ТОП

Хаос во Скопје: Од понеделник нема да возат приватните превозници

Во понеделник, ќе настапи хаос со јавниот превоз на скопјани.Во понеделник кога ќе започне новата училишна година, приватните автобуси најавија дека нема да сообраќаат.На секоја линија ќе сообраќа по еден автобус само еднаш во денот, наутро или навечер, па на скопските улици ќе има помалку од 150 автобуси.Причината за ова, како што наведуваат, е долгот на Град Скопје кон превозниците од 2 милиони евра, како и неисполнетото ветување за зголемување на тарифникот.

Скопје | пред 1 година

Нема фотографија

Шефот на НАТО: Украинскиот упад во руската област Курск е легитимен

Упадот на Украина во рускиот регион Курск е легитимен и покриен со правото на Киев на самоодбрана, изјави генералниот секретар на НАТО Јенс Столтенберг за германскиот неделник „Велт ам Зонтаг“ во својата прва реакција на напредувањето на руска територија.„Украина има право да се брани. И според меѓународното право, тоа право не застанува на границата“, изјави Столтенберг за весникот, додавајќи дека НАТО не бил однапред информиран за плановите на Украина и немал никаква улога во нив.Шефот на НАТО рече дека Украина ризикува да напредува кон руска територија, но дека зависи од Киев да ја спроведе својата воена кампања.„Украинскиот претседател Зеленски јасно стави до знаење дека операцијата има за цел да создаде тампон зона за да спречи понатамошни руски напади преку границата“, рече тој. „Како и сите воени операции, така и оваа има ризици. Но, Украина одлучува како да се брани“, додаде тој.Русија ја нарече операцијата Курск „голема провокација“ и рече дека ќе возврати.

Свет | пред 1 година

Нема фотографија

Шок на УС Опен: Ѓоковиќ исфрлен од турнирот, одамна не бил елиминиран вака рано

Новак Ѓоковиќ беше елиминиран од УС Опен веќе во третото коло. Алексеј Попирин беше подобар од актуелниот шампион со 6:4, 6:4, 2:6, 6:4.Очајните сервиси го чинеа Ѓоковиќ бидејќи и овојпат беше далеку од нивото на неговиот сервер.Ова беше негово најрано излегување од Грен слем од Австралија Опен во 2017 година.Најголемото прашање беше како ќе изгледа сервисот кој беше убедливо најслаб во неговата кариера на претходните два меча. Првиот сервис го погоди против Албот само во 47 проценти од случаите, а 47,2 против Џере. Тој продолжи да го прави истото сега и изгледаше прилично лошо.

Спорт | пред 1 година

Нападна американската војска: Убиени 15 оперативци на Исламската државa

Централната команда на американската војска (ЦЕНТКОМ) објави дека нејзините сили заедно со ирачките безбедносни сили извршиле напад во западен Ирак во кој загинаа 15 оперативци на Исламската држава (ИД).Американски воен претставник изјави дека во тој напад биле повредени седум американски војници.ЦЕНТКОМ соопшти дека нема цивилни жртви во нападот извршен на 29 август.Претставник на американската војска изјави за АП дека седум американски војници се повредени, од кои пет на операција, а двајца на пад, и дека сите се во стабилна состојба.Најмалку пет американски војници беа повредени во напад претходно овој месец врз воена база на коалицијата во Ирак.2.500 американски војници се стационирани во Ирак.По воениот пораз на Исламската држава во Ирак на крајот на 2017 година, американските сили останаа да помогнат да се спречи повторното оживување на терористичката група.

Свет | пред 1 година

Нов напад со нож во Германија: Петмина повредени, тројца критично

Пет лица се повредени, од кои три се во критична состојба, во напад со нож во автобус во западниот германски град Зиген, соопшти вечерва полицијата.32-годишниот напаѓач е уапсен, соопшти полицијата.Најмалку 40 лица патувале со автобус до градскиот фестивал во Зиген, на околу 75 километри од Келн, кога се случил нападот околу 19 часот и 40 минути, се наведува во соопштението.Инцидентот се случи една недела по фаталниот напад со нож во градот Солинген во западна Германија, кога напаѓачот уби три, а повреди осум лица.Осомничениот сторител, 26-годишен Сириец е во притвор. Терористичката група Исламска држава ја презеде одговорноста за нападот, иако германските власти се уште ја истражуваат веродостојноста на тврдењето.Полицијата во Зиген ги повика граѓаните да не шират лажни вести на социјалните мрежи или други канали, а особено да не го поврзуваат инцидентот со терористички напад.Засега нема информации за мотивот на нападот.Полицијата и вечерва е на местото на настанот, прибира докази и сослушува сведоци.

пред 1 година

Обвинителството не најде одговорност кај Беким Максути за несервисираните „Ер трактори“ на ДЗС

За обвинителството нема одговорност кај екс директорот на Дирекцијата за заштита и спасување, Беким Максути за несервисираните „ер трактори“ кои не беа во функција за заштита од пожари.Обвинителството сега донесе одлука постапувајќи по кривичната пријава која пред неколку години ја поднесе партијата,,Левица“, a со која бараше одговорност за Максути за несервисираните „ер трактори“. Тие за време на пожарите во 2021 не можеа да се користат. Тогаш изгореа 450 илјади кубни метри шума, а проценетата штета беше огромна.Беким Максути нема да одговара за несервисираните „ер трактори“ кога гореше Македонија – Обвинителството не нашло кривично делоПоранешниот директор на Дирекцијата за заштита и спасување, Беким Максути нема да одговара за несервисираните „ер трактори“ кои не беа во функција за време на големите пожари летото 2021 година.Обвинителството не нашло кривично дело постапувајќи по кривичната пријава која пред неколку години ја поднесе „Левица“, a со која бараше одговорност за Максути за несервисираните „ер трактори“ кои не можеа да се користат во екот на големите пожари низ Македонија кога изгореа 450 илјади кубни метри шума, а проценетата штета надмина 30 милиони евра.Обвинителството собрало докази, но не нашло елементи за кривично дело ниту за постапките за јавни набавки за поправка и сервисирање на авионите, ниту дека Максути несовесно работел.“Пo поднесената пријава од една политичка партија, постапуваше јавен обвинител ОЈО ГОКК кој во предистражна постапка прибави материјални докази од кои произлезе дека во дејствијата преземени од директорот на Дирекцијата за заштита и спасување нема елементи на законско битие на кривично дело што е во надлежност на Основното јавно обвинителство за гонење на организиран криминал и корупција, бидејќи прибраните докази упатуваат на фактот дека постапките за јавните набавки за поправка и сервисирање на авионите во 2020 и 2021 година биле спроведени во согласност со одредбите од Законот за јавните набавки. Во однос на евентуално постоење на кривичното дело Несовесно работење во служба од чл. 353 – в од КЗ предметот беше доставен на надлежност на ОЈО Скопје, каде јавен обвинител утврди дека во дејствијата на пријавениот не се содржани елементи на наведеното кривично дело, велат од Обвинителството.

Македонија | пред 1 година

Венера Ѓорѓиевска е пронајдена жива и здрава

Венера Ѓорѓевска е пронајдена жива и здрава.

Македонија | пред 1 година

Короната коси во Грција, минатата недела починати 39 лица, 38 на респиратор, хоспитализирани 815

Во периодот од 19 до 25 август регистрирани се нови 815 хоспитализирани лица заразени од Ковид-19 а вкупно 38 пациенти се приклучени на апарати. Починати од короната за една седмица се 39 лица.Летниот пораст на вирусната активност оваа година започна порано за разлика од летото во 2023 година и досега се чини дека се карактеризира со поголем број хоспитализации, но помал број пациенти приклучени на апарати и смртни случаи во споредба со лани, пишува во неделниот извештај за Ковид-19 во Грција на Националната организација за јавно здравје (ЕОДИ), јави дописничката на МИА од Атина.Од ЕОДИ соопштуваат дека од крајот на пролетта доминира варијантата BA.

Свет | пред 1 година

“Побрзо стигнав од Јужен Трипол до Скопје, него од Ѓорче до Центар, секоја чест Данела”, граѓаните гневни за ЈСП, директорот проверува дали чувствува одговорност

Поплаките за превозот со ЈСП, се побројни. На социјалните мрежи граѓаните се жалат на хаосот, а тоа го гледаат и посетителите, како и странските туристи. Болна точка се автобусите и нивното недоаѓање на време, но и честото расипување.,,Секоја чест JSP Skopje (ЈСП Скопје) Danela Arsovska. Побрзо стигнав од Јужен Тирол до Скопје, одколку од Ѓорче до Центар!!! Секако после маратонско чекање автобус морав да одам со такси на работа (едвај најдов)! До толку ли не можете еден јавен превоз да средите?! Народот не го заслужува овој хаос!", напиша Силвана Ивановска на својот Фејсбук профил.“Скопје1” веќе побара одговори од директорот на ЈСП, Драги Кушовски, дали гледа кај себе одговорност за тоа што превозот е и небезбеден. Тој рече: “Ќе проверам” и седум дена не добиваме одговор.

Скопје | пред 1 година

Утрово изгореа две возила на паркинг во скопската населба Аеродром

Утрово околу три часот изгореа две возила на паркинг кај „Три бисери“ во скопската населба Аеродром. Изгорело возило Сеат Ибица со скопски регистарски таблички и БМВ со прилепски регистарски таблички.Интеревенирано е со едно противпожарно возило и 5 пожарникари.Граѓаните кои живеат во непосредна близина велат дела слушнале екплозии. На местото на настанот дошла и пожарна.Пожарот избувнал кај едното возило, а потоа го зафатил и другото возило, вели Ѕвонко Томевски, командир на противпожарната единица.Се уште позната причината за пожарот, како и материјалната штета кија надтанала.

Скопје | пред 1 година

Во првите две недели од септември ќе имаме натпросечно топло, како и претежно стабилно време

Со почетокот на новиот месец (септември) ни започнува и климатолошката есен, кога ноќите се се подолги, а деновите многу пократки.Оваа година, потврдувам дека ќе имаме продолжено лето, односно барем од она што може во моментов да се види на прогностичките модели, тоа е дека во првите две недели од септември месец ќе имаме натпросечно високи температури на воздухот, како кај нас во Македонија, така и во останатиот дел од Балканот, но и во поголемиот дел од Европскиот Континент, што значи дека кај нас на Балканот, вклучувајќи ја и нашата Македонијаќе има продолжено лето, но секако со попријатни температури на воздухот.Времето ќе биде претежно стабилно и суво со многу сончеви периоди, но и покрај ова, повремено во попладневните часови би можела да се појави нестабилност, проследена со пороен дожд, грмежи и засилување на ветерот, претежно во планинските предели.Наутро сепак ќе биде прилично свежо со минимални температури кои ќе се спуштаат во интервалот од 10 до 19 степени, преку ден температурите ќе се искачуваат во интервалот од 28 до 36 степени.Се на се, оние граѓани кои планираат одмор во првите две недели од месец септември, тоа можат слободно да го направат и да си го планираат истиот како кај нас во Македонија, така и надвор од неа (во регионот).

Македонија | пред 1 година

Изгаснати 20 пожари во текот на вчерашниот ден, еден сѐ уште активен

,,Во текот на вчерашниот ден, четврток, 29.08.2024 година, имаше вкупно 22 пожари на отворен простор, од кои активен е 1, под контрола е 1 и изгаснати се 20.АКТИВНИ: 11. Општина Штип: помеѓу селата Едеклерци и Хаџи-Хамзали, префрлен на армискиот полигон Криволак (нискостеблеста шума и сува трева).ПОД КОНТРОЛА:12. Општина Чашка: Планина Мукос, с.Степанци и м.в.Кадиица на граница помеѓу Општина Чашка и Општина Долнени и жариште Ореов Дол према Кадиица (мешана шума).ИЗГАСНАТИ: 201. Општина Студеничани 1: с.Љубош – с.Горно Количани кај каменолом Вртекица (ниска вегетација);2. Општина Студеничани 2: над с.Црвена Вода, м.в.Краста (ниска вегетација и нискостеблеста шума);3. Општина Охрид и Ресен: планина Галичица;4. Општина Струга 1: с.Драслајца – с.Биџево (сува трева);5. Општина Струга 2: с.Добовјани (сува трева);6. Општина Куманово: Споменик Костурница (сува трева);7. Општина Брвеница: с.Стенче, м.в.Папради (сува трева);8. Општина Прилеп: с.Селце (сува трева);9. Општина Долнени 1: с.Ропотово – с.Лажани (сува трева);10. Општина Долнени 2: с.Десово – с.Дреновци – префрлен од с.Степанци, Општина Чашка;11. Општина Лозово 1: с.Дурфулија – с.Каратманово (борова шума);12. Општина Лозово 2: с.Ќоселари (ниска шума, грмушки и сува трева);13. Општина Лозово 3: с.Милино (сува трева и трње);14. Општина Сарај: с.Крушопек (ѓубре и сува трева);15. Општина Гази Баба: Смилковско Езеро (сува трева);16. Општина Бутел: бул.Словенија (сува трева);17. Општина Петровец: с.Ржаничино (сува трева);18. Општина Арачиново: с.Арачиново (сува трева);19. Општина Гостивар 1: нас.Млаки (сува трева);20. Општина Гостивар 2: ул.Балиндолска (сува трева).”, информираат од ЦУК.

Македонија | пред 1 година

Нема фотографија

(Видео) Каков шок на УС Опен: Алкараз елиминиран, сензација на годината

Ботик ван де Зандшулп направи сензација на годината бидејќи во второто коло го елиминира Карлос Алкараз од УС Опен со 6:1, 7:5, 6:4.Можеби ова е една од најголемите сензации на сите времиња. Сè се случи за само два часа и 20 минути тенис. Многумина ќе се сеќаваат на ситуациите кога Дастин Браун го исфрли Рафаел Надал од Вимблдон или кога Денис Истомин успеа да го изненади Новак Ѓоковиќ на Австралија Опен. Ова е многу, многу блиску до тоа ниво.Погледнете ги реакциите на Шпанецот и Холанѓанецот по последниот поен. Ван де Зандшулп не си дозволи ниту да слави, Алкараз само сакаше што побрзо да излезе од теренот. Ниту публиката не знаеше како да реагира. Сето ова доволно говори за тоа колку е ова изненадувачки и што штотуку направи 74. тенисер во светот за да обезбеди место на листата на најголеми сензации досега.

Спорт | пред 1 година

Нема фотографија

Силен земјотрес ја погоди Русија

Земјотрес со јачина од 6 степени според Рихтеровата скала утрово го погоди источниот брег на Камчатка на крајниот исток на Русија, соопшти Европско-медитеранскиот сеизмолошки центар.Во соопштението се наведува дека епицентарот на земјотресот бил на длабочина од 28 километри, на 1.623 километри источно од Комсомолск на Амур.Засега нема информации за евентуални повредени или материјална штета.

Свет | пред 1 година

Харис ја зголеми предноста пред Трамп

Демократскиот кандидат Камала Харис води пред републиканецот Доналд Трамп со 45 отсто наспроти 41 отсто во анкетата на Ројтерс/Ипсос, која покажа дека актуелниот американски потпретседател предизвикал обновен ентузијазам кај гласачите и ја обновил трката пред изборите на 5 ноември.Предноста од четири процентни поени меѓу регистрираните гласачи е поголема од предноста од еден поен на Харис пред поранешниот претседател во анкетата на Ројтерс/Ипсос кон крајот на јули. Новата анкета - која беше спроведена во текот на осумте дена до средата и има маргина на грешка од два процентни поени - покажа дека Харис добива поголема поддршка меѓу жените и Хиспанците.Харис води пред Трамп со 49 проценти наспроти 36 проценти - или 13 процентни поени - и кај жените и кај шпанските гласачи. Во четири анкети на Ројтерс/Ипсос спроведени во јули, Харис имаше девет поени предност кај жените и шест поени предност кај Хиспанците.Трамп води меѓу белите гласачи и мажите, и двајцата со слични маргини како во јули, иако неговата предност меѓу гласачите без диплома се намали на седум поени во последното истражување, помалку од 14 поени во јули.Резултатите покажуваат како се промени трката за претседател на САД во текот на летото. Претседателот Џо Бајден (81) ја напушти својата кампања на 21 јули по катастрофалната дебата против Трамп што предизвика повици од неговите колеги демократи да се откажат од неговата кандидатура за реизбор.Оттогаш, Харис доби предност против Трамп во националните анкети, но и во некои од критичните држави „свинг“. Додека националните анкети, вклучително и Ројтерс/Ипсос, даваат важни сигнали за ставовите на електоратот, резултатите од изборниот колеџ за секоја држава го одредуваат победникот, а победата во неколку држави најверојатно ќе биде одлучувачка.

Свет | пред 1 година

Се прошета и се врати: Гури од ДУИ се предаде на полицијата, откако беше во бегство - ќе треба да биде вратен во притвор

Исмет Гури, истакнат активист на ДУИ, за кого се шпекулираше дека преминал кај „огнените“, а по кого беше распишана меѓународна потерница, во текот на денешниот ден самиот се пријавил на полиција и веќе е во затвор, потврдија од Министерството за внатрешни работи (МВР).Гури беше во затворскиот притвор, а потоа му беше одреден домашен притвор поради здравствени проблеми. Минатата година беше уапсен заедно со 15 лица меѓу кои и бизнисмени и инспектори од Управата за јавни приходи, под сомнение за слосторничко здружување и даночна измама.Против Гури беше распишана меѓународна потерница од МВР поради тоа што избега од куќен притвор на почетокот од оваа година. Гури не бил пронајден на адресата на која требало да издржува куќен притвор. Бегството се случило откако Обвинителството по жалба побарало куќниот притвор да му се преиначи во ефективен притвор во Шутка, по што му бил доделен, но кога полицијата отишла да го спроведе, него го немало.Против Исмет Гури, заедно со Ејуп Алими, се водеше и случајот „Титаник 3“ за уништување изборен материјал, во кој Судот по повтореното судење минатата година им изрече неправосилни затворски казни од по три години и шест месеци.

Македонија | пред 1 година

Тензично меѓу Скопје и Софија: Николовски ја навреди бугарската Влада, од таму испратија „закани“

Политичките тензии меѓу Скопје и Софија повторно се интензивираат. Обидите за повторно преговарање на веќе преземените меѓународни обврски може да доведат само до дополнително дистанцирање од почетокот на преговорите за членство во ЕУ, порачаа од бугарското МНР по изјавата на премиерот Мицкоски дека во Бугарија има техничка влада со која не треба сега да се преговара.Од бугарското МНР велат дека Софија останува отворена за дијалог, но потенцираат тој дијалог не вклучува репреговарање на веќе преземените обврски од Скопје.- Изјавата на премиерот на Република Северна Македонија, за жал, уште еднаш отворено ја доведува во прашање европската перспектива на неговата земја. На властите во Скопје треба да им биде јасно дека обидите за покренување идеи за повторно преговарање на веќе преземените меѓународни обврски може да доведат само до дополнително оддалечување од почетокот на преговорите за членство во ЕУ. - велат од МНР на Република Бугарија.Николовски, кој порано беше претседател со Националниот совет за евроинтеграции, изјавата ја даде откако МНР на Бугарија вчера излезе со реакција на изјавата на премиерот Христијан Мицкоски дека преговарачката рамка со ЕУ, односно францускиот предлог, може да биде дополнет, односно репреговаран, на што од Софија стигна порака дека такво нешто нема да се случи ниту со техничка ниту со политичка влада во Бугарија.„Секогаш кога во Бугарија ќе дојдат избори се злоупотребува темата Македонија. Не знам сега, не сум сигурен кога им се изборите, затоа што до толку се нефункционални што не можат ни избори да закажат. Ова им е седма или осма техничка влада, веќе не можат луѓе да најдат за во техничката влада. Такашто нека си ги средат прво дома работите,нека изберат политичка влада и ќе седнеме и зборуваме со политичката влада. Немам намера да одговарам на луѓе кои што ловат политички поени, а кои што се политички маргиналци во моментов во Бугарија, затоа што се претставници на влада којашто нема легитимитет од никого“, изјави Николовски.

Македонија | пред 1 година

(Видео) Возачот кој излета со автомобил во Вардар е дома и во добра состојба

Скопјанецот кој со автомобил прелета низ четири булеварски ленти и заврши во Вардар, е во добра здравствена состојба. Тој бил пуштен од болница уште третиот ден откако се случи несреќата.Добил лекарски препораки, но е надвор од живото-загрозувачка состојба. Неговото третирање ќе треба да продолжи во домашни услови.Засега нема информации, дали Обвинителството покренало предмет за овој случај. Последните информации од понеделникот, беа дека возачот е во болница. „Скопје1“ денеска упати нови прашања и очекуваме одговори.Снимката на која се гледа несреќата, ја фрапираше јавноста, бидејќи на булеварот поминуваа возила и можеше да се случи поголема трагедија.„Во СВР Скопје изутринава во 07.23 часот е пријавено дека патничко моторно возило „киа“ со скопски регистарски таблички, управувано од В.К. (32), ја пробило заштитната ограда на мостот Мајка Тереза и паднало во реката Вардар“, кажаа од МВР во саботата.

Скопје | пред 1 година

(Видео) На Граничниот премин Богородица приведен 38-годишен маж од Босна и Херцеговина: Пронајдени 15 мигранти од Кина

Hа 28.08.2024 во 22.45 часот на Граничниот премин Богородица, на излез од државата, полициски службеници од РЦГР Југ го лишија од слобода М.А.(38) од Босна и Херцеговина, кој управувал товарно возило „мерцедес“ со полуприколка со босански национални ознаки, затоа што при извршена проверка, во полуприколката биле пронајдени 15 мигранти од Кина, од кои едно е малолетно лице.Известен е јавен обвинител од ОЈО за ГОКК Скопје и поради постоење на основи на сомневање дека сторил кривично дело „криумчарење на мигранти“ по чл. 418-б ст.4, а во врска со ст.2 од КЗ, против М.А. ќе биде поднесена соодветна пријава, мигрантите биле пренесени во Прифатно-транзитниот центар Гевгелија.

Македонија | пред 1 година

Силен земјотрес ја погоди Грција: Земјотрес со јачина од 5,1 степени во близина на Крит

Земјотрес со јачина од 5,1 степени според Рихтеровата скала се случи вчера недалеку од грчкиот остров Крит.Епицентарот на земјотресот бил на длабочина од 10 километри, соопшти Европско-медитеранскиот сеизмолошки центар.Земјотресот бил почувствуван во регионите на Ретимно и Ханија, како и во Ираклион, пренесува Катимерини.Сеизмологот Герасимос Пападопулос изјави дека е можно земјотресот на Крит да донесе последователни потреси, истакнувајќи дека се уште не е сигурно дека ова е главниот земјотрес.Засега нема извештаи за штети во Ретимно, Ханија и Ираклион. Градоначалничката на Гавдош, кој е блиску до епицентарот, Лилијан Стефанаки, изјави дека мештаните се исплашени. Сепак, тој додаде дека нема извештаи за штета, но дека некои предмети паднале во некои куќи и продавници.

Свет | пред 1 година

(Видео) Силен тајфун ја погоди Јапонија: Една од најсилните бури досега во тој регион

Југозападот на Јапонија утринава беше погодена од силен дожд и многу силен ветер додека тајфунот Шаншан падна на копно во префектурата Кагошима, прекинувајќи ја струјата во повеќе од четвртина милион домаќинства и повреди десетици луѓе.Тајфунот, категоризиран како „силен“, со удари на ветер до 60 метри во секунда (216 км/ч), пристигна утринава во близина на градот Сатсумасендаи, кој се наоѓа на југозападниот остров Кјушу, објави метеоролошката агенција.Властите предупредија дека бурата може да биде една од најсилните што некогаш го погодила регионот, а локалните власти издадоа наредби за евакуација на милиони жители во неколку префектури.Едно лице се води како исчезнато, а 39 се повредени во префектурите Кагошима и Мијазаки, јави јавната телевизија NHK. Снимката на NHK покажува скршени ѕидови и стаклени прозорци на згради во Мијазаки.Повеќе од 250.000 домаќинства во седум префектури беа без струја до 9 часот по локално време во четвртокот, според Кјушу Електрик Пауер.Откако ќе го погоди Кјушу во текот на следните неколку дена, невремето се очекува да се приближи до централните и источните региони, вклучувајќи го и главниот град Токио, околу викендот, соопшти метеоролошката агенција. Големите производители на автомобили, вклучувајќи ги Тојота и Нисан, ја прекинаа работата во речиси сите домашни фабрики поради невремето.Авиокомпаниите, вклучително и ANA Holdings и Japan Airlines, веќе најавија откажување на повеќе од 600 домашни летови. Возниот сообраќај е прекинат во многу области на Кјушу.Тајфунот Шаншан е најновиот систем за тешки временски услови што ја погоди Јапонија по тајфунот Ампил, кој исто така предизвика прекин на електричната енергија и евакуација на почетокот на овој месец.

Свет | пред 1 година

Изгаснати 33 пожари во изминатото деноноќие, 5 се сѐ уште активни

,,Во текот на вчерашниот ден, среда, 28.08.2024 година, имаше вкупно 39 пожари на отворен простор, од кои активни се 5, под контрола е 1 и изгаснати се 33.АКТИВНИ: 51. Општина Чашка: Планина Мукос, с.Степанци и м.в.Кадиица на граница помеѓу Општина Чашка и Општина Долнени (мешана шума);2. Општина Студеничани 1: над с.Црвена Вода, м.в.Крста (ниска вегетација и нискостеблеста шума);3. Општина Студеничани 2: с.Љубош – с.Горно Количани (ниска вегетација);4. Општина Штип: помеѓу селата Едеклерци и Хаџи-Хамзали (нискостеблеста шума и сува трева);5. Општина Лозово: с.Дурфулија – с.Каратманово (борова шума).ПОД КОНТРОЛА: 11. Општина Охрид: планина Галичица, Општина Охрид и Општина Ресен (чадење во внатрешноста).ИЗГАСНАТИ: 331. Општина Дебар 1: с.Татар Елевци (мешана дабова шума и сува трева);2. Општина Дебар 2: с.Могорче (депонија);3. Општина Дебар 3: м.в.Бошков Мост (дива депонија);4. Општина Битола 1: кај Тунелот (ѓубре и сува трева);5. Општина Битола 2: кај Тунелот (ѓубре и сува трева);6. Општина Демир Хисар: с.Сопотница (ѓубриште);7. Општина Ново Село: Депонија (ѓубре);8. Општина Теарце: с.Глоѓи (стрништа и сува трева);9. Општина Желино: с.Мерово (сува трева);10. Општина Боговиње: с.Жеровјане (сува трева);11. Општина Врапчиште 1: с.Врановци (ниско стеблеста шума, сува трева, отпад);12. Општина Врапчиште 2: с.Сенокос (шума и сува трева);13. Општина Врапчиште 3: с.Градец (сува трева);14. Општина Гостивар: ул.Боге Вељаноски (сува трева);15. Општина Маврово-Ростуште: с.Требиште (стрништа и сува трева);16. Општина Струга 1: с.Драслајца (сува трева);17. Општина Струга 2: с.Добовјани (сува трева);18. Општина Ѓорче Петров: нас.Ѓорче Петров (сува трева);19. Општина Бутел: с.Визбегово, Качанички Пат (сува трева и магацина за градежен материјал);20. Општина Аеродром 1: ул.Трета Македонска Бригада – помеѓу пругите кај Тутунски комбинат (сува трева и монтажни објекти на Македонски железници);21. Општина Аеродром 2: ул.Трета Македонска Бригада (прагови од пруга и сува трева);22. Општина Аеродром 3: ул.Трета Македонска Бригада (прагови од пруга и сува трева);23. Општина Чучер Сандево 1: кај Аеродром Стенковец (сува трева);24. Општина Чучер Сандеов 2: Качанички пат (стрниште);25. Општина Чучер Сандево 3: с.Чучер, с.Сандево (ѓубре и сува трева);26. Општина Сопиште 1: с.Маркова Сушица (мешана вегетација);27. Општина Сопиште 2: с.Маркова Сушица (дрва);28. Општина Гази Баба: с.Раштак (ѓубре);29. Општина Арачиново: с.Орланци (депонија);30. Општина Ранковце: с.Ранковце (нискостеблеста шума и сува трева);31. Општина Долнени: с.Средорек – с.Вранче (стрништа и сува трева);32. Општина Куманово: ул.Октомвриска Револуција (ѓубре и сува трева);33. Општина Липково: с.Никуштак (стрниште и сува трева).”, информираат од ЦУК.

Македонија | пред 1 година

(Видео) Грчкото туристичко пристаниште преплавено со стотици илјади мртви риби

Грчките власти почнаа да собираат стотици илјади трупови риби кои го поплавија градот Волос оваа недела. Минатата година грчкиот регион Тесалија беше погоден од големи поплави во кои многу риби завршија надвор од езерата и реките и беа „турнати“ кон морето.Откако трупови од риба го покриле пристаништето, се проширила смрдеа која го вознемирила населението и надлежните. „Тие се протегаат на километри“, рече членот на градскиот совет Стелиос Лимниос. Градоначалникот на Волос, Ахилеас Беос, вчера изјави дека смрдеата е неподнослива и ја обвини владата што не се справила со проблемот пред да стигне до неговиот град.

Свет | пред 1 година

Нема фотографија

Земјотрес со јачина од 6,1 степени го погоди Ел Салвадор

Земјотрес со јачина од 6,1 степени според Рихтеровата скала синоќа го погоди брегот на Ел Салвадор, соопшти Американскиот геолошки институт, но во првите извештаи не се спомнуваат можни жртви или материјална штета.Епицентарот на земјотресот бил во Тихиот Океан, 60 километри југо-југозападно од салвадорскиот град Ла Либертад на длабочина од 33,9 километри, соопшти USGS. Европскиот медитерански сеизмолошки центар (EMSC) исто така ја процени јачината на 6,1 степени.Очевидци изјавија за Ројтерс дека го почувствувале земјотресот во главниот град Сан Салвадор, како и во соседна Гватемала. Агенциите за катастрофи на двете земји соопштија дека го следат развојот на настаните по земјотресот и дека ќе пријават каква било штета.

Свет | пред 1 година

Ново пукање вечерва: таргет било младо лице од Арачиново кое е во болница

Пукање во Арачиново, еден повреден. Ова е епилогот од вооружената пресметка во Скопје, вечерва. Таргет бил 24-годишен жител на општината.“Денеска (28.08.2024) околу 21 часот во СВР Скопје е пријавено дека во с.Арачиново било пукано кон А.И. (24) од с.Арачиново, кој се здобил со повреди и е пренесен во комплекс клиники “Мајка Тереза” за укажување помош”, велат од МВР за “Скопје1”Се преземаат мерки за расчистување на случајот.

Скопје | пред 1 година