ТОП

Навечер стивнува, наутро се разгорува: пожарот во охриско се гасне со два воздухоплови

Навечер стивнува, наутро се разгорува. Трет ден се гасне големиот пожар во охридско. Дејствуваат стотина лица, од доброволци, до пожарникари и други институции.Од ЦУК посочуваат дека дејствуваат и два воздухоплови. Едниот е полицискиот на МВР, другиот е помошта што дојде од Србија.Во текот на вчерашниот ден беше направен земјен појас над селата што ќе спречи ширење на огнот кон населените места.

Македонија | пред 1 година

(Видео) Малку пцовки, малку свирежи: на границата Грција-Македонија се чека со саати, нервозата расте, ништо подобро и на ГП „Прешево“

Македонците се враќаат од продолжен викенд, а Србите од одмори - на граничниот премин „Евзони“ се чека со саати. Ваква е сликата за влез во Македонија од зори.Гужвите не се намалуваат, а се зголемува нервозата. Најдолго се чека на грчка страна, но поради проверките, застој има и на граничниот премин „Богородица“ односно македонската страна. Времето за чекање постојано се зголемува, а нервозата кулминира со свирежи и пцовки.Србите, дополнително имаат проблем за влез во Србија. На граничниот премин „Прешево“ исто така има огромни гужви.

Македонија | пред 1 година

(Видео) Гужви кон Скопје: критично кај Гостивар, километарски колони

Со завршувањето на продолжениот викенд, а по празникот Илинден, Охрид почна да се празни. За тоа сведочат и гужвите, кои традиционално, како и секоја година, ги има на пат до Скопје.Стандардно, и оваа година најголеми гужви се создаваат од Стража кон Гостивар, каде има километарски колони. Проблемот е во семафорот, кој иако исклучен, сепак прави застој, а возилата стојат и во место.Традиционално, почетокот на август се намалуваат и гужвите низ главниот туристички центар.

Македонија | пред 1 година

Новак Ѓоковиќ е олимписки шампион - епско финале и победа над Алкараз за титулата што ја чека 16 години

Со победата над Карлос Алкараз, Новак Ѓоковиќ стигна до титулата олимписки шампион со победа од 2:0, по сетови 7:6(3), 7:6(2).Пред почетокот на мечот малкумина веруваа дека Новак ќе има сили да му се спротивстави на вжештениот Алкараз, особено што Алкараз беше многу доминантен во текот на целиот тек на турнирот.Почна добро - Ѓоковиќ имаше една брејк шанса во вториот гем, а потоа уште три во четвртиот - но Алкараз успеа да го спречи Ѓоковиќ да поведе.А потоа следеше маратонски натпревар на сервис на Новак.Новак сервираше, Алкараз имаше три шанси да му ја одземе играта... Алкараз блескаше во тие моменти - но Новак беше најдобро во моментите кога беше потребно. Почна да „пали“ форхеди, на секој добар потег на Алкараз одговараше со два перфектни, спречуваше брејк... А потоа го подигна нивото на игра во гејмови кога сервираше.Новак потоа доби уште еден гејм на свој сервис за 4:3, Алкараз израмни, а по ова следеше можеби клучна игра не само во првиот сет, туку и во мечот - Алкараз имаше пет шанси да му го одземе сервисот на Новак, не успеа, а Ѓоковиќ стигна до 5:4 по 15 минути титанска борба.Следеа три гема во кои и двата беа добри, стигнаа до 6:6, па првиот сет отиде во тај-брејк.И таму - по 2:1 за Алкараз, Новак врати на 3:2, Алкараз израмни на 3:3, а Ѓоковиќ одговори со четири врзани поени и поведе со 1:0 во сетови по 7:3.Во вториот сет беше забележливо дека Алкараз паѓа, а Новак Ѓоковиќ беше тој што ги диктираше настаните, ја зголемуваше агресивноста на форхед и на агресивноста на Шпанецот одговори со уште поголеми - и уште попрецизни удари.Во третиот гем пропушти една брејк шанса, но од точка во точка покажа дека го има натпреварот под контрола, правејќи се повеќе грешки.Ѓоковиќ притисна, но не можеше да брејчи, па вториот сет отиде на дополнителни седум поени.Новак веднаш направи мини-брејк и дојде до 2:0, Алкараз намали на 2:1, израмни на 2:2, а потоа ...Тогаш Новак постигна пет поени и на сервис на Карлос Алкараз по два часа и 52 минути игра стигна до титулата олимписки шампион, прва во 2024 година и најзначајна во кариерата - олимпиското злато што Новак Ѓоковиќ го чека од тогаш. 2008 година и турнирот во Пекинг кога го освои бронзениот медал.

Спорт | пред 1 година

Експретеседателот на Косово за Вјоса: Нема имунитет за избегнување на контрола! Наивно е да се каже дека преку рендген се клонира телефон!

Претседателот на Алијансата за Ново Косово, поранешен косовски претседател и еден од најбогатите Албанци во светот, Беџет Пацоли, објави дека првиот човек на Одделот за безбедност на патници при Меѓународната асоцијација за воздушен транспорт (ИАТА) од Торонто, со кого патувал за Италија, потврдил дека не „постои тип на имунитет што може да го оправда избегнувањето на контролата на секој патник кој лета со авион”.Оваа негова реакција следува по случката со претседателката на Косово, Вјоса Османи, на скопскиот аеродром.„Стана збор за настанот во Скопје. Бев на кусо патување за Италија со кој ми потврди (она што веќе го знаев) дека не постои тип на имунитет што може да го оправда избегнувањето на проверка на кој било патник што лета во авион, особено на јавен авион каде што безбедноста на другите патници е доведена во прашање. Во случај некој патник да одбие да биде проверен од службата за безбедност, таа, меѓу другото, го известува пилотот на соодветниот авион и пилотот автоматски одлучува авионот да не полета“, напиша Пацоли во објава на Фејсбук, пренесе Лајм.Понатаму, Пацоли наведува дека не постои инстанца која може да му нареди на пилотот да го стартува авионот, доколку е информиран дека во авионот може да има неконтролиран патник.„Ова се случило на скопскиот аеродром, каде пилотот одбил да го започне патувањето со патници кои не биле подложени на безбедносна проверка и поради тоа било предизвикано одложување на полетувањето на авионот со многу патници внатре. Што се однесува до клонирањето телефони, наивно е да се каже дека телефонот може да се клонира додека поминува низ рендген апаратот“, напиша Пацоли на Фејсбук.

Коментари | пред 1 година

Шест повредени во четири сообраќајки во Скопје: двајца малолетници меѓу петмината со тешки повреди

На 03.08.2024 во 21.30 часот во СВР Скопје било пријавено дека на ул.„Маџари“ во Скопје се случила сообраќајна несреќа помеѓу моторцикл без регистарски ознаки, управуван од малолетник од село Булачани, скопско и патничко возило „фолксваген поло“ со скопски регистарски ознаки, управувано од С.Т.(25) од село Црешево, скопско. Во несреќата со тешки телесни повреди се здобиле малолетникот и неговата малолетна сопатничка од село Арачиново-скопско, а со телесни повреди се здобила С.Т., констатирани во Комплексот клиники „Мајка Тереза“. Извршен бил увид од увидна екипа од СВР Скопје.На 03.08.2024 во 16.10 часот во СВР Скопје било пријавено дека на ул.„Бранко Заревски“ во Скопје, патничко возило „киа“ со скопски регистарски ознаки, управувано од Г.С.(51) удрило во С.Л.(64), двајцата од Скопје. Во несреќата со тешки телесни повреди се здобила С.Л., констатирани во Градската општа болница „Св.Наум Охридски“. Извршен бил увид од увидна екипа од СВР Скопје.На 03.08.2024 во 11.45 часот во СВР Скопје било пријавено дека на локалниот пат Горно Коњари- Средно Коњари, скопско, се случила сообраќајна несреќа помеѓу товарно возило „волво“ со штипски регистарски ознаки, управувано од В.Н.(44) од Штип и трактор управуван од А.Р.(51) од село Долно Коњари, скопско. Во несреќата со тешки телесни повреди се здобил А.Р., констатирани во Комплексот клиники „Мајка Тереза“. Извршен бил увид од увидна екипа од СВР Скопје.На 03.08.2024 во 10.10 часот во СВР Скопје било пријавено дека на ул.„Васил Ѓоргов“ во Скопје патничко возило „фолксваген голф“ со скопски регистарски ознаки, управувано од Т.А.(44) удрило во Н.Ј.(74), двајцата од Скопје. Во несреќата со тешки телесни повреди се здобила Н.Ј., констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Скопје | пред 1 година

Вјоса Османи и претходно правела инциденти на скопскиот аеродром, обезбедувањето им се заканувало на вработените дека „ќе летаат” од работа

Не се смируваат страстите, реакциите и обвинувњта со инцидентот на претседателката на Косово Вјоса Османи на скопскиот аеродром.Министерството за надворешни работи и дијаспора на Косово чека итно и целосно објаснување во врска со инцидентот, во кој како што тврдат, Претседателката била соочена со несоодветен и незаконски третман од страна на аеродромското обезбедување. Македонските власти сепак ќе ги чекаат резултатите од истрагата за инцидентот на Скопскиот аеродром со косовската претседателка, па потоа ќе одговорат на барањето на Приштина за извинување кое го испратија синоќа.ВЛЕН и ДУИ влегоа во отворена војна во желбата кој повеќе ќе ја зштити Османи.Инаку според информациите на СДК од ТАВ и МВР, ова не е прв инцидент на Осмни на скокога Османи летала со комерцијален лет на „Туркиш ерлајнс“ и „Аустријан ерлајнс“ не ѝ било дозволено да биде изземена од граничната контрола.На косовската претседателка Вјоса Османи не ѝ е првпат да направи инцидент кога при патување со комерцијален лет одбила да го предаде приватниот телефон и рачниот багаж на безбедносна контрола на скенер пред влез во авионот.Кога летала со комерцијални летови на „Туркиш ерлајнс“ и „Аустријан ерлајнс“, не ѝ било дозволено да биде изземена од граничната контрола, бидејќи тоа е законска процедура. Авион на редовна линија за Истанбул доцнел час и половина, бидејќи обезбедувањeто на Вјоса Османи се карало со претавникот на авиокомпанијата кој не дозволил авионот да полета без контрола според меѓународните воздухопловни стандарди.ТАВ на 2 август инсистирало таа да го почитува законот и нејзиниот телефон и рачен багаж да помине низ скенер, па нејзините телохранители предизвикале инцидент.Како што соопшти Министерството за внатрешни работи (МВР): „Едно лице од нејзиното обезбедување го оттргнал вработениот во ТАВ, со цел таа да помине без скениран телефон и рачен багаж.Полициски службеник од обезбедувањето на претседателот на Собранието Африм Гаши со уште две лица почнал да им се заканува на вработените од ТАВ.„Кога се лета со комерцијална линија секој патник, меѓу кои и шефови на држави, мора да помине низ контрадиверзиона заштита, бидејќи шефот на држава не лета сам, туку со над 100 други патници во авионот, а контролата е за безбедноста на сите патници и на екипажот кои се на тој комерцијална лет. Секое досегашно македонско државно раководство, секогаш кога лета со комерцијален лет.Со секое полетување обезбедувањето на аеродромот им гарантира на компаниите дека нивните екипажи и сите патници се проверени и се безбедни. Шефови на држави не поминуваат низ безбедносна контрола само кога летаат со владини авиони, но тогаш се сами одговорни за безбедноста“, велат нашите аеродромски извори.ТАВ Македонија категорично ги отфрли наводите дека нивниот вработен од Одделот за обезбедување се обидел да го одземе телефонот на претседателката Османи.

Македонија | пред 1 година

Мицкоски: Неодговорното однесување на ДУИ преставува закана за мирот и стабилноста, а суштината е да се заштити капиталот стекнат во 20 години власт

„Со ова неодговорно однесување, ДУИ ја загрозува интеретничката слика во државата и претставува закана по мирот и стабилноста на Македонија како држава. И, ние ќе ги преземеме сите неопходни мерки како Влада, за да го заштитиме суверенитетот и територијалниот интегритет на Македонија како држава. Но, во суштина, овие пораки се обид грчевито да се брани богатството стекнато изминативе 20 години на власт. И тоа е факт, затоа што демократијата подразбира тој што има мнозинство во парламент да има и влада“, вака претседателот на Владата на Република Северна Македонија, Христијан Мицкоски во интервју за Фокус ги коментираше иницијативите на ДУИ за принципот „победник со победник“ да влезе во правниот систем и за територијална реорганизација според белгиски модел.Мицкоски додаде дека суштината на ваквите потези е да се одбрани капиталот стекнат во изминативе 20 години на власт, но не се исклучува и можноста некои групи да бидат несвесно изманипулирани и да го предизвикаат територијалниот интегритет и суверенитет.„Па видете, суштината е да се одбрани капиталот стекнат во овие 22 години на политичка сцена и 20 години власт. Но, не ја исклучувам можноста одредени групи и структури да бидат изманипулирани, несвесно. И сега тие групи и структури може да го предизвикаат територијалниот интегритет и суверенитет, да создадат криза. Ние имаме задача како Влада тоа да го браниме и да се одбраниме“, подвлече Мицкоски.На прашање за тоа дали се очекуваат протести за овие прашања Мицкоски одговори дека има такви информации, но ако истите се мирни и демократски, тие се легитимни.„Се уште ги имам тие информации. Јас говорам за протести. Се додека се демократски и мирни, тие се легитимни. Ако преминат во насилни, тогаш, повторно ќе кажам, како Влада имаме право да го браниме територијалниот интегритет и суверенитет на државата“, потенцираше Мицкоски.Запрашан за тоа што мисли за принципот „победник со победник“, Мицкоски истакна дека демократијата не оди заедно со овој принцип бидејќи коалиционите партнери од минатата власт беа делегитимирани на избори и во име на парламентарната демократија поразените треба да одат во опозиција.„Начинот на кој функционира демократијата не оди заедно со „победник со победник“, зашто во политиката не може малку со едните, малку со другите. Ние имаме дијаметрално различни платформи. Не може 7 години да бидете во влада со СДСМ и да речете – тоа веќе не важи и сега ќе одам со ВМРО-ДПМНЕ. Тоа така не може! Вие сте го избрале вашиот коалициски партнер и врз основа на програма сте функционирале, без разлика каква била таа. Таа била владина програма, таа влада е поразена, делегитимирана и тука завршува целокупниот процес. ДУИ со коалицијата и СДСМ заедно освоија помалку од 300 илјади гласови. ВМРО-ДПМНЕ и коалицијата освоија близу 450 илјади гласови, а заедно со ВЛЕН и ЗНАМ повеќе од 600 илјади, рече тој и додаде:„Јасна е волјата на народот. Во таква нова политичка реалност, во име на парламентарната демократија поразените треба да одат во опозиција, а победникот ја создава структурата на идната влада“, нагласи Мицкоски.

Македонија | пред 1 година

(Видео) Гори охридско: се прават обрачи, се гасне со воздухоплови - но не е под контрола

Стотина лица, меѓу кои професионалци и доброволци трет ден се борат со пожарите во охридско. Вчеравечерта состојбата ескалираше, па над Охрид имаше чад, додека во градот мирисаше на изгорено.Градоначалникот Кирил Пецаков кажа дека се прави и обрач за огнот да не се шири. Од утрово, вклучени се и воздухоплови за справување со пожарот. Пожарот е кај селата Косел – Расино – Опеница,-Вапила активен на 4 точки;„Координирано дејствуваат екипите на општинските Јавни претпријатија, Територијалната против пожарна единица од Охрид, Национални шуми, Национален парк "Галичица", ЦУК, ДЗС, како бројните волонтери кои се одзваа на повикот за помош, а тоа се: жителите од локалните села каде има пожар, членови на доброволното против пожарно друштво "Ентузијаст", членови на навивачката група "Рибари" како и пожарникари од Неготино кои доброволно се приклучија во акцијата.При мојата посета на локациите заедно со дел од членовите на Штабот за заштита и превенција бевме информирани дека поради силниот ветер ситуацијата кај Опеница се влошува. Како командир на штабот по консултација со стручните екипи кои се на терен донесовме одлука за вклучување на тешка механизација чија задача е да прават појас за спречување на понатамошно ширење на пожарот.Поголемиот дел од теренот е веќе обезбеден, а останува уште помал дел каде се работи во моментов и се прават засеци директно низ огнот. Екипите ќе работат на терен се додека не се обезбедат сите локации.Согласно последните информациите од терен кои ми се доставени пожарите се под контрола“, вели Пецаков.

Охрид | пред 1 година

Од 43 пожари: пет не се под контрола, меѓу кои е и охридскиот

Во текот на вчерашниот ден 03.082024 година (сабота), имало вкупно 42 пожари на отворен простор, од кои во моментов 5 се активни, 4 се под контрола и 33 се изгаснати.ВКУПНО: 42ИЗГАСНАТИ: 33ПОД КОНТРОЛА: 4АКТИВНИ: 51. Општина Македонски Брод: с.Тажево – с.Брезница – Крак кон Јасен;2. Општина Демир Хисар и Општина Охрид: Илинска Планина, с.Базерник;3. Општина Охрид: Косел – Расино – Опеница,-Вапила активен на 4 точки;4. Општина Богданци: м.в.Погана према Ветерен Парк Богданци;5. Општина Пробиштип: с.Зелениград – с.Јамиште;ПОД КОНТРОЛА: 41. Општина Кочани: с.Пресека;2. Општина Свети Николе: с.Патетино;3. Општина Пласница: с.Пласница – с.Латово, Македонски Брод;4. Општина Македонска Каменица: с.Дулица;ИЗГАСНАТИ: 331. Општина Битола 1: с.Стрежево;2. Општина Битола 2:с.Породин;3. Општина Кичево 1: с.Црвевци;4. Општина Кичево 2: с.Премка;5. Општина Кичево 3: Бизина на Касарна;6. Општина Зелениково: Смесница – Страхојадица – Градовци;7. Општина Чучер Сандево: м.в.Голиово;8. Општина Студеничани: с.Вртеќица;9. Општина Арачиново: с.Мојанци;10. Општина Ѓорче Петров: с.Волково;11. Општина Пробиштип: с.Долно Барбарево;12. Општина Ново Село 1: с.Бадилен;13. Општина Ново Село 2: Ново Село – Самоилово, м.в.Кошутица;14. Општина Струмица 1: с.Прсениково;15. Општина Струмица 2: Индустриска зона Север Струмица;16. Општина Дојран: Стар Дојран;17. Општина Босилово: с.Босилово;18. Општина Пехчево: с.Негрево;19. Општина Кратово: с.Татомир - с.Секулица Општина Пробиштип;20. Општина Лосово: с.Сарамзалино;21. Општина Радовиш: населба Дамјан;22. Општина Куманово: Пчиња;23. Општина Липково: с.Ваксинце – с.Слупчане;24. Општина Старо Нагоричане: с.Жегљане, маало Рожарци;25. Општина Долнени: с.Лажани – с.Дебреште – с.Кошино;26. Општина Гостивар 1: с.Печково;27. Општина Гостивар 2: Патот од Стража кон Гостивар;28. Општина Тетово: с. Фалише;29. Општина Македонски Брод: с.Грешница, м.в.Стојанова Населба;30. Општина Струга 1: с. Татеши;31. Општина Струга 2: с. Велешта;32. Општина Струга 3: с. Калишта;33. Општина Струга 4: с.Заграчани;

Македонија | пред 1 година

Македонија гори, а ни глас од Црвенковски и Иванов

Дали некој деновиве ги чу или виде поранешните претседатели Бранко Црвенковски и Ѓорге Иванов? Луѓето секој месец на први, си ги користат привилегиите, околу 2.000 евра и плус оние зголемени 78 проценти.Плус согласно постојниот закон, покрај месечните закупнини за канцелариски простор, за поранешниот претседател се подмируваат и следните трошоци: плати за три стручни лица кои се обезбедуваат од буџетот; комунални трошоци за надомест на електрична енергија, вода, топлинска енергија, и ѓубретарина; службено возило и возач, одржување на возилото при СОЗР; услуги кои се однесуваат на одржување на хигиена, тековно одржување на објектот како и набавка на потребниот канцелариски материјал.За поранешниот претседател не важат условите за пензионирање предвидени со Законот за пензиско и инвалидско осигурување. Тоа е тешка повреда на уставното начело за еднаквост на граѓаните пред законот“, велат од експерти по право.Единствено привилегиите, како што најави не ги користи Стево Пендаровски кој се врати на факултет а имаше и објава за Илинден. За пожарите поранешните татковци на нацијата не се нешто заинтересирани, но за привилегиите тука се. Но, да ги оставиме луѓето на мира и да не ги нервираме. Нека уживаат на грбот на народот.Активна беше претседателката Силјановска Давкова, која двапати беше на терен и со војниците како врхвено командант, а вчера порача дека ќе се моли да падне дожд.

Македонија | пред 1 година

ДУИ и Ахмети не слават Илинден, зафатени се со извинување кон Косово и црвенеење

Наместо честитка за Илинден, ДУИ, Али Ахмети и челниците на партијата решија да го заборават најголемиот македонски празник – Денот на Републиката и да и го посветат целото внимание на косовската претседателка Вјоса Османи и Косово. Ниту една објава на социјалните мрежи нема од довчерашната власт, која по 16 години замина во опозиција. Наместо тоа, се сожалуваат со Османи и бараат прошка од Косово. Пратениците на ДУИ не беа ниту дел од делегациите пред Собрание, на Мечкин Камен или Прохор Пчински.Од три објави на официјалната фејсбук страница на ДУИ, два се посветени на косовската претседателка, а еден на амбасадорот на Албанија со кого днеле заклучок: „Албанците се презираат, потребна е платформа за легитимитет“.На истото прашање коментирал и Ахмети. Се жали како поцрвенува од срам поради претседателката Османи и скандалот, но не и за непочитта кон Илинден и Македонија, чиј пратеник е.На иста бранова должина е и однесувањето на ексминистерот за надворешни работи, Бујар Османи. Ги прогласи ВЛЕН за неспособни, ама „заборави“ дека е Илинден и дека е ред да честита.Крешник Бектеши, поранешен министер за економија, посветил внимание за да ја критикува Владата, за да се извинува на Косово, а знаел и дека се слави Илинден. Посветил објава на претседателката Гордана Силјановска-Давкова, но за да ја искритикува, а не за да честита.<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2FMinisterKreshnikBekteshi%2Fvideos%2F472217848919122%2F&show_text=false&width=380&t=0" width="380" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>Артан Груби, во негов стил, реши националистички да раскажува како Албанците сега се понижени, а во нивно време биле лица кои одлучувале во Македонија. Илинден, не слави.„Косово, прости ни!  Од газда во станар, од одлучувач до слуга, од горд до рако-бакнувач, од достоинствен до безрбетен, од бел браз до црнило, од учен до неук, од храбар до кукавица, од владеење во служење, од победник во губитник, од Европа и Америка во Русија и Србија, од Али Ахмети во Иван Стоилковиќ!“, напиша Груби.Собраниска делегација, беше предводена од потпретседателката Весна Бендевска, во состав: Емил Спасовски, Љупчо Николовски и Драган Недељковиќ, а положи свежо цвеќе во Меморијалниот центар АСНОМ во Пелинце. Марија Петрушевска, Оливер Спасовски и Бобан Карапејовски, положија свежо цвеќе во Скопје: на Споменикот на Методија Андонов-Ченто, Плоштад „Македонија“; Споменикот на АСНОМ, Парк „Жена борец“; Споменикот на Никола Карев, пред Собранието.

Македонија | пред 1 година

Пронајдена Клара, која се бараше откако ја немаше цела ноќ

Клара, која беше исчезната од вчеравечер, е пронајдена во близина на Железничката станица во Скопје, потврдуваат од МВР за „Скопје1“. Таа избегала по семејна расправија и според пријавата има здравствени проблеми.Според првичните информации, девојчето преспало под отворено небо.Девојката е во добра здравствена состојба и е со мајката.Детали се очеквуаат од МВР.

Македонија | пред 1 година

„Дождот кој врне локално засега не ни помогна никаде“, гори на девет локации, во охридско е под контрола

Во текот на изминатиот ден 02.08.2024 година (петок), имало вкупно 40 пожари на отворен простор, од кои во моментов 9 се активни, 5 се под контрола и 26 се изгаснати.„Дождот кој врне локално засега не ни помогна никаде“, вели директорот на ЦУК, Стојанче Ангелов.За пожарот во охридско додава: „Косел моментално е под контрола, има горење само во еден дол. Има доволно ресурси на терен“.1. Општина Македонски Брод: с.Тажево – с.Брезница – Крак кон Јасен2. Општина Пробиштип 1: с.Зелениград – с.Јамиште3. Општина Пробиштип 2: с.Долно Барбарево4. Општина Пласница: с.Пласница – с.Латово, Македонски Брод5. Општини Демир Хисар и Охрид: Илинска Планина6. Општина Зелениково: Смесница – Страхојадица – Градовци7. Општина Охрид: Косел – Волино – Опеница8. Општина Студеничани: с.Вртеќица9. Општина Ново Село: с.БадиленПОД КОНТРОЛА: 51. Општина Пехчево: с.Негрево2. Општина Кочани: с.Пресека3. Општина Кратово: с.Татомир4. Општина М.Брод: с.Грешница5. Општина Свети Николе: с.ПатетиноИЗГАСНАТИ: 261. Општина Свети Николе: Долно и Горно Ѓуѓанци2. Општина Старо Нагоричане: с.Малотино и Жегљане3. Општина Липково 1: с.Слупчане4. Општина Липково 2: с.Лојане5. Општина Липково 3: с.Ваксинце – с.Слупчане6. Општина Липково 4: с.Матејче7. Општина Радовиш: ул.Тоцко Андонов8. Општина Боговиње: с.Горно Седларце9. Општина Виница: м.в.Виничко Поле10. Општина Гостивар: с.Дебреше11. Општина Струга 1: с.Ложани12. Општина Струга 2: пат Струга – Калишта13. Општина Дебар 1: с.Блато14. Општина Дебар 2: с.Спас15. Општина Кичево 1: с.Зајас16. Општина Кичево 2: с.Мамудовци17. Општина Кичево 3: с.Долно Пашино18. Општина Охрид: ул.Јовица Новичич19. Општина Сарај 1: с.Горни Крушопек20. Општина Сарај 2: с.Семениште, м.в.Рамниште21. Општина Сарај 3: с.Копаница22. Општина Центар: под Кале, кај резиденција на МПЦ;23. Општина Студеничани: с.Студеничани24. Општина Шуто Оризари: ул.Гвадалахара25. Општина Петровец: с.Ржаничино26. Општина Бутел: с.Љуботен

Македонија | пред 1 година

Исчезнатата Клара има здравствени проблеми, избегала по расправија

Исчезнатата Клара е пријавена и во полиција, а од МВР има и потрага. Девојчето од Илинден има здравствени проблеми.„На 02.08.2024 околу 23.45 часот И.Т. (33) од н.Илинден, Скопје пријавила дека на 02.08.2024 околу 18 часот нејзината малолетна ќерка К.Р. (14) се оддалечила од домот. К.Р. имала здравствени проблеми, а причина за оддалечувањето била претходна расправија помеѓу К.Р. и И.Р“, велат од МВР за „Скопје1“.Се преземат мерки за пронаоѓање на лицето.

Македонија | пред 1 година

Пица наместо правда: Нефи Усеини посилен од државата и охридскиот суд

Си ги рекламира бизнисите, си го полни чекмеџето, за обвиненијата „уво не го боли“. Вака од прилика многумина го доживуваат охридскиот бизнисмен Нефи Усеини дел од структурите на ДУИ. Во Охрид ќе ви кажат: „никој ништо не му можит“. Интересно е што тоа така изгледа и во пракса, до сега. Усеини важи за тендераш, но и тепач. Но, натепаните креваат раце од желбата за правда. Особено интересно е што и државата крева раце пред Усеини, ако се има во предвид дека тој уште пречекува гости во дивоизграден објект во чаршијата.Речиси секоја вечер, пицеријата на Нефи Усеини нагостува странци, но и домашни туристи. Некои со пица, други со чорба, трети со по некое виски. Не наздравуваат за дивоградбата во која седат, оти сигурно не ни знаат каков е објектот, а ниту чиј е. Знае државата, обвинителката Викторија Коваческа Мандулоска, но охридскиот суд е „тежок за убедување“.Овој август, Нефи Усеини може да прослави две години откако започнаа судењата против него за дивоизградениот објект во старото охридско јадро, но и пет години откако е покренато обвинение против него. Пресуда нема. Дали правдата е спора или никогаш нема да дојде – не се знае. „Скопје1“ во континуитет ја следеше постапката против Усени, која ја суди судијата Бојан Мариноски. Последно го прашавме претседателот на судот, Васил Баткоски, до каде е постапката – но не добивме одговор.Нефи Усеини не треба да биде загрижен ниту за истрагата која се води против него за бетонската база која ја стави и тргна на локација близу Охридското Езеро, на стариот пат Охрид-Струга. Одолговлекувањето на неговиот распит го развлекуваше предметот, па обвинителот е далеку од обвинение.Веќе познато е дека Усеини за тепањето на советник во Општина Охрид беше парично казнет, додека натепан сограѓанин (Спиро Топаловски) кој сведочеше јавно – се откажа од гонење и пред судот изјави дека се пријатели.Особено интересно е што додека траат сите овие процеси, Нефи Усеини почнал да се рекламира и по дискотеки. „Скопје1“ дојде до материјал од кој се гледа како во едно познато диско во Охрид, на еден од ѕидовите виси напис „Нефи-ИК“, фирма со која Усеини добиваше милионски тендери.Охриѓани ќе искоментираат: „мојт да ја рекламират и охридскава (не)правда“.

Македонија | пред 1 година

„Намерно предизвикавте инцидент и провоцирате“, Косово со тешки обвинувања за Македонија поради инцидентот со нивната преседателка

Остра реакција и обвинувања за Македонија пристигнаа од Косово, откако тамошната претседателка Вјолца Османи имаше инцидент среде скопскиот аеродром, каде се вклучија и обезбедувачи на собранискиот спикер Афирм Гаши. Косово испрати и протесна нота со барање од Македонија одма се да објасни поврзано со турканиците. Тие бараат и МВР со Обвинителството да делуваат побрзо при расчистување на случајот. Косово даде и свои квалификации за настанот, па велат: „Ситуацијата на скопскиот аеродром не може поинаку да се објасни ниту да се оцени освен како чиста провокација и намера за предизвикување инцидент“.Министерката Грвала денеска во МНР оствари средба и со вицепремиерот на Македонија, Арбен Фетаи со кого разговараше за предметниот инцидент и потребата од преземање брзи институционални дејствија. Во рамки на преземените дејствија, министерката Гервала вчера попладне прими телефонски повик од нејзиниот македонски колега, министерот за надворешни работи Тимчо Муцунски, при што беше изразена загриженоста на косовските институции за вчерашниот инцидент, се наведува во соопштението од косовското МНР.Оттаму ја правдаат Османи дека таа ја дала чантата да се стави на скенирање, иако, како што тврдат, тоа не смееле да го прават. Признаваат дека нивната преседателка одбила да го тргне телефонот на страна, пред да помине на скенер.„Ова е невидена тенденција за оцрнување не само на претседателката, туку и на државата Косово. Северна Македонија треба да има предвид дека ваквата пропаганда се прави против една претседателка, која во текот на целиот свој мандат придонесе единствено за продлабочување на позитивните односи меѓу Косово и Северна Македонија“, додаваат од косовското МНР.

Македонија | пред 1 година

Мртов е пронајден скопјанецот Томе, по кого се трагаше скоро цела недела

Скопјанецот Томе Божиновски, лице со деменција по кое се трагаше скоро цела недела, е пронајден мртов. Веста ја објави неговата ќерка Мерима Божиновска, која се прости од татко и. Нема детали што точно се случило и каде е пронајден.„Драги соседи,пријатели,познаници огромна благодарност што изминатите 5дена бевте овде со нас, не бевме сами сите кој го баравме неуморно. Денес на 02.08.24 Нашиот родител, сопруг, ваш пријател и сограѓанин Томе Божиновски беше пронајдено неговото безживотно тело“, објави Божиновска вчеравечер.Сега починатиот е лице со деменција кој на 29.07 излезе од дома и не се врати.

Скопје | пред 1 година

Навивачи тргнаа да го спасуваат охридско од пожар

Навивачката група „Рибари“ од Охрид повика на собир за гаснење на пожарот во близина на градот. Тие утрово се собираа пред Противпожарната бригада и заминаа на терен.„ОХРИДСКО е во пламен! Итно сме потребни како доброволци, да помогнеме во гаснењето на пожарите! Сега сме му најпотребни на Охрид и Охридско! Повик до сите рибари и до сите доброволци! Утре во 07:00 пред пожарна!“, стои во апелот.Тие дадоа и насоки да се понесат чизми, заштитни маски, маици.

пред 1 година

Осудениот поранешен судија: Давкова не го погледнала предлогот за мое помилување, патиштата со неа и Мицкоски тука завршуваат

Осудениот поранешен судија, Владимир Панчевски, кој одговараше за АКМИС-системот, побарал од претседателката Гордана Силјановска-Давкова да биде поминуван. Но, како што пишува на социјалната мрежа „Фејсбук“, тој предлог не бил ниту погледнат, ниту таа била заинтересирана. Според него, за неа и претседателот на Владата, Христијан Мицкоски поважна работа била да се згрижи Павле Трајанов на функција.ПОГОВОРКАТА ВЕЛИ:“Ако не си со мене тогаш си спроти мене, ќе дојде ден кога ќе треба да се сретнеме и во очи да се погледнеме”Иако Управата на Затвор Скопје пред два месеци даде предлог до Претседателот на државата за мое помилување на предлог на установата, претседателката Гордана Силјаноска Давкова инаку моја прва комшика предлогот воопшто не го ни погледнала, ниту се заинтересирала, но затоа првата споредна - најважна работа на Претседателката Силјановска и на Премиерот на Владата биле да се згрижи на функција Павле Трајанов долгогодишниот семеен пријател на Давкови и да се помилуваат некои анонимни лица како Миран Латиф и останати “заслужни” лица предложени од Ковид профитерот Игор Филков министер во широката коалиција СДС - ВМРО... (секако се радувам за Миран можеби заслужил човекот) за Павле нема да коментирам секој сам си го одбира друштвото во кое ќе биде. Само ќе се присетам дека до неодамна во владата на Зоран Заев истиот тој неколку пати гласаше да им се земаат имунитетите на пратеници од ВМРО за да може да бидат притварани, да не зборам за референдумот, договорот со Бугарија и т.н…На споменатите им се заблагодарувам и им посакувам долг живот! Нашите патишта завршуваат тука! Имав можеби уште многу да напишам но ќе има и време и мегдан! Мојата казна во целост, без милост и условни отпусти и попусти кои никогаш нема да ги барам завршува за три ипол месеци, животот продолжува и не е само еден ден, еден мандат или функција! Животот сам ги чисти нечесните од твојот живот и продолжуваш понатаму.Не сме сите исти, овој гест ќе го паметам до крајот на животот, а ќе го паметат и моите малолетни деца! Постов е напишан само за да сведочи за историски факти кој, кога, кому и зошто! Кој бил на чија страна! Каде биле пријателите, комшиите, соборците..“, напиша тој.[caption id="attachment_298410" align="alignnone" width="1340"] Screenshot[/caption]Инаку, секоја година, претседателот на Македонија за Илинден дава помилувања за осуденици, процедура која ја спроведува заедно со Министерство за правда, Комисијата и затворите.Комисијата за помилување која е на чело со професорот Методија Каневчев даде зелено светло за помилување на 5 осудени лица – двајца се целосно ослободени од понатамошно издржување на затворската казна, а тројца делумно во траење од 2 до 4 месеци. Имињата од кабинетот не ги соопштија, но се обавени во одлуката во Службен весник, а меќу нив нема ниту едно познато за јавноста..

Коментари | пред 1 година

Гаши не ја признава државата чиј пратеник е, Османи не ја почитува Македонија, алармира Најчевска по скандалот на аеродромот

Професорката по право, Мирјана Најчевска ја обвини претседателката на Косово, Вјоса Османи за непочитување на институциите на Македонија и државата. Истовремено, смета дека Гаши покажал дека не ја признава државата чиј пратеник е.„Прво, низ скенерот на аеродром не смее да се помине се телефон. Значи телефонот мора да биде оставен настрана. Второ, со претседателката на Косово требало да има лице од амбасадата на Косово во Македонија а нејзиното обезбедување нема никакви ингеренции освен заштита на нејзиниот физички интегритет. Трето, доколку имало некаков проблем лицето од амбасадата треба да реагира до МНР кое е единствено надлежно за разрешување на вакви ситуации.Вмешувањето на обезбедувањето на Гаши е спротивно на законите и треба да биде соодветно санкционирано (доклку имало репетирање на пиштол треба да се бара и кривична одговорност. Со тоа што Претседателката на Косово му се јавила на Гаши наместо да оди преку регуларни канали на институциите на Македонија покажала елементарно непочитување на државата во која во моментот се наоѓа. Со тоа што Гаши испратил свое обезбедување да решава проблем поврзан со странски граѓанин Гаши покажал дека не ја признава државата чии пратеник е и не ги признава нејзините институции“.

Коментари | пред 1 година

Шилегов до Зечевиќ: Годинава вардарскиот во Паљури го јава коњот

Екс градиначалник на Скопје и виден функционер на СДСМ Петре Шилегов, ја продолжува расправијата со генералниот секретар на СДСМ во оставка, Миле Зечевиќ Вардарски.На ФБ напиша:,,Годинава вардарскиот во Паљури го јава коњот ….Без падобрани. Паднат од небо !!!Ех моја СДСМ …”Препукувањата се по катастрофалниот пораз на изборите на СДСМ на изборите, за што членството вината ја лоцира кај раководството, меѓу нив и Зечевиќ.Зечевиќ минатата година јаваше со коњ на Илинден, во Крушево, што сопартијците го критикуваа.

Коментари | пред 1 година

Сиљановска Давкова: Мора да ги вложиме сите наши лични и институционални капацитети за да го спречиме иселувањето

Претседателката Гордана Сиљановска Давкова, по повод 2 Август, Илинден - Денот на Републиката, ја упати следната честитка:Ви го честитам најголемиот македонски празник – 2 Август – Илинден. На овој празник на светлината се потсетуваме на борбата за слободна македонска република што ја започнаа Илинденците а ја продолжија учесниците во народноослободителната и антифашистичка војна. На 2 август 1944-та, пред точно 80 години, делегатите на АСНОМ ја воспоставија македонската држава како република на национална слобода и социјална правда, на рамноправни граѓани, „не гледајќи на нивната народност, пол, раса и вероисповедание“.Право и должност на секоја генерација е да ја продолжи борбата и да го обновува духот на македонската република, усогласувајќи го со новите околности и новите можности.Борбата на нашата генерација е, чувајќи го наследството на илинденците и асномците, да ја направиме нашата македонска република пристојно место за живеење, што ќе им дава еднакви шанси за напредок на сите нејзини граѓани, република што ќе биде грижлива кон најдобрите, инклузивна кон различните, солидарна кон ранливите и праведна кон сите. Мора да ги вложиме сите наши лични и институционални капацитети за да го спречиме иселувањето и да создаваме иднина за младите, тука, во нашата заедничка македонска татковина. Таа борба ќе ја добиеме со европеизација на државата, со владеење на правото и искоренување на корупцијата, со компетитивна економија и грижа за животната средина, со сплотување околу општото добро и јавниот интерес.Драги сограѓани,Додека го одбележуваме Илинден, храбрите пожарникари, војници и волонтери со натчовечки сили се борат против огнените стихии за да ги спасат нашите шуми, и животите и имотите на нашите граѓани. Да им помогнеме и да ги поддржиме, и со тоа активно да учествуваме во борбата за доброто на граѓаните и иднината на републиката.Нека ни е за многу години Илинден!Да ни е вековита македонската република!

Македонија | пред 1 година

Гаши си го правда обезбедувањето за инцидентот на аеродром: Они ги смируваа!

Кабинетот на претседателот на Собранието на Северна Македонија, Африм Гаши, демантира какво била вмешаност на членови на неговото лично обезбедување во денешниот инцидент на скопскиот аеродром, како што пренесуваат одредени медиуми.“Наспроти овие информации, членовите на безбедносниот тим на претседателот на Собранието Гаши биле присутни само за да се смири ситуацијата настаната од недоразбирањето меѓу обезбедувањето на претседателката на Република Косово, Вјоса Османи, и припадниците на аеродромското обезбедување.Обезбедувањето на претседателот Гаши, кои се вработени во МВР, интервенирале да ја смират ситуацијата и да им помагаат на нивните колеги за спроведување на безбедносните постапки при посета на ВИП личности.Притоа потенцираме дека секое известување кое го сугерира спротивното е тенденциозно. Исто така ги повикуваме и медиумите кои известуваат за овој настан да ги проверат тие информации пред да објават вакви тврдења и да постапат со професионална и етичка одговорност”, велат од Гаши.

Македонија | пред 1 година

Од ТАВ раскажаа што се случило на скопскиот аеродром со обезбедувањето на Гаши: не беше загрозена безбедноста

“Во врска со објавата за инцидентот кој се случи денеска на Меѓународниот Аеродром Скопје, во ВИП-салонот, би сакале да известиме за следното:Во согласност со Законот за воздухопловство и меѓународната законска регулатива која се однесува на обезбедување на цивилното воздухопловство, ТАВ Македонија како аеродромски оператор има законска обврска за спроведување на безбедносен преглед на сите патници, багаж и стоки на летовите од Меѓународниот Аеродром Скопје и од Аеродромот Свети Апостол Павле Охрид, вклучувајќи ги и патниците кои патуваат преку ВИП-салонот.Оттука, Одделот за Обезбедување на ТАВ Македонија, постапувајќи во рамките на своите овластувања спроведе стандардна безбедносна проверка на споменатиот патник како и на неговиот багаж, на пунктот за безбедноста проверка во ВИП- салонот, со цел обезбедување на конкретниот комерцијален лет.Сакаме да потенцираме дека авијациската безбедност не беше загрозена, поради тоа што споменатиот инцидент се случи во јавната зона на аеродромот, односно пред пунктот за безбедносна проверка на ВИП-салонот од каде ВИП-патниците откако ќе бидат проверени од Обезбедувањето се упатуваат во безбедносно-контролирана зона на аеродромот.Исто така, сакаме да потенцираме дека ВИП-салонот е посебна зграда изолирана од главната терминална зграда на скопскиот аеродром, што значи дека е комплетно неточно дека била загрозена безбедноста на патниците.Со цел точна слика за случката и спречување на ширење дезинформации, за сите детали во однос на инцидентот, ги упатуваме медиумите да се обратат до надлежните институции”, велат од ТАВ Македонија за инцидентот со обезбедувањето на Африм Гаши.

Македонија | пред 1 година