ТОП

Да го имаш Мерко во своите редови, главен емисар да ти е Мендух Тачи и да зборуваш за ветинг е дрско потценување, им велат ВЛЕН на ДУИ

„Жално е да се гледа како едно криминализирано раководство ја влече ДУИ во амбис. За прво место во категоријата “најсмешни моменти” може да конкурира барањето на ДУИ за меѓународен ветинг“, велат од ВЛЕН и додаваат:„Постои ли покредибилен меѓународен ветинг за некој политичар од црната листа на САД? Да го имаш еден Рамиз Мерко во своите редови, главен политички емисар да ти е Мендух Тачи и да зборуваш за меѓународен ветинг е дрско потценување на Албанците од кои 22 години си барал поддршка на избори.Да се обидуваш сега да ја мамиш јавноста со теза дека корумпираните се во другите партии и со тоа да сакаш да се претставиш како жртва, само затоа што доаѓа време твоите корумпирани поранешни функционери да одговараат што се богатеа со народни пари, е кукавички и срамно. Албанскиот народ нема да биде заложник на напорите на ова криминално раководство на ДУИ да си ги задржи привилегиите од 22 годишниот режим.Правосудната одговорност за сторена политичка корупција не може да биде меѓународен проблем. Тоа е домашна задача за државниот систем. Затоа ВЛЕН предлага системско решение како уставен механизам кое ќе овозможи кривична одговорност за стореното и конфискација на нелегално стекнат имот.Ветингот е етичка и морална контрола која евентуално може спречи бавење со политика. Затоа, докторите за криминал од ДУИ 48 часа молчат за Уставниот амандман на ВЛЕН за спречување на застарувањето на кривичниот прогон за сторена политичка корупција. Ова поведение на криминалнито раководство на ДУИ е најдобар доказ дека тие никогаш не сакале да се борат против политичката корупција, туку нивната цел отсекогаш била да станат доктори за криминал и да се богатат врз грбот на Албанците.

Македонија | пред 1 година

Владата потклекна под притисок на јавноста, Афрона Верзиволи утре ќе биде разрешена од местото ревизор на ИПА фондовите

Под силен притисок и револт на јавноста, Владата се огласи со соопштение и најави дека утре ќе ја разреши Афрона Верзиволи.Таа беше само десет дена Десет дена на функцијата главен ревизор за ИПА фондовите.Таа нема ревизорско искуство и соодветен ревизорски сертификат а на местото дојде како кандидат на ,,Вреди”.„Ја известуваме јавноста дека назначената Афрона Верзиволи во текот на утрешниот ден ќе биде разрешена од местото ревизор на ИПА фондовите. Воедно посочуваме дека е потребно и вниманието да се насочи кон отворените злоупотреби на парите од ЕУ и фондовите ставени на располагање кои беа присутни во изминатиот период, а за кој постои и пишан траг и нотификација од Европската канцеларија за борба против измами (ОЛАФ)“, стои во соопштението од Владата.Од „Вреди“ пак не се откажуваат од својот предлог и ќе чекаат таа да го добие сертификатот.Тие велат дека уште пред неколку дена го повлекле именувањето на Афрона Верзиволи како ревизор на ИПА фондовите. Коалицијата сега привремено ќе понуди замена на Верзиволи.,, Не е доволно разрешувањето на ревизорката, министрите да сносат одговорност, бара Алијанса за Албанците.

пред 1 година

Шест повредени, меѓу нив и малолетници: тешка несреќа во тетовско

На 09.08.2024 година во 13.40 часот во СВР Тетово било пријавено дека на регионалниот пат Тетово - село Брвеница, се случила сообраќајна несреќа помеѓу патничко возило марка „Фолксваген пасат“ со тетовски регистарски ознаки, управувано од А.К.(56) од село Горна Речица, тетовско, со патничко возило „мерцедес“ со тетовски регистарски ознаки, управувано од Б.З.(36) од село Желино, тетовско, како и паркирано патничко возило „мерцедес“ со германски национални ознаки, сопственост на М.Ќ.(38) од село Боговиње, тетовско.Во несреќата од движечкото возило „мерцедес“ со тешки телесни повреди се здобиле две сопатнички - З.Р.(52) и една малолетничка, додека со телесни повреди од истото возило се здобиле возачот Б.З. како и уште две негови сопатнички - Р.З.(34) и Р.З.(26) сите од село Желино. Повредите се констатирани во Комплексот клиники „Мајка Тереза“ во Скопје.Извршен бил увид од увидна екипа од СВР Тетово.

Македонија | пред 1 година

На 69. место е Дарио Ивановски на Олимписките игри, Тола од Етиопија е нов рекордер

Македонскиот атлетичар Дарио Ивановски заврши на 69. место на маратонската трка на Олимписките игри во Париз 2024. Во пеколно тешка трка победи Тамират Тола од Етиопија и тоа со олимписки рекорд.Тамират Тола од Етиопија со нов олимписки рекорд го освои маратонот и се закити со златниот медал. Тој заврши со време 2:06:26, и го подобри олимпискиот рекорд за шест секунди. Второпласиран со сребро беше Башир Абди од Белгија со време од 2:06:46, додека Бенсон Кипруот од Кенија го освои бронзениот медал со време од 2:07.00Вкупно 80 натпреварувачи го стартуваа маратонот, а времето на нашиот Ивановски е 2 часа, 28 минути и 15 секунди.

Спорт | пред 1 година

Данела е во хибернација, освен што пали низ Скопје - ситуацијата е критична, градот е јавна депонија, алармира Христовски

Ексдиректорот на Градски паркинг, Бојан Христовски, жестоко удри во скопската градоначалничка, Данела Арсовска. Откако беше запален автомобилот на Драги Митковски-Книга, Христовски вели дека Арсовска е во хибернација освен што пали низ Скопје.„Ова не е Скопје на кое ние се сеќаваме! Огромен број мои сограѓани денес се одзваа на повикот за будење на Данела, но таа сеуште е во хибернација (освен што пали низ Скопје). Во екот на летната сезона, со температури над 40 степени, Скопје е преплавено со непријатна миризба од сметот кој се цеди од камионите на Комунална хигиена. Камионите на ЈП "Комунална хигиена" оставаат зад себе течност со бактерии која возилата ја разнесуваат низ цело Скопје. Градската власт не прави ништо—ниту ги мие, ниту ги дезинфицира јавните површини и контејнери“, вели Христовски.Според него, асфалтот лепи, реата е неподнослива, а градот е претворен во легло на зарази.“Градот е претворен во јавна депонија, а ситуацијата е критична. Скопје не може повеќе да ја трпи немарноста и садизмот на Арсовска кон жителите и градот Градоначалничката директно го загрозува јавното здравје на скопјани и за тоа треба да сноси одговорност! Дополнително, ЈП "Комунална хигиена" е целосно распадната и нефункционална, не се следат никакви распореди за собирање ѓубре, а прашање е дали има и доволно камиони. Да Ве потсетам дека додека ние редовно ги плаќаме сметките и огромни средства се слеваат во буџетот на ова јавно претпријатие, токму за време на мандатот на Данела Арсовска се сменија неколку директори и се случија бројни проблеми и скандали во работењето. Прашањето е дали претпријатието има соодветна механизација и доволно вработени, или сè е распарчено од директорите на Арсовска? Многу одговори ќе треба да се добијат преку финансиски ревизии откако скопјани ќе и дадат црвен картон на следните Локални избори во 2025 година“, додава Христовски.

Скопје | пред 1 година

Претседателката ниту формира, ниту може да свика Совет за безбедност

„Републиката ни е во пламен. Да се молиме да падне дожд”, констатираше претседателката Гордана Сиљановска Давкова на Илинден.Премиерот Христијан Мицкоски на прес-конференција рече дека од повеќе канали добил информации оти раководството на ДУИ во обид да го заштити капиталот што го создавале изминатите двасетина години, ќе преземало чекори за дестабилизација на државата.Гордана Сиљановска-Давкова најави дека нема да го свикува Советот за безбедност.А и да сака, кого ќе свика да ги разгледуваат овие две сериозни и опасни теми, кога по три месеци од нејзината инаугурација, таа не го конституирала Советот за безбедност.Инаку Советот за безбедност е највисокото советодавно тело во Република Македонија, коешто ги разгледува прашањата сврзани со безбедноста и одбраната на Републиката и дава предлози на Собранието и на Владата.

Македонија | пред 1 година

Вкупно 1001 случај со голема кашлица, хоспитализирани уште четири лица

Повторно се шири опасноста од голема кашлица. Во периодот од 2 до 8 август, пријавени се 20 нови случаи на голема кашлица.Од нив, четири лица се хоспитализирани, стои во најновиот извештај на Институтот за јавно здравје.- Заклучно со 8 август, во Република Северна Македонија се регистрирани вкупно 1001 случај на голема кашлица, со инциденца од 54,5/100.000 жители. Тоа претставува неколкукратно зголемување на бројот на заболени во однос на изминатиот петгодишен период - 2019 до 2023 година, кога се регистрирани вкупно 10 случаи, пишува во извештајот.Од вкупниот број на заболени лица - 1001, кај 994 биле регистрирани симптоми, додека болеста кај седуммина била во асимптоматска форма.,,Од вкупниот број на регистрирани случаи, 627 не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани - 278, просек на поминато време од последната доза на вакцина до заболување изнесува 13 години”, пишува во извештајот.На територијата на Скопје, Куманово и на Тетово се пријавени епидемии.

Македонија | пред 1 година

Се сретнале министерот и неговиот заменик во земјоделство: и?

Што беше толку битно за јавноста дека, замислете, денеска оствариле средба министерот и заменик министерот за земјоделство?Па тоа треба да им е секојдневие да соработуваат.И во отсуство на идеи, испратиле и соопштение до медиумите и фотографија. ПР секторот информира:„Трипуновски на средба со заменик министерот Флакрон Беџети. Министерот за земјоделство, шумарство и водостопанство, Цветан Трипуновски оствари работна средба со Флакрон Беџети, заменик министер за земјоделство, шумарство и водостопанство. Тема на денешната средба беа тековните работи во министерството“, велат оттаму.На социјалните мрежи по ова се појавија низа шеги, а оваа средба, корисниците ја споредуваат како кога некој би се пофалил дека се сретнал со сопругата и разговарале за обврските кои ќе ги имаат во текот на денот.

Македонија | пред 1 година

(Видео) Карпалак изгледа жално: цвеќињата исфлрени, плочата оштетена

Цвеќињата исфрлени, плочата оштетена и отстранета. Вака изгледа Карпалак денеска, сведочи видеото на „Патриотско друштво“.Ова предизвика лавина реакции во јавноста. Граѓаните се револтирани од односот, а случајот, велат ќе го пријават и кај надлежните институции.

Македонија | пред 1 година

Детали од МВР за запалениот автомобил на Драги Книга

Автомобилот на Драги Митковски-Книга, ексблизок соработник на Данела Арсовска, бил запален на паркинг, а пожарот зафатил и други возила“На 09.08.2024 во 03.05 часот од Бригадата за противпожарна заштита-Скопје во СВР Скопје е пријавено дека на територија на општина Ѓорче Петров било опожарено патничко моторно возило „мерцедес а класа“ со скопски регистерски таблички, сопственост на правно лице од Скопје. Од пожарот зафатени се и патничко моторно возило „хјундаи“ и „сузуки свифт“ во делот на браниците и ретровизор”, вели МВР.Се преземаат мерки за расчистување на случајот.

Македонија | пред 1 година

Запален „мерцедесот“ кој го возел Драги Книга, екссоработникот на Арсовска

Автомобилот на Драги Митковски, познат како Драги Книга е ноќеска опожарен во скопската населба Ѓорче Петров. Автомобилот не бил вво негова сопственост, а станува збор за „мерцедес“. На местото имало увид од полиција, но и група негови пријатели.Драги Книга важеше за близок соработник на скопската градоначалничка Данела Арсовска. Неофицијално, тие имаат нарушени односи од пред скоро повеќе од месец.Засега непознато е кој стои зад опожарувањето и од која причина.

Скопје | пред 1 година

Дали транспортот на слоницата до „Дрисла“ е според законите?

Зоолошката градина-Скопје е уверена дека транспортот на евтанизираната слоница до депонијата „Дрисла“ е согласно прописите. Во прописите пак, стои дека тоа треба да биде со возила непропустливи за течности, во амбалажа или покриени контејнери. Ова прашање се покрена откако слоницата беше однесена во Дрисла, без да се каже збор, а тоа се направи со камион на јавно претпријатие. Дури по медиумските објави, се огласија од ЗОО-Скопје.„Транспортот е извршен согласно законските прописи и правилници на АХВ“, велат од Зоолошката градина-Скопје.Прашањето за транспортот до депонијата е регулирано со Закон за нуспроизводи од животинско потекло.„Транспортните средства треба да се возила непропустливи за течности, или во запечатена нова амбалажа или во покриени контејнери, да се од материјал кој лесно може да се исчисти механички, да се измие и дезинфицира“, велат од АХВ.Според АХВ, обврска на секое одгледувалиште е да врши соодветно отстранување на мршите од угинатите животни. По обдуцискиот наод ќе се одлучи и дали има потреба од инспекциски надзор.

Скопје | пред 1 година

(Видео) „Верник“ снимен како краде од скопски двор

Снимка од младо лице кое извршува кражба е објавена на социјалната мрежа „Фејсбук“. Објавувачот е со желба сите да го запознаат крадецот и да го лоцираат, па пишува: „Проверете го крадецов, може утре зет ќе ви биде…“. Снимката е од објект во Скопје.Интересен момент кој го забележа јавноста е дека крадецот на себе носи маица со верски обележја.

Скопје | пред 1 година

Што сме скривиле на Бога најголемата глупача да стане министерка за образование? Следно ќе ги воведе турските серии како задолжителна лектира, критикува Најчевска

По жестоките критики, професорката по право, Мирјана Најчевска, упати и навреда кон министерката за образование Весна Јаневска. Откако Јаневска посочи дека во новата учебна година ќе има учебници за сите одделенија освен учебници за странски јазици, Најчевска ја нарече „најголема глупача“.„Добро бре што сме скривиле на Бога најголемата глупача да стане министерка за образование? Следно ќе ги воведе турските серии како задолжителна лектира за учење на традиционалните вредности? Дај бре сменете ја пред да не закопа во фекалии до грло“, напиша Најчевска.Министерката за образование Весна Јаневска кажа дека во новата учебна година ќе има учебници за сите одделенија, освен учебници за странски јазици. Сепак, како што вели таа, тоа нема да биде проблем бидејќи децата учат јазици од серии и поентата е да разбираат и да зборуваат, не да учат граматика на странскиот јазик.„Јазикот е жив, знаете децата почнуваат да го учат и од сериите. Поентата е да разбираат и да зборуваат, не да учат граматика на страниот за нив јазик, именки, заменки и така натаму, сметам дека тоа нема да биде никаков проблем, а следната година ќе го имаме и тоа“, кажа Јаневска денеска на увидот во активностите за изградба на спортска сала во рамки на основното училиште „Наум Охридски“ во село Булачани.

Коментари | пред 1 година

Ужас во Америка: Српски спортист се удавил во езеро за време на кросфит натпревар

Српскиот спортист Лазар Ѓукиќ, кој се натпреварувал во кросфит, се удавил за време на кросфит натпревар во Форт Ворт, Тексас, јавуваат тамошните медиуми.Според наводите кои се појавиле на социјалните мрежи, Лазар изгубил воздух непосредно пред целта, за време на пливачкиот сегмент во локалното езеро и не успеал да исплива на копното.Ситуацијата се развивала брзо, поради што биле потребни неколку минути за сите да сфатат дека Лазар Ѓукиќ не минал низ целта. Натпреварот потоа бил одложен, а гледачите биле замолени да ги напуштат местата за следење на натпреварот. По неколкучасовна потрага, телото на Лазар е извлечено од езерото.На ова натпреварување учествуваат голем број спортисти од 33 земји, а турнирот започна во четвртокот.Настанот во кој се случи немилиот момент има тркачки сегмент по кој следуваше 800 метри пливање во езерото.

Спорт | пред 1 година

За време на одмори менуваат Закон за урбанизам, пратениците да се борат против промените нарачка од урбаната мафија, повикуваат граѓани

Повторно обид да се смени закон на начин на кој ѝ одговара на урбаната мафија, алармира „02 иницијатива“ од каде посочуваат дека тоа се прави по скратена постапка за време на летни одмори.„Повторно исто сценарио! Експресни измени во Законот за урбанистичко планирање и тоа за време на летните одмори! Повик до сите пратеници да не ги гласаат подолу издвоените измени и да бараат истите да бидат отстранети од предлог-законот! Закон со толкав импакт се менува фреквентно поради актуелната потреба, а не се става на здрава основа, осмислен и усогласен со сите други актуелни, па и планирани закони со кои се преклопува. Зошто овој повик до пратениците?! Што се планира со предлог-законот?!“, велат од „02 Иницијатива“ и додаваат:„Еве ги издвоените измени во Предлог-законот, па проценете самите: се предлага БРИШЕЊЕ на одредбата со која јасно е утврдено дека урбанистичките планови кои започнале по старите закони и не успеале да се завршат во рок од 4 години од стапување на сила на законот (18.02.2020), истите да продолжат по новиот закон. Со бришење на овој дел, ќе се овозможи стариот закон неограничено да се користи, наместо ДУПовите конечно да тераат по сегашниот закон. се планира да се ИЗБРИШЕ делот кој уредува ако нема согласнот од Министерство за транспорт, одлуката за носење на урбанистичкиот план да е ништовна и министерот за транспорт да донесе решение за забрана на применувањето на планот. Со бришење на овој дел ќе се овозможи носење на ДУП без согласност и потоа оди докажувај се пред Уставен суд со годинии, а во меѓувреме ќе си се гради и ќе си се гради по тој ДУП. се предлага БРИШЕЊЕ на одредбите поврзани со обврската за обезбедување на потврда за урбанистичка усогласеност, со објаснување дека во пракса оваа одредба не се применува поради неусогласност со актуелниот Закон за градење. Зошто тогаш Законот за градење не се измени, за да може да се спроведе оваа одредба?! се планира САМО со урбанистички проект да се реализираат катни гаражи за кои не е донесен детален урбанистички план. Измените се ставени по скратена постапка на собраниска седница во понеделник, 12.8.2024“.На ова реагираа и од граѓанската иницијатива „Борба за Влае“.„По скратена постапка, за време на летни одмори.Колку и да се надеваме дека работите ќе тргнат на подобро со тоа што ќе почне да важи закон кој ги условува општините да почнат да планираат хумано, ставајќи го на прво место интересот на жителите наместо на инвеститорите, сепак политичарите успеваат да нѐ вратат на старото лошо статус кво. Наместо да се потрудат да го подобрат животот на граѓаните (кои се нивни гласачи) политичарите повторно „по скратена постапка“ ги изигруваат нашите интереси. Бараме од сите пратеници да гласаат против овие промени. Гласно да застанат против измените во законот за урбанистичко планирање и да се борат против секоја промена нарачана од урбаната мафија.

Коментари | пред 1 година

Повеќе од месец се молчи дека угинал бизонот во Зоолошка, и други животни се во тешка состојба

Од воспаление на белите дробови угинал бизонот во Зоолошката градина, потврдуваат оттаму за „Скопје1“. Но нема одговор, зошто оваа информација се крие од јавноста, иако ова се случило пред повеќе од еден месец. Ниту известување, ниту соопштение, ниту информирање преку социјалните мрежи. Информацијата ја добивме по упатени прашања до скопската ЗОО – за која голем дел од граѓаните бараат да се затвори.„Согласно извршената обдукција и патохистолошкиот наод, од стручни лица по патолошка морфологија при факултетот за ватеринарна медицина, заклучено е дека бизонот угинал како резултат на хронично граниломатозно воспаление на белите дробови-actinomykocis, на возраст од околу четиринаесет година, просечна старост на бизоните е од десет до дваесет години“, велат од ЗОО-Скопје.Во тешка состојба се шимпазото Мими, јагуарката, но и морскиот лав Кан. Од ЗОО-Скопје се пожалија дека најчестите животни кои ги чуваат се стари и изнемоштени.„Имајќи во предвид дека не сме дел од Европската унија, а согласно политиките и стратегијата од ЕАЗА, кои до последно ги добивавме од нив, а сеуште постапуваме по истите, кај нас најчесто и во најголем број доаѓаа или исто полови групи или стари, изнемоштени и спасени животни.  Таков е примерот со циркуските слоници Дуња и Даела, дел од шимпанзата од лабораторија, во сериозна старост е нашата шимпанза Мими која со години прима терапија за срце, во иста таква старост е и нашата јагуарка, а во сериозна возраст е и нашиот морски лав Кан“, додаваат од ЗОО-Скопје.Откако беше евтаназирана слоницата во ЗОО, јавноста се крена на нозе. Таа е трето тропско животно за една година, по двете жирафи, кои зоолошката ги узгуби. Ова пак, предизвика и лавина реакции од јавноста.

Скопје | пред 1 година

Арсовска со четврта среќа во „Комунална хигиена“, пак промени директор - дел од вработените изненадени

Скопската градоначалничка Данела Аросвска по третпат разрешува директор на „Комунална хигиена“, дознава „Скопје1“. Одлуката е донесена денеска, велат наши извори од Град Скопје. Сега, претпријатието ќе си ја проба четвртата среќа. За нов според информации на „Скопје1“, назначен е извесен Јетон Незири.Непознато е која е причината за разрешувањето на Гоце Трајковски, кој Арсовска го назначи во октомври минатата година, откако се скара со Косана Мазнева-Николиќ, со која се на суд. Бидејќи Арсовска не комуницира со медиумите и јавноста, градот функционира како „приватна фирма“, не можеме да добиеме детали.Познато е дека Комунална хигиена има голем недостаток на кадар, па затоа беше тешко и чистењето на скопските улици. Граѓаните имаа жестоки реакции за задоцнетото собирање отпад, а комуналците во трка со времето пробуваа тоа да го поправат.Арсовска во изминатиот период двапати беше забележана на јавен настан. Но освен оставање букети, не чувме ниту збор што прави со Скопје, со оглед дека поплаките ги има во секој дел – од нечистотија до транспорт. Најголем дел од проектите од програмата „За модерно Скопје“ останаа само на хартија.Досега, со Комунална хигиена раководеа Зуди Енуз, кој беше од коалициониот партнер на ВМРО-ДПМНЕ, Алијанса за Албанците, па сменет поради пукањето кај Мавровка од неговиот брат. Потоа, дојде Косана Мазнева-Николиќ, за која Арсовска имаше само пофални зборови, кои по кратко време станаа критики и обвинувања.Последен во низата беше Гоце Трајковски, кој денес е разрешен. Вработени во „Комунална хигиена“ сведочат дека во претпријатието се појавил и новиот директор, кој кажал дека е назначен од Арсовска. Во претрпијатието имало и изненадени, бидејќи никој не очекувал промена на Трајковски со оглед дека тој е назначен за директор со менаџерски договор.

Македонија | пред 1 година

ДУИ одржа состанок за бркање уплав од кривична одговорност, исплашени се до срж, велат од „Вреди“

„По секоја средба во Мала Речица, може да се потврди еден заклучок- ДУИ е исплашена до срж“, велат од коалицијата Вреди и додават:Изгледа тажно колку ова раководство на тазе опозицијата ДУИ е одлепено од реалноста. Му продаваат магла на чесното членство дека се некакви визионери, а всушност ги има фатено уплав од тоа што следи.Како и во секоја криза што ја доживеа, ДУИ ја има вообичаената тенденција да го користи Охридскиот договор како параван за криминал и неуспеси. Оваа навика на ДУИ сега е јасно читлива. Секогаш кога ќе кажат „Охридски договор“ и „легитимитет“ значат дефокусирање за да се избегнат темите за корупциски скандали и одговорност за време на 22-годишниот режим.Судбината во несреќа е што Албанците веќе се свесни за оваа манипулација и ја отежнуваат старата реторика на ДУИ, затоа и oткако увидоа дека нивните лажни тези за одбрана на Охридскиот рамковен договор немаат поддршка кај Албанците почнаа да негираат дестабилизација.Оние кои избегнаа од етничката конкуренцијата и преминаа на граѓанскиот концепт, сега залудно леат крокодилски солзи и се обидуваат да ги уништат гласовите од различни етнички припадности и да ја контесираат волјата на 107 илјади Албанци, за заштита на нивните ситни лични и партиски интереси.Политичките неуспеси, оркестрираната корупција и незаконското богатење не можете да ги покривате ниту со пропагандни изјави, ниту со купување експертиза, ниту со создавање политички ситуации. Или со други зборови, ниту со Охридскиот договор ниту со промоција на нови договори!Потсетуваме дека ги изгубивте изборите токму поради ширење демагогија, бидејќи додека зборувавте за интеграција во ЕУ, вашите антидемократски постапки беа клучната причина што ја држеше земјата во заложништво од интеграциите. Народот разбра дека со изјави за ЕУ ги штитите вашите фотелји и џебови, а сега со изјави за легитимитет штитите функционери потопени во корупција да се соочат со правдата.Време е да се реформираат и да се искористи опозицијата за да се направат кадровски, програмски и прагматични реформи. Картата од Охридскиот договор не ви одминува. ВЛЕН е гаранција на секој Албанец во оваа власт, па не дозволува да ги држите Албанците во заложништво за да ја спасите криминалната структура на ДУИ. Одговорноста е неизбежна.

Македонија | пред 1 година

(Документ) Саше Димовски бил суспендиран од ЗНМ, никаде не стои дека останува придружен член - раководството ја заобиколи вистината!

Новинарот Саше Димовски бил суспендиран од Здружението на новинари на Македонија (ЗНМ), покажува дописот кој „Скопје1“ го доби по три дена преписки со раководството, а му бил испратен и нему. Во него, не стои дека тој останува „придружен член“ како што тврди ЗНМ во одговорите до нашата редакција, туку јасно се посочува: „...тој го губи статусот на полноправен член на ЗНМ“, а потоа му појаснуваат на Димовски дека одредбата значи суспендирање на членството за време на извршување на работните ангажмани.„Согласно член 10 од Правилникот за членството и чланарината, со именувањето на Саше Димовски во Комисијата за помилување како постојано работно тело во служба на Претседателот, тој го губи статусот на полноправен член на ЗНМ. Оваа одредба предвидува суспензија на членството за време на извршувањето на ангажманите во органите на државната управа како и други државни органи. Бидејќи Комисијата за помилување е работно тело на Претседателот на државата, именувањето во неа спаѓа под овие одредби“ стои во дописот кој го доби „Скопје1“ од ЗНМ, а испратен до Димовски.[caption id="attachment_298833" align="alignnone" width="1288"] Дописот кој претсдателот на ЗНМ го испратил до Димовски за суспензија на членството, а кој „Скопје1“ го доби од раководството[/caption]Ова е спротивно на ставот кој претходно го кажа ЗНМ, кога „Скопје1“ прашуваше дали Димовски бил исклучен од здружението.„...Беше констатирано дека членството на Димовски во ЗНМ продолжува како придружен член, како што имало бројни други случаи и во минатото. Димовски не бил исклучен од ЗНМ, неговиот придонес во новинарството и во ЗНМ беше исклучителен...“, стои во одговорот од ЗНМ до „Скопје1“.[caption id="attachment_298834" align="alignnone" width="1988"] Одговори од ЗНМ во кои тврдат дека Димовски од редовен станува придружен член од 06 август испратени до „Скопје1“[/caption]Бидејќи нашата редакција имаше пристап до документот и пред ЗНМ да ни го испрати официјално, неколку пати ги препрашавме дали Димовски останал или не е член на ЗНМ. Па така, во одговорот од вчера јасно посочуваат: „Како што е појаснето во претходните одговори, не станува збор за исклучување на членство како што имате наведено, туку за промена на статус во придружен член согласно член 10 од истиот правилник“.[caption id="attachment_298835" align="alignnone" width="1960"] ЗНМ во секој одговор до „Скопје1“ го тврдеше истото - дека Димовски не е исклучен од членството[/caption]Бидејќи раководството и претседателот Младен Чадиковски се повкуваат на седница на Управен одбор каде било констатирано дека Димовски не може да биде член, ги побаравме, но не ги добивме записниците. За ова имаа свое оправдување во кое се вели: „Во однос на прашањето за записници и дневен ред, истите служат за потребите на Управниот одбор на ЗНМ и за подобро организирање на тековните активности со кои здружението раководи или има обврски да ги исполнува. Освен ова, записниците не се стенографски туку се куси и концизни и истите дополнително служат за евидентирање на текот на седниците на членовите на Управниот одбор“.[caption id="attachment_298836" align="alignnone" width="1992"] ЗНМ не го дава записникот од седницата на Управниот одбор[/caption]„Скопје1“ веќе објави дека ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 кој објаснува во кој случај се суспендира членството. Овој случај предизвика револт кај новинарската фела.Испративме и покана до претседателот на ЗНМ, Младен Чадиковски за гостување во вонредно издание на поткастот „Претрес со Ландов“, но тој кажа дека не е во можност, како и дека објасниле опширно сѐ што имале.

Македонија | пред 1 година

Девет пожари се надвор од контрола! Гори на Галичица, кај Јасен, Илинска Планина

Во текот на вчерашниот ден имало вкупно 40 пожари од кои изгаснати се 25, под контрола се шест, а надвор од контрола и активно горат девет пожари.Пожари кои не се под контрола:Општина Македонски Брод 1: с.Тажево – с.Брезница – Јасен (борова шума)Општина Демир Хисар и Охрид: Илинска Планина под контрола на Опш.Демир Хисар (ниска вегетација, нискостеблеста шума и букова шума);Општина Чашка: с.Папрадиште – с.Ореше (млади насади од шума, ниска вегетација);Општина Петровец: с.Градманци – Дивље (ниска вегетација);Општина Студеничани: с.Драчевица – с.Црвена Вода, м.в.Темна Бука (мешана ниска и висока вегетација);Општина Кичево: с.Челопеци (дива депонија и ниска вегетација);Општина Дебар: над с.Косоврасти – Рајчица – Татар Елевци (мешана шума);Општина Охрид: Галичица (нискостеблеста вегетација);Општина Македонски Брод 2: с.Слатина (ниска вегетација)ПОД КОНТРОЛА: 6Општина Гевгелија: с.Негорци (нискостеблеста шума, прнар и борова шума);2.Општина Кичево: с.Зајас – с.Бачишта (мешана шума);Општина Кочани: м.в.Панаѓур, кај одмаралиштата на Пониква (букова шума);Општина Македонски Брод: с.Слатина (нискостеблеста вегетација);Општина Пласница: с.Пласница (изгаснат) – с.Латово (чади) (деградирана шума);Општина Делчево: Депонија Делчево (ѓубриште).ИЗГАСНАТИ: 25Општина Студеничани 1: м.в.Дрешница над с.Батинци (мешана шума);Општина Студеничани 2: с.Рамни Габер – с.Вртекица (мешана шума);Општина Студничани 3: с.Вражале (мешана шума);Општина Студеничани 4: с.Долно Количани (ниска вегетација);Општина Гази Баба 1: Ла тана Ресторан за свадби кај стрелиште Камник (ниска вегетација);Општина Гази Баба 2: ул.Перо Наков, во близина на Кванташки пазар (ниска вегетација);Општина Гази Баба 3: ул.Перо Наков (ниска вегетација);Општина Гази Баба 4: с.Стајковци, кај фармата кон обиколница (ниска вегетација);Општина Илинден: с.Ајватовци ниска вегетација);Општина Арачиново: с.Арачиново (ниви);Општина Чучер Сандево: с.Горно Блаце (ниска шума и сува трева);Општина Прилеп: с.Лениште (ниска вегетација);Општина Дојран и Богданци: с.Фурка кон Богданци (борова шума, ниска шума, прнар);Општина Гостивар 1: с.Неготино (ѓубриште);Општина Гостивар 2: гробишта Млаки (ниска вегетација);Општина Берово: м.в.Шушлевац (ниска вегетација);Општина Брвеница: с.Милетино (ѓубре и сува трева);Општина Радовиш: с.Подареш – с.Јаргулица (нискостеблеста вегетација);19.Општина Дебар: с.Бањиште (ниска вегетација);Оптштина Куманово: с.Черкези – с.Романовце (стрниште);Оптштина Крива Паланка: с.Конопница (борова шума, багрем и букова шума);Општина Струга 1: с.Калишта (стрниште и ниска вегетација);Општина Струга 2: с.Враништа (стрниште и ниска вегетаија);Општина Струга 3: с.Велешта (ниска вегетација);Општина Делчево: с.Полето (борова и нискостеблеста шума);

Македонија | пред 1 година

ДУИ сака да ја дестабилизира државата за да не одговараат за криминалот кој го правеле, уверува ВМРО-ДПМНЕ

„ДУИ сака да ја дестабилизира државата за да не одговараат за криминалот кој го правеле, ВМРО-ДПМНЕ нема да дозволи народот да страда“, велат од ВМРО-ДПМНЕ и додаваат:ДУИ не може да се помири со тоа што не се повеќе власт и тоа што нивните блиски повеќе неможе да вртат милионски бизниси на грбот на државата.Додека народот врзуваше крај со крај, синот на Муса Џафери тргуваше струја, а МЕПСО на него и на неколку други фирми им отпиша долг од 14 милиони евра. Додека народот се иселуваше внуците на Али Ахмети ја преземаа Соравија, влегуваа во бизнисот со струја и во рудници.Додека народот се чудеше како да преживее од први до први, Артан Груби договараше подизведувачи по патиштата.ДУИ не работеше за Албанците, ниту за Македонците, ДУИ работеше за една тесна клика која очигледно им ја има киднапирано партијата.ДУИ сега знаат дека треба да одговараат за се што правеле, и затоа стравот е голем.Обидите за дестабилизација се последните крици за спас на една криминална гарнитура и заштита на криминално стекнатите милиони.ВМРО-ДПМНЕ нема да дозволи државата и народот да страдаат. Одговорност ќе има.

Македонија | пред 1 година

Бугарија забрани „ЛГБТ пропаганда“ во училиштата

Бугарската Влада дејствувајќи преку закон, забрани промоција на како што велат, „нетрадиционална сексуална ориентација или родово определување“. Бугарскиот парламент го изгласа, а со него, стрикно се забранува промоција на лезбијките, хомосексуалците, бисексуалците, трансродовите личности...Според народните избраници, сето ова е ЛГБТ пропаганда. Забраната е имплементирана преку Законот за предучилишно и училишно образование, усвоен од 159 пратеници, додека против биле 20, а 10 воздржани.Народните избраници сметаат дека ваквата забрана е согласно бугарскиот Устав, кој предвидкува дека брак е заедница меѓу маж и жена.„Кога земаме текстови од Википедија за да донесуваме закони, тоа не е десна ориентираност, не е конзервативна ориентираност и не е заштита на бугарските деца, тоа е евтин популизам“, рече Елисавета Белобрадова од реформистичката „Продолжуваме со промената“.

Свет | пред 1 година

19-годишник со македонско потекло планирал терористички напад: дал заклетва на Исламска држава, поседувал хемиски супстанци

Австриец со потекло од Македонија е еден од уапсените под сомнение дека требало да изврши тероризам во Виена, на концертите на светски познатата пејачка Тејлор Свифт. Ова го објави австрискиот весник „Кронен цајтунг“, кои појаснуваат дека закажаните спектакли се откажани.„Уапсениот 19-годишен Австриец со потекло од Македонија, со семејството живеел јужно од Виена. Се сомничи за тероризам“, пишуваат тамошните медиуми.Безбедносната закана била голема, особено ако се има во предвид дека на концертот се очекувале 68.000 лица во публика, а пред стадионот можело да дојдат 22.000 лица.Но, освен лицето со македонско потекло, уапсен е 17-годишник, додека по три лица се трага. Сите биле радикализирани преку интернет. За лицето со македонско потекло, генералниот директор за јавна безбедност на Австрија, Франц Руф тврди дека дал заклетва на исламската држава на почетокот на јули.„Кај 19-годишникот се најдени и хемиски супстанци“, додаваат од службите на Австрија.

Свет | пред 1 година

Го избришаа ли Саше Димовски од ЗНМ додека беше на болничка постела: здружението тврди дека е лага, а се правда со член за супспензија од Правилник за членство

Новинарите се простија од колегата Саше Димовски. Но, дел од нив се шокирани и револтирани од односот на Управниот одбор на Здружението на новинари на Македонија (ЗНМ). Едните информации се дека Димовски бил исклучен од здружението додека бил во болница, додека од раководството на ЗНМ посочуваат дека тоа не е точно. Од здружението велат дека имало само трансферирање на членство од редовен во придружен член. За ваквата одлука наоѓаат оправданост поради ангажманот кој Димовски го доби кај претседателката на државата, во Комисијата за помилување. Прво велат дека консултирале адвокати, потоа дека заседавал Управниот одбор. Кога побаравме да ни достават изработена одлука, ни кажаа дека таква не постои. Не ни е пратен ниту дневниот ред за седницата од кој може да се увиди дали ова била специјална седница за Димовски или се разгледувале други точки. Иако од претседателот Младен Чадиковски побаравме датум на закажување на седницата, добивме само датум на одржување.Сепак, ако се следи Статутот и Правилникот за членство на кој се повикува ЗНМ, Управниот одбор може да заседава за прием и престанок на членство, но не и за трансферирање. Здружението се повикува на член 10 и велат: „Не станува збор за исклучување на членство како што имате наведено, туку за промена на статус во придружен член согласно член 10 од истиот правилник. Согласно член 10 од Правилникот за членство и членарина, со именувањето во Комисијата за помилување како постојано работно тело во служба на Претседателот, тој добива статус на придружен член на ЗНМ. Оваа одредба предвидува трансформација на членството“.Ако се провери правилникот може да се утврди дека членот е за суспензија на членството. Во него не се предвидува никакво трансферирање туку суспензија и се вели: „Членството се смета за суспендирано за време на и една година по завршувањето на извршувањето на функцијата Пратеник во Собранието на Република Македонија, Министер во влада, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието на Република Северна Македонија, Владата на Република Северна Македонија или органите на локалната самоуправа...“.[caption id="attachment_298807" align="alignnone" width="657"] Членот 10 од Правилникот за членство на кој се повикува ЗНМ[/caption]Од ЗНМ го побаравме и записникот кој би требало да се води за време на седница на Управен одбор. Тој не ни е доставен и ни е посочено: „Пред да се утврди дневниот ред на наредната седница, се усвојува записникот од претходната седница и секој член може да стави забелешка и да бара измени или дополнувања. Ова значи дека записникот не се смета за формален до неговото усвојување на наредната седница на Управниот одбор“, па ја објаснуваат неговата форма и што содржи.„За прашањата што го уредуваат членството, согласно статутот на ЗНМ, Управниот одбор не носи одлуки туку констатира состојба. Во предвид беше земен и Законот за помилување како и објавената информација на веб страната на претседателот на РСМ што укажува дека станува збор за постојано работно тело во служба на претседателот на државата“, тврдат од ЗНМ.Оттука се отвори прашањето, кој и што му соопштил на Димовски за неговиот статус во ЗНМ, ако Управниот одбор нема таква надлежност туку само констатира. Прашавме и што претседателот на ЗНМ, Младен Чадиковски му соопштил на Димовски поврзано со членството, во петокот, на што не добивме конкретен одговор туку коментар за начинот на кој сме го поставиле прашањето.„На начинот на кој е поставено последното прашање, се создава перцепција дека некој имал намера да го вознемирува Димовски, а тоа е целосно неточно и погрешно особено поради тоа што негувавме пријателски и професионален однос со единствена цел, а тоа е градење на посветена новинарска заедница. Таков беше односот на сите тела и органи во ЗНМ вклучително и на УО и на Советот на честа“, посочуваат од ЗНМ.Доколку членството на Димовски било трансферирано од редовно во придружно, тогаш, тој не можел да биде избран во органите и телата на ЗНМ. Оттука, отворено остана и прашањето дали Димовски бил отстранет од функцијата претседател на Советот на честа додека бил во болничка постела.„Под придружно членство се подразбира членство во ЗНМ кое во однос на правата и обврските е изедначено со редовното членство, со исклучок на правото да избираат и да бидат избрани во органите и телата на ЗНМ и немаат право да одлучуваат за Статутот на ЗНМ“, стои во Правилникот.[caption id="attachment_298808" align="alignnone" width="722"] Услови за придружно членство[/caption]Од ЗНМ посочуваат дека Димовски не е прв член кој бил дел од Комисијата за помилување на кого му е трансфериран статусот во здружението. Посочуваат дека и во претходниот состав на Комисијата за помилување, кога новинар бил дел од неа, било постапено од нивна страна.Новинарката и главна и одговорна уредничка на „Телма“, Снежана Лупевска-Созен, простувајќи се со колегата Димовски, прва обзнани за потегот на ЗНМ преку јавен статус.„Вечна слава колега Саше! Беше борец и како човек и како новинар. Критичен и со остро перо. Почивај во мир. А колку што ме вознемири веста за неговата смрт ме вознемири и односот на Управниот Одбор на ЗНМ кој вчера најбезобразно му соопштил на Саше дека не е веќе член  на здружението (за 5 години) оти бил член на државна комисија за помилување во која и претходно членувал наш колега, но не беше избришан од списокот на ЗНМ. За мене раководството на  ЗНМ е збир на група луѓе со лични агенди и двојни аршини особено дрско кон новинарите како Саше кои немаат влакна на јазикот“, напиша Лупевска-Созен.Новинарката Емилија Мисерлиевски од „Телма“, која е дел од Советот на честа со кој раководеше Димовски, преку јавна објава сведочи за неговата вознемиреност во петокот, кога веќе бил примен во болница.„...Во ниеден момент не помислив дека разговорот во петокот ќе ни биде последен! Беше толку вознемирен! Ах, бе Саше! Ќе ми недостига твојата острумност, мудрост и бунтовност, нема друг во еснафот со таков порив да ги оправа работите во новинарството! Нека ти е вечна слава, другарче, остави силен печат во Советот на честа, колку тоа некому да пречеше!“, напиша Мисерлиевски.Погребот на Димовски беше извршен денеска. Тој почина на 47-годишна возраст по долги и тешки здравствени проблеми. Ја следеше работата во правосудниот систем и важеше за најдобар правник меѓу новинарите и пошироко.Саше Димовски работеше како новинар од 1996 година во телевизиите Сител, Канал 5 и ТВ 24 Вести. Работел во неделникот и дневниот весник „Фокус“ на позиција новинар и уредник. Соработувал со повеќе дневни и неделни изданија, локални и регионални тв медиуми. Основач е на граѓанската организација и онлајн медиумот СВЕДОК од 2015 година.

Македонија | пред 1 година