ТОП

Се истребува африканската чума кај свињите во Македонија

Директорот на Агенцијата за храна и ветеринарство, Николче Бабовски, посочи дека во Македонија се јаде безбедно свинско месо. Фармите се безбедни од болеста африканска чума. Последниот случај на заболена свиња во фармите е во декември 2022 година.„Со оглед дека оваа болест е економска болест, државата единствено ако сме увозно независни од свежо месо – тоа е свинското. Затоа бевме крајно ригорозни, но целта беше да се сочува она што е домашно. Ако се доведевме во ситуација да увезуваме свинско место како пилешко и говедско, тогаш економските последици по државата ќе беа катастрофални“, рече Бабовски.Објави и статистики за уништени свињи.„На вкупно 345 фарми, во радиус од три километри, сите свињи беа нештетно уништени. Пријавени се вкупно 73 смртни случаи кај свињите, како последица на оваа болест. На 499 фарми во радиус од 3 и 10 километри од утврденото жариште извршена е депопулација, односно 4.891 свиња се нештетно уништени. Од аспект на подигнување на свеста, АХВ реализираше голем број едукации, подготви и испечати прирачници. Согласно последниот попис, регистрирани се 5.875 свињарски фарми, со 122.218 грла. Од кои фарми, 2.946 се со присутни животни, а другите се категоризирани“, рече Николче Бабовски.Се врши контрола и на патници кои транзитираат низ Македонија, за да се спречи внесување на месо преку кое може да се рашири африканската чума кај свињите.„Во овој момент се уште е има забрана за увоз на производи од свинско месо од земјите и регионите каде е потврдено присуството на оваа болест и имаат активни жаришта. Последниот детектиран случај на африканска чума во земја е во декември 2022 година. Во 2023 година, нема појава на жариште кај домашната популација, а кај дивата популација на сињи има 62 позитивни случаи кај дивата популација на свињи, што не е зачудувачки“, додаде Бабовски.

Македонија | пред 2 години

Во среда Ковачевски на средба со Мицкоски

На покана на претседателот на Владата на Република Северна Македонија, Димитар Ковачевски, ќе се одржи средба меѓу премиерот Ковачевски и лидерот на ВМРО-ДПМНЕ, Христијан Мицковски.Средбата е закажана за 7 јуни 2023 година (среда) во Клубот на пратеници во 11 часот.На средбата, ќе се разговара пред сѐ за одлуките кои треба да се донесат во Собранието со цел продолжување на европската интеграција на Република Северна Македонија, како и за пристапот на државата, институциите и сите политички чинители во насока на градење и одржување на добрососедски односи со сите наши соседи.

Македонија | пред 2 години

Денес пресуда за пожарот во модуларната болница во Тетово

Денес судијата Јордан Велковски од Основниот кривичен суд Скопје треба да ја изрече пресудата за пожарот во модуларната болница во септември 2021 година во кој загинаа 14 лица.Обвинети во случајот се двајцата директори Флорин Бесими и Артан Етеми кои се гонат за тешки дела против општата сигурност, како и докторот Бобан Вучевски кој е обвинет за непостапување според здравствени прописи за време на епидемија. За предизвикување општа опасност и непостапување според здравствени прописи за време на епидемија, пак, како правно лице се гони и Клиничката болница Тетово.Адвокатот на болницата рече оти преку сведочења на вработените се докажало дека имало поставени противпожарни уреди и дека установата имала истакнато наредби и правилници околу постапување кон прописите за време на пандемија.Адвокатот Емил Мифтари, бранител на обвинетиот Бесими, исто така, посочи на сведочењата на вработени во болницата кои истакнале дека имало уреди за гасење пожар. Според него, од друга страна обвинетиот не бил овластен и немал обврска за поставување противпожарни уреди и не учествувал во примопредавање на модуларната болница.Самоил Филиповски, како бранител на другиот обвинет директор Етеми, во завршните зборови потенцираше дека обвинетите не се обвинуваат за предизвикување на пожар, туку за сосема друго кривично дело сторено од небрежност. Според адвокатот несвојствено е да се определува широк временски опсег на сторување на кривично иако поставените прашања до сведоците беа исклучиво за денот 8.9.2021, кога се случи пожарот.

Македонија | пред 2 години

Ковачевски да одбере - Ахмети и ДУИ или Македонија, вели ВМРО-ДПМНЕ

Ковачевски да одбере - Ахмети и ДУИ или Македонија, вели ВМРО-ДПМНЕ„Ковачевски да се оттргне од прегратките на ДУИ, да дојде на лидерска.СДС да не се однесуваат детски, лидерска средба, не е средба за ПР, туку средба од која треба да произлезат реални заклучоци.Ковачевски да се охрабри да дојде на лидерска, на која ќе се разговара што после неуспехот на уставните измени.Одговорност за погрешните политики, и водење на државата спротивно на ставот на 80% од Македонците мора да има.Ковачевски мора да одбере дали ќе продолжи слепо да ги слуша ДУИ или ќе покаже малку интегритет и ќе дојде на лидерска. Време е Ковачевски да одбере - Ахмети и ДУИ или Македонија“, се вели во соопштението.

Македонија | пред 2 години

21 година постоење – ДУИ и Фракцијата со одделни прослави

Демократската унија за интеграција (ДУИ) денеска одбележува 21 година од своето основање.Од Раководството на ДУИ соопштија дека организирале панел-дискусија во хотелот „Александар Палас“ во Скопје. На панел-дебатата на тема „Европски фронт”, меѓу останатите, ќе се обрати и лидерот на партијата Али Ахмети, поранешната министерка за одбрана Радмила Шекеринска, политичкиот аналитичар Петар Арсовски, новинарот Газменд Ајдини, ексградоначалничката на Општина Тетово, Теута Арифи и други.Од Фракцијата на ДУИ пак најавија посебен настан во 14:00 часот, кој што ќе одржи во Центарот за култура во Тетово.

Македонија | пред 2 години

Што ги нервира европските земји: Некој бурек, некој Србин, а Македонија - Бугарија

На Инстаграм профилот на далматинскиот мапер се појави карта на Европа, која покажува што ги нервира жителите на одредени земји„Како да ги изнервирате Европејците. Ве молиме не се навредувајте со оваа картичка, тоа е само шега“, напиша администраторот на страницата.Па според оваа карта на Хрватите им пречи спомнувањето на Југославија, а Словенија кога ќе ја помешаш со Словачка.На Црногорците им пречи тоа што се поистоветуваат со Срби, додека бурекот е обоен на територијата на Босна и Херцеговина.„Босна и Херцеговина е бурек со сирење“, објасни администраторот во коментарот, но многумина сепак не разбраа и токму таа земја привлече најголемо внимание на оваа карта.„Мислат дека бурекот е само со месо, па ако кажеш бурек со сирење во Сараево си во неволја“, се пошегува тој, а други додаваат дека тоа не е случај само во Сараево, туку и во цела Босна и Херцеговина.Целата мапа може да ја погледнете тука.ФОТО: Скриншoт dalmatian.mapper

Магазин | пред 2 години

Нема фотографија

Ченто и Вили излегоа низ затворските капии по шест години, емотивни пораки на социјалните мрежи

По 6 години откако беше притворен и затворен, по настаните во Собранието на 27 април, Јане Ченто за првпат е на слобода. Тој доби слободен викенд. Јане Ченто беше пречекан од голем број негови пријатели од Прилеп кои се собраа да поразговараат со него.Слободен викенд доби и Вили Михајловски.„До баба ми која 6 год ме чекаше да ме види и ме дочека и ќе ме чека до конечно ослободување“, напиша Михајловски.

Македонија | пред 2 години

Нов „Скопје прајд“: Одреден датумот кога ќе се шета низ скопските улици под мотото „Гласни и горди“

Четвртата Парада на гордоста во Скопје (Скопје прајд) ќе се одржи на 24 јуни под мотото „Гласни и горди!“, објави организаторот Националната мрежа против хомофобија и трансфобија.Како и досега, почетната точка ќе биде во паркот Жена-борец, каде што учесниците ќе се собираат од 17 часот, а по кратките говори, во 19 часот ќе почне протестниот марш по скопските улици. Настанот ќе заврши со културно-музичка програма на стадионот на АРМ во Градски парк.„Прајдот останува важна форма на протест на ЛГБТ+ заедницата против стигмата, предрасудите и насилството. Во ваква непријателска средина, каде што говорот на омраза и насилството се во пораст, а хомофобијата и трансфобијата стануваат доминантна позиција на носителите на моќ, да се биде горд и гласен претставува отпор и протест против системот кој угнетува. ЛГБТИ заедницата минала низ многу тешки периоди, ќе минеме и низ овој со исправена глава, горди и гласни во остварувањето на нашата визија за свет на еднаквост и просперитет“, истакна Ирена Цветковиќ од Националната мрежа против хомофобија и трансфобија.

Скопје | пред 2 години

(Фото) Тажната слика на „елитното“ Скопје

Уништувањето на тротинетите низ Скопје стана пракса. Нова фотографија кружи на социјалните мрежи.https://twitter.com/crvenkapaMK/status/1665266111137607680?ref_src=twsrc%5Etfw%7Ctwcamp%5Etweetembed%7Ctwterm%5E1665266111137607680%7Ctwgr%5Eee0dd1a566a3e4bc8f24ff3b21ca33c5bbc18e25%7Ctwcon%5Es1_&ref_url=https%3A%2F%2Fskopjeinfo.mk%2Ftwit-na-denot%2Fkoe-nivo-na-iq-e-ova 

Скопје | пред 2 години

Драмата е при крај: Денови се бројат до одлуката на Врховен дали аболициите од Иванов ќе важат

Иднината на аболициите дадени од експретреседателот Ѓорѓе Иванов ќе се знае пред почетокот на судската ферија, а до крајот на овој месец, дознава „Макфакс“.За ова прашање ќе одлучува Врховниот суд, а постапувајќи по предметот „Транспортер“ во кои обвинетите се повикуваат на дадената аболиција. Нивната одлука ќе важи и за сите останати предмети. Постапувањето на врховните судии доаѓа откако Европскиот суд за човекови права даде насока дека тие треба да се произнесат за законитоста на аболицијата. „Макфакс“, официјален став за постапувањето побара и од Врховниот суд, од каде очекуваме одговор во текот на утрешниот ден.

Македонија | пред 2 години

(Фото) Змија во центарот на Скопје: „Ништо не е искосено, права џунгла“

Се повеќе змии се појавуваат во централното градско подрачје на Скопје, а скопјани се жалат дека се плашат и бараат проблемот да се реши.. На социјалните мрежи е споделена фотографија од змија, која, како што е наведено, се појавила на паркинг во центарот на Скопје.„Змии шетаат во Центар. Ништо не е искосено, права џунгла е“ пишува во еден од коментарите под фотографијата.На социјалните мрежи под фотографијата, коментарите на граѓаните се дека овој вид змија не напаѓа, но стравуваат дека станува збор за отровница. Очекуваат дека со покачувањето на температурите, се повеќе влекачи ќе се појавуваат и во Скопје.Змија вчера беше забележана на кејот на Вардар, каде има поголемо движење на луѓе. Претходно змии имаше и во Аеродром, а ист проблем беше и лани кај МНР.

Скопје | пред 2 години

Герасимовски за акцијата на градилиштето позади Универзална: Наместо -2 напаравен е -1 спрат, ставена беше жолта лента, но инвеститорот продолжи со градба

Градоначалникот Горан Герасимовски е дециден дека земјиштето на улицата „9 Мај“ позади Универзална сала, ќе се врати во првобитна состојба и нема да се гради. Тој посочи дека градежните инспектори на Општина Центар констатирале дека фирмата инвеститор не постапила според дадените насоки за да се заштитат околните објекти. Наспроти ова, тој продолжил со градба.„Во оваа држава постојат закони и мора сите да ги почитуваат. Пред неколку месеци настана проблем од страна на фирмата која го има одобрението за градба. Јамата која требаше да се спроведе, не се спроведе. Не беше заштитена зградата. Немаше ‘шипови’ за стабилизација на целото земјиште. Наместо -2 напаравен е -1 спрат. Ставена беше жолта лента, но инвеститорот продолжи со градба. По решението од градежниот инспектор, за враќање на земјиштето во првобитна состојба, тоа се прави денеска“, рече Герасимовски.Штетата на улицата која пропадна поради градилиштето – треба да ја санира инвеститорот. Ако тоа не го направи до крајот на рокот, штетата ќе ја санираат „Улици и патишта“, а ќе се фактурира на фирмата инвеститор.„Има неколку казни од вкупна вредност 12.000 вредност. Во судска постапка е дадена, истата мора да се плати“, рече Герасимовски.

Скопје | пред 2 години

(ВИДЕО) Полиција, инспекција, градоначалник, механизација позади Универзална - се затрупува градилиште

Со полициска асистенција, градоначалникот Горан Герасимовски и службите на Општина Центар отидоа да интервенираат на градилиштето зад Универзална сала, кое проголта дел од улицата „9 Мај“. Откако два месеци, фирмата која гради не постапила по насоките, тоа сега ќе го направи механизација на Општина Центар. Цело градилиште – ќе се затрупува со земја.На градилиштето, Герасимовски и полицијата затекнаа работници кои вршеа градежни активности. Ги информираа за што се дојдени и дека ќе постапуваат. Полициските службеници им посочија дека треба да се тргнат од објектот.„Нека земат алат што имаат и да се тргнат од објектот“, рече полицискиот службеник на еден од работниците, кој потоа му врати: „Ќе треба неколку денови за да се извади алатот“.„Нема време, имаш половина час да го земете алатот“, му рече полицаецот.Градоначалникот на Центар, Герасимовски, му рече на работникот дека ќе се затрупува со земја цело градилиште.Дел од улицата 9 Мај зад Универзалната сала во Скопје се одрони и пропадна во градилиште за нова зграда. Градежната инспекција од Општина Центар, откога се одронил дел од улицата, третпат направила увид на градилиштето. И во претходните два увида инспекторите констатирале дека јамата е необезбедена. На првиот увид, заедно со општинскиот градежен инспектор и полицијата, излезе и градоначалникот на Центар, Горан Герасимовски, и го затворија градилиштето токму поради необезбедената градежна јама.

Скопје | пред 2 години

Владата ги одмрзнува цените, народот со ниски плати плаќа атрономски цени за намирници, вели ВМРО-ДПМНЕ

Ковачевски и Груби од денес ги одмрзнуваат цените, народот со 1/3 послаби плати од пред 2 години плаќа астрономски цени за намирници, вели ВМРО-ДПМНЕ„Власта не се справи со кризата, наместо реални мерки, владата прибегна кон полурешенија, кои ги презема по силен притисок од ВМРО-ДПМНЕ и јавноста, за сега и тие такви мерки да ги укинува.И додека сопругата на Ковачевски добива државно земјиште за градење на фотоволтаична централа по цена од 1 евро за квадрат, народот ќе плаќа поскап леб, тестенини, млеко, месни производи, овошје и зеленчук.Ковачевски и Груби удираат по народот, за преку него да ги полнат дупките во буџетот кои тие ги направија со штетни договори со кои се испумпуваат милиони.Апелираме власта да не ги одмрзнува цените, т.е. да го продолжи рокот на замрзнати цени. Народот не треба да ги плаќа грешките и криминалите на власта“, се вели во соопштението.

Македонија | пред 2 години

Оштетена оградата на мостот на Вардар, на патот кај селата Орешани – Таор

На патниот правец Р2131 од с.Орешани – с.Таор, на мостот на река Вардар, дел од заштитната ограда на самиот мост е оштетена поради излетано тешко моторно возило. Екипите на Ј.П. Македонијапат на самото место е поставија соодветна сообраќајна сигнализација (насочници), соопшти АМСМ.Од таму, на учесниците во сообраќајот им препорачуваат крајно внимателно управување со возилата, прилагодување на брзината спрема условите на патот и почитување на поставената сообраќајна сигнализација.

Македонија | пред 2 години

Рамка од пушка пронајдена во училиште во Скопје

Рамка од пушка e пронајдена во тоалет во основно училиште во Скопје.Станува збор за училиште во населбата Ченто, соопшти полицијата.„Денес во 7.55 часот во основното училиште ’25 ти Мај’, лоцирано на ул.’Алија Авдовиќ’ во Скопје, во машкиот тоалет од страна на хигиеничар пронајдена е рамка од пушка. Веднаш по добиената пријава преземени се соодветни мерки и активности од страна на полициските службеници за расчистување на случајот“, соопшти МВР.

Скопје | пред 2 години

(ВИДЕО) Силно невреме во Неготино, поплавена трафостаница на ЕВН и деловни објекти

Според информацијата добиена од Територијалната противпожарна единица ТППЕ Неготино, во текот на денот од 11.45 до 12.30 часот на подрачјето на Општина Неготино се случило невреме, пропратено со врнежи од дожд, известува Регионалниот ЦУК Велес.Врнежите биле обилни и истите предизвикале поплавување на неколку деловни објекти во центарот на градот, трафостаница на ЕВН за којашто било реагирано на време од страна на Територијалната противпожарна единица ТППЕ Неготино и не дошло до прекин во електроснабдувањето.Исто така, во с. Дисан била поплавена куќа.ТППЕ Неготино интервенирале со 4 екипи од 8 пожарникари и 3 противпожарни ПП возила со соодветна опрема за испумпување на насобраната вода.Според надлежните, има предизвикано материјална штета која дополнително ќе се утврдува.Интервенцијата траела од 12.30 до 16,30 часот.

Македонија | пред 2 години

Еден загинат во тешка сообраќајна несреќа на патот Охрид-Кичево

Еден загинат и повеќе повредени лица е билансот од тешката сообраќајна несреќа што се случи кај Ботун, на патот Охрид-Кичево. Според полицијата во неа учествувале три возила.„ Се случи сообраќајна несреќа, увидот е во тек “, изјави Стефан Димоски портпарол на СВР Охрид за „Макфакс“Целиот текст можете да го прочитате тука

Македонија | пред 2 години

10 дена пред крај на учебната година учениците добија учебник по македонски јазик

Дел од учениците од петто одделение пред два дена ги добија учебниците по македонски јазик за учебната 2022/23, иако до крајот на годината има уште 10 дена.Македонската јавност го критикуваше Министерството за образование, а одговорност од надлежните побараа и од „Учебници и настава мора да има“.-Да се добие учебник пред самиот крај на учебната година е навистина жално и противзаконски. Ние имаме Закон за учебници и наставни материјали, каде што точно е дефинирано кога се објавува оглас за учебник, кога авторите треба да сги пријават своите дела и кога тој ќе се печати“, кажа Драгана Спасевска од Иницијативата „Учебници и настава мора да има“, за „Алфа.мк“.

Македонија | пред 2 години

Во еден ден седум лица нападнати од кучиња скитници

На 30.05.2023 во 11.50 часот, Т.Д.(20) од Кичево во полициска станица пријавила дека на улица „Рудничка“ во Кичево била касната од куче скитник.На 30.05.2023 во 20.00 часот во Полициската станица Драчево, В.А.(46) од Скопје пријавила дека на ул.„Иван Хаџи Николов“ била касната од куче скитник.На 30.05.2023 во 22.50 часот во Полициската станица Драчево, И.К.(34) од Скопје пријавил дека на ул. „Иван Хаџи Николов“ бил каснат од куче скитник.На 30.05.2023 во 13.00 часот во Полициска станица Ѓорче Петров, С.А.(21) од Скопје пријавил дека во село Кучково, скопско бил каснат од куче скитник.На 30.05.2023 во СВР Битола, С.М.(58) од Битола пријавила дека крстосница од ул„Солунска“ и ул.„Ѓорги Наумов“ во Битола била касната од куче скитник.На 30.05.2023 во СВР Битола, М.Б.(31) од Битола пријавил дека во близина на спортската сала во Битола бил каснат од куче скитник.На 30.05.2023 во СВР Битола, Н.С.(26) од Битола пријавил дека во Градскиот парк во Битола бил каснат од куче скитник.

Македонија | пред 2 години

Беќаровски до новинарите: Упорно ја прогласувате средбата Ковачевски - Мицковски за лидерска, двајцата вкупно имаат поддршката од 25 отсто од граѓаните

Доктор Нико Беќаровски преку социјалните мрежи им се обрати на новинарите. Тој во својата објава вели дека средбата меѓу Ковачевски и Мицкоски новинарите ја нарекуваат лидерска, а тие двајца имаат поддршка на максимум 25 проценти од граѓаните, па со таков рејтинг тоа може да биде само средба на двајца претседатели на партии.„Почитувани македонски новинариЛИДЕР (Leader) е англиски збор кој значи водач, човек кој е на чело од колоната.За некој да биде водач треба да ја има довербата од луѓето кои ги води позади себе.ВИЕ, упорно ја прогласувате средбата меѓу Димитар Ковачевски и Христијан Мицковски за некаква си лидерска средба, иако според анкетите кои Вие ги објавувате, двајцата вкупно имаат поддршката од максимум 25 проценти од нашите граѓани.Со така "висок рејтинг" меѓу народот, таа средба може да биде само средба на двајцата претседатели на двете најголеми партии и ништо повеќе, или како што смета најголем дел од народот, средба на претседателите на двете партии кои ја уништија Македонија во овие 32 години“, напиша тој на Фејсбук.

Коментари | пред 2 години

(ВИДЕО) Додека адвокатот зборуваше за повредите, Пендиков се смееше

Додека адвокатот Стефан Карамишевски зборуваше за повредите на Христијан Пендиков, болниот од зад грб се смееше на новинарските прашања. Карамишевски не дозволи неговиот клиент да одговара на новинарски прашања, со исклучок, ако тие се однесуваат на здравствената состојба.На Пендиков му беше смешно прашањето на кој јазик ќе одговара пред судот, со оглед дека во Бугарија, секогаш кога гостува по медиуми, одговара на бугарски јазик, а притоа, со почести доби и бугарско државјанство.„На кој јазик ќе го дава исказот Пендиков, пошто не дозволивте да го прашаме?“, прашаа новинарите, по што натепаниот почна да се смее.Адвокатот Карамишевски одговори: „Исказот ќе го дава на македонски јазик, се разбира, затоа што е тука роден, завршил основно образование и тоа претпоставува дека одлично го владее македонскиот јазик“.Пендиков беше насмеан и додека адвокатот одговараше дали тој ќе дојде и на следното рочиште, кога треба да сведочи: „Најверојатно ќе биде присутен, со оглед на тоа дека се уште му трае лекувањето. Повредите се тешки и сериозни, тоа исто сакам да го кажам“. По ова, адвокатот продолжи да ги опишува повредите.

Македонија | пред 2 години

ДУИ до ВМРО-ДПМНЕ за патиките на Груби: Затоа Груевски има четирипати поголем рејтинг од Мицкоски

„Секојдневното креирање на лажни вести проследени со навреди се најниското ниво на кое ВМРО-ДПМНЕ е спаднато од своето основање до денес. Денешното ВМРО-ДПМНЕ е непрепознатливо кое што го `пушти низ вода` сето свое претходно раководство и се служи со омаловажување на другите преку Гебелска пропаганда“ реагираат од владејачката ДУИ.Оттаму велат „затоа, Никола Груевски има четирипати поголем рејтинг од Христијан Мицкоски и повеќе од една третина на гласачите на ВМРО-ДПМНЕ не го поддржуваат Мицкоски туку го сметаат се уште Груевски како нивен лидер“.„ВМРО-ДПМНЕ треба да се извини за клеветите и личните навреди упатени кон Првиот потпретседател на Владата, г-дин Груби. Во прилог Ви испраќаме доказ за цената на патиките за кои замислете, се состануваше Извршниот Комитет на ВМРО-ДПМНЕ и донесе стратешка одлука да креира уште една лажна вест по наредба на нивниот претседател во својата секојдневна колекција“ велат од партијата приложувајќи ја цената на патиките кои ги носи Артан Груби.

Македонија | пред 2 години

Лекарите ќе работат и онлајн за да си ја заработат платата, најави Меџити

Министерот за здравство Фатмир Меџити зборуваше за проблемите во здравството. Тој рече дека има проблем да се закаже термин кај специјалист и проблем се дијагностичките процедури, па граѓаните се принудени да плаќаат во приватно здравство. Нагласи дека тој и неговиот тим работат на тоа да се надминеме овој проблем.„Пред три недели ги пуштивме сите екипи, сите контролори и инспекции се на терен. Имаме подобрување во тој контекст. Понатаму ќе излеземе со точни резултати колку е подобрувањето. Знаеме дека има проблем, јас од првиот ден велам дека треба целосна реорганизација на здравствениот систем во нашата држава. Треба систематизација на здравството, ние работиме напорно, презедовме мерки и ќе имаме точни резултати за неколку недели, дека имаме подобрување и ќе продолжиме да работиме“ рече Меџити.Во врска со дијагностицирањето, рече дека работи заедно со својот тим, а дека проблемот е во систематизацијата и реорганизацијата.„Во клиничкиот центар имаме доволно кадар, и здравствени работници и сестри, знаете дека ние прво треба да ја средиме примарната здравствена заштита, тука треба да направиме голем пресек, ова не се прави за ден два, ќе треба повеќе време, можеби и години, но ние треба да започнеме, работите да се движат композитивно, јас имам мој предлог визија, работиме на тоа да има и група формирана на дигитализација на радиологија низ цела држава т.е. централизација на радиологијата. Тоа значи дека ако во еден град ако има доктор што дневно чита еден ренген на една рака или нога, сега натаму нема да биде така, онлајн ќе бидат вклучени сите, ќе има ограничен број колку дневно да чита еден лекар за да си ја изработи платата, над тој број и дома нашите радиолози почитувани ако сакаат за повеќе финансиски примања ќе имаат можност да прочитаат со цел да не се чека толку долго“ објасни министерот Меџити.

Македонија | пред 2 години

Пендиков за прв пат даде изјава пред македонските новинари

Христијан Пендиков застана пред македонски новинари, но адвокатот Стефан Карамишевски не му дозволи да одговара на прашања кои не се поврзани со здравствената состојба. Пендиков одново се пожали оти имал повреди. Наспроти претходните тврдења дека се плаши да се врати во Македонија, сега порача: „Не се плашам“. Кога новинарите го прашаа дали беше непходно од неговиот случај да се прави политика – тој се насмевна и одби да одговори.„Сега сум подобар, имам се уште прегледи кои ми следуваат, имам два пукнати пршлени. Се надевам дека ќе можам да патувам на 12 јули“, кажа Пендиков.Се пожали оти му се закануваат, но не кажа дали ова го пријавил во полиција како што направи со претходниот случај.„Лично да се плашам, не се плашам. Ама не е убаво чувството да добивате по 20-30 смртни закани со пцуење, на Фејсбук, месенџер, да се читаш во коментари“, додаде тој.

Македонија | пред 2 години