ТОП

Наќе Чулев откри колкави плати заедно земаат тројца директори од јавниот сектор

Поранешниот технички министер за внатрешни работи, Наќе Чулев, обелодени прецизно колкави плати заедно земаат тројца директори од јавниот сектор, практично првите луѓе на трите државни агенции од јавниот сектор.Станува збор за по околу три илјади евра месечно.„За плати на директорите на трите државни агенции од безбедносниот сектор, само за еден месец граѓаните плаќаат речиси 10 илјади евра. Просечната плата на секој од нив согласно законски утврдениот коефициент и другите додатоци, е околу 3 илјади евра, на месечно ниво.Кога граѓаните едвај врзуваат крај со крај, вкупната сума која државата ја двои секој месец за плати за само три лица односно Директорите на Агенција за национална безбедност, Агенцијата за разузнавање и Оперативно техничката агенција, изнесува фантастични 600.000 денари. На годишно ниво, само за директорите на овие три институции се трошат речиси 7.200.000 денари. Платата на секој овие три директори е повисока дури од платата на Претседателот на државата и Премиерот.🇲🇰 Јас, вие и сите чесни и одговорни граѓани на Република Македонија, редовно и одговорно плаќаме даноци за енормно високите плати на лицата кои се поставени и работат исклучиво на спроведување партиски агенди и директиви, тргување со влијание, вршење притисок и следење на опозицијата, спроведување мобинг и закани врз вработените, неспроведување на законите, градење перцепција и клеветење кај меѓународната заедница дека опозицијата е анти ЕУ и пропагира и практикува македонски национализам и екстремизам, злоупотреба на процесот на издавање на безбедносни сертификати со цел елиминирање на политички неистомисленици ...и уште многу други работи.Сите ние плаќаме илјадници евра за плати на луѓето кои се возат во луксузни и скапи возила, кои имаат цела армија обезбедувања и возачи, јадат скапи ручеци и единствено нешто што направија се низата скандали поврзани со безбедносните сертификати, спорните државјанства и пасоши на белосветски криминалци и фактот дека го доведоа безбедносно – разузнавачкиот систем во катастрофално, лоша состојба во каква што не бил во изминатите 30 години, сериозно нарушувајќи ги безбедносните капацитети на Македонија кои имаат основна цел зачувување на уставниот поредок на државата и територијалниот интегритет.Одговорни, едуцирани и докажани професионалци на раководни позиции со високи морални вредности и интегритет. Тоа е критериумот кој го бара европската унија и НАТО. Астрономските плати се само начин на кој оваа власт продолжува да го осиромашува народот и да ја руши економијата на државата. Во услови на економска криза и сериозна сиромаштија, толку високи плати се уште една потврда за немањето грам срам и осет во редовите на политичките партии кои се дел од власта“, додава тој.

Коментари | пред 2 години

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ„Според деловите од договорот помеѓу изведувачот и владата кои до ВМРО-ДПМНЕ ги доставија свиркачи може да се заклучи дека ќе бидат исплатени дополнителни 11 милиони евра за ангажирање на најмалку пет специјалисти за надзор за период од пет години со месечна плата од 36.500 евра.Домазетот Ковачевски и Груби се обврзале дека изведувачот има право да ангажира специјалист или специјалисти во множина чии што број ќе биде договорен помеѓу изведувачот и Владата, кој што ќе имаат четири насоки на работа, создавање на спецификации за автопатите, создавање на студии за влијание врз животната средина, понатаму студии за влијание врз заштитеното богатство од УНЕСКО во Охридскиот регион, како и разгледување на спецификациите на автопатите.ВМРО-ДПМНЕ од сам почеток кажува дека изградбата нема да чини 1.3 милијарди. Првин власта се обврза на пенали од над 150 милиони евра, а сега секој ден излегуваат нови детали од договорот, со кој гледаме нови ставки кои ќе треба да бидат платени од буџетот.Дополнително на сето тоа, се става и сумата која ќе биде потрошена на покривање на експропријациите на недвижниот имот на трасата, што може да оди и до неколку стотина милиони евра.Домазетот во владата Ковачевски и Груби го прават грабежот на векот, и за тоа одговорност ќе има“, се вели во соопштението.

Македонија | пред 2 години

Куновска: Знаете колкав масакар е ова во споредба со оној во „Владислав Рибникар“ во Белград? Неспоредливо огромен

Актерката Софија Куновска, на својот Фесјбук профил сподели сериозни обвинувања околу тоа што сѐ се гори во Скопје.„Знаете колкав масакар е ова во споредба со оној во „Владислав Рибникар“ во Белград? Неспоредливо огромен. Повелете споделувајте сите, секој ден за да можеме да сториме нешто. За нашите деца и за нашите животи.“

Коментари | пред 2 години

Холандија се откажа од проект поврзан со Судскиот совет: „Тоа е нелегитимно тело“

Холандија стави во мирување проект поврзан со Судскиот совет, кажа холандскиот амбасадор во земјава Дирк Јан Коп.Во интервју за „Радио Слободна Европа“, амбасадорот оцени дека состојбата е загрижувачка, а Судскиот совет станал нелегитимно тело.„Сите случаи на СЈО, еден по еден тонат, а тоа е многу лош развој. Сега го имаме и случајот со Судскиот Совет кој всушност стана нелегитимно тело. Тоа е многу сериозно и болно за гледање. И поради тој преседан, Холандија сега стави во мирување еден голем проект поврзан со Судскиот совет. Ситуацијата е многу сериозна“, рече амбасадорот во интервјуто за РСЕ.Поранешната претседателка на Судскиот совет Весна Дамева, на 26 април, беше разрешена од функцијата претседател на Судскиот совет. На седницата на Судскиот совет дојде до расправија кога Дамева одби да стави точка на гласање која ја немаше во дневниот ред. Нејзиниот заменик Селим Адеми повика да се гласа за нејзино разрешување. Го поддржаа седум члена и тој констатираше дека Дамева е разрешена и во нејзино присуство го презеде раководењето со седницата

Македонија | пред 2 години

Се случи хаварија на системот за наводнување, над 4500 хектари земјоделско земјиште од Росоман и Градско, останаа без вода за наводнување, вели Трипуновски

Денеска бев на лице место на цевководот Макарија каде што во текот на вчерашниот ден се случи хаварија на системот за наводнување, односно над 4500 хектари земјоделско земјиште од општините Росоман и Градско остана без вода за наводнување, вели Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ„Она што постојано апелираме, дека власта изминативе години не води грижа за системите за наводнување и го доведоа до пропаст АД Водостопанство резултира со крах на системите за наводнување. Оваа хаварија е резултат на заспаноста и негрижата на министерот Николовски и целата Влада.Ги повикувам Владата и МЗШВ да ги ангажираат сите расположливи ресурси и уште денес да се започне со санација на оваа хаварија бидејќи земјоделците ќе останат без вода, односно ќе претрпат сериозни штети и загуби и со тоа се доведува во прашање нивната егзистенција“, додава тој.

Македонија | пред 2 години

Битолчанка усмрти 52-годишен пешак

На 27.05.2023 во 23.20 часот било пријавено дека на магистралниот пат Битола-Прилеп кај с.Долно Српци патничко моторно возило “форд“ со бугарски регистарски ознаки, управувано од Д.И.(45) од Битола (женско лице), удрило во Џ.Ф.(52) од Р.Албанија. На местото на несреќата починал пешакот, а смрт била констатирана од страна на лекар од Итната медицинска помош. Со телесни повреди се здобила малолетна сопатничка од возилото, констатирани во Клиничката болница Битола. Извршен бил увид од Јавен обвинител и увидна екипа од СВР Битола.

Македонија | пред 2 години

Украл златно ланче од врат, па го заложил во заложна куќа

На 26.05.2023 во 13.00 часот на подрачјето на Аеродром полициски службеници од Единицата за внатрешни работи-Одделение за криминалистички работи Аеродром и Драчево го лишиле од слобода Н.Н.(27) од Скопје поради постоење основи на сомнение на сторено кривично дело тешка кражба на дрзок начин. Имено, околу 11.00 часот на ул.“Бојмија“ пријавениот од 61- годишна скопјанка одзел златен ланец што го носела.Со него бил извршен службен разговор во кој истиот го признал кривичното дело, а исто така било извршено препознавање од страна на оштетената.Известен бил Јавен обвинител. По преземени мерки и извршени проверки констатирано било дека пријавениот златниот ланец го заложил во заложна куќа на подрачјето на Аеродром, по што ланецот бил одземен и вратен на оштетената. Од страна на Судија на претходна постапка на Н.Н. одредена му е мерка притвор во траење од 8 дена.

Скопје | пред 2 години

ДИЦ: Училишната комисија не ја пријавила матурантката од Охрид за полагање

На матурантката Тијана Силјаноска од гимназијата „Свети Климент Охридски“ од Охрид и’ било оневозможено да го полага првиот задолжителен испит од државната матура бидејќи таа не била пријавена од страна на матурската комисија на училиштето, велат од Државниот испитен центар (ДИЦ).Од тука појаснуваат дека согласно законот учениците пополнуваат пријава во училиштата каде што се запишани најдоцна до 31 декември во годината. Потоа, следи процес на внес на податоците во база од страна на училишните матурски комисии, обработка и доставување на списоци со кандидати од страна на ДИЦ до училиштата најдоцна до 15 февруари.Училишните матурски комисии, како што се објаснува, списоците со кандидати ги проверуваат, а ако имаат направено грешки ги корегираат и потоа со потпис и печат од училиштето ги враќаат во ДИЦ.„Во случајов од страна на комисија на „Свети Климент Охридски“ од Охрид така е и постапено, односно списоците се вратени со потпис и печат, но немаат направено корекции дека ја имаат испуштено матурантката Тијана Силјаноска“, се наведува во соопштението.„Макфакс“ претходно објави дека на ученичката Тијана Силјаноска не и’ било дозволено да го полага првиот екстерен испит од државната матура оти нејзиното име го немало на списокот, а за проблемот нејзиниот татко информираше преку медиумите.Родителот кажа дека неговата ќерка сакала да се запише на факултет по физиотерапија во Словенија, но без матурата таа е спречена, а вината ја лоцираше кај администрацијата и директорката во гимназијата кои направиле грешка.Од училиштето потоа кажаа дека жалат за проблемот, а нивна заложба е да излезат во интерес на матурантката и родителите. Од тука објаснуваат дека списоците за верификација на податоците за државна матура биле доставени на увид кај учениците уште на почетокот на второто полугодие, а потоа доставени до ДИЦ.На матурантката ќе и биде дозволено да ги полага двата интерни испита во училиштето во јунската испитна сесија, а тоа што останува во августовската испитна сесија, објавија синоќа од гимназијата.

Македонија | пред 2 години

Стануваме апсолутен рекордер во светот, досега, тоа беше Мавританија со 54 часа работна недела, вели Левица

Политичката партија Левица на фејсбук објави видео со наслов „Корпоративно ропство: 60 часовна работна недела“.„Најголемиот грабеж на 21-от век го спроведува Владата на Република Македонија.Штотуку на шверцерски начин и со европско знаменце помина пакетот погубни законски измени кои државата ја потчинуваат на КОРПОРАТИВНА ДИКТАТУРА.Македонските работници ќе работат 12 часа дневно, 6 дена во неделата - што значи МИНИМУМ 60 часа робување на корпоративни интереси на американски конзорциум Бехтел и Енка - кој градејќи ги коридорите 8 и 10, ќе ги истошти нашите работници и ќе ја испразни државната каса.Со 6 664 амандмани Левица го блокираше овој пакет закони и на овој начин ќе се ставеше крај на обидите за поробување на работниците и истиснување на државните пари - но, без правна основа Владата реши да ги злоупотреби инструментите за усогласување со европската легислатива - со европско ЗНАМЕНЦЕ антицивилизациски и анти-европски.‼️Стануваме апсолутен рекордер во светот. Досега, тоа беше Мавританија со 54 часа, по која следат Египет со 53, Гамбија со 51 и Буркина Фасо со 50 часа. Но, Владата на СДС и ДУИ воведе 12 часовно работно време, шест дена во неделата! Тоа значи дека, луѓето кои ќе работат, ќе бидат физички исцедени и ќе немаат време да ги обноват физичките капацитети за да продолжат нормално да живеат. Уставот вели дека секој работник има право на платен дневен, неделен и годишен одмор. Од овие права работниците НЕ МОЖЕ ДА СЕ ОТКАЖАТ.Помеѓу силниот и слабиот, слободата е таа која угнетува, а законот е тој кој ослободува. Сега имаме ситуација, законот да ги поробува работниците, наместо да ги ослободува!Левица нема да дозволи на овие грабливци и злосторници без отпор да се богатат на грбот на работниците. На борбените линии против паразитите од СДС и ДУИ нѐ обединува класниот и националниот интерес - спротиставени на нелегитимните рехабилитатори на фашизмот и острицата на корпоративната диктатура“, се вели во објавата.

Македонија | пред 2 години

Хаварија на системот за водоснабдување во Росоман, земјоделските култури пред огромен ризик, вели Левица

Политичката партија Левица на социјалните мрежи објави фотографии до системот за водоснабдување во Росоман. Тие велат дека има хаварија на системот и земјоделските култури се пред огромен ризик.„Според сликите од терен, може да се види дека хаваријата на водоснабдителниот систем е огромна и тешко поправлива во блиско време.Само за потсетување, на крајот на месец мај и почетокот на јуни, започнува интензивно полевање на овошните насади и градинарски култури.Штетите ќе се бројат во милиони денари, a 30 години неодговорност на политичарите за се што е државно и корисно за народот, не' донесе до вакви очајни состојби.Водостопанство АД наместо да служи и биде во функција на земјоделецот, користи исклучиво за вработување на ПАРТИСКИ ПОСЛУШНИЦИИ.Резултатот се вакви огромни хаварии кој ќе штетат на земјоделието во Македонија.Најголемите виновниците за новонастанатата ситуација повторно ќе се препукуват по медиумите, а земјоделецот ќе биде препуштен сам да се снаоѓа.Левица апелира локалните власти од СДС заедно со централната власт, повторно од СДС, што побрзо да го решат овој проблем, бидејќи секој одминат ден значи нанесување штета по тиквешкиот земјоделец“, се вели во објавата.

Македонија | пред 2 години

Го прогласија за мртов, а сега го гонат за сообраќаен прекршок

Скопјанецот Афет Џелилов не може на државата да ѝ докаже дека е жив, и покрај тоа што Граѓанскиот суд Скопје го прогласи за мртов неговиот брат-близнак кој починал во Чешка со пасошот што му го украл на Афет пред да замине, објави „Сдк.мк“.Поради ваквата состојба, тој долго време не може да извади извод од матичната книга на родените, ниту да ги обнови истечените лични документи, бидејќи не постои во системот.Но, неодамна, како што пишува „Сдк.мк“, се случил бизарен настан. Од една страна, за државата е мртов и закопан во селото Количани, а на домашната адреса му стигнала покана за на суд адресирана на негово име и презиме, за сторен сообраќаен прекршок. Така, „мртвиот“ Афет, оживеан привремено од Кривичниот суд Скопје, е поканет на судење на 8 јуни, во Одделот за прекршоци во Кривичниот суд.

Скопје | пред 2 години

Нема фотографија

Доцнат апликациите за субвенции за земјоделците затоа што државната каса е испразнета поради лошите и погубни политики, вели Здравковски

Денес се наоѓаме во Богомила, село кое што се наоѓа во срцето на Македонија. За жал, како и останатите села во Република Македонија и ова село кое што до пред 20-тина, 30 години броеше повеќе од 1500 жители, денес брои околу 200 жители, вели пратеникот Игор Здравковски, кој заедно со својот тим беше во посета на населени места и оствари средби со граѓани во рамките на акцијата “Ова е Македонија за сите“.Здравковски истана дека жителите кои што останаа да живеат во Богомила, претежно, се занимаваат со земјоделие кое во македонското општество стана голема рана, затоа што откако СДСМ се на власт доцнат субвенциите, се зголеми увозот на храна и многу ниви останаа необработени и ненасадени.Освен доцнење на субвенциите, Здравковски додаде дека земјоделците се соочуват и со проблем на доцнење на процесите што значи доцнење апликациите за нови субвенции затоа и тоа затоа што државната каса е испразнета поради лошите политики и договорите за изградба на коридорите.„Она што е уште пожално, е тоа што овие кои што останаа тука се занимаваат претежно со земјоделие, меѓутоа земјоделието е една голема рана на македонското општество, затоа што имаме зголеме увоз на храна, имаме намлено производство, имаме многу необработливи површини. Субвенциите каснат во изминатите години откако СДСМ се на власт и оваа година, долпнително, имаме доцнење со процесите кои што би значеле апликација за нови субвенции, затоа што касата на Република Македонија е испразнета поради лошите и погубни политики и договори што се направија со Бехтел и Енка“, истакна Здравковски.

Македонија | пред 2 години

„У Брисел вака ли паркирате?“, Апасиев за непрописно паркираните дипломатски возила

Пратеникот Димитар Апасиев објави фотографија од пред центарот на Европската унија во Скопје на која се гледаат неколку возила со дипломатски таблици паркирани на тротоарот.Апасиев на својата објава на „Фејсбук“ напиша:„Дипломатските коли ПАРКИРАНИ НА ТРОТОАР пред канцеларијата на ЕУ во Скопје.p.s. И у Брисел вака ли паркирате бе, ајвани!?“.Неговата објава на оваа социјална мрежа ви ја пренесуваме целосно:

Коментари | пред 2 години

Не стивнуваат реакциите по гафот на пратеничката од СДСМ: Заев стана Маргарет Тачер, а папата Јован Павле Втори заменет со Аца Лукас

Пратеничката на СДСМ Снежана Ванчева Калеска на Фејсбук објави фотографија со спикерот на украинскиот парламент Руслан Стефанчук, но напиша дека тој е привремен претседател на Украина. Таа дури и погрешно го напишала, како „спикерот на украинската Врховна рада Олександар Турчинов“. Таа додава и дека тој воедно ја извршува привремено и функцијата претседател на Украина.Набрзо, под нејзината објава Стефанчук се огласи со коментар за да објасни дека тој не се вика Олександар Турчинов и дека не ја извршува привремено функцијата претседател на Украина.„Драга Снежана, драго ми е што се запознавме, но моето име е Руслан Стефанчук, јас сум спикер на украинскиот парламент, а претседател на Украина е Володимир Зеленски“ – ѝ напиша Стефанчук на пратеничката од Македонија. Руслан Стефанчук е на чело на Врховната рада од 2021 година.По овој гаф на пратеничката на СДСМ, ја пукнаа со шеги и на Твитер.https://twitter.com/Hank___Chinaski/status/1662035159510577153?s=20https://twitter.com/Mrchatina/status/1662063727842131968?s=20https://twitter.com/Fortiifikacija/status/1662041175337910273?s=20https://twitter.com/Mrchatina/status/1662047764371460096?s=20https://twitter.com/koljobezciflik/status/1662133176595087367?s=20https://twitter.com/Bouqet100/status/1662352797046546432?s=20https://twitter.com/Bouqet100/status/1662346933732626432?s=20https://twitter.com/hehence1/status/1662227926878912512?s=20https://twitter.com/StevanoAna/status/1662200159449632773?s=20https://twitter.com/Bouqet100/status/1662189494953492487?s=20https://twitter.com/doctoressaa/status/1662178454098329626?s=20https://twitter.com/Fortiifikacija/status/1662186501097046028?s=20https://twitter.com/Duarminkarlek/status/1662078326930829314?s=20https://twitter.com/d_dedalus/status/1662113311192752128?s=20https://twitter.com/Gerasim_mk/status/1662168151549673505?s=20

Коментари | пред 2 години

Полицијата следниот месец ќе ги добие бонус платите

Министерот за внатрешни работи Оливер Спасовски во Собранието на Република Македонија кажа дека бонус платите до 2016 година не биле исплаќани.-Во однос на исплаќањето бонус плата, сакам да ја информирам македонската јавност дека од моментот на носење на Закон за полиција во кој беше предвидена бонус плата, до 2016 година, ниту една година по исполнети услови не беше исплатена бонус платата. Секогаш во тој период беа побарувањата преку судови за да можат тие полициски службеници кои оствариле поголем број на работни часови, или вкупно во годината над 150 работни часови, да добијат надомест кој им следува по закон. Во тој период се исплатени 12.5 милиони евра на финансиски средства кои практично значат исплата на адвокатски трошоци и сите други трошоци, кажа министерот Спасовски.Спасовски посочи дека откако тој раководи со МВР, исплатени се сите бонус плати.-За 2016, 2017 и 2018 година беа исплатени сите три бонус плати одеднаш за да се стопираат, односно да се повлечат сите тужби, и од тој момент наваму 2019, 2020, 2021 редовно секоја година се исплаќаат бонус плати, заради тоа што тие средства ги предвидовме во Буџетот. Така да, сега ниту има тужби по овој основ, ниту извршувања, ниту наплати. За 2022 година се потпишани решенијата и на 5 или 6 јуни сега, зависно од трезорот, ќе бидат исплатени повторно сите бонус плати за сите полициски службеници. Откако сум јас министер до денеска, нема ниту една година неисплатена бонус плата, ниту се создавани дополнителни трошоци коишто ги имаме по однос на овој основ, објасни Спасовски.

Македонија | пред 2 години

Тренчевска ја врати директорката на градинката „Детска радост“ која Стефковски ја разреши

Преку својата официјална страна на фејсбук, градоначалникот на општина Гази Баба Бобан Стефковски информираше за тоа дека Министерката за труд и социјална политика ја вратила разрешената директорка на ЈУДГ Детска радост на чело на градинката.Во објавата, Стефковски напиша:Почитувани граѓани,Доцна попладнево пред крајот на работното време во општина Гази Баба пристигна Одлуката со која Министерката за труд и социјална политика ни ги одзема надлежностите над градинката Детска радост во Автокоманда.Но она што загрижува е Одлуката на Министерката да ја врати разрешената директорка на чело на градинката, што е директна заштита на незаконско работење утврдено со ревизорски извештај.Состојбата е загрижувачка и за таа цел закажувам прес конференција во просториите на општина Гази Баба. - напиша Стефковски.

Скопје | пред 2 години

Влегол во канцеларијата на градоначалникот без дозвола, па кога не го нашол го пресретнал во дворот и му се заканувал, детали за насилството во Арачиново

Јавен обвинител од Основното јавно обвинителство Скопје поведе постапка против едно лице за кое постои сомнение дека сторило кривично дело – Насилство согласно член 386 став 1 од Кривичниот законик.Осомничениот, 69-годишен арачиновец, на 23 мај без дозвола влегол во канцеларијата на градоначалникот, насилно барајќи да му се додели земјиште во надлежност на Општина Арачиново. Откако не го нашол во канцеларијата, го пресретнал градоначалникот во дворот, започнал грубо да го навредува, да му се заканува и насилнички да се однесува.Со цел обезбедување на присуството на осомничениот и непречено водење на кривичната постапка, јавниот обвинител до судијата на претходна постапка од Основниот кривичен суд Скопје поднесе предлог за определување мерки на претпазливост – обврска осомничениот да се јавува повремено на определено службено лице или кај надлежен државен орган, забрана за посетување на службените простории на Општина Арачиново, како и забрана за приближување или воспоставување контакти со градоначалникот.

Скопје | пред 2 години

(ВИДЕО) Тротинет заврши врз автомобил

Вечерва на Инстаграм профилот на Никола Николовски – Боемот можевме да видиме како скопјани се однесуваат кон тротинетите и сцена која за првпат може да ја забележиме – тротинет качен врз автомобил.„Според информациите кои ги имаме сцената е во скопската населба Аеродром, а мотивот на лицата кои го поставиле тротинетот врз автомобил се уште непознат. Како што пишува авторот, Тротинетите се пластичен приказ зошто на Европа ѝ припаѓаме само географски“, стои во описот на видеото.Во продолжение може да го видите видеото кое предизвика бура од реакции на социјалните мрежи.

Скопје | пред 2 години

ЛДП: Конечно се стави крај на "луксузот" економски директори на Клиниките

Либерално-Демократска Партија ја поздравува одлуката на министерот за здравство Фатмир Меџити со која се прифаќа предлогот на ЛДП од јануари наредната година да функционира еден Клинички центар, со еден генерален директор, со што би се укинале организациските (економски) директори на одделните клиники.- Иницијативата на ЛДП прифатена, конечно се стави крај на "луксузот" економски директори на Клиниките. Со измените треба да се овозможи рационално трошење на средствата на граѓаните и пренамена на средствата. Затоа предлагаме веднаш да се измени одредбата од член 105 со која е предвидено именување на двајца директори и тоа организациски и медицински директор, велат од партијата.Од партијата порачуваат дека потребно е итно решавање на натрупаните проблеми во здравството преку измени во Законите за здравствена заштита и здравствено осигурување со цел обезбедување на квалитетна здравствена заштита на сите граѓани во земјава, а во јавните здравствени установи да се воспостават квалитетни менаџерски тимови раководени од еден директор со што во голема мера ќе се заштедат средства кои може да се пренаменат.

Македонија | пред 2 години

Ќе направам граѓаните пак да имаат стандард како што имавме во Југославија, вели Ковачевски

Ние во Југославија имавме подобар стандард од сите земји од источна Европа кои станаа членки на Европската унија и јас ќе ги донесам сите потребни одлуки нашите граѓани пак да имаат подобар стандард од нив, рече денеска премиерот Димитар Ковачевски, зборувајќи за американските инвестиции во Македонија.„Нашата држава потекнува од поранешната југословенска федерација. Во тоа време имавме поголем стандард и од Словачка, и од Чешка, и од Романија, и од Полска, и од Бугарија, и од сите земји кои стана земји членки на Европската унија. Јас ќе ги донесам и ќе ги предводам сите потребни одлуки кои што ќе обезбедат граѓаните на Северна Македонија повотрно да имаат поголем стандард од сите граѓани од кои порано сме имале поголем стандард, бидејќи тоа нашите граѓани го заслужуваат и на тој пат сметам на поддршката на нашите стратешки партнери, пред сè САД, и земјите членки на ЕУ“, изјави Ковачевски, на заедничката прес-конференција со американскиот сенатор од Конектикат Крис Марфи.

Македонија | пред 2 години

Дали дел од парите за месечни плати од 36.500 евра за специјалистите за автопатиштата ќе завршат во некои приватни џебови, прашува Мицкоски

Претседателот на ВМРО-ДПМНЕ, професор д-р Христијан Мицкоски денеска беше на увид на градежни активности во скопска Кисела Вода, каде што, меѓу другото, беше запрашан за коментар за случајот, кој што воедно го објави партијата, каде што власта за коридорите ќе ангажира дополнително уште пет специјалисти за автопатишта за месечна плата во висина од 36.500 евра.Претседателот Мицкоски се обиде сликовито да го објасни случајот, земајќи се себеси за пример, кој како редовен универзитетски професор ги едуцира идните генерации за месечни примања од околу 900 евра, плата со која во секој случај е задоволен, а овие специјалисти за автопатишта ќе добиваат за 40 пати повисока плата.Мицкоски додаде дека, пропорционално на плата, истите специјалисти се очекува да бидат за најмалку 40 пати поквалитетни од просекот во Македонија, или пак, прашува, дел од тие пари ќе завршат во приватни џебови.„Ќе ви дадам преку еден пример, еве јас сум редовен универзитетски професор со повеќе од 20 години стаж, што во приватниот сектор, што на универзитетот и мојата месечна плата со која што сум задоволен е 55 илјади денари. Или тоа кога би се претворило во против вредност на евра е е околу 900 евра. Е сега тој специјалист кој што ќе зема 36.500 евра отприлика, ако мојата плата месечна е 900 евра а неговата 36.500 евра, тоа значи дека тоа е некаде околу 40 пати поквалитетен од мене, од прилика така му доаѓа, 40 пати нели, пропорционално ако гледаме. А јас себеси се сметам, барем ако ништо друго, барем за просечно квалитетен професор. Е, сега овој 40 пати треба да е поквалитетен од просекот или дел од тие пари ќе завршуваат во некои приватни џебови и тоа помножете го со минимум пет пати, бидејќи пет им требаат такви специјалисти“, рече Мицкоски.Затоа, додава Мицкоски, кога станува збор за епски проект, треба да кажеме дека станува збор за епски криминал, при што изрази убедување дека владата не само што не е способна да го заврши проектот за коридорите, туку и дека авансите што се префрлаат, се обид предизборно да завршат во приватни џебови со кои би се вршел поткуп на претстојните и претседателски, и парламентарни избори.„Јас сум убеден, не само што оваа влада нема капацитет да го заврши овој проект, туку сум убеден дека дел од авансите кои што сега пред избори, на трчање се префрлаат, се обид да завршат во приватни џебови, а потоа од таму да се влијае со поткуп врз гласачите за време на изборите кои што следат, и претседателски и парламентарни. И повторно прават грешка, го потценуваат народот. Народот, и покрај тоа што ќе се обидат со насилство, со поткупи, со притисоци ќе излезе и така силно ќе ги порази заедно со ВМРО-ДПМНЕ, што потоа ќе мора пред истиот тој народ да поднесат сметка и да одговараат за сиот криминал што го прават изминатите шест години“, истакна Мицкоски.

Македонија | пред 2 години

ВМРО Народна партија за петте предлог закони за изградбата на дел од коридорите ќе гласа против

ВМРО Народна партија за петте предлог закони со ознака на европско знаме поврзани со изградбата на дел од коридорот 8 и дел од коридорот 10д, кои што поминаа на комисијата за европски прашања ќе гласа против донесување на законите вели Љупчо Балковски.„Непостоење на точна и јасна организација и усогласеност на Владата во потребниот број и начинот на законските измени и тоа:Законот за утврдување на јавен интерес и номинирање на стратешки партнер е донесен на 15.07.2021 година со што е утврден стратешкиот партнер на 10.04.2023 собранието ја усвои потребата за донесување на 8 предлог закони предложени од пратеници по скратена постапка додека еден предлог закон 9 беше доставен, но пред седница беше повлечен. Осумте предлог закони предлог законот за изменување на законот за минерални суровини се разгледа на матичната комисија за економски прашања додека останатите седум предлог закони предложени од пратеници беа повлечени и владата да предложи пет предлог закони со ознака на европско знаме за кои што забелешки има и од европската комисија и унија коишто владата не ги прифати.ВМРО Народна партија уште при донесување на основниот закон во 2021 година реагираше со амандмани кои беа одбиени за членовите од договорот со кои се исклучува примената на законите во целост или делумно и ги потенцираше проблемите што сега се отвораат при реализација на договорот. Напоменувам дека ги поддржуваме програмите на владата за изградба на инфраструктурни проекти но не начинот кој е без систем и без процес на работа согласно постоечките закони. Со донесување на овие предлог закони се исклучува примената на финансискиот систем во државата и на правниот систем во делот на важноста на овие закони. Се доведува во прашање значењето и важноста на основниот закон и определување на стратешкиот партнер и се исклучува обезбедување на еднакви законски одредби и еднакви услови за изведувачите на големите градежни работи почитување на правата на работниците кои ќе работат на проектите и заштита на животната средина. Од донесениот основен закон за утврдување на јавен интерес и предложените предлог закони со европско знаме се дефинираат следните заклучоци и констатации:Не може после потпишување на договор и отпочнување на работите да се менуваат условите за работа поготово со менување на закони кои имаат директно влијание врз изградбата, финансиите и рокотВладата и ресорните министерства треба да одговорат зошто после 2 години од донесување на основниот закон кој е донесен на 15.07.2021 година ги предлага законите со европско знаме само со единствено образложение заради побрзо донесување на законите. Законите не треба да се менуваат за поединечни случаи како што се прави со овие предлог закони каде што измените се вршат заради претходно потпишан договор со изведувач. Најскапиот проект во државата ќе се реализира според правната регулатива не со закон туку со правилник, односно не со урбанистички план туку со урбанистички проект. Во изработката а урбанистички план со доставување на податоци учествуваат Министерствата за култура, за земјоделие, екологија и други институции и правни лица каде што податоците се составен дел на документационата основа на урбанистичкиот план.Со урбанистичкиот проект се прескокнува планската програма за урбанистичкиот план и затоа трите предлог закони од овие осум кои што се за измена на законот за културно наследство, законот за шуми и законот за земјоделско земјиште не се доставени за усвојување. Со урбанистичкиот проект се постигнува само побрзо започнување на градење но ве уверувам дека проблемите ќе настанат во текот на градењето а тогаш без урбанистички план со скратување на законските постапки во законот за градење работите ќе се решаваат на лице место со застој во изведбата, со многу непредвидени работи кои ќе значат и ново поскапување на целиот проект. Овие предлози и констатации се со цел комплетирање на проектот и со ангажманот на светскиот градежен гигант „Бехтел и енка“ нивното искуство стручно и професионално работење и градење овие патишта да се започнат, да се завршат, да се одржуваат и да се користат во системот на европските патни мрежи.Повторно доставуваме предлог до владата и истовремено ја охрабруваме да донесе одлука за изградба на автопатско решение на комплетниот коридор 8 од Куманово до ГП Девебаир и изградба на автопатско решение на комплетниот коридор 10 Велес, Прилеп, Битола, до граничен премин Меџитлија. На ваков начин ќе добиеме целосно решение наспроти сегашното парцијално.Владата треба да покаже интерес и повторно ја охрабруваме и за средишната патна оска граничен премин Делчево, Кочани, Штип, Велес, Прилеп, Кичево, ГП Дебар.Источна патна оска ГП Крива Паланка, Македонска Каменица, Делчево, Пехчево, Берово, ГП Дојран, и јужна патна оска ГП Ново Село, Струмица, Кавадарци, Битола, Охрид, Струга, ГП Ќафасан.Како член на комисијата на транспорт, врски, екологија поднесувам барање до владата за доставување на тримесечни извештаи од надзорот на изведбата на автопатите за текот на реализацијата на проектите почнувајќи од 04.04.2023 година до комисијата на транспорт, врски, екологија затоа што основниот предлог закон беше предложен од пратеници и усвоен од собранието, а не од владата. На тој начин ќе се постигне поголема транспарентност на процесот на изградба на делот од коридорот 8 и 10Д. Само со директно поврзување на ГП на република Македонија со државите членки на ЕУ и на европските коридори со автопати а не со магистрални и експресни патишта ќе придонесеме како држава која е во фаза на скрининг процес а потоа во процес на преговори со ЕУ за развој на сообраќајот и инфраструктурата во целокупноста на европската транспортна инфраструктурна .мрежа“, додава тој.

Македонија | пред 2 години

Работната група добива пари од буџетот, а нема добиено мандат за да работи на менување Устав, вели Мицкоски

Работната група за уставни измени нема мандат да преговара за промена на Уставот, а добиваат пари од буџетот, рече првиот човек на ВМРО-ДПМНЕ, Христијан Мицкоски. Според него, тие можат да добијат мандат за оваа работа само ако парламентот изгласа потреба за промена на Уставот.„Ковачевки и Ахмети во Собранието треба да поднесе барање за промена на Уставот, па да се изјаснат пратениците“, рече Мицкоски.Тој го повтори ставот дека уставни измени под овие услови нема да има, ниту во еден парламентарен состав.„Дури и ВМРО-ДПМНЕ да се на власт, нема да има уставни измени под овие услови“, рече Мицкоски.Претседателот на ВМРО-ДПМНЕ ја критикуваше власта дека би направила се’ за да остане на функција и да краде, а заборава дека доаѓа денот на одговорност.

Македонија | пред 2 години

Милошоски за Ванчева: Да не му го знаеш ниту името на оној со кого се фалиш дека ти е пријател, не е само лично бламирање, туку и девалвирање на македонското Собрание

Пратеникот Антонијо Милошоски објави фотографија од пратеничката на СДСМ Снежана Калеска Ванчева, и искоментира дека таа се избламирала, но и го девалвирала македонското Собрание откако пратеничката му го погреши името, но и функцијата на рускиот спикер„Од дипломатските активности на пратениците на СДСМ издвојуваме уште еден "бисер" кој докажува дека нивното про-форма фотографирање за време на патувањата во странство нема политичка содржина, ниту реална корист за Македонија.Напротив. Да не му го знаеш ниту името, ниту функцијата на оној со кого се фалиш дека ти е пријател и со кого имаш блиц фотографија не е само лично бламирање, туку и девалвирање на македонското Собрание во целина. Во случајов ваквата површност е и понижувачка за Претседателот на парламентот на Украина.(Фото: пратеничката Колешката Ванчева и еден од најбитните политичари во Украина на кого таа не му го знае ни името, ни функцијата)“ објави Милошоски.

Коментари | пред 2 години

(ВИДЕО) Ангелов за изјавите на Меџити: Во ДУИ командант е Ахмети, ќе заврши кариерата на „Огнените“

Појаснувајќи ја иницијативата на партијата Достоинство за обештетување на семејствата на загинатите бранители и воени инвалиди од конфликтот во 2001 година, лидерот на партијата и директор на ЦУК, Стојанче Ангелов во интервју за „Макфакс“ вели дека кочницата за спроведување на иницијативата е во ДУИ.Знаев, додава Ангелов, дека, додека не избоксуваме согласност од ДУИ, немаме ништо од тоа.За реакциите од страна на огнената група на ДУИ и изјавите на Изет Меџити, Ангелов дециден: „Огнената група може да кажува што сака, во ДУИ командант е Али Ахмети. И на УЧК и на ДУИ. Огнените ќе скокаат и ќе излезат од ДУИ, со тоа нивната кариера ќе заврши“, оценува тој.Во моментов, не гледа, како што вели, опасност за врвот на ДУИ од огнените. Тие, како што оценува, ја злоупотребуваат темата.„Изет Меџити колку време беше на висока позиција во ДУИ? Што чекал Меџити, зошто 22 години не им помогнал на ветераните од УЧК? Чекал 22 години и сега кога има политички несогласувања ја злоупотребува темата да поентира кај дел од Албанците“.

Македонија | пред 2 години