ТОП

На граничните премини низ државата спречено криумчарење на над две илјади парчиња разна стока

Мобилен тим при контрола на товарно моторно возило на граничен премин Табановце откри и спречи криумчарење на вкупно 17 пара патики копачки од брендовите „Најк“ и „Адидас“, скриени во кабината во пределот на совозачкото седиште.На граничен премин Деве Баир, при контрола на автобус кој сообраќа на релација Турција – Косово, под душекот на креветот за одмор на возачите и во багажниот простор се пронајдени непријавени 894 парчиња облека, 125 парфеми и 7 тоалетни води. Производите се запленети, а против возачот е поведена прекршочна постапка.Во други четири случаи мобилни тимови спречија обид за криумчарење на над илјада парчиња разна стока, која не била опфатена со увозните декларации. Станува збор за музички инструменти, очила, тротинети, пегли, ранци, сандали, индукциона печка за топење благородни метали, платно во должина од 7.557 метри и други производи. Вишокот производи се запленети, а против сторителите се поднесени прекршочни пријави.На граничен премин Меџитлија царински службеници спречија криумчарење на медицински ехо апарат со сонда, откриен при контрола на автомобил со бугарски регистарски таблички. На прашање на царински службеник дали има да пријави нешто за царинска контрола, возачот инаку македонски државјанин одговорил дека нема ништо за пријавување, при што поради сомневање извршена е контрола. При контролата е откриен непријавениот ехо апарат со вкупна вредност од 217.710 денари. Апаратот е запленет а против сторителот се води соодветна постапка.Царински службеници на граничен премин Богородица на излез од државата, извршија детална контрола на товарно возило со босански регистарски таблички, управувано од босански државјанин. При контролата е забележано дека царинската пломба e оштетена, по што е извршена контрола на товарниот дел. Притоа, помеѓу стоката натоварена во камионот беа пронајдени 15 илегални мигранти од Кина. Мигрантите и возилото се предадени на Одделот за гранични работи и миграции при Министерството за внатрешни работи.

Македонија | пред 1 година

Оваа работна недела во Македонија претежно стабилно време, во попладневните часови можна е повремена дестабилизација на атмосферата

Во текот на оваа работна недела во Македонија ќе имаме натпросечно топло време (Продолжено лето) со температури кои ќе се искачуваат во интервалот од 27 до 36 степени. Сепак, наутро ќе биде релативно свежо со минимални температури кои ќе се искачуваат во интервалот од 11 до 20 степени.Времето во текот на оваа работна недела ќе биде сончево, повремено со умерена облачност, која локално би можела да биде и позначителна. Особено во планинските предели во попладневните часови очекуваме и конвективен развој на грмотевични облаци кои би условиле појава на краткотрајни поројни врнежи од дожд, грмежи и засилување на ветерот во зоната на нестабилност.И во Скопскиот регион оваа работна недела ќе помине во знакот на натпросечно топло и претежно стабилно време. Сепак, повремено во попладневните часови не се исклучува можноста за ретка појава на краткотраен пороен дожд и грмежи. Наутро температурата во Скопје ќе се спушта во интервалот помеѓу 16 и 17 степени, додека преку ден таа ќе се искачува во интервалот помеѓу 34 и 35 степени.

Македонија | пред 1 година

ВРЕДИ со осудата на интерпелацијата за Гаши ги напаѓа демократските институции и Собранието, укажува Најчевска

Интерпелацијата на претседателот на законодавниот дом наскоро пред народните избраници. За коалицијата ВРЕДИ, бесмислен политички експеримент и обид за дестабилизација, претставува обидот за смена на Гаши. Според професорката по право, Мирјана Најчевска, ова е напад на ВРЕДИ врз демократските институции.„Како може регуларна демократска процедура како што е интерпелацијата да биде напад врз државните институции и да е против евроатлантската интеграција? Всушност, според мене, ВРЕДИ со самиот акт на осуда на институтот интерпелација директно ги напаѓа демократските институции, функционирањето на Собранието и принципот на владеење на правото“, вели Најчевска и појаснува:„Ваквиот директен напад на институт кој е предвиден и гарантиран со Уставот на Македонија (член 72 од Уставот) е директен акт на повикување на противуставно делување и само чекор од насилно рушење на уставниот поредок. Според членот 72 од Уставот: Интерпелација може да се постави за работата на секој носител на јавна функција“.

Коментари | пред 1 година

(Видео) Пукање во Приштина: Има убиени и ранети

Едно лице загина, а пет се ранети во престрелката што се случи синоќа во Приштина.Според медиумите, во престрелката учествувале семејствата Секирака и Чапај.Меѓу убиените е и Премтим Гаши од семејството Гаши, познат како Чапај.Еден од петмината повредени наводно е Салих Секирака.

Свет | пред 1 година

Стотина автобуси остануваат во гаража: приватните превозници од денеска не возат, а ЈСП и онака нема доволно возила

Започнува училишната година, а приватните автобуси кои требаше да ги заменат и расипаните возила на ЈСП - ќе останат паркирани. Се воведува редуциран сообраќај. Како што едногласно одлучиле, приватните превозници ќе сообраќаат на една линија само по еден автобус и тоа еднаш  во денот, наутро или навечер. Што значи дека според зимскиот возен ред ќе недостасуваат 150 автобуси. Оваа одлука следи откако од ЈСП не добија позитивен одговор за исплата на нивниот долг, ниту за покачување на цената по километар.Бидејќи на седницата на Град Скопје не помина одлуката за потребата од набавка на нови еко автобуси, директорот на ЈСП, Драги Кушовски рече дека ќе се обиде да бидат поправени околу 40 автобуси кои би биле пуштени во сообраќај, што е далеку зад бројката од 150, кои недостасуваат. Но потоа, не даде одговор колку од овие автобуси се поправени, а на улиците се сведочеше уште за други десетици кои се расипуваа, а неколку и се запалија.Во меѓувреме, посебна компанија која работи на линиите 9, 11, 11а, 12, 47 и 55 нема да учествува во прекинот. Оваа компанија ќе се придржува до договорот со ЈСП и ќе го одржува редовен распоред на услуги. „Компанијата продолжува да ги исполнува своите обврски според прописите за транспорт и ќе ги одржува линиите во функција“, потврдија тие.Владата го повика градоначалникот да го подмири долгот со приватните превозници за да се реши прекинот и да се обезбедат непречени градски транспортни услуги.

Скопје | пред 1 година

„Облечете ги децата нормално, не ги китете како за на Макфест“ - почнува школската година

Почнува новата учебна 2024/25 година за сите ученици во основното и средното образование. Според податоците на МОН, новата учебна година ќе почне за 245 илјади ученици во основните и средните училишта, бројка што е намалена за 17 илјади во последните седум години.Вчера, доктор Ненад Лазаров сподели и објава на социјалните мрежи со која ги повика родителите на внимателност кога ги подготвуваат децата за на училиште, бидејќи имаат соученици кои немаат базични работи.„Облечете си ги утре децата нормално не ги китете ко за на Макфест настап, поголемиот дел од луѓето не можат да си дозволат базични работи.Па и не само утре“, напиша доктор Лазаров на ден пред почетокот на школската година.Годинава, основците и средношколците нема да имаат пролетен распуст, одлучи Министерството за образование и наука врз основа на спроведената анкета меѓу наставниците, родителите и учениците, кои во мнозинство се изјасниле дека ваков распуст не е потребен. Учебната година ќе трае од 2 септември до 10 јуни за сите ученици, со исклучок на учениците од завршните години во средно образование, кои ќе имаат настава до 16 мај.Наставата започнува со физичко присуство, а онлајн настава ќе има за учениците од неколку училишта каде, како што нагласи, претходното раководство не исполнило одредени свои обврски, како на пример ненавремено завршување на реконструкција или набавка на опрема – клупи и столчиња за учениците.Јаневска додаде дека според информициите со кои располагаат во 140 училишта ќе се одвива едносменска настава, за која како Влада се залагаат да се воведе во сите училишта во државата.

Македонија | пред 1 година

Тешко повреден параглајдерист, побаран итен хеликоптерски транспорт

,,Денес во 18.11 часот на 112 е добиена пријава за тешко повреден германски државјанин, парагјадерист, со отворена скршеница на едната нога и веројатна повреда на р'бетот, кој моментално се наоѓа на полетиштето за параглајдери пред Мечкин Камин во Крушево. Поради сериозноста на повредите од екипата на итната медицинска помош и градоначалникот на Крушево е побаран итен хеликоптерски транспорт.Полицискиот Ми 171, во кој се наоѓам во моментот, итно го пренасочивме кон тешко повреденото лице и моментално сме во непосредна близина на Крушево.”, информираше Стојанче Ангелов.

Македонија | пред 1 година

Ангелов: Пожарот во велешко избил од внатрешноста на селото, зафатени се и неколку куќи

Директорот на ЦУК, Стојанче Ангелов информираше за гаснењето на пожарот во атарот на с. Карабуниште, помеѓу Велес и Зелениково.,,Пожарот избил од внатрешноста на селото, околу 16.00 часот, од огнот се зафатени неколку куќи.Патот до селото е тешко пристапен поради што на пожарникарите им е потребно многу време.Заради пократок циклус на гаснење полицискиот хеликоптер Ми171 полни вода од вливот на Треска во Вардар помеѓу виски тополи. Секоја чест за храбрите и исклучително вешти пилоти на полицискиот Ми 171.”, информираше Стојанче Ангелов.

Македонија | пред 1 година

Активни шест пожари во државава, три се под контрола

,,Во текот на денешниот ден недела, 01.09.2024 година, до 14:00 часот, има вкупно 12 пожари на отворен простор, од кои активни се 6, под контрола се 3 и изгаснати се 3.АКТИВНИ: 61. Општина Чашка 1: Планина Мукос – с.Степанци, с.Оморани, Ораов Дол, м.в.Кадиица (мешана шума);2. Општина Чашка 2: с.Долно Јаболчиште према планински масив Лисец (ниска вегетација);3. Општина Долнени: Планина Мукос, с.Десово – с.Дреновци (мешана нискостеблеста шума и сува трева);4. Општина Прилеп: с.Пештани – с.Кокре – с.Кален (нискостеблеста вегетација);5. Општина Штип: с.Хаџи Хамзали – с.Едеклерци – с.Топлик, полигон Криволак (нискостеблеста шума, смреки и сува трева);6. Општина Студеничани: с.Студеничани – с.Моране (сува трева).ПОД КОНТРОЛА: 31. Општина Лозово: с.Дурфулија (борова шума);2. Општина Битола: с.Острец (букова шума и папрат);3. Општина Гостивар: с.Србиново кон с.Железна рака (мешана шума).ИЗГАСНАТИ: 31. Општина Виница: с.Јакимово (грмушки и сува трева);2. Општина Желино: с.Мерово (сув трева);3. Општина Тетово: Скопје – Тетово, во близина на подвожњак (сува трева).“, информираат од ЦУК.

Македонија | пред 1 година

(Видео) Детали за пожарот во планинарскиот дом на Водно, Ангелов: Имало и вандализам, се започнало од пред домот

Директорот на ЦУК, Стојанче Ангелов посочува дека пожарот во планинарскиот дом “Даре Џамбаз” на Водно започнал од пред објектот, по што биле зафатени дрвени делови, па внатрешноста. Според него, на врвот на Водно имало и вандализам.Ангелов посочува дека искршено било и стаклото на маркетот кој се наоѓа под крстот. Тој посочува дека полицијата трага по лицата кои го сториле тоа.Пожарот е изгаснат, а просторот се чисти. Полицијата врши увид.

Скопје | пред 1 година

(Видео) Детали за сообраќајката во Кисела Вода: Тројца се повредени и во болница, настрадале и две паркирани возила

Вчера, околу 20.55 часот во СВР Скопје било пријавено дека на крстосница од ул.„Борис Трајковски“ со ул.„Христо Татарчев“ во Скопје се случила сообраќајна незгода помеѓу патничко возило „бмв“ со скопски регистарски ознаки, управувано од Е.Х.(36) од Скопје и патничко возило „цитроен“ со скопски регистарски ознаки, управувано од 26 – годишната М.К. од Скопје, по што удриле во две паркирани патнички возила „хонда“ и „форд“ со скопски регистарски ознаки.“Во незгодата, со телесни повреди се здобиле двајцата возачи, Ф.Т.(25) и И.Б.(25), двајацта од Скопје, сопатници во возилото „бмв“ и Б.И.(32) од Скопје, сопатник во возилото „цитроен“, констатирани во Комплексот клиники „Мајка Тереза“ и Градската општа болница „Св.Наум Охридски“”, велат од МВР за “Скопје1”.Увид извршила екипа од СВР Скопје.

Скопје | пред 1 година

(Видео) Први снимки од пожарот во планинарскиот дом “Даре Џамбаз”

Први снимки од пожарот во планинарскиот дом ,,Даре Џамбаз” на Водно.Според првичните информации зафатена е внатрешноста на планинарскиот дом.Сѐ уште не е познта причината за пожарот и колкава штета е нанесена.На терен се екипи на полицијата како и противпожарните екипи.Повеќе информации наскоро од директорот на ЦУК, Стојанче Ангелов.

Скопје | пред 1 година

Обвинителството „замижува“ или „глувее“? Арсовска нема потреба да се вознемирува, засега...

Неработата односно нефунцкионалноста на скопските претпријатија и Градот Скопје предводен од градоначалничката, Данела Арсовска, засега не го засега скопското Обвинителство. Тие сметаат дека овие проблеми треба да ги решаваат инспекторатите. Иако Скопје е претворено во мини-депонија, ЈСП не функционира, приватните превозници нема да возат, „Водовод“ го закочи проектот за прочистителната станица – Обвинителството не гледа злоупотреба на службената положба и овластување кај ниту еден од функционерите.„Јавното обвинителство постапува секогаш кога во конкретен настан има обележја на кривично дело. Проблемите кои ги наведувате се во надлежност на соодветни инспекторати и на органите од правосудната полиција кои се надлежни за детектирање, откривање на кривични дела и нивно натамошно процесуирање до Јавното обвинителство или до прекршочен орган. Предмет по допрен глас би можел да биде отворен доколку Јавното обвинителство процени дека во конкретен настан има кривично-правни дејствија, а инспекторатите и органите од правосудната полиција не постапуваат согласно своите надлежности за процесуирање“, велат од Обвинителството за „Скопје1“.Во поткастот „Претрес со Ландов“, во јули, Умејр Мухамеди, екссоветник на Арсовска, сподели информации за кои посочува дека се точни и вистинити, а се однесуваат на злоупотреби од градоначалничката. Стануваше збор за наводни злоупотреби со јавни набавки, пари за патувања, лица на платни списоци на сметка на граѓаните. Обвинителството и тогаш рече дека ги следи информациите, но „глас“ не допре до нив. Тогаш, за „Скопје1“ посочија дека ќе чекаат пријава.„Јавното обвинителство ги следи информациите. Доколку органите надлежни за откривање на кривични дела и контрола на финансиските текови (во конкретниот случај Управата за финансиска полиција, Единицата за финансиски истраги при МВР, Управата за јавни приходи или др.) достават известување или пријава, обвинителството ќе постапи согласно своите законски надлежности. Инструментот на допрен глас се користи доколку органите надлежни за откривање кривични дела не постапуваат согласно своите надлежности. Исто така, секој што има сознанија за сторено кривично дело истото треба да го пријави кај истражните органи“, кажаа од Обвинителството на 16 јули за „Скопје1“.Од тогаш до денеска, Арсовска смени десетина директори, Скопје е во уште полоша состојба, жителите остануваат без превоз. Решение не е на повидок, бидејќи Советот не и верува на Арсовска за да се изгласа одлука за набавка на нови автобуси, а програмите кои ги излгасаа тешко дека ќе го решат проблемот со мини-депониите.Кривична пријава за Арсовска, најави министерот за локална самоуправа, Златко Пирински. Тој кажа дека тоа ќе го направи како граѓанин, бидејќи смета дека Арсовска прави злоупотреба на службената положба и овластување.Арсовска на прашање од “Скопје1”, дали се плаши од кривична одговорност, на прес одговори со “не”, бидејќи според неа, не сторила ништо спротивно на закон.Бонус видео:

Скопје | пред 1 година

Започнува климатолошка есен: Погледнете што точно значи тоа

Септември го најавува почетокот на есента и есенската рамноденица која настапува на 23 септември, кога денот и ноќта се исти. Во основа се карактеризира со стабилно време, постепено намалување на температурата, посвежи и повлажни утра и ноќи и секако со прекрасно сонце во текот на денот. Ова е месец кога амплитудите на температурата се поголеми.Уште еднаш да напоменам дека во првата половина од овој месец ќе имаме натпросечно високи температури на воздухот (продолжено лето), но сепак како што кажав, ноќите и утрата ќе бидат значително посвежи.Почести и пообилни врнежи, како и пониски температури кај нас би требало да започнат околу или после 15-ти септември.

Македонија | пред 1 година

(Видео) Сообраќајка во Кисела Вода: распрскани делови, едно од возилата удрило и во бандера

Две возила се судрија на стотина метри после „Рампа“ во Кисела Вода, во текот на ноќта, после 12 часот.Според првичните информации, едно од возилата удрило и во бандера, додека двата учесници во несреќата имаат поголема материјална штета.. Засега не е позната состојбата на патниците.Увид правела и полицијата.

Скопје | пред 1 година

По судирот во Јужното Кинеско Море, Америка објави: „Ова е опасно и може да ескалира“

Соединетите Држави ги осудија „опасните и ескалирачки“ акции на Кина против, како што рече Стејт департментот, легитимни филипински поморски операции во Јужното Кинеско Море.„Брод на кинеската крајбрежна стража намерно трипати се судри со брод на филипинската крајбрежна стража, кој ја практикуваше својата слобода на навигација во филипинската ексклузивна економска зона, предизвикувајќи штета на бродот и загрозувајќи ја безбедноста на екипажот на бродот“, портпаролот Метју Милер.https://twitter.com/globaltimesnews/status/1829833809686036817?ref_src=twsrc%5EtfwВо соопштението се вели дека тоа е најновата во серијата опасни и ескалирачки акции на Кина во областа во текот на август.Кинеската крајбрежна стража во саботата објави дека филипинскиот брод, „незаконски застанат“ на Сабина Шоал, го подигнал сидрото и „намерно удрил“ во кинески брод, додека филипинската крајбрежна стража соопшти дека кинескиот брод „целно се судрил“ со еден од бродови Манила.Пекинг има право на целото Јужно Кинеско Море, вклучително и делови во сопственост на Филипините, Брунеи, Малезија, Тајван и Виетнам. Се верува дека делови од морето, низ кои поминуваат стоки во вкупна вредност од три трилиони долари годишно, се богати со наоѓалишта на нафта и гас и рибни резерви.Во 2016 година, Постојаниот арбитражен суд утврди дека барањата на Кина немаат правна основа, одлука што Пекинг ја отфрла.

Свет | пред 1 година

ЈСП тоне во проблеми: Директорот си игра „криенка“ со долгот, сервисери откажуваат, не кажуваат ниту колку треба да им се плати на приватните превозници

Градската власт не успева да набави нови делови за расипаните автобуси, а не пак, нови возила. Истовремено, приватните превозници се гневни бидејќи ЈСП не им ги исплаќа фактурите, па решија да кренат рачна и да си ги бараат парите. Во две реченици, ова е состојбата со јавниот превоз во Скопје. Во понеделник, учениците треба да се вратат во училиштата, а во исто време е најавен и стартот на поголемиот хаос во градот.„Скопје1“ пред осум дена побара од ЈСП да кажат, колкав е долгот кој го има претпријатието заклучно со август, но и колку побарувања имаат кои не им се наплатени. Наместо бројки, добивме проширена реченица и криење на информацијата.„Со оглед дека за материјалот кој треба да се прибави од секторот за финансиско работење треба подолг временски период за обработка Ве упатуваме Вашето барање да го упатите преку слободен пристап до информации од јавен карактер, преку соодветната законска постапка“, велат од ЈСП.Истиот однос, го имаа од ЈСП и на прашањата поврзани со приватните превозници. Баравме од претпријатието да кажат колку фактури ЈСП треба да исплати кон приватните превозници (се мисли на сите кои имаат договор со ЈСП) заклучно со 1 август и на кој износ, но и колку фактури досега се исплатени заклучно со истиот период и на кој износ. На ова не добивме никаков одговор.Неколку автобуси се запалија, куп се испорасипаа по градските улици, еден учествуваше и во несреќа за која возачот кажа дека е поради неисправност. „Скопје1“ упати јасно прашање до Драги Кушевски, директорот во ЈСП поставен од Данела Арсовска, дали тој чувствува малку одговорност. На ова, добивме одговор: „Ќе проверам“, за по осум дена – тој да молчи.Претходно, Кушевски, на седница на Совет на Град Скопје самиот призна дека не успеваат да ги сервисираат расипаните автобуси. Тој посочи дека тоа е последица на долгот кој го имаат направено раководствата на ЈСП.

Скопје | пред 1 година

(Видео) Комитите го бркаа Миленко Неделковски, реагираше и полицијата на натпреварот Вардар-Воска спорт

Со „Оди си Миленко“ - Комити на градски бараат промена на Миленко Неделковски од раководните структури на Вардар. Тој пак, ги слушаше бидејќи беше на една од клипите на арената „Филип Втори“, каде клубот играше натпревар против Воска спорт.Во еден момент, реагираше и полицијата бидејќи Комитите тргнаа да се симнуваат од трибините, за да одат кон Неделковски. Во тој момент, службениците направија кордон.

Спорт | пред 1 година

Што ќе ни е државен јавен обвинител кога си го имаме Лефкота кој секој ден забавља јавност во ова августовско глуво доба, вели Туфегџиќ за аферата „Бисера Антоанета“

Молкот на Обвинителството и протокот на документите за аферата „Бисера Антоанета“ на пратеникот Миле Лефков, донесе реакции од правници во јавноста. Една од нив е на адвокатот Владимир Туфегџиќ. Тој смета дека е популизам објавување на документи, а до кои, можно е да е пристапено и преку министерот за култура Зоран Љутков. Посочува и дека во ваков случај – одговорноста е неминовна.„Објавување на службена документација за политички популизам е веќе видено и знаеме како сето тоа заврши и со какви последици и тоа е една од причините заради кои добивте на избори. Ако службената документација на Лефкота му ја обезбедува и дава министерот заради театрални и забавни партиски пресови тогаш премиерот треба веднаш да му се заблагодари на Љуткота и да му овозможи да продолжи по патот на даските кои живот значат, бидејќи очигледно дека не ја сфатил функцијата министер како слуга на народот кој треба да работи за државата и народот според закон и пропис, а не за партиски пресс. Значи, ако не знаеш да сошиеш кривична пријава тогаш ќе бараш тоа да го направат професионалци врз основа на докази, ја поднесуваш, правиш краток пресс како министер заради инфо за јавноста и толку, без навивање. Во минатото токму заради трговија со службена документација дадена под рака се случија многу негативни работи како трговија со влијание, корупција, уцени, поткуп, а впрочем заради тоа добивте народна подршка и дојдовте на власт. Затоа, со повторувањето на настаните и состојбите со непотребен театар од минатото сами си ја сечете гранката на која седите“, вели Туфегџиќ.Тој објави уште еден ироничен коментар за приказната која Лефков ја пласира со денови.„Се прашувам што ќе ни е државен Јавен обвинител кога си го имаме Лефкота кој секој ден забавља јавност во ова августовско глуво доба, од позиција на партиски гласноговорник си објавува службена документација без око да му трепне и никој не го прашува од каде му се документите и не бомбардира со нови детали за криминал од епски размери кој до сега достигна цели 3.800 евра, по моја рачуница.Јас по ова прашање имам свој јасен став и кај мене нема промени, кривична пријава до Јавен обвинител без театар и политиканство бидејќи театрално забавниот пристап знаеме како заврши. Не знам дали мојот колега довчерашен адвокат а сегашен министер за внатрешни работи, го одобрува токму ова однесување за кое тој во име на своите клиенти се спротивставуваше во минатото заради јавна медиумска осуда со театрални пресови без покрената постапка согласно законот“, додава Туфегџиќ.

Коментари | пред 1 година

Расправија на петочна молитва завршила со обид за убиство: ново крвопролевање во Тетово

Основното јавно обвинителство Тетово донесе Наредба за спроведување истражна постапка против едно лице осомничено за кривично дело – Убиство според член 123 став 1 во врска со член 19 (во обид) од Кривичниот законик и до надлежниот суд поднесе предлог за определување мерка притвор за осомничениот 36-годишник.На 30 август во селото Стримница, пред угостителски објект на патот кон Желино, осомничениот се обидел да лиши од живот едно лице, така што го прободел со нож оштетениот, нанесувајќи му тешка телесна повреда – убодна рана во градниот кош. Присутни лица веднаш го однеле оштетениот во тетовската болница, од каде како итен случај бил препратен на Клиничкиот центар во Скопје.На настанот претходела вербална расправија во дворот на џамијата по петочната молитва. Сега осомничениот за обид за убиство и неговиот татко го забележале нивниот соселанец кој имал расправија со градоначалникот на Желино. Бидејќи знаеле дека нивниот сосед е агресивен, се доближиле да го смират за да не настане поголем проблем. Но, тој не се смирувал и физички ги нападнал, удирајќи го таткото на сега осомничениот во главата.Присутни лица ги раздвоиле, но подоцна пред угостителскиот објект се случил кривично правниот настан во кој сега осомничениот го прободел со нож соседот кој претходно се расправал во дворот на џамијата со градоначалникот и со нив.Судијата на претходна постапка го прифати предлогот на ОЈО Тетово и на осомничениот му определи мерка притвор во траење од 30 дена.Categories

Македонија | пред 1 година

И европски, но и латиноамерикански затвори во Македонија

Александар Пандов, директорот на Управата за извршување санкции, ја оцени состојбата во македонските затвори. Според има има голема разлика од еден до друг затвор.,,Има затвори кои се од латино-американски тип, во кои само исклучително ментална силна личност би можела да издржи“, рече Пандов.Тој се осврна, како што рече и за браќава од 27 април и посочи дека некои од нив и по две години ги држеа во притворот во Шутка.,,Има затвори кои, да не бидам погрешно разбран, буквално се европски затвори, коишто изгледаат супер, нормално и коишто функционираат супер, нормално. Она што јас како забелешка сум го нашол не во сите, но, во дел од раководствата во затворите се однесувале во духот на Луј 14. Тие како директори се соживувале дека се сопственици, дека се тоа приватни нивни затвори и така ги третирале затворениците“, вели Пандов.Што се однесува за новиот продолжен прекин во издржување на казната на дел од осудените лица за 27 април, Пандов одговори дека тој како директор на Управата за извршување на санкции ако осуденето лице донесе медицинска документација во којашто е прикажано дека има некое акутно заболување и треба веднаш да се лекува, тој дава прекин од 30 дена.„Меѓутоа не мал дел од нив, еве конкретниот пример, поранешниот министер за внатрешни работи, Митко Чавков, јас како што сум информиран има добиено сега прекин од три месеца. Меѓутоа, тоа е од судот, кога имаат документација, ако им следуваат прекини веројатно судовите ќе доделуваат и доделуваат во моментов“, изјави Пандов.

Македонија | пред 1 година

Лазаров за состојбата на Зоки Фаци: За жал ситуацијата е влошена, ракот метастазирал на коски… но докторите велат дека ќе се спаси

Јутјуберот Стефан Лазаров попладнево на социјалните мрежи соопшти дека за жал ситуацијата со Зоки е влошена и дека новите резултати покажуваат дека туморот е поголем од 30cm и метастазирал на коски… Во продолжение во целост ја пренесуваме објавата:„Сакам јавно да се заблагодарам на ECrowd.mk и Nenad Lazarov за несебичната помош и брзата реакција во случајот со Зоки за да ни помогнат. Исто така професионално ја исплатија сумата која беше собрана веднаш, а истата е од огромна помош благодарение на вас!За жал ситуацијата со Зоки е влошена и овие 3-4 дена се потрошија и повеќе пари во Турција од тоа што очекувавме. Операцијата сеуште не е направена бидејќи новите резултати покажуваат дека туморот е поголем од 30cm и метастазирал на коски…Но, докторите велат дека ќе се спаси и Зочко мора да биде силен… Да се молиме за него и да го поддржиме во најтешките моменти“.

Магазин | пред 1 година

Загина 46-годишен мотоциклист од село Банско

На 30.08.2024 во 21.50 часот во Полициската станица Струмица било пријавенно дека на регионален пат Р1402, на делница од с.Габрово до с.Банско, струмичко, се случила сообракајна несреќа помеѓу патничко возило „ауди“ со струмички регистарски ознаки, управувано од О.К.(42) од село Баница и мотоцикл „јамаха“ без регистарски ознаки, управуван од М.Н.(46) од село Банско.Од здобиените повреди мотоциклистот починал на местото, а смрт констатирал лекар од Итна медицинска помош Струмица.Увид на местото на несреќата извршиле јавен обвинител од Основното јавно обвинителство Струмица и екипа на Полициската станица Струмица.

Македонија | пред 1 година

Амбасадата на САД во Косово загрижена и разочарана поради упадот на полицијата во српските општини

Амбасадата на САД во Косово излезе со соопштение по рацијата на косовската полиција во српските општини посочувајќи дека ја изразува својата загриженост и разочарување поради континуираните некоординирани активности преземени од Владата на Косово кои продолжуваат да имаат директен и негативен ефект врз припадниците на српската заедница и другите малцински заедници во Косово.„Оваа акција не е координирана со ниту еден елемент на меѓународната заедница“, се вели во соопштението на амбасадата на САД на Косово.САД и меѓународните партнери постојано бараат од Владата на Косово да и даде приоритет на координацијата со меѓународната заедница и да не презема еднострани дејствија за прашања кои се на агендата на Дијалогот со посредство на ЕУ.„Неуспехот на Владата на Косово да одговори на овие барања го одразува вистинското и растечко влошување на нашето партнерство. Некоординираните акции на Владата на Косово ги ставаат косовските граѓани и војниците на КФОР во поголем ризик, непотребно ги ескалираат регионалните тензии и го поткопуваат угледот на Косово како доверлив меѓународен партнер“,соопшти амбасадата на САД во Косово.

Свет | пред 1 година

Познат скопски маркет казнет со 1000 евра, поради продажба на небезбедна храна

Инспекциските служби на Агенција за храна и ветеринарство, покрај редовните инспекциски контроли согласно Годишниот план и неделава продолжија со спроведување на засилени, вонредни инспекциски контроли во целата држава.Познат скопски супер маркет казнет е со 1000 евра за правното и 400 евра во денарска противвредност за одговорното лице поради продажба на небезбедна храна, храна без и со нечитки декларации, невршење на задолжителни лабораториски тестирања. Истиот оператор дополнително е казнет со иста казна ( 1000 евра за правното и 400 евра за одговорното лице ) бидејќи продавал и производи и материјали кои доаѓаат во контакт со храната без за тоа да има добиено одобрение од Агенцијата за храна и ветеринарство.Во координирана акција со Државниот пазарен инспекторат, Управата за јавни приходи и Државниот трудов инспекторат, АХВ спроведе и вонреден инспекциски надзор во Битола. Поради продажба на недекларирано месо од различни видови и категории, пласман на неозначена храна и продажба на храна со поминат рок, на ресторан во овој град изречена му е прекршочна санкција и издадено му е решение заотстранување на утврдени недоследности.Казна од 600 евра и 300 евра во денарска противвредност, беше изречена на месарница во Скопје поради пласирање на пазарот на небезбнедна храна или храна без и со нечитки декларации како и за невршење на задолжителни лабораториски тестирања.

Скопје | пред 1 година