ТОП

(ВИДЕО) Кои се тајните канали за влез на дрога и за телефоните во затворот Шутка

Како се третирани ексфункционерите во затворот во Шуто Оризари и дали имаме услови за европски третман на експремиерот Никола Груевски доколку го донесеме во Македонија, во интервју за „Макфакс“ одговара првиот човек на затворот во Шуто Оризари, Филип Андов.Андов отворено за тоа дали партиските врски им донесоа и привилегии на ексфункционерите Рашковски и Зеќири во затворските ќелии.„Која привилегија можам јас да му ја дадам, и да сакам, што можам да им дадам? Не е ова Филип Андов го има клучот, па отклучи, а другите седете и мижете на страна“, одговара Андов.Раскажува и што прават и какво е однесувањето во затворот на поранешниот претседател на Кривичниот суд, Владимир Панчевски, и на Александар Василевски-Нинџа, кој издржува затворска казна поради случувањата од 27 април.За Нинџа, вели дека е работно ангажиран во затворот и дека вози камионче од капија до капија, а за Панчевски – појасни дека е примерен затвореник.Одговара и на прашањето дали во затворот постојат услови за да го донесеме експремиерот Никола Груевски, појаснува и кој влегува во т.н. хашки ќелии.„Да, тоа е една табу-тема. Ги немам запазено кога биле употребни. Тоа се притворски простории, а таму сега е одделението со висок ризик и внатре се припадниците од групата на Диво Насеље и таму има девет луѓе и тие простории се затворски. А ако го донесеме Груевски, тој ќе оди во затвореното одделение. Тој ќе оди зад ѕидините“, појаснува Андов.Кои се тајните канали за влез на дрога и за телефоните во затворот, постои ли корупција меѓу вработените, за скандалот во кантината и за амнестираните од Ковид-19, во интервју за „Макфакс“ со првиот човек на затворот во Шуто Оризари, Филип Андов.

Македонија | пред 2 години

61-годишник се задоволувал пред две девојчиња под 14 години - страотен настан во Битола

Основното јавно обвинителство Битола поведе истражна постапка против 61-годишно лице за кое постои основано сомнение дека сторило продолжено кривично дело – Задоволување на полови страсти пред друг од член 190 став 3 во врска со член 45 од Кривичниот законик.Основаното сомнение дека пријавениот го сторил кривичното дело произлегува од обезбедените докази, вклучително и вербални искази на две девојчиња на возраст под 14 години, пред кои осомничениот преземал дејствија на полово задоволување на јавно место во повеќе наврати.Надлежниот јавен обвинител до Основниот суд во Битола достави предлог за определување притвор на осомничениот.​​

Македонија | пред 2 години

Објавена програмата за „Златна рамка 2023“ - 13 македонски филмови на сцената

Со проширена програма, бесплатни проекции и трибини од 20-22 април ќе се одржи „Златна рамка 2023“ во организација на ДФРМ.Петтото издание на „Златна рамка 2023“ под наслов „Во наш филм“, во организација на Друштвото на филмски работници на Македонија (ДФРМ) ќе се одржи од 20 до 22 април во Кинотека на Македонија и киното „Фросина“ во Младинскиот културен центар. Филмската манифестација „Златна рамка“ веќе пет години претставува можност за публиката бесплатно да ги погледне сите македонски филмски остварувања што биле реализирани во текот на изминатата година, а кои се финансирани од буџетот на државата и поддржани од Агенцијата за филм. Оваа година, манифестацијата е планирано да понуди вкупно 13 филмски остварувања од минатогодишната продукција, од кои три долгометражни филмови, три документарни и седум краткометражни филмови.Љубителите на филмот ќе имаат можност да ги погледнат долгометражните остварувања „Снежана на крајот умира“ во режија на Кристијан Ристески, „Мими“ на Даријан Пејовски и „Најсреќниот човек на светот“ во режија на Теона Стругар Митевска, како и документарните филмови „How do you define arrogance“ режиран од Небојша Илијевски, „Фениксот од Кавадарци-Васил Хаџиманов“ во режија на Мишо Нетков и „Звукот на тишината“ на Анастасија Лазарова. Краткометражната програма ќе се одвива во Киното „Фросина“, во рамките на која, во петок, на 21 април ќе бидат прикажани „Тале и Корона“ во режија на Томислав Алексов, „Само ѓаволот се плаши од вода“ на Лидија Мојсовска и „Обичната Ели“ режиран од Лавинија Софрониевска. На 22. Април (сабота) ќе бидат прикажани „Синиот час“ во режија на Ана Јакимска, „Си беше еднаш еден звук“ на Огнен Шапковски, „Бесценета“ режиран од Дејан Јиованов и „Соло Мод“ во режија на Тамара Котевска.Според претседателот на Друштвото на филмски работници, Игор Иванов-Изи, петтото издание на „Златна рамка“ акцентот го става на успехот на домашната кинематографија во текот на изминатата година.„Друштвото на филмски работници како основач и организатор на оваа филмска манифестација има за цел пред јавноста да ја презентира севкупната продукција во изминатата календарска година, како отчет за сработените филмови поддржани од Агенцијата за филм. ДФРМ на своето редовно годишно собрание што ќе го означи почетокот на „Златна рамка 2023“, ќе го избере директорот на Интернационалниот фестивал на филмска камера „Браќа Манаки“ за период од две години. ДФРМ е иницијатор, основач и организатор на фестивалот „Браќа Манаки“, кој почнувајќи од 1979 година е првиот и најстар светски филмски фестивал посветен на креативноста на светските кинематографери. Оваа година, во месец септември е планирано да се одржи 44. издание на „Браќа Манаки“, истакна претстедателот на ДФРМ, Игор Иванов-Изи.Уметничкиот координатор на „Златна рамка“, Ана Василевска ја потенцираше важноста на манифестацијата за публиката која е желна за дела од домашната филмска продукција. „Златна рамка“ се создаде поради фактот што најголем број од домашните филмови не се прикажуваат на редовен репертоар во кино салите и ова е одлична можност да се претстават пред нашата публика. Ваквиот начин на ревијално претставување на националната кинематографија се практикува насекаде во светот и е дел од поддршката и едукацијата на домашната публика за сопствената кинематографија. Исто така, публиката ќе има можност да ги проследи филмовите заедно со дел од авторите кои ги креирале и да учествува во дискусиите што се предвидени после секоја проекција“, истакна Василевска.Генералниот секретар на ДФРМ, Томи Салковски посочи дека како и минатата година, „Златна рамка“ ќе продолжи со спроведување на социјалната програма „Фокус“, наменета за публиката која од најразлични социјални ограничувања не може да ги посети кино салите.„Водени од мотото „ако вие сте спречени да дојдете на филм, ние филмот ќе го донесеме кај вас“, и оваа година на „Златна рамка“ ќе бидат организирани проекции во рамки на установи и институции каде што живеат или престојуваат лица што не можат да одат во кино, ниту да посетат филмски фестивал или друг вид на настан. Ова подразбира дека граѓаните во Казнено поправните домови, Домовите за стари лица, Болниците, шелтерите за згрижување, Центрите за зависност и низата други институции од ваков вид, ќе имаат можност да присуствуваат на филмска проекција, која професионално ќе биде организирана и реализирана во просториите на самите институции“, вели Салковски.

Магазин | пред 2 години

Нови летови од Македонија - наскоро со авион до пет локации

Од Македонија ќе се лета на пет нови локациии. Два авио превозници, односно „Луфханза“ од Германија и „Визер“ од Унгарија воведуваат нови авио линии по поддршката која ја добива од Македонија. Линиите се до Германија, Луксенбург, Австрија и Словенија.„Обезбедивме нови дестинации за нашите граѓани. Луфханза ќе лета од Скопје до Франкфурт и тоа 10 пати неделно. Оваа линија се обраќа од 23 април годинава. Сметаме дека е од големо значење за државата но и граѓаните оти аеродромот во Франкфурт е еден од најголемите во Европа и поврзува со меѓународни дестинации. ‘Визер’ ги достави следните дестинации Скопје - Штутгард, Скопје-Луксембург, Скопје-Салцбург, Скопје-Љубљана за која имаше огромен интерес од граѓаните и бизнис заедницата. Кон овие дестинации планирани се три летови во неделата. Планирано е воведување на овие линии од 1 ноември оваа година. Во однос на субвенциите, финансиската поддршка е за три години“, рече министерот Благој БочварскиВкупната поддршка за авиокомпаниите е 5 милиони евра за три години, кажа премиерот Димитар Ковачевски.„Германска авио компанија ‘Луфханза’ и унгарската ‘Визер’ се пријавија и се склучени договори. Финансиската поддршка е за три години, а изнесува 5 милиони евра за трите години. Тие ќе летаат неколкупати дневно. Преку Франкфурт, нашите граѓани ќе се поврзат со 200 локации“, кажа Ковачевски.Во овој момент има 48 локации до каде може да се лета од Македонија. 41 се од скопскиот аеродром и 7 од аеродромот во Охрид.

Македонија | пред 2 години

Зеќири оздраве по 90 дена - судењето му се врати од почеток, тој и натаму тврди дека е невин

По скоро четири месеци одлагања на судењата поради отсуство на обвинетиот Мухамед Зеќири, тој дојде во судницата во Кривичен суд, а судењето почна одново. Првата причина е поради истекот на 90 дена од последното одржано рочиште кое се одржа на 15 декември минатата година, а втората е поради промена на член на судечкиот совет.Судијката Фанка Јанчулева-Михаиловска побара доказите да не се изведуваат туку да се прочитаат со цел да не се одолговлекува постапката, обвинетиот се согласи. Набрзо потоа, по вторпат му беше побарано да се произнесе дали чувствува вина, на што кажа: „Не сум виновен“.На рочиштето се испитуваше бугарски државјанин кој во Македонија имал свои фирми, а се поврзува со спорната јавна набавка направена од Зеќири за ангажирање на компанија за консултантски услуги. Потоа, се испита и вештакот предложен од обвинителката Катерина Коларевиќ.

Македонија | пред 2 години

Тешка несреќа во Чаир, едно лице во болница со сериозни повреди

Синоќа по полноќ се случила сообраќајна несреќа на крстосница од улиците Џон Кенеди, Македонско косовска бригада и Славеј планина во скоски Чаир.Според информациите од полицијата, во несреќата учествувале патничко возило „фолксваген пасат“, управувано од А.Х.(21) од Скопје и мопед „баотиан“, управуван од Ш.М.(47) од Скопје, двете со скопски регистарски ознаки.Во несреќата со тешки телесни повреди се здобил возачот на мопедот, констатирани во Градската општа болница „Св.Наум Охридски“.Извршен бил увид од увидна екипа од СВР Скопје.

Македонија | пред 2 години

Дете е прегаезено од 41-годишен маж од Свети Николе

Вчера на улицата Сремски фронт во Штип, патничко возило „фолксваген туран“ со светиниколски регистарски ознаки, управувано од А.С.(41) од Свети Николе, удрило во малолетен пешак од Штип.Во несреќата малолетникот се здобил со тешки телесни повреди, констатирани во Клиничката болница Штип, соопшти МВР.Извршен бил увид од увидна екипа од СВР Штип.

Македонија | пред 2 години

Пендаровски две години немал конструктивен разговор со Радев: За танго треба двајца

Шефот на државата, Стево Пендаровски изјави дека нема контакти со бугарскиот колега Румен Радев. Пендаровски објасни дека последен пат кога се видел со него било лани на Мини самитот за енергетика во Софија.Во гостување во централниот дневник на „Сител“, претседателот Пендаровски рече дека во изминатите две години немал ниту еден конструктивен разговор со Радев.-„За танго треба двајца. Објективно изминативе две години Бугарија имаше серија на провокации кон нас и излезе со аргументи за наша блокада кон ЕУ каква што немало во историјата на ЕУ. Ниту една држава не блокирала друга држава со тоа што викала „Вие не сте тоа што мислите дека сте“. Да зборувате за идентитетска политика и да викате дека јас не сум Македонец и дека само ако ги сменам сите учебници ќе можам да напредувам кон Европа... Ние може да глумиме средби, но последниве две години практично немам ниту еден конструктивен разговор со Радев“, изјави Пендаровски.За неговите изјави со кои предизвика реакција во Софија, Пендаровски рече дека поважна му е реакцијата на граѓаните во државава, отколку реакцијата од Софија.

Македонија | пред 2 години

„Случајот на Гордана Јанкуловска или како се кршат човековите права на жените во затвори“

Ирена Цветковиќ, доктор од областа на родовите студии, вели дека случајот на Гордана Јанкуловска отвора многу прашања и проблеми поврзани со различниот третман на мажите и жените кои отслужуваат казна затвор, но и прашањата на човековите права на истите.„СЛУЧАЈОТ НА ГОРДАНА ЈАНКУЛОВСКА или како се кршат човековите права на жените во затвориСлучајот на Јанкуловска отвора многу прашања и проблеми поврзани со различниот третман на мажите и жените кои отслужуваат казна затвор, но и прашањата на човековите права на истите.Во пар интервјуа кои ги даде нејзиниот сопруг дознавме за дискриминаторски и нехумани пракси како фактот дека Јанкулоска и другите затворенички, не можат да ги користи законските погодности што ги имаат затворениците мажи, како посети надвор од установата, одмор и работно ангажирање. Досега колку што сфатив единствено Комисијата за заштита од дискриминација издала мислење.Ова е толку чист случај на дискриминација врз основа на род и кршење на човекови права што апсолутно не ми е јасно како е возможен ваков општествен и политички молк.Што побогу прават институциите чиј мандат е заштита на правата и еднаквоста на СИТЕ луѓе? Дали се свесни дека оние во затворите се исто ЛУЃЕ?Искрено, среќа е што се прозбори за темава.Не сме еднакви додека секоја една од нас не е еднаква“, се вели во објавата.

Коментари | пред 2 години

Мицковски: Абе дечки, не се ни криете веќе од криминалот

Новинарот Ивор Мицковски на социјалните мрежи реагираше во врска со државното жемјиште кое го добила неговата сопруга за 70 денари по квадрат.„Ковачевски вика дека немало конфликт на интереси што сопругата добила државно земјиште по 70 ден квадрат, оти не бил тој ден на седница на ВладаНа ист начин нема криминал од 20 мил. € кај него или Владата со мазутот пошто не ги возеле камионите.Ниту пак се одговорни што кошницата поскапе 15к денари во само една година, пошто они алиби замрзнуваат цени и граѓаните заштедиле 100 денари.Ниту пак со струјата нема криминал, пошто они ја субвенционираат со народни пари.Ни во надзорот на Бехтел нема криминал од 22 мил. €, јер јебига, не работеле они лично со гаќи и чорапи, не го вратиле они криминалецот од Ерменија.Абе дечки, не се ни криете веќе од криминалот“, вели Мицковски.

Коментари | пред 2 години

Се додека во Македонија имаме саатнина на африканско ниво, секој ќе се радува на саат повеќе работа, вели Беќаровски

Доктор Нико Беќаровски, со низа критики за кратењето на едно од основните работнички права-40 часовна работна недела.„Овие денови оваа тема е главна на сите медиуми. Сите се згрозени од леснотијата со која ќе се скрати повторно едно од основните работнички права 40 ЧАСОВНА РАБОТНА НЕДЕЛА.ДА #Burn_Out оддамна е наша дијагноза Но ќутиме и дежураме, надевајќи се дека ќе дојде денот кога со 40 ЧАСОВНА работна недела ќе ни се овозможи пристојна егзистенција.Можете да претпоставите каков е квалитетот на прегледот кој ќе Ви го овозможи доктор кој веќе работел 71 час во таа недела ?? За љубезност воопшто да не дискутираме.Дел од грешките се токму резултат на овој хроничен замор и континуирано не спиење во ноќните часови.Во мојот досегашен стаж околу 2000 ноќи (или 6 години) сум ги поминал во ординација и во овие години кога мајка ми веќе беше пензиониран во "тој трулиот систем и општество", а јас сум принуден и понатаму да дежурам.Знаете ли дека изминатиов викенд стотици мои драги колеги од Бугарија одлетаа низ сите европски дестинации за да дежураат по 48 часа наместо нивните западни колеги, кои одлетаа некаде да го прослават Велигден.Одлетаа бидејќи и таму како и ваму со редовната и поштена 40 ЧАСОВНА работна недела може да се води само КРПЕН ЖИВОТ.Скандинавија воведе 36 часовна недела и никој не сака да работи повеќе, бидејќи саатнината овозможува повеќе од пристоен живот. Прекувремено работат само дојденците од Балканот, за да можат следното лето да се покажат пред своите роднини, дека успеале.Се додека во Македонија имаме саатнина на африканско ниво, секој ќе се радува на саат повеќе работа, па макар и на штета на сопственото здравје.Времето во кое 8 часа работевме, 8 часа се забавувавме и 8 часа спиевме го погребавме заедно со Социјалистичка во префиксот“, напиша тој на својот фејсбук профил.

Коментари | пред 2 години

Груби и доделил државно земјиште на сопругата на Ковачевски за 70 денари по квадрат, а премиерот се вади на аргументот ‘не сум од овде’, вели ВМРО-ДПМНЕ

Владата на Ковачевски и овозможило богатење на сопругата на Ковачевски. Тоа е жалната реалност во која живееме. Додека народот осиромашува, функционерите од власта и нивните семејства се богатат, вели ВМРО-ДПМНЕ„Во ниту една земја членка на Европската Унија сопруга на премиер не добива бизнис повластици и не добива државно земјиште за едно евро. Е токму компанијата на сопругата на премиерот со Одлука на владата, предводена од нејзиниот сопруг, добила можност да купи 1.119 м2 државна земја за цена од 70 денари за метар квадратен. Ковачевски се прави „наудрен“. Ако неговиот ортак Артан Груби ја потпишал оваа одлука, тоа не го амнестира од одговорност, влијание и злоупотреба на функција. Аргументите од типот „не сум од овде“ не поминуваат кај никого.Ковачевски исто вака се однесуваше и кога излезе информацијата дека сопругата му влегува во бизнис од над 1 милион евра додека тој е премиер, а сега згора на се добива земјиште со потпис на Груби и истиот Ковачевски пак се прави изненаден. Со Груби очигледно си чуваат грб, односно он нему му помага за скандалите, овој и дава бизнис повластици на жена му.Ова е правење пари на грбот на народот. Ова е класично користење на позициите за лични повластици. Ковачевски да имаше грам доблест ќе си поднесеше оставка. За ваквите злоупотреби ќе мора да понесе одговорност“, се вели во соопштението.

Македонија | пред 2 години

Елизабета Ивановска е нова в.д. директорка на битолската болница

Елизабета Ивановска е нова ве-де директорка на Битолската клиничка болница.Д-р Ивановска која е специјалист интернист, субспецијалист пулмолог доаѓа на местото на д-р Александар Обедниковски кој си поднесе оставка од директорската позиција поради морални причини.Во битолската болница за три недели имаше два смртни случаи. Почина петгодишната Јана Христова, а причините за ова се уште се непознати. Обдукцијата не е завршена.Нов смртен случај имаше пред два дена, кога почина новороденче.

Македонија | пред 2 години

11 години болка во душите на блиските за убиените момчиња кај Смилковско езеро

Денеска се навршуваат единаесет години од едно од најгрозоморните убиства во историјата на Република Македонија. На 12 април 2012 година беа убиени пет лица со огнено оружје кај Смилковско езеро во атарот на село Смилковци, Скопје.Убиените беа на возраст од 18 до 21 година: Филип Славковски, Александар Наќевски, Цветанчо Ацковски и Кире Трпковски. Бил пронајден мртов и 45-годишниот Борче Стевковски од селото Црешево.Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција. На 10 километри од убиството, беше пронајдено возило „Опел Омега“, за кого беше потврдено дека било на местото на настанот за време на убиството.За овој случај беше отворен предмет под името „Монструм“, за кој имаше пресуда, но предметот одново беше вратен на судење. На доживотна казна затвор беа осудени Алил Демири, Африм и Агим Исмаиловиќ. Хаки Азири за помагање беше осуден на 9 години затвор, Фејзи Азири за истото дело на 15 години затвор.Судот го отфрли обвинението на Сами Љута.На 23 февруари 2013 година во близина на езерскиот брег, на местото викано Кршиколе или Крст, веднаш до заобиколницата бил осветен камен темелник на црквата Црква „Св. 40 Маченици“, која е посветена на убиените момчиња.

Македонија | пред 2 години

(ФОТО) Автобус на ЈСП се судри со ауди

Сообраќајна незгода помеѓу „ауди“ и автобус на ЈПС се случи попладнево на крстосницата кај „Веро Џамбо“.Во моментот полиција прави увид на местото на несреќата.Според информациите од терен, нема повредени лица.

Скопје | пред 2 години

Некој ќе заглави во затвор за договорот со Бехтел и Енка, вели Апасиев

Лидерот на Левица, Димитар Апасиев, порача дека некој ќе заглави во затвор за договорот со Бехтел и Енка за изградба на четирите автопати, откако потпретседателот на ВМРО-ДПМНЕ, Александар Николоски, обелодени дека во него пишува дека изведувачот има право на големо финансиско обештетување доколку не му се овозможи да ангажира работници на 60 часа неделно работно време.- Антимакедонската влада на ДУИ, со ВД премиерот Таче, потпишала противуставен договор со американскиот конзорциум "Бехтел и Енка", дека ако не му обезбедат 60 часовно работно време за работниците на автопатите, ќе треба да му плати 53 милиони ЕУР на име "пенали" (оштета)!p.s. Не знам кој ве насамарил да го потпишете договоров, ама знам дека некој ќе заглави у затвор после падот на хунтава, изреагира Апасиев.Договорот со Бехтел и Енка не е објавен за јавноста, но Николоски синоќа на телевизија тврдеше дека го видел. Владеачкото мнозинство сега е под притисок преку законски измени да овозможи 60-часовно работно време за Бехтел и Енка, откако еднаш Уставниот суд тоа им го блокираше.

Коментари | пред 2 години

Уставните измени можат да се случат годинава со договор на лидерите, вели Касами

Лидерот на БЕСА и градоначалник на општина Тетово, Биљал Касами е оптимист дека годинава може да се случи измената на Уставот и внесување во Преамбулата на помалите заедници кои ќе го побараат тоа.Сепак според него, неизвесно е која Влада ќе ги спроведе уставните промени.-Можни се предвремени избори. Владата треба да прифати дека со оваа политика не може да се постигне мнозинство. Ако оваа влада е заинтересирана да ги направи уставните измени и да го продолжи патот кон ЕУ, мислам дека со договор на лидерите може да се обезбеди мнозинство за уставните измени, истакнал Касами во гостувањето на емисијата „Клик плус“.

Македонија | пред 2 години

Ковачевски расипнички троши 245 евра дневно за да им „продава“ на граѓаните пропаганда за „уставни измени“, вели Јоци

Јорданка Ивановска Јоци во војата нова објава на социјалните мрежи вели дека премиерот Димитар Ковачевски троши по 245 евра дневно за да им продава пропаганда на граѓаните за уставни измени.„За три месеци, од јануари до април, Димитар Ковачевски за Фејсбук #реклами и самопромоција потрошил 22.100 евра. ДНЕВНО расипнички троши во просек 245 евра или 15.000 денари, две третини од една просечна месечна плата во Македонија.Иронично, во рекламите кои чинат 245 евра дневно, на граѓаните им ,,продава” намалување на макарони од 2 денари и 1 денар намалени јајца. И секако – скапо платена пропаганда за ,,уставни измени”.Неговите колеги во регионот со кои често сака да се слика, #Александар #Вучиќ и #Еди #Рама за истиот период, за рекламирање на ФБ, потрошиле НУЛА ЕВРА!Секој сам нека пресмета колку цело СДСМ троши безобзирно како да ќе нема утре за нив, а притоа цела партија се скроз исклучени и не слушаат што им порачува народот уште од сега за избори“, се вели во објавата.

Коментари | пред 2 години

Директорот на битолската болница ќе поднесе оставка

Д-р Александар Обедниковски, генерален директор на ЈЗУ Клиничка болница-Битола, за денеска најави дека ќе поднесе оставка од морални причини.Повод за повлекувањето на Обедниковски од функцијата прв човек на битолската болница е најновниот инцидент во таа здравствена установа, односно смртта на новороденче која беше регистрирана во болницата, а за што денеска министерот за здравство Фатмир Меџити изврши вонредна посета во Битола.Како што е познато неодамна во ЈЗУ Клиничка болница-Битола почина и 6-годишното девојче Јана Христовска за што се води истрага, а битолчани во знак на протест организираа мирни собири во овој град.

Македонија | пред 2 години

Меџити: Бебето родило живо, имало тахикардија и обид за оживување

Министерот за здравство, Фатмир Меџити, рече дека бебето било родено со тахикардија, а родилката е од Битола и има 24 години. Како било постапено при породувањето – ќе утврдуваат комисии од Државниот санитарен и здравствен инспекторат.„Денеска, бевме тука да видиме каков бил случајот. Утре, од ДСЗИ ќе испратиме комисија од инспектори за да утврдат која била причината. Според првичниот извештај, тоа било родено живо, со тахикардија, имало белодробрно-срцево оживување, понатаму ќе кажеме сè кога ќе имаме дефинитивни резултати од институциите. Тука сме за да видиме каков е пропустот и што може да се подобри. Длабоко сочувство за младата родилка за изгубеното бебе“, додаде Меџити.

Македонија | пред 2 години

Пари за функционерите има - за студентите нема, до кога ќе трпиме вакви работи, велат од Студентски отпор

Пари за функционерите има - за студентите нема. Во ситуација каде што МОН и владата континуирано тврдат дека „од наредниот месец“ ќе се исплаќа навремено субвенциониран студентски оброк и стипендии, кога студентите од минатата академска не се обештетени поради „правни процедури„ - многу брзо се сложија дека покачување на нивната плата за 78% треба да има, велат од Студентски отпор.„Оваа е последна во долга континуирана низа на постапки каде што надлежните институции со дела покажуваат дека за студентите, средношколците, младите воопшто не им се приоритет. Особено во споредба со полнење на сопствените џебови.Студентите ќе слушаат предавања во со децении стари, не реновирани објекти, ќе плаќаат илијадници денари во скриени трошоци секој семестар, ќе бидат жртви на легална корупција од страна на партиски обоени професори, но затоа за децата на Јетон Шаќири со новото покачување, ќе имаат доволно средства за уште едно ламборџини.Стипендиите повторно доцнат, МОН повторно нема слух, факултетите се распаѓаат, кадар недостасува, имаме неверојатен одлив на мозоци - но најважното од се јавните функционери си ја покачија платата за 78%.ДО КОГА ЌЕ ТРПИМЕ ВАКВИ РАБОТИ ДРАГИ НАШИ КОЛЕГИ, ДО КАДЕ НИ Е ПОЛНА ЧАШАТА“, додаваат студентите.

Коментари | пред 2 години

Нема фотографија

Што треба да случи кај „Технометал“ за да реагираат институциите, велат од Шанса за Центар

Што треба да случи кај зградата на „Технометал“ за институциите да реагираат и да го запрат овој хаос кој предизвикува опасност за минувачите и станарите и го прикажува центарот на Скопје како да преживеал апокалипса?, прашуваат од Шанса за Центар.„Повторно од неоградената зграда која е сопственост на фирмата „Буши фешн“ паѓаат делови кои се корнат од објектот. Сите прозорци се искршени, зјаат празни широки и длабоки дупки од кои се откорнати капаците, целиот простор е покриен со исршено стакло и отпад, а тарабите од недоградениот хотел на Бетон се паднати и не вршат никаква функција“, се наведува во написот објавен на социјалните мрежи.Додаваат дека таква слика и викендот можеа да видат минувачите од кои добар дел, како што велат, и странски туристи.„Дали се штити инвеститорот!? Кои се причините што граѓаните и посетителите на најстрогиот Центар на градот се ставени и оставени на ваков ризик по нивните животи. Повторно законите не важат еднакво за сите!“, се подвлекува во напишаното.

Скопје | пред 2 години

Уставни измени во овој парламентарен состав нема да има, вели ВМРО-ДПМНЕ

Уставни измени во овој парламентарен состав нема да има, во недостаток на реални проекти СДС и ДУИ се како расипана грамофонска плоча со уставните измени, вели ВМРО-ДПМНЕ„Шест ипол години нема ниту еден поголем проект. Шест ипол години Македонија само тоне во сиромаштија, половина милион луѓе живеат со по 150 денари на ден, а власта која не нуди иднина, влегува од национална отстапка во национална отстапка.Ставот на ВМРО-ДПМНЕ е дециден и тој нема да се промени, уставни измени нема да има. СДС и ДУИ зборуваа за хрватски Устав, кога рековме истиот како модел да се преслика, тие ретерираа, се виде колку се Европејци. На виделина излегоа сите лаги и клевети, се виде која е целта.Уставни измени не може да се носат без консензус на македонскиот народ, консензус нема“, се вели во соопштението.

Македонија | пред 2 години

Фамилија Ковачевски се богати на грбот на граѓаните, а Ковачевска по багателна цена добива државно земјиште за изградба на фотоволтаици, вели ВМРО-ДПМНЕ

Рамо до рамо, СДС до ДУИ, за тендери, криминали и лични богатења на функционерите на власта, вели ВМРО-ДПМНЕ„За криминалците на СДС и ДУИ небитно е што секој ден стопанските комори бараат помош од државата, а синдикатите бараат поголеми плати за работниците, нив им се најбитни тендерите и богатењето.Додека замрзнуваат, па одмрзнуваат, па ги реведираат цените, а граѓаните не можат да си ги купат ниту основните прехранбени производи пред празниците, Владата на СДС и ДУИ само со еден потпис на Груби им го зголеми богатството на фамилија Ковачевски.Со одлука и потпис на Артан Груби, фамилијата Ковачевски доби земјиште по цена од само 70 денари по м2.За околу 1.300 евра фирма на фамилијата Ковачевски, каде што главен лик е госпоѓата Ковачевска добива земјиште за изградба на фотоволтаици од 1.119м2.Една седница на Влада потпишува Ковачевски а се богати Груби, наредна седница на Влада потпишува Артан, а се богати Димитар.Артан Груби му се одолжи на Димитар Ковачевски за целосната и безусловна одбрана на криминалот кој го прави неговиот брат со фамилијарните фирми, како и за матните тендери со надзорот на коридорите 8 и 10Д.Потписот на Груби не го сокрива фактот, како и судирот на интереси, дека владата предводена од Ковачевски доделува земјиште на сопругата на Ковачевски.Ваквата одлука на Владата со која и се доделува државно земјиште на сопругата на Ковачевски е само доказ за целосната одлепеност и забеганост на криминалците од СДС и ДУИ.Државната комисија за спречување на корупцијата веднаш треба да отвори случај за овој еклатантен пример за судир на интереси“, се вели во соопштението.

Македонија | пред 2 години

Фотографиран балкански рис во НП „Галичица“

После педесетина години пауза, балканскиот рис за прв пат беше забележан во НП „Галичица“ во 2020 година.Во последните три години, ова е осмо забележување на рисот на територија на националниот парк.„Поттикнати од неговото присуство, ЈУНПГ заедно со МЕД/MES, во 2021 и 2022 година спроведоа #мониторинг за утврдување на бројност на популации на срна и дива коза во НП „Галичица“. Тоа се видови кои претставуваат омилена храна на балканскиот рис.Во периодот кој следи, ќе бидат поставени дополнителни камери, со цел полесно утврдување на вкупната бројка на единки на #балканскирис и други крупни цицачи.Секако, нема да изостанат ниту мерките за заштита на живеалиштата на балкански рис и директно спречување на криволов во НП „Галичица““, стои во објавата на социјалните мрежи.

Магазин | пред 2 години