ТОП

Голема тепачка избила во затворот во Шутка: Десет души натепале двајца затвореници, кои биле однесени во болница

Голема тепачка избила во затворот „Скопје“ во Шутка, дознава „Скопје“ од свои извори. Според првичните информации, вербална расправија прераснала во пресметка каде 10 лица физички натепале двајца затвореници. Натепаните се однесени во болница, потврдува и новиот директор на затворот, Бобан Утковски.Утковски за „Скопје1“ потврдува дека се употребени и предмети за да се нанесат удари на сега повредените затвореници. Според првичните информации, станува збор за држачи од кревети и вентилатори, кои имаат остри агли. Причината била поради банална вербална расправија.„Физичката пресметка била околу 14 часот. Две лица се однесени во болница. Тие се прегледани и според досегашните информации имаат полесни повреди. По враќањето ќе бидат сместени во посебни простории“, вели Утковски за „Скопје1“.Затворот „Скопје“ во Шутка беше мета на критики по доаѓањето на новото раководство во Управата за санкции и управната зграда. Утковски во повеќе наврати посочи дека работи на средување на состојбите и условите.

Македонија | пред 1 година

Итно да се затвори ЗОО-Скопје, годиниве се случува класичен помор на диви животни под неразјаснети околности, велат од Анима Мунди

Здружението за заштита на животните, Анима Мунди, бара итно затворање на Зоолошката градина во Скопје. Според нив, се случува класичен помор на дивите животни под неразјаснети околности и образоженија за кои јавноста се сомнева и е скептична.„Денешната вест за трагичната смрт на една од слониците Дуња во скопската зоолошка градина повторно разбуди бес и загриженост за благосостојбата на дивите животни кои под параван на "едукација и забава" се држени како затвореници во современа човечка творевина нималку слична на нивниот природен хабитат.Како некоја досега невидена и нечуена шема на смрт, се почесто низ годиниве наназад се случува класичен помор на дивите животни во ЗОО Скопје под неразјаснети околности и образложенија за кои јавноста е скептична и се сомнева дека позади сите овие трагедии се крие негрижа и неуспешно менаџирање.Бараме независна истрага од надворешни експерти за да се обезбеди објективност и темелност, да се утврдат основните причини за овој помор без разлика дали се поврзани со медицинска нега, услови за живеење или практики на управување.Бараме да биде даден на увид на јавноста извештајот од докторите по ветеринарна медицина од Белгија кои ја прегледале Дуња.Бараме ИТНО затварање на зоолошката градина во Скопје бидејќи условите не се во согласност со принципите на хуман и етички третман на животните и нималку се едукативни и забавни.Бараме релокација и рехабилитација на сите животни во надворешни акредитирани центри и резервати кои ги исполнуваат највисоките стандарди за грижа.Бараме одговорност за сите досега залудно изгубени животи и исполнување на се од горенаведеното како единствен начин за спречување на овој помор.Должни сте спрема јавноста, спрема тие диви животни со чие заробеништво со години профитирате да сте транспарентни!“, велат од Анима Мунди.

Скопје | пред 1 година

Бебе донесено починато во струшката болница

Бебе било донесено во струшката болница без знаци на живот. Сѐ се случувало вчера вечерта, околу 22 часот. Во полицијата било пријавено од страна на болничарите.„На Детското одделение во Општата болница во Струга од родителите било донесено четиримесечно машко бебе од струшко село без знаци на живот. Според пријавеното, тие претходно повикале екипа од Итната медицинска помош – Струга, кои во семејниот дом извршиле реанимација, по што бебето го пренеле во болницата, каде била констатирана смрт“, изјави Димоски.По наредба на јавен обвинител, врз телото на бебето ќе биде извршена обдукција, која треба да покаже како настанала смртта.

Македонија | пред 1 година

Се огласија од ЗОО-Скопје: Не можеше да се спаси, одлуката да не страда е од белгиски тим

Скопската Зоолошка градина по еден ден откако ја евтанализрале слоницата, а по скоро шест часа откако телото го фрлија во депонијата Дрисла и „Скопје1“ го сподели ова, објавија што точно се случувало со неа. Тие тврдат дека тим од Белгија решил дека не може да се спаси со операција ниту третман.„Со голема жалост ве информираме дека во текот на вчерашниот ден (06.08.2024 год.), азиската слоница Дуња по насока на сопствениците кои ја позајмија на нашата зоолошка- „Pairi Daiza" од Белгија, одлучија со тимот експерти (ветеринар, офтамолог и сениор зоо негувател на тимот за слонови) кои изминатите денови ја прегледуваа слоницата донесоа одлука за евтаназија на слоницатаНиту еден третман ниту операција не можеше да ја спаси, а одлуката на сопствениците од Белгија беше од стручниот меѓународен тим за да таа не страда.Последнава година слоницата Дуња појавуваше симптоми на длабока старост и изнемоштеност и се констатираа повеќе здравствени проблеми кај Дуња, типични за шеестгодишна слоница.Дуња скоро и да не гледаше, имаше проблеми со вилицата и забите, а ден претходно беше направен преглед и констатиран е комплексен дентален проблем.За процесот на обдукција и останките, Зоолошка градина Скопје ги следеше законите и правилата, како и консултации со тим од Факултетот за ветеринарна медицина.Инаку нашата Дуња најголем дел од својот живот го има поминато во шведски патувачки циркус, патувајќи низ цела Европа. Со забраната за користење на животни во циркуси точки, оттаму Дуња и Даела патуваат во Белгија, во еден од најубавите паркови за слонови во светот- „Pairi Daiza", каде се констатира дека за жал поради трауматичното минато двете слоници Дуња и Даела нема да можат да живеат во социјална група со други слонови.Оттогаш, во 2018 година доаѓаат во Скопје за да ги живеат нивните „пензионерски денови".Посетителите на Скопје ЗОО од 29.09.2018 имаа прилика да уживаат и да се едуцираат со нивното присуство, а од вчера ја имаме самп нашата африканска слоница Даела, за чиј статус дополнително ќе се одлучи заедно со европската група за слонови. Дуња, бескрајно ќе ни фалиш на сите, ни беше чест што имавме можност да се грижиме за тебе во твоите „пензионерски" денови“, велат од ЗОО-Скопје на „Фејсбук“.

Скопје | пред 1 година

(Видео) Началници и полицајци затекнале возач кој летал со 272 километри на час и не го казниле - сега ќе одговараат

Поведена постапка против началници и полициски службеници што не санкционирале возач кој возел со 272 километри на часОдделот за внатрешна контрола, криминалистички истраги и професионални стандарди достави известување до Основното јавно обвинителство за гонење на организиран криминал и корупција против четворица полициски службеници кои не презеле мерки согласно Законот за безбедност на сообраќајот на патиштата против возач кој се движел со брзина од 272 километри на час, туку учесникот во сообраќајот бил само предупреден.По извршените проверки, преглед во службениот материјал и увид во видео снимките од радар за ден 06.05.2024, констатирано е дека двајца полициски службеници, постапувајќи по наредба за мерење на брзината на движење на возила со радар на автопатот Скопје-Велес, констатирале сообраќаен прекршок, односно измериле брзина на движење на моторно возило „порше“ од 272 километри на час, на место каде движењето било ограничено на 120 километри на час со сообраќаен знак.Наместо да изготват записник за констатиран прекршок и прекршочен платен налог, имајќи предвид дека за ваков вид на прекршок согласно член 36 став 3 од Законот за безбедност на сообраќајот на патиштата е предвидена глоба во износ од 400 евра во денарска противвредност и забрана за управување со моторно возило од шест до 12 месеци, на сторителот му изготвиле само предупредување за сторен сообраќаен прекршок.Началникот на Мобилна единица за безбедност на сообраќајот на патиштата побарал од началникот на Оддел за униформирана полиција - Сектор за сообраќајни работи да не биде напишана казна за сторениот прекршок, поради што началникот на Оддел за униформирана полиција - Сектор за сообраќајни работи извршил влијание врз полициските службеници да не констатираат прекршок по член 36 став 3 од Законот за безбедност на сообраќајот на патиштата, туку само да изречат предупредување.Против четворицата полициски службеници поднесен е и предлог за поведување на постапка за потешко кршење на работниот ред и дисциплина.

Македонија | пред 1 година

Влен го брани Гаши: Со фанфари се бара политичка одговорност, се прави конструкција со обезбедувањето

„Како и во секој политички експеримент, така и во интерпелацијата за Претседателот на Собранието, Африм Гаши, има неопходни елементи. Потребен е мотив како аеродромскиот инцидент. Потоа, координирано се креира хистерија во јавноста“, велат од Коалицијата ВЛЕН.Тие додаваат:„На фанфари се бара политичка одговорност. Се прави конструкција со обезбедувањето на Претседателот на Собранието. Левица е подносител на интерпелација, СДСМ е подржувач, а ДУИ бара алиби за јавно да влезе во ова друштво и од страничен подбуцнувач да ја преземе улогата на политички координатор.Што е целта? Сигурно не е одбрана на дипломатските односи со Косово, ниту Охридскиот Рамковен договор, туку целта е да се предизвика политички земјотрес. Зошто? За да се стави на тест владиното мнозинство и да некој да провери дали опозицијата може да најде заеднички интерес да делува здружено.Пратениците на ВЛЕН се подготвени да ја бранат честа на Албанскиот народ, стратешкото партнерство со САД и ЕУ вредностите. Клучната дилема е дали ДУИ до толку е исплашен од тоа што следи што е подготвен да се координира и со Левица само да не се зборува за криминалот на нивните поранешни функционери? Доаѓа време за вистината!“.

Македонија | пред 1 година

Шест пожари низ Македонија: уште гори во Охрид и Јасен

ЦУК: Вчера, вторник, 06.08.2024 година на територија на државата имаше вкупно 41 пожари на отворен простор, од кои во моментов 6 се активни, 9 се под контрола и 26 се изгаснати.АКТИВНИ: 61. Општина Македонски Брод: с.Тажево – с.Брезница – Јасен;2. Општина Демир Хисар и Општина Охрид: Илинска Планина, с.Витово, Базерник, с.Мали Илино и с.Брежани;3. Општина Чашка: с.Папрадиште – с.Ореше;4. Општина Петровец: с.Градманци – Дивље;5. Општина Кочани: м.в.Панаѓур, кај одмаралиштата на Пониква;6. Општина Студеничани: с.Драчевица – с.Црвена Вода;ПОД КОНТРОЛА: 91. Општина Студеничани 1: м.в.Дрешница над с.Батинци;2. Општина Студеничани 2: с.Долно Количани – с.Горно Количани кон с.Вражале;3. Општина гевгелија: с.Негорци;4. Општина Охрид: Галичица;5. Општина Дојран и Богданци: с.Фурка кон Богданци;6. Општина Македонски Брод: с.Слатина;7. Општина Пласница: с.Пласница (изгаснат) – с.Латово (чади);8. Општина Делчево: Депонија Делчево;9.Општина Прилеп: с.Лениште;ИЗГАСНАТИ: 261. Општина Зелениково: с.Вражале;2. Општина Кисела Вода: Маркова река – пат кон Драчево;3. Општина Чучер-Сандево 1: месност Голиево;4. Општина Чучер-Сандево 2: с.Средно Блаце;5. Општина Гази Баба: с.Раштак;6.Општина Сарај: с.Глумово;7. Општина Охрид: Косел – Расино – Опеница – Вапила;8. Општина Пробиштип: с.Зелениград – с.Јамиште;9. Општина Валандово: с.Пирава;10. Општина Гостивар 1: нас.Питарница;11. Општина Гостивар 2: Хоум центар;12. Општина Врапчиште с.Градец;13. Општина Тетово: зад Фабрика Федербау;14. Општина Желино: с.Ларце;15. Општина Теарце: с.Глоѓи;16. Општина Велес: автопат Велес – Скопје, кај база на Македонија Пат;17. Општина Липково: с.Матејче;18.Општина Кичево 1: с.Добреноец;19.Општина Кичево 2: с.Зајас;20. Општина Струга: с.Волино;21.Општина Битола: Околината на Битола;22.Општина Дебар: с.Баланци;23. Општина Старо Нагоричане. с.Степанце;24.Општина Куманово: с.Романовце;25.Општина Прилеп: с.Лагово;26. Општина Радовиш: с.Подареш – с.Калуѓерица;

Македонија | пред 1 година

(Видео) Автобус на ЈСП со патници остана без гума, потврди директорот: едната пукнала, другата се тркалаше по Партизанска

Една гума пукнала, другата од притисокот излетала на булеварот „Партизански одреди“, посочува директорот на ЈСП, Драги Кушовски за „Скопје1“ откако објавивме снимка од која се гледа целиот инцидент. Според директорот, кога возачот увидел што се случило, одма го запрел автобусот.Директорот посочува дека во автобусот имало неколку патници, но не и повредени. Во МВР до пладнево, инцидентот не бил пријавен.Од снимката се гледа како гумата стотина метри се движи долж булеварот, па завршува на тротоар.Автобусите на ЈСП станаа “распад систем”. Постојано се расипуваат, некогаш и среде булевари. Најстрашен беше примерот кога автобус влета на жардењера, а возачот сведочеше дека причината е неисправност. Изминатиот месец, два автобуси се запалија, од кои еден под Железничка, друг во Бутел 2.

Скопје | пред 1 година

Левица бара Гаши да виде сменет, поднесоа интерпелација за работата на собранискиот спикер

Пратеничката група на Левица поднесе интерпелација за работата на претседателот на Собранието, Африм Гаши.– Пратеничката група на Левица денеска во Парламентот поднесе интерпелација за работата на спикерот Африм Гаши. Споре Левица, тој воведува непринципиелни политики во Собранието.Во интерпелацијата се наведени седум точки, образложени на десет страници.Претседателот на Левица Димитар Апасиев на прес-конференција рече дека очекува претседателот на Собранието, Гаши, да ја стави на дневен ред на седница по летниот одмор, односно на почетокот на септември, на првата наредна седница по истекот на 10 работни дена.Првите две точки се однесуваат на повреда на секуларноста на државата со групната молитва во Собранието што ја направил Гаши и повреда на дипломатските правила за обезбедување ВИП-личности со инцидентот на Скопскиот аеродром пред пет дена во кој учествуваше шефот на обезбедувањето на Гаши.Во однос на групната молитва Апасиев рече дека е „нешто без преседан во историјата на македонското Собрание“.Втората основа е повреда на дипломатските правила за обезбедување ВИП личности, а тоа е актуелниот случај кога шефот на обезбедувањето на спикерот на македонското Собрание учествуваше во практично дипломатски скандал на Меѓународниот аеродром во Скопје и спикерот Гаши јавно призна дека лично ја дал наредбата за негова интервенција во недозволена ареа, рече Апасиев.Основи на барањето Гаши да се отповика од функцијата, според Левица, се и повреда на употребата на македонскиот јазик затоа што Гаши, како што рече Апасиев, „свесно го истиснува македонскиот јазик и неговото кирилско писмо и воведува илегална двојазичност дури и за пратениците кои се Македонци“, потоа повреда на правилата за употреба на државните инсигнии со тоа што во пленарната сала, спротивно на законот „нелегално стојат уште две други знамиња, знамето на НАТО и знамето на ЕУ каде што ние се уште не сме членки“.Повредено е, рече, и начелото на инкомпатибилност на функциите, односно го повикуваат на политичка одговорност Гаши затоа што не констатирал престанок на мандатот на новоизбраниот пратеник Талат Џафери „кој илегално ги извршуваше функциите премиер и пратеник“.Шестиот основ е повреда на законските и етичките одредби за антинепотизам, со тоа што сопругата на Гаши патуваше со него во Вашингтон повреден е Законот за спречување на корупција и е направена тешка дисциплинска повреда на етичкиот кодекс за пратениците.И последниот основ е повреда на низа деловнички одредби за нормална работа на пратениците поради тоа што не се почитуваат императивните рокови за закажување седници, поради тоа што продолжува лошата пракса на шверцување закони по скратена постапка и поради тоа што не се обезбедени низа деловнички гаранции за нормално функционирање на пратениците, соопшти Апасиев.

Македонија | пред 1 година

По петти пат Арсовска смени директор во Водовод: приватизираниот Град не кажува зошто

Градоначалничката Данела Арсовска по петти пат во нејзиниот мандат го менува директорот на „Водовод и канализација“, дознава „Скопје1“. По Виктор Панчевски на кого вчера му истече мандатот како в.д. директор, назначен е нов в.д. директор.„Скопје1“ ја праша Арсовска зошто пак менува директор на претпријатието, а оттаму, не очекуваме одговор, со оглед дека таа градот го приватизираше и не дава отчет никому.Претходно, Арсовска го разреши Драган Илиевски додека тој беше на боледување. Панчевски го наследи на 6-ти февруари. По доаѓањето на функцијата градоначалник, Арсовска го назначи Златко Перински, кадар на ВМРО-ДПМНЕ, но го разреши по кавгата со Христијан Мицкоски. На негово место го стави Марјан Митовски, по неколку месеци го смени и него и го назначи за директор Илиевски, кој претходно беше в.д. во Зоолошката градина. По Илиевски, дојде Панчевски.Ваквото менување на директори не е само во ова претпријатие. „Скопје1“ дознава дека против некои претпријатија има и тужби за незаконско разрешување на директори од страна на Арсовска.

Скопје | пред 1 година

(Видео) „Ова е невидена катастрофа, ќе ви се згади животот, се срамам што живеам во овој град“, жител шета туристи и снима отпад кој стоел со месеци

Плоштадот „Филип Втори“ тоне во отпад, сведочи граѓанин, кој додава дека ова трае со месеци и години. Од снимките кои ги направи во живо се гледа зафрлена пластика, кеси и друго ѓубре.„Ова е од луѓе кои не почитуваат ништо, а како што гледате и не постојат никакви комунални служби кои би дошле и подзачистиле, за да може барем строгиот центар на градот да заличи на нешто нормално и да престанеме да се срамиме од луѓето што доаѓаат во Скопје. На сите страни има пластични шишиња, некој јадел американски крофни, надолу накај Камени мост не се ни симнувам, ќе ви се згади животот. Ова е невидена катастрофа, се срамам што живеам во овој град“, вели објавувачот, кој беше придружуван од група туристи.И скопјани со куп замерки за раководењето од страна на градоначалничката Данела Арсовска, директорите на претпријатијата кои таа ги назначува и самите претпријатија. Интересно е што и општините реагираат за ненавремено собирање на смет, а пак, „Комунална хигиена“ откако ќе го собере праќа деманти дека ете, реагирале. Дополнително, најчесто комуналците не го собираат сметот што е околу контејнерите.

Скопје | пред 1 година

Информациите за дестабилизација на земјата мора да се споделат со институциите, предизвикуваат немир кај граѓаните, вели Филипче

„Доколку Мицкоски поседува било какви информации за можна дестабилизација или нарушување на мирот во земјата, истите мора итно да ги сподели со надлежните институции. Во спротивно, тој станува соучесник или политички фактор кој можеби од таквата состојба има интерес“, вели претседателот на СДСМ, Венко Филипче.Тој додава:„Информациите за дестабилизација кои два дена по ред ги пласира премиерот предизвикуваат немир кај граѓаните, а негова лична одговорност е да превенира таква состојба. Доколку тој сам не ги сподели информациите, ги повикувам истражните органи да поведат постапка и ги истражат овие наводи.Како претседател на СДСМ која е одговорна партија, секогаш се спротиставувам на било какви форми на дестабилизација. Исто така, не смее да се дозволи ниту манипулации со чуствата на граѓаните и предизвикување состојба на тензија, без конкретна акција од страна на државата“.

Македонија | пред 1 година

Осум години од големата поплава која ги погоди Стајковци

Денес навршуваат осум години од големата поплава која ги погоди Стајковци и околните населени места од општина Гази Баба.Како последица од истата, животот го загубија 22 жители на општина Гази Баба и беше нанесена сериозна материјална штета.По повод годишнината од поплавата, градоначалникот на општина Гази Баба Бобан Стефковски во објава на својата официјална страна на фејсбук напиша:Почитувани граѓани,Денес навршуваат осум години од катастрофалната поплава која ја зафати општина Гази Баба.22 наши сограѓани ги загубија своите животи и болката по нив ќе трае засекогаш.Материјалната штета беше огромна.Домовите на жителите од Стајковци, Сингелиќ и околните населени места беа целосно уништени. Големата количина на вода за миг однесе се.Кога навидум се беше разрушено се виде светлото на крајот од тунелот. Многу општини и градови од Македонија, многу држави од светот, илјадници граѓани ја покажаа својата солидарност и хуманост кон нашата општина, нашиот дом.Како градоначалник на општина Гази Баба и денес изразувам благодарност до сите оние кои на било каков начин дадоа придонес во справувањето со последиците од поплавата.Почитувани граѓани,Жртвите од поплавата, како и солидарноста и хуманоста на илјадници луѓе кои помогнаа во справување со последиците од истата не смееме никогаш да ги заборавиме.Гази Баба се сеќава!Никогаш да не се повтори!Никогаш да не се заборави! - напиша Стефковски.

Скопје | пред 1 година

Гори охридско: пожари на Галичица и Косел

Центарот за управување со кризи (ЦУК) информира дека во текот на вчерашниот ден 05.08.2024 година (понеделник – практично во последното деноноќие), имаше вкупно 23 пожари на отворен простор, од коишто, соглано вечерните и утринските информации, три (3) се уште се активни, шест (6) се под контрола и 14 се изгаснати, а на Единствениот повикувачки број за итни случаи 112 во ЦУК имало вкупно 2 563 повици во последното деноноќие.Трите (3) пожари на отворено, што се уште се активни, се лоцирани во: Општина Македонски Брод, во пределот кај с.Тажево – с.Брезница – крак кон ЈП „Јасен“; вториот активен пожар е на територија на две општини - Општина Демир Хисар и во Општина Охрид, на Илинска Планина, во реон кај селата Витово, Базерник, Мало Илино и Брежани и третиот активен пожар е, исто така, на територијата на две општини - во Општина Дојран и Општина Богданци во реон кај с.Фурка кон Богданци.Шест (6) пожари на отворен простор се под контрола, во:1. Општина Пробиштип: с.Зелениград – с.Јамиште;2. Општина Македонски Брод: с.Слатина;3. Општина Охрид 1: Планина Галичица;4. Општина Охрид 2: Косел – Расино – Опеница – Вапила;5. Општина Пласница: с.Пласница (изгаснат) - с.Латово (активен) и во6. Општина Делчево: Депонија Делчево;Изгаснати се 14 пожари на отворено во: Општина Кичево, кај с.Бачиште; Општина Брвеница, с.Милетино; Општина Боговиње с.Жеровјане; Општина Гостивар, с. Чајле; Општина Богданци, м.в. „Погана“ кон „Ветерен Парк Богданци“; Општина Прилеп, м.в. „Теке“; Општина Неготино, кај фабриката „Македонија“; Општина Старо Нагоричане, во с.Жегљане, маало Рогожарци; Општина Василево 1 кај с.Радичево и с.Дукатино; с.Чалакли; Општина Валандово, с.Чалакли; Општина Студеничани, с.Батинци; Општина Ѓорче Петров, пкрај ул.„Скупи“; Општина Зелениково, кај с.Вражале и во Општина Студеничани, во реон меѓу с.Драчевица и с.Црвена Вода.

Македонија | пред 1 година

Почина новинарот Саше Димовски

Тажна вест утрово во новинарските кулоари. На 47-годишна возраст почина новинарот Саше Димовски.Тој боледуваше од дијабетес, по што му беше ампутирана ногата, а се собираа и средства за негова рехабилитација.За жал, Димовски не ја издржа битката до крај.Колегите се простуваат од него на социјалните мрежи.Беше претседател на Совет на чест на ЗНМ, а неодамна беше именуван во Комисијата за помилување на претседателката Гордана Сиљановска Давкова. Работниот век го помина во Канал 5, Сител, Алфа ТВ, основач е на svedok.mk, а беше соработник во повеќе медиуми во областа на правосудството. Автор на голем број публикации од областа на правосудството и медиумите.Погребот ќе се изврши во среда, 7.8.2024, на новите Градски гробишта во Велес.

Македонија | пред 1 година

(Видео) Да и помогнеме на МТВ да научи чиј премиер е Курти

Косовскиот премиер Албин Курти е премиер на Албанија, а гледате „Дневник“ на Македонска телевизија. Вака изгледаше неговото претставување од страна на уредничката и новинарка Сузана Фиданоска-Стоевска. На социјалните мрежи има коментари дека е дилетантизам да бидеш уредник во јавниот сервис, а да не знаеш чиј премиер се сретнал со вашиот.Интересно е што Фиданоска-Стоеска ја прочита најавата, го најави новинарот, но не застана и не се поправи. Можеби некој ќе рече лапсус, но за тоа треба извинување и повторување на веста.Граѓаните посочуваат дека јавниот сервис го плаќаме сите и за тоа треба да добиеме квалитет и професионалност.„Наместо огромните плати и варијабили кои си ги делат, може да им се организираат обуки од повеќе области“, се вели во коментарите.МРТВ ја „јаде“ времето. Се ветуваа измени и промени - но не се случија, како во делот на управниот и надзорниот одбор, така и на раководната структура.

Македонија | пред 1 година

Кривична за обезбедувањето на Гаши: го извадил пиштолот, го репетирал, се дерел, туркал за Вјоса Османи

„Кривична пријава и отстранување од работното место за полицискиот службеник кој предизвика инцидент на Меѓународниот Аеродром Скопје“, објави министерот за внатрешни работи, Панче Тошковски.„Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластување и припадници на затворската полиција, поднесе кривична пријава против С. С., началник на Одделение за лично обезбедување на претседател на Собрание поради постоење основи на сомневање дека сторил кривично дело “Загрозување на сигурноста“ по член 144 од КЗ и кривично дело “Спречување службено лице во вршење службено дејствие“ по член 382 од КЗ.Пријавениот С.С. на ден 01.08.2024г. околу 10:30 часот на Меѓународен Аеродром Скопје на паркингот пред ВИП салонот пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот, а на полицискиот службеник од ПС за ГП Меѓународен Аеродром Скопје кој извршувал работни задачи пред вратата на ВИП салонот му се обратил на висок тон, го турнал наназад со двете раце и заканувајќи му се го спречил полицискиот службеник како службено лице во извршување на неговите службени дејствија.Пријавениот С.С. бил испратен на Меѓународен Аеродром Скопје од страна на претседателот на Собрание со цел надминување на недоразбирањето кое настанало со претседателката на Косово во врска со безбедносните процедури за преглед на багаж и електронски уреди при летање со комерцијални летови.Потоа, заедно со уште двајца полициски службеници од Секторот за обезбедување на личности влегол во ВИП салонот и движејќи се во простории каде немал овластување за движење и престој, на присутните вработените на ТАВ-Скопје, полициски службеници од граничната полиција и Одделот за заштита на определени личности и објекти почнал да им се заканува по животот, водено барајќи да ја спроведе претседателката со возило до авионот.ОВККИПС согласно своите надлежности и овластувања ќе поднесе Предлог за поведување на постапка за утврдување на дисциплинска одговорност против полицискиот службеник С.С. и ќе изрече задолжителни мерки за отстранување од работното место - суспензија до завршување на дисциплинската постапка, а против полициските службвеници С.Р. и Н.Б. ќе поднесе Предлог за поведување на постапка за кршење на работниот ред и дисциплина поради извршување на незаконита наредба, несовесно извршување на работни задачи и рушење на угледот на полицијата.Како министер, секогаш цврсто ќе се залагам за еднакво применување на законот за сите. Секој мора да го почитува законот, а особено полициските службеници мора да бидат пример за почитување на законите и професионалните стандарди, бидејќи нивната одговорност е клучна за одржување на довербата на јавноста во институциите“.

Македонија | пред 1 година

Намалување на цените на горивата од полноќ

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,54 % во однос на одлуката од 29.7.2024 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,468%, кај дизелот 2,216%, кај екстра лесното масло за 1,832% и кај мазутот намалувањето е за 1,471%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,3992%.Од 6.8.2024 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 80,50 (денари/литар)Моторен бензин ЕУРОСУПЕР БС - 98 83,00 (денари/литар)Дизел гориво ЕУРОДИЗЕЛ БС (Д-Е V) 72,50 (денари/литар)Масло за горење Екстра лесно 1 (ЕЛ-1) 71,00 (денари/литар)Мазут М-1 НС 44,060 (денари/килограм)Малопродажните цени на бензинот ЕУРОСУПЕР БС-95, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит.Малопродажната цена на бензинот ЕУРОСУПЕР БС-98 не се менува.Малопродажната цена на Мазутот М-1 НС се намалува за 0,321 ден/кг и сега ќе изнесува 44,060 ден/кг.Напоменуваме дека ова се максималните цени на нафтените деривати од 00:01 часот на 6.8.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

„Ако се потврди ова ќе има одговорност“, рече Мицкоски на прашање дали ќе одговара обезбедувачот на Гаши за вперувањето пиштол во глава

Премиерот Христијан Мицкоски посочува дека инцидентот на косовската претседателка Вјолца Османи се расветлува, а посочи дека доколку има пречекорување на овластувањата од обезбедувањето на Африм Гаши – ќе има и одговорност. На прашање „дали ќе бара одговорност бидејќи обезбедувачот ставил репетиран пиштол на главата“, Мицкоски рече: „Ако ова што вие го тврдите се потврди, ќе има одговорност“.„Има надлежни институции кои ќе го расветлат случајот во два дела: првиот момент е додека не доаѓа лицето за кое зборувате и вториот е кога доаѓа лицето за кое зборувате. Доколку институциите увидат дека има сторување на кривично дело, лицето ќе биде изведено пред лицето на правдата. Нема луѓе над законот додека јас сум премиер. Ако ова што вие го тврдите се потврди, ќе има одговорност“, рече Мицкоски.Инцидентот со Вјоса Османи се случи на 2-ри август. Тогаш, според ТАВ, не дозволувала да се извршат контроли според прописите на аеродромот и меѓународните правила. По ова, се вмешало и обезбедувањето на Гаши, кое дошло да ја спасува Османи.

Македонија | пред 1 година

Обид за убиство во Чаир: 25-годишник пукал кон пешак, кого претходно го испрскал поминувајќи во вир со автомобил, поради што се скарале

Основното јавно обвинителство Скопје донесе Наредба за спроведување истражна постапка против 25-годишник за кого постои основано сомнение дека сторил кривично дело – Убиство според член 123 став 1 во врска со член 19 (во обид) од Кривичниот законик.На 17 јули, во вечерните часови во Чаир, осомничениот со мотор со голема брзина поминал покрај оштетениот и уште едно лице кои се движеле пеш и ги испрскал со вода насобрана на асфалтот. Застанал и му се извинил само на сведокот, додека со оштетениот најпрвин започнал да се расправа, а потоа и физички размениле неколку удари.Осомничениот најпрво избегал, но потоа ги пречекал во близина на детската градинка “Фидани” и со пиштол испукал еден куршум кон оштетениот, нанесувајќи му огнострелна повреда во десната страна на градниот кош и оштетувајќи му неколку органи. Сторителот веднаш повторно се дал во бегство.Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, а притворската мерка треба да се применува по неговото лишување од слобода. МВР постапува за пронаоѓање на осомничениот.

Скопје | пред 1 година

Таравари од здравство упадна во судство, па се пофали за ослободување на припадникот на УЧК: Тоа беше мисија што ја остваривме

Министерот за здравство и политичар Арбен Таравари гордо се пофали на ФБ дека ослободувањето на поранешниот припадник на УЧК, Блерим Рамадани било мисија која ја остваривме. Еве што напиша Тараваи:„Го поздравувам ослободувањето на поранешниот војник на УЧК Блерим Рамадани. Да го ослободиме беше мисија што ја остваривме и неговата слобода носи радост за сите нас”.Одлуката Рамадани, кој е баран по српска потерница, да оди од екстрадиционен во домашен притвор, официјално ја донесе Кривичен суд, а не политиката.Загрижува што по ваквата изјава на Таравари нема никаква реакција, ниту од новинарите, ниту од НВО, ниту од судската власт, ниту од политичарите, иако се работи, ако е вака како се фали Таравари - класичен упад во судството.Дали Таравари ја навестува бидејќи ја знае или притиска за конечната ослободителна одлука за Рамадани следната недела.За двојните аршини и навивањето говори податокот кога поранешниот министер за правда Бојан Маричиќ оправдано беше „распнат на клада” од сите затоа што кажа како се гласало во Апелација кога требаше Сашо Мијалков да се брани од слобода.Сега молк. Можеби бидејќи е топло и годишни одмори.

Македонија | пред 1 година

Шапмиони: Македонските јуниори го подигнуваат пехарот!

Младата машка кошаркарска репрезентација на Македонија го освои златниот медал на Евробаскетот во Скопје.Тие го подигнуваат пехарот на УП У18 Б девизија, откако во финалето ја победивме Австрија со 98:88.Од осум натпревари, имаат осум победи.ШАМПИООООООНИИИИИИИ 🇲🇰🇲🇰🇲🇰🏆 МАКЕДОНСКИТЕ ЈУНИОРИ ГО ПОДИГНУВААТ ПЕХАРОТ НА ЕП У18 Б ДИВИЗИЈА, ОТКАКО ВО ФИНАЛЕТО СЛАВЕВМЕ ПРОТИВ АВСТРИЈА (98:88)ФАНТАСТИЧНО ПРВЕНСТВО, ОСУМ НАТПРЕВАРИ - ОСУМ ПОБЕДИ

Спорт | пред 1 година

Два пожари се вон контрола, гори на три локации

Во текот на вчерашниот ден, 04.08.2024 година (недела), имаше вкупно 29 пожари на отворен простор, од кои во моментов 5 се активни, 3 се под контрола и 21 се изгаснати.1. Општина Македонски Брод: с.Тажево – с.Брезница – Крак кон Јасен;2. Општина Демир Хисар – Охрид: Илинска Планина, с.Базерник;3. Општина Гевгелија: с.Фурка кон Каравалија;4. Општина Студеничани: с.Драчевица – с.Црвена Вода, м.в.Темна Бука;5. Општина Пробиштип: с.Зелениград – с.Јамиште;ПОД КОНТРОЛА: 31. Општина Охрид: Косел – Расино – Опеница – Вапила;2. Општина Богданци: м.в.Погана према Ветерен Парк Богданци;3. Општина Пласница: с.Латово;ИЗГАСНАТИ: 161. Општина Радовиш: с.Подареш;2. Општина Кочани: с.Пресека ;3. Општина Босилово 1: с.Иловица;4. Општина Босилво 2: с.Моноспитово;5. Општина Свети Николе: с.Патетино;6. Општина Македонска Каменица: с.Дулица;7. Општина Студеничани: с.Студеничани;8. Општина Гази Баба 1: с.Раштак;9. Општина Гази Баба 2: с.Булачани;10. Општина Битола 1: Кромберг и Шуберт;11. Општина Битола 2: с.Лопатица;12. Општина Прилеп 1: с.Селце;13. Општина Прилеп 2: кај Метеоролошка станица;14. Општина Липково 1: с.Слупчане;15. Општина Липково 2: с.Отља;16. Општина Липково 3: с.Матејче;17. Општина Кичево: Комуналец Кичево;18. Општина Гостивар: автопат Гостивар - Тетово ;19. Општина Чешиново-Облешево: с.Теранци;20. Општина Куманово 1: с.Четирце;21. Општина Куманово 2: с.Љубодраг ;

Македонија | пред 1 година

Исчезна поддршката за Косово, препуштени се сами на себе, констатираше хрватскиот претседател

Исченза поддршката за Косово, констатира хрватскиот претседател, Зоран Милановиќ, на денот кога де одбележува годишнина од биткат на хрватсктие војници против османлиската војска, каде гостинка му е косовската претседателка Вјоса Османи. Милановиќ рече дека ја викнал неа, оти тоа според него е признание за пријателството помеѓу двете земји.„Почнавме тешко, бевме заштитени од малку добри луѓе и на почетокот немавме помош. Сите тие сојузници и пријатели стоеја со скрстени раце. Косово почна поинаку, со голема поддршка која во меѓувреме се изгуби и исчезна. И сега се препуштени сами на себе. Пет членки на ЕУ и НАТО не го признаа. Затоа таа (Османи) е денес овде како моја гостинка и затоа, покрај нашите прослави и денови на гордост и слава, ова е и почит и признание за нашата пријателска земја“, рече Милановиќ.Османи, пак, рече дека Милановиќ е пријател на Косово, а Милановиќ врати дека Хрватска е пријателска земја за Косово.

Свет | пред 1 година

Што да се очекува од времето неделава: Постои зголемен ризик од појава на нови шумски пожари во Македонија

Територијата на Македонија и оваа седмица ќе се наоѓа под влијание на топла и стабилна воздушна маса која продира од северните предели на Африка.Времето ќе биде сончево и многу топло со појава на мала до умерена локална облачност во попладневните часови. Исто така, во попладневните часови не се исклучува можноста за многу ретка појава на краткотраен дожд и ретки грмежи, особено во планинските предели.Во текот на оваа седмица повремено ќе засилува ветерот од северен правец, особено Долж Повардарието.Што се однесува до температурите, тие ќе се искачуваат во интервалот од 30 до 37 степени, во Скопје во интервалот помеѓу 34 и 37 степени.НАПОМЕНА: Поради многу сушното и топло време, како и поради ветерот кој повремено ќе биде со засилен интензитет, постои зголемен ризик од појава на нови шумски пожари во Македонија, а поради веќе споменатиот ветер кој го очекуваме постои опасност и од нивно ширење. Токму поради ова, апелираме граѓаните да бидат крајно внимателни како се однесуваат со природата.

Македонија | пред 1 година