ТОП

(Видео) Низ Скопје, полиција на „секој чекор“, Тошковски: Лично ја иницирав акцијава

,,63 санкционирани возачи на мотоцикли во Скопје за еден ден, ja враќаме безбедноста на улиците.Во последниот период, до Министерството за внатрешни работи пристигнаа многу поплаки од граѓаните за несовесно и агресивно возење, особено на возачи на мотоцикли во централното градско подрачје на Скопје. Исто така и самиот сум бил сведок на такво непримерно однесување кое ги нарушува јавниот ред и мир и безбедноста на граѓаните.Поради овие причини, лично иницирав спроведување на акциска контрола, насочена кон санкционирање на овие прекршоци и враќање на безбедноста на нашите улици.Во тој контекст во текот на вчерашниот ден (27.08.2024) од страна на Одделението за сообраќајно и ескортно обезбедување во соработка со Одделението за безбедност на патниот сообраќај при СВР Скопје во периодот од 19.00 до 00.00 часот, во рамките на планот за зголемено присуство на полицијата и зголемување на безбедноста во градот Скопје, беше реализирана зајакната акциска контрола за санкционирање на прекршоци што ги чинат возачите на мотоцикли. Во акцијата беа контролирани повеќе од 130 мотоцикли и мотори, а санкционирани се 63 возачи. Од нив, 32 возачи не користеле заштитна кацига за време на возење, шест возачи возеле без возачка дозвола, 12 возачи имале несоодветна категорија, два мотоцикли не биле регистрирани и еден возач поминал на црвено светло. Акциските контроли во рамките на оперативната акција ќе продолжат и во идниот период со засилен интензитет.Статистиките на жртви во сообраќајот покажуваат дека во Македонија има повеќе жртви споредено со земјите од ЕУ и МВР презема мерки, во склоп на своите надлежности, тоа да се промени. Во текот на минатата 2023 година имало 127 жртви во сообраќајни незгоди на територијата на цела држава, од кои 39 се во Скопје. За првите шест месеци од оваа година пак, има 57 жртви, од кои 14 се во Скопје.Министерството за внатрешни работи почнува бескомпромисна борба против сите видови криминал и нарушувања на јавниот ред и мир. Никој нема право да го нарушува мирот и спокојот на граѓаните како во Скопје, така и во целата држава, без разлика дали се работи за криминална нарко банда или несовесен возач на мотор кој го нарушува мирот и безбедноста на булеварот „Партизански одреди“. Законот мора и ќе важи за сите и секој што го крши, ќе биде казнет.", напиша министерот за внатреши работи, Панче Тошковски.

Скопје | пред 1 година

Стојкоски ќе ја тужи Левица: се скараа по објава дека Ѓорче Петров има злоупотреби со донирано земјиште без одлука на Совет

Советничката Дарја Мустафаоглу го обвини градоначалникот на Општината Ѓорче Петров, Александар Стојкоски дека Општината незаконски донирала општинско земјиште и објект, односно старата општинска зграда.,,Без Одлука на Советот на Општина Ѓорче Петров и спротивно на Закон сме примиле донација од БУГАРСКАТА АМБАСАДА и без Одлука на Советот и спротивно на Закон сме оттуѓиле, т.е. донирале општинско земјиште и објект, односно старата општинска зграда!Каде се брзал градоначалникот Стојкоски и зошто сето ова се реализира скришум, преку грубо кршење на Законите и пречекорување на овластувањата, оставам да процените вие.", напиша Мустафаоглу.Во изјава за Сител градоначалникот Стојкоски ги негираше овие тврдења.,,Општината Ѓорче Петров нема донирано ниту педа земја, ниту метар квадрат било каков тип на простор туку едноставно преку системот на министерството за финансии преку кој што се издава просторот за кој што располага општина Ѓорче Петров, за што има и соодветна одлука на Совет пред повеќе години. Морам да напоменам, просторот на старата општинска зграда е издаден. Повторувам, издаден. Ниту е дониран на невладината организација „Во мојот свет“, согласно критериуми кои што сме ги поставиле во огласот за изнајмување, а преку законски и транспарентен процес кој што го контролира министерството за финансии, изјави во изјава за Сител Стојкоски.Стојкоски најави лична тужба и тужба од страна на општината против Левица.,,А јас исто така во консултација со мојот адвокатски тим ќе поднесам лична и тужба од општината Ѓорче Петров. Тоа што сакаат да го направат се должи на резултат на константно опаѓање на нивните гласови во Ѓорче, бидејќи за последните парламентарни избори имаа дури 30 посто помалце гласови од тоа што го имаа на локалните избори", вели Стојкоски.

Скопје | пред 1 година

(Видео) Стартува втората сезона од поткастот „Претрес со Ландов“!

На 11-ти септември стартуваме со втората сезона од поткастот „Претрес со Ландов“. Од центарот на Скопје, Ви најавуваме што да очекувате секоја среда, од 21 часот, во живо!„Позади мене е законодавниот дом. Законите се носат, но дали се применуваат? Колку е тешко законските текстови да се преточат во дела? Нашите закони ќе бидат подобни за претресување во нашиот поткаст!“, стои во најавата.Нема да куртули ниту Владата.„Преку Извршната власт се кршат копјата на системот во една држава. Во оваа зграда, за повозрасните бивша ЦК, а денешна Влада на Република Македонија - се носат најважните одлуки за мојата, твојата и нашата иднина. Колку од тие одлуки биле исправни, а колку биле погрешни? Фактите што прават во владата ќе ги утврдиме во втората сезона во Претрес“, се додава во најавата.А што со правораздавањето?!„Зад мене е куќата каде што во изминатите години правораздавањето беше заменето со кривораздавање. Нерасчистени случаи, драконски казни, чесни и нечесни судии. Кои од овие судии и кој од правосудната власт ќе бидат првите кои ќе дозволат да ги претресеме ние, граѓански, како ние знаеме…“, се додава во најавата.Нема да куртулат ниту обвинителите...„Порано ги велеа: џелатите на секоја власт. А тие се само обвинители. Колку тие покренаа соодветни а колку несоодветни обвиненија.. колку од истрагите се завршија, а колку завршија во фиоките на обвинителите.. кој ќе биде првиот обвинител кој ќе дозволи да го претресеме во живо…“, вели водителот Кристијан Ландов.Од граѓани до градоначалници – секој ќе може да дојде во нашето студио, велат од продукцијата.„Локалната власт има улога директно поврзана со вас. Дали локалната власт е на висина на својата задача. Познавајќи ги своите ингеренции, ревносно исполнувајќи ги задачите.. или локалната власт се претвори во власт каде матните зделки се пред интересите на граѓаните.. кој од градоначалниците ја оправда вашата доверба, а кој не… и за крај пред оваа институција ќе го поставиме суштинското прашање. Дали градот скопје заслужува ваква управа и дали ќе добие конечно градоначалник кој ќе биде на висина на својата задача.. секако во втората сезона, редно ќе биде да ја претресеме градоначалничката, пред да ја претресат други!“, се заклучува во најавата. 

Македонија | пред 1 година

Високите температури продолжуваат и во првата половина од септември месец

Според она што може да се види на прогностичките карти, оваа година ќе имаме продолжено лето во Македонија, тоа значи дека и во првата половина од месец септември ќе имаме релативно високи температури на воздухот кои ќе бидат над просекот за првата половина на септември. Тие би се искачувале некаде во интервалот од 27 до 35 степени, што значи дека и понатаму ќе биде идеално за одење на плажа.Сепак, и покрај ова, повремено во попладневните часови атмосферата ќе се дестабилизира и ќе се создаваат услови за развој на грмотевични облаци, кои би условувале појава на пороен дожд, грмежи и засилен ветер.Продолжено лето оваа година ќе има и во останатите предели од Балканот, што значи насекаде ќе биде натпросечно топло со високи температури на воздухот.Оние граѓани кои планираат одмор во првата половина од септември, слободно можат да го направат тоа, поради тоа што насекаде во регионот температурите ќе бидат релативно високи и над просекот за првата половина на септември.

Македонија | пред 1 година

Портпаролот на Белата куќа: САД ќе го брани Израел во секој напад на Иран

Соединетите Држави остануваат посветени на одбраната на Израел во секој напад од Иран, изјави портпаролот на Белата куќа за национална безбедност Џон Кирби.Кирби за израелскиот Канал 12 изјави дека е тешко да се предвидат шансите за ирански напад врз Израел, но дека Белата куќа сериозно ги сфаќа најавите на Техеран.„Нашите пораки до Иран се конзистентни и ќе останат такви. Првата е да не се иницира ескалација. Втората е дека САД се подготвени да го одбранат Израел доколку дојде до тоа“, рече Кирби, пренесе Ројтерс.Кирби нагласи дека две напади на американски носачи на авиони и дополнителна ескадрила борбени авиони Ф-22 ќе останат распоредени во регионот на Блискиот Исток за да помогнат во одбраната на Израел и одбраната на американските трупи и објекти во регионот.За преговорите за прекин на огнот во Појасот Газа, кои се водат во Доха, Кирби рече дека се надева дека ќе се постигне договор во наредните денови.Кирби одби да обвини која било страна за неуспехот да се постигне договор, велејќи дека ќе бидат потребни компромиси и од лидерите на Израел и од Хамас.Иран вети остар одговор на убиството на лидерот на Хамас Исмаил Ханије на 31 јули во Техеран, за што го обвини Израел.Израел ниту ја потврди ниту ја демантираше својата вмешаност.

Свет | пред 1 година

Нема фотографија

Алкараз не можеше без проблеми: Голем пад и два силни сета за второто коло на УС Опен

Шпанскиот тенисер Карлос Алкараз го победи Лиј Ту од Австралија со 3:1, по сетови 6:2, 4:6, 6:3, 6:1 и се пласираше во второто коло на УС Опен.Алкараз го отвори мечот со два брејка и првиот дел од играта го доби без проблем со 6:2.Сепак, во вториот сет, 186. тенисер на планетата прилично го измачуваше Алкараз. Прво спаси четири брејк топки пред Шпанецот да успее да ја претвори петтата во предност од 4:3, но Ту веднаш возврати, израмни на 4:4, а потоа во десеттиот гем петтата брејк шанса ја претвори во 6:4 и израмни при 1:1 во сетови.Тоа како да го разбуди Алкараз, кој во третиот сет од 3:2 врза четири гема за Австралиецот и со 6:3 стигна до 2:1, за на ривалот да му дозволи само пет поени во четвртиот во првите пет гемови - лесни 5:0, а потоа и трет меч поен, и прв на свој сервис, претворен во 3:1 и додавање.Алкараза во четврток ја очекува меч со Ботица Ван Де Зандшулп.

Спорт | пред 1 година

Ангелов: Заедно да ги заштитиме македонските полиња и шуми

,,Состојбата со пожарите на отворен простор повторно се влошува. Апел до граѓаните да бидат исклучително внимателни за да не предизвикаат пожар. Доколку забележат сомнително поведение молам веднаш да пријават на 112 или на некој другар, пријател или познаник кој информацијата ќе ја пренесе во МВР.Во текот на вчерашниот ден, вторник, 27.08.2024 година, имаше вкупно 37 пожари на отворен простор, од кои активни се 5, под контрола се 3 и изгаснати се 29.АКТИВНИ: 51. Општина Чашка: Планина Мукос, м.в.Котева Круша, атар на с.Оморани (изгаснат од дожд), додека активен е према с.Степанци и м.в.Кадиица на граница помеѓу Општина Чашка и Општина Долнени (мешана шума);2. Општина Студеничани: над с.Црвена Вода, м.в.Крста (ниска вегетација и нискостеблеста шума);3. Општина Штип: м.в.Јамуларци, во близина на Пенуш и воен полигон Криволак (нискостеблеста шума и сува трева);4. Општина Дебар 1: с.Татар Елевци (мешана дабова шума и сува трева);5. Општина Дебар 2: с.Могорче (депонија).ПОД КОНТРОЛА: 31. Општина Охрид : планина Галичица, место викано Зли Дол, Општина Охрид (тлеат трупци од претходниот пожар), пожарот на ресенска страна е изгаснат од дождот;2. Општина Желино: с.Мерово (сува трева);3. Општина Ново Село: Депонија (ѓубре).ИЗГАСНАТИ: 291. Општина Кичево: с.Цер;2. Општина Прилеп 1: кај резервоарот во вода во градот (сува трева);3. Општина Прилеп 2: кај ЈП „Водовод“, Прилеп (сува трева);4. Општина Прилеп 3: с.Дабница (сува трева);5. Општина Прилеп 4: с.Ново Лагово (сува трева);6. Општина Јегуновце 1: с.Копанце, кај муслиманските гробишта (сува трева);7. Општина Јеуновце 2: с.Шемшово – с.Жилче (сува трева);8. Општина Теарце: с.Непроштено (сува трева);9. Општина Ново Село: с.Борисово – с.Мокриево (сува трева);10. Општина Велес: с.Горно Оризари (сува трева);11. Општина Центар Жупа 1: с.Житинени (сува трева);12. Општина Центар Жупа 2: с.Долгаш (сува трева);13. Општина Гостивар 1: с.Форино (ѓубре, сува трева и ниска шума);14. Општина Гостивар 2: с.Србиново (отпад);15. Општина Бутел 1: с.Визбегово (сува трева и ѓубре);16. Општина Бутел 2: ул.Македонско Косовска Бригада – Касарна Илинден (ѓубре);17. Општина Чучер Сандево 1: Качанички Пат (сува трева и ѓубре);18. Општина Чучер Сандево 2: Македонска Косовска Бригада (сува трева);19. Општина Гази Баба: с.Идризово (сува трева).20. Општина Сарај 1: Езеро Треска (сува трева);21. Општина Сарај 2: Езеро Треска (ѓубре, дрва и сува трева);22. Општина Шуто Оризари: Шуто Оризари – Визбегово (ѓубре и сува трева);23. Општина Петровец 1: с.Чојлија (сува трева);24. Општина Петровец 2: с.Сушица (нискостебелста шума и бандера);25. Општина Студеничани: с.Батинци (сува трева);26. Општина Босилово: с.Иловица (сува трева);27. Општина Долнени: с.Лажани – с.Дебреште (сува трева);28. Општина Битола: Битола – Прилеп (стрниште и сува трева);29. Општина Куманово: с.Табановце (сува трева).”, напиша директорот на ЦУК, Стојанче Ангелов.

Македонија | пред 1 година

Трамп и Харис се договориле да им бидат исклучени микрофоните за време на дебатата додека не говорат

Републиканскиот претседателски кандидат Доналд Трамп изјави дека постигнал договор со демократската ривалка Камала Харис дека за време на нивната дебата на телевизијата ABC на 10 септември, микрофоните ќе бидат исклучени додека не говорат.Во објава на социјалните мрежи, Трамп во вторникот рече дека правилата за дебатата следниот месец ќе бидат исти како и за дебатата на CNN што ја имаше со американскиот претседател Џозеф Бајден во јуни.„Еј-Би-Си, исто така, добивме уверување дека тоа ќе биде фер и правична дебата и дека нема да и бидат доставени прашања на ниту една страна однапред“, напиша Трамп.Кампањата на Харис во понеделникот повика микрофоните да бидат вклучени во текот на дебатата на 10 септември, додека Трамп се закани дека целосно ќе се повлече откако сугерираше дека ABC е пристрасен, објави Ројтерс.Изборниот штаб на Трамп предложи дополнителна дебата на 4 септември на мрежата Фокс њуз, но тимот на Харис ја одби.

Свет | пред 1 година

(Видео) Застрашувачки снимки од Русија: Гори магацин со нафта

Се запали складиште за нафта во руската област Ростов, соопшти гувернерот на тој регион Василиј Голубев, пренесуваат медиумите. Жртви нема, нагласи Голубев.На социјалните мрежи се појавија бројни видеа од голем пожар, а небото го прекри густ црн чад.

Свет | пред 1 година

(Видео) Контролорот-заканувач од ЈСП ќе си помине неказнет: директорот ја знае снимката и сите детали, ама нема да постапува оти нема пријава од патник

Директорот на ЈСП, Драги Кушовски, поставен од градоначалничката Данела Арсовска, нема намера да го најде неговиот вратен контролор кој се закануваше дека ќе тепа патничка. Кушовски доби точно време, место и линија каде се случи настанот, но тоа на нему не му е доволно за санкционирање и превенција од идни вакви случувања.„Во однос на прашањата поврзани со заканите на контролорот кон патничка, ако се однесуваат и се повикувате на видео материјалот кој излезе на социјалните мрежи, ве известуваме дека Јавното сообраќајно препријатие како општествено-одговорно претпријатие постапува само по добиена пријава на граѓанин, патник (корисник на услугите на ЈСП Скопје). До овој момент, сеуште немаме добиено пријава за упатена закана или било каква злоупотреба на работната позиција за некој вработен во препријатието“, велат од ЈСП во име на Кушовски.Од настанот поминаа десет дена. Од снимката се слуша како контролор упатува закани кон патничка, притоа е арогантен и безобразен.Патниците скоро секој ден имаат низа поплаки од ЈСП. Автобусите неретко се расипуваат, а скоро постојано и доцнат.“Ваква е сликата во ЈСП. Утрово се качив во Центарот, хигиената беше 0. Ова е во автобус со број 2, на 24.08 во 07:25 минути наутро”, вели читател за “Скопје1”.

Скопје | пред 1 година

Игор Југ: Изборите ги добивте на основа на емпатијата и почитта која народот ја има кон нас и нашата мака

Игор Југ, осуденик во случајот „27 април“, потсетува дека тој е се уште во затвор, а откако, пред доаѓањето на власт, претседателката Гордана Силјановска-Давкова вети помилување. Тој смета дека за сегашната Владата излегле на гласање 50% од лицата кои верувале во заложбата дека политичките осуденици ќе бидат надвор од решетките.„Денес 2 пати им ги исчистив лајната на кучињата, 4 пати им сменив вода, ги исчешлав сите, со Мали и со Били направив тренинг од по 30 минути, им сварив храна на кучињата, ги нахранив. Се прибрав во 22 часот, а да, уште сум во затвор, сее заборавив...Ова се моите работни успеси со кои можам да се пофалам. Не објавувам на ‘Фејсбук’ слики со странски дипломати, со домашни високи политичари и министри од Владата, немам слики кај што седам на скапи работни бироа и за сликање, да глумам дека нешто многу важно работам.Работам по дожд, по кал, по сонце, во прашина, мене никој важен не ме посетува, затоа и не морам да напишам "Голема благодарност до "Рајко и Трајко" кои денес беа во посета на дрн, дрн, мрн, а јас ги пречекав...Не можам да се пофалам со цифри кои ресорот кој го водам ги постигнал, со спроведени акции и исполнети рокови, ниту пак дека сум ги платил моите вработени, моите работници и јас работиме гратис. Може само да кажам дека Бета е скучна и имаме мали кутриња.Тоа е поради фактот што јас и ден денес уште сум затвореник, а тие што се фалат со успеси се функционери, раководни органи на високи функции.Но има уште еден факт!Тие ќе станеа функционери кога ќе си го видев тилот, да не ја добија половината од гласовите на народот заради тоа што народот гласаше за нас од ‘27 Април’, гласаше за наша слобода, не за нив, за нив добри 50% што ги гласаа немаше ни да излезат на гласање!Не го заборавајте овој факт, господа тазе функционери!!!Изборите ги добивте на основа на емпатијата и почитта која народот ја има кон нас и нашата мака!Не ги добивте на основа на вашите големи заслуги и "орање на теренот", не ги добивте од страна на матуфите, партиските принцези и членовите на вашите семејства кои ги изначукавте по управни одбори, ги направивте локални директори, советници, ги унапредивте на повисоки и подобро платени функции, ги изначукавте по министерства...И немојте да мислите дека ви верував кога ми раскажувавте приказни, како вие ништо не знаете, како немате појма дури ни за вашата иднина и вашиот статус.Знаевте се, месеци однапред, знаевте дури и кои ќе ви бидат чистачки, портири и шофери, имавте се договорено и поделено, само јас не требаше да знам, зошто јас сум робијаш, вечното лошо момче, терсен карактер, немам влакна на јазикот, за мене немаше место во вашите однапред направени дилови, ви беше страв дека нешто ćе ви барам, ćе ви ги расипам долгорочните планови.Лоши глумци сте "господа", провидни!А јас нема да ве оставам на мира, не спијте на тоа уво. Не одлежав јас 7 години за да ви ќутам!!!А ќе одлежам и уште 10 ако треба, ама по своето ќе дојдам, заслуженото ќе го добијам, јас го заслужив!За разлика од вас, на мене никогаш ништо не ми е подарено, секогаш и заслуженото ми е ускратувано, но овој пат нема да биде така!“, напиша Игор Југ.БОНУС ВИДЕО

Коментари | пред 1 година

Два земјотреси еден по друг ја погодија Грција

Два земјотреси вечерва ја погодија Грција на неколку минути еден од друг.Епицентарот на првиот земјотрес се случил на длабочина од 15 километри, на 106 километри северозападно од Перистери - предградие на Атина.Епицентарот на вториот земјотрес се случил на длабочина од пет километри, на 25 километри јужно од Скијатос.Сведоштва на жителите:„Земјотресот беше толку силен што го потресе ресторанот“, „Слушнав шкрипење и мојот кревет почна да се тресе“

Свет | пред 1 година

Гори во Србија: Прогласена вонредна состојба

Борбата со пожарите на планината Видлич и во нејзиното подножје, како и во селата околу Пирот и Димитровград продолжи и во текот на ноќта.Пирот и Димитровград прогласија вонредна состојба на дел од нивните територии.Како што јави РТС, најтешко е во околината на селото Крупац, над кое гори шума, а граѓаните направиле бариери за да не се приближи пожарот до куќите.Жителите на селото Крупац кај Пирот со апел до сите кои можат да дојдат и да помогнат да не се прошири пожарот кон селото.Неколку противпожарни возила се упатија кон шумата.Тешко е и во селото Смиловци кај Димитровград, каде пожарот стигна на неколку стотини метри од манастирот Св. Кирика и Јулита, па одбраната на манастирот во моментов е приоритет, наведува РТС.Борба со пожарот во текот на ноќта и во селото Басара кај Пирот, во чија околина гори борова шума.Министерството за внатрешни работи на Србија соопшти дека вчера на отворени простори се евидентирани 179 пожари, а во моментов најголеми активни пожари се на територијата на Пирот, Кучево, Жагувица, Црни врв и Тара.Припадниците на Секторот за вонредни состојби во последните седум дена интервенирале на 893 пожари на отворен простор, а за истиот период лани имале 393 одговори на отворени простори.

Свет | пред 1 година

(Видео) Тајфун ја погоди Јапонија: Издадено предупредување

Тајфунот Шаншан денеска го погоди регионот Амами во југозападна Јапонија, а властите ги повикаа жителите да бидат на готовност поради лизгање на земјиштето и поплави во ниските области.Поради поројните дождови кои утрово ја зафатија земјата, прекинати се брзите возови меѓу станиците Токио и Шин-Осака, а може да биде прекинат и транспортот од станиците во Токио до југозападниот град Фукуока од четврток до сабота, јавува Кјодо.Јапонската метеоролошка агенција прогнозираше обилни дождови и ветрови во регионот Амами. Се очекува тајфунот да се движи кон западниот дел на Јапонија.

Свет | пред 1 година

Најмасовниот напад на Украина досега, има мртви, сирените одекнуваат низ целата земја

Најмалку седум лица загинаа во понеделникот во еден од најголемите руски воздушни напади во Украина.Русија од утрово изврши серија напади, а сирените одекнуваат низ цела Украина. Наводно, ноќта меѓу понеделникот и вторникот Русите почнале да напаѓаат со хиперсонични ракети, а биле пријавени и дронови.Силите за воздушна одбрана на Украина соопштија дека целата земја е под закана од напади со балистички ракети. Во соопштението на руското Министерство за одбрана се наведува дека прецизно оружје со долг дострел од воздух и море се користело за напади врз електрани и поврзаната инфраструктура низ Украина, вклучувајќи ги Киев, Лавов и регионите Харков и Одеса, пишува Би-Би-Си.Да потсетиме, ракетите и беспилотните летала што Русите ги испукаа вчера на повеќе од половина од украинските региони ја погодија тамошната електрична мрежа. Русија потврди дека ја нападнала енергетската инфраструктура на Украина и утврдила дека ги погодила сите нејзини наменети цели. Во споменатиот напад беа повредени десетици Украинци, а многу локации останаа без струја.Низ цела Украина, поради руските воздушни напади, се огласија сирените за воздушен напад, а населението мораше да бара безбедност во засолништата.Командантот на воздухопловните сили на Украина, Микола Олешук изјави дека Русија истрелала 127 проектили и 109 беспилотни летала кон Украина. Тој тврди дека украинската противвоздушна одбрана соборила 102 проектили и 99 беспилотни летала. Олешук го карактеризира тој напад како „најмасовен воздушен напад“.Полска соопшти дека „објект“ влегол на нејзина територија за време на нападот. Портпаролот на армијата Јацек Горишевски изјави дека најверојатно се работи за беспилотно летало. Портпаролката на НАТО Фарах Дахлалах го осуди рускиот напад врз Украина и ги прогласи руските упади во воздушниот простор на НАТО како „неодговорни“ и „потенцијално опасни“.Рускиот напад врз Украина во декември 2023 година, во кој руската војска истрела 158 проектили и беспилотни летала врз цели во Украина, претходно се сметаше дека е најголемиот таков напад што се случил за време на војната во Украина.Би-би-си пишува дека пораката на Москва била едноставна – руските сили можат да погодат која било цел кога сака.Претседателот на Украина, Володимир Зеленски, изјави дека Русија уништила половина од украинските електрани од крајот на март до јуни. Украина сега купува струја од Европската унија, но количините што ги купува не се доволни за да ги задоволат сите нејзини потреби. Приоритети се болниците и воените инсталации. Киев најави дека одредени делови од земјата на моменти ќе бидат во темнина за болниците и воените објекти да немаат проблеми со пристапот до електрична енергија.

Свет | пред 1 година

Ковид-19 засилено се шири, донација од 11 илјади дози вакцини за Македонија

Кога помисливме дека заразната болест Ковид-19 е минато, таа почна засилено да се шири.Во последните две недели во Македонија имаше околу 500 случаи на ковид-19 потврдени со лабораториски тест, а три лица починаа од заразата.Сепак огромен е бројот на граѓани кои не се тестираат и не се јавуваат на лекар.Комисисијата за заразни болести препорача вакцинирање против ковид-19, особено на лицата постари од 65 години. Сепак вакцини се уште нема.Ммнистерот за здравство најави донација од 11.000 вакцини.,,Набргу доаѓа донација од 11.000 дози вакцини против ковид-19, се надевам да пристигнат во следните десет дена. Преку Европската комисија се водат набавките за сите држави во Европската Унија, а и Македонија е во тој пакет. Колку што имам информации, тоа е во финална фаза и набргу сите европски држави ќе бидат снабдени, па и Македонија, со вакцини птотив инфлуенца и ковид-19“, рече министерот Арбен Таравари.Ковид-19 засилено се шири, донација од 11 илјади дози вакцини за Македонија

Македонија | пред 1 година

Бугарскиот амбасадор дециден: Преговори не може да има за нешто што е договорено

На Бугарскиот амбасадор во земјавата Ангел Ангелов, мандатот му завршува во петок. Тој денеска јасно го изнесе ставот дека се надева Бугарија по изборите на 27 октомври да добие нова Влада. Најави дека потоа ќе може да се почне интензивен дијалог меѓу двете земји.Не преговори, вели Ангелов, затоа што преговори не може да има за нешто што е договорено и мора да почне да се исполнува.,, Мене во петок ми завршува мандатот. Ние сега имаме избори. Изборите ќе бидат на 27 октомври и се надеваме дека ќе добиеме Влада со која што ќе можеме да влеземе во интензивен дијалог. Се разбира не преговори, затоа што преговори не може да има за нешто кое е договорено. Тоа што е договорено мора да почне и да се исполнува. Ние географијата нема да ја менуваме и ќе останеме соседи. Ние треба да имаме интензивна комуникацијата, вклучувајќи ја и историската мисија”, изјави Ангелов.Претседателот на Владата, Христијан Мицкоски најави дека наскоро ќе има промена во кадровскиот состав на мешовитата македонско – бугарска комисија за историски прашања. Мицкоски смета дека актуелната комисија не беше заштитник на националните интереси на македонскиот народ.

Македонија | пред 1 година

„Замислете што ќе се случи ако ВМРО-ДПМНЕ ја води Владата во криза, тоа ќе биде 'Game over'“, Филипче го критикува Мицкоски

„Ужасна неспособност кај Мицкоски да се справи со сите предизвици“, ова го констатираше претседателот на СДСМ, Венко Филипче на прашање дали оставиле празен буџет за да сега не може да се покачи минималната плата за работниците и наставниците. Според Филипче, СДСМ владеел без штрајкови, а ВМРО-ДПМНЕ ја политизира работата.Според Филипче, ако СДСМ можела да најде пари во време на криза, тогаш ВМРО-ДПМНЕ немаат изговори.„Барањата за зголемување на платите потекнува од работниците. Премиерот мора да испланира како ќе продолжи да ги зголемува платите на работниците, а не да продолжува со политиките од едно друго време, кога работниците беа евтина работна сила“, рече Филипче.Првиот човек на СДСМ, Филипче вели и: „Тие не можат да се снајдат во услови кога нема криза, а замислете што ќе се случи ако ВМРО-ДПМНЕ ја води Владата во криза, тоа ќе биде 'Game over'“.

Македонија | пред 1 година

(Видео) За Арсовска молчењето е злато, но на лагата и се кратки нозете...

Скопската градоначалничка Данела Арсовска четири дена нема одговор на прашањето зошто ја излажа јавноста, но и на прашањето дали ваков политичар треба веднаш да се повлече од функцијата. Како и вообичаено, и овојпат, наместо објаснување, добивме игнорирање на прашањата од граѓаните. Остана нејасно, зошто на прес-конференцијата пред десетици камери и цела македонска јавноста, криеше дека формирала комисија за да го преиспита долгото боледување на разрешениот, па вратениот секретар во Град Скопје, Зоран Глигоров.„Скопје1“ уште во петокот на пладне, покрај потсетувањето дека поканата за гостување во поткастот „Претрес со Ландов“ останува, ја праша и: „Дали сметате дека секој политичар што ќе ја излаже јавноста, треба да се повлече од фукцијата?“. По два часа, откако како и вообичаено не добивме одговори, поставивме ново прашање: „Зошто негиравте дека имате формирано комисија за проверка на боледувањето на Глигоров, кога постојат документи кои го потврдуваат тоа?“. Помина викенд, но ниту стартот на новата работна недела не ги донесе одговорите.Арсовска на прес-конференцијата побара докази, а на прашањето за тоа дали форимирала комисија, одговори: „Не сум формирала, не“. И го пративме и на порака решението според кое се преиспитува привремената спреченост за работа на Глигоров, кое таа го потпишала. Добивме игнорирање.Владеењето на Арсовска без никаква транспарентност, каде градот повеќе наликува на компанија во приватна соспственост трае речиси цел мандат. Освен ПР текстови за да си каже тоа што таа сака, речиси и да нема медиум што добива одговори од Град Скопје на прашања кои граѓаните ги поставуваат и се јавен интерес. „Скопје1“ има пратено над 15 мејлови со теми од јавен интерес – на кои со месеци нема одговори.

Скопје | пред 1 година

Денеска се одбележуваат 114 години од раѓањето на Мајка Тереза

Денеска се одбележуваат 114 години од раѓањето на Мајка Тереза, вистинското име и е Агнеса Гонџа Бојаџиу. Таа е родена на 26 август 1910 година на тогашната улица “Поп Кочина” број 14, која што се наоѓала на сегашниот плоштад Македонија.Конечната одлука да го напушти Скопје ја донела затоа што на 12 годишна возраст добила повик од Бога. По 6 години, таа конечно, го напушта родниот град. Заминува за Даблин, Ирска од железничката станица во Скопје. Заедно со мајката Драна и сестрата Ага заминуваат за Загреб, од каде, после две недели, Гонџа заминува за Ирска. Ова е последната нејзина средба со своите мајка и сестра.Во 1979 година ја добила Нобеловата награда за мир за извонредно широката дејност во помагањето на бедните, болните и унесреќените во целиот свет. Почина во Калкута, Индија, на 5 септември 1997 година по неколку годишна борба со болест на срцето и белите дробови.Претседателот на Владата Христијан Мицкоски по повод одбележување на роденденот на Гонџа Бојаџи – Мајка Тереза денеска во 10 часот ќе учествува на манифестацијата „Светлината на Гоџа“ во спомен куќата и споменикот на Мајка Тереза на улица Македонија.

Македонија | пред 1 година

Македонски државјанин загина во сообраќајна несреќа во Грција

Во тешка сообраќајна несреќа која се случила вчера попладне во близина на Килкис (Кукуш) во северниот дел на Грција, загинал 55-годишен македонски државјанин, објавија грчките медиуми.На местото на несреќата пристигнале и пожарникари, кои интервенирале за да го извлечат возачот, кој бил пренесен во болница во Солун, каде што била констатирана смрт.Според информациите, се судриле два автомобили. Автомобилот со кој управувал 55-годишниот директно се судрил со друг автомобил управуван од 44-годишна жена.Причините за несреќата засега не се познати.

Македонија | пред 1 година

Новинар на Ројтерс кој известувал од Украина убиен во руски напад: Проектил погодил во хотелот, телото е пронајдено во урнатини

Членот на тимот на новинската агенција Ројтерс, кој известува за војната во Украина, Рајан Еванс (38) е убиен, а двајца новинари на Ројтерс се повредени во напад на хотел во градот Краматорск на истокот на Украина, објави новинската агенција.Еванс, кој работел како советник за безбедност во агенцијата, бил убиен кога проектил го погодил хотелот Сафир, каде што престојувал шестчлен тим на Ројтерс, во саботата, соопшти агенцијата.Двајца новинари кои беа повредени во нападот се во болница, а еден од нив е тешко повреден.Еванс, поранешен британски војник, работи во Ројтерс од 2022 година како советник за безбедност.Останатите тројца членови на тимот на Ројтерс кои биле во хотелот во моментот на нападот се безбедни.Украинскиот претседател Володимир Зеленски во неделата изјави дека хотелот бил погоден од руска ракета Искандер, која има дострел од 500 километри, и дека нападот бил однапред смислен.Руското Министерство за одбрана не одговори на барањето на Ројтерс за коментар, а агенцијата наведува дека не може самостојно да потврди дали се работи за намерен напад на таа зграда.Регионалното обвинителство на регионот Доњецк претходно соопшти дека во урнатините на хотелска зграда во Краматорск е пронајдено тело на британски државјанин.Како што е наведено, хотелот бил погоден во саботата вечерта, најверојатно од проектил Искандер-М.

Свет | пред 1 година

Вкупно 20 пожари на отворено во текот на вчерашниот ден: 2 се сѐ уште активни, а 3 се под контрола

,,Во текот на вчерашниот ден, недела, 25.08.2024 година, имаше вкупно 20 пожари на отворен простор, од кои активни се 2, под контрола се 3 и изгаснати се 15.АКТИВНИ: 21. Општина Чашка: место викано Котева Круша атар на с.Оморани префрлен од планина Мукос (мешана шума);2. Општина Македонски Брод: с.Грешница кај резервоарите од селски водовод (мешана шума)ПОД КОНТРОЛА: 31. Општина Демир Хисар: Плакенска планина, над с.Вирово (ниска вегетација и сува трева).2. Општина Кичево: с.Цер кон с.Старец (гори веќе на изгорениот дел, нема опасност од проширување)3. Општина Охрид и општина Ресен: планина Галичица чадење на две места, место викано Зли Дол, Општина Охрид (тлеат трупци од претходниот пожар), с.Стење и с.Лескоец, Општина ресен (трева и лисна постелка во дабова шума;ИЗГАСНАТИ: 151.Општина Ресен: с.Раица (сува трева и грмушки)2. Општина Боговиње: Во близина на Нептун Петрол Мотел (сува трева и стриште)3.Општина Липково: с.Ваксинце (ниска вегетација)4.Општина Старо Нагоричане: Маало Беле Грамаде кај гробиштата (ниска вегетација)5.Општина Крива Паланка: с.Конопница (ѓубриште)6. Општина Македонски Брод: м.в Стојанова населба во с.Слатина ( сува трева и стрниште)7. Општина Сарај 1: с.Буковиќ (сува трева и ѓубре)8. Општина Сарај 2: с.Свиларе (сува трева и грмушки)9. Општина Чаир: бул.Македонски Косовска Бригада (сува трева и ѓубриште)10.Општина Шуто Оризари: ул.Македонски Косовска Бригада (ѓубре)11. Општина Арачиново: с.Арачиново (депонија)12. Општина Прилеп 1: Кај Алфа Ауто (сува трева)13.Општина Прилеп 2: Кај Алфа Омега (сува трева)14. Општина Долнени: с.Житоше (сува трева и нискостеблеста шума)15. Општина Брвеница: с.Волковија (сува трева).”, информираат од ЦУК.

Македонија | пред 1 година

Во Србија уапсен хрватски шпион

Рано утрово на подрачјето на градот Белград, Безбедносно-информативната агенција во соработка со други надлежни државни органи спроведе контраразузнавачка акција за апсење на хрватски шпион.Како што дознава „Новости“, оваа акција е резултат на неколкумесечната оперативна работа на БИА и продолжувањето на сузбивањето на шпионажата и деструктивно-субверзивните активности на хрватската разузнавачка и безбедносна служба СОА.

Свет | пред 1 година

(Видео) Голем напад во Русија: Погодени станбени згради, драматични сцени

Неколку лица се повредени во нападот со дрон на градот Саратов, а меѓу повредените една жена е во тешка состојба и лекарите се борат за нејзиниот живот, изјави утринава гувернерот на Саратовската област Роман Бусаргин.„За жал, има повреди. Една жена е хоспитализирана во тешка состојба, а лекарите се борат за нејзиниот живот. На другите им е укажана помош на лице место“, изјави Бусаргин, а пренесува РИА Новости.Тој претходно изјави дека противвоздушната одбрана утринава уништила беспилотни летала над регионот на Саратов и дека остатоците од беспилотните летала паднале врз станбени згради во Саратов и Енгелс.Од почетокот на нападот на Украина во февруари 2022 година, Москва речиси секојдневно најавува напади со украински беспилотни летала на границата и централните делови на Русија.Растојанието помеѓу Саратов и украинската граница е околу 450 километри.

Свет | пред 1 година