ТОП

Останува закочен Законот за експлоатација на работници поради амандманите на Левица, велат од партијата

Предлог-законот со кој пратениците на ДУИ и СДС предлагаат прекувремена работа на работниците, во случаите кои се од национален и стратегиски интерес (како проектот „Бехтел и Енка“) повторно не е ставен на дневен ред, благодарение на блокадата на Левица, велат од партијата.„Претседателот на собраниската комисија, Елми Азири, потврди дека нема да ја закаже седницата на Комисијата за работни односи, поради блокадата од Левица. Во духот на насилничкото владеење на хибридниот режим, Азири најави дека се бараат “механизми” за заобиколување на 1.111-те поднесени амандмани на пратениците од Левица. Овие амандмани беа поднесени со цел да спречиме легализација на феудалистичката експлоатација на македонскиот работник, предвиден со скандалозниот договор со „Бехтел и Eнка”, кој останува да биде таен за јавноста.Азири воедно се закани дека бараат начин како оваа наша блокада да ја заобиколат преку шверц на предлог-измените со европско знаме! Доколку криминалната власт на СДС и ДУИ се обиде на ваков начин, „со европско знаменце“ да го прошверцуваат законот, по падот на овој криминален режим ќе одговараат кривично, бидејќи со промените директно се крши одредбата која минатата година беше укината од страна на Уставниот суд“, се вели во соопштението.

Македонија | пред 2 години

(Видео) Во поликлиника Драчево ќе добијат казни оти испраќале колега во пензија со музика

Лекар заминувал во пензија, па дел од неговите колеги го прославиле сето ова со песна и гласна музика во Поликлиниката во Драчево. Ова несоодветно однесување на лекарите, кое било објавено на официјалниот фејсбук-профил на Поликлиниката, ќе биде санкционирано од директорот на Здравствен дом Скопје Вулнет Селими. Тој најави дисциплински мерки против одговорните кои биле на смена минатата недела кога се случил настанот.„По објавувањето на видео снимка од внатрешноста на поликлиниката Драчево, на која се слушаа песни со исклучително висок глас, што е надвор од секоја етика и прописи, пред неколку моменти ја посетив оваа поликлиника. Одговорниот лекар ми потврди дека таа сцена се случила минатиот четврток, оправдувајќи ја по повод пензионирањето на вработен на Клиниката, што и според него е над нормалното.За овој пропуст ќе бидат преземени дисциплински мерки и против управителот на клиниката и против дежурниот лекар одговорен на денот кога се случила оваа сцена. Ваквите сцени не можат да се толерираат во амбиенти каде што луѓето одат да ја добиваат потребната медицинска помош“ – напиша Селими на Фејсбук.

Скопје | пред 2 години

Од трка до сообраќајка на Партизанска, „сеат“ удри и искрши десетина столбчиња и контејер

Трка на помеѓу два автомобили на Партизанска, заврши со сообраќајка. Очевидци за „Макфакс“ сведочат дека автомобилот кој удри и искрши десетина метални столбичња кои го делат булеварот од патеката за велосипедисти, претходно се тркал со друго возило кое возело паралелно до него. Пред да удри во столбчињата, автомобилот удрил во контејери.Второто возило кое возело паралелно, не застално туку откако возачот на „сеатот“ изгубил контрола, продолжило да вози. Засега не е познато дали возачот има повреди.На терен беше повикана и сообраќајна полиција која врши увид. Се очекува МВР подоцна да излезе со детали.

Скопје | пред 2 години

Историчарите бараат мораториум на Концепцијата за основно образование, историјата се деградира

Како Здружение на историчарите на Република Македонија, чијашто повеќе од седумдецениска дејност меѓу другото е насочена кон развојот на македонската историографија и унапредувањето на квалитетот на наставата во македонската историја, потсетуваме дека многупати и тоа во повеќе форми, јавно предупредивме на негативните импликации од крајно избрзано донесената Концепција за основно образование, која што беше целосно отфрлена од сите релевантни научни и високообразовни институции, се вели во денешната реакција на здружението.ЗИРМ лани на 22 декември 2022 година до Министерството за образование и наука поднесе барање за повлекување на учебникот по новововедениот предмет „Историја и општество“ за V одделение. Тоа барање беше проследено со критичка анализа на 30 страници за 60 сериозни пропусти и грешки во концепциска, содржинска и методолошка смисла.„Предупредивме дека овие пропусти кај учениците ќе создадат погрешни претстави не само за минатото, туку и за сегашноста. Во оваа прилика јавно прашуваме дали овој учебник е повлечен од употреба, со оглед дека посочените пропусти ги надминуваат законски предвидените 30%! Воедно изразивме цврста увереност дека погрешната концепциско-содржинска поставеност на учебникот е директен резултат на Концепцијата за основно образование, поради што побаравме од Министерството да иницира јавна дебата за подготовка на нова концепција, за да не се повторуваат во иднина ваквите недозволиви пропусти.Поаѓајќи од тоа, најновата актуелна состојба предизикана од отсуството на Историјата во наставните програми за шесто одделение, за нас како Здружение на историчари воопшто не е изненадување. Причината е што ние како здружение, како и генерално историската фела во државата, одбиваме да учествуваме во нивната подготовка, со оглед на нашето неприфаќање на концепцијата. На тој начин го изразуваме категоричното противење што со концепцијата е укинат предметот Историја (воведен во македонската држава од АСНОМ), за сметка на погрешно конципираниот и новоконструиран предмет „Историја и општество“, во кој вештачки се интегрирани предметите историја, граѓанското образование и географија. Досегашната практика на примената на концепцијата, недвосмислено ги потврдува нашите претходни оценки дека историјата се маргинализира и деградира, со што се оневозможува суштинското согледување на минатото, од што зависи и иднината на македонската држава. Особено што во Европската Унија, каде како демократска држава припаѓаме и чиишто фундаментални вредности ги споделуваме, во суштина историјата како предмет го дефинира идентитетот и свеста за припадноста кон нацијата.Укажувајќи на штетните последици од понатамошното спроведување на концепцијата во однос на наставата по историја, категорично застануваме во заштита на колегите наставници, чиишто работни места се доведени во прашање, поради кратењето на бројот на часови по историја, а што е предизвикано од непромислените новоконципирани наставни планови и програми, со што во крајна линија се ревидира и содржината на македонската историја. Во таа смисла, цврсто опстојуваме на ставот дека Историјата мора да остане посебен предмет и воедно ги поддржуваме колегите кои сметат дека предметите Географија, Граѓанско образование, Биологија, Хемија, Физика треба да се изучуваат посебно.Притоа, предупредуваме дека повторувањето на досегашната практика на избрзано донесување на нови наставни програми за историјата во последен момент, а во конкретниот случај за наставната програма за VI одделение за вештачки конструираниот предмет „Историја и општество“, од што ќе треба да произлезе и експресната подготовка на новиот ревидиран учебник, ќе предизвика крајно штетни последици за македонскиот образовен систем, на што најостро ќе реагираме!Укажувајќи на досегашните сериозни штети причинети од Концепцијата за основно образование, што наоѓа директен одраз во несоодветните наставни програми и на учебниците како краен продукт, категорично бараме од Министерството за образование и наука да стави мораториум на Концепцијата и под итно да организира широка јавна дебата, која ќе биде заснована на сеопфатна анализа која ќе ги артикулира и досегашните негативни импликации од нејзиното воведување, како и ставовите на научната и академската заедница. Во меѓувреме, додека не се подготви и усвои нова концепција, бараме да се продолжи со досегашните наставни програми. На тој начин ќе се спречат идните штетни последици за учениците, наставниците, како и за севкупниот македонски образовен систем и за граѓаните и државата во целина.Усвојувањето на новата концепција, ќе мора да го одразува научниот, академски и општествен консензус. Само на овој начин, ќе може да се промовира квалитетот во македонското образование, од што ќе произлезат наставни програми и учебници кои ќе бидат на потребното научно и академско ниво, во интерес на учениците, родителите, граѓаните и на државата, а не подредени на задоволување на моменталните политички цели.Квалитетот на образованието е наша заедничка обврска и должност како историчари и како совесни граѓани, бидејќи младите генерации се столбот на иднината на државата. Во спротивно, како држава и како нација и натаму ќе бидеме на самото дно во однос на квалитетот на образовниот систем во Европа“, зе вели во реакцијата на Здружението на историчарите на Република Македонија.

Македонија | пред 2 години

Ковачевски и Груби ја заглавија Македонија да плати 53 милиони евра еднократно и над 2 милиони секој месец, вели ВМРО-ДПМНЕ

Ковачевски и Груби ја заглавија Македонија да плати 53 милиони евра еднократно и над 2 милиони секој месец, вели ВМРО-ДПМНЕ„Поминаа 45 дена од потпишување на договорот помеѓу владата и „Бехтел и Енка“, работа на терен нема, но затоа има обврска владата да исплати 53 милиони евра еднократно и над 2 милиони евра секој месец, затоа што потпиша договор со услови кои не може да се исполнат.Штета по буџетот заради Ковачевски и Груби кумулативно за период од 5 години ќе биде над 150 милиони евра.Како што води политика власта, ова нема да биде единствена штета која ќе ја претрпи државата, имено со законските измени кои се туркаат штети по разни основи ќе има многу.Ковачевски и Груби не можат да се сокријат од одговорност, одговорност ќе има за штетите кои ги нанела на државата, затоа е паниката голема. И Ковачевски и Груби знаат дека ќе треба да се соочат со одговорност“, се вели во соопштението.

Македонија | пред 2 години

(ВИДЕО) Ванковска за Ковачевски: Рацио е сооднос, ама глупиот не знае

На социјалните мрежи се појави видео во кое премиерот Ковачевски на предавање, на англиски јазик објаснува дека треба да се биде разумен, но и да се има, “му*а”.https://twitter.com/BatmanSaysT/status/1649700328080654338?s=20Професорката Билјана Ванковска на Фејсбук го коментира ова и напиша:-Во реченицата за “м*дињата” глупиот Таче од Харвард го употреби зборот ratio мислејќи дека е тоа рацио/разум. Рацио е сооднос, ама глупиот не знае. Или ако знае можеби зборувал за односот на левото и десното маде.Само некој нека ми каже дека било непристојно да се псуе (власт)! Овие се забегани простаци – такви им се и политичари и новинари и професори…Проблемот е што сме ние полоши од овци“, вели Ванковска.

Коментари | пред 2 години

(ФОТО) “Погрешните се позади решетки”, реакции за паркирањето на тревникот пред зоолошка

Граѓаните денеска на социјалните мрежи реагира за сообраќајната (не)култура во Скопје.На Твитер беа споделени фотографии од пред Зоолошката градина во Скопје каде може да се видат паркирани автомобили на тревникот.Под објавата стојат коментари дека „зад решетките во зоолошката се погрешните“.https://twitter.com/igorperkovski/status/1650184947884343299?s=20

Скопје | пред 2 години

(ФОТО) Страшна сообраќајка кај Ѓавато, загина 57-годишна жена

Во несреќата кај превојот „Ѓавато“, загина 57-годишна ресенчанка. Во несреќата се повредени уште две лица, од кои едното е сопатник на починатата, а второто е возачот на возило кое учествувало во сообраќајката.Загинатата жена со иницијали И.А. го управувала возилото „сеат“ кое се судрило со „мерцедес“, управуван од 52-годишниот возач С.Ј. Таа починала на лице место„Смртта ја констатирал доктор од Итна медицинска помош. Сопатникот на возилото ‘сеат’ и возачот на ‘мерцедес’ се здобиле со лесни телесни повреди“, велат од МВР за „Макфакс“.Увидот го извршила увидната екипа на СВР Битола.

Македонија | пред 2 години

Пазарна инспекција влезе во познат ланец маркети, се криеле производи чии цени биле ограничени

Пазарната инспекција влезе во продажни објекти на познат ланец маркети, каде наиде на непочитување на владините одлуки, дознава „Макфакс“. Неофицијално, изречените казни се над 30.000 евра, за прекршувања во маркети на различни локации. Инспекторите при проверки, утврдиле дека се прекршени Законот за трговија и Законот за заштита на потрошувачите.Првичните информации се дека при проверките е утврдено дека се криеле производи, на кои цените им се ограничени со владини одлуки.Целиот текст можете да го прочитате тука

Македонија | пред 2 години

(ФОТО) Фабриката „Тила“ во Прилеп е целосно уништена, сопственичките најавија продолжување со производството во најбрз можен рок

Во пожарот во прилепската конфекција за детска облека „Тила“ изгорело сѐ, соопштија двете сопственички на овој бренд. Тие порачуваат дека ќе продолжат со работа и дека производството ќе продолжи во најбрз можен рок и продавниците нема да се затворат."Драги наши пријатели, за оние кои сеуште не се информирани, со многу тешко срце и голема болка во душата, Ве информираме дека вчера на 21.04.2023 г во фабриката Тила изби пожар во кој за жал изгоре се!Причините за пожарот за жал сеуште не се познати и се чека од страна на надлежните органи на утврдување на истите како и на процена на направената штета. Во моментот на избивањето на пожарот фабриката не работеше и нема повредени.За оние кои не знаат брендот Тила е дело и креација на две сестри кои со помош на нивната семејна компанија конфекција Хатра во Прилеп започнуваат со креирање и менаџирање на компанијата уште во своите рани 20ти години!Брендот Тила го градиме веќе 15 години и со години беше и е единствен македонски бренд на детска облека кој функционира професионално од типот на дизајнерските брендови. Создаден е со премногу љубов, преголем труд и чесна и макотрпна работа. Тоа што ни се случи е премногу болно и тешко за нас бидејќи е вложен многугодишен труд и средства за да изградиме современа фабрика и висок стандард на квалитет на нашиот бренд со кој ќе се гордеат сите Македонци.Сакаме да Ве информираме дека нашите продажни места и понатаму ќе продолжат со работа, а благодарение на нашите пријатели и нивната подршка производниот процес ќе го продолжиме во најбрз можен рок.Воедно Ви се заблагодаруваме за Вашата безрезервна поддршка која ни ја дававте и во изминатите години, а која сега ќе ни значи најмногу од се. Тила живее преку Вашите најмили и се надеваме така и ќе продолжи и во иднина!",објавија сопственичкитеа на Фејсбук.

Македонија | пред 2 години

Жител на Зајас фатен со 15 украдени велосипеди

На 22.04.2023 во 18.30 часот во Струга од полициски службеници од Полициската станица Струга бил лишен од слобода С.Ј.(54) од с.Зајас-кичевско поради тоа што при извршен преглед во патничко моторно возило “мерцедес“ со кичевски регистарски ознаки, кое тој го управувал, биле пронајдени и одземени 15 велосипеди, електричен велосипед и други предмети кои потекнуваат од извршени кривични дела кражби.На 22.04.2023 во 22 часот од полициските службеници од Надворешната канцеларија за криминалистички работи Кичево и Полициско одделение Зајас, по претходна судска наредба, бил извршен претрес во домот на С.Ј. во с.Зајас, при што биле пронајдени и одземени: 12 велосипеди, 5 рамови од велосипеди, електромотор, како и други предмети кои потекнуваат од извршени кривични дела тешки кражби и кражби. По целосно документирање на случајот ќе биде поднесен соодветен поднесок.

Македонија | пред 2 години

Родителите на Јана еден месец откако почина: Ја качија на интензивна мртва само за да ги средат документите

Семејството на петгодишната Јана која почина во битолската болница откако прими инфузија, еден месец по загубата е уште поуверено дека лекарка грешка е причина за смртта. Таткото, Стојче Христовски, за „Макфакс“ вели дека од шокот не забележале дека лекарите уште веднаш почнале да ги токмат документите за да се заштитат.„Ние бевме во шок и се надевавме дека нешто ќе се случи, но еве сега кога размислуваме, јасно ни е дека ја качија на интензивна нега мртва. И самите видовме дека отиде, пред нас се случи, пред нас ја реанимираа, а таа не даваше знаци на живот. И нив им беше јасно, но за да ја стокмат документацијата ја качија на интензивна. Да не стои дека починала на детско. Ни кажаа дека починала речиси три часа подоцна. Немаа ниту историја отворено. Ме натераа да отворам кога ја реанимираа. И за обдукцијата прво ни рекоа дека ќе завршат за два часа и ќе ни го дадат телот, но ја направија дури следниот ден. Од оваа временска дистанца гледаме дека во целиот случај има многу матни работи“, вели таткото Христовски.Изминатиов месец, додека ги чекаат резултатите од обдукцијата, родителите на Јана ги исконтактирале многумина кои имале ист или сличен случај. Добиле поддршка да се изборат за вистината и од лекари од земјава, но и од странство кои го делат мислењето дека за Јана била пресудна инфузијата со глукоза при покачен шеќер.Целиот текст можете да го пролитате тука

Македонија | пред 2 години

Македонците преферираат да живеат во сопствени домови, Германците и Швајцарците во изнајмени

Луѓето на Балканот и во Источна Европа преферираат да имаат и да живеат во сопствени домови за ралика од населението во Западна Европа кое почесто се решава за изнајмени живелишта.Според податоците на „Евростат“ што ги анализира порталот „Лангеист“, 85,9 отсто од жителите на Северна Македонија живеат во сопствени домови. Рекордери се Косово и Албанија каде што околу 97 проценти од луѓето имаат свои, а не изнајмени живеалишта. Во Романија тој процент е 95,7, во Србија, Црна Гора и Хрватска околу 90, во Бугарија 85 и во Грција 73,3 отсто.Германија (49,1%) и Швајцарија (42,2%) имаат далеку најниска стапка на сопственост на домови во Европа. Тие се единствените земји каде што сопствениците на куќи се помалубројни од оние кои живеат во изнајмени домови.Стапките на сопственост на домови во Европа значително се разликуваат помеѓу земјите и се под влијание на различни фактори, вклучувајќи ја достапноста на станови со пристапни цени, распространетоста на социјалните станови и демографската структура на населението.Еден од можните фактори кои влијаат на стапките на сопственост на домови во Европа, е достапноста на прифатливи станови. Во некои земји, како што се Германија и Швајцарија, трошоците за сместување се релативно високи, што им отежнува на многу луѓе да купат дом. Спротивно на тоа, во други земји, како што се Бугарија и Романија, домувањето е многу поевтино, па затоа поседувањето дом е подостапно за поголем број луѓе.Друг фактор што може да влијае на стапките на сопственост на домови е распространетоста на социјалните станови. Во земјите каде што социјалното домување е вообичаено, како што се Холандија и Австрија, закупувачите се со поголема веројатност да бидат сместени во имоти во јавна сопственост, и затоа стапките на сопственост на домови се пониски.И покрај овие варијации, поседувањето дом останува важна аспирација за многу Европејци, обезбедувајќи чувство на припадност, стабилност и безбедност што потешко може да се добие преку изнајмување, заклучува „Лангеист“.

Македонија | пред 2 години

34 сестри со завршена Висока медицинска школа во Битола побарале да им се преведат документите за работа во Германија

Триесет и четири медицински сестри со завршена Висока медицинска школа во Битола лани побарале да им се преведат наставните планови и програми по кои студирале за ги приложат во здравствените установи во странство каде се вработуваат, претежно во Германија. Меѓу нив имало и медицински кадри дипломирани и пред 15 години, од кои дел не успеале да најдат вработување во земјава. Ова е само мал дел од вкупната бројка медицински сестри кои заминуваат на работа во странство поради подобри услови, плата, а некои и поради тоа што со години не биле вработени, пишува СДК.мк„Главните причини поради кои дипломираните студенти заминуваат да работат во странство се неможноста за лесно наоаѓање работа тука, тешко се стигнува до работа за медицински лица, а потоа доаѓа и материјалното односно поголемите плати во странство, што не сметам дека е доволен мотив за да нè одвлече во странство“, вели Христијан Ѓоргиевски, студент од трета година во Високата медицинска школа, претседател на Студентското собрание при Школата.„Земајќи ги во предвид сите услови во кои се наоѓаме, јас сум еден од оние студенти кои искрено ја гледаат својата иднина во Македонија, се надевам дека ќе имам прилика да творам и работам тука, во земјата во која сум се образовал“, додава Ѓоргиевски.Целиот текст можетеда го прочитате тука

Македонија | пред 2 години

Коментар на денот: Експертите лаат, а мафијата си турка

Контроверзноста околу договорот за изградба на коридорите 8 и 10д со компанијата „Бехтел и Енка“ никако не спласнува, ниту пак коментарите поврзани со тајноста и нејаснотиите кои го следат овој договор.На темата поврзана со договорот вечерва се огласи и професорката Мирјана Најчевска.- Експертите лаат, а мафијата си турка.Мафија од вакви размери не може да опстојува без поддршка од највисокото раководство во државата.Дури и онаа љубителката на пити и винце од американската амбасада разбра дека мора да се огради од очигледното неправо - пишува таа на нејзиниот Фејсбук профил.

Коментари | пред 2 години

Ламбе проговори за палењето на бугарскиот клуб: Од денешна перспектива сум многу радосен и среќен од тоа што го направив

За прв пат во јавноста откако се случи палењето на бугарскиот клуб „Ванчо Михајлов“ во Битола, пејачот Ламбе Алабаковски, во Бомбакис поткаст, зборуваше за тоа што го мотивирало да го стори тој чин.Алабаковски бил радосен и среќен за тоа што го подметнал пожарот во клубот.„Кога ќе имаш такви чувства, собрани повеќе години во себе од љубов спрема татковината и гледаш како се случуваат неправди, тоа беше кулминација на сите чувства, патриотски, кои сите во нас ги имаме, но не ги искажуваме. Не толку експлицитно. Сите ги имаме и ги искажуваме на различни начини. Тоа е тоа, наплив на емоции. Да не ја должам темата. Од денешна перспектива сум многу радосен и среќен од тоа што го направив, бидејќи на крајот од денот, сега после толку време, сето тоа излезе во полза за нашиот народ – дека никој не смее да те провоцира во сопствениот дом и да ти поставува ултиматуми“, изјави пејачот во Бомбакис поткастот.

Магазин | пред 2 години

Со СДСМ/ДУИ на власт станавме „трети свет“, вратени сме еден век назад, вели Јоци

Јорданка Ивановска Јоци вели дека со СДСМ и ДУИ на власт, вратени сме еден век наназад.„Ако може утре Таче и жена му, онаа со бизнисот со 70 ден.државно земјиште и фотоволтаици, да отидат во Веро и да ги прашаат зошто нема грав две недели.И на Онкологија нека отидат, да прашаат зошто има недостаток од лекови, па ТВ24 мора да снима пациенти кои колнат и плачат.Ејјј…грав не се наоѓа во 2023, во земја позната векови наназад по ,,грав секој петок”, они дрдорат за успешни економии и за европски унии.Ние тука ,,трети свет” станавме со СДСМ/ДУИ на власт. Вратени сме еден век назад“, вели Јоци.

Коментари | пред 2 години

(ФOTO) Туристи доаѓаат специјално за да го фотографираат Охрид, а глетката е запрепастувачка

Граѓанин на социјалните мрежи објави фотографии со ѓубре од пристаништето во Охрид,„Во Охрид има туристи кои специјално доаѓаат за фотографија. Погледнете какви фотографии ќе однесат кога ќе се вратат дома.Погледнете колку сме неодговорни.Погледнете што оставаме зад себе.Се затрупавме класично“, стои во објавата.

Коментари | пред 2 години

(ВИДЕО) Во превртената Брза помош имало пациент - детали за несреќата во Скопје, еден тешко повреден

Ноќеска во центарот на Скопје, на крстосницата кај зградата на Европска Унија и Тутунска Банка, се преврте возило на брза помош со кумановски регистарски таблички.Возилото на брза помош најпрво се судрило со друго возило, по што се превртело.Во несреќата најтешки повреди има возачот на автомобилот „фолкфаген туран“ кој се судри со кумановското возило на Брза помош. Повреден е и пациентот, како и сопатничка од возилото за Брза помош. Автомобилот го управувал скопјанец на возраст од 57 години, додека пациентот кој се наоѓал во медицинското возило има 72 години.„Пријавено дека во Скопје на крстосницата од бул.“Климент Охридски“ и ул.“Св.Кирил и Методиј“ се случила сообраќајна несреќа помеѓу патничко моторно возило “фолксваген туран“ со скопски регистарски ознаки управувано од Ч.Д.(57) од Скопје и возило “мерцедес“ со кумановски регистарски ознаки сопственост на Итна медицинска помош управувано од В.С.(23) од Куманово. Во несреќата со тешки телесни повреди се здобил возачот Ч.Д., а со телесни повреди се здобиле возачот на возилото од Итна медицинска помош, сопатничката од истото возило А.К.(40) и лицето кое се превезувало како пациент Ж.Ц.(72) двајцата од Куманово констатирани во Комплексот клиники ‘Мајка Тереза’ и Градската општа болница ‘Св.Наум Охридски’“, велат од МВР.Извршен бил увид од увидна екипа од СВР Скопје.

Скопје | пред 2 години

Концептот на Царовска продолжува да го разорува образованието, кој би предавал вака концепирани предмети, прашува Левица

Политичката партија „Левица“ со реакција околу најавените измени на образовните програми. Укажуваат дека плановите се лоши за образовниот систем во земајва, но и дека нема да има кој да ги предава предметите на учениците.„Деновиве од страната на Бирото за развој на образованието се повлечени наставните програми по предметите Историја, Географија и Етика на религии, а дополнително се дознава и дека предметите Биологија, Хемија, Географија и Физика ќе бидат дел од еден предмет - Природни науки.Се отвараат прашања кој би предавал вака концепирани предмети, на која катедра се обучени наставници кои ќе можат соодветно да пренесат знаења по наставен предмет кој во себе опфаќа низа различни образовно-научни области? Се наметнува прашањето дали крајната цел на овие активности е целосно и сосема да се разори образовниот систем во Македонија?!Стручната и научна јавност уште со најавата на новата Концепција за образование од страна на тогашната министерка за образование, Мила Царовска, силно критикуваше поради контроверзноста на истата. Во јануари 2022 година, ресорот за образование го презеде Јетон Шаќири. Реакциите спласнаа, особено затоа што Шаќири има решено да се брани со молчење.Колку што Царовска огнено ја бранеше инстант- концепцијата за реформи во образованието, толку Шаќири ја премолчува. Но, и покрај молчењето, евидентно е дека планира истата во целост да ја реализира, иако бројни прашања во врска со неа останаа отворени и неодговорени.Така, на пример, во новата Концепција за основно образование се вели:„Предметот Историја и општество опфаќа теми/содржини што припаѓаат на историјата, на делови од географијата, на граѓанското образование и на други општествено-хуманистички дисциплини и заедно со предметот Општество директно произлегува од подрачјето Општество и демократска култура од Националните стандарди“.Стручни лица укажуваа дека станува збор за различни подрачја кои се неспојливи, се произнесе и Друштвото на историчари, Македонското географско друштво како и бројни експерти, но сите овие укажувања и реакции не допираат до Министерството за образование. Каде е сега Чешларов (директор на БРО во времето на донесување на Концепцијата) да објаснува дека Историја ќе се учи уште повеќе отколку досега?!Левица останува на својот став дека Концепцијата за образование е штетна, погубна и креирана по теркот на туѓи интереси и ќе продолжиме активно да се залагаме за истата да не биде спроведена“, велат од партијата.

Македонија | пред 2 години

Ако сакаме да изградиме за пократок временски период, треба да има прекувремена работа, вели Тренчевска

Министерството за труд и социјална политика допрва ќе утврдува горна граница за работното време на работниците кои ќе бидат ангажирани на прокетот договорен со конзорциумот Бехтел и Енка. Ова го истакна министерката за труд и социјална политика Јована Тренчевска при гостување на телевизија Телма. Таа истакна дека ќе бидат во постојана комуникација со пратениците, и посочи дека иако законот е поднесен од пратениците, по реакциите се вклучуваат за да ги заштитат работничките права.- Работната недела е минимум 40 часа. Владата никаде не вели дека ќе биде 60 часа, туку дозволуваме повеќе од осум часа неделно зависно од процесот на работа. Меѓутоа на оној работник кој што сака да работи прекувремено, да може да му биде платено прекувремената работа, а сепак тоа да биде во рамки на законот - рече министерката.Работнците, како што рече, ќе потпишуваат договор според кои сами ќе одлучуваат дали ќе работат дополнителни часови кои ќе им бидат платени.- Ако сакаме брзо да градиме, ако сакаме да изградиме за пократок временски период, треба да има прекувремена работа, што е најважно, прекуврементата работа ќе биде платена и секој работник ќе даде писмена согласност дека сака да работи прекувремена работа. Без писмена согласност на работникот никој не може да работи повеќе од она што е во моментов предвидено во законот за работни односи - дополни Тренчевска.

Македонија | пред 2 години

Договорите со „Бехтел и Енка“ секогаш завршуваат со 40 отсто повеќе од договореното, вели Тасева

Прашање е што ставаме во залог за ова, значи што преговарале и што договориле покрај тој автопат, рече Слаѓана Тасева од „Транспаренси интернешнл“ во вечерашното издание на „Топ тема“ на ТВ Телма, во врска со предложените измени на девет законски решенија што се поврзани со автопатите од коридорите 8 и 10Д, чија изградба е доверена на американско-турскиот конзорциум „Бехтел и Енка“.„Кога читав, подготвувајќи се емисијава, најдов многу податоци за тоа дека „Бехтел и Енка“, како компанија, важи за една од најнетранспарентните во светски рамки. Работат насекаде низ светот, на големи комерцијални договори, меѓутоа важат за една од најнетранспарентните компании кои апсолутно инсистираат на тајност на нивните договори. И уште еден податок кој вели дека секогаш нивните проекти завршуваат со 40 проценти повеќе од договорената сума“, истакна Тасева.Според неа, таквите податоци треба да нè алармираат – зошто ние всушност сме се нафатиле на таков договор.„Имаме примери со работењето на таа компанија и тука непосредно, и во Хрватска и во Косово и во Романија, каде што имало проблеми со транспарентноста, каде што имало проблеми со цената, каде што имало проблеми со договорот. И секаде останало тоа до крај да остане нетранспарентно, до крај контроверзно и до крај скапо за државите да плаќаат многу повеќе од тоа што е договорено“, потенцира Тасева.Таа вели дека едно комерцијален договор и како ќе се одработи, што ќе се прави, што се е вклучено во тој договот, од проектирање, планирање, физибилити студија до изведување на сите активности. Меѓутоа, нагласи Тасева, во овој договор, покрај тој дел што е комерцијален, „ние гледаме и дел кој навлегува во нашиот уставен поредок“.„Кој е тој што се договорил и што се согласил на еден таков договор кој што го урива нашиот уставен поредок, кој што е спротивен на нашиот Устав, кој што се обврзува дека ние ќе ги смениме по итна постапка некои суштински одредби, во некои суштински закони со кои што ќе се овозможи привилегирано постапување и на самите изведувачи и кон определени поединци. Значи тука имаме повеќе елементи и ние имаме апсолутна нетранспарентност од најповиканите, од владата која има обврска да ни каже зошто е ова така“, истакна Тасева.

Македонија | пред 2 години

Ковачевски потрошил 22.435 денари за 24 часа за Фејсбук реклами за само еден ден, за да ве убедува дека е вреден и успешен, вели Илиевски

Богдан Илиевски на социјалните мрежи објави статус во кој твдри дека премиерот Ковачевски потрошил 22.435 денари за 24 часа за Фејсбук реклами за само еден ден.„Вашиот омилен инфлуенсер потрошил 22.435 денари за 24 часа, на 16 април, за фејсбук реклами, за да ве убедува дека е многу јак, спремен, паметен, вреден и успешен. 366 евра за еден ден.Парите со кои некои луѓе минуваат цел месец ги троши во еден ден. На фејсбук реклами. За да ви каже дека е толку добар што сите тоа го гледаат и го знаат.2452 евра за една недела.9855 евра за еден месец.23162 евра за три месеци.Имајте на ум кога купувате макарони поефтини за 4 денари.Патем, платата му е/беше 1500 евра. Сега со 78% покачување, можеби ќе почне и по 500 евра на ден да троши. Има се, може се.*податоците се од Мета/Фејсбук.“ напиша тој на својот профил.

Коментари | пред 2 години

Михајловски за борбата на сопругата со ракот: Кога ја правеше операцијата, седнав покрај Вардар и плачев 2-3 часа!

Во подкастот на Стефан Лазаров гостуваше познатиот актер Тони Михајловски, каде отворено зборуваше за целата своја кариера, за приватниот живот, за периодот кога беше на браникот на татковината во 2001 година, за учеството во политиката, а најемотивно беше кога тој зборуваше за неговата сопруга Александра.Имено, на прашањето да се присети на периодот кога тој, а најмногу Александра се бореа со непријателот наречен – рак, тој искрено и емотивно зборуваше за тоа.Тоа беше рушење на целиот свет преку ноќ. За мене беше многу емотивно тоа, меѓутоа таа е страшен борец – вака ја започна прикзната за еден од најтешките периоди за него и неговото семејство.

Магазин | пред 2 години

Младиот Игор излегува од болница: Издржав и продолжувам понатаму и покрај сите притисоци и обиди за мое деградирање

Младиот Игор Пехчевски, кој веќе неколку дена ја бранува јавноста заради препукувањата со директорката на Детската клиника, денес конечно излегува од болница.Еве што порача.Почитувана Македонска јавност.Јас денеска излегувам од болницата.ВИ БЛАГОДАРАМ на поддршката, издржав и продолжувам понатаму и покрај сите притисоци и обиди за мое деградирање и негирање правејќи ме СЕБЕПРОМОТОР И НЕСОСТРАДАЛЕН СО МОИТЕ СОБОРЦИ, КОЈ ГО БАРА ЛЕКОТ САМО ЗА СЕБЕ, ЗЛОУПОТРЕБУВАЈЌИ ГО БОЛНИЧКИОТ КРЕВЕТ, ОД ОВДЕ ПОРАЧУВАМ И СЕ НАДЕВАМ НАРЕДНОТО МОЕ ДОАЃАЊЕ И НА СИТЕ ПАЦИЕНТИ КОИ СЕ ЗАСЕГНАТИ СО ОВАА ПОДМОЛНА БОЛЕСТ ЌЕ БИДЕ ЗА ДА ГО ПРИМИМЕ ЛЕКОТ ТРИКАФТА.НАШИТЕ Stojka Fustik .ЈАС СУМ ТУКА И НЕ СУМ САМ, САМИТЕ ГО ЗНАЕТЕ ТОА.ТРИКАФТА ЗА СИТЕ ВЕДНАШ И СЕГА❗️ПОЧИТУВАНИ ГОСПОДИН ПРЕМИЕР, ПРЕТСЕДАТЕЛ И МИНИСТЕР ЗА ЗДРАВСТВО, ЖИВОТИТЕ НА МЕНЕ И МОИТЕ СОБОРЦИ ЗАВИСАТ ОД ВАС.НЕ СЕ ОТКАЖУВАМЕ, БОРБАТА ПРОДОЛЖУВА

Македонија | пред 2 години