МВР, од страна на Одделот за внатрешна контрола, криминалистички истраги и професионални стандарди ќе бидат изготвени предлози за поведување на постапка за утврдување на дисциплинска одговорност против полициските службеници Н.Р., М.С., А.Б., Б.А, Н.Б. и Б.С..ОВККИПС констатира дека, откако делегацијата, во која како носител се јавува претседателот на Собранието, ја поминува државната граница на граничниот премин Долно Блаце на лентата за Излез бр. 1, по неа поминуваат шест цивилни возила, кои во меѓу просторот на граничните премини се приклучуваат на делегацијата, без да се изврши контрола на патниците и возилата, а во одреден временски интервал сите ленти за излез од државата се затворени, при што во тој период од страна на Н.Б. (полициски службеник од обезбедувањето на претседателот на Собранието) и Б.А. (полициски службеник од ПС за ГП Долно Блаце), се извлекува возило кое е заглавено во лентата за Излез бр.3 и истото се насочува кон Излез бр.1 и возилото ја поминува граничната линија без да се изврши контрола на патниците и возилото.Утврдено е дека Н.Б. наместо да врши непосредно физичко обезбедување на претседателот на Собранието, врши дејствија на граничниот премин кај кабините за излез и царинските кабини, со кои овозможува цивилни возила да се приклучат кон делегацијата, како и да се даде приоритет цивилно возило да ја помине државната граница. Со наведените дејствија Н.Б. сторил потешко кршење на работниот ред и дисциплина предвидена во член 187 став 1 алинеја 3 и 4 од Законот за внатрешни работи и член 210 став 1 алинеја 3 и 4 од Колективниот договор на МВР. Исто така и Б.А. сторил потешко кршење на работниот ред и дисциплина предвидена во член 187 став 1 алинеја 3 и 4 од Законот за внатрешни работи и член 210 став 1 алинеја 3 и 4 од Колективниот договор на МВР.Во однос на утврдување на неправилности во конкретниот настан, наместо да бидат преземени соодветни мерки од страна на главен инспектор М.С. во содејство со началникот на РЦ за ГР Север Н.Р., согласно дотогашните констатирани пропусти, не се преземени соодветни мерки туку е испратен акт со кој се задолжува командирот на ПС за ГП Долно Блаце да го доиспита целосно случајот и да преземе соодветни мерки. Со наведените дејствија М.С. сторила потешко кршење на работниот ред и дисциплина предвидена во член 187 став 1 алинеја 3 од Законот за внатрешни работи и член 210 став 1 алинеја 3 од Колективниот договор на МВР. Исто така, Н.Р., началник на РЦ за ГР Север сторил потешко кршење на работниот ред и дисциплина предвидена во член 187 став 1 алинеја 3 од Законот за внатрешни работи и член 210 став 1 алинеја 3 од Колективниот договор на МВР. Согласно описот и пописот на работните места, началникот на РЦ за ГР покрај другото, раководи, планира, ја организира и контролира работата на Регионалниот центар.Патните исправи на претседателот на Собранието и членовите на неговото семејство, како и другите припадници на МВР кои требало да патуваат во странство, биле навремено доставени до раководителот на смена А.Б. заради соодветно евидентирање, но тоа не е сторено, односно лицата не се евидентирани. Согласно описот и пописот на работни места, меѓу другото, раководителот на смена во Регионален центар за гранични работи, ја организира работата на службите по време и место, ги одредува приоритетите во работењето, се грижи за вршењето на квалитетна пасошка и друг вид контрола, врши контрола во работењето на полициските службеници и дежурната служба во полициската станица и непосредно е одговорен за нивната работа, координира и учествува во извршувањето на мерките и задачите кои се однесуваат на оперативното работење. Во конкретниот случај А.Б. постапил спротивно на чл. 8 (на граничниот премин, сите сервисни информации и секоја друга особено важна информација се регистрираат рачно или електронски во дневникот за настани) с.2 (Информацијата од став 1 на овој член ги содржи следните податоци) т.2 (секое пропуштање во режимот на гранични проверки) од Правилникот за начинот на извршување на граничните проверки и граничен надзор со што сторил потешка повреда на работниот ред и дисциплина утврдена со член 187 став 1 алинеја 3 и 10 од Законот за внатрешни работи и член 210 став 1 алинеја 3 и 10 од Колективниот договор на МВР.За Б.С. е утврдено дека тој, како одговорен за обезбедување во планот за зајакнати мерки и активности од втор степен по повод делегација предводена од претседателот на Собранието, согласно планот, кој тој го изготвил и од истиот има обврска да презема мерки, не е на работа и не бил предвиден да биде на работа за време на поминувањето на делегацијата, при што од самото тоа произлегува дека планот е изготвен површно и несовесно. Со наведените дејствија сторил потешко кршење на работниот ред и дисциплина предвидена во член 187 став 1 алинеја 3 од Законот за внатрешни работи и член 210 став 1 алинеја 3 од Колективниот договор на МВР.

Македонија | пред 1 година

(Фото) Автобус на ЈСП остана без гума во Кисела Вода

Проблемите со автобусите на ЈСП станаа скоро секојдневни, а прашањето дали граѓаните се безбедни со јавниот превоз – се погласно се поставува. Утрово, автобус остана без гума, кај Дом за слепи во Кисела Вода. Возилото беше паркирано на последната лента и вон возна состојба. Од фотографиите се гледа дека гумата е целосно искината и излезена од бандажот.Ова не е првпат да се случи истово. „Скопје1“ на почетокот од август објави како гума од автобус буквално излета низ „Партизанска“.Вчера пак, прокисна еден од автобусите.Подолг период се поставува прашањето за исправноста на возилата на ЈСП со кои се превезуваат патници. Летово, значителен дел од нив се расипуваат среде улици и булевари, на еден автобус му испадна тркало среде Партизанска, други се запалија.Директорот на ЈСП, Драги Кушовски уште во јули кажа дека сервисите се одвиваат тешко, бидејќи ЈСП должи милиони.„Откажуваат соработка на некој начин, бидејќи ЈСП не може да ги сервисира обврските кон тие договори“, рече директорот.„Скопје1“ на 23 август го праша директорот Кушовски, дали чувствува малку одговорност што се растовараат патници среде улици, но и поради расипаните автобуси. Тој ни одговори: „Ќе проверам“ и оттогаш, не одговори на прашањето.За ужасната состојба е свесна и градоначалничката Данела Арсовска. Досега од неа, јавноста не слушна за план како да се реши проблемот со постоечките автобуси и тие да се поправат. Во континуитет, зборува за набавка на нови, нешто што е неминовно за надминување на проблемите со јавниот превоз, но кои би стигнале дури другата година.

Скопје | пред 1 година

Следува краткотрајно стабилизирање на времето, од петок нови врнежи, а од викендот дополнително заладување

По обилните врнежи кои ја зафатија нашата држава, од следните часови, како и утре (четврток) ќе имаме краткотрајно стабилизирање на времето. Од петок, па во деновите потоа под влијание на нов влажен бран од запад ќе имаме нови повремени врнежи од дожд, локално поројни и проследени со грмежи како и со засилен ветер.Нестабилното време и со почести врнежи ќе го имаме и во текот на следната седмица.Поради продор на многу поладен воздух од север, од викендот, па во текот на следната седмица температурите ќе бидат невообичаено ниски за овој период од годината, па така наутро не се исклучува можноста за појава и на првиот мраз за оваа сезона, особено на повисоките и на планинските места во Македонија.Поради падот на температурите на воздухот, на високите планини (над 2000 м.н.в) го очекуваме и првиот снег за оваа сезона, што значи дека ја очекуваме и првата мала снежна покривка на високите планини, особено во западната половина од државава.Што се однесува до температурите, тие од викендот ќе бидат многу пониски од сегашните и преку ден ќе се искачуваат во интервалот само од 14 до 22 степени.Првиот снег со овој ладен продор од север го очекуваме и на многу планински места ширум Балканскиот Полуостров, што значи дека грејната сезона оваа година ќе ни започне многу порано.

Македонија | пред 1 година

(Фото) За вчерашната несреќа кај МАНУ: скопјанец удрил во бетонска жардинера и се превтрел

На 10.09.2024 во 20.50 часот во СВР Скопје било пријавено дека на бул.„Крсте Мисирков“ во Скопје патничко возило „опел астра“ со скопски регистарски ознаки управувано од С.С.(42) од Скопје излетало од коловозот, удрило во бетонска жардинера и се превтрело.[caption id="attachment_302597" align="alignnone" width="1146"] Screenshot[/caption]Во незгодата со телесни повреди се здобил возачот констатирани во Комплексот клиники “Мајка Тереза“.Извршен бил увид од увидна екипа од СВР Скопје.

Скопје | пред 1 година

(Видео) Лидија Димова се појави на судење по две одлагања, не кажа дали е спремна: процесот почнува одново, оти поминале три месеци

По две одложени рочишта, продолжуваат судењата за разрешената директорка на Националната агенција за европски образовни програми и мобилност, Лидија Димова. Таа одлагањата ќе правдаше со медицински белешки, а поради изминување на три месеци од последното одржано рочиште, судењето започна од почеток.Бидејќи причината за претходните одлагања беше отсуството на Димова, ја прашавме, дали се подготвила за денешното рочиште. Таа не даде одговор туку имаше контра прашање.Ова значи дека наместо искази на обвинетите, сега треба да се започне со кажување генералии, произнесување на вина, воведни зборови.Димова бегаше и кога последен пат се појави на судење. Куп обвинувања дојдоа на нејзина сметка од сведокот Алекдандар Гочев, кој претходно призна вина во процесот “ЕУ фондови”.Обвинителката Сузана Мирческа Кузмановска поднесе обвинителен акт против Лидија Димова, разрешената директорка на Националната агенција за европски образовни програми и мобилност, Александар Гочев, тогашен нејзин близок соработник и Ана Павлиду, пензионира благајничка во институцијата. Според обвинителката, сите три лица оштетиле средства на европската заедница. Лидија Димова се гони дека со намера за друг да прибави имотна корист ја злоупотребила положбата и овластување па постапила спротивно на Законот за јавни набавки и Законот за основање на Национална агенција за европски образовни програми и мобилност. Таа ангажирала соработници во Агенцијата без да објави оглас, а меѓу нив е и ангажирањето на Зоран Златковски. Истовремено, Димова се гони и за исплаќањето на издатоци за службени патувања. Обвинителката бара одговорност од Димова и за склучени договори без јавни набавки.

Македонија | пред 1 година

Нема фотографија

Првата реакција на Бајден по дебатата Харис-Трамп, Бајден: Таа докажа дека е најдобриот избор

Американскиот претседател Џо Бајден зборуваше по завршувањето на дебатата меѓу кандидатите за претседател на САД, Камала Харис и Доналд Трамп.Бајден го гледаше првото соочување меѓу претседателските кандидати во Њујорк каде присуствуваше на роденденската забава на неговата внука.Тој рече дека неговата потпретседателка докажала дека таа е „најдобриот избор“ да ја води земјата.„Америка вечерва може да види лидер со кој сум горд што соработувам три и пол години. Не беше ни блиску. Харис докажа дека таа е најдобриот избор да ја води нашата нација напред. Ние не сме враќање назад“, напиша Бајден на X.

Свет | пред 1 година

Екстремно лични напади ја одбележаа дебатата Трамп против Харис, Камала: „Путин би те изел за ручек!“; Трамп: „Ја уништивте земјата!“

За Трамп ова е веќе втора телевизиска дебата во оваа изборна кампања. Во јуни, 78-годишниот Трамп дебатираше против тогашниот претседателски кандидат Бајден. Настапот на Бајден беше толку слаб што 81-годишниот претседател подоцна се повлече од трката. Двајцата уживаат приближно еднаква поддршка во анкетите. Малата разлика помеѓу двајцата кандидати е во рамките на статистичка грешка.Според анализата на неколку анкети спроведени од американскиот телевизиски канал CNN, Харис го поддржуваат 49 отсто од испитаниците, а Трамп 47 отсто. Меѓутоа, со оглед на згрчениот американски изборен систем, националните анкети се само еден од неколкуте показатели за јавното мислење.Повеќето набљудувачи се фокусираат на клучните држави (т.н. „swing states“) кои ги вклучуваат Мичиген, Висконсин, Пенсилванија и неколку други. Кандидатите имаат приближно еднаква поддршка во овие држави.Според ABC News, телевизиската мрежа која ја организираше дебатата, Доналд Трамп доби виртуелно фрлање паричка. Тој ќе има можност да зборува последен на дебатата, односно да го одржи завршниот говор по Камала Харис. Актуелната потпретседателка на САД доби можност да избере место на сцената и одлучи дека од перспектива на телевизиските гледачи, таа ќе биде десно од екранот.Харис е првата што одговори и вели дека планира да изгради „економија на можности“. Таа е посветена на решавање на трошоците за домување и помагање на младите семејства. „Мојата страст, една од нив, се малите бизниси“, тврди таа.„Доналд Трамп нè остави со најлошата стапка на невработеност од Големата депресија“, вели таа.„Она што го направивме е да го исчистиме нередот на Доналд Трамп“, додава таа. Харис се насочи кон економијата на Трамп, велејќи дека 16 економисти добитници на Нобелова награда го критикуваа она што тој рече дека ќе го направи и веруваат дека тоа ќе предизвика рецесија до следната година доколку се спроведе.Трамп возврати, тврдејќи дека Харис се држи само до „клишеата“, дека посетувал бизнис школа и дека Камала Харис е „марксист“.Дискусијата се сврте кон војната во Украина.„Сакам војната да престане“, одговори Трамп на прашањето дали сака Украина да победи во војната.Тој продолжува да зборува за цената на руската војна во Украина за САД, тврдејќи дека Европа плаќа многу помалку од САД.Тој вели дека „многу добро“ ги познава украинскиот претседател Володимир Зеленски и рускиот претседател Владимир Путин.Трамп го критикуваше Бајден како отсутен претседател, а Харис возврати.„Вие не се кандидирате против Бајден, туку се кандидирате против мене“, вели таа.Навраќајќи се на прашањето за Украина, таа вели дека има силни односи со украинскиот претседател.„Нашите сојузници во НАТО се толку благодарни што Трамп повеќе не е претседател“, вели таа и додава: „Во спротивно, Путин би седел во Киев со поглед вперен во остатокот од Европа“.Камала вели дека Путин е „диктатор кој би го изел Трамп за ручек“. Трамп тврди дека Харис ги „уништила САД“ и дека таа е „најлошиот потпретседател во историјата на САД“. Тој тврди дека не успеала да ја спречи руската инвазија на Украина.

Свет | пред 1 година

Кавадарчанка се обидела да ја убие мајка и: ја удрила со чекан по глава, па тргнала да бега

Поради основано сомнение дека сторила кривично дело – Убиство од член 123 став 2 точка 2 во врска со член 19 (во обид), Основното јавно обвинителство Кавадарци поведе истрага против 32-годишна жена.На 10 септември, во раните утрински часови, при вршење семејно насилство, осомничената се обидела да ја лиши од живот сопствената мајка. Додека жртвата спиела во заедничкиот дом, осомничената која подолг период се заканувала дека ќе го стори делото, ја удрила својата мајка со тврд предмет (чекан) по главата. Сведок на настанот бил таткото на осомничената, кој ја задржал и не и дозволил да избега по настанот.Поради опасноста од бегство, пред се имајќи ја предвид висината на запретената казна за ваков облик на кривично дело, можноста да влијае врз сведокот или да се обиде да го доврши кривичното дело, јавниот обвинител до судијата на претходна постапка од Основниот суд во Кавадарци достави предлог за определување мерка притвор. Судијата го прифати предлогот и синоќа донесе решение со кое на осомничената и определи притвор во траење од 30 дена.

Македонија | пред 1 година

Конфликтот со градоначалникот на Врапчиште за црквата продолжува: Се криеше во канцеларија, те чуваа 20 полицајци - продолжуваме појако и посилно

Душко Павловски, мештанин на гостиварско Галате е ослобен откако беше уапсен во Општина Врапчиште, со образложение, дека давал отпор на полицијата. Тој се заблагодари на сите кои го чекале пред полициската станица. Му се обрати и на градоначалничкот на Општина Врапчиште, Исен Шабани од ДУИ.„Другари Македонци, Албанци, Турци, Роми, фала ви на сите што ме чекавте пред полициска станица, сите што ме знаете, знаете дека немам ништо меѓутензично, него чисто не сакам никој да ме рпави будала. Градоначалник на Врапчиште, срам си за сите. Јас како што ти ветив, траките ти ги донесов во Општина, а ти како пи*ка три часа се криеше во канцеларија иако имаше до тебе 20 полицајци да те чуваат. Продолжуваме појако и посилно“, објави Паловски.Вчерашниот обид да се расчисти теренот околу црквата Света Петка беше спречен од страна на полицијата. На социјалните мрежи беше објавено видео на кое се вели дека полицијата дошла на местото да ги уапси работниците. Од МВР демантираат дека имало приведување. Се постапувало по пријава од страна на инспектор за урбанизам од општина Врапчиште според која се изведувале незаконски градежни работи на црквата.Градоначалникот на Врапчиште Исен Шабани од ДУИ поднел пријава за узурпација на државно земјиште. Ова би значело дека според него, црквата е нелегален објект и треба да се урне.

Македонија | пред 1 година

Спречени обиди за криумчарење ловечка муниција, цигари и брендирана облека

Вкупно 68 парчиња непријавена облека со потпис на познатите трговски марки „Бос“ и „Ралф Лаурен“, се запленети од страна на мобилен тим на влез во државата на граничен премин Деве Баир по извршена контрола на автобус. Против патникот во чиј багаж се откриени непријавените парчиња облека се води прекршочна постапка, а започната е и постапка за заштита на право од интелектуална сопственост.Мобилен тим на граничен премин Дојран спречи обид за нелегален внес на поголема количина патрони за ловечка пушка. Истите се откриени при контрола на автомобил управуван од македонски државјанин. Имено, поради сомневање во изјавата на лицето дека нема ништо за пријавување, инспекторите пристапија кон детален преглед на возилото при што пронајдени се вкупно 90 патрони ловечка муниција, сокриена на повеќе места - под возачкото и совозачкото седиште, под патосникот пред совозачкото седиште, под потпирачот за раце на задното седиште, во најлонска кеса сместена во детското седиште и во багажниот простор. Непријавената ловечка муниција е привремено задржана, а против возачот ќе биде поведена прекршочна постапкаУтринава во два часот после полноќ, на наплатна станица Петровец мобилен тим стопираше автобус кој сообраќа на вонредна линија Скопје – Истанбул – Скопје, при што во багажот на еден од патниците откри поголема количина на непријавена стока за која патникот не поседувал документ за платени царински давачки. Станува збор за вкупно 1.190 парчиња разни производи меѓу коишто ременчиња за часовници, батерии за слушни апарати, маски за телефони.Царински службеници на граничен премин Богородица на влез во државата спречија обид за нелегален внес на 9.600 парчиња цигари или вкупно 48 штеки цигари откриени при контрола на автомобил управуван од унгарски државјанин. Штеките со цигари се откриени во просторот за и околу резервната гума како и во една од патните торби.Царински службеници на граничен премин Богородица спречија обид за нелегален изнес на девизи во износ од 10 илјади евра откриени кај возач на автобус. Имено на прашање на царинските службеници дали возачот и патниците имаат нешто да пријават истите одговориле дека немаат ништо за пријавување. Возачот на автобусот повторно бил прашан дали има нешто за пријавување при што истиот одговорил дека носи со себе само две илјади евра. Поради сомневање во изјавата е извршен претрес при што покрај пријавените девизи под појасот на неговите фармерки биле пронајдени уште 10.000 евра. Согласно Законот за девизно работење на патникот му се вратени 2000 евра, што македонски државјани можат да ги изнесат од државата без да ги пријават, а останатите се задржани. Против лицето е поднесена пријава за девизен прекршок.

Македонија | пред 1 година

Секој деветти смртен случај кај новороденчињата во Македонија е поврзан со загаден воздух, велат од УНИЦЕФ

Во Република Македонија, ризиците од загадениот воздух се особено високи.Во февруари 2024 година, Скопје повторно се најде меѓу првите 10 најзагадени градови во светот, а просечните нивоа на ПМ10 или ПМ2,5 честички ги надминуваат дозволените граници повеќе од 100 дена во годината. Според новите податоци, освен што претставува сериозна причина за смрт кај новороденчињата, загадувањето на воздухот ни одзема повеќе здрави години од животот во споредба со кој било друг поединечен еколошки фактор.„Овие податоци се особено загрижувачки, бидејќи раната и честа изложеност на загаден воздух влијае врз развојот на мозокот, белите дробови и органите на бебињата, што има последици врз здравјето и учењето  во текот на целиот живот“, вели Лесли Милер, претставничка на УНИЦЕФ. „Децата уште сега го искусуваат климатскиот хаос со кој ќе се соочуваат цел живот. Болестите и смртните случаи предизвикани од загаден воздух може да се спречат, но ни требаат климатски политики во кои ќе се води сметка и за децата. Тука спаѓаат политиките со кои се намалуваат загадувачките супстанции и се подобрува квалитетот на воздухот таму каде што децата учат, живеат и си играат.“Во документот за политики се посочува дека бебињата и малите деца се најизложени на ризик од смрт и лошо здравје поради загадениот воздух. Раната и честа изложеност на загаден воздух – почнувајќи уште од матката – води кон смалување и реструктурирање на белите дробови и го зголемува ризикот од пневмонија, инфекции на горниот респираторен тракт, инфекции на увото, астма и алергии. Дишењето загаден воздух може да предизвика воспаление на мозокот, да го попречи растот и да влијае врз когнитивниот развој, како и на училишниот успех.УНИЦЕФ апелира до владите и институциите во земјите од регионот –вклучувајќи ја и Република Македонија – да посветат повеќе внимание и ресурси на борбата со аерозагадувањето, да ги поддржат енергетската ефикасност, пристапот до чиста енергија и подобрувањето на квалитетот на воздухот, и да ги заштитат бремените жени и децата од загаден воздух.Според овие препораки, загадениот воздух и неговите ефекти врз здравјето на децата треба да станат дел од Националните утврдени придонеси (НУП), Националните планови за адаптација (НПА), националните и локалните планови за квалитет на воздухот, и националните здравствени планови; треба да се воспостават зони без загадување околу училиштата, градинките и здравствените установи; треба да се постават и да се одржуваат системи за предупредување во врска со квалитетот на воздухот во близина на станбени згради, игралишта, здравствени установи, градинки и училишта, а јавноста треба редовно да се информира за квалитетот на воздухот.Понатаму, треба да се размисли како да се подобри прочистувањето на воздухот во домот и на работното место за бремените жени. Конечно, товарот од инфекции со бактериска пневмонија кај доенчињата треба да се намали преку проширување на опфатот со пневмококна конјугирана вакцина (ПЦВ) – кој во Република Македонија изнесува 56 проценти, што е многу помал опфатод просечните 86 проценти во европскиот регион на СЗО.

Македонија | пред 1 година

(Видео) Црнее и смрди од Маркова река: граѓанин тврди дека „Дрисла“ ја загадува, а депонијата лани плати казна за ова

Снимка од скопјанецот Сених Браховиќ покажува како се загадува Маркова река. Тој утринава, снимил како течности се излеваат во неа. Тврди дека ова е последица Дрисла.„Ни дојде првиот дожд и првите проблеми со депонијата Дрисла. Денеска сме вторник, повторно депонијата Дрисла испушта исцедок во Маркова река. Видете како ги уништуваат рибите, жабите, се што постои во оваа вода. Од Маркова река во Драчево, Лисиче ги полеваат бавчите. Се осеќа страшна смдреа.. Со појака вода пуштале, погледете“, вели Сених Браховиќ.Тој рече дека ќе се повика Државниот инспекторат и полицијата.Ова не е првпат да е ваква состојбата со Маркова река. МакедонијаЗа загадување на Маркова Река, ЈП „Дрисла“ се соочуваше со глоба од 120 илјади евра во септември минатата година.

Скопје | пред 1 година

(ВИДЕО) Општина Врапчиште поднело пријава против лицата кои ја чистеле црквата, кажале дека се вршат недозволени градежни работи

Во однос на објавените невистинити информации кои се споделуваат на социјалните мрежи, а се преземени од повеќе медиуми и се однесуваат за настан во близина на верски објект во гостиварско, Основното јавно обвинителство Гостивар ја известува јавноста дека јавен обвинител нема издадено наредба за приведување или задржување на ниту едно лице.Основното јавно обвинителство Гостивар е известено дека МВР постапува во конкретниот случај по поднесена пријава од Општина Врапчиште за недозволено вршење градежни работи во непосредна близина на магистрален пат. Работите се прекинати, а по насоки на јавен обвинител денеска полициски екипи ќе извршат увид на лице место со цел да се утврди каков е статусот на објектот и работите кои се извршувале, како и дали во целиот настан воопшто има елементи на кривично дело.

Македонија | пред 1 година

(Видео) Тече вода и внатре - автобус на ЈСП прокиснат: Надвор врне, автобуси нема. Ајде дојде еден - во него сите стојат а седиштата мокри

Дождот во Скопје, освен улиците, почна да ги покиснува и автобусите. Граѓаните кои се револтирани бидејќи не се следи возниот ред од ЈСП, сега реагираат и поради тоа што водата влегува внатре во возилата. Таков е случајот со автобусот кој утринава се обраќал на линија број 58. Патничка за „Скопје1“ сведочи за катастрофалната слика од автобусот.„Јас како студент оваа утро одам на факултет. Надвор врне, автобуси нема. Ајде дојде еден - во него сите стојат а седиштата мокри. Изгледа цело зимо со вакви автобуси ќе се возиме“, вели студентка од Скопје за „Скопје1“.Подолг период се поставува прашањето за исправноста на возилата на ЈСП со кои се превезуваат патници. Летово, значителен дел од нив се расипуваат среде улици и булевари, на еден автобус му испадна тркало среде Партизанска, други се запалија.Директорот на ЈСП, Драги Кушовски уште во јули кажа дека сервисите се одвиваат тешко, бидејќи ЈСП должи милиони.„Откажуваат соработка на некој начин, бидејќи ЈСП не може да ги сервисира обврските кон тие договори“, рече директорот.„Скопје1“ на 23 август го праша директорот Кушовски, дали чувствува малку одговорност што се растовараат патници среде улици, но и поради расипаните автобуси. Тој ни одговори: „Ќе проверам“ и оттогаш, не одговори на прашањето.За ужасната состојба е свесна и градоначалничката Данела Арсовска. Досега од неа, јавноста не слушна за план како да се реши проблемот со постоечките автобуси и тие да се поправат. Во континуитет, зборува за набавка на нови, нешто што е неминовно за надминување на проблемите со јавниот превоз, но кои би стигнале дури другата година.

Скопје | пред 1 година

Во следните часови продолжуваат обилните врнежи во Македонија: Можно е локално невреме

Циклонот од Средоземјето, преку Јадранот пристигна и во Македонија. До крајот на денешниот ден насекаде во Македонија овој циклонски систем ќе услови пообилните врнежи од дожд да продолжат. Локално ќе наврне позначително количество на воден талог (над 30 л/м2).Локално можни се поинтензивни атмосферски процеси и во форма на невреме, проследено со обилен пороен дожд за кратко време, силен ветер, силни грмежи и електрични празнења и со појава на град. Апелираме во случај на појава на невреме да не се претстојува на отворен простор и под осамени дрвја.И во Скопскиот регион продолжуваат врнежите од дожд. Во делови од котлината тие ќе бидат поројни и проследени со грмежи, како и со засилен ветер.Што се однесува до температурите, тие денес ќе бидат значително пониски за разлика од оние кои ги имавме до вчера, и максималните дневни температури денес ќе се искачуваат во интервалот од 18 до 24 степени.На следниот линк можете да ја следите алатката за рано предупредување од невреме “НОТАС”, и истата е од голема корист за секој граѓанин https://nothas.finki.ukim.mk/

Македонија | пред 1 година

(Видео) Драма во гостиварско Галате, граѓани чистеле црква, дошла полиција: “Сакаат да нѐ приведат, сме узурпирале место“

По обилните дождови, граѓани ја чистеле црквата во атар на село Галате (Општина Врапчиште, во околината на градот Гостивар), а полицајци дошле да ги приведат, објавија тие преку снимка на социјалните мрежи. Според нив, полицијата им кажала дека постапуваат по насоки од обвинител, а причината била узурпација на земјиштето каде е црквата.„Сакале да нѐ приведат, сме узурпирале место. Или ќе нѐ приведат сите, или ниту еден. Ја чистиме црквата, ја средуваме, добиле насоки од обвинител да нѐ приведат сите, ако останеме, да го одземат багерот“, вели мештанин на снимката.Од видео-материјалот се гледаат десетина полицајци, од кои еден се расправа со мештаните. Полицијата дошла со три возила, од кои, едно возило е „марица“, која се користи и за приведување.

Македонија | пред 1 година

Кикбоксерот Илиоски чија куќа беше каменувана: Обвинет сум за нешто што не сум го направил, секој ќе одговара за своите постапки

Седум дена по инцидентот кога беше каменувана куќата на кикбоксерот Бобанчо Илиоски, тој се огласи на социјалните мрежи. Се заблагодари за поддршката, а посочи дека неговата верзија за тоа што се случило ќе ја каже по расчистување на случајот. Дециден е дека не сакал да го оцрни образот на клубот и тренерите, па додаде дека секој ќе одговара за постапките.„Постојат многу верзии од случката, но вистината ќе искочи на виделина после расчистување на случајот, и до тогаш не коментирам за ништо во врска со тоа, се додека надлежните органи не дозволат да дадам изјава во врска со истото. Сакам да напоменам дека немав намера да го оцрнам образот на моите тренери, мојот клуб, мојата држава и титулите кои ги носам, а најмалку од сѐ сакав да бидам во ситуација каква што бев. Без разлика за тоа што сум обвинет (за нешто што не сум го направил), верувам дека правдата ќе излезе на виделина и секој ќе одговара за своите постапки. Моментално се спремам за мојот следен предизвик, ви благодарам за поддршката“, објави Илиоски.Претходно, „Скопје1“ објави дека била каменувана куќата на Илиоски.

Спорт | пред 1 година

Осум дена ја нема Наташа: се бара било каква информација

Исчезната е 25-годишната Наташа Соврановски. Апел за помош е објавен од фамилијата, кои сакаат да стигнат до било каква информација. Според апелите, таа е исчезната во Германија, а е родум од Македонија.

Македонија | пред 1 година

ЦУК: Пет активни пожари, шест се под контрола

,,Во текот на денешниот ден 09.09.2024 година, до 13:30 часот, има вкупно 12 пожари на отворен простор, од кои активни се 5, под контрола се 6 и изгаснат е 1.АКТИВНИ: 5Општина Прилеп 1: с.Волково (сува трева и ниска шума);Општина Прилеп 2: с.Дуње (сува трева и ниска шума);Општина Чашка: с.Степанци ( мешана шума)Општина Зелениково: с.Горни Дејковец над гробиштата (мешана шума)Општина Липково: с.Матејче (сува трева и ниска шума)ПОД КОНТРОЛА: 6Општина Прилеп 1: с.Пештани – с.Кокре – с.Кален – с.Дуње – с.Бонче – с.Крушевица – с.Волково – с.Штавица – с.Прилепец – с.Чумово – с.Селце – с.Лениште – с.Беловодица – с.Смолани – с.Дрен (нискостеблеста вегетација, сува трева и борова шума);Општина Прилеп 2: м.в.Дервен (шума);Општина Прилеп 3: с.Дрен – с.Смолани (букова шума);Општина Прилеп 4: с.Вепрчани (сува трева и шума);Општина Долнени: с.Десово (сува трева и ретка деградирана шума).Општина Берово: место викано Паруца (ниска деградирана шума и сува трева)ИЗГАСНАТИ: 1Општина Прилеп: Во близина на Дата центар (сува трева).”, информираат од ЦУК.

Македонија | пред 1 година

Уапсен 19-годишник во Скопје, кај него се пронајдени пиштол и 61 куршум

На 08.09.2024 во 21.50 часот во Скопје, на подрачјето на Драчево, полициски службеници од Единицата за интервентна полиција при СВР Скопје го лишиле од слобода Р.Д.(19) од с.Морани, скопско, поради тоа што кај него биле пронајдени и одземени пиштол „зораки“, една рамка и 61 куршум. По целосно документирање на случајот ќе следува соодветен поднесок.

Скопје | пред 1 година

Приведени десет лица во Скопје, пронајдена дрога

Денеска (09.09.2024) во 00.40 часот во Скопје, на подрачјето на Центар, полициски службеници од Единицата за интервентна полиција при СВР Скопје го лишиле од слобода П.Л.(43) од Скопје, поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 08.09.2024 во 23.00 часот во Скопје, на подрачјето на Центар, полициски службеници од Единицата за интервентна полиција при СВР Скопје ја лишиле од слобода Л.В.(20) од Скопје, поради тоа што кај неа била пронајдена и одземена марихуана. По целосно документирање на случајот ќе следува соодветен поднесок.Денеска (09.09.2024) во 01.40 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода А.П.(29) од с.Визбегово, скопско, поради тоа што кај него била пронајдена и одземена марихуана. По целосно документирање на случајот ќе следува соодветен поднесок.Денеска (09.09.2024) во 04.20 часот во Скопје, на подрачјето на Карпош, полициски службеници од Единицата за интервентна полиција при СВР Скопје го лишиле од слобода К.Н.(19) од Скопје, поради тоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.Денеска (09.09.2024) во 01.10 часот во Скопје, на подрачјето на Ѓорче Петров, полициски службеници од Единицата за интервентна полиција при СВР Скопје го лишиле од слобода И.Љ.(38) од с.Грчец, скопско, поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 08.09.2024 во 13.30 часот во Скопје, на подрачјето на Центар, полициски службеници од Единицата за интервентна полиција при СВР Скопје ги лишиле од слобода У.К.(21), Б.Ц.(21) и Ј.У.(30) сите од Р.Турција, а со престој во Скопје, поради тоа што кај нив била пронајдена и одземена марихуана. По целосно документирање на случајот ќе следува соодветен поднесок.На 08.09.2024 во 13.00 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го лишиле од слобода Л.А.(19) од Скопје, поради тоа што кај него била пронајдена и одземена прашкаста материја. По целосно документирање на случајот ќе следува соодветен поднесок.На 08.09.2024 во 12.10 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода Д.К.(20) од Скопје, поради тоа што кај него била пронајдена и одземена марихуана. По целосно документирање на случајот ќе следува соодветен поднесок.

Скопје | пред 1 година

Загина 40-годишен мотоциклист: Изгубил контрола и излетал од патот

На 08.09.2024 во 16.32 часот во СВР  Битола било пријавено дека на патот А-3 Битола- Ресен се случила сообраќајна несреќа, во која Д.С.. (40) од Куманово управувајќи мотоцикл „кавасаки" со кумановски регистарски ознаки, изгубил контрола и излетал од патот. Од страна на доктор од Итна медицинска помош Битола кај возачот е констатирана смрт на местото на настанот. Увидот го извршила увидната екипа на СВР Битола, во присуство на јавен обвинител.

Македонија | пред 1 година

Тешка сообраќајка во Аеродром: Возило со голема брзина удрило во сообраќаен знак

Тешка сообраќајка се случи утрово кај крстот во Аеродром. Возило БМВ со голема брзина удрило во сообраќаен знак на крстосницата.Засега нема информации за повредени лица.Повеќе информации очекуваме во текот на денот.

Скопје | пред 1 година