ТОП

Нема фотографија

(Видео) Страшни земјотреси: Регистрирани 6,3 степени

Земјотрес со јачина од 6,3 степени според Рихтеровата скала го погоди утрово источниот дел на кинеската област Тајван, откако земјотрес со јачина од 5,7 степени според Рихтеровата скала ја погоди областа доцна во четвртокот, соопшти тајванската метеоролошка управа.Епицентарот на земјотресот бил на 34 километри од градот Хуалиен во источен Тајван, на длабочина од 9,7 километри.Засега нема извештаи за евентуални повредени или материјална штета, а земјотресот се почувствувал и во главниот град на Тајван, Тајпеј, пренесува Ројтерс.Земјотрес со јачина од 5,7 степени според Рихтеровата скала го погоди североисточниот брег на Тајван доцна во четвртокот.Тајван се наоѓа во близина на спојот на две тектонски плочи, поради што земјотресите се чести.Во април, најсилниот земјотрес што го погоди Тајван во последните 25 години, со јачина од 7,4 степени според Рихтеровата скала, загинаа 18, а беа повредени повеќе од 1.100 луѓе.

Свет | пред 1 година

Нема фотографија

Ким му испрати важна порака на Путин

Севернокорејскиот лидер Ким Џонг Ун во пораката до рускиот претседател Владимир Путин повтори дека ќе ја продлабочи соработката со Русија.Како одговор на честитката на Путин на 15 август, годишнината од ослободувањето на Северна Кореја од јапонската колонијална власт во 1945 година, Ким Џонг Ун рече дека Русија ќе победи во „светата војна за мир и правда“ и дека двете земји ќе ја промовираат изградбата на новиот мултиполарен свет, објави севернокорејската државна новинска агенција КЦНА.„Пријателските чувства на војските и народите на двете земји ковани и продлабочени во борбата против заедничкиот непријател служат како силна движечка сила за развој на односот на пријателство и соработка во сеопфатно стратешко партнерство и непобедливо пријателство. “, додаде Ким.Во својата честитка до Ким, Путин рече дека основата на односите меѓу Русија и Северна Кореја е борбата на советските војници против Јапонија во Втората светска војна, пренесува Ројтерс.Во јуни, Ким и Путин го одржаа својот втор самит за помалку од една година во Пјонгјанг и потпишаа пакт за сеопфатно стратешко партнерство кое вклучува взаемна одбрана во случај на напад од трета страна.По повод денешниот празник, севернокорејскиот лидер го посети споменикот на корејските војници кои се бореле против Јапонија од 1910 до 1945 година, како и Ослободителната кула, споменик на војниците на советската Црвена армија кои учествувале во ослободувањето на Кореја. од Јапонија.

Свет | пред 1 година

Боки 13 распали за спогодбите: Јас осуден на 9 години без пари, а Наќе судија фатен со пари добил три години – да не е трагично, ќе беше смешно!

Бојан Јовановски-Боки 13, кој беше осуден во случајот „Рекет“, ја искоментира спогодбата на Обивинителството за гонење организиран криминал и корупција со судијата Наќе Герогиев, но и со членот на Советот на јавни обвинители, Иџет Мемети. Тој иронично вели: „Баш одлично!!!“, а потоа посочува дека тој како цивилно лице без функција добил девет години затвор, додека судијата Георгиев за истото дело ќе добие три години со спогодба.„Јас бев осуден на казна затвор од 9 години за кривично дело : Примање награда за противзаконито влијание од чл. 359 ст.7 в.в. ст.3 в.в. со ст.2 од Кривичниот законик. Запретената казна затвор за ова кривично дело е од една до десет години!За истото ова кривично дело денеска врховниот судија Наќе Георгиев, признал вина, се спогодил и добил казна затвор од три години, а вчера за истото дело Иџет Мемети добил условна казна и забрана за вршење на дејност!Во насока на ова, значи јас и Наќе сме судени за исто кривично дело, само разликата е тоа што Наќе е фатен со пари, а кај мене пари никогаш не биле фатени, ниту најдени!!! И уште поважно Наќе и Иџет биле ВРХОВЕН СУДИЈА и ЧЛЕН НА СОВЕТ НА ЈАВНИ ОБВИНИТЕЛИ, ПА ОТТУКА СОГЛАСНО НИВНИТЕ ФУНКЦИИ МОЖЕЛЕ ДА ГО СТОРАТ ОВА КРИВИЧНО СО ИСКОРИСТУВАЊЕ НА НИВНИОТО ПРЕТПОСТАВЕНО ВЛИЈАНИЕ И ДА ВЛИЈААТ!!!Едно прашање за правните умови, но и заради здрава логика: А со кое претпоставено влијание сум влијаел јас (заради што сум осуден на 9 години), кога не сум бил ни судија, ни функционер, ни премиер односно не сум бил никакво избрано лице - функционер со реален авторитет како е предведено во текстот на конкретното кривично дело?!?Во приказнава за Наќе и Иџет мене ми фали и некој трет, на пример на кого му влијаеле, каде и што и на кого интервенирале за правно олеснување на Боро Малборо…? Бидејќи ако нема трет во приказнава на двајцава “угледни граѓани” Наќе и Иџет треба да им се суди за Измама од КЗ или пак сигурно има и трет и четврт во приказнава ама се сокриени и непознати, па затоа спогодобиве и казните се вакви од благи, поблаги?!?Оттука сосема за крај, Предлог – Спогодба како институт се користи при постоење на признание за вина, и тоа е законско право и не е спорно, но спорно е колку овој институт е злоупотребуван во изминатите години и колку матни спогодби со смешни казни за сериозни криминали се постигнати и најспорно од сѐ, под чии патронат се направени и кој примил награди за таквите спогодби и казни???“, пишува Јовановски и додава:„Ова се пародоксите, јас како цивил 9 години без најдени пари и без докажано дело, а Наќе 3 години, Иџет условна казна, фатени со пари и со докажано дело, а двајцата на најсериозни функции, бравоо!Да не е трагично, ќе биде многу смешно!“.

Коментари | пред 1 година

Како избега Блерим Рамадани: Судијата Пајазити го става и вади од зад решетки при непроменети околности, обвинител се жали, Кривичен совет го враќа - но него го нема!

Судијата Пајазит Пајазити го ставил, па го пуштил поранешниот припадник на ОВК, Блерим Рамадани од ефективен притвор, иако околностите под кои е одреден притворот биле непроменети, дознава „Скопје1“. На МВР им била дадена насока да вршат контроли, кои биле правени секојдневно. Обвинителството за гонење организиран криминал (ОЈО-ГОКК) не се согласило и поднело жалба. Денот кога Кривичен совет одлучува по жалбата – Рамадани бега. Вака изгледал текот на настаните кога во прашање е Рамадани, за кого Србија има потерница и го бара за извршени воени злосторства.„Скопје1“ дојде до информации како постапувале судијата Пајазит Пајазити, Кривичниот совет кој одлучува по жалби, Обвинителството кое бараше притвор и се жалеше за куќниот притвор, Министерството за внатрешни работи задолжено да прави контроли на адресата каде Рамадани беше во куќен притвор. Заклучокот е дека МВР не може да го пушти Рамадани да избега, туку судот со неодредување на најстрогата мерка.Рамадани беше уапсен на 18 јули. Судијата Пајазити го праќа во притвор зад решетки. Осомничениот се жали по два основи – дека е противзаконски лишен од слобода, како и дека не треба да биде во притвор бидејќи нема намера да бега, ниту причина. Постапува Кривичниот совет на судот, кој одлучува дека жалбата за противзаконитото апсење му е одбиена оти касно ја поднел, а дека поплаката за притворот му е исто така ненавремена, но и неоснована. Тој останува зад решетки.Пајазити решава да му го укине притворот на Рамадани на 1-ви август. Го испраќа во куќен притвор кај роднина, кој живеел во Чаир. Рамадани е спроведен од полицијата. Ова решение, Пајазити го носи без разлика на фактот што околноста поради која му е одреден притвор е непроменета – а тоа е дека се бара по потерница. Неофицијално дознаваме дека судијата не бара ниту став од обвинителот, иако, тоа се прави пред сѐ поради еднаквост на оружјата во правната постапка. Рамадани излегува на слобода, а обвинителот се уште не е ниту известен за одлуката донесена од судијата Пајазити.Министерството за внатрешни работи е известено за судската одлука и добива задолжување да врши контроли во Чаир, каде Рамадани го издржува куќниот притвор. Не бил определен 24-часовен надзор, иако Пајазити имал таква можност согласно Законот за кривична постапка, туку укажал контроли да се прават еднаш во денот. Полицијата при рандом секоја контрола, го затекнува осомничениот на адресата.По пет дена од одлуката на Пајазити, решението за куќен притвор го прима и обвинителот. Истиот ден, до Кривичниот совет (второстепен орган за жалби по притвор), стигнува жалба од обвинителот кој бара Рамадани да биде вратен во притвор бидејќи околностите не се променети, тој се бара со потерница, а постои оправдана опасност од бегство.Кривичниот совет од тројца судии заседава и одлучува вчера (14 август), и заклучува дека жалбата на обвинителката е оправдана и Рамадани треба да биде вратен во притвор зад решетки. Но, касно. Полицијата оди на адресата за да го спроведе во затворот „Скопје“ во Шутка, но не го наоѓа на адресата каде ја издржувал мерката. Веднаш го известува судот, па има централна потерница. Меѓудругото, колегите судии, констатираат дека судијата на претходна постапка, Пајазити, укинувањето на ефективниот притвор, и одредувањето на куќен притвор, го направил иако немало променети околности и лицето може да се даде во бегство.По осомничениот Рамадани е објавена централна потерница и се трага. „Скопје1“ прати повеќе прашања до Кривичниот суд поврзани со низата правни чекори преземени од судот и судијата Пајазит Пајазити – на кои до овој момент не доби одговор.

Македонија | пред 1 година

Полициски службеник ќе одговара за обљуба: допирал девојче, откако ја запрел со автомобил

Надлежен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција, во текот на вчерашниот ден, постапувајќи по кривичната пријава поднесена од страна на Одделот за внатрешна контрола, криминалистички истраги и професионални стандарди при Министерството за внатрешни работи донесе Наредба за спроведување на истражна постапка против еден полициски службеник. На осомничениот му се става на товар дека сторил кривично дело „Обљуба со злоупотреба на положбата“ по член 189 став 1 од Кривичниот законик.Постои основано сомнение дека осомничениот – униформиран полициски службеник од ПС Бит Пазар, на 31.07.2024 година во 22:30 часот на бул.Крсте Мисирков во Скопје, пред хотел „Дајмонд“, со злоупотреба на својата положба ја навел оштетената која во моментот била во однос на подреденост да изврши друго полово дејство на тој начин го понижил нејзиното човеково достоинство и човековата личност. Осомничениот, постапувајќи по наредба за вршење на дејност на сообраќајни прекршоци од Законот за безбеност на сообраќајот на патиштата, со светлосен знак ја запрел оштетената која управувала ПМВ марка „Митсибуши Колт“ и при проверката на документацијата утврдил дека оштетената го управува возилото без возачка дозвола. Наместо да изготви и да ѝ врачи прекршочен платен налог, тој преку отворена возачка врата на возилото каде седела оштетената и ги фатил рацете и со главата и горниот дел од телото влегол внатре во возилото и ѝ ја повлекол маицата па почнал да ја бакнува по градите, вратот и лицето. Потоа напуштајќи го возилото ѝ рекол „Сега ќе те пуштам. Јас морам да пипнам, морам да видам“ и со трескање ја затворил вратата од возилото на оштетената ѝ одобрил да си замине. Оштетената го ставила возилото во движење и го пријавила настанот, по што во координација со јавен обвинител беа преземени предистражни дејствија за расветлување на случајот. Врз основа на земени примероци за ДНК и извршено препознавање беше утврден идентитетот на полицискиот службеник и против него е поднесена кривичната пријава.Ценејќи дека постојат околности што го оправдуваат стравот oд опасност од бегство, дека ќе ги сокрие, фалсификува или уништи трагите на кривичното дело и дека со влијание врз сведоци ќе ја попречи истрагата, предметниот обвинител до судијата на претходна постапка при Основниот кривичен суд – Скопје предложи на осомничениот да му се определи мерката притвор.Судијата на претходна постапка не го прифати предлогот на обвинителството и на осомничениот му определи мерка куќен притвор и мерка на претпазливост – привремено одземање на патна исправа за преминување на државна граница и забрана за издавање нова, за што обвинителството како незадоволно од ваквата одлука ќе поднесе жалба, особено имајќи предвид дека запретената казна за кривичното дело за кое се товари осомничениот е најмалку пет години затвор.

Македонија | пред 1 година

(Видео) Да однесат нормален човек во Шутка со три чисти во глава за краток период ќе попушти, потврдува и директорот на Управата за санкции

Александар Пандов, директорот на Управата за извршување на санкции на денешната прес-конференција зборуваше за затворот „Шутка“. Тој вели дека таму куче да биде врзано за „краток период ќе попушти и со здравје и со мозок и со сè“.„Има таму ќелии што се потчовечки, не достоинство, па тоа јас на филм го немам видено. Во одредени ќелии кај што влегов, сега се наежив, тоа е под секакво човечко достоинство и срамота е за нас како држава што сме го дозволиле особено ова. Седум години имаа тоа да го поправат, тоа е страшно, језиво, да ве внесат таму нормален здрав човек со три чисти во глава за краток период ќе попушти“, посочи Пандов. БОНУС ВИДЕО:https://www.youtube.com/live/6PiuekSbuHA?si=kZbk8bQa39USgxH-

Македонија | пред 1 година

Се спогоди и врховниот судија Наќе Георгиев: призна дека земал мито и да лежи три години затвор, иако претходно негираше вина

Врховниот судија, Наќе Георгиев се спогоди да одлежи три години затвор за примањето на 10.000 евра со цел да влијае на постапка која се водеше против градоначалникот на Ново Село, Боро Стојчев познат како Боро Малборо. Спогодбата помеѓу Георгиев и Обвинителството е и да му биде изречена забрана да биде судија или правник во наредни три години. Тој признал дека земал мито, иако, претходно тврдеше дека тоа е лага и дека не знаел што има во кесата која му ја дал синот на Стојчев.„Јавен обвинител од Основното јавно обвинителство за гонење на организиран криминал и корупција денеска склучи Предлог – спогодба со осомничениот Н.Г. за кој постоеше основано сомнение дека сторил кривично дело Примање награда за противзаконито влијание од чл. 359 ст.7 в.в. ст.3 в.в. со ст.2 од Кривичниот законик. Потпишувајќи ја предлог – спогодбата осомничениот Н.Г. не спори дека го сторил кривичното дело и имајќи ја предвид запретената казна затвор од една до десет години за ова кривично дело, прифати да му биде изречена казна затвор во траење од три години, како и Забрана за вршење професија, дејност или должност на службено лице во период од три години.Според прибраните докази и описот содржан во диспозитивот на предлог – спогодбата, осомничениот Н.Г. од 06.04.2024 година до 20.05.2024 година во Струмица и Скопје, како службено лице – судија во Врховен суд на РСМ со искористување на своето претпоставено влијание, службена и општествена положба и углед, за наводна интервенција во предмет што се водел во Основното јавно обвинителство за гонење на организиран криминал и корупција, во два наврати директно побарал и примил награда од вкупно 15.000 евра во денарска противвредност од 922.500,оо денари. Откако на почетокот на месец април 2024 година, сведокот, против чиј татко се водела постапката, побарал помош од Н.Г, тој, како награда за да ги утврди околностите за интервенирање во кривичната постапка, побарал 5.000 евра од сведокот кои му биле предадени на Н.Г во неговиот дом во Струмица. На средбата Н.Г му рекол на сведокот дека ќе се обиде да издејствува минимална затворска казна од три години затвор за неговиот татко. Потоа сведокот и Н.Г. имале уште неколку средби и на една од нив Н.Г му кажал на сведокот дека за сума од 30.000 евра преку осудениот И.М. кој е заменик претседател и член на Советот за јавни обвинители наводно ќе интервенираат да се спроведе постапка за спогодување со неговиот татко – осомничен во предмет што се водел во Основното јавно обвинителство за гонење на организиран криминал и корупција за кривично дело Неовластено производство и пуштање во промет на наркотични дроги и психотропни супстанции од чл.215 ст.3 в.в. со ст.1 од Кривичен законик. Притоа Н.Г појаснил дека при утврдување на видот и висината на казната на татко му ќе му биде предложена и утврдена казна затвор од пет години, како минимална казна за предметното кривично дело, напоменувајќи му на сведокот дека доколку не се интервенира, татко му, по поднесен обвинителен акт, во судска постапка ќе добие многу поголема затворска казна и дека за цело времетраење на постапката, ќе му биде продолжувана мерката притвор. Осомничениот Н.Г. му ветил на сведокот дека во иднина преку неговото реално влијание, службена и општествена положба и углед како судија во Врховниот суд, преку други лица, ќе интервенира, тогаш веќе осудениот татко на сведокот, да добива погодности во текот на издржувањето на казната затвор, а по исполнувањето на условите да добие и условен отпуст од издржување на затворската казна. За да ги поткрепи своите ветувања осомничениот Н.Г. во три наврати во присуство на сведокот, преку апликацијата Ватсап комуницирал со осудениот И.М, кој разговор го слушал и сведокот, кога осудениот И.М кажал дека наводно се преземени сите дејствија за интервенирање за да биде одобрено барањето за склучување на предлог спогодбата така како што ветувал осомничениот Н.Г.По постигнатиот договор и наводните преземени дејствија за интервенирање, осомничениот Н.Г и сведокот се договориле наградата во износ од 20.000 евра да му биде дадена по потпишувањето на предлог спогодбата и нејзиното одобрување од страна на судија на претходна постапка при Основен кривичен суд Скопје, со што би се потврдило нивното влијание. Откако спогодбата со осомничениот татко на сведокот била потпишана и потврдена од судот на 20.05.2024 година, осомничениот Н.Г и сведокот истиот ден се сретнале на паркинг просторот кај Хотел Вип. Осомничениот Н.Г кој пристигнал со ПМВ Ауди А6, излегол од истото и влегол во возилото на сведокот, ПМВ Пасат и по краток разговор, сведокот му предал бело хартиено плико во кое имало половина од наградата, во износ од 10.000 евра. Осомничениот Н.Г. го ставил пликото во внатрешен џеб од неговото сако, излегол од возилото и се вратил во неговото возило. Во тој момент овластени полициски службеници пристапиле до возилото на врховниот судија кој седел на возачкото место и во еден момент тој го извадил пликото со паричните средства и го ставил помеѓу возачкото и совозачкото седиште каде при преглед на возилото биле пронајдени 10.000 евра кои претходно биле крим- технички обработени.Предметниот обвинител имајќи ги предвид степенот на кривичната одговорност, побудите од кои е сторено делото, јачината на загрозувањето на заштитното добро, како и поранешниот живот на сторителот и неговите лични прилики ценеше дека за кривичното дело што му се става на товар со одмерената единствена казна затвор во траење од три години, ќе се остварат целите на казнувањето во поглед на специјалната и генерална превенција предвидени во чл. 39 од Кривичниот законик. Во казната ќе му се засмета и времето поминато во притвор и истиот веднаш ќе биде упатен на издржување на казната затвор. Воедно, бидејќи ја злоупотребил својата професија, дејност или должност заради извршувањето на кривичното дело и врз основа на природата на извршеното дело и околностите под кои е сторено, може да се очекува дека таквата дејност ќе ја злоупотреби за повторно вршење кривично дело судот да му изрече и Забрана за вршење професија, дејност или должност на службено лице во период од три години. Дополнително, криминалистички обработените банкноти што беа пронајдени во ПМВ на осомничениот ќе бидат вратени на сведокот, а останатите 5000 евра ќе бидат конфискувани во корист на Буџетот на РСМ како стекната имотна корист од кривично дело“, велат од ОЈО-ГОКК.

Македонија | пред 1 година

„Животните живееа подобро во мандатот на Чомбе него ние денес во мандат на Данела“, напиша Миа Костова со поддршка за враќање на Галатановски во ЗОО

Дестина јавни личности, граѓани и посетители на Зоолошката градина во Скопје застанаа зад ексдиректорот Ѓорги Галетановски и неговата апликација за се врати на позицијата која извршуваше во институцијата. Пофалбите на негова сметка одат бидејќи додека тој беше директор, Зоолошката градина имаше најголем пораст на посетители, стана атракција, а во неа се вложуваа и значителни средства за анимација на младите. Меѓудругото, беа вработени и ЗОО-негователи кои со години беа надвор од институцијата, поради тоа што претходните раководители во нив не сакаа да го видат потенцијалот и љубовта кон животните.„Госпожата во заминување да ја памтиме по барем по едно добро - спасот на ЗОО. Животните живееа подобро во мандатот на Чомбе него ние денес во мандат на Данела“, напиша познатата водителка и инфлуенсерка, Миа Костова на нејзиниот „Инстаграм“ профил.Не изостана поддршката и од бројни музичари како Марко Мариковиќ-Слаткар, Тамара Тодевска, но и спортисти како Тамара Тодевска.Ексдиректорот на Зоолошка градина, Ѓорги Галетановски-Чомбе, аплицирал за директорската позиција, откако градоначалничката Данела Арсовска распиша оглас. Тој за ова обзнани на „Фејсбук“. Во текот на неговиот мандат, кога градоначалник беше Петре Шилегов, Галетановски направи крупни промени во институцијата, која беше симбол на градот. Апликацијата за директор, доаѓа откако угинаа двете жирафи, евтаназиран е слонот, месецов угина и бизонот, но и орелот кој беше спасен и транспортиран таму.„Денес на ден 13.08.2024 поднесувам документи на огласот на град Скопје за директор на Зоо Скопје. Се одважив и поднесувам во името на многу засегнати граѓани на Скопје и Македонија кои ми пишаа деновиве но најповеќе поради животните и моите колеги кои заслужуваат мир благосостојба и услови достојни за нив. Барам од градоначалничката Данела Арсовска и советот на Град Скопје мандат од една година во кој тврдам и ветувам дека со моите колеги и многу општествено одговорни компании и јавни личности од државава ќе ги подобрам условите и ќе ја вратам нивната и гордоста на Зоо Скопје. Подолу во коментар ќе ја објавам мојата кратка програма да ја прочитаат сите, транспарентно како што работевме до 2022“, напиша Галетановски.

Скопје | пред 1 година

(Фото) Детонации се слушале вчера од Галичица: неексплодираните гранати прават проблем за локализирање на пожарот

Неексплодираните гранати кои ги има на Галичица, го успоруваат локализирањето на пожарот од страна на десетици волонтери, припадници на реџерската служба на Националниот парк, алпинистичкиот клуб, Црвениот крст и институциите. Жителите на Трпејца посочуваат дека вчера се слушале детонации, по велат: „Претпоставуваме, доаѓаат од Галичица“.Директорот на ЦУК, Стојанче Ангелов, сподели и фотографии направени од лицата кои гаснат, од кои се гледаат неексплодираните мини.Дополнително, ситуацијата ја усложнуваат временските услови, тоа што теренот е тешко пристапен, а истиот навлага и во зоната на букови шуми.Доброволци и утрово заминаа на Галичица. Вклучени се и ловџии, припадници на доброволни друштва, Противпожарната бригада на Охрид.Граѓаните вчера беа многу вознемирени од пожарот на Галичица, бидејќи се симнуваше кон охридските села. Дел од камперите на Љубаништа, си заминале во текот на вечерта поради страв дека пожарот за кратко може да се рашири.

Македонија | пред 1 година

(Видео) Автомобил превртен на кров на обиколница

Тешка несреќа се случи утрово на надвозникот на патот спрема Косово, на самата обиколница.Со часови, возило превртено на кров стои на локацијата. До ова дошло кога возило со германски и возило со косовски регистрации се судриле. Според првичните информации - нема повредени лица.Сообраќајот се одвива по една лента и успорено. Детали се очекуваат од МВР.

Македонија | пред 1 година

Нема фотографија

„Да се отпуштат сите судии и обвинители“ - спогодбите на Георгиев и Мемети ја изреволтираа јавноста

Спогодбите на Обвинителството за гонење организиран криминал и корупција со членот на Советот на јавни обвинители и врховниот судија Наќе Георгиев, за помали казни во замена за признавање вина - за дел од јавноста се скандалозни. Професорката по право, Мирјана Најчевска повика да се отпуштат сите судии и обвинители, оти се легло на криминал.„Не треба да се сменат судскиот совет и советот на јавни обвинители. Треба да се отпуштат од работа сите судии и сите јавни обвинители. Тие се легло на криминалот, заштитници и поддржувачи на криминалот. Корупцијата и криминалот во Македонија цветаат затоа шт онема судии и јавни обвинители кои имаат интелектуален и морален капацитет да се спротистават. Засрамете се сите вие кои склучувате ваква спогодба и сите вие кои молчите за ова“, напиша Најчевска.Иџет Мемети, кој е член на Советот на јавни обвинител, признал дека сторил кривично дело примање награда за противзаконито влијание, во случајот каде обвинет е и врховниот судија, Наќе Георгиев. Мемети се спогодил со Обвинителството за гонење организиран криминал и корупција со предлог до Кривичен суд да му се одреди условна осуда и забрана за вршење на дејност во наредните три години. Мемети беше осомничен во случајот за земање 10.000 евра со цел, да му ја олесни положбата на градоначалникот Боро Стојчев (Боро Малборо), против кого беше покрената кривична постапка. Во тек е спогодба и со Георгиев.

Коментари | пред 1 година

Избега поранешниот припадник на ОВК, Блерим Рамадани кој беше уасен и ставен во домашен притвор по потерница од Србија за воени злосторства

Потерница е распишана по поранешниот војник на ОВК, Блерим Рамадани, потврдува МВР за „Скопје1“. Оттаму посочуваат дека при проверка, не бил затекнат во домот на роднините, каде издржуваше мерка куќен притвор.„Од страна на надлежен судски орган доставена е документација до МВР за распишување на централна потерница за лицето Б.Р. бидејќи во моментов е недостапно за органите на прогонот. МВР презема мерки за пронаоѓање на лицето“, велат од МВР.Рамадани беше уапсен во Јажинце по српска потерница која беше распишана за воени злосторства во Косово. Од страна на Организацијата на воени ветерани на Косово упатен беше повик до институциите на Македонија веднаш да го ослободат Блерим Рамадани.

Македонија | пред 1 година

Кривичен пресече: Поранешниот припадник на ОВК Блерим Рамадани од екстрадиционен се пресели во домашен притвор

Кривичниот суд одлучи, Блерим Рамадани, поранешен војник на ОВК од Косово, од екстрадиционен притвор премина во домашен притвор во Скопје.Косовскиот државјанин кој Србија го бара за воени злосторства побарал поблага мерка, а таквото барање го прифатил Кривичниот суд и му одредил куќен притвор. Одлуката судот ја донел според Законот за меѓународна соработка во кривична материја:„Притворот заради екстрадиција се укинува кога ќе се оцени дека престанале причините поради кои е определен или во случај кога во рок од 40 дена не е доставено барање за екстрадиција“, е ставот на судот.Според одлуката на судот, Рамадани во куќен притвор во Скопје ќе остане до 16 август.Тогаш судот ќе одлучи дали ќе продолжи со неговата екстрадиција во Србија или ќе го ослободи.Блерим Рамадани, косовски државјанин и поранешен војник на ОВК, беше уапсен на 17 јули на граничниот премин Јажинце. Неговото апсење уследи по меѓународната потерница издадена од Србија за наводни воени злосторства на Косово во доцните 1990-ти.

Македонија | пред 1 година

(Видео) Данела Арсовска доби и песна која е хит: „И тендери, она сите, ги дели. Рачињата во медот, нејзини се цели“

Скопската градоначалничка Данела Арсовска, доби и песна од „Скопјани за Скопје“. Во него се зборува за состојбите во главниот град, тендерите, корупцијата.. а илустриран е со автобусите кои се испозапалија, ѓубрето кое е несобрано...„И тендери, она сите, ги дели. Рачињата во медот, нејзини се цели. Скопје од град метропола, сега моли за обнова“, се вели во текстот па се додава: „Данела што мечтае, Данела што сонува, во градот на корупцијата она царува“.

Магазин | пред 1 година

Арсовска може да остане и со „врзани раце“ во раководењето: ги блокирала градоначалниците на телефон, контакт немаат ни по мејл

Градоначалничката на Скопје, Данела Арсовска, да остане без надлежности во делот на отпадот и хортикултурното уредување, побараа скопските градоначалници кои доаѓаат од редовите на ВМРО-ДПМНЕ. Ова доаѓа по низа критики во делот на хигиената и отпадоците кои се расфрлани на сите страни, но и нервозата која ја има кај граѓаните. Барањето ќе биде доставено до Владата, а надлежностите ќе треба да ги преземат општините. Арсовска се крие од градоначалниците, тврдат тие. Не им одговара на пораки, на службени дописи. Дотолку што, Висар Ганиу од Чаир посочува дека ги блокирала и нивните броеви. Орце Ѓорѓиевски, градоначалник на Општина Кисела посочува дека ќе мораат да чекаат избори, ако Арсовска не се реши сама да замине од функцијата.„Одговорно тврдиме како градоначалници, дека како што и ги вршиме своите обврски и задачи изминатиот период и ги задоволуваме потребите на нашите сограѓани, со дополнително зголемување на надлежностите, со овие две претпријатија откако нормално ќе бидат трансформирани дека ќе дадеме барем за двојно подобра работа од она што го имаме во моментот“, вели Орце Ѓорѓиевски, градоначалник на Општина Кисела.Градоначалникот на Чаир, Ганиу, посочува дека контакт со Арсовска не постои и додава: „Не знаеме како да функционираме. Немаме комуникација ниту поединечно како колеги, градоначалничката нè блокирала на телефон“.Арсовска претходно го впери прстот во премиерот Христијан Мицкоски што градот е нефункционален, иако проблемите потекнуваат од Градот Скопје со кој таа раководи.Трансформација треба да заврши до декември и од први јануари Општините да се грижат за хигиената. Тие за оваа цел ќе имаат свои јавни претпријатија и тоа значи дека и во иднина и после мандатот на Арсовска, Градот нема да има јавни претпријатија за хигиена и зеленило.

Скопје | пред 1 година

Иџет Мемети од Советот на обвинители призна вина и се спогоди да не лежи затвор за случајот со митото и врховниот судија

Иџет Мемети, кој е член на Советот на јавни обвинител, признал дека сторил кривично дело примање награда за противзаконито влијание, во случајот каде обвинет е и врховниот судија, Наќе Георгиев. Мемети се спогодил со Обвинителството за гонење организиран криминал и корупција со предлог до Кривичен суд да му се одреди условна осуда и забрана за вршење на дејност во наредните три години. Мемети беше осомничен во случајот за земање 10.000 евра со цел, да му ја олесни положбата на градоначалникот Боро Стојчев (Боро Малборо), против кого беше покрената кривична постапка.„По спроведената постапка, а пред поднесување на обвинителен предлог, предметниот јавен обвинител од Основното јавно обвинителство за гонење на организиран криминал и корупција склучи Предлог – спогодба со осомничениот И.М. за кој постоеше основано сомнение дека сторил кривично дело Примање награда за противзаконито влијание од чл. 359 ст.3 в.в. со ст.2 од Кривичниот законик за кое е пропишана затворска казна од 1 до 5 години. Претходно, со поднесената иницијатива за спогодување, осомничениот И.М до Основното јавно обвинителство за гонење на организиран криминал и корупција достави и поднесена неотповиклива оставка како член на Совет на јавни обвинители која ја доставил до Собранието на РСМ. Странките се согласија на осомничениот И.М. за стореното кривично дело да му биде изречена казна алтернативна мерка – условна осуда со утврдена казна затвор во траење од една година, која нема да се изврши доколку осомничениот во рок од три години не стори ново кривично дело, како и судот да му изрече и Забрана за вршење професија, дејност или должност на службено лице во период од 3 (три) години, бидејќи истиот ја злоупотребил својата професија, дејност или должност заради извршувањето на кривичното дело и врз основа на природата на извршеното дело и околностите под кои е сторено, може да се очекува дека таквата дејност ќе ја злоупотреби за повторно вршење кривично дело.Соочен со прибраните докази, осомничениот И.М. со самото потпишување на предлог – спогодбата ја призна вината, односно не го спори кривичното дело што му се става на товар и е согласен со предложената кривична санкција. Според описот содржан во диспозитивот на предлог – спогодбата тој, по претходен договор со првоосомничениот Н.Г. го искористил своето реално влијание, службена положба и углед како заменик претседател и член на Советот на јавни обвинители на Република Северна Македонија и на неутврден датум, во текот на месец април и мај 2024 година, преку Н.Г. му пренел на сведокот дека наводно интервенирал да не се изврши службено дејствие што би морало да се изврши – поднесување на обвинителен акт во врска кривична постапка против таткото на сведокот осомничен за кривично дело Неовластено производство и пуштање во промет на наркотични дроги и психотропни супстанции од чл.215 ст.3 в.в. со ст.1 од Кривичен законик. За кривичниот предмет што се водел во Основното јавно обвинителство за гонење на организиран криминал и корупција против таткото на сведокот, И.М бил претходно запознаен од страна на Н.Г. При неколкукратна меѓусебна комуникација преку интернет апликацијата Ватсап Н.Г. во присуство на сведокот разговарал со И.М кој не знаел дека разговорите ги слушал и сведокот. Во еден од тие разговори, сведокот дознал дека наводно од страна на И.М. бил даден налог за спогодување со таткото на сведокот и дека ќе биде одобрено барањето за склучување на предлог спогодба со осомничениот – татко на сведокот. Притоа на сведокот од страна на осомничениот Н.Г. му било предочено дека при утврдување на видот и висината на казната ќе биде предложена и утврдена казна затвор од 5 (пет) години, како минимална казна за предметното кривично дело, која како таква подоцна ќе биде и одобрена и дека истата е резултат на нивната интервенција.Осомничениот И.М. во присуство на неговиот бранител свесно и доброволно ја прифати Предлог – спогодбата и последиците што произлегуваат од неа и се откажа од правото на жалба доколку се донесе Пресуда со која се прифаќа предлог- спогодбата.Предлог-Спогодбата со сите прибрани докази е доставена до судија на претходна постапка при Основниот кривичен суд Скопје кој треба да закаже рочиште за оцена на предлог – спогодбата и доколку истата биде оценета како прифатлива, надлежниот суд ќе донесе пресуда која се заснова врз предлог-спогодбата.Предлог – спогодбата како институт се користи при постоење на признание за вина, па тогаш правилата на постапката се поедноставени, не се изведуваат докази поврзани за фактичката состојба и постапката е едноставна, брза и ефикасна бидејќи судот треба само да ја изрече санкцијата. Една од причините за прифаќање на спогодувањето за кривичната санкција е настојувањето да се скрати траењето на кривичната постапка во случаите кога фактичката состојба е неспорна за обете странки, кога обвинителството располага со доволно докази во однос на кривично-правниот настан, при што и без изведување на прибавените докази судијата ќе може да донесе основана, законита и правична пресуда.“, соопштија од ОЈО ГОКК.Делото за кое се гони Мемети предвидува казна од една до пет години, а тој со спогодбата добива под законскиот минимум. „Скопје1“ дознава дека тој депонирал и оставка до Собранието на Македонија, од каде е избран да биде дел на Советот на јавни обвинители.Судијата Наќе Георгиев кој е во притвор и Мемети се осомничени дека му ветувале на синот на осудениот ексградоначалник Боро Стојчев дека за 10.000 евра ќе му помогнат на татко му во друга истрага што исто така се води во Основното јавно обвинителство за гонење организиран криминал и корупција (ОЈО ГОКК). Синот видел дека го лажеле двајцата, па ги пријавил во МВР, каде му дале обележани банкноти. Кога му ги дал бележаните пари на рака на Георгиев, се појавила полицијата и го фатиле Георгиев на дело.„Скопје1“ објави кој е поточно Иџет Мемети - кој беше и омбудсман..

Македонија | пред 1 година

(Документ) И скопјани ја исмејуваат: Арсовска се пофали дека го разрешила, но директорот на Паркови сам се повлекол

Дел од директорите на јавните претпријатија кренаа раце од Данела Арсовска и поднесоа оставки, а градоначалничката, не признава порази, па реши да се пофали дека таа ги разрешила нив. „Скопје1“ преку извори во Град Скопје, дојде до изјавата за отповикување од функцијата на директорот во ЈП „Парови и зеленило“. Арсовска пак, јавно најави и казна за директорот, односно ревизија.Според изјавата, архивирана на 12.08.2024 година од Град Скопје, кога и „Скопје1“ објави дека Мартин Ангеловски ја напушта Арсовска, тој се повлекол од лични причини.„Јас, Ангеловски Мартин, в.д. директор на ЈП Паркови и зеленила-Скопје, на ден 12.08.2024 година, давам оставка од лични причини“, стои во изјавата.Откако веста на „Скопје1“ молскавично се прошири низ јавноста, Арсовска веќе следниот ден (вчера), реши да се фали дека таа го разрешила Ангеловски.Дополнително, му најави и ревизија, а индиректно посочува дека тој е вмешан во корупција.„Поради неправилности при работењето и непочитувањето на договорот за вработување од функцијата директор на ЈП Паркови и зеленило е разрешен Мартин Ангеловски. Справувањето со корупцијата и самоволието во градот Скопје беше и едно од главните предизборни ветување на градоначалничката Данела Арсовска. Никој не смее да си поигрува со народните пари, а уште помалку со довербата на граѓаните на градот Скопје. Во ЈП Паркови и зеленило е најавена и вонредна ревизија од град Скопје која треба да започне до крајот на оваа недела“, објави Град Скопје.Ваквите потези на Арсовска доаѓаат во време кога скопјани бараат оставка од нејзе, бидејќи ја сметаат за неспособна да се справува со проблемите и да го води градот. Истовремено, таа се крие од јавноста и бега од неа. За тоа сведочи и вчерашниот нејзин потег, кога застана, па замина откако ја виде екипата на „Скопје1“.Истовремено, скопјани се исмејуваат со градоначалничката. Таа смени над 30 директори додека го извршува мандатот.

Скопје | пред 1 година

Се крена голема галама за изгласаниот Закон за урбанизам: Сиљановска повикана да не го потпише

Иницијативата „О2“ која беше против Законот за урбанистичко планирање бидејќи според нив ќе донесе ново узурпирање на јавниот простор, а според владиното мнозинство во Собрание носи само полесни процедури за градинки и училишта - јавно ја повика претседателката Гордана Сиљановска-Давкова да не го потпише указот.„Со 64 гласа „за“ и 11 „против“ се изгласаа експресно измените на законот за урбанистичко планирање. Ниту еден пратеник не зема збор да дискутира. Вчера попладне бевме поканети да присуствуваме на денешната комисија за транспорт, дигитална трансформација, животна средина и просторно планирање, каде меѓу другите член е и Исмаил Јахоски од ДУИ, чиј син официјално е сопственик на нафтената компанија Пуцко Петрол, која е и градежен инвеститор. Кој апсурд, вакви лица да ни одлучуваат за јавен интерес и закони каде имаат приватен интерес. Присуствувавме на почетокот на комисиската седница каде ги образложивме нашите забелешки и потребата ваков закон со огромни импликации по сите во државава да се носи по редовна постапка и со јавна расправа. Но, членовите на комисијата го изгласале во целост без никакви измени, за само неколку часа подоцна да се изгласа на пленарна седница, каде министерот за транспорт Александар Николоски изјави дека јавноста нема осонова за грижа, зошто тој за најголемиот дел од околу 600 урбанистички планови, кои ќе продолжат да се изработуваат по стари и неважечки закони и правилници, нема да даде согласност. Фрапантна изјава, која укажува не на почитување на законите, туку на земање на работите во свои раце и апсолутно дискреционо право. Основа за масовна корупција“, велат од „02 Иницијатива“.Тие ги кажаа нивните барања.„Јавно се обраќаме до претседателката на државава Гордана Сиљановска-Давкова да не го потпише указот за прогласување на Законот за изменување и дополнување на Законот за урбанистичко планирање и го врати законот на повторно разгледување во Собранието со задолжителна јавна расправа. Испратете барање до претседателката да не го потпише указот за прогласување на овој закон. Можете да го ископирате нашето барање и го испратите на contact@president.mk. Ќе ве замолиме да нè ставите во CC на вашиот мејл, o2macedonia@gmail.com.барањето:Почитувана Претседателке на РСМ, г-ѓа Гордана Сиљановска-Давкова,Бараме согласно вашите законски надлежности како Претседател на РСМ да не го потпишувате указот за прогласување на Законот за изменување и дополнување на Законот за урбанистичко планирање, кој е донесен по скратена постапка на 13.08.2024 и го вратите законот на повторно разгледување во Собранието со задолжително спроведување на јавна расправа на која ќе присуствува стручната јавност и граѓанските организации.Овој закон е донесен по скратена постапка, иако последиците од него се огромни и нè засегаат сите. Донесен е без јавна расправа, без консултации со стручната јавност, без објавување на Единствениот Национален Електронски Регистар на прописи на РСМ (ЕНЕР) со можност да се дадат коментари и да се влијае во процесот на негово донесување, без задолжително известување на сите засегнати здруженија на граѓани и невладини организации. Ваков суштински закон чии последици ги трпиме сите не смее да се донесе без јавна расправа и учество на стручната јавност и граѓанските организации.◾️ Со законот се дозволува повторна изработка на урбанистички планови според стари и неважечки закони и правилници до недоглед, кои за повеќе од 4.5 години не се завршиле, што укажува на проблем со овие планови, штом не се донеле во толкав временски период, а се изработени со несоодветни параметри, зошто во меѓувреме имаме нови податоци од пописот, просторот се изградил, има изградени линиски центри чии параметри не биле вклучени во планирањето, а сепак ги искористиле најголем дел од ресурсите, итн. Според изјавата на министерот за транспорт, бројката е околу 600 вакви урбанистички планови кои не се донеле во изминативе 4.5 години, да продолжат да се изработуваат по стари невалидни закони и правилници и како такви да се донесат и предизвикаат дополнителен хаос во просторот во кој живееме.◾️ Со законот се дозволува изградба на катни гаражи без донесен детален урбанистички план, само со урбанистички проект. Тоа значи самоволие и хаос, градење кој каде ќе му текне на вакви големи објекти, каде зеленилото и парковите ќе бидат првата жртва, каде граѓаните не се прашуваат и нема начин преку јавна анкета да го дадат своето мислење, каде Советот на општина нема право да одлучи со гласање.◾️ Со законот се отстранува одредбата одлуката со која се донел урбанистички план да е ништовна, ако нема добиено согласност од министерството за транспорт. Ова е суштинско за да се спречи злоупотреба и спроведување на планови кои не се валидни.◾️ Со законот се дозволува да нема изработено урбанистички планови за одредени подрачја уште од 2013 година и да важат штетни општи акти, како тој за Лагадин со хотелот покрај брегот, кои требало да бидат само преодна форма до изработка на урбанистички планови“.

Македонија | пред 1 година

На Данела и е крив Мицкоски што градот тоне во отпад

„Ја поздравуваме најавата на претседателот на Владата Христијан Мицкоски и го охрабруваме во најбрз можен рок да преземе одговорност за нарушените состојби во главниот град, кои што ги креираше“, вели Град Скопје чиј градоначалник е Данела Арсовска и додава:.„Како за почеток, апелираме премиерот Мицковски да ги вразуми советниците од ВМРО-ДПМНЕ во Советот на град Скопје кои трета година по ред свесно и за политички поени ја кочат работата на јавните претпријатија. Апелираме Мицковски да ги убеди советниците да гласаат за набавка на нови еколошки автобуси, проект кој заедно со градоначалничката Арсовска го ветуваше на скопјани. Апелираме советниците навремено да ги гласаат програмите за работа на јавните претпријатија со цел да не се кочи нивната ефикасност, апелираме Мицкоски да превземе одговорност и за свесното блокирање на претпријатијата.Го охрабруваме Мицкоски да се обиде и да ја превземе одговорноста за членовите на Управните и Надзорните одбори во претпријатијата на градот Скопје каде владејачката ВМРО-ДПМНЕ е застапена со над 90% од членовите на Одборите. Токму овие членови на УО и НО три години се изживуваат врз вработените и граѓаните на Скопје. Сите управни одбори без исклучок се со мнозинство членови на ВМРО-ДПМНЕ и се чини имаат единствена задача - влошување на состојбите и блокирање на услугите. Го охрабруваме Мицкоски да ги охрабри овие луѓе да ги одобрат плановите за вработување, плановите за набавки на нови контејнери, машини, дрвја, зеленило, автобуси и резервни делови.Апелираме да се стави крај на политичкиот терор, и сега како одговорна владејачка партија, Мицкоски да превземе одговорност за состојбите во главниот град за кои најзаслужни се советниците и членовите на Управните и Надзорните одбори на градските јавни претпријатија“.

Скопје | пред 1 година

Нема фотографија

Пекол во Газа: Таткото отишол во Газа за да ги земе изводите на новородените близнаци - кога се вратил дома, бебињата биле мртви

Новородени близнаци биле убиени во Газа додека нивниот татко бил во канцеларијата на локалната власт за да го регистрира нивното раѓање.Асер (момче), и Ајсел (девојче) имале само четири дена кога нивниот татко Мохамед Абу ал-Кумсан отишол да ги подигне нивните изводи од матичната книга на родените, јавува Би-Би-Си.Додека бил отсутен, му се јавиле соседите и рекле дека нивната куќа во Деир ал Балах била бомбардирана.Во израелски воздушен напад загинаа и неговата сопруга и бабата на близнаците.„Не знам што се случи“, рече тој. „Ми рекоа дека граната ја погодила куќата“, рекол таткото.Би-Би-Си побара коментар од израелската војска за нападот и чека одговор.Израел вели дека се обидува да избегне да им наштети на цивилите и за нивната смрт го обвинува Хамас, кој дејствува во густо населените области, вклучително и користење на цивилни згради како засолништа.Но, официјалните лица ретко коментираат за поединечни случаи на израелски напади.Неколку такви засолништа во Газа беа нападнати во последните недели.Во саботата, во израелски воздушен напад врз училишна зграда во која се засолниле раселените Палестинци во градот Газа загинаа повеќе од 70 луѓе, изјави директор на болницата за Би-Би-Си.Портпаролот на израелската војска рече дека училиштето „служело како активен воен објект на Хамас и Исламски џихад“, што Хамас го негираше.Израел го оспори бројот на загинати, а Би-Би-Си не може независно да ги потврди бројките од ниту една страна

Свет | пред 1 година

Нема да поскапат нотарските услуги

„Владата на ВМРО-ДПМНЕ ја укина одлуката за зголемени нотарски услуги донесена од владата на СДС и ДУИ“, велат од ВМРО-ДПМНЕ и додаваат:Владата на вчерашната седница донесе Одлука за престанување на важење на согласноста за зголемување на нотарската тарифа.СДС и ДУИ сакаа несразмерно да ги наградат Нотарите, на сметка на народот.СДС и ДУИ со секоја своја одлука земаа пари од џебот на народот.Владата на ВМРО-ДПМНЕ ги исправа неправдите нанесени од СДС и ДУИ. Нема повеќе скапи услуги кај Нотарите. Ја враќаме државата на народот.

Македонија | пред 1 година

Руски Белгород прогласи вонредна состојба, гувернерот со порака: „Уништуваат куќи, убиваат цивили...“

Гувернерот на руската погранична област Белгород, Вјачеслав Гладков, прогласи вонредна состојба во целиот регион, наведувајќи ги континуираните напади на украинските сили.„Ситуацијата во регионот на Белгород останува исклучително тешка и напната“, рече Гладков во видеото објавено на апликацијата за пораки Телеграм.Секојдневното гранатирање од страна на украинските вооружени сили уништи куќи, убиени и ранети цивили, додаде тој.„Затоа, донесуваме одлука, почнувајќи од денеска, да прогласиме регионална вонредна состојба во целиот регион Белгород... со последователен апел до владата да прогласи вонредна состојба на федерално ниво“, додаде Гладков.

Свет | пред 1 година

Возач на ЈСП осомничен за предизвикување тешка сообраќајка: загина 17-годишник, а уште едно лице е во критична состојба

Основното јавно обвинителство Скопје поведе постапка против 51-годишен скопјанец постапувајќи по кривична пријава, бидејќи постои основано сомнение дека сторил кривично дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 и став 1 од Кривичниот законик.Осомничениот, на 12 август, како учесник во сообраќајот на јавните патишта, управувајќи автобус сопственост на ЈСП Скопје по општинскиот пат Шуто Оризари –Горно Оризари, не се придржувал кон прописите и со тоа го загрозил јавниот сообраќај и го довел во опасност телото на луѓето.Кога дошол во близина на крстосница со сервисна улица која го поврзува општинскиот пат со улицата “Александар Урдаревски”, постапил спротивно на член 25 став 1 од Законот за безбедност на сообраќајот на патиштата, па со автобусот свртел во лево за да избегне кабаст отпад, шут и друго ѓубре расфрлани по десната страна на коловозот и преминал на левата страна, односно на дел од коловозот наменет за движење на возилата од спротивната насока.Дејствието го сторил невнимателно, без претходно да се увери дека може да го направи без опасност по другите учесници во сообраќајот и имотот, не водејќи притоа сметка за положбата, правецот и брзината на движење. Како резултат на наведениот пропуст со предниот лев дел од автобусот се судрил со автомобил “Форд галакси” со скопски регистарски ознаки, со кого управувал 17-годишник кој немал стекнато право за управување со моторно возило.При ударот оштетениот се здобил со тешки телесни повреди од кои починал, а неговиот сопатник во автомобилот се здобил со тешки телесни повреди и е во животна опасност.Надлежниот јавен обвинител за осомничениот предложи мерки на претпазливост – привремено одземање на патна исправа за преминување на државна граница и забрана за издавање нова, привремено одземање на возачката дозвола, забрана за напуштање на живеалиште, односно престојувалиште, како и обврска осомничениот да се јавува повремено на определено службено лице.

Скопје | пред 1 година

Македонците нема да постојат ако не соработуваат со Албанците, се закани Ахмети

„Македонците можат да напредуваат само доколку се во добри и хармонични односи со Албанците, во спротивно ќе ги проголтаат Србите, Бугарите и Грците“. Со оваа реченица, лидерот на ДУИ, Али Ахмети, упати нова порака до македонскиот народ, на 23-годишнината од Охридскиот мировен договор. Тој исто така посочи дека треба конечно да се заборави сопственоста на државата, бидејќи сега сите заедно сме сопственици и заедно сме господари и на доброто и на злото.„А ова не ви го кажувам само овде, им го кажав на сите политички претставници на македонската заедница. Само со нас, со соработка и заеднички живот можат да си ја зачуваат својата историја, својот национален идентитет, инаку им е судено да не постојат. Така што, нека биде ова комеморација на 23-годишнината од Охридскиот мировен договор кој има посебна заслуга за тоа што оваа земја не беше поделена, не се раздели, затоа што не прифати ОВК, туку прифати целосен договор меѓу двете заедници и малите заедници во нивните области каде што живеат. Затоа, ние го штитиме, се бориме овој договор ниту да биде прекршен ниту загрозен, затоа што е спас и за Албанците и Македонците како две најголеми заедници. Сопственоста за која размислуваа во 1990-тите треба да се заборави затоа што заедно сме сопственици и заедно сме господари и на доброто и на лошото. Во оваа ситуација, какви драматични и опасни случувања има во Европа, недалеку од нас , навистина сите треба да мислиме дека Европа е во пламен и во војна, изјави Ахмети.Ахмети и коалицијата „Европски фронт“денеска со посебен настан во хотелот „Александар палас“ во Скопје го одбележа денот кога пред 23 години во претседателската резиденција на Водно беше потпишан Рамковниот договор. Во исто време Владата одржа свечена седница на која свои обраќања имаа премиерот Христијан Мицкоски и првиот вицепремиер Изет Меџити.Ваквиот наратив на Ахмети доаѓа во време кога премиерот Мицкоски посочи дека очекуваат обиди за дестабилизација на Македонија од страна на ДУИ.

Македонија | пред 1 година

Галетановски ќе ја спасува ЗОО: поднел апликација за директор, и укажа на Данела дека ќе ја врати гордоста на институцијата

Ексдиректорот на Зоолошка градина, Ѓорги Галетановски-Чомбе, аплицирал за директорската позиција, откако градоначалничката Данела Арсовска распиша оглас. Тој за ова обзнани на „Фејсбук“. Во текот на неговиот мандат, кога градоначалник беше Петре Шилегов, Галетановски направи крупни промени во институцијата, која беше симбол на градот. Апликацијата за директор, доаѓа откако угинаа двете жирафи, евтаназиран е слонот, месецов угина и бизонот, но и орелот кој беше спасен и транспортиран таму.„Денес на ден 13.08.2024 поднесувам документи на огласот на град Скопје за директор на Зоо Скопје. Се одважив и поднесувам во името на многу засегнати граѓани на Скопје и Македонија кои ми пишаа деновиве но најповеќе поради животните и моите колеги кои заслужуваат мир благосостојба и услови достојни за нив. Барам од градоначалничката Данела Арсовска и советот на Град Скопје мандат од една година во кој тврдам и ветувам дека со моите колеги и многу општествено одговорни компании и јавни личности од државава ќе ги подобрам условите и ќе ја вратам нивната и гордоста на Зоо Скопје. Подолу во коментар ќе ја објавам мојата кратка програма да ја прочитаат сите, транспарентно како што работевме до 2022“, напиша Галетановски.Тој за „Скопје1“ додава и: „Мојата визија е враќање на кандидатурата во ЕАЗА и дистанцирање на ЗОО-Скопје од политички влијанија“.Освен за ЗОО, Арсовска има распишано огласи за дирктори и во други претпријатија.

Скопје | пред 1 година