ТОП

„Кој би рекол дека животот ќе ми се дели на 'пред' и 'после' оваа слика“ – Лила објави фотографија направена 30 минути пред операција!

Водителката Лила Филиповска на својот Инстаграм профил објави моќна фотографија.Имено, се работи за фотографија направена само 30 минути пред 5-часовната операција на канцер на дојка.„Кој би рекол дека животот ќе ми се дели на “пред” и “после” оваа слика! Слика направена половина час пред мојата петчасовна операција на канцер на дојка . Сосема спонтано направена од мојата другарка @annie_a_mark a сега сосема случајно пронајдена во мојот албум со слики . И да… оваа насмевка е искрена и многу зборува . Зборува за тоа дека воопшто не се плашев и не траоризирав. Зборува за тоа дека едвај чекав да се случи и да го продолжам патот на излекување! Добро прочитавте: Не, патот на лекување туку на излекување. Зборува за мојата решеност да го издржам и ова патешествие не баре сум тргнала да снимам уште една од моите емисии! А денот студен, зимски ама сончев. Го сфатив тоа како добар знак. И беше !!! Без разлика на тоа што ноќта по операцијата бев во вистинска агонија, без разлика што проклетникит пуштил пипци и по лимфните јазли под пазувите, и што имав закачено три дрена. Кога хирург како др Фатих Ајдован ќе ти каже дека ќе биде се во ред, едноставно знаеш дека треба да му веруваш. Имам уште многу да пишувам ама не се одеднаш. А пишувам само заради Вас кои ја биете истата битка. Првиот чекор до победата е верувањето дека ќе победите! Без него нема да стигнете до вториот. Никој не вика дека ќе биде лесно ама не заборавајте: светот ги памти само ПОБЕДНИЦИТЕ !!!“, вели Лила Филиповска.Инаку, познатата водителка пред само еден месец првпат јавно кажа дека имала рак на дојката и сподели како го поминала најтешкиот период во животот.

Магазин | пред 2 години

Трајанов бара референдум за уставните измени

Лидерот на Демократски сојуз и пратеник во Собранието, Павле Трајанов предлага спроведување рефендум за уставните измени или организирање предвремени парламентарни избори.Бидејќи се групираат повеќе политички партии, СДСМ треба да проценат дали ја имаат поддршка кај граѓаните. Треба Ковачевски да се појави пред граѓаните. Сметам дека е потребно референдум или избори, но за мене е поприфатливо предвремени парламентарни избори, рече Трајанов во гостувањето на вестите на Тв Сител.Тој го повтори ставот на партијата дека нема да испратат свои претставници во работната група за уставните измени, која треба да почне да дебатира кон средината на месецов.Според него, пологично е периодот септември-октомври да се организираат предвремени избори.-За мене е проблем што ЕУ не направи отстапка за интересите на Македонија. Проблемот е што СДСМ и ДУИ ја воведоа државата во криза, кажа меѓу другото Трајанов, чија партија до неодамна беше дел од владиното мнозинство.

Македонија | пред 2 години

Уште долго нема да ја има Левица по телевизии, а после тоа ќе ги снема концесиите на телевизиите, вели Апасиев

“АПАСИЕВ, ОТИ ТЕ НЕМА ПО ТЕЛЕВИЗИИ?” е најчестото прашање кое го добивам периодов, вели лидерот на Левица.„Ме нема оти во Собрание го блокиравме законот за легален поткуп на медиуми од времето на Грујо, со кои петте национални телевизии (Сител, Канал 5, Телма, Алфа и АлсатМ) ќе требаше да инкасираат по милион и пол ЕУР за владини реклами.Уште долго нема да ја има Левица по телевизии, а после тоа ќе ги снема концесиите на телевизиите. Така одат тие работи во животот. У круг.p.s. Сета среќа што живееме во време на социјални медиуми, па гласот на Левица не може да биде замолчен“, додава тој во својата објава на социјалните мрежи.

Коментари | пред 2 години

Земјоделското земјиште на удар од коруптивниот Закон за Коридорите 8 и 10, вели Левица

До Собранието на Република Македонија за утрешната седница доставен е предлог-закон за дополна на Законот за земјоделско земјиште, со цел "олеснување" на изградбата на контроверзниот Коридор 8 - чиј координатор е Артан Груби, вели Левица„Со ваквата предлог-измена ќе се одзема земјиште по скратена постапка, дури и таму каде што сопствениците имаат договори со МЗШВ, долгогодишни насади или други инвестици на истото.Ова фаворизирање и кратење на сите законски постапки и процедури во експропријацијата на земјоделското земјиште е во интерес на странската корпорација ,,Бехтел и Енка", а на штета на домашното население и земјоделското производство.Потсетуваме дека со коруптивниот Закон за стратешки интерес за изградба на Коридорите 8 и 10, кој се донесе во 2021 година, се овозможи без јавно наддавање изградбата да ја добие корпорацијата ,,Бехтел-Енка", за која веќе има низа корумпирани скандали при изградбата на автопати во Косово, Албанија, Хрватска и Романија.Најексплицитен е случајот во Хрватска, каде оваа фирма по втор пат се обидела да добие изградба на автопат без тендер, односно со договор во четири очи. Под дипломатски притисок на ЕУ дека ваквиот пристап ќе го загрози евроинтегративниот процес на државата, хрватската влада се откажала од директни преговори.Ваквото насилничко и незаконско делување на криминогените СДС и ДУИ потврдува дека немаат никаков капацитет да го спроведат евроинтегративниот процес, додека ги рушат сите постулати на владеењето на правото и правниот поредок“, се вели во соопштението.

Македонија | пред 2 години

Апсења во Скопје, Битола, Прилеп, Охрид, Тетово - полицијата стави лисици на осум лица

Полицијата во седум одделни случаи, уапсила осум лица. Сите поради пронајдена материја за која се сомнева дека е дрога и за поседување марихуана. Уапсените се од Скопје, Битола, Прилеп, Охрид, Тетово. Меѓу нив има и хрватски државјанин.На 09.04.2023 во 01.45 часот во угостителски објект на подрачје на Центар, полициски службеници го лишиле од слобода Д.Ч.(23) од Скопје затоа што кај него била пронајдена и одземена бела грутчеста материја. По документирање на случајот ќе биде поднесен соодветен поднесок.На 09.04.2023 во 04.15 часот во Битола, полициски службеници од СВР Битола го лишиле од слобода Х.Ф.(21) од Битола затоа што кај него била пронајдена и одземена марихуана. По документирање на случајот ќе биде поднесен соодветен поднесок.На 09.04.2023 во 00.50 часот во Прилеп, полициски службеници од ОВР Прилеп го лишиле од слобода В.Б.(33) од Прилеп затоа што кај него била пронајдена и одземена марихуана. По документирање на случајот ќе биде поднесен соодветен поднесок.На 09.04.2023 во 01.00 часот во близина на угостителски објект во Охрид, полициски службеници од СВР Охрид го лишиле од слобода К.Р.(24) од Охрид затоа што кај него била пронајдена и одземена бела прашкаста материја. По документирање на случајот ќе биде поднесен соодветен поднесок.На 08.04.2023 во 22.45 часот пред угостителски објект на подрачје на Карпош, полициски службеници го лишиле од слобода Т.Х.(27) од Република Хрватска затоа што кај него била пронајдена и одземена марихуана. По документирање на случајот ќе биде поднесен соодветен поднесок.На 08.04.2023 во 21.50 часот во Тетово, полициски службеници од СВР Тетово ги лишиле од слобода Б.Л.(25) од с.Долно Палчиште, тетовско и Е.И.(24) од.с.Голема Речица, тетовско. затоа што при преглед кај нив и во возилото во кое се превезувале била пронајдена и одземена марихуана. По документирање на случајот ќе биде поднесен соодветен поднесок.На 08.04.2023 во 21.00 часот во с.Горно Палчиште, тетовско, полициски службеници од СВР Тетово го лишиле од слобода С.Б.(19) од с.Горно Палчиште затоа што при преглед во возилото во кое се превезувал, кај него била пронајдена и одземене марихуана. По документирање на случајот ќе биде поднесен соодветен поднесок.

Македонија | пред 2 години

Се судрија автобус на ЈСП и автомобил - две лица се во болница

Вчеравечер околу 22.45 часот во СВР Скопје било пријавено дека на крстосница од ул.„Васил Чакаларов“ и ул.„Ангел Динев“ во Скопје се случила сообраќајна несреќа помеѓу патничко возило „шкода“ со скопски регистарски ознаки, управувано од Т.М.(39) од Скопје и автобус на ЈСП Скопје „јутонг“ со скопски регистарски ознаки, управуван од З.Р.(51) од Волково, скопско.Во несреќата со тешки телесни повреди се здобил возачот на патничкото возило Т.М. и неговата сопатничка Е.К.(36) од Скопје, констатирани во Комплексот клиники „Мајка Тереза“. Увид на местото извршила екипа на СВР Скопје.

Скопје | пред 2 години

Конфискацијата на дивоградби отвара уште едно чешмиче за мито и корупција, вели Куновска

Актерката Софија Куновска се спротивстави на идејата на градоначалникот на Општина Центар, Горан Герасимовски во однос на конфискацијата на дивоградбите на ова подрачје, Цени дека ова е опасо и дека пред се отвора можниост за уште поголема корупција.-Деновиве сведочиме на иницијатива за конфискација на диво изградени објекти. Морници ме полазија од помислата колку големо незнаење и неодговорност содржи оваа идеја во себе. Дали предлагачот на ваквото решение смета дека сите досегашни учесници во создавање на регулатива за ова прашање биле недоветни, необразовани и бездарници па еве требаше да го дочекаме токму него за да ни се случи “Еурека”? Простете, но ова е опасна игра од која сите сме губитници.Минимум што треба да разбере предлагачот, градоначалникот Горан Герасимовски, е дека својата неефикасност или недостатокот на воља да санкционира и безмилосно да руши диви градби, не може да ја премости со идејата дека диви градби треба да бидат конфискувани. Тоа е негова законска обврска. Ваквата идеја стимулира безредие и отвара уште едно чешмиче за мито и корупција. Нека си направи со време консултации со Уставниот суд, освен ако идејата не му е само купување време.

Коментари | пред 2 години

Каракамишева: Каде е местото на Бугарите во колективната меморија на македонскиот народ и каква позитивна улога одигра во развојот на македонскиот идентитет?

Ајде уште еднаш да ги прашам властите, иако слично прашање поставив и порано, но немаше никаков одговор. Целта на секоја преамбула во Уставот на една држава е да се издвојат, да се потенцираат најважните историски настани, документи, личности кои се силно врежани во колективната меморија на земјата и кои одиграле позитивна улога во воспоставувањето на самобитноста на земјата и борбата за самостојност на народот, вели професорката Тања Каракамишева.„Прашањето ми е каде е местото на Бугарите во таа колективна меморија на македонскиот народ и каква позитивна улога одиграле Бугарите во развојот на македонската историја и идентитет“, додава таа.

Коментари | пред 2 години

Ковачевски не се секира за економијата, за државата, ама за тоа бизнисот на неговата сопруга цвета, вели ВМРО-ДПМНЕ

Димитар Ковачевски не се секира за економијата и стандардот на граѓаните, ама за тоа бизнисот на неговата сопруга цвета, вели ВМРО-ДПМНЕ„Целосен молк од Ковачевски за скандалот со купувањето на земјиште од 1.119 м2 од страна на неговата сопруга за багателна цена од 70 денари за м2.Целата зделка за која 1.119 м2 се продаваат за скоро 1.300 евра, оди преку Владата на ДУИ и СДС со потпис токму на Артан Груби.Еден ден Ковачевски аминува и потпишува, Груби краде и се богати. Другиот ден Груби аминува и потпишува, Ковачевски си го шири фамилијарниот бизнис и добива државно земјиште за багателна цена. А, економијата во државата секој ден тоне се повеќе, а граѓаните не знаат како да го поминат месецот.Потписот од страна на Груби за земјиштето кое ќе го добие сопругата на Ковачевски, е наградата за Димитар Ковачевски за јавната одбрана за криминалот со надзорот на автопатиштата кој го направија ДУИ и Артан Груби,Е ова е еклатантен пример како се пљачкаат граѓаните и државата. Додека граѓаните со месеци и години чекаат за легализација на имот или пак пренамена на земјиште, криминалците на власт за побрзо и енормно да се збогатат тоа го прават за еден ден.Криминалците од ДУИ и СДС кога се работи за криминал и богатење се како сложни браќа и целосно си се штитат.ДСКС не треба да премижи на овој еклатантен пример за судир на интереси кај фамилијата Ковачевски.СДС и ДУИ ако мислат дека со вакво замајување на јавноста, ако едниот се потпише за другиот, нема да одговараат за криминалот, се излажале. За многу скоро за секој криминал ќе има одговорност“, се вели во соопштението.

Македонија | пред 2 години

Петличковски за случајот со малата Јана: Вирусните миокардити знаат да бидат бурни

-Со оглед на фактот дека малата Јана најверојатно починала од миокардит, а вирусите се честа причина за миокардит, не се исклучува можноста да имала вирусна инфекција. Лекарите во битолската болница со консултирале и со клиниката во Скопје и биле на добар пат за поставување на дијагнозата, но за жал вирусните миокардити знаат да бидат бурни и за само неколку часа може да се случува смртта. Не верувам дека во битолската болница можеле да направат нешто повеќе, истакна претседателот на Комисијата за заразни болести, Александар Петличковски во гостување на Сител ТВ.Според Петличковски, најчести предизвикувачи на миокардит се Аденовирусите, Парвовирусите и секако вирусните инфекции од ковид, но, како што рече, шест месеци е малку предолг период за директно да се поврзе ковидот.– Многу е веројатно дека некој вирус бил предизвикувач на миокардитот, но не можеме со сигурност да потврдиме кој е тој вирус. Шест месеци период е предолг период за да го инкриминираме ковидот и директно да посочиме дека е тој виновникот. Некој вирус многу веројатно бил, истакна Петличковски.На прашањето околу забелешката на родителите на малата Јана дека таа имала отоци во телото и дали тоа можело да биде некаков сигнал дека се случува такво нешто и да биде предупредување за лекарите, тој одговори дека отоците на очните капаци, како што вели, веројатно се поврзани со ослабување на функцијата на срцевиот мускул.– Мислам дека лекарите во битолската болница тоа веднаш го детектирале и почнале постапки за проценка на срцевата функција. Знам дека имало и консултации со клиниката во Скопје, и со Детската клиника и со Кардиологија, и прилично сум сигурен дека биле на добар пат во поставувањето на дијагнозата. За жал, некогаш овие вирусни миокардити знаат да бидат многу бурни и само за неколку часа се случува смртта, така што не верувам дека во битолската болница можеле да направат нешто повеќе, подвлече Петличковски. Исто така информираше дека во определен мал дел на овие случаи состојбата е многу тешка и ургентна и дека тоа не може да се предвиди на почеток.– Тоа се непредвидливи и многу тешки случаи и за жал немаме начин како тоа да го спречиме, посочи претседателот на Комисијата за заразни болести додавајќи дека можат да постојат некои благи симптоми но овој фулминантен тек не може да се предвиди, непредвидлив е и тешкорешлив, рече Петличковски, информирајќи и дека вирусните миокардити само околу еден процент завршуваат со смртен исход.

Македонија | пред 2 години

Грчец два дена без струја поради неконтролирана кражба на електрична енергија

Жителите на Грчец живеат два дена без струја.Дел од нив кои излегоа на протест пред подружницата на ЕВН во Ѓорче Петров,се пожалија дека и во претходните денови имале прекини во електричната енергија, но веќе два двена немаат вопшто.Велат дека ЕВН ги казнува и оние кои плаќаат електрична енергија, поради неплаќачите.Од ЕВН објаснуваат дека во селото вчера околу 8 часот наутро настанал дефект кој е последица на кражбите на електрична енергија од страна на мештаните, односно неовластено и неконтролирано користење. Нивните екипи често се соочуваат со вербални и физички напади поради што во целост се нарушува работењето.„Невозможно е да се санираат дефекти се додека на вработените на терен им е спречен пристапот до самите енергетски објекти и немаат нормални услови за работа“, велат од ЕВН.Од тука додаваат дека трафостаниците се преоптоваруваат и оштетуваат, како и ост

Скопје | пред 2 години

(ФОТО) Ги изми четката за варосување и кофата во Охридско Езеро и предизвика револт

Револт предизвикаа фотографии на кои се гледа како маж со кофа во раката истура бела течност во Охридско Езеро беше споделена на социјалните мрежи. Објавувачот, Александар Донев, посочи дека лицето си ја измило и четката за варосување. Лицето е сликано блиску до Калишта, Струга.„Не знам ни зошто поставувам кога знам дека џабе е веќе се.. само не знам од каде е она дека стално некој друг ни е крив“, пишува објавувачот.Корисниците коментираат дека ова е голем срам за езеро кое е под заштита на УНЕСКО.

Македонија | пред 2 години

Колку поголема е помошта на “нашите меѓународни пријатели” – сè поголема е корупцијата во Македонија, вели Хајредини

Поранешниот министер Џевдет Хајредини повторно се огласи на социјалните мрежи во врска со корупцијата во Македонија.„Колку поголема е помошта на “нашите меѓународни пријатели” – сè поголема е корупцијата во Македонија“, вели тој.

Коментари | пред 2 години

Цркви на звучници, џамии на звучници - од кај изникна оваа турбо-фолк верзија на религиозност, вели Колозова

Професорката Катерина Колозова, реагира на тоа што верските објекти се озвучени, па литургиите и муслиманските молитви се слушаат преку звучници.- Цркви на звучници, џамии на звучници- од кај изникна оваа турбо-фолк верзија на религиозност? Вака не беше. Вака нигде не е. Никој никого нема право да го тероризира со сопствените уверувања, вклучително и религија. Ја не знам за дел од овој континент наречен Европа кајшто ваква наметливост се допушта- и за едните, и за другите. На километри се слушаат. Може ли и МПЦ и ИВЗ да не се тероризираат взаемно, своите верници, и останатите што не се никакви верници - напиша таа на својот фејсбук профил.

Коментари | пред 2 години

Ивановска не се согласува со Иницијативата за дивоградбите: Што ќе работат инспекторите тогаш?

Претседателката на Државната комисија за спречување на корупција, Билјана Ивановска, во емисијата „Утринска“ на Телма изјави дека изутринава имала состанок во Општина Центар, но дека има резерва кон иницијативата на градоначалникот Горан Герасимовски да се превземаат дивоградбите од локалните самоуправи, наместо да се рушат.- Имате изјава дека дивоградбите ќе се конфискуваат. Тие како прво, се диво направени. Инспекторите требало на време да излезат. Тие сега да си стоеле, општината немала пари, рече Ивановска.Герасимовски, Иницијативата, нелегалните објекти наместо да се рушаат да се вратат во служба на граѓаните, ќе ја презентира пред ресорните министри за правда и транспорт и врски. Денеска ќе се сретне со министерот за правда Кренер Лога, а во понеделник ќе оствари средба со министерот за транспорт и врски Благој Бочварски. Министрите од градоначалникот Герасимовски ќе се запознаат со причините и потребите Иницијативата да се имплементира во законски решенија и да важи за сите општини во државата.Целта на Иницијативата е да најде и произведе решение и можност безправно изградените објекти, наместо да се рушат како што налагаат досегашните законски норми, истите да се пренаменат во функција на општината.

Македонија | пред 2 години

Нема фотографија

Коридорите 8 и 10 Д ги чека експропријација на повеќе од 50 отсто приватно земјиште, вели Левица

Предлог-законот за изменување и дополнување на Законот за експропријација е само еден од пакетот закони кои власта сака по секоја цена да ги донесе во понеделник на 112-та собраниска седница по скратена постапка. Овие предлог закони се поврзани со коридорите 8 и 10 Д и се во функција на незаконското работење на власта предводена од ДУИ, истакнуваат од Левицата.Додаваат дека со предлог-законот за изменување и дополнување на Законот за експропријација нема да се надминат проблемите со имотно-правните прашања поврзани со реализацијата на Коридор 8 и Коридор 10 Д, ниту ќе се олесни процесот на експропријација за да се овозможи поефикасна примена на Законот за експропријација за градби кои се од стратешки интерес.„Повеќе од 50 отсто од земјиштето е во приватна сопственост, а власта без да направи претходна студија ќе заглави со вештачења и судски процеси, со што ќе ги ПРОЛОНГИРА роковите и ќе ја зголеми цената на чинење на проектите.Непрофесионалното работење на власта доаѓа до израз и со проектите за изградба на овие делници, за кои на почетокот беа најавени 500 – 800 милиони евра, за да достигнат 1,3 милијарди евра, меѓутоа над договорениот износ кој сигурно нема да биде конечен, потребни се најмалку 300 милиони евра за експропријација и многу други скриени трошоци“, подвлекуват во соопштението.Имајќи предвид, како што велат, дека засега има само иницијален проект и допрва треба да се изработи основен проект и проект за изведба, дури тогаш, вклучувајќи ги и трошоците за експропријација, може да имаме приближна вредност на овие проекти. Буџетот, како што оценуваат дополнително ќе биде оптоварен ако проектите не се финализираат за 4,5 години, како што се случи и со многу други капитални инвестиции за кои народот плаќа огромни пенали, камати и провизии.„Овој предлог закон, како дел од пакетот закони со кои би се обезбедило низа привилегии за американско-турскиот конзорзиум „Бехтел и Енка”, e спротивен на јавниот интерес на Републиката и затоа Левица ќе биде против негово донесување“, се истакнува во реакцијата од Левицата.

Македонија | пред 2 години

Вељаноски им објасни на пратениците како можат да си ги намалат платите и покрај одлуката на Уставниот суд

Поранешниот претседател на законодавниот дом Трајко Вељаноски преку отворено писмо им се обрати на претседателот на Собранието Талат Џафери, координаторите на пратеничките групи на СДСМ, ВМРО-ДПМНЕ, ДУИ, Алијанса, Алтернатива, Беса, Левица и другите учесници на координативните средби.Вељаноски вели дека почувствувал потреба, како долгогодишен претседател на Собранието, да им укаже на неколку елементарни аспекти поврзани со одлуката на Уставниот суд од 21 март 2023 година, а во вррска со зголемувањето на платите на избраните и именувани функционери.-Имајќи го во предвид истакнатото, дозволете да ве потсетам дека првото замрзнување на платите на фукционерите беше направено во 2009 година (Службен весник бр.92/09) за време на моето претседавање со Собранието, со измена и дополнување на Законот за плата и други надоместоци на избраните и именувани лица. Имено, заради последиците од светската економска криза од тогаш имаше само минимално годишно покачување, и тоа 5% во 2012 година, 5% во 2013 година и 4% во 2014 година, и секогаш покачувањата беа во согласност со покачувањата на пензиите, односно на стандардот на граѓаните.Оттаму, сакам да ви порачам дека ако чекате Владата да ви достави текст на Закон, ќе се изначекате водејќи се според односот на Владата во однос на ветувањето дека ќе бидат намалени високите примања на функционерите од регулаторните тела.Наспроти тоа, наместо да молчите, свикајте ад-хок координација согласно член 24 став 2 од Законот за Собрание и донесете Заклучок да се изготви Закон за измена и дополнување на законот за плата и други надоместоци на избрани и именувани лица во Република Македонија, а службите во Собранието професионално ќе си ја извршат задачата и за неполн час ќе го изготват Законот. Ова законско решение потоа, по итна постапка можете да го донесете уште истиот ден на итна седница и тоа ќе стапи во сила уште веднаш.Овој предлог сфатете го како добронамерна идеја која има за цел да оневозможи да се прекрши гневот на граѓаните кон пратениците и кон Собранието како носител на закони бидејќи во минатото имало многу примери кога владата и министерствата ја префрлале одговорноста за некои непопуларни и погрешни потези кон пратениците и кон Собранието.Предлагам со Законот за измена и дополнување на законот за плата и други надоместоци на избрани и именувани лица во Република Македонија да предвидите бришење на членот 11 со кој се предвидува основицата за пресметка на плата да биде просечната месечна плата. Наместо тоа, предлагам да додадете нов член во Законот со кој ќе се утврди фиксен износ кој соодветствува на сегашните примања и на тој начин ќе се постапи по одлуката на Уставниот суд и нема да има двојство во нормирањето.На Уставниот суд, пак, му “честитам“ за експресното постапување по иницијатива за укинување на законските одредби од Законот за плата и други надоместоци на избрани и именувани лица во Република Македонија, секако свесен од минатото дека мотивот и нарачетелот на такво експресно постапување може лесно да се лоцира надвор од оваа институција, се вели во отвореното писмо на Вељаноски.

Македонија | пред 2 години

Со жестокиов притисок од страна на опозицијата, очекувам да одиме на избори во редовниот термин, вели Димоски

Адвокатот Војо Димоски на саркастичен начин ја критикува несфатливата неактивност на опозицијата.„Со жестокиов притисок од страна на опозицијата, очекувам да одиме на избори во редовниот термин. Најрано“, вели Димоски.

Коментари | пред 2 години

Бившата до Васко Ковачевски по најавената оставка поради децата: Ти одамна го напушти семејството, филмови рекламирај на друго место!

Ти одамна го напушти ова семејство, му порача на Ковачевски, неговата бивша сопруга и откри дека се разведени– Ковачевски ме информираше дека заради лични причини поднесува оставка од генерален директор во АД ЕСМ. Разговаравме уште минатата година, заради големите работни обврски сака да се посвети на семејството. Утрово усмено до мене достави оставка, ќе биде усвоена на следна седница на Влада. Од Влада ќе биде препорачано нов директор да биде избран Васко Стефанов, менаџер по техничка логистика, со големо искуство – изјави денес на прес-конференција премиерот Димитар Ковачевски, по повод најавеното заминување од функција на директорот на АД ЕСМ, Васко Ковачевски.Неговата изјава дека првин ќе искористи 20 дена од одморот кој му следувал, а потоа ќе се посветел на семејството и неговите две деца, кои имале потреба од него за дообразование, иден раст и развој, беше објавена денес во повеќе медиуми.Сепак, по ова следуваше и јавна реакција од Мери Ковачевска Димовска, која на социјалните мрежи тврди дека веќе му е поранешна сопруга и како тој одамна го напуштил семејството.„На кое семејство ќе му се посвети? На децата кои се возрасни и последните 15 години ги гледаше по два часа во неделата. Официјално разведен од 6-ти март 2023 година.Татко не можеш да се правиш на 27 и 21-годишна возраст, татко си цел живот! Твоите лажни филмови рекламирај ги на друго место, а не по сите портали. Ти одамна го напушти ова семејство – порача Димовска во нејзината јавна објава.По заминувањето од директорката функција, Ковачевски останувал во ЕСМ, но уште не се знаело каде ќе биде неговото место во компанијата.

Коментари | пред 2 години

Директорката на школото да се извини јавно затоа што лажеше дека тоа не е геј пропаганда, вели Тасевски.

Познатиот актер, Сашо Тасевски, за наставното ливче за првачиња во ОУ „Кирил и Методиј“ кое веќе неколку дена ја бранува јавноста во земјава, побара од директорката на училиштето, јавно да се извини, бидејќи таа потенцираше дека нема никаква геј пропаганда во училиштата.Дополнително, ги критикуваше и сите кои и дале поддршка на директорката, бидејќи, во јавноста беа објавени фотографии дека наставното ливче сепак потекнува од австралиски сајт за геј среќни семејства.„Ајде сега директорката на школото да се извини јавно што лажеше дека тоа не е педерска пропаганда што им беше давана на првачиња како работен лист. Наводно тоа на сликата бил татко со двајцата синови.Стварно директорке? Значи не се ашкаат меѓу себе, туку се татко и син?Газот им знае.А мајката каде е на сликите? Пошто прашањето беше за семејството во задачата. Или нема мајки во новите семејства што ги замислувате?Па шупацине вистиномери кои сушат лажат, зашто се исто пропагандистички лајна на власта, застанаа зад неа.И тие да се извинат.Дали некој ќе побара одговорност од директорката за ширење педерска пропаганда меѓу првачиња?И вистиномериве да одговараат кривично што ја штитат.Има обвинител кој ова оро ќе го почне?Немам ништо против хомосексуалците, но и тоа како имам против оние меѓу нив кои земаат пари да шират первертирана сексуална пропаганда меѓу малолетници и деца. Толку.Доста више трпиме тортура од овие чувари и бранители на разни ЕУ растроени невредности и пореметени сексуални идеологии“, вели Тасевски.

Коментари | пред 2 години

На Мијалков му застаре уште едно дело

На поранешниот шеф на тајната полиција Сашо Мијалков денеска му застаре уште дело, откако Апелационен суд во понеделникот ја одложи седницата за „Титаник 2“ за 13 април.Делото на ексдиректорот на УБК, Сашо Мијалков, му застарува на 7 април. Ова значи дека нему нема да му се суди за изборните нерегуларности.Случајот „Титаник 2“ за изборните нерегуларности двапати влезе во судница во Кривичниот суд и вторпат е во Апелација. Мијалков се гонеше за примање награда за противзаконито влијание.Предметот го судат претседателот на Советот, Ѓоко Ристов, како и судиите Тања Милева, Лидија Зимбовска, Зоран Димитриевски.Првата пресуда за „Титаник 2“ беше укината од Апелација во декември 2019 година. Од тогаш до јануари 2023 година предметот се судеше во Кривичниот суд. Судиите Огнен Ставрев и Осман Шабани одново ги прогласија обвинетите за виновни. На повтореното судење ексдиректорот на УБК, Сашо Мијалков, е осуден на казна затвор од две години. Лидерот на ДПА, Мендух Тачи, исто така доби казна затвор од две години.Пред шест дена Апелација донесе пресуда и за „Плацови на Водно“, со која Сашо Мијалков беше ослободен од затвор и доби условна казна.

Македонија | пред 2 години

Ќе биде ли поставен споменикот на Ќосето во паркот во Горно Лисиче

Андон Лазов Јанев Ќосето бил човек на Гоце Делчев, дел од левото крило на организацијата, рекоа советниците на Левица на вчерашната седница на Советот во Општина Аеродром, на која се разгледуваше иницијативата за поставување на споменикот на Ќосето во паркот во Горно Лисиче. Иницијативата поднесена од Левица го доби потребниот број гласови во Советот, со поодршка од советниците на ВМРО-ДПМНЕ.Иницијативата не ја поддржаа советниците на СДСМ кои рекоа дека Левица и со ова покажува дека е слуга на ВМРО-ДПМНЕ. Левица возврати.-Вие сакате да го продадете Гоце Делчев на Бугарите. Вие имате ирационален страв, мислите тој споменик ќе оживее – им се обрати советникот на Левица, Горан Костовски, на советниците од СДСМ.Милутин Ристески од СДСМ рече дека е разочаран што Левица се претставува како левичарска партија.-Ќосето беше симбол на 11 годишен режим и испраќаше јасна порака со неговото ставање пред палатата на правдата, дека секој што ќе му се спротивстави на режимот на Груевски преку споменикот на Ќосето нека знае што го очекува – рече Ристески.Иницијативата беше изгласана со 22 гласа „за“ и шест гласа „против“. Следува нејзино поднесување до Собранието кое треба да го даде последниот збор.

Скопје | пред 2 години

Каде е ветената фабрика за електрични автомобили во Тетово, помина скоро една година, а до сега има само една празна нива, вели ВМРО-ДПМНЕ

Помина скоро една цела година по фрлената лопата на ДУИ и СДС, за божемна инвестиција за фабрика за производство на електрични автомобили, вели ВМРО-ДПМНЕ„Ковачевски и неговиот стопан Ахмети, треба да одговорат, каде е ветената фабрика за спас на Тетово, каде се ветените 890 работници и каде се ветените еколошки автомобили?Дали и колку ја чини Македонија овој скап пи ар, ако учеството во инвестицијата, државната помош била договорена на 45 милиони евра?Дали државата исплатила дел од 45 милиони евра кон фирмата блиска до ДУИ? Дали и ова ќе заврши само како метод за испумпување на пари, а инвестициите воопшто да ги снема?Криминалната коалиција на ДУИ и СДС, е одамна прочитана од страна на граѓаните, кои едвај чекаат на следните избори да го кажат својот збор“, се вели во соопштението

Македонија | пред 2 години

Вратени сме во 1992 година, вели Колозова за јавниот градски превоз

Професорката Катерина Колозова, остро реагираше на нередовноста на автобусите на ЈСП.Според неа, автобусите доцнат и онаму каде што не возеле приватните превозници.„Колку линии се укинати со укинувањето на приватните? Зошто ЈСП на линии кај имал свој (не приватен) автобус на секои пет минути сега нема ни на 30? Како да функционираат сите "примитивци" кои, ете, немаат ни кола ни знаат да возат точак? Овој град има право на вистински јавен транспорт, каков што имаше и добро функционираше. Не ми е јасно зошто никој не протестира дека сме вратени на ниво 1992, како во динамика така и на план на почитување распоред на автобуси“, вели Колозова.

Коментари | пред 2 години

Ајде да го земеме американскиот модел за исплата и во нашето здравство, Беќаровски со реакција за зголемувањето на платите на функционерите

Д-р Нико Беќаровски,во јавноста важи за човек кој секогаш искрено и јавно ги пишува своите ставови за разни општествени теми.Овој пат,тој повторно реагираше за повисоката плата на функционерите,кои сега земаа повисока плата за 16 илјади денари.„Бруто платите на американските конгресмени и сенатори се 174.000$ годишно.Просечната бруто плата исплатена на докторите специјалисти во САД е 234.000 $ годишно за специјалистите по јавно здравје до 554.000 за пластичните хирурзи.Од денес нето платата на македонските парламентарци без патни трошоци, без пресметан стаж, без дневници за патување итн е само 110.000 денари. Ајде да го земеме американскиот модел за исплата и во македонското здравство“, напиша тој на својот профил на Фејсбук.

Коментари | пред 2 години