ТОП

26-годишник ќе сноси одговорност за обид за убиство на градоначалникот на Арачиново: земал автоматска пушка и среде улица пред луѓе сакал да го убие

Поради основано сомнение за кривично дело – Убиство oд член 123 став 2 точка 3, а во врска со член 19 (во обид), Основното јавно обвинителство Скопје донесе Наредба за спроведување истражна постапка против 26-годишен жител на Арачиново.Тој е осомничен дека на 1 април со умисла се обидел да го лиши од живот градоначалникот на таа општина, а во опасност ги довел и животите на уште неколку лица. Додека градоначалникот со своите соработници од Општина Арачиново и вработените од фирма-изведувач вршеле увид на градежни работи, осомничениот дошол со мотор, се паркирал и со автоматска пушка во рацете пришол на групата луѓе. Почнал да пука кон градоначалникот и со неколку проектили погодил две лица во неговата непосредна близина.Со оглед на тоа што осомничениот од извршување на делото е недостапен за органите на прогонот, јавниот обвинител до судијата на претходна постапка од Основниот кривичен суд Скопје достави предлог за определување мерка притвор која доколку биде определена ќе започне ефективно да се применува од неговото пронаоѓање и лишување од слобода. Воедно, до Министерството за внатрешни работи се издадени соодветни наредби за пронаоѓање на осомниченото лице.

Македонија | пред 1 година

Целосно изгаснат пожарот на Серта

По тринаесет дена борба со огнената стихија пожарот кај Серта е целосно изгаснат, информираше Столе Атанасов, командир на Територијалната противпожарна единица Неготино.,,Упатувам неизмерна благодарност до сите доброволци, доброволни друштва, ловно друштво, државни, регионални и локални институции кои со сите расположливи ресурси беа вклучени во акцијата. Без вас, невозможно беше да се справиме со огнените јазли кои незапирливо зафаќаа се поголеми површини”, напиша Атанасов.Упати благодарност и до локалното население кое храбро и пожртвувано заедно со нив, помогнало во совладувањето на пожарот.

Македонија | пред 1 година

(Фото) Македонци останаа без таблици во Грција, откако паркирале непрописно на кружен тек

Македонци кои отидоа на одмор во туристичкото место Пиреа во Грција, останаа без таблици. Срби во една група за патувања, објавија фотографии на кои се гледа како лице (веројатно службеник), ги симнува регистрациите.Причината за ваквиот чин е тоа што македонските автомобили биле паркирани непрописно, односно на кружен тек. Станува збор за возила со скопски таблици.Честите посетители на Грција посочуваат дека симнувањето на регистарски таблици е редовна практика и согласно закон кај нив.[caption id="attachment_297169" align="alignnone" width="1354"] Screenshot[/caption]

Македонија | пред 1 година

Македонија ја очекува ново силно невреме

Денес (среда) особено од пладневните часови и тоа поради продор на посвежа воздушна маса од север и нејзиниот судир со многу потоплиот воздух од југ во поголем дел од Македонија се очекува развој на нестабилност, проследена со пороен дожд, грмежи и засилен ветер.Поради ваквата ситуација, на повеќе места во Македонија ќе има појава на невреме, проследено со поројни врнежи од дожд, силни грмежи и електрични празнења, силен ветер и со појава на град.И во Скопскиот регион денес од пладневните часови ќе биде нестабилно со повремен пороен дожд, грмежи и засилен ветер. Во делови од котлината ќе има услови и за појава на невреме.Апелираме на голема внимателност, односно во случај на појава на невреме, да не се претстојува на отворен простор и под осамени дрвја.Што се однесува до температурите, тие денес ќе се искачуваат во интервалот од 29 до 37 степени, во Скопје температурата денес ќе се искачи до околу 36 степени.

Македонија | пред 1 година

(Видео) Експлозија во национален парк во САД

Во Националниот парк Јелоустоун, во САД, се случи неочекувана експлозија на гејзер, која принуди десетици посетители да се засолнат на побезбедно место.Хидротермалната експлозија се случи во геотермалната област „Бисквит Басен“, позната по топлите извори и гејзерите, недалеку од гејзерот „Стариот верен“ во Националниот парк Јелоустоун.Нема извештаи за повредени, но просторот на базенот е затворен заради безбедноста на посетителите, пренесува АП.Научникот Мајк Поланд од опсерваторијата на вулканот Јелоустоун рече дека експлозијата може да биде резултат на блокиран премин во водоводната мрежа на гејзерот.„Затнувањето би предизвикало акумулација на топлина и притисок, како што се случува во шпорет под притисок“, рече Полска.Тој додаде дека таквите ерупции се случуваат периодично, обично кога нема посетители во областа.Тој исто така рече дека најголемиот познат хидротермален кратер на Земјата е во Јелоустоун. Научниците претпоставуваат дека серија хидротермални експлозии го создале кратерот пред околу 13.800 години во областа Мери Беј на североисточната страна на езерото Јелоустоун.„Она што го видовме беше спектакуларно и дефинитивно опасно. Но, во споредба со она што се случи во Јелоустоун во минатото, ова е мало, но е добар потсетник за опасноста во Јелоустоун“, рече Полска.Експлозијата се случила кај геотермалниот извор „Black Diamond“, познат по темните бои кои наликуваат на црн дијамант.Од 1890 година, најмалку 22 лица починале од повреди поврзани со геотермални инциденти во и околу Националниот парк Јелоустоун.Посетителите редовно се предупредуваат да не се оддалечуваат од патеките и патеките во термалните области.

Свет | пред 1 година

Уапсен осомничен за предизвикување пожар во Подгорица: Пожар избувна поради огномет

Пожарот што синоќа го зафати ридот Горица во Подгорица бил локализиран околу еден часот утринава, неофицијално дознава „Вијести“.При гаснењето на пожарот во Подгорица во Црна Гора, кој најверојатно бил предизвикан од огномет, полесно се повредени двајца мажи.Огнот зафатил поголем дел од површината, како и шумите. Вршителот на должноста командант на Службата за заштита и спасување на главниот град, Здравко Блечиќ синоќа изјави дека пожарот најверојатно бил предизвикан од огномет.Заменик-градоначалникот на главниот град Лука Ракчевиќ во објава на својот Инстаграм профил рече дека „првиот дел од пожарот, кој беше забележан во 21:00 часот во близина на врвот на платото Горица, најверојатно бил предизвикан од невнимателно палење огномет“.„По тој повод одредени лица се лишени од слобода и предадени на обвинителството. И токму кога успеавме да ја одбраниме дабовата шума, чие зафаќање би имало далекосежни последици, избувна уште еден пожар, на околу 300 метри од сите жаришта кои тогаш беа активни, што, за жал, укажува на ново чин на подметнување“, рече Ракчевиќ, пренесува News.Тој нагласи дека истрагата ќе се води во соработка со Управата на полицијата. Ракчевиќ рече дека при гаснењето на пожарот полесно се повредени двајца мажи.„Благодарение на напорите на сите, особено на Јасна Гајевиќ и Здравко Блечиќ, претходните месеци од Горица отстранивме и однесовме повеќе од 1.300 кубни метри суви опожарени дрвја. Да останеше на ридот, како што е со години (од последниот голем пожар), вечерашните активности ќе беа неспоредливо потешки и се плашам дека ќе потрошевме денови за гаснење на пожарот“, рече Ракчевиќ. .

Свет | пред 1 година

Нема фотографија

Силен земјотрес ја погоди Албанија, а беше почувствуван и во Македонија

Земјотрес со јачина од 4,4 степени според Рихтеровата скала утрово околу три часот по локално време ја погоди Албанија.Епицентарот на земјотресот бил во Јадранското Море, на 37 километри од Драч.Според ЕМСЦ, земјотресот бил на длабочина од 6,1 километри.Земјотресот беше почувствуван и во Македонија, Црна Гора, Босна и Херцеговина и Хрватска и Србија.

Свет | пред 1 година

Расчистено убиството во Гостивар: убиениот е пукан со автоматска пушка, а најдено е и возилото

„Расчистено убиството во гостиварско Дебреше, лишени од слобода три лица“, објави министерот за внатрешни работи, Панче Тошковски и додава:Полициски службеници од СВР Тетово попладнево (23.07.2024) лишија од слобода три лица и го расчистија убиството кое се случи денеска во гостиварско Дебреше околу 17.15 часот.Веднаш по добиената пријава дека е пукано врз Р.К.(35) од Дебреше воспоставена е оперативна акција “обрач” за пронаоѓање и лишување од слобода на сторителите. По кратко време, сторителите се лишени од слобода и тоа Б.В.(28), Ј.В (31) и Љ.Б.(32), а пронајдена е и автоматската пушка од која е пукано, како и возилото “волво” со кое сторителите се одддалечиле од местото на настанот“.По документирање на случајот, ќе биде поднесена кривична пријава до надлежното ОЈО.

Македонија | пред 1 година

Родители заработуваат на болница деца, собираат пари за здравје а одат на одмор и реновираат куќи, сведочи Лазаров

Докторот Ненад Лазаров, кој е еден од основачите на платформата за собирање донации „ECrowd.mk“, сведочи дека родители со пари собирани за здравјето на нивните деца, редновирале објекти и оделе на одмори.„Гледам како родители заработуваат на своите болни деца. На одмори си одат со пари молени за здравјето на дете, си реновираат куќи, им остануваат пари "за не дај Боже" Зарем не ве плаши карма бе луѓе ? Застанавме како ECrowd.mk пред цела јавност со цел свој интегритет за да гарантираме и да направиме да е видливо дека секој денар ќе заврши каде што треба така и ќе продолжиме“, пишува Лазаров и додава:„Ќе направиме се вакви криминалци од најдолен вид да нема повеќе! Апелирам повторно, немојте да донирате на лични сметки ниту денар, сега веќе нема потреба никаква од тоа!“.

Коментари | пред 1 година

(Видео) Утре, „Досие Идризово“: Судбини на затворенички, ќелии, приказни, соочување со стореното и интервју со Катица Јанева

Утре (среда, 24) јули, во 1️⃣ дел од „Досие: Идризово“ за првпат ќе ѕирнеме во ќелиите на жените во затворот. Солзи, шок, броење на часови и минути.🔴Судбини, приказни, соочување со стореното. Ова е само дел од тоа што го забележаа нашите камери. Но и лоши услови, валканици..⚡️Ексклузивно, за првпат по пет години, пред нашите камери застана ексобвинителката Катица Јанева, која е осудена во случајот „Рекет“. Кој и ја предвиде иднината и дали и кажа што ќе и се случи?⚫️Не пропуштајте, 21 часот на јутуб-каналот prvatvmk (бесплатно стиснете subscribe за да нѐ следите)  и на pretres.mk.

Македонија | пред 1 година

На Клиниката за онкологија воведено двосменско работење во дневната болница

Новиот директор на Клиниката за онкологија на чело со проф.д-р Игор Стојковски воведе двосменско работење во дневната болница.Целта на оваа промема е да се намали гужвата во дневната болница, која е еден од најсериозните проблеми, како и да се обезбеди соодветен третман на оваа ранлива група пациенти во институцијата која третира најголем број на малигни заболувања и е единствена во терциерното здравство од овој тип.Пациентите до 20 часот во втора смена отсега ќе може да ја добијат оваа здравствена услуга во дневната болница.Инаку, Клиниката за онкологија активно учествува во активностите за отворање онколошко одделение и обезбедување терапија за пациентите со малигни заболувања во ГОБ „8 Септември, каде се очекува амбулантно поликлничката дејност во областа на онкологија да профункционира за неколку недели, а целта е дисперзирање на терапијата и растоварување на работата на Клиниката за онкологија.

Македонија | пред 1 година

(Видео) Палчо е петтиот обвинет за убиството на Вања и Жежовски: тој пукал во нив и го координирал процесот

Љупчо Палевски-Палчо е петтиот обвинет во случајот за грабнувањето и убиството на Вања Ѓорчевска и Панче Жежовски, а истражната постапка против него е завршена, дознава „Скопје1“ од извори во Обвинителството. Обвинителката Жаклина Крстевска-Јосифовска ги собрала сите докази со кои тврди дека Палевски ги извршил директно двете убиства со пиштол, пукајќи во пределот на главата на Ѓорчевска, но и Жежовски. Обвинението ќе биде предадено во судот, каде по оценката на судиите, треба да прејде во фаза на судење.Според информации на „Скопје1“, овој предмет ќе се спои со претходно одобреното обвинение каде за грабнување и убиство се гонат Влатко Кешишов, Велибор Манев и Боре Видевски, а таткото Александар Ѓорчевски за давање информации за движењето на Вања, односно помагање при грабнување.Обвинителката Крстевска-Јосифовска останува на тврдењето дека целта на грабнувањето на Вања било да се присили член на семејството да даде откуп за детето, но и дека имало комуникација помеѓу таткото Ѓорчевски и Палевски. Грабнувањето било по излегување од лифтот, па со украдениот „цитроен“ од убиениот Жежовски била однесена на ридот кај Скопска Црна Гора. Според обвинителката планот за откупот не се реализирал бидејќи Вања се барала преку апел на социјалните мрежи, по што била убиена и закопана во дупка.Жежовски пак, пет дена претходно бил грабнат и убиен. Обвинителката ќе докажува дека тоа го сториле истите обвинети – Палевски, Кешишов, Манев и Видевски. Целта според неа била да се земе возилото со кое подоцна се грабнува Вања. Жежовски бил изнесен од неговиот дом со „цитроенот“ и однесен во околината на Велес. Заедничко е што и тој, како и Вања е убиен со куршум со иста големина. Претходно, при спровод во суд, Палевски негираше вмешаност во убиствата и тврдеше дека не ги сторил. Тој дури се насмеа додека ги слушаше прашањата. Посочи и дека има докази за неговите тврдења. Инаку, по неговата екстрадиција од Турција, каде беше во бегство, беше спроведен во истражниот затвор „Скопје“ во Шутка.

Македонија | пред 1 година

ЦУК: Има вкупно 30 пожари на отворен простор, од коишто 10 се уште се активни

Центарот за управување со кризи (ЦУК) информира дека во посленото деноноќие (на ден 23.07.2024 година - вторник) до утрово, има вкупно 30 пожари на отворен простор, на територијата на целата држава.Од нив се уште се активни 10, а под контрола (пожари кои не можат да се шират но сеуште има горење) е ставен 1, додека 20 пожари се целосно изгаснати.Инаку, во претходните денови имаше случаи кога изгаснати пожари повторно се разгоруваа.Активните 10 пожари се следните:СТАРО НАГОРИЧАНЕ: кај с.Алгуња и с.Челопек - ангажирани 1 хеликоптер на МВР и 30 припадници на Армијата (гориниска вегетација)СЕРТА 1: ШТИП, с.Селце и с.Пухче (мешана шума);СЕРТА 2: ШТИП : Криволак кон Пенуш (2 ЕТ) (ниска вегетација)МАКЕДОНСКИ БРОД 1: с.Брезница и с.Тажево, Јасен - ангажирани 1 хеликоптер на МВР, вработени во Јасен и 30 припадници на Армијата (гори борова шума);ПЛАСНИЦА: месност „Стромол“ (мешана шума)ЧАШКА 1: над с.Габровник и с.Мокрени (мешана шума и ниска вегетација);ЧАШКА 2: место викано Мукос, (ниска вегетација)ДОЛНЕНИ 1: с.Небрегово (нискостеблеста шума)ДОЛНЕНИ 2: с.Гостиражни, што е префрлен пожар од с.Богомила, Општина Чашка (гори мешана шума и ниска вегетација) иНОВО СЕЛО: над с.Бадилен на планината Огражден (мешана шума).Под контрола е еден (1) пожар на отворено во Македонски Брод: кај с.Дивеч и с.Слатина (каде што гори мешена шума).Изгаснати се 20 пожари на отворено во последното деноноќие во:КРИВОГАШТАНИ: с.Славеј (6 пожарникари од ТППЕ) (ниска вегетација)БИТОЛА: покрај магистралниот пат Битола –Прилеп (2 ТППЕ) (ниска вегетација)СТРУМИЦА: м.в.Два Пата (3 ТППЕ) (ниска вегетација)ВАСИЛЕВО: с.Доброшинци (2 ТППЕ) (ниска вегетација)ОХРИД: депонија Буково (6 ТППЕ) (депонија)ШТИП: нас.Железничка-нас.Пребек (6 ТППЕ) (депонија)НЕГОТИНО: с.Калањево (3 ТППЕ, 5 Лов.Дру.,5 НШ, 1 багер)ВРАПЧИШТЕ 1: с.Неготино-с.Тумчевиште. (2 ТППЕ) (ниска вегетација)ВРАПЧИШТЕ 2: с.Зубовце (3 ТППЕ)(ниска вегетација)ГОСТИВАР 1 : нас.Млаки. (3 ТППЕ)(ниска вегетација)ГОСТИВАР 2: кај Црква Света Петка (ѓубриште)КУМАНОВО: Ново Куманово (2 ТППЕ) (ниска вегетација)КРАТОВО: с.Коњух (3 ТППЕ, 7 м.н.) (ниска вегетација)ГАЗИ БАБА 1: с.Јурумлери (3 ТППЕ) (ѓубриште)ГАЗИ БАБА 2: Парк шума (3 ТППЕ) (ниска вегетација)КАРПОШ: ул.Скупи (3 ТППЕ)(ѓубриште)САРАЈ: с.Долна Матка (3 ТППЕ) (ѓубриште)АЕРОДРОМ: с.Долно Лисиче (3 ТППЕ) (ѓубриште)ЃОРЧЕ ПЕТРОВ: Новоселски Пат ( 2 ТППЕ)( ниска вегетација)АРАЧИНОВО: с.Мојанци (6 ТППЕ) (ниска вегетација)Инаку ангажирани ресурси, допонително покрај пожарникарите од ПП ресурси, се два „ер трактор“ авиона на ДЗС, два хеликоптера на МВР и 90 армиски припадници.

Македонија | пред 1 година

Кандидатот за потпретседател на Трамп: Камала Харис е очајна затоа што нема деца. Таа се грижи за мачки

Кандидатот за потпретседател на Доналд Трамп, Џ. Венс, во интервју за Фокс њуз, ја повика претпоставената демократска претседателска кандидатка Камала Харис за фактот дека таа нема деца.Ј.Д. Венс рече дека Америка ја водат демократи и олигарси, оние кои „немаат деца и се каталоди, кои се очајни поради одлуките што ги донеле во животот и кои сакаат да го направат остатокот од земјата очаен“.„Прво, тоа се Камала Харис, Александрија Окасио-Кортез и Пит Бутиџиг, целата иднина на Демократската партија се луѓето кои немаат деца. Како е можно да им ја оставивме земјата на такви луѓе? - изјави Венс.

Свет | пред 1 година

Нема фотографија

Одлуката е донесена: Орбан е „казнет“

Високиот претставник на ЕУ за надворешна политика и безбедност, Јосеп Борељ, изјави дека следните состаноци на министрите за надворешни работи и одбрана на земјите членки на ЕУ ќе се одржат во Брисел, а не во Будимпешта, поради позицијата на Унгарија во однос на војна во Украина.Говорејќи по министерскиот состанок во Брисел, Борељ рече дека ја донел одлуката откако повеќето министри рекоа дека се противат на потезите на Унгарија откако таа го презеде претседавањето со Советот на ЕУ на 1 јули, објави Ројтерс.Тој додаде дека нема консензус меѓу членките на ЕУ за тоа дали да присуствуваат на состанокот, планиран за 28-29. август, а потоа и собирот на министрите за одбрана.Полскиот министер за надворешни работи Радослав Сикорски изјави дека предложил да се одржи состанок на министрите за надворешни работи во Украина, но Унгарија гласала против предлогот.Борељ изјави дека повеќето министри сакаат Унгарија да сноси „симболични“ последици откако унгарскиот премиер Виктор Орбан отпатува во Москва на разговори со рускиот претседател Владимир Путин, како дел од, како што ја нарече, мировна мисија за Украина, без поддршка од другите членки .„Мораме да испратиме сигнал, дури и ако тоа е симболичен сигнал“, изјави Борељ за новинарите во Брисел по последниот состанок на министрите за надворешни работи на ЕУ пред летната пауза.На денешниот состанок, многу министри за надворешни работи на ЕУ ја изразија својата силна осуда за ставот на Будимпешта директно до нивниот унгарски колега Петер Сијарт, пренесува Ројтерс.„Ова беше многу јасно и се повтори на начин што не остави простор за сомнеж“, изјави португалскиот министер за надворешни работи Пауло Рангел.Борељ исто така смета дека Будимпешта треба да го означи рускиот претседател Владимир Путин како „провоен“ лидер, а не Европската унија.„Ако сакате да зборувате за воената партија, зборувајте за Путин“, рече тој.Воедно, Сијарто оваа одлука ја окарактеризира како „детска“.Земјите од ЕУ, вклучувајќи ги Шведска, Финска, Естонија, Летонија, Литванија, Полска и Данска, како и Европската комисија, веќе го намалија учеството на министерските состаноци на ЕУ поради унгарското претседавање.

Свет | пред 1 година

Трагедија во Неапол: Се урна балкон при што загинаа две лица, седум деца се повредени

Во уривање на балкон во Неапол две лица загинаа, а 13 лица се повредени, меѓу кои седум деца.Уривањето се случило во населбата Вела Целесте во областа Скампија, меѓу вториот и третиот кат од зградата, синоќа после 23 часот, јавува Анса.На местото на настанот излегле пожарникарите, брзата помош и полицијата.

Свет | пред 1 година

Претседателката Сиљановска Давкова им посака успешен настап на македонските олимпијци кои ќе настапат на Олимпијадата во Париз

Претседателката Гордана Сиљановска Давкова денеска ги прими македонските олимпијци кои ќе настапат на Летните олимписки игри што ќе се одржат од 26 јули до 11 август во Париз.На средбата, претседателката Сиљановска Давкова беше информирана за финалните подготовки на македонскиот олимписки тим, како и за очекувањата од претстојните натпревари.Претседателката Сиљановска Давкова на македонските олимпијци им го врачи државното знаме, што ќе биде развиорено на отворањето на олимписките игри и им посака успешен настап на најграндиозниот и најпрестижниот спортски настан.„Вие, како македонски спортски амбасадори, со гордост и достоинство бранете ги боите на нашата земја. Ви посакувам успешен настап и достојно претставување во Париз. Јас и сите македонски граѓани сме со вас и навиваме од срце“, им порача претседателката Сиљановска Давкова.Осврнувајќи се на континуираната заложба и посветеност на македонските спортисти, претседателката ја нагласи потребата како заедница, како држава, да направиме сè за да ги поддржуваме спортистите, да работиме на стручноста на тренерските тимови, подобрувајќи ги севкупните спортски услови во македонското општество.На Летните олимписки игри во Париз ќе отпатуваат шест македонски спортисти: Владимир Егоров - борење, Никола Ѓуретановиќ - пливање, Анастасија Мојсовска - стрелаштво, Еди Шерифовски - џудо, Милијана Релиќ - таеквондо и Дарио Ивановски - атлетика. Македонското знаме на свеченото отворање ќе го носат Ивановски и Релиќ.На средбата присуствуваа и членови од раководството на Македонскиот Олимписки Kомитет, тренери и спортски судии.

Македонија | пред 1 година

Нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,87 % во однос на одлуката од 15.7.2024 година.Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 2,117%, кај дизелот 2,267%, кај екстра лесното масло за 1,097% и кај мазутот намалувањето е за 2,368%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,781%Од 23.7.2024 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 81,50 (денари/литар)Моторен бензин ЕУРОСУПЕР БС - 98 83,50 (денари/литар)Дизел гориво ЕУРОДИЗЕЛ БС (Д-Е V) 74,00 (денари/литар)Масло за горење Екстра лесно 1 (ЕЛ-1) 72,50 (денари/литар)Мазут М-1 НС 45,757 (денари/килограм).Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за 1,50 ден/лит.Малопродажната цена на Екстра лесното масло за домаќинство на (ЕЛ-1) се намалува за 1,00 ден/лит.Малопродажната цена на Мазутот М-1 НС се намалува за 1,152 ден/кг и сега ќе изнесува 45,757 ден/кг.Напоменуваме дека ова се максималните цени на нафтените деривати од 00:01 часот на 23.7.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Вработени во затворот во Шутка трпат закани, Сокол ќе добие кривична и под итно мора да биде сменет, најави Пандов

Директорот на Управата за извршување санкции, Аленсадар Пандов, потврди дека четири лица избегале од затворот „Скопје“ во Шутка во текот на ноќта, а станува збор за лица кои при контролата во петокот се враќале назад во затворот откако телефонски биле повикани. Пандов најави кривична пријава за директорот Филип Андов-Сокол. Посочи дека во т.н. дел „возен парк“, било строго забрането да влегува било кој полицаец, туку само одредени кои можеле да вршат контрола. Лица од Управата влегле во затворот во Шутка денеска, за да ги земат снимките од камерите.„И покрај нашата вонредна контрола, четвори лица од овие 11 кои не ги најдовме таму во затворот „Скопје“, утрово во 5 часот, не се наоѓаат таму и се во бегство. Исто, што е зачудувачки, истовремено, додека ние го правевме надзорот од 11 до 03 часот, 10 од тие лица, по еден, два три часа се враќаа.. Слободно се движења околу нас, разговараа со полицајците.. Иако требаше да бидат затворени“, рече Пандов.Тој додаде и дека затворските полицајци му кажале дека немаат никаква заштита.„Тие се јавуваат на Сокол, вадат телефони пред нас и велат дека им се закануваат, посочуваат ‘директоре ние ви дадовме пари..’. Кога ќе имаме записник ќе го доставиме до Обвинителството. Јас го замолив премиерот Мицкоски, не само Сокол, туку и во најголем дел од затворите, слична е состојбата и тие се хотел промаја. И она што ние мислиме дека е затвор, фактичката состојба не е таква“, додава Пандов.

Македонија | пред 1 година

Пет затвореници избегале од затворот во Шутка: во петокот се појавиле оти имало контрола од Управата

Пет затвореници од оние кои Управата за извршување за санкции не ги затекна при проверка во затворот „Скопје“ во Шутка, од ноќеска се во бегство, дознава „Скопје1“. Ова доаѓа откако против нив не била покрената соодветна постапка за преместување во приемниот или затворениот дел на затворот, по сторувањето на прекршокот констатиран од Управата. Тогаш, во јавноста се појави информација дека лицата кои ги немало, па се вратиле - биле повикани по телефон. Ова не е потврдено досега од никого.„Скопје1“ побара одговори од Министерството за внатрешни работи, каде прашавме колку лица се пријавени за избегани од затворот. Оттаму најавија одговор веднаш штом ги направат проверките со СВР Скопје.Според неофицијални информации, овие пет лица се истите кои вo петокот не биле затекнати во затворот, иако на хартија се воделе дека се таму. За ова постојат и службени белешки. При ваков случај, се покренува дисциплинска постапка, а до нејзиното завршување, затворениците кои не ги испочитувале правилата остануваат без привилегии како што се отсуство за работен ангажман, отворен третман, работен ангажман во склоп на затворот.Директорот на Управата, Александар Пандов, најави прес-конференција за во 12 часот. БОНУС ВИДЕО:

Скопје | пред 1 година

(Фото) Три часа се чека за да се влезе во Грција, патниците револтирани: Дали е ова реално?

Нови километарски колони на граничниот премин “Богородица” и “Евзони” од грчка страна. Србите и Македонците се најброни туристи кои тргнале на одмор. Истите се и најреволтирани, бидејќи се чека и по три часа за да се помине граница.На социјалните мрежи прашуваат: “Дали е ова реално?”.Секоја година и лето, сликите од овој граничен премин се исти.

Македонија | пред 1 година

ЦУК: од 29 пожари на отворено во последното деноноќие, 7 се уште се активни

Центарот за управување со кризи (ЦУК) информира дека имаше вкупно 29 пожари во последното деноноќие, од коишто 7 се се уште активни.Седумте активни пожари на отворено се во:- Општина Штип кај с.Селце и с.Пухче (каде што гори мешана шума);- Општина Штип и во Општина Неготино, во реон на Армискиот воен полигон, високо над Криволак кон Пенуш, каде што има многу голема „фронтова“ линија на пожарот (каде што гори ниска вегетација - смреки, трња, грмушки и нискостеблеста шума, претежно даб)- Општина Македонски Брод: с.Брезница и с.Тажево каде што гори квалитетна борова шума, 15 вработени од Јасен помогнати преку ден од армиските 30-ина припадници, а и од неколкумина од ЈП „Национални шуми“, имаат само по неколку часа здивнување и речиси деноноќно се борат на линија кај реката-понорница Оча пред Борова Брезница да не се пробие огнот кон внатрешноста на заштитено повеќенаменско подрачје "Јасен" од посебно значење за државата. Вчера армискиот хеликоптерот „Ми 17“ во два наврата не можеше да дејствува од многу, а и густ чад и небезбедни услови за дејство;- Општина Чашка кај с.Габровник и с.Мокрени (каде што гори мешана шума и ниска вегетација) Таму линијата на огнот со повремени прекини и појаки жаришта е голема се до Мукос, над Богомила;- Општина Чашка: месноста Мукос, има пожар префрлен од прилепска страна (при што гори ниска вегетација);- Општина Долнени кај кај с.Небрегово ( гори нискостеблеста шума);- Општина Долнени: с.Гостиражни, префрлен пожар од с.Богомила, Општина Чашка (каде што гори мешана шума и ниска вегетација)ЦУК информира дека под контрола се 7 пожари и се настојува да се доведат во фаза на локализирање за потоа и да се изгаснат – ликвидираат, во:- Општина Кавадарци: с.Фариш и с.Ораовец (мешана шума);- Општина Неготино: с.Калањево (нискостеблеста шума);- Општина Македонски Брод: с.Брезница место викано Тажевска Река (борова шума);- Општина Македонски Брод: с.Дивеч и с.Слатина (мешена шума);- Општина Пробиштип: место викано Балабаница, с.Зелен Град во близина на одморалиште Пониква (паднати дрвја од бука и папрат);- Општина Ново Село: с.Бадилен (мешана шума) и во- Општина Чашка: планина Голешница на врвот Лисец помеѓу с. Г. Јаболчиште и Дреново. (мешана шума).Изгаснати се 15 пожари на отворено во последното деноноќие, во:- Општина Аеродром: во Лисиче (ниска вегетација);- Општина Арачиново: во атарот на с. Арачиново (стрниште);- Општина Студеничани: с. Пагаруша (ниска вегетација);- Општина Прилеп: с. Дабница (ниска вегетација);- Општина Крушево: с. Алданци (ниска вегетација и стрниште);- Општина Струмица: во кругот на Комбинатото Слобода (ниска вегетација);- Општина Струга: с. Велешта (ниска вегетација);- Општина Дебар: во наслеба Венец 2. (ниска вегетација);-Општина Кичево: 2 с. Србица и с. Осломеј (сено, и стрниште);- Општина Куманово: во улица 400 Куманово (ниска вегетација);- Општина Кочани: с. Уларци (стрниште);- Општина Гостивар: 2 с. Тумчевиште и покрај автопатот Тетово-Гостивар. (ниска вегетација и фабриката за мебел) и во- Општина Кавадарци: с. Мрзенци (каде што гори ниска вегетација).

Македонија | пред 1 година

Во текот на оваа седмица можно е ново невреме, температурите позначително ќе опаднат

Во текот на оваа нова работна седмица во Македонија особено во попладневните  и во вечерните часови ќе има локален развој на нестабилна облачност проследена со пороен дожд, грмежи и засилен ветер. Локално процесите ќе бидат поинтензивни и застапени во форма на невреме, проследено со поројни врнежи од дожд, силни грмежи и електрични празнења, силен ветер и со појава на град.И во делови од Скопската котлина во попладневните часови ќе биде нестабилно со пороен дожд, грмежи и засилен ветер. Можна е  и појава на невреме.Апелираме, во случај на појава на невреме и на силни електрични празнења, да не се претстојува на отворен простор и под осамени дрвја.Што се однесува до температурите, тие за разлика од изминатите денови, секојдневно ќе бележат тенденција на постепено опаѓање, а позначително ќе опаднат кон крајот на оваа работна седмица и тие ќе бидат потпросечни за месец јули и ќе се искачуваат во интервалот од 25 до 33 степени, додека наутро тие ќе се спуштаат во интевалот помеѓу 10 и 19 степени.

Македонија | пред 1 година

Нема фотографија

Новак Ѓоковиќ не е фаворит за Олимписките игри

Се ближат Олимписките игри во Париз, а сега станува се појасно кој ќе има помали или поголеми очекувања во различни спортови, како и кои се фаворити за освојување на тенискиот турнир.Новак Ѓоковиќ моментално не е фаворит за победа, а не е ниту сам на второто место. Според букмејкерите апсолутен фаворит е Карлос Алкараз и во случај тој да го освои турнирот, коефициентот е 2,8.Новак го дели второто место со Јаник Синер, а квотата за успех на Олимписките игри е само 4.Меѓу фаворитите се Александар Зверев, Рафаел Надал, Каспер Руд, Стефанос Циципас и Холгер Руне, но веројатноста за нивен успех е многу помала.Олимписките игри почнуваат на 26 јули, а тоа е единствениот турнир што го нема освоено Новак.

Спорт | пред 1 година

Претседателите на Демократската партија во сите 50 сојузни држави ја поддржаа кандидатурата на Камала Харис

Лидерите на Демократската партија во сите 50 сојузни држави на САД ја поддржаа потпретседателката Камала Харис како нов кандидат на Демократската партија која ќе се спротивстави на републиканскиот кандидат Доналд Трамп на ноемвриските претседателски избори во САД.Откако актуелниот американски претседател Џозеф Бајден ја објави својата одлука да се повлече од изборната трка, водечките луѓе на демократите одржаа конференција на која беше потврден единствен став, пренесува Ројтерс.„По објавата на претседателот Бајден, нашите членови веднаш се собраа да изразат единствен став на поддршка за кандидатот кој има искуство во победа на тешки избори и кој е докажан лидер за прашања кои се важни за Американците: репродуктивна слобода, спречување на оруженото насилство, клима. заштита, судски реформи и економска обнова. Тоа лице е нашиот сегашен потпретседател Камала Харис“, рече Кен Мартин, претседател на Асоцијацијата на државни демократски комитети (ADDK), во изјавата.Многу демократи брзо ја изразија својата поддршка за Харис да биде демократски претседателски кандидат откако Бајден се откажа од кампањата за реизбор и се соочи со поранешниот американски претседател Трамп на изборите во ноември.Харис денеска ќе зборува во Белата куќа по повод Н.Ц.А.А. првенство, што, според Њујорк тајмс, би можело да биде нејзино прво јавно обраќање откако Бајден објави дека нема да ја прифати номинацијата на демократите.Не се објавени јавни настани на распоредот на претседателот Бајден за денеска, освен редовниот утрински брифинг во Белата куќа, додава Њујорк Тајмс.Њујоршкиот весник известува дека влијателните лидери на демократскиот естаблишмент брзо ja „прегрнале“ Харис по „шокантното излегување“ на Бајден од трката, надевајќи се дека успешното „следување би можело да стави крај на еден месец на штетен хаос“ и да ја трансформира трката за која се верува дека е републиканска.Кампањата на Бајден беше формално преименувана во „Харис за претседател“, давајќи му на американскиот потпретседател непосреден пристап до сметката која имаше 96 милиони долари во готовина на крајот на јуни. Во интерен повик, лидерите на кампањата на Бајден рекоа дека сега ќе работат за Харис.Бајден ja поддржа Харис речиси веднаш. Го следеа многумина, вклучувајќи ги Бил и Хилари Клинтон, клучни демократски сенатори и влијателни членови на Претставничкиот дом.Откако беше објавено дека Бајден се повлекува од трката, како што објави НТ, се јавија големите и малите демократски донатори и веднаш застанаа на страната на Харис.„Ќе направам се што е во моја моќ да ја обединам Демократската партија - и да ја обединам нашата нација - за да го поразиме Доналд Трамп и неговата екстремна агенда за Проектот 2025 година“, рече Харис во изјавата. „Имаме 107 дена до изборите. Ќе се бориме заедно. И заедно ќе победиме.

Свет | пред 1 година