ТОП

Метежот на ГП Табановце бил поради прогласеното црвено ниво на безбедносен ризик од тероризам во Србија, велат од МВР

Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез од територијата на Република Северна Македонија е поради прогласеното црвено ниво на безбедносен ризик од тероризам во Република Србија.Воедно, Ве известуваме дека граничните полиции на двете држави се во постојана комуникација со цел овозможување брз и непречен проток на патници и возила, но и соодветна контрола поради новонастаната состојба.

Македонија | пред 1 година

(Видео) Ултраортодоксните Евреи фрлале камења по автомобилот на министерот: Бесни што мора да одат во војска

Протестите против регрутирањето на ултраортодоксните Евреи во израелската армија вчера станаа насилни. Демонстрантите ги нападнаа полицајците, но и автомобилот на министерот, соопшти локалната полиција. Демонстрантите фрлале со камења врз полицајците и автомобилот на министерот Јицак Голдкнопф, кој се враќаше дома. Запалија и корпи за отпадоци и го блокираа автопатот.Портпаролот на Голдкнопф потврди за Си-Ен-Ен дека полицијата го евакуирала министерот неколку минути по нападот и дека тој не е повреден. Голдкнопф е министер за домување и градежништво и лидер на еврејската партија Обединета Тора.На видеата на социјалните мрежи се гледа како демонстрантите го опкружуваат автомобилот на министерот и удираат по прозорците. Ултраортодоксните Евреи протестираа на улиците на Ерусалим откако израелскиот Врховен суд во вторникот донесе одлука со која и нареди на владата да привлече ултраортодоксни Евреи во армијата.Од основањето на Израел, ултраортодоксните Евреи се ослободени од задолжителна воена служба. Иако и мажите и жените се предмет на задолжителна воена служба на Израел, одлуката на судот во овој случај се однесува само на ултраортодоксните мажи.Полицијата соопшти дека морала да употреби сила вчера за да ги растера демонстрантите откако тие ги игнорирале наредбите да си заминат. Уапсени се пет лица, од кои две за напад врз полицајци, а три за фрлање камења или други предмети, се вели во полициското соопштение. Дел од полициските службеници останаа во областа за да го насочат сообраќајот и да спречат понатамошни нарушувања.„Полицијата сериозно ги сфаќа обидите на овие насилни прекршители на законот да ги повредат израелските полицајци со камења, јајца и други работи.“, велат од полицијата.

Свет | пред 1 година

Персоналот на аеродромот во Мелбурн обвинет дека работел со шверцери на дрога

Повеќе од десетина членови на персоналот на аеродромот во Мелбурн се обвинети дека работеле за организирани криминални групи кои шверцуваат дрога во Австралија, објави денеска Гардијан.Истрагата на граничните сили насочена кон соработници на криминалци во синџирите на снабдување на аеродромот откри дека 70 вработени на аеродромот во Мелбурн ги прекршиле безбедносните проверки во изминатите 12 месеци, а некои се осомничени за криминални активности.Граничните сили соопштија дека екипажот на неименувана авиокомпанија бил вклучен во дистрибуција на дрога, додека членовите на екипажот на друга авиокомпанија шверцувале цигари и тутунски производи во куфери со двојно дно, наводно за да избегнат плаќање царина.Утврдено е дека двајца членови на екипажот на меѓународен лет биле под дејство на нелегални супстанци на должност.Началникот на австралиските гранични сили, Кели-Ен Периш, рече дека истрагата користела преносливи рендген машини за скенирање на места за складирање на авиони, места за складирање на аеродроми и места за екипаж.Периш додаде дека истрагата се уште е во тек и дека на мета се неколку лица во авијацијата со наводни врски со транснационални организирани криминални групи.

Свет | пред 1 година

Нема фотографија

Конечни резултати од парламентарните избори во Франција: Десницата победи, Макрон трет, незадоволните граѓани излегоа на улица

Француското Министерство за внатрешни работи ги објави конечните резултати од парламентарните избори.Народниот собир во првиот круг од парламентарните избори освои 33,15 отсто од гласовите или повеќе од 10 милиони гласови. Новиот народен фронт (коалиција на обединетата левица) доби 27,99 отсто од гласовите и речиси 9 милиони гласови. Центристичката алијанса Заједно (во која е вклучена и партијата Преродба на францускиот претседател Емануел Макрон) освои само 20,76 отсто од гласовите, или речиси 7 милиони гласови.Да потсетиме, првиот круг од парламентарните избори во Франција се одржа вчера, додека вториот круг ќе се одржи на 7 јули.На европскиот самит во Брисел, откако минатата недела предупреди дека Франција ризикува „граѓанска војна“ доколку на власт дојде РН предводена од Марин Ле Пен или левичарската коалиција „Новиот народен фронт“, Макрон рече дека „неограничениот расизам и анти- Семитизмот“ беше ослободен во земјата“.Поддржувачите на Макрон во земјата и странство го окарактеризираа ова како „грешка“, плашејќи се дека „Националниот собир“ ќе продолжи со својот подем.Изборите беа ненадејно распишани од Емануел Макрон, откако неговата партија Преродба претрпе пораз од екстремно десничарската партија Национален собир на Марин Ле Пен на изборите за Европскиот парламент.Речиси 49 милиони француски гласачи денеска избраа 577 членови на Националното собрание од 4.000 кандидати во првиот круг од парламентарните избори. Како што напиша „Блиц“, до 17 часот гласале 59,39 отсто од гласачите, што е рекордна излезност во првиот круг од 1978 година.Во првиот круг, според претходните анкети, десничарските републиканци и другите од десничарскиот политички спектар ќе освојат само шест отсто од гласовите, додека анкетата предвидува дека „Националниот собир“ ќе освои 36 отсто од гласовите. , пред левичарскиот сојуз со 28,5 отсто и коалицијата Макрон со 21, отсто.Демонстрациите против француската крајнодесничарска партија Национален собир, повикани од крајната левица, синоќа прераснаа во судири со полицијата и немири во центарот на Лион, пренесоа француските медиуми.Демонстрации свикаа екстремната левица по резултатите од Националниот собир кој води во првиот круг од парламентарните избори.

Свет | пред 1 година

Маж во Германија со нож ја нападнал полицијата: Убиен на лице место

Маж со иранско потекло вечерва со нож нападнал тројца федерални полицајци на железничката станица во германскиот град Лауф ан дер Пегниц во Баварија, а полицијата возвратила и го убила напаѓачот, објави Билд.Откако полицијата излегла од автомобилот, мажот почнал да ги навредува и провоцира, на што употребиле бибер спреј.Кога напаѓачот се обидел да избоде двајца полицајци, полицајката најпрвин испукала предупредувачки, а потоа го застрелала во стомакот.Како што пренесува германскиот весник, напаѓачот починал од здобиените рани.По инцидентот станицата била затворена. Мотивите на напаѓачот се уште се нејасни.

Свет | пред 1 година

Петровска распали: Се боревме против заробена држава, добивме заробена партија

„Во моето писмо со кое ја повлеков кандидатурата образложив дека денешниот ден ќе биде спротивно и на статутот и на принципите на социјалдемократијата, и така бидна се случи фијаско. Новиот претседател е избран со 11% од вкупниот број на членови на СДСМ, од 83.000 членови, ЗА гласале само 9.000. И со ова само се продолжува агонијата во која СДСМ почна да тоне од 2020та година наваму“, вели Славјанка Петровска и додава:Денес на многу членови на СДСМ не им беше овозможено да гласаат затоа што ги немаше на избирачкиот список, иако уредно се регистирале. Денес, 11.000 членови одбија да гласаат затоа што се спротиставија на начинот на кој беше водена кампањата, на фаворизирањето, на несанкционирањето на злоупотребата на лични податоци, на притисоците да се поддржи фаворитот, затоа што се чувствуваат навредено на избирачкиот список на СДСМ да се најдат со активисти на владејачки партии. Згора на се, Централната изборна комисија заборави дека јас ја повлеков кандидатурата, па ги броеле и тие гласови, многу професионално, зарем не. А и како прогласија претседател, а не ги почекаа приговорите? Еве доказ за диригираниот процес.Денес 11.000 демонстираа свој став. И тоа е повеќе од 9.000. А легитимитет не се добива со 9.000 гласа.Но, најважното СДСМ е многу повеќе од 12.000 или 23.000, СДСМ се сите кои не се регистрираа и со тоа демонстрираа отпор.Ова сценарио е погубно за СДСМ, за вистинската СДСМ и затоа не е доцна нешто добро да се направи. Јас ќе се борам за доброто на СДСМ.На Македонија и треба силен, кредибилен и чист СДСМ и затоа повикувам формирање на привремено раководство, без багаж и кое ќе има јасен мандат и капацитет да ја обедини партијата, и да ја подготви за следните и внатрепартиски и локални избори. Ова е единственото сценарио за заздравување на СДСМ.Свесна сум дека оваа моја искреност некого ќе го повреди, но подобро некој да е повреден од мојата искреност, отколку партијата да се сведе на 50.000 гласови следната година.

Македонија | пред 1 година

Филипче нов претседател на СДСМ

Венко Филипче, поранешен министер за здравство во Владата на Зоран Заев, го презеде раководењето во СДСМ.Членство му даде поддршка на Филипче на вонредните внатрепартиски избори на кои силите ги одмери со Јован Деспотовски, директор на ТИРЗ во заминување, и Александар Бајдевски, поранешен заменик министер во МИОА.Со оглед дека на изборите гласаа 12 608 социјалдемократи, од запишаните 23 000, Филипче има повеќе од половина што значи дека изборот е во прв круг.

Македонија | пред 1 година

Седум натепани за еден ден: боксови разнемети во Скопје, има и семејно насилство, а се пресметале и малолетници

На 29.06.2024 во 15.20 часот во СВР Куманово 24- годишна жена пријавила дека околу 02.00 часот во Куманово била физички нападната од нејзиниот поранешен партнер Н.Д.. Се преземаат мерки за расчистување на случајот.На 29.06.2024 во 20.45 часот во СВР Куманово Ч.П.(63) пријавил дека околу 19.00 часот во Куманово тој и М.П. биле физички нападнати од С.С. од Куманово, кој употребил и тврд предмет. Се преземаат мерки за расчистување на случајот.На 29.06.2024 во 15.30 часот во СВР Скопје 34-годишна жена пријавила дека во домот на подрачјето на Бит Пазар во Скопје била физички нападната од нејзиниот вонбрачен сопруг С.Н., кој употребил и тврд предмет. Се преземаат мерки за расчистување на случајот.На 29.06.2024 во 15.30 часот во СВР Скопје М.Ј.(43) од Скопје пријавила дека околу 13.30 часот на подрачјето на општина Аеродром била физички нападната од едно женско лице. Се преземаат мерки за расчистување на случајот.На 29.06.2024 во 22.15 часот во СВР Скопје Д.П.(19) од Скопје пријавил дека на 26.06.2024 околу 00.30 часот на подрачјето на Карпош бил физички нападнат од еден малолетник, кој го познавал. Се преземаат мерки за расчистување на случајот.Денеска (30.06.2024) во 02.20 часот во СВР-Битола Г.П.(47) од Битола пријавила дека на 29.06.2024 околу 23.40 часот во Битола нејзиниот малолетен син бил физички нападнат од друг малолетник. Се преземаат мерки за расчистување на случајот.На 29.06.2024 во 21.45 часот во Полициската станица Прилеп Б.М.(49) од Прилеп пријавил дека околу 03.00 часот во Прилеп неговиот малолетен син бил физички нападнат од тројца малолетници. Се преземаат мерки за расчистување на случајот.

Македонија | пред 1 година

Извесно дека Филипче ќе е новиот претседател на СДСМ

Во СДСМ се гласа за избор на нов претседател, по оставката дадена од Димитар Ковачевски. Веќе извесно е дека победник ќе биде Венко Филипче, кандидат кој важи за близок експретседателот Зоран Заев и актуелен пратеник. Тој беше носител на струмичко-прилепската изборна единица 4, каде што партијата имаше слаби резултати исто како и низ цела држава.Победата на Филипче е очекувана дури и во внатрепартиските кругови во СДСМ. Се шпекулира дека токму тоа е причината поради која ексминистерката Славјанка Петровска се повлекла од трката. Извори од СДСМ брифираат дека ексдиректорот на ТИРЗ Јован Дсепотовски и ексзаменик-министерот во МИОА, Александар Бајдевски немаат свое гласачко тело и не уживаат висока доверба кај членството.Петровска, пак, веќе обвини дека се злоупотребувале лични податоци на илјадници членови на СДСМ, без да прецизира на кој начин и од кого, како и дали поседува докази.„На седницата на ЦИК информирав за сериозни забелешки во поглед на точноста и легитимноста на Избирачкиот список, злоупотребата на личните податоци на илјадници членови на СДСМ, кое продолжи и денеска“, рече Петровска.Пратеничката во поткастот „Претрес со Ландов“ веќе посочи и дека другите учесници во трката за трнот во СДСМ, имаат поголема одговорност од неа за изборниот резултат.Петровска најави и нејзино можно повлекување од политика.Гласањето се спроведува во 77 избирачки места низ државата, а на списокот се акредитирани 23 373 членови.

Македонија | пред 1 година

(Видео) Корупцијата царува во затворите - животот во казнено поправните установи под секое човечко ниво, вели Левица

„Во затворот Идризово се случила масовна тепачка меѓу затворениците! Повеќе лица се здобиле со тешки телесни повреди, додека едно лице било претепано до смрт. Ова е последен инцидент во долгата серија на настани што се имаат случено во затворот Идризово изминативе години: од филмските обиди за бегство, до оваа масовна тепачка. За жал, се чини дека ова нема да биде последен ваков случај“, вели Левица и додава:Животната состојба во затворите е повеќе од загрижувачка и нехумана. Ова го потврдува и Годишниот извештај на Народниот правобранител во кој се опишува катастрофалната состојба во однос на хигиената, но и пренатрупаностна на просториите, кои пред сè, се извор на ширење на заразни болести. Условите за живот во казнено - поправните установи во Македонија се далеку под секој човечки минимум.Катастрофалните животни услови во КПУ се и еден од изворите што поттикнуваат појава на корупиција. Според она што го споделуваат затворениците, затворската полиција, чии припадници во повеќе наврати се фатени во обид да шверцуваат забранети предмети во затворите, се основна алка во корумпираниот систем.Потсетуваме дека во повеќе наврати околу затворите беше прогласувана кризна состојба со што се овозможи војската и регуларната полиција да ги обезбедуваат затворите, но, очигледно, дека и тоа имаше краткорочни ефекти, без да ги донесе потребните резултати, а проблемите продолжуваат да се таложат.Живот под секое човечко достоинство е недозволив! Дополнително, условите во КПУ се далеку под стандардите на КПД во земјите на ЕУ, затоа Левица бара ветинг на севкупната работа на затворите и затворската полиција, како и сеопфатна реформа поткрепена со дополнителни обуки за затворската полиција, кои ќе помогнат да се зголеми нивото на спремност и професионалност на нејзините припадници.Левица апелира дека на затворите им е потребно итно реновирање и зголемување на капацитетите, но и унапредување на програмите за ресоцијализација на затворениците, каде што преку индивидуален пристап, труд и едукација, ќе бидат подготвени за реинтеграција во општеството!БОНУС ВИДЕО:?t=607

пред 1 година

Купил самострел за 6.900 динари во продавница во Земун ден пред терористичкиот акт: Министерот за полиција откри нови детали за напаѓачот на жандармите

Министерот за полиција Ивица Дачиќ и амбасадорот на Израел Јахел Вилан го посетија ранетиот жандар во терористичкиот напад пред израелската амбасада. Доцентот Душан Мициќ кажа дека ранетиот жандар е стабилен и под континуиран мониторинг на одделението за интензивна нега и дека се очекува да закрепне од операцијата што ја направи.Дачиќ изјави дека е јасно кои се главните, можни цели, пренесе N1info.„Нашата полиција со херојскиот чин на нашиот припадник Милош Јевремовиќ го спречи понатамошниот тек на овој терористички чин, амбасадорот го посети, сакам да му се заблагодарам на него и на израелската држава за изјавите за поддршка на нашиот полицаец. Србија покажа дека може да ја заштити не само безбедноста на земјата, туку и дипломатско-конзуларните претставништва лоцирани во нашата земја“, вели Дачиќ.Вилан рече дека „оваа посета е првиот радосен момент во последните 24 часа“.„Сакам да се заблагодарам на болницата и на лекарите кои му го спасија животот на полицаецот, во вакви терористички акти разликата меѓу она што го видовме и многу посериозна ситуација е мала. За мене беше важно да дојдам и да ја изразам мојата искрена благодарност, не само во мое име, во име на амбасадата, туку и во име на мојата влада и израелскиот народ. Ние подобро од сите знаеме што е тероризам, нема оправдување за тероризмот“, вели тој.Дачиќ ја информираше јавноста дека сопругата на напаѓачот на 27 јуни ја напуштила земјата и отишла во Црна Гора.„При претресот на неговата куќа во Младеновац, во продавница во Земун ја најдовме сметката, самострелот што го купил ден пред овој терористички чин, на 28 јуни. Им кажав на луѓето од ПУ во Белград да отидат во продавница и да спроведат мерки против тоа што го продаваат, но добив одговор дека тоа оружје припаѓа на таканаречената Д категорија на оружје за кое не е потребна дозвола од надлежните органи за бидат купени. Тој самострел со кој можел да го убие жандарот го купил за 6.900 динари. Затоа ваквите глупости напишани во закони мора под итно да се сменат, да се усогласат со реалниот живот. Како не е опасен самострел кога жандарм за малку ќе го загубил животот“, рече Дачиќ.Според него, две работи треба да се разделат.„Едното е самото дело, самата истрага, дали бил сам или имал помагачи, а другото е прашањето за разни екстремисти за кои може да се каже дека постојат основани сомнежи дека се работи за терористичко здружение" вел тој.Тој додава дека уапсиле и привеле неколку лица.„Како што можевте да видите вчера, станува збор за едно лице кое беше уапсено вчера, Игор Деспотовиќ, тој исто така е преобратен во ислам. При претресот е приведен Кемал Беговиќ од Нови Пазар, во неговиот стан бил пронајден елек со знамето на таканаречената Исламска држава. Третото лице е Харис Шундо, државјанин на БиХ, нема одобрено живеалиште во Србија, ќе добие наредба да биде отстранет од Србија. „Едно лице беше пронајдено со видео каде со нож во рака се заколнува на верност на Исламската држава, но обвинителството оцени дека нема елементи за кривично дело, наше мислење е дека е“, вели тој.Следните неколку дена, додава тој, ќе го задржат црвеното ниво на опасност од терористички напади.„Ова подразбира зголемено присуство на полицијата на видливи места, што е пред се во интерес на граѓаните. Центарот на вахабизмот е лоциран во Австрија за Балканот, тоа сме го истакнале милион пати. Ги замоливме колегите од Црна Гора да имаат интервју со неговата сопруга, која замина два дена пред овој чин, малку е сомнително дека тоа се случило точно два дена пред тоа“, вели Дачиќ.

Свет | пред 1 година

Агелер: Нема одново преговарање на Преспа, се собираат поени со тоа кој што кажал, но важно е да се почитуваат договорите

Да бидам многу јасна, Договорот од Преспа беше апсолутно историски за државата. Знам дека беше исклучително тешко за многу луѓе во државата да прифатат промена на името. Но тоа беше меѓународен договор, со кој тогашната влада и многу во меѓународната заедница се согласија. Ние секако бевме дел од тој процес и ние аплаудиравме. Тоа е нешто што и помогна на Северна Македонија, сега да влезе во НАТО, и доби многу можности за да напредува во Европската Унија, вели мериканската амбасадорка Анџела Агелер во интервју за Радио Слободна Европа.„Бевме многу задоволни што новиот премиер и неговите министри кажаа “Северна“ во заклетвата.Тоа е од клучна важност и е фундаментален дел од Договорот. Сега многу внимателно ќе следиме како се почитува. Но како што веќе кажав и кажавме дека со почитување на Договорот од Преспа, што е клучно, и секако има начин, и приоритетот за нас во Скопје, во Американската амбасада и за Вашингтон, е да се премине на многу од тие многу важни приоритети за кои треба да се зборува оваа земја. Чувствувам дека има одредено количество на одвлекување на вниманието и собирање поени од тоа кој и што и кога кажал. Но важно е да се почитуваат меѓународните договори, за кои премиерот кажа дека ќе го стори и да одиме напред и да ги имаме многу важните разговори“, додава таа.Агелер посочува и: „Тие договори се направени. Нема одново преговарање на Преспа, нема одново преговарање за напредок кон ЕУ. Тоа е многу јасно. Има разлика, како што знаеме во мојата земја, меѓу тоа што се кажало во кампањите, што се кажало низ години, а што сега за да се оди напред. И силно се надеваме дека е направен прогрес, дека тие стари употреби или терминологии може да се остават на страна, и дека соседите, сеедно кој, почнувајќи од Северна Македонија ќе може да имаат важни разговори од кои сите инволвирани ќе имаат корист. Се надеваме дека тоа ќе го видиме“.

Македонија | пред 1 година

Руските сили уништија 36 украински беспилотни летала

Руските сили синоќа соборија 36 украински беспилотни летала во шест региони во западна Русија, соопшти Министерството за одбрана во Москва.Руските власти тврдат дека во нападите нема жртви, ниту дека е причинета материјална штета.„Системите за противвоздушна одбрана уништија 15 беспилотни летала во Курската област, девет беспилотни летала во областа Липецк, по четири беспилотни летала во областите Воронеж и Брјанск и по два беспилотни летала во Ориолската област и Белгородската област“, ​​се вели во соопштението на руското Министерство на Телеграма.Во областа Липецк нападот бил „масовен“, изјави гувернерот Игор Артамонов.

Свет | пред 1 година

Ужас ја потресе Македонија: Татко од прилепско ги силувал сопствените три ќерки

Основното јавно обвинителство Прилеп донесе Наредба за спроведување истражна постапка против 36-годишен жител на прилепско за кого постои основано сомнение дека сторил продолжени кривични дела – Силување на дете кое не наполнило 15 години од член 188 став 1, како и Родосквернавење од член 194 став 2 во врска со став 1 од Кривичниот законик.Во периодот од 2021 до 2023 година, во повеќе наврати, осомничениот во својот дом вршел полови дејствија врз неговите три ќерки, родени 2008, 2010 и 2014 година, кои во време на сторување на делата немале наполнето 14 години.Истрага е поведена и против мајката на децата, која е осомничена за кривично дело – Запуштање и малтретирање на дете од член 201 став 1 од Кривичниот законик. Делото го сторила со грубо запоставување на својата должност за грижа и воспитување и ги запуштила своите ќерки, кои и кажале дека таткото врши полови дејствија и обљуба врз нив, а таа ги убедувала дека е срамота да пријават и дека треба да ги почитуваат родителите. Со тоа допуштила децата жртви да живеат заедно со нивниот татко кој полово ги злоупотребувал и не презела никави мерки за нивна заштита. На 27 јуни, едно од девојчињата се охрабрило и го пријавило таткото во полиција.Надлежниот јавен обвинител достави предлог за определување мерка притвор за двајцата родители и иницира соодветно згрижување на сите деца од семејството преку надлежните служби.

Македонија | пред 1 година

Петровска со писмо до СДСМ: Јa повлекувам мојата кандидатура за претседател, не сакам да сум соучесник во погазување на статутот

Кандидатката за претседател на СДСМ, Славјанка Петровска испрати официјално писмо до Централната изборна комисија за претседателските избори во СДСМ.Во писмото Петровска ја известува ЦИК на СДСМ дека ја повелекува кандидатурата за претседател.„Сакајќи да го заштитам СДСМ од нелегитимен избор на претседател и да избегнам да бидам соучесник во ова погазуванье на статутот ве известувам дека ja повлекувам мојата кандидатура за претседател на СДСМ. Со оглед на тоа дека овој процес за мене е неприфатлив барам моето име да не стои на избирачкото ливче, со цел гласачите да не бидат доведени во заблуда“ пишува Петровска.Таа во писмото наведува дека и покрај тоа што на состанок со претставници на ЦИК укажала на бројни неправилности, сепак Петровска не добила никаков одговор што ги побива нејзините тврдења.„Имајќи ги предвид основните политички начела поставени во Статутот на Социјалдемократскиот соуз на Македонија кои jа потврдуваат нашата заложба како социјалдемократи за целосно почитување на човекот, неговото достоинство, права и слободи, како и нашата заедничка заложба за одржување на фер, чесни и достоинствени избори за претседател на СДСМ, каде сите кандидати треба да имаат подеднакви можности за претставување и лобирање, вчера на состанокот одржан во просториите на СДСМ со преставници на ЦИК информирав за сериозни забелешки во поглед на точноста и легитимноста на Избирачкиот список, злоупотребата на лични податоци на илјадници членови на СДСМ кое продолжи и денес, но за жал не добив одговор кој ги побива сите овие тврдења. Како социјалдемократ верувам во искреноста со коа треба да се обраќаме кон нашите другари и другарки и затоа сите овие основани и потврдени сомнежи го нарушуваат легитимитетот на овие избори и резултатите“ се наведува во писмото на Петровска.

Македонија | пред 1 година

(Видео) Таравари: Не би студирал медицина во Струга, јас сум против факултетите каде се запишуваш и по 3-4 години да си купиш диплома

Министерот за здравство, Арбен Таравари, ќе бара ревизија на сите медицински факултети во Македонија.Тој во поткастот „Претрес со Ландов“ прашан дали би студирал медицина на факултетот во Струга во јавноста познат како „факултетот на Мерко“, одговори: „Јас не би студирал. Ќе треба ревизија. Јас сум против сите универзитети каде постојат сомнежи, искрени сомнежи, дека се запишуваш и по 3-4 години можеш да одиш да купиш диплома“.Таравари додава: „Сметам дека треба да се направи ревизија на сите универзитети. Се надевам посебно за медицинските факултети. Јас ќе имам состанок со деканите на медицинските факултети, а посебно и со министерката за образование која е професорка која е ценета и квалитетна“.Вчера, на првата владина седница, беше донесена одлука со која се укинува изучување на медицинско образование на факултетот во Струга.?t=2138

Македонија | пред 1 година

Тројца скопјани со лисици: двајца барани со потерници, еден се шетал со прашкаста материја

Денеска (29.06.2024) во 00.10 часот на подрачјето на Центар во Скопје, полициски службеници од Единицата за интервентна полиција при СВР Скопје го лишиле од слобода А.В.(26) од Скопје поради тоа што кај него била пронајдена и одземена бела прашкаста материја. По целосно документирање на случајот ќе следува соодветен поднесок.На 28.06.2024 во Скопје полициски службеници од Единицата за интервентна полиција при СВР Скопје го лишија од слобода Ф.М. (27) од Скопје, кој бил баран со потерница по наредба на Основен кривичен суд Скопје за издржување затворска казна за сторено кривично дело по чл. 247 ст. 2 од КЗ. Лицето ќе биде предадено на надлежна казнено поправна установа.На 28.06.2024 во Скопје полициски службеници од ПС Кисела Вода го лишија од слобода Г.С. (30) од Скопје, кој бил баран со потерница по наредба на Основен кривичен суд Скопје за издржување затворска казна за сторено кривично дело по чл.235 од КЗ. Лицето ќе биде предадено на надлежна казнено поправна установа.

Скопје | пред 1 година

Македонија под влијание на Африка: Температурите ќе бидат во позначителен пораст, очекуваме 38 степени

Територијата на Македонија за време на овој викенд ќе биде под влијание на топол бран кој продира од северните предели на Африка. Времето ќе биде стабилно, суво и сончево со појава на мала локална облачност. Денес ќе дува слаб до умерен ветер од северен, а утре од променлив правец.Претежно сончево и топло време ќе имаме и во Скопскиот регион. И таму ќе дува слаб до умерен ветер претежно од северен правец.Денес максималните дневни температури во Македонија ќе се искачуваат во интервалот од 29 до 37 степени, додека утре тие ќе бидат уште малку повисоки и ќе се искачуваат во интервалот од 30 до 38 степени. Во Скопје температурата овој викенд ќе се искачува во интервалот помеѓу 33 и 35 степени.Ув индексот ќе има многу висока вредност и овој викенд тој ќе има коефициент помеѓу 8 и 9.

Македонија | пред 1 година

„Почитуван претседателе, откажете се од изборите“: Њујорк тајмс апелираше до претседателот Џо Бајден

Редакцијата на престижниот американски весник „Њујорк тајмс“ во петокот го повика претседателот Џо Бајден да се повлече од трката за Белата куќа по неговата катастрофална дебата против Доналд Трамп.Во уводникот објавен во петокот вечерта со наслов „За да и служи на земјата, претседателот Бајден мора да ја напушти трката за Белата куќа“, Њујорк Тајмс го опиша Бајден како „лидер во сенка“, откако 81-годишниот претседател „падна на сопствениот испит“, пренесува „Јутарњи лист“.Непрепознатлив, Бајден ги замати зборовите, не заврши одредени реченици и зјапаше празно за време на телевизиската дебата во четвртокот против неговиот републикански претходник и ривал на изборите во ноември.„Бајден беше восхитувачки претседател. Под негово водство, земјата напредуваше и почна да се соочува со низа долгорочни предизвици, а раните што ги отвори Трамп почнаа да зараснуваат. Но, најголемата услуга што Бајден би можел да и ја пружи на јавноста денес би била да објави дека нема да се кандидира за реизбор“, напиша „Тајмс“.Редакцијата на „Тајмс“ е составена од реномирани уредници и треба да ги одразува вредностите на медиумите, забележува „Јутарњи лист“.Членовите на Демократската партија, исто така, се сомневаат во способноста на Бајден да преземе нов мандат, што предизвика бура во партијата, но претседателот во петокот рече дека може „да ја заврши работата“, добивајќи поддршка од двајца негови претходници, Барак Обама и Бил Клинтон.Републиканскиот претседателски кандидат Доналд Трамп изјави дека неговиот ривал, демократскиот кандидат Џо Бајден, не е проблемот со возраста „туку неговата способност“.„Дали некој гледаше нешто што се вика дебата синоќа? Победивме човек кој навистина сака да ја уништи нашата земја“, рече Трамп за Бајден во Вирџинија, нарекувајќи го „корумпиран и неспособен“, пренесува CBS.

Свет | пред 1 година

АА-Дијаспора: вЛЕН соучесник во бришење на дијаспората, повлечете ја одлуката

„Со голема загриженост ги следиме политичките случувања во нашата земја, каде за кратко време новата Влада донесе некои одлуки на штета на Албанците и другите заедници. Неодамна оваа Влада ја донесе најсериозната одлука за нас како дијаспора, промените во Балансерот, бришејќи не од официјалната статистика и со тоа ни го ускрати правото на застапеност и да бидеме дел од општата популација во државата. Оваа голема неправда не само што е дозволена, туку и ја спроведува и коалицијата вЛЕН, која сега исто така учествува во ваквото одлучување“, велат од Ограноци на Алијансата за Албанците во дијаспората и додаваат:„Ние, како дијаспора, потсетуваме дека сме граѓани на Северна Македонија и директен придонесуваме во сите процеси во земјата, како во економските преку ремитенци и во многу случаи и со директни инвестиции, како и во многу други сфери од јавниот живот. Ние сме директно поврзани со нашата татковина, во многу моменти сме директно вклучени и бараме да се врати еднаквиот третман со другите граѓани. Коалицијата вЛЕН најмногу ја злоупотреби дијаспората за предизборни цели, а сега не само што врти грб, туку сака да не направи и непостоечки. Сите ограноци на Алијансата за Албанците во дијаспората реагираат гласно на неодамнешната одлука за бришење на албанската дијаспора од официјалната статистика за правична застапеност, а за оваа одлука ќе ги алармираме и европските и светските центри за одлучување како и сите здруженија на албанската дијаспора.Овие нелегитимни одлуки на Владата ги гледаме како чекор кон спречување на нашето враќање во татковината и се сомневаме дека се кријат уште поопасни сценарија.Ги повикуваме сите други политички сили, граѓански организации и секој сонародник да го крене својот глас и да не дозволи оваа неправда која ги уништува над две деценискиѕе достигнувања за интеграција на дијаспората и откривање на реалниот процент на населението во Северна Македонија“.

пред 1 година

(Видео) Повеќе се исплати да се работи како таксист, отколку како доктор во Брза помош: фалат минимум 100 работници

Итно мора да се средува состојбата во „Здрвствен дом-Скопје“, кои се надлежни за Брзата помош. Недостасуваат 150 лица да бидат вработени, за да има доволно медицински екипи. За ова, министерот за здравство, Арбен Таравари отворено зборуваше во поткастот „Претрес со Ландов“. Тој посочи дека ова мора да се надмине, како и дека граѓаните веќе сведочат дека Брзата помош воопшто не е брза. „Мислам дека Здравствен дом, веднаш треба да се интервенира. Знам дека задоцнуваат со давање здравствени услуги. Повеќето кажуваат дека доцнат, но доаѓаат. Ќе мора да поставиме можеби уреди за да се следат автомобилите каде се движат и да се надгледува каде се даваат здравствени услуги, да се контролираат“, рече Таравари и додаде дека платите се прениски:„Ми кажуваат дека плата на општ доктор добива 35.000 или 36.000 денари. Повеќе му се исплати да работи како таксист“.Здравството тоне во проблеми, сите ги ставивме на маса во поткастот со Таравари:

Македонија | пред 1 година

Нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,52 % во однос на одлуката од 24.6.2024 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,061%, кај дизелот 0,419%, кај екстра лесното масло за 0,400% и кај мазутот зголемувањето е за 3,489%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,008%Од 29.6.2024 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 82,50 (денари/литар)Моторен бензин ЕУРОСУПЕР БС - 98 85,00 (денари/литар)Дизел гориво ЕУРОДИЗЕЛ БС (Д-Е V) 76,50 (денари/литар)Масло за горење Екстра лесно 1 (ЕЛ-1) 75,00 (денари/литар)Мазут М-1 НС 47,928 (денари/килограм)Малопродажната цена на Мазутот М-1 НС се зголемува за 1,208 ден/кг и сега ќе изнесува 47,928 ден/кг.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.Напоменуваме дека ова се максималните цени на нафтените деривати од 00:01 часот на 29.6.2024 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 1 година

Ова се новите директори во Царина, Управа за јавни приходи, Биро за јавна безбедност...

Ве известуваме дека Владата на Република Северна Македонија донесе повеќе одлуки за именувања на раководни кадри на државни институции. Овие одлуки ги вклучуваат следните назначувања:Игор Јанушев е именуван за Генерален секретар на Владата. Јанушев е дипломиран правник на Правниот факултет „Јустинијан Први“ - Скопје. Неговото претходно искуство вклучува работа како пратеник во Собранието, директор на ЈСП „Скопје” и раководител на Секторите за воздухопловство и за општи работи при Министерството за транспорт и врски. Како пратеник, Јанушев беше шеф на делегацијата во Парламентарното собрание на ОБСЕ и претседател на Комисијата за надзор над спроведување на мерките за следење на комуникациите.Ивица Томовски е назначен за директор на Службата за општи и заеднички работи. Тој има магистратура по менаџмент на човечки ресурси и долгогодишно професионално искуство во деловното работење, консалтинг услуги и менаџирање во приватниот сектор. Томовски е поранешен управител на ЕЛЕМ Турс и има стекнато обуки на повеќе интернационални школи за менаџмент на човечки ресурси.Елена Петрова е новиот директор на Управата за јавни приходи. Петрова беше дополнителен заменик-министер за финансии во последната техничка Влада. Таа е дипломиран економист со над 25 години искуство во Управата за јавни приходи, каде што работела на различни раководни позиции, вклучувајќи управник на Дирекцијата за големи даночни обврзници. Има активно учество во неколку управни одбори и поседува бројни лиценци и сертификати, вклучувајќи обуки и соработки со Светска банка, ММФ и други меѓународни организации.Бобан Николовски е именуван за директор на Царинската управа. Николовски доаѓа од позицијата пратеник во македонското собрание и има 15 години работно искуство во Царинската управа, вклучувајќи и работа како директор на ЈП „Куманово план“. Тој има магистратура по бизнис и поседува десетици обуки и лиценци за царинско работење.Александар Јанев е назначен за директор на Бирото за јавна безбедност. Јанев има 27 годишна полициска кариера која започнала како кадет на Средното полициско училиште „Елисије Поповски Марко“. Образованието го продолжил на Правниот факултет „Јустинијан Први“ и на Факултетот за менаџмент на човечки ресурси. Јанев работел на различни позиции во Министерството за внатрешни работи, вклучувајќи инспектор, раководител на единица и сектор, и аналитичар за потребите на министерството. Тој е унапреден во главен инспектор во секторот за обезбедување и заштита на личности и објекти и раководел со четири сектори со 300-350 вработени во областа на организираниот криминал, корупцијата, транснационалниот криминал, тероризмот и насилниот екстремизам.За државен секретар во Министерството за внатрешни работи е именуван Сашо Петрушевски. Тој е доскорешен директор на Јавно претпријатие во Општина Куманово. Тој е добитник на Ноемвриска награда на Град Куманово, како и добитник на награда за најдобро работење на ЈП „Куманово Паркинг” - Куманово од Агенција „Company Wall“ Macedonia за најдобар бонитет А. Поседува повеќе сертификати и обуки за менаџирање со човечки ресурси и комуникациски техники.За шеф на Канцеларијата на Претседателот на Владата е назначен Владимир Нелоски, а негов заменик Саше Павлоски. Владимир Нелоски има завршено на Економскиот факултет, воедно е магистер на Правниот факултет „Јустинијан први” од областа на корпоративното право. Тој е советник во Град Скопје. Бил претходно вработен во Агенцијата за електронски комуникации и има богато искуство во менаџирање со процеси и човечки ресурси.Саше Павлоски завршил на Економскиот Факултет при УКИМ. Тој има повеќегодишно работно искуство во Владата на Република Северна Македонија и искуство од менаџерско работење и делување. Бил и член на Надзорен одбор на МЕПСО и претседател на Управниот одбор на Национален парк „Маврово”.Воедно Министерот за земјоделство, шумарство и водостопанство на Република Северна Македонија, Цветан Трипуновски ја информираше владата за штетите од невремето пришто беше задолжен од општините да прибере информација за проценка на штетите од невремето за да се направи проценка на износите на штета.Министерот за култура и туризам Зоран Љутков информираше за штетите предизвикани од невремето врз Драмскиот театар, пришто е најавена ревизија на постапувањето на минатата управа на Театарот и континуираната негрижа.Воедно, меѓународниот универзитет во Струга не може да основа Факултет за здравствени науки. Донесената одлука од претходното владино раководство е поништена, а информацијата беше потврдена денеска на првата седница на новата Влада.Владата расправаше и за зголемување на пензиите од 5.000 денари, пришто беше потврдена заложбата и беше одлучено ова зголемување да се реализира на два пати, од кои првата исплата од 2.500 денари ќе биде во септември, а втората од 2.500 денари ќе следува во март.

Македонија | пред 1 година

Игор Јанушев избран за Генерален секретар на Владата

,,Денеска бев именуван за Генерален секретар на Владата предводена од Претседателот Христијан Мицкоски.Се заблагодарувам за искажаната доверба и верувам дека ќе работиме исклучиво во интерес на граѓаните!Ќе работиме чесно и достоинствено за народот!”, напиша Игор Јанушев, на својот Фејсбук профил.

Македонија | пред 1 година

Петровска бара одложување на изборите за претседател на СДСМ, целиот процес бил нефер

Кандидатката за претседател на СДСМ, Славјанка Петровска на прес-конференција ги повика другите кандидати кои се претенденти за претседател на партијата во недела да се откажат изборите за избор на нов лидер на партијата.Предлогит на Петровска е да се избере привремено партиско раководство кое ќе закаже нови внатрепартиски избори кога ќе се создадат услови за тоа.Вели дека процесот за избор на претседател бил нефер. Таа наброја неколку причини зошто изборите не треба да се одржат.Како главна причина таа смета дека регистрацијата на членовите не се вршела лично од самите членови, како и дека од некои од противкандидатите биле злоупотребени личните податоци на дел од членовите на партијата.

Македонија | пред 1 година