ТОП

Меџити: Немаме магичен стап, тоа нема да се случи преку ноќ, но се стремиме да ги изградиме болниците

Министерот за здравство, Фатмир Меџити, во ново јавно појавување одново се жалеше од состојбите во секторот со кој раководи. Пред јавноста зборуваше за лошите состојби, па упати барање: „Пак повикувам дајте сите заедно да градиме едно здраво здравство“. Меџити, ова го правеше и во претходни изјави, а откако беше мета на критики дека ништо не променува во секторот откако стана министер.„Ова би го крстил како голем ден ‘Национален форум за здравство’ заедно со претставничката колешка и докторка Ане Јохансен денес во овие простори да ги кажеме сите наши дефекти што јас како министер веќе три месеци скоро, ги детектирав. Работиме заедно со Ане Јохансен и сме многу благодарни за поддршката и за соработката на СЗО што ја покажува за нашата држава и ние сме спремни и ќе се стремиме заедно. Јас цело време апелирам што не е во ред, што се проблемите, како може да ги детектираме и како може најбрзо да најдеме решение. Јас сум многу одлучен како министер, и мојот кабинет, моите советници и сите здравствени работници ги повикувам, ние го знаеме нашето здравство, во многу лоша состојба е, дајте заедно да придонесеме за еднаш засекогаш да поставиме некои здрави основи постулати, со цел нашите пациенти да добијат подобри здравствени услуги и да имаме поздраво население“, рече Меџити.Тој додаде дека е намалена смртноста кај новороденчињата што е големо достигнување.„Но не само со оваа проблематика, тука сме да се занимаваме и да ги решиме сите проблеми кои ги има во здравството. Знаеме дека магичен стап немаме, тоа нема да се случи преку ноќ, но со сите наши пријатели, со сите здравствени меѓународни институции посебно со СЗО што се тука за нас, да се стремиме заедно да поставиме добра здравствена основа, да ги изградиме болниците кои се оставени, знаеме кичевската 30 години, штипската има проблем правен, го решаваме денеска, напорно работиме на тоа, работиме на мој термин, работиме не знам ни јас веќе кај не работиме. Работиме во сите правци во здравството што навистина има многу проблеми, здравството е жива материја, пак повикувам дајте сите заедно да градиме едно здраво здравство“, додаде Меџити.

Македонија | пред 2 години

Најчевска до Зеколи: Слушај креле продадено, или јавно ќе се извиниш или ќе се гледаме на суд

Професорката Мирјана Најчевска објави колумна на Арсим Зеколи во врска со македонско-српските односи. Таа преку социјалните мрежи му порача да се извини, а доколку не го направи тоа ќе се видат на суд„Слушај креле продадено, или јавно ќе се извиниш или ќе се гледаме на суд,Секоја белосветска будала платена од Али Ахмети си зеде сила и се размавна со националистичко-нацистичките крилја и без срам и перде шири бљувотини. Нека покаже крелецот едно единствено нешто кое би го поткрепило неговото тврдење за моето наводно “србољубство“.Очекувам јавно извинување во рок од 7 дена потоа следи пријава за навреда.Заради вакви крелци расте омразата кон се што е aлбанско во Македонија.Ова се тие скриени платеници кои ја уништуваат идејата за граѓанско општетсво, лажат за минатото, ја извитоперуваат сегашноста и ја изгнасуваат иднината дури и пред да прфне.Ваквите крелци треба да бидат судени и осудени во секоја нормална држава за сеење лаги, омраза врз етничка основа и пред се заради свесно дестбилизирање на државата“, вели Најчевска.

Коментари | пред 2 години

Тасевски до Пендаровски: На која држава и се заколна дека ќе ја штитиш? Што сте бе вие? Шверцери?

После црниот петок, прогласен од синдикатите за во Собранието, усвоените Бехтел&Енка закони, следуваше брз потпис на Указите за сите 5 закони.Претседателот Стево Пендаровски објави дека ги потпишал по консултација со своите правни експерти. Тврди дека никаде ја нема озлогласената формулација за 60-часовна работна недела и поради тоа го потпишал ова законско решение.Актерот Сашо Тасевски објави статус на социјалните мрежи во врска со ова.„Стево како тоа законот е противуставен ама ти ќе го потпишеш?Значи го кршиш уставот.Кажи чиј претседател си ти?На која држава?На која држава и се заколна дека ќе ја штитиш?Што сте бе вие?Бакали, пиљари, препродавачи… шверцери. Државава тезга ви е?Патлиџан не продавате бе“, вели Тасевски

Коментари | пред 2 години

(ФОТО) По потпишувањето на договорот Груби почна да носи патики кои чинат колку една македонска плата, вели ВМРО-ДПМНЕ

Артан Груби е човек без срам. Очигледно стандардот на облекување на Артан Груби порасна со потпишувањето на договорот за Коридорот 8 и 10, вели ВМРО-ДПМНЕ„Артан Груби глуми моден гуру и замислете, на очиглед на целата македонска јавност, се облекува во патики кои чинат дури колку една македонска плата. Артан Груби вчера, смеејќи и се на целата македонска јавност во лице се пофали со патики “Off-White” кои чинат над 450 евра.Да потсетиме дека половина милион граѓани живеат со само 150 денари на ден и немаат леб да јадат, а Груби почна да се облекува во патики кои чинат повеќе од 27.000 денари. Нека се запраша дали тие граѓани на своите деца можат да им купат патики од над 27.000 денари.Груби е човек кој е познат по своето семејно брзорастечко мултимилионско богатство, стекнато под сомнителни околности.Потсетете се само кој беше Артан Груби и дали носеше патики од над 450 евра пред да влезе во политиката, кога беше хулиган и погледнете го сега откако се потпиша договорот за Коридорот 8 и 10.Очигледно Артан Груби како новопечен мултимилионер сака во стилот да биде новиот Еди Рама, но за жал од “Алиекспрес”, бидејќи сите знаат дека овој негов луксуз се должи на криминалот и корупцијата кои ги прави оваа Влада на ДУИ и СДСМ.Ова е најкриминалната Влада со најголемиот потенцијал за одговорност, одговорност која ќе се брои во стотици години затвор заради сторениот очигледен криминал“, се вели во соопштението.

Македонија | пред 2 години

Со советничката на премиерот Петков ги водевме најтешките преговори, вели Османи

Mинистерот за надворешни работи, Бујар Османи изјави дека во разговорите со Весела Чернева, која беше советничка на екс бугарскиот премиер Кирил Петков е направен најмал исчекор во македонско - бугарските односи.На бугарската политичка сцена има сериозни обвинувања дека таа шпионирала во корист на Македонија.„Со Весела Чернева, како советничка на бугарскиот премиер Кирил Петков, ги водевме најтешките преговори“, вели Османи во изјава за 360 степени.Советничката на екс бугарскиот премиер Кирил Петков, Весела Чернева е под истрага за оддавање на тајни информации на власта во Скопје.Тогашната министерка за надворешни работи Теодора Генчовска дури и ја обвини Чернева дека спроведува паралелна надворешна политика и дека самата лобира во преговорите со Македонија.

Македонија | пред 2 години

Нема фотографија

„Нема европска држава со етничка припадност во изводи“, Левица ќе оспори пред Уставен суд

Откако пратениците на Левица, со 1300 амандмани, ефективно го блокираа внесувањето етничка припадност во лични карти, не престануваат обидите за дејтонизација од страна на анти-народната влада. Иако само 20 држави во светот имаат етничка припадност во лични документи (од кои ниту една не е европска држава!), после неуставно воведените двојазични униформи, пасокизираната СДС забрзано ја спроведува Тиранската плаформа, во очаен обид да не ја загуби владината коалиција, вели Левица„Како што најави министерот од редовите на Алијанса за Албанците, Кренар Лога, внесувањето етничка припадност во изводите ќе се реализира само со упатство, што претставува противуставна промена на подзаконски акт, при што директно се заобиколува Парламентот, како највисок законодавен орган!Јасно е дека ваквите големоалбански барања се резултат на недостиг на визија и програма за социјални и економски проекти, додека мнозинството Албанци, како и Македонците, масовно се иселуваат поради погубните политики на ваквите истрошени политичари.Потсетуваме дека во февруари 2021 година, евроамбасадорот Дејвид Гир изјави дека регулативата на ЕУ забранува споделувањето на лични податоци како расна и етничка припадност, како и политичка и верска припадност.Оттука, јавно го прашуваме извршителот на Али Ахмети и октроиран премиер, Димитар Ковачески: Дали со воведувањето етничка припадност спротивно на ЕУ регулативата, владата на СДС и ДУИ директно ги загрозува европските интеграции на Македонија?Ја известуваме јавноста дека Левица ќе поднесе Иницијатива до Уставниот суд, со цел го оспори внесувањето етничка припадност во изводите, како противуставен потег, кој е спротивен на европските практики. Вакви трибалистички решенија се типични за конзервативни општества, со многу силна внатрешна поларизација, додека развиениот демократски свет одамна ги напуштил овие негативни практики“, се вели во соопштението.

Македонија | пред 2 години

Нема фотографија

Уште една жртва на системот: после Тони Сали, почина и Мемет Камбер - лице без лични документи, вели Левица

Длабоко сме огорчени поради трагичната смрт на Мемет Камбер, лице на кое му беа ускратени основните права и пристапот до здравствена заштита, само затоа што ги немаше потребните документи за да го докаже неговиот престој во Македонија. Овој трагичен настан е само потсетник на системската дискриминација и маргинализација со која ромската заедница продолжува да се соочува во нашето општество, вели Левица„Ова не е ваков прв случај да се загуби животот поради бирократски пречки. Тони Сали, исто така поради бирократски процедури, не можеше да добие извод и да оствари право на здравствена заштита. Сали почина пред две години, а постхумно доби награда од Град Скопје за матурант - првенец на генерација. За трагичниот случај со Сали никој не понесе одговорност, а тогашниот директор на Управата за водење на матични книги, Бујар Дардиша, подоцна беше унапреден во управител на ЕСМ Дистрибуција.За руинираноста на институциите говори пресудата на Врховен суд од 2022 година, која во случајот со Тони Сали, после неговата смрт, утврди дека Граѓанскиот суд бил должен да постапува по тужбата на Тони Сали за утврдување на татковство и мајчинство, а не да се прогласи за ненадлежен. Одговорност повторно - нема.Бизарноста на заробените институции беше до степен да Второстепената комисија, со која раководи Даница Чадиева, надвор од рокот и еден месец откако почина Сали, ја уважила неговата жалба против Управата за водење матични книги и случајот го вратила на решавање. Исто како да е жив.Иако пред три години е донесен Законот за неевидентирани лица во матичната книга на родените, отсуствува ажурност кај институциите за негово имплементирање, што се потврди со трагичниот случај со Мемет Камбер од пред неколку дена. Недостигот на документација за поединците од маргинализираните заедници дополнително ја влошува нивната ранливост, оставајќи ги без пристап до основните услуги, како што се здравствената заштита, образованието и можностите за вработување. Тоа е јасен показател на нееднаквостите што опстојуваат во нашето општество.Јавно го повикуваме премиерот Ковачевски да не го премолчи и овој трагичен случај и да ги лоцира одговорните лица, поради кои Мемет Камбер го загуби животот. До кога ќе се штитат партиските кадри - на сметка на човековите животи“, се вели во соопштението.

Македонија | пред 2 години

„Млад кромид и пиперка со пестициди се пуштени во промет, граѓаните јадат небезбедна храна“, Трипуновски бара оставки од Бабовски и Николовски

МЗШВ и АХВ свесно пуштиле во промет зеленчук во кое има присуство на пестициди, вели Цветан Трипуновски, претседател на комисија за земјоделство, шумарство и водостопанство„Ова пред мене се доказите кои што денеска ќе ги презентирам пред македонската јавност.Денеска објавувам уште четири извештаи за направена анализа на зеленчук пристигнат и влезен во Македонија. Имено, станува збор за млад кромид и пиперка кои влегле во Република Македонија и веќе се наоѓаат на некој од пазарите ширум нашата држава.Првите два извештаи направени во ДФЛ потврдуваат дека во анализите на млад кромид е детектиран недозволиво присуство на пестициди и овие два извештаи се архивирани под арховски број 10802-295/2 и 10802-296/2 од 22/05/2023 година.Третиот и четвртиот извештај исто така издаден од ДФЛ се однесува на анализа направена на пиперка во која исто така е откриено недозволиво количество на остатоци од пестициди и овие два извештаи во интерес на вистината се со печат на министерството и архивирани под архивски број 10802-373/2 од 17/05/2023 и 10802-493/2 од 26/05/2023 година.Почитувани,Овие четири документа кои што се пред мене се јасен доказ дека во промет е пуштен зеленчук кој е крајно небезбеден и отровен. И наместо веднаш да се реагира, АХВ праќа паушални соопштенија и се обидува да ја замајува јавноста.Чиј бил интересот и колку може да биде забегана една влада свесно да пушта граѓаните да јадат небезбедна и отровна храна?Власта е најодговорна за тоа што денеска граѓаните консумираат штетна храна. И оваа тема не познава ниту верска, етничка, а најмалку политичка припадност. Оваа тема ги засега сите подеднакво, од најмалите до највозрасните.Николовски и Бабовски се главните виновници за овој голем скандал.Им порачувам на АХВ и МЗШВ наместо да демантираат, веднаш да реагираат, а Бабовски и Николовски да си поднесат неотповикливи оставки од своите позиции. За ова во демократските земји паѓаат цели влади.Воедно уште еднаш апелирам ЈО да не глуми ненадлежно и веднаш да реагира по допрен глас.Одговорност за ова мора да има“, додава тој.

Македонија | пред 2 години

Кој ќе ги избира надзорниците за 36.500 евра плата или СДС и ДУИ веќе го имаат поделено колачот, прашува Стоилковски

Ова се страниците од договорот за коридорите добиени од укажувачи, каде е наведено дека ќе бидат ангажирани специјалисти за надзор со месечни плати од по 36.500 евра. Сумата за платата е точно наведена, но не и бројот на специјалистите за надзор! Ќе се ангажираат надзорници за спецификации за автопати, студии за животната средина, за заштитените богатства од УНЕСКО во охридско, разгледување на спецификациите на патиштата, или најмалку пет специјалисти со плата од по 36.500 евра месечно. Најмалку петмина надзорници според бараното, за најмалку пет години работа, колку што е потпишан договорот тоа значи дека цели 11 милиони евра ќе бидат исплатени вон договорената сума, вели Наум Стоилковски, портпарол на ВМРО-ДПМНЕ„Кој ќе ги избира овие надзорници, дали Владата во целост или можеби ДУИ и СДС си го поделиле колачот од по 36.500 илјади евра месечната плата за еден надзорник.Месечната плата на еден ваков надзорник е еднаква на 40 плати на универзитетски професори во Македонија. Во Македонија 85% од вработените земаат плата помала од просечната. Македонија е држава во која што три месеци немаше ленти за дијабетичари, држава во којашто нема отпечатени свидетелства за ученици. И Македонија ќе дели 36,500 евра месечна плата за еден надзорник, пари повторно издвоени од Буџетот на Македонија. 11 милиони евра за плати за 5 надзорници специјалисти. Овие пари се вон договорената една милијарда и 300 милиони евра тешкиот договор.Ова почитувани е основа за можен криминал, а голем дел од парите да завршат во приватни или партиски џебови и потоа да бидат употребени за изборен поткуп.Во Македонија, почитувани, се случува епски криминал којшто будно се следи и за него ќе има одговорност по смена на власта“, додава тој.

Македонија | пред 2 години

Поради бизнис врските во политиката повторна експлоатација на песок на Пчиња, вели Левица

Вчера пратеникот од Левица Борислав Крмов и портпаролот на партијата Амар Мециновиќ повторно беа помеѓу жителите на селата Горно и Средно Коњари, кои продолжуваат да се соочуваат со голготата која им ја приредуваат нелегалните експлоататори на песок на реката Пчиња.Деценискиот проблем на овие жители кои се оставени сами да се борат против мафијата не стивнува и покрај укинатата концесија за т.н. "уредување на речното корито" - за минатиот петок помеѓу двете села повторно да се соочат со машинерија покрај реката.Откако се исцрпени сите институционални методи, како и правото на протест со блокирање на автопатот, жителите се принудени физички да ги оневозможат експлоататорите на што следат бројни неоправдани кривични пријави со цел заплашување на народот.Левица будно ја следи состојбата и е во постојан контакт со тамошното население за да се спречи секое следно уништување на природата и девалвација на животните услови.

Македонија | пред 2 години

Пендиков се врати во Охрид

Секретарот на згаснатиот бугарски клуб „Цар Борис Трети“, Христијан Пендиков утрово се појави во Охрид за да даде исказ пред истражителите за тепањето.Пендиков на влезот во зградата ги избегна камерите и новинарите кои го чекаа, пренесе БГНЕС.Ова е прво враќање на Пендиков во родниот град по лекувањето во Софија.Еден од напаѓачите, Илија Спасески рече дека го разбира обвинението, но не се чувствува виновен, а неговите адвокати велат дека ќе докажат дека инцидентот не се случил поради етничка омраза.Пендиков неодамна доби бугарски документи и стана бугарски државјанин.

Македонија | пред 2 години

Со ланската добивка ќе се покриваат натрупаните загуби на „Лотарија“, Штерјо Наков и неговиот син ќе бидат членови на одборот на директори

Штерјо Наков и неговиот син Драган Наков, кој во моментов е и директор на шпедитерската компанија „Фершпед“, ќе бидат нови членови на Одборот на директори на „Лотарија на Македонија“, објави Фактор.Нивниот мандат ќе биде шест години и за тие свои функции ќе земаат месечен паушал од по 30 илјади денари.Промената во раководството е една од одлуките кои ги донело Собранието на акционери на седница одржана пред неколку дена, поточно во петокот минатата недела.Исто така, компанијата донела одлука целата добивка која што ја оствари лани, на сума од 121 илјади евра, да се намени за покривање на загубите од претходните години, што значи дека акционерите нема да земат дивиденда.Целиот текст можете да го прочитате тука

Македонија | пред 2 години

Одрон на патот кај Матка, повреден полски турист

Полски турист се здобил со повреда од помал одрон на патот кај Матка после браната.На линијата за итни случи 112 денеска во ЦУК добиле пријавата за одрон на патот кај Матка. Секторот за операции и координација на ЦУК спровел акција за згрижување повреден турист од Полска и за преземање мерки за безбедност, бидејќи имало опасност од други одрони, а и за расчистување на одронот во тој локалитет. Повредениот 45-годишен турист од Полска веднаш со Итна медицинска помош е префрлен на скопските клиники.ЦУК веднаш го известил раководителот на ЈП „Улици и Патишта“ на Град Скопје за нивна интервенција за расчистување на теренот. Одговорот бил дека надлежност за тој пат има Македонија Пат и самата Општина Сарај под кои субјекти се наоѓа дадениот локалитет. По остварените комуникации, ЦУК добиле одговор од Македонија Пат дека според дадените координати тој пат не е под нивна надлежност туку под надлежност на Општина Сарај.Телефонски контакт е остварен и со комуналниот инспектор на Општина Сарај на кој му е пренесена информацијата за надлежностите, поточно дека ниту ЈП „Улици и Патишта“, ниту Македонија Пат имаат надлежност за негово расчистување и дека тој пат е под ингеренција на Општината. На лице место имало и припадници од полицијата.

Скопје | пред 2 години

„Таче уценет од Алијанса“, Апасиев обвинува за етнички изводи од матично, со противуставна постапка

Лидерот на Левица, Димитар Апасиев, со низа обвинувања кон власта.„Она што - поради борбата на Левица во парламентот - не му успеа на Заев во договор со Беса (ЕТНИЧКИ ЛИЧНИ КАРТИ), сега го прави Таче уценет од Алијанса (ЕТНИЧКИ ИЗВОДИ ОД МАТИЧНО) - но, заобиколувајќи го парламентот, со противуставна промена на подзаконски акт!?Лудациве озбилно сакаат да воведат АПАРТХЕЈТ во Македонија!“

Коментари | пред 2 години

Пендаровски ќе ги потпише петте закони за изградбата на коридорите 8 и 10д

Претседателот Стево Пендаровски на прес-конференција изјави декаќе ги потпише петте закони за изградбата на коридорите 8 и 10д„Изминатиот петок на 26.05 ги примив петте закони за изменување и дополнување на постојните закони чија што содржина се однесува на изградбата на коридорите 8 и 10д во јавноста познати како закони за проектот наречен бехтел енка. Законите коишто беа усвоени со пропишано мнозинство во собранието чијшто укази за прогласување стигнаа до мене се следниве:Првиот е закон за именување и дополнување на законот за работни односиВториот е закон за изменување и дополнување на законот за експропријацијаТретиот е закон за изменување и дополнување на законот за градењеЧетвртиот е закон за изменување и дополнување на законот за урбанистичко планирањеПеттиот е закон за изменување и дополнување на законот за утврдување на јавниот интерес и номинирање на стратешки партнер за имплементирање на проектот за изградба на коридорите 8 и 10 дИзминативе недели во јавноста знаете дека се разви дебата во однос на содржината на овие закони, а за еден од нив за неговата уставноста, имајќи ја во предвид одлуката на Уставниот суд минатата година. Сакам да укажам дека дебатата од мал број на субјекти беше употребена или злоупотребена за зголемување на и онака високата поларизација во нашето општество што го оттргна фокусот од вистинските прашања поврзани со овие закони односно наместо дискусијата да се насочи кон придобивките и можните ризици во однос на проектот, јавната дебата се претвори во расправа за нашите стратешки евроатлантски ориентации и аспирации.Во однос на законот за именување и дополнување на законот за работни односи сакам да ја информирам јавноста дека текстот на усвоениот закон не ја содржи оспорената одредба од уставниот суд која предвидуваше дека работното време на секој работник може да биде во просек 60 часа недела во текот на годината. Изминативе месеци дадов изјави дека нема да потпишам указ за прогласување на закон кој содржи одредба која претходно е оспорена од уставен суд и во таа насока новиот закон не ја содржи формулацијата 60 часовна работна недела.Изминативе денови направив низа консултации со експерти од областа на трудовото право, со поранешни судии од уставниот суд, и со советниците во мојот кабинет. Донесов одлука да го потпишам указот за донесување на овој закон и на останатите 4 закони.Сепак имајќи ги во предвид приговорите на дел од синдикатите граѓанските здруженија кои работат во оваа сфера и некои политички партии укажувам дека секоја заинтересирана страна има право да поднесе иницијатива за оценка на уставноста на секој закон, вклучувајќи го и овој“, изјави тој.

Македонија | пред 2 години

Гори маркет во склоп на бензинска пумпа во Гевгелија

ТППЕ Гевгелија известува дека со 2 ПП возила и 7 пожарникари од 14:00 часот интервенираат на запален маркет во склоп на бензинската пумпа Окта.Според информациите нема повредени лица од пожарот.Екипа од ЕВН и МВР се на лице место.

Македонија | пред 2 години

Спасовски за насилството во Арачиново: Ова не прв конфликт во општината заради нерасчистени лични интереси

69-годишен арачиновец, на 23 мај без дозвола влегол во канцеларијата на градоначалникот, насилно барајќи да му се додели земјиште во надлежност на Општина Арачиново.Откако не го нашол во канцеларијата, го пресретнал градоначалникот во дворот, започнал грубо да го навредува, да му се заканува и насилнички да се однесува.Во врска со овој случај министерот за внатрешни работи, Оливер Спасовски изјави дека ова не е прв конфликт во општината.„Во однос на состојбите ја информирав јавноста дека имаме два пати пријави во однос на вакви настани и се преземени сите неопходни мерки за кои што се поднесени сите соодветни пријави во однос на лицата кои што практично ја нарушуваат безбедноста. Апелирам овие недоразбирања кои ги имаат од било кои причини, дали се лични, политички, ќе треба да се разрешат затоа што не смее граѓаните на Арачиново да бидат заложници на состојбите кои ги има таму. Секако дека македонската полиција стои на располагање доколку има потреба да се осигура безбедност на било кој затоа што во државата не смее во ниту еден момент никој никого да го напаѓа, ниту да претставува опасност за него, но ако има лични недоразбирања или било какви мотивации за таквите недоразбирања да ги расчистуваат, а да институциите функционираат нормално во интерес на граѓаните.Во однос на активностите кои ги презема полицијата секогаш и во секој момент се преземаат и се поднесуваат кривични пријави, па понатака обвинителството ги презема. Во делот на институциите тоа е нешто што преземено. Инаку пораката не ми е до политички структури или било кого, туку до оние кои ги прават конфликтите. Ова не прв конфликт кој што е во општината и тоа е според наши информации и сознанија кои ги имаме заради нерасчистени лични интереси и затоа упатувам апел дека граѓаните не можат да бидат заложници на никакви лични или политички интереси“, изјави Спасовски.

Македонија | пред 2 години

Спасовски не одговори дали би се кандидирал за претседател на државата

Министерот за внатрешни работи, Оливер Спасовски денес присуствуваше на промоцијата на Пилот проектот „Дигитален толкувачки сервис за глуви и наглуви“.На прашањето дали би се кандидирал за претседател на државата, тој само кусо одговори дека тоа е политичко прашање кое треба да биде оставено за партијата.„Ова е политичко прашање, денес сме овде во име на институцијата со која раководам така да партиските, политичките прашања ќе ги оставиме за партијата.За сите политички прашања ќе разговараме таму каде што е место во политиката, денеска сме овде заради интересот на лицата со посебни потреби. За мене е многу поважно да работиме секој ден за интерес на граѓаните, да помогнеме секој ден на одредена група или категорија, отколку за било што друго што се однесува до политичките случувања, амбиции итн“, изјави Спасовски.

Македонија | пред 2 години

Се враќа дневната евтина тарифа на струјата, вели Бислимоски

Се враќа дневната евтина тарифа на струјата, објави директорот на Регулаторната комисија за енергетика Марко Бислимоски. Ќе бидат два часа, во периодот од 11 до 16 часот.„Ги правиме последните анализи, јасно е дека ќе бидат два часа, некаде во периодот од 11 до 16 часот“ рече Бислимоски.Во тек се и консултации со ЕВН во однос на броилата поставени во домовите и нивно прилагодување.„Евтината струја нема да стапи на сила во еден ист момент за сите, поради тоа што голем дел од броилата немаат далечинско управување, па тимови ќе треба кај секој да пристапат физички“ објасни Бислимоски.Конечната одлука регулаторна ќе ја донесе во следните 15 дена.

Македонија | пред 2 години

Се зголемуваат цените на горивата

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,65% во однос на одлуката од 26.5.2023 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 0,694%, кај дизелот за 0,269%, кај екстра лесното масло за 0,479% и кај мазутот зголемувањето е за 1,637%.Курсот на денарот во однос на доларот во изминатиот период по кој беа формирани цените со претходната пресметка е повисок за 0,145%Малопродажните цени на бензинот ЕУРОСУПЕР БС-95 и на ЕУРОДИЗЕЛ (Д-Е V) не се менуваат.Малопродажните цени на бензинот ЕУРОСУПЕР БС-98 и на Екстра лесното масло задомаќинство на (ЕЛ-1) се зголемуваат за 0,50 ден/лит.Малопродажната цена на Мазутот М-1 НС се зголемува за 0,742 ден/кг и сега ќе изнесува 40,175 ден/кг.Од 30.5.2023 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС - 95 80,50 (денари/литар)Моторен бензин ЕУРОСУПЕР БС - 98 83,00 (денари/литар)Дизел гориво ЕУРОДИЗЕЛ БС (Д-Е V) 69,00 (денари/литар)Масло за горење Екстра лесно 1 (ЕЛ-1) 68,00 (денари/литар)Мазут М-1 НС 40,175 (денари/килограм)Напоменуваме дека ова се максималните цени на нафтените деривати од 00:01 часот на 30.5.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 2 години

Велешани продавале празни ЦД-а за учење странски јазици

Единицата за внатрешни работи Одделението за криминалистички работи Карпош при СВР Скопје поднесе кривична пријава против А.В.(30) и Д.В.(36), двајцата од Велес, поради постоење основано сомнение за сторени кривични дела „измама“, казниво по чл.247 и кривично дело „посебни случаи на фалсификување на исправи“ казниво по чл.378 од Кривичниот законик.Имено, во координација со Основното јавно обвинителство Скопје, полициски службеници во полициска станица извршиле службен разговор со пријавените, при што било констатирано дека двајцата, претставувајќи се во име на правно лице – училиште за странски јазици од Скопје, преку онлајн продажба нуделе и продавале материјали (ЦД-а) за учење на странски јазици кои биле празни, односно без содржина, при што оштетиле поголем број на граѓани, стекнувајќи се со противправна имотна корист.

Македонија | пред 2 години

Малолетничка возела трактор, па се превртела, на лице место починал сопатникот

МВР информира дека вчера попладне во 17.20 часот било пријавено дека на локален пат во с. Тромеѓа, Кумановско, трактор управуван од малолетничка од с.Тромеѓа излетал од патот и паднал во канал.На местото на несреќата починал сопатникот М.С.(63) од с. Младо Нагоричане, а од страна на лекар од Итната медицинска помош констатирана била смрт.Со телесни повреди се здобила малолетничката, констатирани во Општата болница Куманово.Извршен бил увид од Јавен обвинител и увидна екипа од СВР Куманово.

Македонија | пред 2 години

Нагло се намалува инфлацијата во Македонија, мерката за замрзнување на цените на земјоделските производи нема да продолжи, вели Бектеши

На 31 мај завршува одлуката за замрзнување на цените во земјоделието. Министерот за економија Крешник Бектеши изјави дека мерката нема да продолжи.„Нема да продолжи мерката во делот на земјоделските производи имајќи во предвид дека согласно податоците кои ги имаме како министерство за економија повеќето од производите се и пониско од нивото на замрзнување кое сме го имале претходно. Ако во случај од денот кога нема да важи таа одлука има злоупотреба од страна на трговците, ние на дневна база ја следиме ситуација и секако дека ќе следат различни мерки.Важно е да се напомене фактот дека нагло се намалува инфлацијата во Македонија, особено во делот на прехрамбените производи и очекуваме во јуни да имаме пониска инфлација од 10%, а секако да бидеме во склоп на тоа што е проектирано од страна на министерството на финансии и народната банка, иако согласно последните податоци мислам дека ќе бидеме под нивото на тоа што е проектиран како инфлација за оваа година.Во делот на различни мерки секако дека ние на дневна база ги правиме тие анализи и секогаш може да се усвојат. Тоа ќе го направиме секако во соработка со стопанските комори“, додаде тој.

Македонија | пред 2 години

Граѓаните поголема цена на струја нема да плаќаат за наредните шест месеци, вели Бектеши

Министерот за економија Крешник Бектеши на денешната прес конференција изјави дека цената на струјата до крајот на годината нема да се покачи, туку напротив истата може да биде намалена.„И во делот на енергетиката со министерството за финансии заедно со претседателот на РКЕ и другите членови на енергетскиот совет во владата во текот на јуни ќе разговараме за новиот модел. Јас од денес можам да им кажам на граѓаните дека тие нема да плаќаат поскапа струја. Кој ќе биде моделот, тоа сите заеднички ќе го дефинираме во склоп на енергетскиот совет, а граѓаните поголема цена на струја од постоечката нема да плаќаат за наредните шест месеци, значи од 1 јули па до крајот на годината.Ние имаме други механизми со кои можеме да им излеземе во пресрет на граѓаните и ако зборуваме само за тие осум отсто јас од денес гарантирам дека тие осум отсто ќе бидат намалени ако треба во други параметри во утврдување на цената, но тоа не значи дека само осум отсто ќе се намалат. Може и повеќе од осум постои и денес јавно кажувам дека граѓаните нема да плаќаат повисоки сметки за струја од ова што е претходно, туку ќе биде спротивното, ќе плаќаат помалце од тоа што моментално го имаме. Како ќе биде моделот треба сите заеднички да седнеме и да разговараме. Како што сум информиран од претседателот на РКЕ тие веќе направиле одредени анализи, до овој момент не сум имал можност да ги разгледал и другите членови на владата, откако ќе ги разгледаме ќе ја информираме јавноста“, вели тој.

Македонија | пред 2 години

Министерот за правда ќе потпише ново упатство за измена на изводите од матичната книга на родени

Министерот за правда Кренар Лога денеска ќе потпише ново упатство за измена на изводите од матичната книга на родени, венчани и починати во кои ќе се најде и етничката припадност, објави Алсат-М.На овој начин Министерството за правда сака да стави крај на проблемот со лажните декларирања на етничката припадност при вработување и злоупотреба на балансерот за правична етничка застапеност во одредени институции.„Со ова ќе може да се докаже етничката припадност со официјален документ. За секоја можна злоупотреба на етничката припадност може да се отворат и кривични постапки за лажно пријавување. И странките во постапката (во случај на вработување) можат да поднесат претставка но и тужба за злоупотреба, во случај институцијата да избегне службени документи“, рече Лога.

Македонија | пред 2 години