ТОП

Колкава плата зема градоначалничката Арсовска

Градоначалниците на десетте најголеми градови во Србија заработуваат во просек два и пол пати помалку од нивните колеги во Словенија, покажуваат податоците до кои дојдоа новинарите на порталот N1 од регионот со споредување на имотните мапи на функционерите.Просечната плата на градоначалниците на десетте најголеми градови во Словенија е 2.555 евра, во Хрватска е нешто помала и изнесува 2.422 евра, додека просечната во Босна и Херцеговина е 1.934 евра. Градоначалниците на најголемите градови во Србија имаат најниска просечна плата на територијата на поранешна СФРЈ - 1.092 евра.Платата на градоначалникот на Љубљана, Зоран Јанковиќ, без додатокот за стаж изнесува 2.696 евра, додека неговиот хрватски колега, градоначалникот на Загреб, Томислав Томашевиќ, заработува 2.318 евра месечно.Месечната плата на градоначалникот на Подгорица е 1.562 евра, додека на градоначалничката на Скопје, Данела Арсовска во моментов е 2.036 евра, а се утврдува со множење на просечната плата на ниво на република со коефициент 3,70.Градоначалничката на Сараево Бенјамина Кариќ заработува 1.510 евра месечно, без надоместоци, додека најниска плата во споредба со другите градоначалници на поголемите градови во регионот има првиот човек на Белград, Александар Шапиќ - 1.399 евра.Апсолутен рекордер по заработка во земјите од поранешна СФРЈ е градоначалникот на Бјелина, Љубиша Петровиќ, чија месечна плата е 3.305 евра. По него е најплатениот градоначалник во Хрватска - првиот човек на Задар, Бранко Дукиќ, кој заработува 3.026 евра месечно, додека примањата на останатите градоначалници на најголемите градови во регионот се под 3.000 евра.Кога ќе ги споредиме примањата на челниците на најголемите градови, по десет од наведените земји, најниска плата има градоначалникот на Панчево, Александар Стевановиќ, кој инкасира 910 евра месечно.Градоначалникот на Бања Лука, Драшко Станивуковиќ може да се пофали со плата од 2.466 евра, додека првиот човек на Сплит, вториот по големина хрватски град, Ивица Пуљак заработува само нешто помалку - 2.439 евра.Платите на градоначалниците во другите најголеми градови во Хрватска се движат од 2.111 до 2.619 евра, покажуваат податоците од имотните листови на градоначалниците на десетте најголеми градови во таа земја.Градоначалникот на Бихаќ, Елведин Седиќ има најниска плата во Босна и Херцеговина, за што може да се „заблагодари“ на својот претходник Шухрет Фазлиќ, кој донесе одлука да му ја намали платата од 2.287 евра на 1.271 евро.Во Словенија најниска плата има градоначалникот на Камник, Матеја Слапар - 2.267 евра, а во Хрватска тоа е првиот човек на Риека, Марко Филиповиќ, кој заработува „само“ 1.995 евра месечно.

Скопје | пред 2 години

Во Уставот не е предвидено службен јазик во меѓународна употреба да биде друг јазик освен македонскиот, вели Најчевска

Професорката Мирјана Најчевска на социјалните мрежи пишува дека според амандманот на Уставот на Македонија, на целата територија во Република Македонија и во нејзините меѓународни односи, службен јазик е македонскиот јазик и неговото кирилско писмо.Како што додава, друг јазик што го зборуваат најмалку 20 отсто од граѓаните, исто така, е службен јазик и неговото писмо, како што е определено во овој член.„Според амандманот на Уставот на Македонија:1. На целата територија во Република Македонија и ВО НЕЈЗИНИТЕ МЕЃУНАРОДНИ ОДНОСИ службен јазик е македонскиот јазик и неговото кирилско писмо.Друг јазик што го зборуваат најмалку 20% од граѓаните, исто така, е службен јазик и неговото писмо, КАКО ШТО Е ОПРЕДЕЛЕНО ВО ОВОЈ ЧЛЕН.ЛИЧНИТЕ ДОКУМЕНТИ на граѓаните кои зборуваат службен јазик различен од македонскиот јазик, се издаваат на македонски јазик и неговото писмо, како и на тој јазик и неговото писмо во согласност со закон.Кој било граѓанин кој живее ВО ЕДИНИЦИТЕ НА ЛОКАЛНАТА САМОУПРАВА во која најмалку 20% од граѓаните зборуваат службен јазик различен од македонскиот јазик, во комуникацијата со подрачните единици на министерствата, може да употреби кој било од службените јазици и неговото писмо. Подрачните единици надлежни за тие единицина локална самоуправа одговараат на македонски јазик и неговото кирилско писмо, како и на службениот јазик и писмо што го употребува граѓанинот. СЕКОЈ ГРАЃАНИН ВО КОМУНИКАЦИЈА СО МИНИСТЕРСТВАТА може да употребува еден од службените јазици и неговото писмо, а министерствата одговараат на македонски јазик и неговото кирилско писмо, како и на службениот јазик и писмото што го употребува граѓанинот.ВО ОРГАНИТЕ НА ДРЖАВНАТА ВЛАСТ во Република Македонија службен јазик различен од македонскиот јазик, може да се користи во согласност со закон.Во единиците на локалната самоуправа јазикот и писмото што го користат најмалку 20% од граѓаните е службен јазик, покрај македонскиот јазик и неговото кирилско писмо. За употребата на јазиците и писмата на кои зборуваат помалку од 20% од граѓаните во единиците на локалната самоуправа, одлучуваат органите на единиците на локалната самоуправа.ЗНАЧИ, ВО УСТАВОТ НЕ Е ПРЕДВИДЕНО СЛУЖБЕН ЈАЗИК ВО МЕЃУНАРОДНА УПОТРЕБА ДА БИДЕ ДРУГ ЈАЗИК ОСВЕН МАКЕДОНСКИОТ.НА МИНИСТЕРОТ ОВА ТРЕБА ДА МУ ГО ОБЈАСНИ ПРАВНАТА СЛУЖБА ВО МИНИСТЕРСТВОТО“, се вели во објавата.

Коментари | пред 2 години

Власта се плаши од тоа пратеник на Левица да дојде до говорницата, тврди Апасиев

Лидерот на Левица и пратеник, Димитар Апасиев вели дека власта се плаши од тоа пратеник на Левица да дојде до говорницата, оти не знае каде тоа ќе ги однесе.„Па така, денешната Комисија за труд - на која планираа да воведат 12 часовно работно време - е одложена! Остануваат 1.111 амандмани на двајцата левичарски маченици“, пишува Апасиев на социјалните мрежи.Вели дека борбата за работнички права продолжува.

Коментари | пред 2 години

Претседателот на СКСМ со отворено писмо до премиерот Ковачевски

Претседателот на СКСМ со отворено писмо до премиерот Димитар КовачевскиПисмото Ви го пренесуваме во целостПред една година прашав што се случува со европската програма „Лајф”. Сега Ве информирам дека сѐ уште не е потпишанаСКСМ веќе доби два проекта од програмата „Лајф”, во вредност поголема од два и пол милиони евра, во областа на енергетската ефикасност, од кои едниот е национално поврзан со активностите кои треба да ги дефинираат новите цели за енергетска ефикасност до 2050 годинаЕвропска програма „Лајф”, една од клучните европски програми за финансирање на климатските промени, енергетската ефикасност, на транзицијата кон чиста енергија, циркуларната економија и на природата на биодиверзитетот.Оваа програма е исклучително важна и за реализирање на преговарачкиот процес, во кој цел еден кластер два им е посветен на зелената агенда и на одржливата поврзаност и е од исклучително значење за македонските компании, бидејќи примената, која ќе се цени на крајот на денот, значително ќе ги намали финансиските импликации поврзани со нивната примена.Јас се извинувам што упорно ја користам јавноста, а не нашата лична комуникација, затоа што ценам дека преку тоа ги анимираме нашите компании спрема европските програми, што за мене како претседател на најстарата и најголема бизнис-асоцијација во државата е од исклучителна важност.Токму поради тоа во оваа прилика сакам да Ве информирам дека активностите на Комората кон евроатлантските интеграции се одвиваат со несмалено темпо, бидејќи нам ни е сосема јасно дека политичките елити можат да го кочат тој процес, но не и нас, кои и технички и професионално мораме да ги завршуваме работите навреме. Тргнувајќи од премисата дека бизнис-заедницата е значаен фактор во создавањето на БДП, во плаќањата на даноците, во вработувањето и во создавањето нови работни места; согледувајќи ја потребата од поддршка и од јакнење на претприемништвото, реиндустријализацијата и на конкурентноста; воочувајќи дека прашањата со правосудниот систем, администрацијата и со кадарот се од клучна важност за поттикнување на економскиот раст и развој, Ви предлагам да се склучи договор за уредување на односите меѓу јавниот и приватниот сектор, со кој ќе се регулираат нашите исклучително важни релации.Во него би биле застапени задолжителната консултација на бизнисот при донесувањето на законските и на подзаконските акти, развивањето модел на економски развој, подигнувањето на квалитетот на јавната администрација, на социјалното партнерство и на трипартитниот дијалог и подобрувањето на состојбите во правосудството. Јас не сум идеалист, ниту, пак, сум приврзаник на теоријата дека бизнисот е сѐ. Јас само верувам дека можеме да се обидеме да го направиме ваквиот чекор зашто тој е неминовен. Глобализацијата е маркетиншка алатка за големите земји и корпорации, кои ја користат идеологијата на слободниот пазар за да влезат во нови земји и за да освојат нови пазари. Соработката меѓу нас е нужност и е во интерес на државата, а тоа, се разбира, повлекува и повеќе одговорности.Да, јас сум тој што верува во таквиот договор. Верувам во знаење и во ревносно работење, но работењето 24 часа на ден од личните идеи и знаења не е доволно. Тоа се приказни за мали деца. За успех се потребни инфраструктура, политичка волја и институционален капацитет. Ајде заедно и да ги изградиме!

Македонија | пред 2 години

Пешак прегазен на Плстичарска, со Брза помош е однесен во болница

Вчера во 22.00 часот било пријавено дека во Скопје, на бул.„Никола Карев“, патничко возило „мерцедес“ со скопски регистарски ознаки, управувано од А.Џ.(70) од Скопје, удрило во Н.Д.(36) од Скопје.Во несреќата Н.Д. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Скопје | пред 2 години

Скараните партии со нова караница - ВМРО-ДПМНЕ обвинува за криминал, СДСМ смета дека обвинувањето не е за нив туку насочено кон САД

Двете најголеми политички партии, со ново препукување за коридорот 8. ВМРО-ДПМНЕ обвинува за криминал, СДСМ смета дека обвинувањето не е за нив туку насочено кон САД.„Власта на Груби и Ковачевски да го откријат договорот за изградбата на коридорите и да го покажат пред јавноста. Не може да има тајни клазули кога се работи за тешки милиони народни пари. Криењето на договорот значи само едно, криминалното дуо Груби-Ковачевски има направено штета на граѓаните и на државата. Да немаше ништо контроверзно и криминално во договорот Груби и Ковачевски досега ќе го објавеа. Наместо да се грижат за интересите на граѓаните и Македонија, тие ги прифатиле сите позиции на приватна компанија и на тој начин го штителе нејзиониот интерес. Имено тие според догвоорот кој не сакаат да го објават, презеле обврски кон компанијата да изменуваат закони, меѓу кои и законот а работни односи. Крими тандемот Груби-Ковачевски се обврзал да го промени овој закон, а во спротивно ако не го направи треба да бидат исплатени 53 милиони евра еднократно и дополнителни 2,1 милион евра секој месец додека трае изградбата, која патем би била пролонгирана. Вкупната штета која Ковачевски и Груби се нафатиле да ја исплатат со народни пари според одредбите од договорот е околу 200 милиони евра. Секоја приватна компанија сака да го максимализира профитот, а секоја Влада треба да го штити интересот на народот и државните финансии. З жал тоа не е случај со оваа власт на Ковачевски и Груби. Тие одат против Уставот, против Уставниот суд, против законите, против граѓаните, против се, само на сила да го направат тоа што го намислиле на грбот и преку џебот на народот. За ова мора и ќе одговараат“, велат од ВМРО-ДПМНЕ.Одговорија од СДСМ.„ВМРО-ДПМНЕ во заложништво на проруската Левица, ги обвинува САД и Бехтел за криминал. ВМРО-ДПМНЕ партијата симбол на провизии од кинеските автопати продолжува да се противи на стратешките проекти во државата. Скандалозно и неодговорно, ВМРО-ДПМНЕ, партијата во заложништво на проруската Левица, ги обвинува САД и изведувачот Бехтел за корупција. Изградбата на делниците од Коридорот 8 и Коридорот 10Д е историски најголема инвестиција во патната инфраструктурата, нешто за што се зборуваше со децении, денес се реализира и тоа е во интерес на граѓаните и државата. Додека СДСМ државата инвестира во капитални, стратешки проекти,, во ВМРО-ДПМНЕ нема никаква промена, тоа е истата режимска партија, која останува симбол на корупција и криминал“, велат СДСМ.

Македонија | пред 2 години

Мерцедес прегази велосипедист на Партизанска - скопјанец заврши во болница со тешки повреди

На 15.04.2023 во 11.20 часот во СВР Скопје било пријавено дека на бул.„Партизански Одреди“ во Скопје, патничко возило „Мерцедес“ со скопски регистарски ознаки, управувано од А.Г.(52) од Скопје, удрило во велосипед управуван од З.П.(54) од Скопје.Во несреќата со тешки телесни повреди се здобил З.П. констатирани во Комплекс клиники „Мајка Тереза“.Увид на местото извршила увидна екипа на СВР Скопје.

Скопје | пред 2 години

Скопјанец во „ауди“ набутал 11 мигранти, дел малолетници

Денеска (16.04.2023) околу 06.10 часот на автопатот Гевгелија – Скопје, во близина на наплатна станица Демир Капија, полициски службеници од Полициската станица за граничен премин Богородица и Полициската станица за граничен надзор Михајлово го лишиле од слобода И.Б.(22) од Скопје.„При преглед во возилото „ауди“ со швајцарски национални ознаки, кое го управувал, биле пронајдени 11 лица мигранти од Сирија, од кои дел малолетници. Имено, претходно тој не застанал на знак за запирање, продолжил со движење и со возилото ја скршил рампата на наплатната станица. По преземени мерки возилото било запрено, по што И.Б. се обидел да избега, но бил фатен и приведен“, велат од МВР.Мигрантите биле спроведени во прифатно-транзитен центар, а лицето било задржано во полициска станица. По целосно документирање на случајот против него ќе биде поднесена соодветна пријава.

Македонија | пред 2 години

Пехчевски: Капетаните последни го напуштаат бродот, а вие први го сторивте тоа

Игор Пехчевски кој е сместен на Универзитетската клиника за детски болести каде прима терапија за цистична фиброза, ја обвини Д-р Стојка Нацева Фуштиќ, која е в.д. медицински директор на детската клиника дека му се заканила oти ако дава изјави за лекот „трикафта“, за него нема да има место во болницата за лекување.Подоцна д-р Фуштиќ изјави дека тој бил отпуштен од болницата поради велигденските празници, а асоцијацијата на болни од цистична фиброза се огради од изјавите на Пехчевски.„Сострадувам и се борам за сите мои Соборци болни од Цистична фиброза, но се смеам кога подпретседателот и претседателот први ќе добијат од лекот а пред да го добијат ќе цимолат и неможат да добијат ништо додека едно дете кое никој не го знае и познава не излезе со ТРАНСПАРЕНТ од болничкиот кревет со транспарент ТРИКАФТА ЗА СИТЕ❗️Потоа во името на @Asocijacija za cisticna fibroza каде сите треба да бидеме еднакви организираат средби, работни групи за да на крајот го добијат Fiki Gaspar и Ивана Ivana Atanasoska нели капетаните последни го напуштаат бродот, Вие први го сторивте тоа.Нека ви служи на честа!, напиша тој на Фејсбук.

Коментари | пред 2 години

Третманот на младиот Никола ќе трае една година, добил охрабрувачки вести за подмолната болест

Владимир Блажев - Панчо на социјалните мрежи објави дека младиот Никола добил охрабрувачки вести и неговиот третман ќе трае една година.„Другари, на овие убави празнични денови имаме и преубави вести. Нашиот голем борец Никола, за кои се сплотивме сите заедно беше на првиот преглед во Турција каде што добил позитивни и охрабрувачки вести за подмолната болест. Третманот ќе трае една година и се потребни 111.000 евра, но благодарение на сите хумани луѓе веќе е собрано 90.000Ајде да направиме следниот Велигден Никола да е веќе безгрижен и да ужива во секој еден миг како неговите другари.Броевите за донација се:Телеком 143 117А1 143 488“, напиша Панчо на Фејсбук.

Македонија | пред 2 години

(ВИДЕО) Христос Воскресна, навистина Воскресна! Честит Велигден!

Со зборовите „Христос Воскресна, навистина Воскресна!“, православните верници го дочекаа најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите.Воскресението Христово на полноќ беше објавено во сите храмови на Македонската православна црква.Претходно денес за прв пат, државна делегација на Македонија и црковна делегација на Македонската православна црква – Охридска Архиепископија, присуствуваа на официјалната церемонија на преземање на Светиот Благодатен оган во Базиликата на Светиот Гроб во Ерусалим, без да бидат дел од делегацијата на друга држава.Тие го преземаа светиот оган од Ерусалимскиот патријарх и го донесоа во земјава, како благослов за македонскиот православен народ и за нашата помесна православна црква, МПЦ-ОА.Симнувањето на Благодатниот оган во базиликата на Светиот Христов гроб во Ерусалим секоја сабота пред Христовото Воскресение, има древна традиција во христијанството и се случува во очекување на најрадосната објава за Христовото Воскресение.Нека ни е за многу години празникот. Христос Воскресна!

Македонија | пред 2 години

Немирна ноќ во Македонија - тепачки, напади, пресметки во пет градови

Неколку тепачки се регистрирани во полицискиот билтен на Министерството за внатрешни работи. Најголем дел се во Скопје, а има и во Велес, Струмица, Ресен, Битола.„Вчера во 16.40 часот во СВР Скопје, С.М.(37) од Скопје пријавил дека во 16.20 часот на ул.„Беласица“ бил физички нападнат од едно лице. Се преземаат мерки за расчистување на случајот. Истиот ден, 14.00 часот во СВР Скопје, вработена во Домот „25 Мај“ пријавила дека штитеник на домот, по претходно недоразбирање, бил физички нападнат од неколку лица“, велат од МВР.Вчера бил натепан и малолетник.„На 14.04.2023 во 23.00 часот во СВР Велес, Л.А.(38) од Велес пријавила дека околу 22.00 часот во двор на средно училиште во Велес нејзиниот малолетен син бил физички нападнат од двајца други малолетници“, додаваат од МВР.И ноќеска по полноќ, имало неколку тепачки.На 15.04.2023 во 01.40 часот во СВР Струмица, Н.Ч.(45) од Струмица пријвил дека околу 01.20 часот во угостителски објект во Струмица бил физички нападнат од Р.Б. и неколку други лица. Се преземаат мерки за расчистување на случајот. На 15.04.2023 во 03.50 часот, полициски службеници од ОВР Кавадарци го привеле Т.Т.(18) од Кавадарци затоа што околу 03.20 часот пред угостителски објект во Кавадарци физички го нападнал С.Т.(19) од с.Марена, кавадаречко. На 15.04.2023 во 01.00 часот во Полициската станица Ресен било пријавено дека во угостителски објект во Ресен бил нарушен јавниот ред и мир со физичка пресметка помеѓу Д.Т. и М.Т., двајцата од Ресен, од една страна и Ѓ.Г. и С.Г., двајцата од Ресен, од друга страна. На 15.04.2023 во 00.40 часот во СВР Битола, A.А.(39) од с.Долно Оризари, битолско, пријавил дека на 14.04.2023 околу 21.30 часот во угостителски објект во селото бил физички нападнат од .Д.П. од с.Долно Оризари“, додаваат од МВР.

Македонија | пред 2 години

Д-р Фуштиќ за случајот со Пехчевски: Предлогот да си оди 12-от ден од терапијата е поради Велигденските празници

Игор Пехчевски кој е сместен на Универзитетската клиника за детски болести каде прима терапија за цистична фиброза, ја обвини Д-р Стојка Нацева Фуштиќ, која е в.д. медицински директор на детската клиника дека му се заканила oти ако дава изјави за лекот „трикафта“, за него нема да има место во болницата за лекување.Вчера на социјалните мрежи се огласи и д-р Фуштиќ"Благодарност од пациент"Почитувани Фб пријатели,Еве на кој начин пациентот И.П., кој на 32 год. возраст го примив на УК за детски болести за да му се стабилизира здравствената состојба во услови кога немало место на УК за пулмологија, се заблагодарува: јас сум дрска и напад со најпогрдни зборови и колнењаа од неговите пријатели. Вакво нешто не сум доживеала за 30 години работа и посветеност на пациентите со ЦФ.Целиот негов револт е зошто не беше ставен во првите 12 паценти за Кафтрио. Јас не ги одредувам приоритетите сама, туку во соработка со докторите од Клиниката за пулмологија кои се одговорни за возрасните пациенти. Предлогот да си оди 12-от ден од терапијата е поради Велигденските празници, но ако тие не му значат може да остане уште 2 дена.Апелирам болничката соба да не се злоупотребува како подиум за комуникација со новинарите, зошто тоа нарушува одредени принципи на болничко лекување“, вели Фуштиќ

Македонија | пред 2 години

Г.Г. Стефан со велигденска порака: Сета наша вера во вечноживиот Бог се потпира врз најголемиот настан во историјата – врз Христовото воскресение!

Возљубени празникољупци,Сета наша вера во вечноживиот Бог се потпира врз најголемиот настан во историјата – врз Христовото воскресение! Оти, ако Христос не воскреснеше, напразна ќе беше нашата проповед и празна ќе беше нашата вера2! Но Тој навистина воскресна и со тоа на човековиот род засекогаш му го покажа патот кон вечноста. И само Христовата жртва можеше да ни го дари Царството небесно! Имено, пред доаѓањето, страдањето и Воскресението на Господа, човековиот род беше неутешно заробен во оковите на смртта. Таа, како најсуров противник, ја држеше човековата природа лишена од надежта за вечен живот. Тиранијата на смртта, како последица на прародителската непослушност кон Бога, земаше силен замав преку ширењето на себељубието, неправдата и лагата, односно преку сите гревовни страсти што го осакатуваат човековото битие.Кога гревот, кој е беззаконие3, ќе ја зароби душата, тогаш различните негови пројави стануваат цел на животот. И така, со страв од смртта, без надеж за нејзино надминување, човековиот род беше заробен во темнината на сите зла. Па, при неможноста да Го спознаат единствениот и вистински Создател, луѓето ја заменија вистината Божја со лага и му се поклонија и му служеа на создаденото повеќе отколку на Создателот4. Така, човековата душа беше станала плен на бесмислата, произлезена од оддалечувањето од единствената Смисла, од вистинскиот и неисцрпен Извор на животот – Творецот и Седржителот на сето видливо и невидливо создание.И само Оној, Кој го дарува животот, можеше да го ослободи човекот од ропството на гревот и да му го покаже излезот од власта на смртта. Затоа Бог ја прими на Себе човековата природа, неразделно соединета со Божјата. Тој дојде во светот како Богочовек, и Се даде Себеси5, умирајќи за нашите гревови6, и со Својот спасоносен подвиг и со Своето воскресение, на човекот му го осветли патот кон полнотата на животот, дарувајќи му ја единствената вистинска слобода. Воскреснатиот Син Божји ја извојува победата за сиот човеков род, како победа на светлината над темнината, на вистината над лагата, на правдата над неправдата и на животот над смртта!Христовиот живоносен гроб се покажа како извор и за нашето воскресение7. Тој неповторлив настан е најава и потврда за сеопштото воскресение, бидејќи знаеме дека Оној Кој Го воскресна Господа Исуса и нас ќе нè воскресне8. Со тој настан секому му е дадена можност во своето срце да Го всели Христа, па, преку Него и со Него, да биде достоен учесник во вечниот живот. Така, Бог, како наш Создател, ја положил во нас вечноста, до која можеме да стигнеме само преку Христа, и тоа уште овде – на Земјава. Ако Го возљубиме Бога и ги љубиме луѓето, преку исполнување на евангелските пораки, тогаш ќе бидеме подготвени за сеопштото воскресение.Возљубени чеда во Господа,Силата на воскреснатиот Христос се покажува низ сите поколенија, пројавувајќи се во многубројните осветени христијански души, во секое време и на секое место. Апостолите ја раширија благата вест за Христовото воскресение на сите страни од светот; многубројните маченици, заради верата во Христа Бога, ја сведочеа едната и иста Христова вистина; преподобните и богоносни отци, со помош на оваа непобедлива сила, ги победија сите противници на правдата. Затоа, многубројните светители треба да ни бидат светол пример што треба да го следиме, за да достигнеме богоугоден живот. А и ние, како христољубив народ, по целата македонска земја, имаме богато наследство од многубројни знајни и незнајни Божји угодници, кои можат и треба да ни бидат образец во животот.Добродетелите коишто извираат од Божјата наука се секогаш исти. Но, за да ги постигнеме и усвоиме во животот, неопходни ни се: покајанието, преумувањето и преобразувањето, односно нужно е катадневно да стануваме подобри и подобродетелни. Токму доброто, правдата, незлобливоста и љубовта го сочинуваат вистинскиот живот. Затоа, човекот треба постојано да се усовршува, бидувајќи притоа поткрепен и охрабрен од вечниот живот и од светлината на воскресението. Тоа, пак, ќе влијае во сите области на човековото живеење, па на тој начин и семејството ќе се зацврстува и општеството ќе напредува.Возљубени чеда на Мајката Македонска Црква,Во ова време кога засилено се поддржуваат и се шират овоземни, минливи и распадливи вредности, ние, како православен народ, да се придржуваме до евангелските пораки, не заборавајќи дека Христос е ист вчера, и денес, и во вечни векови9. Да веруваме во секој Христов збор, зашто небото и земјата ќе минат, но зборовите Негови нема да поминат10. Така, соединети во Неговото име, да се трудиме да живееме согласно со богатото предание на нашите предци, сведочејќи за Него преку празнувањето на триумфот на животот над смртта. Па, да се чуваме од меѓусебни поделби, коишто водат до нарушување на нашето сенародно единство, и да не забораваме: нашиот македонски народ низ вековите се одржал затоа што за свој темел Го имал Христа Бога и Неговите вечни вредности, а за своја мајка ја имал Црквата.Годинашниов Велигден, за првпат по забранувањето на дејноста на Охридската Архиепископија во 1767 година, го прославуваме во радоста на единството со сите останати помесни Православни Цркви. Му благодариме на воскреснатиот Христос Бог поради тоа, и просиме Неговата благодат богато да се излева врз православниот македонски народ, но и врз сите што живеат на просторите на нашата Македонија, и да нè сочува од разните поделби и непријателства. Единството во Православието и признавањето на нашиот автокефален статус нека ни бидат поттик за градење и за чување на нашето духовно и национално единство.Нашата радост, веруваме, ја споделуваат и светиот апостол Павле, кој прв го посеа евангелското слово по македонската земја, како и славниот цар Јустинијан, во чие време се основа на нашиве простори помесната Црква ‒ Јустинијана Прва. Со нас се радуваат и светите солунски браќа Кирил и Методиј, кои пред 1160 години ја започнаа својата мисија во Моравија, а во оваа година се навршуваат и 1130 години од ракополагањето на свети Климент Охридски во епископски чин. Исто така, годинава ќе одбележиме и 120 години од славното македонско востание на Илинден во 1903 година.Спомнувајќи си за овие свети и светли личности и годишнини, во текот на оваа година ќе им оддадеме заслужна благодарност за нивниот труд, за застапништвото и за жртвувањата кои ги подарија на нашиот народ и на нашата Црква. Годинава ќе одбележиме и 60 години од осветувањето на првиот македонски храм во САД ‒ „Свети апостоли Петар и Павле“ во Гери, Индијана, храм кој имаше рамноапостолска мисија и беше предводник во духовната грижа за македонските доселеници на Северноамериканскиот Континент.Честитајќи го Велигден, најрадосниот христијански празник, на сите чеда на Македонската Православна Црква ‒ Охридска Архиепископија во Татковината и насекаде по светот, молитвено им посакуваме силата на Христовото воскресение да дејствува во сите нас, па од сето срце и од сета душа, заедно со сите наши православни браќа и сестри, да му објавиме на сиот свет: Христос воскресе!„, гласи пораката од Архиепископот Охридски Македонски, Г.Г. Стефан.

Македонија | пред 2 години

Груби и Таче го кријат договорот затоа што таму не го штителе народниот интерес и за ваквиот договор не им бега кривична одговорност, вели ВМРО-ДПМНЕ

Ковачевски и Груби не воделе сметка за интересите на граѓаните и на Македонија, штом потпишале ваков штетен договор за изградба на коридорите. Ако не се воделе од интересите на граѓаните може само да замислиме какви други интереси имале овие двајца, вели ВМРО-ДПМНЕ„Патем овој договор кој криминалното дуо Груби и Ковачевски го кријат од јавноста содржи делови според кои тие презеле обврски да изменат закони во конкретен реок, меѓу кој и законот за работни односи со кој треба да се воведе 60 часовна работна недела, и доколку тоа не го спроведат до точниот рок, тогаш Македонија ќе има допоплнителни трошоци или пенали од 53 милиони евра.Но, тоа не е се, дополнително владата се обврзала ако не се променат законите да исплаќа екстра 2,1 милион евра месечно додека трае изградбата која плус ќе биде пролонгирана.Зијан до гуша. Приватната компанија да го преговараше договор со портирот во влада немаше вакви поволности да добие, затоа што тој сигурно има повеќе сенс за државни интереси од Груби и Ковачевски.Со овој договор кој е базиран на непостоечки закони, кој предвидува тешки штети за буџетот и кој се коси со Одлука на Уставниот суд не им бега кривичен прогон и кривична одговорност и на Груби и на Ковачевски и на останатата екипа вмешана во ова. Не е крива Бехтел и Енка што премиерот Таче има лепливо раче. Тоа раче ги осиромашува граѓаните и прави штета на буџетоти затоа час поскоро треба да се тргне од премиерскиот кабинет“, се вели во соопштението.

Македонија | пред 2 години

Градоначалникот на Арачиново: Вината за неплаќањето данок не ја барајте кај жителите

Градоначалникот на Арачиново, Ридван Ибраими, вината за ревизорскиот извештај ја префрла на претходното раководство на општината бидејќи тогаш локалната власт била во рацете на Милекие Халими.Вината за неплаќањето данок на имот, рече дека не треба да се бара во жителите бидејќи имало и такви граѓани кои доброволно се пријавиле да платат данок на имот.„Петнаесет отсто граѓани доброволно дојдоа и уплатија данок на имот“, рече Ибраими.Претходно, државните ревизори утврдија дека Општина Арачиново не води регистар на недвижен имот, не издава решенија за данок на имот, нема приходи по основ на комунална такса на фирма, за користење музика во јавните локали, за истакнување реклами, објави и огласи на јавни места и приходи од надоместок за уредување градежно земјиште.Констатирани се и низа слабости во пресметките на платите и надоместоците на советниците и привремено вработените, а не се оправдани ниту расходите за потрошено гориво, сервис на возила и зимско одржување на локалните улици и патишта.Во 2021 општината потрошила над 10 илјади евра по ресторани.

Македонија | пред 2 години

Османи ја отфрли можноста Бугарите да бидат впишани во Уставот како „македонски Бугари“

Министерот за надворешни работи, Бујар Османи ја отфрли можноста Бугарите да бидат впишани во Уставот како „македонски Бугари“.Бугарите во македонскиот Устав, вели Османи, можат да бидат впишани единствено како дел од бугарскиот народ и никако поинаку.Рече дека уставните измени се точно прецизирани во потпишаниот протокал.„Таму пишува: Таму каде што се споменати останатите етнички заедници, по запирката пред ‘други’, треба да се додадваат и заедниците кои ќе бидат додадени“, вели Османи прецизирајќи дека Бугарите во Уставот можат да бидат впишани само како дел од бугарскиот народ.Министерот повика да не се пропушти шансата, како што се случи пред 20 години со Грција, а во меѓувреме изгубивме цели генерации.Според него, ако го пропуштиме овој момент, можно е да мораме да ги направиме истите уставни измени по 10 или 15 години.За замената на терминот „20 проценти“ со терминот „Албанци“, како што бараат опозициските албански партии, Османи рече дека мора внимателно да се процени дали е момент за тоа.„Јас со две раце давам поддршка, но доколку гледаме дека ова може да се злоупотреби, тогаш треба да бидеме внимателни како ќе го претставиме интересот на нашата заедница“, изјави Османи.

Македонија | пред 2 години

Ме искасапи, ми се смееше и викаше ‘Оди си ако не ти се бендисваме’“, исповед на на мајката која го изгуби детето во Битола

Родилката Викторија Крстева чие бебе почина по раѓањето во битолската болница, по четири дена од трагичниот настан, се огласи јавно. Најави дека нема да отстапи од барањето правда, но и дека дел по дел ќе обелодени сѐ. На медицинскиот персонал му порача: „Ништо нема да ве испере“. Крстева пишува дека имала најздрава бременост.„Овие денови требаше да ја добијам најголемата титула во животот. Мајка. Поради партиските ‘препукувања’ ривалство, инает меѓу докторите и неспособноста – јас изгубив најмногу. Го изгубивме највредното нешто во животот. Нашиот Јован. Нашето најмило. До кога ради вас партиски пиунчиња, ќе страдаме?“, прашува таа.Додава и: „Се изначитавте.. безброј лаги. Различни приказни.. Сите се ставивте на мое место внатре во сала, а уствари, таму бев јас и тие ‘луѓе’. Не знам и дали треба да кажам дека се луѓе. Бебето не ми почина во стомакот, ниту беше извадено со вакум, иако се колнат дека било. Пола секунда било.. Ех, уште на маката и будала да те направат.. Точно дека бев вратена од болница дома и сеуште си го поставувам прашањето, зошто? Се вратив во раце на други. Откако ми го пукнаа водењакот и искусните воочиле дека има мекониум, а ЦТГ уредно, а за кое никогаш не одбив да ми биде направено, имаше за царски, и до утре можат да ме убедуваат дека немало, било во каналот… Па еве, кога било во канал, можевте веднаш да употребите ама вистински вакум и да го извадите и ми го спасите бебето, а не додека после пукање на водењакот викав, кревајќи ја болницата од болки и молев за рез, уште два часа, госпоѓата која што веднаш после смртта на моето бебе си замина на одмор и не се појави на ниту едно сослушување, која тврдеше дека не учествувала во мојот пораѓај, иако таа ме искасапи и животински ми скокаше на стомакот, ми се смееше и ми рече “Ако не ти се бендисваме ние, оди си во Плодност’“.Родилката која го изгуби детето во Битола додава: „Ме искасапи и ми скокаше на стомакот, ми викаше ‘Оди си ако не ти се бендисваме’“ Удирајќи ме во стомакот, на кој што сеуште имам траги, насилно ми го извадивте бебето кое никогаш не успеав да го видам! И уште пораѓајот бил лесен, дај Боже сите следни да ми се вакви??? Па не бил насилен пораѓај.Какви се не небулози ќе слушнам? Зарем немате трошка милост? Дел по дел ќе обелоденам се! И тоа што ми се умилкувавте, плачејќи и нудејќи ми разноразни ствари, кафенце, сокче.. Ако ти треба нешто само јави се.. Нема да ве испери“.Децидна е дека имала здрава бременост.„Имав најздрава бременост, до последниот миг. Секој преглед уреден, секој резултат уреден. Го направија пропустот за кој што знам, дека никој нема да сноси одговорност или за да се покријат, ќе одговара некој друг. Колку да е некој де… А ништо чудно и обдукцијата да е така скоцкана да нема крив. Како што кажавте, да не е некоја најретка аномалија или? А тоа што по канти баравте плаценти, постелки, и што ми стававте?! А тоа што се договоривте што да кажите за да се покриете? А? Оставки, жалења, тажења.. Не. Знам, свесна сум за се! Иако мислевте не. Нѐ потценивте и мене и сопругот. Но, ќе ве изгорам сите. Ветувам. Ни го убивте бебето поради вашето его, надменост и непрофесионализам… Мислејќи дека сте Бог. Убијци. Парична казна? Смешно е. Дури не сносат одговорност нема да се откажеме“, пишува родилката Викторија Крстева.Државниот санитарен и здравствен инспектортат го објави извештајот со вонредниот инспекциски надзор а во врска со смртта на новороденче во битолската Клиничка биолница. Во извештајот се посочува за лекувањето и третманот на родилката В.К.Најавени се прекршочни мерки за еден лекар кој учествувал во породувањето на родилката.

Македонија | пред 2 години

Вака не се прави вело-пријателски град, велат од иницијативата „На точак“

Здружението на велосипедисти „На точак„, вели дека две недели чека одговор од Град Скопје на Барање за пристап до информации од јавен карактер за тоа какви се проектите за ул. „Рузвелтова“ и ул. „Боца Иванова“ (односно дали содржат велосипедски патеки/ленти, стеснување/намалување на коловозни ленти, ново зеленило, заштитни пешачки острови зашто преку 4 ленти одеднаш не смее да се преминува!)....„... одговорот за едната улица сам ни се даде. Добиваме реконструирана улица, но со комплетно истото решение! Уште една пропуштена шанса за Скопје со реконструкција на улица да добие поквалитетно решение.Да повториме: улица „Рузвелтова“ е на 1000 метри од „Климент Охридски“ и 700 метри од „8 Септември“, најблиските булевари каде има велосипедски патеки/ленти. Односно, најблиската велосипедска инфраструктура во правец север-југ во овој „развиен“ дел од Скопје изнесува дури 1700 метри, односно 1,7 километри. Страшно! По правилата за велосипедски мрежи во ваков тип на густа градска средина велосипедски патеки треба да има на секои 250, максимум 500 метри, а не на 1000+700= 1700 метри! Поразително! Вака не се прави вело-пријателски град!Улицата Рузвелтова можеше и требаше да стане важен градски вело-конектор меѓу булеварите „Илинден“, „Партизански Одреди“ и „Гологанов“, дел од градската вело-мрежа, врска на Капиштец и Водно со Буњаковец, Дебар Маало, Карпош 1, Градскиот парк, Вардар„ се вели во нивната реакција.

Скопје | пред 2 години

Арсовска лажеше-сушеше за пречистителната станица, а сега го потпишала договорот и се крие, вели ВМРО-ДПМНЕ

Данела Арсовска молчи и бега од одговори како го потпишала договорот за пречистителната станица на Град Скопје, истиот тој поради кој што го разреши директорот Перински и за што ширеше лаги за ВМРО-ДПМНЕ. Се што кажа излажа. Се тресеше пред камери, драматизираше, смислуваше најдолни невистини, за сега сето тоа да падне како кула од карти. Да имаше грам совест досега ќе се извинеше барем, вели ВМРО-ДПМНЕ„Проектот за пречистителната станица од страна на директорот на Водовод и Канализација, Перински, беше воден според сите постапки и прописи утврдени од страна на Европската инвестициска банка, и истата уште пред речиси година ги демантираше клеветите на Арсовска. Лагите на Арсовска беа потопени и тогаш, потопени се и сега со потписот на договорот кој Арсовска го премолча.Арсовска лажеше сушеше за некаков наводен криминал во постапката. Сето тоа говори за неа како личност. Штом лажно обвинува други за криминал, тогаш тоа потсвесно говори и за нејзиниот карактер. Да кажува такви безочни лаги без око да и трепне дека вистината ќе излезе на виделина, значи дека има сериозен проблем.Сега кога прашината слегна, се виде дека всушност рацете во медот ги имаат заглавено Арсовска, ДУИ, СДС и Левица. Порано или подоцна сркањето од медот ќе им преседне“, се вели во соопштението.

Скопје | пред 2 години

Пендаровски прифаќа замена на формулацијата 20 отсто за јазикот

Претседателот Стево Пендаровски прифаќа замена на формулацијата 20 отсто за јазикот.Тој прифаќа да се замени формулацијата „20 проценти“ со терминот „албански јазик“ во Уставот. Претседателот денеска од Тетово истакна дека тој прв би ја поддржал таквата идеја.„Прв би поддржал, бидејќи мислам дека тоа е природна, нормална работа. Зошто нечиј етнички идентитет, кој е јасен и неспорен за секого, би го криеле зад бројки?“, рече Пендаровски.Шефот на државата изјави дека е подготвен да биде домаќин на лидерска средба за уставните измени, но, како што кажа, тој не може да натера никого на сила да разговара. Претседателот појасни дека од една страна, опозицијата би сакала на маса да се најде предлогот за промена на Уставот по хрватски модел, а другата страна настојува да се разговара само за внесот на Бугарите и затоа таквата лидерска средба засега е невозможна. Разговорите за уставните измени се очекува единствено да започнат да се водат во работната група што ја иницираше Министерството за правда.

Македонија | пред 2 години

Лекарската комора бара итно носење на закон за докторка дејност

Лекарската комора најостро ги осудува јавните вербални напади и навреди врз лекарите и лекарската професија, како и неоснованите обвинувања за сторена лекарска грешка, истакнувајќи дека атмоферата која се креира во јавноста покажува дека е потребно итно носење на посебен закон за заштита на докторска дејност со кој ќе бидат регулирани правата и обврските на докторите.-Докторите од болницата во Битола кои беа вклучени во лекувањето петгодишно девојче се изложени на огромен притисок иако инспекцискиот и стручниот надзор досега не утврдија пропусти во стручната работа. Докторите од „Жан Митрев” беa изложени на навреди и вербални напади пред Кривичниот суд, што секако не е атмосфера во која се почитува правото на пресумција на невиност, како осново човеково право. Секојдневно во медиумите се истакнуваат имиња на доктори кои биле вклучени во лекување на пациенти наведувајќи на тоа дека сториле некаква лекарска грешка, без притоа да постои одлука на надлежна институција, посочуваат во нивното соопштение.Комората ги осудува сите овие настани кои предизвикуваат сериозно вознемирување, згрозување и нарушување на достоинството, угледот и интегритетот на професијата, што, како што велат е крајно недозволиво во услови кога најрелеватните меѓународни организации истакнуваат дека здравствените работиници се најважниот чинител на здравствениот систем, поради што треба да бидат заштитени и предупредуваат на глобален недостиг на овие профили на пазарот на трудот.-Атмосферата која постои кај нас создава јавно мислење дека сите лекари во земјава работат нестручно и несовесно, што целосно не е точно, бидејќи најголем дел од нив својот професионален и приватен живот го посветиле на својата професија и одговорно, стручно и посветено секојдневно пружаат здравствена заштита и се грижат за здравјето на голем број пациенти во условите кои постојат во здравствениот систем. Загубата за живот на пациент е тежок удар за секој лекар, што никогаш не може целосно да се надмине. Важно за креирање на јавното мислење и вистинско насочување на расплетот на случаевите кои се од интерес на јавноста е и тоа да поединците кои не се компетентни или немаат релевантни информации да се воздржат од давање на јавни коментари бидејќи така само се засилуваат нападите и говорот на омраза без при тоа да се постигне ефект на конкретно утврдување на одговорност и превенција на нови случаи, посочуваат оттаму.Лекарската комора исто така ги охрабрува институциите соодветно и ажурно да постапуваат во сите случаи кога ќе се утврди пропуст во лекувањето, но соодветна санкција да има и во случаите кога докторите неосновано се напаѓаат.-Истакнуваме и дека пациентите и лекарите се дел од еден ист систем во кој може да се обезбеди рамнотежа единствено ако институциите во државата подеднакво застанат во одбрана на правата и на едните и на другите. Во овој момент законски се регулирани само правата на пациентите, додека законот за лекарска дејност во кој покрај обрските би се уредиле и правата на лекарите, и покрај долгогодишни бројни иницијативи се уште не е донесен. Апелираме овој закон со кој лекарската дејност се смета за дејност од посебен општествен интерес да биде итно донесен.

Македонија | пред 2 години

Во Арачиново 2.331 барање за легализација, ниту едно барање за градба

Државниот завод за ревиизја во објавениот извештај за работењето на Општина Арачиново констатира дека во 2021 година локалната самоуправа не добила ниту едно барање за дозвола за градба, но над 2 000 објекти чекаат да бидат легализирани.- Во однос на постапката и начинот на издаване на одобрение за граденье во текот на 2021 година, ревизијата констатира дека Општина Арачиново нема издадено ниту едно одобрение за градене, а со тоа и нема остварено приходи по основ на надоместок за уредуване на градежно земіиште. Ваквата состоба не е во согласност со одредбите од членот 59 став 13 од Законот за градене, каде е регулирано дека одобрението за градене се издава во рок од 5 работни дена од доставуваето на доказ за платен надоместок за уредуване на градежно земіиште, пишува во ивештајот.Државната ревизија утврдила дека имало повеќе од две илјади барања за легализирање на имотите во овој период.-Во Општина Арачиново, согласно измените на Законот во рок се поднесени вкупно 2.331 баране за утврдуване на правен статус на бесправно изградени обекти, од кои 305 се решени позитивно, 92 барана се во постапка на решаване, за 212 барана донесени се заклучоци за прекин на постапка и 1.722 барана се одбиени поради нецелосно поднесена документациза, додава ДЗР.Државните ревизори утврдиле дека Општина Арачиново не води регистар на недвижен имот, не издава решенија за данок на имот, нема приходи по основ на комунална такса на фирма, на користење на музика во јавните локали, за истакнување на реклами, објави и огласи на јавни места и приходи од надоместок за уредување на градежно земјиште.

Македонија | пред 2 години

Екс министерот Никола Димитров ги советува косовските фактори

За доброседската политика и искуствата со ЕУ, eкс министерот Никола Димитров ги советува косовските фактори.Поранешниот вицепремиер за европски интеграции и министер за надворешни работи Никола Димитров е ангажиран за изнаоѓање добри дипломатски потези за Косово како држава и за градење на добрососедски односи. Неговото искуство во преговорите со Грција и пред сѐ во изнаоѓањето решение на спорот со јужниот сосед и формулирањето на меѓусебните односи со Преспанскиот договор, се чини, делуваат како драгоцени за Приштина имајќи ги предвид односите со Србија, блокадата во дел од меѓународните интеграции на Косово од страна на Белград, непризнаеноста на државата дури и во рамки на самата Европска Унија, а да не се зборува дека во светски рамки тој процес е сѐ уште предизвик. Димитров има и разговори во Владата на премиерот Албин Курти.На прашањето дали тоа значи дека е ангажиран како советник на премиерот на Косово, Никола Димитров во изјава за МКД.мк вели дека тој е ангажиран во функција на невладин проект.„Јас сум ангажиран од страна на Балканската група за истражувачки политики, невладина организација во Приштина, на проект насочен кон зајакнување на стабилноста и државноста, како и на европската агенда на Косово. Меѓу другото, помагав и за визната либерализација за нашиот сосед“, ни изјави Димитров.Неговиот ангажман, како што вели, е парцијален и тој не престојува во Приштина.

Македонија | пред 2 години

Ако колевката на кошарката се САД, на фудбалот Англија, тогаш ние сме колевката на пореметеноста, вели Тасевски

Топли зборови на поддршка за кучето што закла осумгодишно дете, стигаат од многу страни. Детето било виновно. Родителите не го воспитале, па влегувало во туѓи дворови кадешто нормално е да бидеш заклан од куче кое го чува дворот. Читаш и утробата ти се крева, вели актерот Сашо Тасевски во својата објава на социјалните мрежи.„Ако колевката на кошарката се САД, на фудбалот Англија, тогаш ние сме колевката на пореметеноста. Немам веќе дилеми.Пореметени со тапија се на власт, одбрани од исти такви без тапија, ама исто пореметени.Кога бев копиљ дедо ми чуваше шарпланинка Џина. Ѕвер. Глава ко на лав. Он ја дресираше војнички. Не смееше да афне, да не плаши луѓе. Особено деца. Мои другарчиња. Само ако иде некој ноќе во дворот, ќе најави, онака кратко придушено: Уфф! Паметна ко шахист. Ме сакаше ептен.Нејсе, еднаш влезе другарче во двор, десетгодишно, ко стопати претходно. Џина го знаеше. Он играл со неа, ја галел и претходно. Од чиста мира го касна над зглобот.Не беше тоа некоја многу страшна рана но обилно крвареше. Малиов писна, дотрча дедо ми, во кола малиов и јас и во болница.После пепел во лицето, го однесе дома. Му беше срам и му беше тешко пред неговите родители, баба му и дедо му кои добро ги познавашеСабајлето ја зеде Џина, ја однесе негде и застрела со пиштолот.Ме лажеше дека ја однел во бачило. По еден месец ми кажа баба ми. Го прашав зошто?Ми рече: НЕ смееше да афне на дете, а не да касне. Следниот пат ќе убиеше. Нешто во главата и се претумбало. Морав. Заслужи“, додава тој.

Коментари | пред 2 години