ТОП

Jа тепал партнерката, а негов гостин гледал и го бодрел

Јавен обвинител од Основното јавно обвинителство Скопје поднесе Обвинителен предлог против 46-годишен скопјанец за кривично дело – Тешка телесна повреда од член 131 став 2 во врска со став 1 од Кривичниот законик, како и против едно 34-годишно лице за кое во текот на претходната постапка беа обезбедени докази дека со умисла му помагало на првиот обвинет да го стори семејното насилство.На 29 мај, во својот дом на улицата „Партение Зографски“, обвинетиот тешко телесно ја повредил својата вонбрачна партнерка, така што без особен повод и причина, физички ја нападнал и почнал да ја удира со шлаканици во пределот на лицето и главата и со клоци во пределот на екстремитетите, во пределот на бедрата и кај градниот кош под градите.Вториот обвинет во тоа време бил присутен во домот на обвинетиот, но не презел ништо да ја заштити жртвата, туку напротив му давал совети и упатства како да го изврши кривичното дело. Во домот била присутна и мајката на првообвинетиот, која се обидела да ја одбрани жената од физичкиот напад, но вториот обвинет ја запрел, обраќајќи ѝ се со зборовите “остани настрана, сами нека го решат проблемот тоа е нивнa личнa работа”. Дополнително, второобвинетиот во моментите на физичкиот напад го бодрел сторителот со зборовите “ако треба заедно со мене ќе ја издржиме казната”.Од многубројните удари, оштетената се здобила со тешки телесни повреди набиеници, подливи и мултифрагментарна скршеница на носните коски.За првообвинетиот, за кого претходно беше определена мерка притвор, јавниот обвинител му предложи на Основниот кривичен суд Скопје да ја продолжи притворската мерка. Предлог за определување мерка притвор беше поднесен и за вториот обвинет, но Судот не го прифати предлогот на обвинителот и не определи мерки, па по приемот на решението надлежниот јавен обвинител ќе вложи жалба на ваквата судска одлука.

Скопје | пред 2 години

Aвиодезинсекцијата против комарци не е ефикасна, вели епидемиологот Даниловски

Епидемиологот Д-р. Драган Даниловски, на Фејсбук објави детална анализа за тигрестите комарци, чиј број станува се поголем во земјава, и нагласи зошто авионското прскање против комарци не е ефикасно."Пред неколку дена ми падна в очи еден напис во “The Washington Post”, за појава на епидемија на болеста денга во Перу (население 33,7 мил.), со рекордни 110.000 заболени, што директно го поврзуваат со обемни дождови во претходниот период и повисоки температури заради климатските промени.Инаку, болеста се пренесува со помош на комарци, особено т.н. тигрести комарци (Aedes albopictus). Колку повеќе врнежи, толку повеќе комарци - и толку повеќе заразени. Епидемијата е предупредувачки знак за земјите во тропските предели, бидејќи климатските промени носат топло и влажно време, што обезбедува идеални услови за размножување на комарците.Но, тоа е предупредување и до сите други на планетава. Глобалното затоплување си го прави своето. Со порастот на просечните температури и влажноста, се менуваат еколошките услови во околината, кои стануваат поволни за размножување и ширење на цела лепеза артроподи (инсекти, крлежи), кои претставуваат вектори за огромен број вируси.Освен за денга, тигрестите комарци се вектори и за некои други заболувања: треската чикунгуња, зика, жолта треска, како и некои паразити. За среќа, овие болести не се присутни во Македонија, па затоа комарците, реално, не можат да ги пренесат. Но, сепак, реален ризик е пренесувањето на вирусот на западнонилската треска, зашто природни резервоари претставуваат птиците.Драматичната глобална експанзија на тигрестиот комарец се должи, пред сѐ, на човечките активности, особено трговијата со половни гуми и пасивниот транзит преку јавен и приватен транспорт. Втора причина е неговата извонредна еколошка пластичност и компетитивност.Од средината на 1960-тите, тигрестиот комарец се проширил во Европа, обете Америки, Карибите, Африка и Блискиот Исток. Откако се има етаблирано во Албанија (1979), потоа, во Италија и на Азурниот брег во Франција. Познато е дека Ае. albopictus се проширил во Грција, Шпанија и балканските земји, Швајцарија, Шпанија, Холандија и Малта. Најден е и во јужна Германија, Австрија, Чешка и Словачка, Словенија, Русија, Турција и Романија. Во САД е внесен, исто така, преку трговија со половни гуми.Предвидувањата за климатските промени укажуваат дека Ae. albopictus ќе продолжи да биде успешен инвазивен вид, кој ќе се шири надвор од сегашните географски граници. Овој комарец веќе покажува знаци на адаптација на постудени клими, што може да резултира со пренос на болести во нови области.Во Македонија првпат е докажан во 2016 година на границата со Грција. Сега веќе е доминантен вид, зашто, практично ги има потиснато другите „домашни“ видови комарци.Карактеристично е што женките касаат по цел ден, а не како другите, само наутро и навечер. Исто така, за положување на јајцата не му се потребни големи површини застојана вода, туку доволни се и мали количини, на пример, во саксии за цвеќе, вазни, контејнери и автомобилски гуми, барички вода во дворот. Агресивен е и создава посилни алергиски реакции кај луѓето, отколку „домашните“ комарци.Затоа, авиодезинсекцијата во населените места, која се спроведува секоја година по неколку пати е „сизифовска“ работа, зашто, едноставно, не може да биде успешна и треба да се укине. Зошто? Затоа што ги уништува само оние комарци кои во моментот се во воздух. А, знаеме, постојат и ларви... Таа треба да се применува само во ненаселени подрачја или при елементарни непогоди.Во населените места е потребна дезинсекција со прскање од земја. Значи, треба да се смени стратегијата. Освен тоа, од суштествена важност е да се организира јавна едукативна кампања, за граѓаните да внимаваат да немаат застојана вода во својата околина, особено оние што имаат дворови. За лична заштита, треба да се користат репелентни средства.На прагот сме на летото и на интензивна активност на тигрестите комарци. Иако е малку веројатно да пренесат егзотични болести (види погоре) кај нас, сепак, реално, ќе предизвикуваат тешки непријатности, заради целодневното агресивно касање.Оттаму, мислев дека нема да биде на одмет едно укажување до надлежните за потребата од менување на стратегијата за превентивна дезинсекција, како и потсетување на граѓаните за индивидуалните мерки за заштита"напиша тој.

Коментари | пред 2 години

(Вознемирувачко видео) Пациенти тепаат новодојден пациент во „Бардовци“

Вознемирувачко видео на кое пациенти во психијатриската болница Бардовци снимаат и тепаат новодојден пациент се појави на социјалните мрежи.На видеото се слуша како еден од пациентите бара од човекот да се претстави, а потоа им дава насоки на другите во просторијата да го тепаат.„Седи тука, воспитни! Така се пречекуваат новите гости“, се слуша на видеото.

Македонија | пред 2 години

Меџити денеска ќе ги објави причините за смената на доктор Јовев

Министерот за здравство Фатмир Меџити денеска треба да ги објасни причините за смената на докторот Сашко Јовев.Меџити предупреди дека нема да дозволи нерегуларности и неработење од страна на директорите на клиниките. Најави дека ќе има и други смени.„За секој што ќе згреши пред здравствените закони, ќе има одговорност, бескомпромисно. Ова здравство не функционира, јас сум автокритичен. Вложивме многу труд и напор, правиме сѐ за да ги подобриме условите“, вели министерот Меџити.Докторот Јовев вчера изјави дека целата работа не тргнала како политички реваншизам. Почнало како суета, но за Јовев е очекувано да се претвори во политички пазар.

Македонија | пред 2 години

Денеска Ковачевски на средба со Мицкоски

Денеска, 07.06.2023 година (среда) во 11:00 часот во Клуб на пратеници, на покана на претседателот на Владата на Република Северна Македонија, Димитар Ковачевски, ќе се одржи средба меѓу премиерот Ковачевски и претседателот на политичката партија ВМРО-ДПМНЕ, Христијан Мицкоски.На средбата, ќе се разговара пред сѐ за одлуките кои треба да се донесат во Собранието со цел продолжување на европската интеграција на Република Северна Македонија, како и за пристапот на државата, институциите и сите политички чинители во насока на градење и одржување на добрососедски односи со сите наши соседи.

Македонија | пред 2 години

Како на толку проблематични клиники и здравствени домови Меџити се намерачи на клиниката за кардиохирургија, прашува ВМРО-ДПМНЕ

Кога партиските пазари и суети се вмешаат во здравството, тогаш здравствениот систем е на апарати. Последниот скандал во здравството со разрешувањето на директорот на клиниката за Кардиохирургија, покажува дека оваа власт ниту има стратегија, ниту има концепт што да прави во јавното здравство, а за жал нема ниту јасна и унифицирана владина политика, вели ВМРО-ДПМНЕ„Напротив гледаме дека владата се пазари и препазарува, поткусурувајќи се со принципите на професионалноста и квалитетот во здравството.Против аргументите на министерот излегоа луѓе од фелата, па дури и Државниот санитарен и здравствен инспекторат, на кој самиот се повикуваше, кои велат дека министерот не ја говори вистината и дека до нив ниту имало претставка, ниту барање од министерот за вонреден инспекциски надзор на клиниката за кардиохирургија и истото не се случило.Тоа значи дека голема е веројатноста ова разрешување да се случило поради каприц и суета, или поради партиско-политички каприци. Но било што и да е, после ваква скандалозна ситуација во секоја сериозна европска држава премиерот го превоспитува или го менува министерот.Но во случајов, Ковачевски за сето ова збор нема проговорено и во негов манир се крие и бега, затоа што само ако се осуди да му писне на министерот Меџити, лесно може заедно со директорот на клиниката за кардиохирургија и тој самиот да лета од владата како куфер.И додека Министерот Меџити и владата прават кадровски претумбации на сметка на квалитетот и функционалноста на системот, здравството тоне и тоне.Има недостиг на антибиотици, недостиг на лекови и терапија на клиниката за онкологија, има сериозен недостиг на медицински персонал кој масовно заминува во странство, има затворања на цели одделенија по здравствените установи, пациенти со ретки болести молат за помош, а со смс пораки се собираат пари за лекување на луѓе, кратко речено, има тотален колапс на системот.Меџити треба да одговори како на толку проблеми во здравството, на толку проблематични клиники и здравствени домови се намерачи токму на клиниката за кардиохирургија?Ковачевски ништо не го прашуваме, бидејќи ни во владата не го есапат ни 2%“, се вели во соопштението.

Македонија | пред 2 години

Ќе се санира дефектот на цевководот Макарија во општината Росоман

Владата ја разгледа и усвои Информацијата за состојбата со сифон Макарија, во ХМС Тиквеш, по настанатото оштетување, од коешто најзасегнати се земјоделците од општина Росоман, како и понуденото решение од страна на Министерството за земјоделство, шумарство и водостопанство.Станува збор за санација на цевководот Макарија преку монтирање соодветни цевки на оштетениот дел коишто е предвидено да обезбедат доволни количини вода за наводнување на пријавените површини од 2.050 хектари, за сезона 2023.Времето на изведбата, според посоченото од Министерството, ќе овозможи да се запази сезоната за наводнување.Решението коешто е предложено може да се изведе во брз рок и има карактеристика на решение од траен карактер, пришто се олеснува понатамошното реконструирање на целосниот цевковод Макарија и се заштедуваат средства за идните зафати на другите делови од системот за наводнување. А, е предложено по направени проценки од страна на стручни лица од Управата за водостопанство при Министерството, заедно со претставници на АД Водостопанство на Република Северна Македонија и професори од Градежниот факултет при Универзитетот „Свети Кирил и Методиј“ од Скопје.

Македонија | пред 2 години

До кога ќе молчиме и ќе си прават кој што сака, прашува девојка на чиј татко д-р Јовев му трансплантирал срце

Елеонора Димовска, ќерка на пациентот на кој д-р Јовев му трансплантираше ново срце со јавна порака до министерот за здравство Фатмир Меџити кој вчера објави дека го разрешува од директорската позиција кардиохирургот Сашко Јовев.Таа на својот фејсбук профил сподели објава која ви ја пренесуваме во целост:- Во принцип на мојов профил најчесто гледате објави поврзани со шминка, и избегнувам да давам коментар на вакви теми, но овој пат оваа тема многу ме погодува, ме боли! Па затоа решив нешто да Ви кажам.Дали знаете кој е Проф. Др. Сашко Јовев? За тие што не знаете еве јас ќе Ви кажам.Проф. Др. Сашко Јовев до пред некој час директорот на Кардиохирургија е најуспешниот кардиохирург на нашиве простори па и пошироко. Личноста која ги предводеше сите трансплантации на срце во нашата држава, спаси и продолжи безброј животи, е таа личност денес е разрешена од страна на НАДЛЕЖНИТЕ.Ако се прашувате зошто и од каде ми е правото јас да зборувам на темава еве и тоа ќе Во го кажам, пред 9 месеци беше направена последната трансплантација на срце, а личноста која го прими срцето беше мојот татко. Па оттука можам да зборувам за она што го направил професорот.Од една страна за жал, а од друга за голема среќа долг период секое утро, повторувам СЕКОЕ УТРО по неколку часа поминувавме во просториите на државната кардиохирургија, и сведочевме на ангажираноста на професорот, сведочев дека ниту еднаш не пропушти визита, немаше момент некој од пациентите да го побара а он да не е присутен, но по зборовите на НАДЛЕЖНИТЕ можеби и операцијата на татко ми од дома ја правел, не работел ништо 10 години.И не, не го кажувам ова за да го бранам Професорот, го кажувам ова затоа што не можам да си поверувам каде живеам, во држава каде што се разрешуваат луѓето кои спасуваат животи.И знаете ли што ми е најголем проблем, тоа што познавајќи го професорот и целиот тим кој што е покрај него после ова ќе ја продолжат нивната кариера негде каде што ќе ги ценат, негде каде што ќе ги почитуваат, негде многу далеку од нашава Македонија, и тука нема да остане стручно лице кое ќе знае да го одржува во живот срцето на татко ми, срцата на сите трансплантираните, срцата на оние кои чекаат трансплантација, ако воопшто ја има во иднина. Затоа што нивната работа не завршува кога ќе излезеш од болница, на располагање за 24 часа 365 дена во годината, секојдневно ја контролираат терапијата и ја дозираат. И сега навистина сум загрижена кој ќе ја преземе нивната работа, кој ќе го одржува во живот татко ми? или твојот татко, мајка, сестра, брат, сопруг, сопруга…? До кога ќе молчиме и ќе си прават кој што сака? До кога стручните лица ќе ги бркаме и ќе ставаме на позиција луѓе кои немаат допирна точка со позицијата, прочитавте? Новиот раководител на кардиохирургија е кардиолог, повторувам кардиолог е раководител на кардиохирургија, а не КАРДИОХИРУРГ.Искрено се надевам дека сите оние кои учествувале во одлукава се молат еден ден нивниот или животот на нивните блиски да не зависи од РАЗРЕШЕНИОТ, затоа што благодарение на нив, нема да биде тука!

Коментари | пред 2 години

Сега Таче да беше премиер, а не домазет, ќе го разрешеше министерот за здравство, вели Апасиев

Разрешувањето на директорот на Клиниката за кардиохирургија, д-р. Сашко Јовев предизвика бројни реакции како од граѓаните, така и од многу истакнати членови во нашето општество.Денеска преку социјалните мрежи реагираше и пратеникот Димитар Апасиев.„Сега Таче да беше премиер, а не домазет во Владата, ќе го разрешеше министерот за здравство, онака лаконски“, напиша Апасиев на Фејсбук.

Коментари | пред 2 години

Во нашата земја само успехот не се простува, каква порака ќе оставиме кон младите генерации, вели д-р Јовев

Професорот доктор Сашко Јовев прочита писмо напишано заедно со колективот на Клиниката за кардиохирургија. Тој посочи дека имаат низа успеси, а разрешувањето покажува дека успесите не се простуваат во Македонија. Јовев постави и низа прашања до Министерството и до Владата како во негово име така и во име на колективот.„Во нашата земја само успехот не се простува. Каква порака ќе оставиме кон младите генерации? Кардиохирургија, заедно со овој тим, во последните осум години создаде ултрамодерна клиника, која ги работи сите можни процедури во кардиохирургијата, кои се работат во најреномираните светски клиники. Создадовме најмодерна единица за интензивна нега. Излечивме многу тешки пациенти. Од проект израснавме во регионален центар. Сега за награда, дали од каприц, дали од скриена сугестија, добиваме смена на менаџментот на Клиниката. Покажуваме одличен пример на младите генерации, дека ако се учи и создава, ако се оперира 24/7, ако се сака земјата, ако се биде пожртвуван за пациентите, ако се опреми клиниката како најмодерните, не чини и треба да ги напуштиме клиниката и земјата или да не се прави сето тоа?“, праша Јовев читајќи го писмото напишано со колегите.Тој посочи дека за него во животот постојат два начина на однесување – да се работи, создава и учи или да се гази по тоа. Докторот Јовев ги повика Министерството за здравство, министерот и Владата да ја преиспитаат одлуката за разрешување.„Цврсто стоиме на ставот дека тимот што победува не се менува. Да ја оставиме политиката на страна. Ако сето ова се прави, се има магистериум, докторат, три специјализации, титули за редовен доживотен професор, се оперира, се едуцира, се воведува сѐ што е најново, значи дека се спие? Не знам, да видиме“, додаде Јовев читајќи го писмото.Тој додаде дека ако имало пропусти во настанот при спроведување на протоколот – не смее да има разрешување.„Сметаме дека најискусните луѓе треба да ги водат клиниките“, додаде Јовев.Посочи дека сите работат 24/7 на Клиниката, а ако сите го евидентираат работното време – тој нема да може да ги плати.

Македонија | пред 2 години

Хари Локвенец поднесе оставка од директорската позиција во Железници

Хари Локвенец поднесе оставка од директорската позиција во Железници-инфраструктура, објави Макфакс.Локвенец за „Макфакс“ изјави дека се повлекува од функцијата од лични причини.Се очекува оставката да биде прифатена на денешната владина седница, и на негово место да биде именуван нов директор.

Македонија | пред 2 години

Владата ја субвенционира струјата од џебот на граѓаните додека ЕСМ остварува милионски профити, вели Левица

Додека Ковачевски се фали дека граѓаните би плаќале пет пати повисоки сметки за струја ако не се субвенциите, или во превод нашите пари, Бесими порача дека поддршката во вид на субвенции за ублажување на ефектите од енергетската криза ќе продолжи и годинава. Според Ковачевски, 600.000 домаќинства и 70.000 компании, кои се на регулираниот пазар, се снабдуваат со субвенционирана струја, вели Левица„Во Буџетот оваа година се предвидени 225 милиони евра за поддршка на граѓаните и стопанството за справување со енергетската криза, од кои дел се наменети за ЕСМ. Овие субвенции се народни пари кои се слеваат во Буџетот преку даноците, глобите, судските и административните такси.Изминатата грејна сезона, Владата преку субвенции кон АД ЕСМ префрли 320 милиони евра народни пари. Огромен процент од субвенциите се прелеани во фирми блиски на власта за услуги во РЕК Битола и набавка на струја за покривање на универзален снабдувач.Од друга страна, според финансиските извештаи, поголемиот дел од енергетските компании стекнаа високи профити. Само ЕСМ во 2022 година оствари 40,88 милиони евра добивка. Овие субвенции најмногу се на товар на обичниот граѓанин . Со политика на рамен данок, малите стопанственици плаќаат иста стапка на данок, како и најпрофитабилните компании.Додека се оданочуваат работниците, место милионерите и нивното богатство, власта ќе манипулира со парите на сиромашните слоеви и ќе ги дели за субвенции во компании кои работат со огромни добивки“, се вели во соопштението.

Македонија | пред 2 години

„Политика апсолутно не стои зад смената на Јовев“, тврди министерот

Смената на директорот на Клиниката за кардиологија Сашко Јовев кој ги предводеше трансплантациите на срце во земјава не е политичка, вели министерот за здравство Фатмир Меџити. Тој денес по посетата на реновирани простории на Клиниката за ендокринологија, не сакаше да зборува за причините поради кои го разреши Јовев и најави дека попладнево на брифинг ќе ги изнесе сите детали.„Политика апсолутно не стои зад смената на Јовев, секаде каде што ќе има злоупотреби со мене како министер, ќе има и санкционирање“, рече министерот Меџити и нагласи дека заедно со Јовев на успешните трансплантаци работел цел тим.Мецити вчера го разреши Јовев од функцијата директор, а смената наиде на лавина неодобрување кај јавноста, посебно кај пациентите со трансплантантирано срце и нивните семејства.

Македонија | пред 2 години

Со експлозив разнесен банкомат во Бутел

Утрово со експлозив бил разнесен банкомат во скопската населба Бутел. Инцидентот се случил кај „Алпи“ на улица „Христијан Тодоровски-Карпош“.Полицијата е на терен и во моментов се врши увид на местото на настанот.Пред повеќе од шест месеци се случи сличен напад кога вооружени лица со пиштол му се заканиле на обезбедувањето на деловен објект во Топанско Поле, а потоа поставиле експлозив на четири банкомати лоцирани во близина.

Скопје | пред 2 години

До кога ЕВН и Регулаторна Комисија ќе го осиромашува овој народ на овој монополски рекетарски начин, вели Манасков

Претседателот на Стопанската Комора за Енергетика на Македонија, Ѓорѓи Манасков преку социјалните мрежи го праша Марко Бислимовски која институција ја контролира ЕВН на терен во државава.„Дали се сериозни !!!По барање на ЕВН , да се зголеми цената на сметките за мрежарина и воведување на нови мерни броила за полесно да врши „мобинг и манипулација врз граѓаните и компаниите во Македонија, замислете дека Бислимовски и Регулаторна Комисија ќе им го одобри ??????....Нека каже Бислимовски која институција ја контролира ЕВН на терен во државава и како ??? ....До кога ЕВН и Регулаторна Комисија ќе го осиромашува овој народ на овој МОНОПОЛСКИ рекетарски начин???...Засрамете се, и престанете да правите штета!!!!!!....Бидете сигурни дека за ова ЕВН и Регулаторна, ќе мора да сносат сериозни последици еден ден ....“, вели Манасков

Коментари | пред 2 години

Медицинска сестра ја напушти болницата во Струга: Доста ми е од малтретирање, навреди и закани

Медицинска сестра даде отказ од ЈЗУ Општа болница Струга - интерно одделение, а во нејзиниот статус на социјалните мрежи открива која е причината за тоа.-Почитувани пријатели. Со насмевка ја облеков оваа униформа за да му служам на народот, но денеска давам отказ од ЈЗУ Општа болница Струга - интерно одделение. Изјавите се подготвени за малтретирањето, навредите и заканите на јавни површини од менаџерката на болницата. Мојот образ е чист и не припаѓам на ниту една политичка партија. Мојата работна задача е пациентите да ја добијат најдобрата нега, а на кој му „гори“ под нозе нека оди по штабови и нека собира гласови. Не дозволувајте никогаш некој да ви степна на честноста и професионалноста, вели Ружица Матлиеска.Матлиеска вели дека не е чудно тоа што квалитетниот персонал ги напушта работните места поради овие причини.-Сакам да им се заблагодарам на пациентите, како и на директорот Арменд кој беше горд на мене како човек, а потоа и како медицински работник. Голема благодарност до докторите кои навистина им беше жал поради ова. Јас имав огромна поддршка да останам. Благодарност до сите други колеги, кои го почитуваа мојот труд. За сите други, кои облековте униформа мислејќи дека сте Бог, токму вашата менаџерка ве нарекува шпиони. Ве поздравувам господине, министре Фатмир Меџити, немој да се чудите зошто квалитетниот персонал ги напушта болниците, објави таа.

Коментари | пред 2 години

„Не вирее професионалец овде“, јавноста со реакции за разрешувањето на кардиохирургот Сашко Јовев

Министерот за здравство, Фатмир Меџити, го разреши кардиохирургот Сашко Јовев од функцијата директор на Кардиологија, кој инаку е предводник на тимот што ги правеше трансплантациите на срце. На прашањето зошто го разрешил, министерот Меџити рече дека на клиниките нема да остави директори што спијат и немаат резултати, што предизвика лавина реакции на социјалните мрежи.„Не вирее професионалец овде“, реагираше доктор Ненад Лазаров.„Да е иронијата поголема, на денот кога министерот #Фатмир #Меџити го разрешува директорот на Кардиохирургија, Сашко Јовев, Лекарска комора додели награда за прва трансплантација на срце - на #Сашко #Јовев и на #Жан #Митрев, како и на огроомниот тим кој го предводеа двајцата (види 📸 фото).Во тој дух, медиумите не треба да прават ѕвезда само од разрешениот Јовев во текстови.Зад таа прва трансплантација стоеше и Митрев и уште едно 30 луѓе. Тоа се фактите, сé друго е пропаганда за да се ,,испере" власта за смената преку своите гласила“, вели Јорданка Ивановска Јоци.„Уште кога рече дека прва работа што ќе ја направи е да го среди паркингот пред клинички, јасно беше колку му е умот на министерот за здравство. Сега откако почна да разрешува луѓе докажани во занаетот, останува на нивното место да назначи кадри по слободен избор од гостите по чајџилниците во Боговиње, Џепчиште и Сарај.Тоа е формула што се покажа како успешна во Обвинителството и правосудството воопшто“, вели поранешниот обвинител Војо Димоски.„ФАТМИРМЕЏИТИИнстант министерот за здравство ФАТМИР МЕЏИТИ го разреши директорот на клиниката за кардиологија Проф. Д-р Сашко Јовев.Правилна одлука на министерот.Директор на клиниката за кардиологија може да биде само партиски анонимус. Може и со наместена диплома.Но, не може да остане директор врвен стручњак пионир од областа на кардиохирургијата, докажан во практиката, признат и почитуван.Мора да се уништи итоа уште нешто што останало од јавното здравство.Инстант ФАТМИР е многу погоден за тоаНапред ФАТМИР.....руши..“, напиша поранешниот министер Михајло Маневски.Зоран Јовановски, припадник на бизнис заедницата и познат економист, бара поништување на одлуката за разрешување на кардиохирургот Сашо Јовев од директорската позиција.„Да го разрешиш кардиохирургот Јовев, човекот што го предводеше тимот за прва трансплантација на срце во земјава, заради банална причина, е навреда за здравиот разум. Затоа мислам дека за сите нас како граѓани најдобро е ваквата одлука веднаш да се поништи“, напиша на фејсбук Зоран Јовановски.„Меџети тврди дека доктор Јовев е отпуштен затоа што бил мрцина и 10 години немал никакви резултати! Сериозно??? Па ние сите сме мрцини ако го дозволиме ова“, вели професорката Татјана Алексиќ.„Подобра или барем на приближно исто ниво државна здравствена установа, од ЈЗУ УК за Државна Кардиохирургија која работи во најмала рака на исто ниво на сите приватни болници во регионов, едноставно НЕМА. Тоа што го пишувам не ми го кажал или раскажал некој, туку го знам од сопствено искуство (постарите викаат слушај паталец, а не гаталец)ПРОФЕСОР, КАРДИОХИРУРГ, ДОКТОР, ДРУГАР И ПРЕД СЕ ВИСТИНСКИ ЧОВЕК, Сашко Јовев е најголемиот ,,виновник" што оваа установа и тамошните вработени под негово раководство направија и сеуште прават ,,научно фантастични" резултати за македонски услови, од сите досега извршени трансплатации на срце, до тоа што се избори Македонија од Јапонија да добие најсовремена ДРЖАВНА (НАРОДНА) хибридна операциона сала, АМА дефинитивно тука не треба да си успешен, пречиш, не треба да работиш за обичниот народ...Ако и ова пројде кај и да е ни се ближи тажната приказна, во која еден обичен човек прашува, дали кога ќе го бесат треба тој да си купи или ќе му дадат јаже за да го обесат...Најискрена поддршка за Професорот Сашко Јовев и целата екипа на ЈЗУ Универзитетска Клиника Државна Кардиохирургија“.

Коментари | пред 2 години

Собранието во овој состав нема легитимитет за носење на Уставни измени, одлука против која е огромното мнозинство македонски граѓани, вели Јаулески

Пратенкот од ВМРО-ДПМНЕ, Јован Јаулески на социјалните мрежи објави статус во кој вели дека Собранието во овој состав нема легитимитет за носење на Уставни измени.„Уставни измени??? Ма ни под разно!Нема наметнување на бугарски диктат и нема предавство на Македонија!Владата и парламентарните групи на власта да престанат со сервилности и погазувањето на државните и националните интереси потсетувајќи дека Собранието во овој состав нема легитимитет за носење таква одлука против која е огромното мнозинство македонски граѓани.Собранието не треба да се доведе во позиција за исполнување поединечни бизнис и политички интереси на елити од власта, туку да служи на суверенот – граѓаните.Ние, нема да го дозволиме тоа“, стои во објавата.

Коментари | пред 2 години

ЕСМ ќе ги снабдува скопјани со парно греење во следните 10 години

Регулаторната комисија за енергетика и водни услуги на Република Северна Македонија (РКЕ) на главна седница донесе Одлука за издавање на лиценца за вршење на енергетска дејност регулирано производство на топлинска енергија на ЕСМ производство на топлина.Со оваа одлука ЕСМ производство на топлина се стекна со лиценца со рок на важност од 10 години.“Одлуката следува откако компанијата поднесе барање и ги достави соодветните документи согласно Законот за енергетика и Правилникот за лиценци,со што утврдивме дека условите се исполнетиза да се стекне со лиценца зарегулирано производство на топлинска енергија. РКЕ минатата година издаде три лиценци запроизводство, дистрибуција и снабдување со топлинска енергија на трикомпании на ЕСМ, но оваа лиценца за производство со топлинска енергија, беше издадена во ограничен временски период што беше врзан со грејната сезона поради роковите во кои е склучен договорот за основните средства со Адора инженеринг.Денеска ЕСМ производство има лиценца за 10 години. Како што следите РКЕ во континуитет носи одлуки за сигурна, стабилна и безбедна испорака на енергенси за граѓаните.“ изјави Марко Бислимоски, претседател на РКЕ.Во 2022 година БЕГ достави известување со кое ги врати лиценците за трите дејности, а како клучни причини ги наведе:кредитна неспособност, нарушена ликвидност, правна несигурност во работењето поради многубројни судски постапки иницирани против БЕГ, оспорување на законитоста на лиценцата за регулирано производство на топлинска енергија од правни лица и институции, како и оспорување на валидноста на договорот за закуп на основни средства.РКЕ донесе одлука за престанок на важење на лиценцитена БЕГ. Потоа Владата распиша оглас за извршување на јавна дејност производство, дистрибуција и снабдување со топлинска енергија, а РКЕ во соодветна постапка додели лиценци на трите фирми на ЕСМ со што практично ЕСМ го презеде работењето со топлинска енергија и се обезбедија услови за непречено одвивање на грејната сезона.

Македонија | пред 2 години

Алтернатива: Што слави ДУИ?

Али Ахмети и неговата партија денеска слават 21 година од функционирањето како политичка партија, од кои 20 години ги поминаа со апсолутна власт, и извршна и локална, велат од Алтернатива.„Знаеме дека овие луѓе одамна го прекинаа контактот со реалноста и со проблемите на луѓето што ги претставуваат, но не можеме да не се запрашаме што слави ДУИ денес?Дали се слави инфериорноста на именувањето на албанскиот јазик во Уставот?Дали слават за раселувањето на над 300 илјади Албанци за време на нивното владеење?Дали ја слават диференцијацијата на Албанците и нивниот дискриминаторски третман?Или можеби го слават неправедното судство од кое и понатаму страдаат Албанците?Дали ДУИ го слави застојот во образованието, каде на децата Албанци сè уште им недостасуваат учебници или оние што ги имаат се полни со грешки и навреди кон Албанците?Можеби го слават тоа што мнозинството Албанци не можат да врзат крај со крај поради енормните поскапувања и неуспесите на оваа партија во економијата?Или едноставно се слави астрономската корупција на машинеријата за збогатување преку ноќ наречена ДУИ?Оваа партија мора да им се извини на Албанците што 21 година на власт не успеа да ги претставува со дигнитет и да го регулира нивниот државотворен статус во државата, не успеа во економијата и благосостојбата и го спонзорираше празнењето на Северна Македонија од Албанците со нејзиното слабо владеење и штетно.Албанците ù дадоа на ДУИ повеќе од една можност да ги направи работите како што треба, но веќе тоа време заврши. Сега секој Албанец знае дека ДУИ не носи ништо друго, освен корупција и неуспех, затоа на следните избори ќе гласаат за долгоочекуваната промена“, се вел во соопштението.

Македонија | пред 2 години

Ахмети: За 3-4 години ќе влеземе во ЕУ

Претседателот на ДУИ, Али Ахмети, рече дека е голем оптимист за тоа кога ќе влеземе во ЕУ. Тој вели дека за 3-4 години земјава ќе биде членка на Унијата.„Јас сум оптимист, секогаш сум бил и ќе останам. Без да се крене белото знаме. Поминавме многу соочувања и тешкотии и постигнавме успешно да ги завршиме важните поглавја и за државата и за стабилноста. Најголемите оптимисти не мислеа дека некогаш ќе бидеме членка на НАТО, но тоа сега е реалност. И големите оптимисти не би верувале дека Македонија како мултиетничка државва може да биде пример за решавање на проблемите…“ рече, меѓу другото, Ахмети.„Ако некогаш сме мислеле дека ќе ни требаат 10 години за членство во ЕУ, сега јас верувам дека за 3-4 години ние ќе бидеме членка на ЕУ бидејќи и околностите се сменија во полза на тоа овој пат да се забрза“, нагласи лидерот на ДУИ.Според него, треба да се направат уставни измени, а затоа треба да има помирување меѓу сите субјекти што имаат одговороност за судбината на државата.„Јас мислам дека може да се постигне помирување, да ги стават сите интересите на државата, иднината на генерациите. Нема политички интереси дали ќе победиме на дргите избори…“ порача Ахмети.Тој зборуваше на дебатата на тема „Европски фронт”, организиарана за годишнината на ДУИ, што се одржува во хотелот „Александар палас“.

Македонија | пред 2 години

Дамева: Ниту требам, ниту сум морала да знам за судски постапки на мојот сопруг, ние дома не разговараме за судски работи

Експретседатеката на Судскиот совет, Весна Дамева, на денешната седница повторно е во центар на вниманието на колегите кои инсистираа да ги извести за судски спор на нејзиниот сопруг, изоставен во нејзините предлози за ревидирање. По получасовно препукување, Дамева потврди дека нејзиниот сопруг има постапка во која се јавувал како оштетен која била во Обвинителството, каде што како што рече, немало начин таа да влијае. Најави дека ќе го соопшти бројот на предметот за и колегите и јавноста да се уверат во она што го зборува.„Слушајте го добро мојот одговор, јавноста ќе го има бројчето на предметот за половина час и ќе знае за која постапка се работи. Ве молам колеги треба да прекинете за да не се нарушува и мојот углед и угледот на Судскиот совет. И веќе за да го зачувам личниот интегритет немам намера ниту да седам на обвинителна клупа пред заменик-претседателот во оставка, ниту да расправам повеќе ниту да одговарам на прашања“, рече Дамева.На ова реагираше потпретседателот Селим Адеми кој уште еднаш побара од Дамева да им достави комплетни информации и да извести во која фаза се предметите.„Јас не сакам да кажете дека се прави хајка кога вие само известувате, но точно е дека вас добро ве научија, ви кажаа дека не може да покриете факти и аргументи дека сега не сте претседател на Судски совет и сега ќе се расправа за се. И за тоа што сакате вие и за тоа што не сакате вие. За ова ќе се расправа, ќе се утврди колку предмети има, а за тоа дека требало да знаеш-требало да знаеш, без разлика дека вчера си разбрала. Тоа ќе дојде кога ќе биде на седница точката“, рече Адеми.Ова дополнително ја вознемири Дамева која повторно се јави за збор иако претходно беше децидна дека повеќе нема да коментира туку само ќе го соопшти бројот на предметот за нејзиниот сопруг.„Ниту требам, ниту сум морала да знам за деловните обврски за судски постапки и било какви постапки за мојот сопруг бидејќи ние дома не разговараме за судски работи. Ниту тој знае што јас постапувам, ниту јас знам какви судски постапки се водат, тоа прво. Второ, мојот сопруг и кој било член на моето семејство нема законска обврска мене да ме известува за јас да ве известам. Да бидеме на чисто, ова е она што имам да кажам. Во овој момент знам за тоа. Во секој момент кога ќе дознам, ќе известам. Како ми кажуваат така известувам. И за разлика од членови на Судски совет кога можеби имале судир на интереси или одредени состојби, не известиле или кажале причина за изземање, јас тоа не го сторив. Јасно и гласно известив, да престанеме со ова зашто создаваме лажна слика“, рече Дамева.Седницата на Судски совет и денес е тензична со низа меѓусебни обвинувања.

Македонија | пред 2 години

Осудениот директор на тетовската болницa не ја разбира пресудата

Осудениот ексдиректор на болницата во Тетово, Флорин Бесими, посочи дека не ја разбира пресудата со која доби условна казна за пожарот во модуларната болница односно за непревенирањето. Тој кажа дека не е потписник, ниту има некаква поврзаност со објектот. Најави жалба до Апелација.„Не ја разбирам пресудата. Не ми е јасно како ме поврзуваат со модуларната болница кога самите бевте присутни и од самите докази се гледа дека не сум изведувач, не сум бил надзор, ниту сум ја примил, што постои во документите. Не сум потписник. Само знам дека се обвинувам за ПП-апарати – дали имало или немало, тоа во текот на судскиот процес го кажаа сведоците. Мене ми останува да се спротивставам на пресудата и да го барам правото во повисоките судски институции“, рече Бесими.Прашан како се чувствува и дали ова е правда за жртвите, Бесими посочи: „Жалам за трагичниот настан, не се осеќам виновен. Не сум потписник, не сум бил надзор. Останува да ја барам правдата со цел сите жртви, семејствата, да ја знаат вистината. Највеќе заинтересиран за ова сум јас“.

Македонија | пред 2 години

Жирафата Каспер пцовисала од салмонела

Жирафата Каспер угинала од инфекцијата салмонела, дознава „Макфакс“. Според патохистолошката анализа до која дојдовме, Факултетот за ветеринарна медицина констатирал дека оваа инфекција била пронајдена во желудникот на жирафата, црниот дроб, слезината и цревата. Притоа, во цревата биле најдени и паразити.„Врз основа на микробиолошкиот наод Salmonella enterica subsp. enterica serovar enteritidis во желудник (сириште), црн дроб, слезина и црева, како и на патохистолошкиот наод (…), можеме да заклучиме дека жирафата угинала како резултат на инфекција со бактеријата Salmonella enteritidis“, стои во наодот до кој дојде „Макфакс“.Професорите, доктори Трпе Ристоски и Кирил Крстевски во наодот дополнуваат и за најдените паразити. Целиот текст можете да го прочитате тука

Скопје | пред 2 години

Хајки, нервоза, довикувања и расправии во Судски совет

Нови препирки и обвинувања во Судскиот совет. Точка на дневен ред е судирот на интереси на експретседателката Весна Дамева, за која има обвинувања дека учествувала во постапки при одлучување на одговорност за судии, каде странка бил нејзиниот сопруг. Судир имаше помеѓу Дамева и експретседателката на Судски совет, Павлина Црвенковска. Во дискусијата се надоврзаа и други членови.„Некој кога станува член на Судски совет, ја знае основната надлежност на советот – следење на работата на судиите и нивно оценување. Не станува член на Управен одбор на карате сојуз па да следи работа на каратисти – како се одвива нивната кариера или како си ја вршат нивната работа. Секој од нас кога станува Судски совет имал обврска да си праша по дома дали евентуално има некои предмети каде може да настане судир на интереси. Како член на Судски совет овде се одлучувало по барање за утврдување одговорност. Се следела работата на најголемиот суд во државата, Кривичен суд. Нејзина обврска била да праша каде евентуално нејзиниот сопруг има предмети и друг член на семејството, деца, за да може да се изземе и да не се доведе во прашање нејзината работа“, рече Црвенковска.Експретеседателката постави прашања, а кога и упадна во збор на Мери Радева, имаше и бурна реакција.„Нема што да одговарам и да ме прашувате мене. Не знаев за случајот, да знаев ќе и речев дека треба да се изземе, ако е тоа вистина. Јас тоа и сега не го знам. (…) Кога зборувам очекувам да ќути“, рече Радева одговарајќи на прашање.Се надоврза и потпретседателот Селим Адеми за тоа кога дознал дека сопругот на експретседателката Весна Дамева.„Јас очекував поранешната претседателка Дамева да информира за работи кои нејзе и се познати. И не само да прашува дома, туку да се држи согласно законот. Многу боли кога нападите се насочени кон мене“, рече Дамева.Се надоврза повторно Црвенковска без да добие збор и почна дерење во салата.„Колешката е многу изнервирана. Доколку знаела во најмала рака таа како член требала да ме извести. Вие колешке имате законска обврска да ме известите“, искоментира Дамева.„Немам намера да бидам дел од овој циркус. Судскиот совет има куп прашања од негова надлежност по кои треба да постапува. Продолжуваме со циркузи. Овде се продолжи со меѓусебни обвинувања. Јас на почеток на седницата реков дека точката разно не ми е јасна. Колешката Мери ја појасни. Таа наведе кои аргументи се потребни за да одлучиме за изземање. Ова прерасна во меѓусебни обвинувања. Претседателе, од вас зависи во која насока ќе оди ова“, рече Ивица Николовски.Во една од дестиците реплики на потпретседателот Селим Адеми, кој зборуваше за „правење хајка“.„Не не интересира за Обвинителство нека ни дстави што има за судство. Таа кажа само за предмети, во која фаза се предметите треба да кажете вие. Јас не сакам да кажете дека се пави хајка кога вие само известувате, но точно е дека вас добро ве научија, ви кажаа дека не може да покриете факти и аргументи дека сега не сте претседател на Судски совет и сега ќе се реасправа за се. И за тоа што акате вие и за тоа што не сакате вие. За ова ќе се расправа, ќе се утврди колку предмети има, а за тоа дека требало да знаеш-требало да знаеш, без разлика дека вчера си разбрала. Тоа ќе дојде кога ќе биде на седница точкатаПретходно, Дамева се бранеше од останатите членови кои ја обвинуваат дека не се изземала во минато постапување, иако морала поради тоа што странка во судскиот случај кој се ревидирал бил нејзиниот сопруг.„Ниту требам ниту сум морала да знам за деловните обврски за судски постапки и било какви постапки за мојот сопруг бидејќи ние дома не разговараме за судски работи. Ниту тој знае што јас постапувам, ниту јас знам какви судски постапки се водат, тоа прво. Второ, мојот сопруг и кој било член на моето семејство нема закнска обврска мене да ме известува за јас да ве известам. Да бидеме на чисто, ова е она што имам да кажам. Во овој момент знам за тиа. Во секој момент кога ќе дознаам, ќе известам. Како ми кажуваат така известувам. И за разлика од ќленови на Судски совет кога можеби имале судир на интереси или одредени состојби, не известиле или кажале причина за изземање, јас тоа не го сторив. Јасно и гласно известив, да престанеме со сва зашто созвадаме лажна слика“, кажа Дамева.

Македонија | пред 2 години