ТОП

Какви ќе бидат најновите „марици“ во флотата на МВР?

Официјалните податоци достапни на веб страницата на Бирото за јавни набавки покажуваат дека МВР ќе купи 20 комбиња од марката „Рено“, објави ФакторСекоја од „мариците“ чини 35.500 евра без ДДВ. За сите 20 комбиња за приведување МВР ќе плати над 815.000 евра.„Мариците“ се произведени 2023 година, со дизел агрегат, ЕУРО 6, од 2.300 кубици кои произведуваат сила од 99 киловати. Возилата ќе бидат со шест брзини, ќе тежат до 3,5 тони. Новите интервентни возила ќе бидат опремени со системите: АБС, ЕСП и АСР, електронска блокада на диференцијал и систем за помош при возење на угорница.Мариците ќе бидат климатизирани, ќе имаат централно далечинско заклучување, серво волан, ЛЕД светла, две воздушни перничиња за возачот и совозачите на предна клупа, сензори за паркирање, борд компјутер, магленки и грејачи на ретровизорите кои се подесуваат електронски.Климатизација ќе има и за приведените лица, а во делот каде тие се сместени ќе има безбедносни камери, за штитени од можно кршење.Целиот текст можете да го прочитате тука

Македонија | пред 3 години

Уставните измени ќе започнат пред летото, смета Богоев

Уставни измени се важни за членството во ЕУ кое значи бројни придобивки за граѓаните и државата, потенцираше потпретседателот на СДСМ, Стефан Богоев во интервју за емисијата „Патот кон“ на Алсат М телевизија.-Членство во ЕУ значи повеќе пари во државата, повеќе инвестиции, повеќе работни места, поголем извоз на фирмите кои произведуваат тука а ќе можат да извезуваат. ЕУ значи подобри можности за образование на младите од Македонија, можност да одат да студираат таму а знаењето од ЕУ да се вратат и да го имплементираат тука, рече Богоев.Богоев потсети дека само во изминатите неколку месеци поддршката од ЕУ за земјава е над 200 милиони евра.-Само во изминатите неколку месеци поддршката од ЕУ е над 200 милиони евра. 100 милиони евра за справување со енергетската криза, околу 80 милиони евра за справување со економската криза, да може да ги избегнеме ценовните шокови, 53 милиони од тие пари се за проекти, ветерни паркови, хидроцентрали, регионални депонии кои ќе ја исчистат државата од отпад. Ете тоа значи ЕУ и затоа се важни уставните измени, рече Богоев.Двотретинско мнозинство е потреба на државата, затоа што имаме историска шанса да ја оствариме европската иднина, порача потпретседателот на СДСМ, повикувајќи ги сите пратеници и политички партии интересите на државата да ги стават на прво место.Одговарајќи на прашање кога би се очекувал почетокот на процедурата за носење на уставните измени, потпретседателот Богоев посочи дека според предвиденото тоа ќе се случи кон крајот на пролетта.-Со заокружување на процесот на реконструкција на Владата, очекувам да почнат разговори околу јавната широка дебата околу уставните амандмани, да се отвори дискусија и со пратениците и со стручната фела, да им се објасни на граѓаните, што значи тоа, да им се објасни дека тоа значи делови од народи, дел од Бугарите, Хрватите, Црногорците, Торбешите, да бидат застапени во Уставот. Да се дискутира со стручната фела како тие амандмани најдобро да изгледаат, но и да се објасни дека тоа може само да ја зајакне Македонија, не може да ја ослаби. Ако тоа се случи по завршување на реконструкција, тој процес на широка дебата би требало да заврши некаде кон крајот на пролетта и почетокот на летото, односно месец мај би бил месецот кога би започнала процедурата за уставните измени во Собранието, порача Богоев.

Македонија | пред 3 години

Нема фотографија

Левица: Национализацијата не е забранета од европската легислатива и повеќе не е табу тема

Во услови на криза, кога претпријатија од клучните сектори на индустријата не се во можност да ја обавуваат својата дејност на пазарот и да остварат задоволителен профит, национализирањето е решение што сè почесто се практикува во ЕУ. Спротивно од неолибералниот наратив дека национализацијата се коси со договорите на ЕУ кои ја поддржуваат пазарната либерализација, членот 345 од Договорот за функционирање на ЕУ јасно вели дека "договорите на никаков начин нема да ги нарушат правилата на земјите-членки кои го регулираат системот на сопственост.", вели Левица.„Последните 15 години покажаа дека во време на криза, држави како Германија и Шпанија се подготвени на национализација на банки, па под државна сопственост припаднаа 25% од Германската Комерцијална Банка (2009) и 45% од Шпанската Банкиа (2012). Кризата за време на пандемијата дополнително го поттикна бранот на државно учество во приватни фирми, па Германија доби сопственички удел во Луфтханза (2020) и ТУИ АГ (2021), Финска во Финаир (2021), Латвија во АирБалтик (2020) и Данска и Шведска во САС (2020).Проблемот со големите пекари и новонастанатата ситуација во која се одбива да се продава леб по регулирана цена, може и е во духот на ЕУ да се решува со делумна или целосна национализација. Доколку овој клучен сектор продолжи да не испорачува леб за граѓаните, Владата мора и ова решение да го разгледа и да не го третира како табу тема.Тврдењета на пекарската индустрија дека не се во можност да ги намалат своите цени е неиздржано. Оваа индустрија со месеци е привилигирана и плаќа субвенционирана струја. Дополнително, откупот на пченицата во 2021 се одвиваше по мизерна цена од 8,5 денари, а во 2022 Владата дозволи пекарите ефтино да откупуваат пченица од Србија. Високите цени се евидентно хир на бизнис олигархијата, која својот интерес го става над колективното добро.Моменталното регулирање на цената на лебот не е совршено решение поради својата класна агностичност - тоа не умее да разликува помеѓу средна класа (мали пекари) и висока класа (големи пекари). Но, регулирањето е чекор напред во насока на заштита на граѓаните и нивниот стандард. Затоа не треба да се потклекне пред уцените на пекарската индустрија, туку да се награди регулацијата и евентуално да се проблематизира сопственичката структура во овие претпријатија.Левица, во духот на својата автентична левичарска идеологија, цврсто застанува на страна на работниците и сиромашните кои се најсилно погодени од високите цени на лебот, а против големите пекари кои го оставија народот без леб“, се вели во соопштението.

Македонија | пред 3 години

(ВИДЕО) Прокисна покривот на Правниот факултет во Скопје

Прокисна покривот на Правниот факултет „Јустинијан Први“ во Скопје.На социјалните мрежи беше објавено видео од „Студентска револуција“ на кое се гледа дека поради дождовите вчера прокисна покривот на факултетот.

Скопје | пред 3 години

Уапсени тројцата скопјани кои со автомобил влечеа коњ среде улица

Вчера (02.03.2023) на улица Благоја Стефковски во Скопје од страна на полициски службеници од ЕВР Гази Баба лишени се од слобода С. С. (24), Р. С. (20) и А.С. (54) од Скопје поради основано сомнение за сторено кривично дело по чл. 233 од КЗ (мачење на животни) сторено на 01.03.2023 околу 13:00 часот на ул. Коце Металец во Скопје при што измачувале коњ.Известен е јавен обвинител и по документирање на случајот ќе биде поднесена кривична пријава.

Скопје | пред 3 години

„И сега што да пипкаат од сабајле пензионерите кога нема леб“, "Леб и сол" го промени името во "Јуфки и сол", коментари на граѓаните откако рафтовите останаа празни

Пекарите не испорачуваат леб согласно нивната одлука од понеделникот со која се договорија дека ако се замрзнат цените леб нема да произведуваат.Според нив, засега промена на одлуката нема.Во врска со оваа се пошегуваа твитерџиите кои велат дека можеби Вучиќ ќе ни прати леб.https://twitter.com/gorge_kocev/status/1631037716572917761?s=20https://twitter.com/Vujkoto_Vane/status/1631026187739754496?s=20https://twitter.com/Grdo_pajce/status/1631020761459699712?s=20https://twitter.com/petnaesetdotri/status/1631026259936395267?s=20https://twitter.com/Vesna221091663/status/1631037562201489411?s=20https://twitter.com/istoricarizsk1/status/1631036972671148032?s=20https://twitter.com/PrinceWhite1989/status/1631035762639511552?s=20https://twitter.com/NikolaFreeman/status/1631029825887514626?s=20https://twitter.com/botanicharot/status/1631027897208111105?s=20https://twitter.com/StoleNaLetka/status/1631026314277789697?s=20https://twitter.com/tesko_nas/status/1631017086284693506?s=20https://twitter.com/SmetaloLevo/status/1631016584910196752?s=20https://twitter.com/JasTheGreaTTT/status/1631008948911329295?s=20

Коментари | пред 3 години

Утринава нови дојави за бомби

Дојави за бомби утроово ги пречекаа учениците, уште пред да седнат во училишните клупи, објави Телма.Во Општина Карпош според информации од родители дојави има речиси во сите училишта.Закани за бомба утрово стигнале и во скопската гимназија Јосип Броз Тито. Средношколците дознале за дојавата уште додека се возеле во автобус накај училиштето.

Македонија | пред 3 години

(ВИДЕО) Со автомобил влечат коњ по улица во Скопје

Коњ бил влечен за возило во Скопје, објави Макфакс. Од снимката се гледа како животното паѓа откако автомобилот за кој е врзан вози брзо за да не направи гужва во сообраќајот. За момент, коњот паѓа, по што возилото застанува, а од него излегуваат тројца луѓе за да го кренат, по што продолжуваат да го влечат.Објавувачот посочува дека случајот е пријавен и во полиција.

Скопје | пред 3 години

За шест години просечната плата порасна над 50%, вели Николоски

Минатата година донесовме методологија за раст на минималната плата, па така во март лани од 15 илјади таа порасна на 18 илјада денари, а овој месец таа ќе изнесува над 20 илјади денари, рече заменикот министер за финансии Филип Николоски во гостувањето во ТВ21. Тој рече дека оваа одлука ќе опфати над 27 илјади административни службеници од јавниот сектор.-Сите тие ќе добијат покачување за оваа разлика од 18 илјади до 20175 денари и тие средства се предвидени во буџетот, рече Николоски.Што се однесува до висината на просечната плата, тој кажа дека според податоците од формулата за пресметка на просечна плата таа е покачена повеќе од 50 проценти за шест години. Николоски истакна дека од овој месец ќе растат и пензиите.-Минатата година направивме системски модел за раст на пензиите и во време на криза во два наврата се покачија пензиите за 10%. Сега во март ќе има раст од 7%. Кај сите 334 илјади пензионери со мартовската пензија ќе има пораст од 7%, рече Николоски, додавајќи дека за оние со помали пензии веќе била доделена финансиска помош со антикризните мерки.

Македонија | пред 3 години

(ФОТО) Гром удри во куќа во охридското село Ливоишта

Опожарена куќа во охридското село Ливоишта. Според првичните информации на Противпожарната бригада, пожарот бил предизвикан од гром.„Благодарност до членовите на ДПД Ентузијаст Охрид-Дебрца кои помогнаа во санирањето на штетите од овој пожар“, велат од Противпожарната бригада на Охрид.Засега не е познато дали има повредени лица и дали некој имало во куќата, во моментот кога избувнал пожарот.

Македонија | пред 3 години

ВМРО-ДПМНЕ да се консултира со „шпицниот-рекетар“ пред да пушта соопштенија за приватните превозници, вели Град Скопје

Пред да дадат било каков коментар во врска со приватните превозници, од ВМРО-ДПМНЕ би требало да го консултираат „шпицниот-рекетар“ да објасни дали знаел каде одат парите кои се исплаќани на „Слобода Превоз“ каде што директор е Ленин Јовановски и дали се користеле за приватни бизниси токму на личниот пријател на „шпицниот-рекетар“ наместо да се исплаќаат во целост на приватните превозници, велат од Град Скопје„Апелираме, ВМРО-ДПМНЕ да престане да се служи со лаги и со манипулации.Како што кажаа и превозниците на денешната прес-конференција, градот Скопје нема долг кон нив. Постојат тековни побарувања со ЈСП за кои е договорена нова динамика на исплата, како сите би имале сигурност дека овие пари завршуваат на вистинското место - директно кај превозниците, а не на приватни сметки на пријателот на „шпицниот-рекетар“.За разлика од ВМРО-ДПМНЕ, чии советници од петни жили го бранеа приватниот интерес на Ленин Јовановски и „шпицниот рекетар“, никогаш повеќе нема да дозволиме, пари на граѓаните на Скопје да се трошат за лични бизниси и богатење на поединци.Нема да дозволиме поединци да се богатат со народни пари врз грбот на чесните превозници“, се вели во соопштението.

Скопје | пред 3 години

Хајредини му го „плесна“ и на Ескобар: Знаат и вашите амбасадори, проблемот е што во Македонија корумпирани се и владата и обвинителите

Поранешниот министер за економија Џевдет Хајредини објави статус на социјалните мрежи преку кој го искритикува специјалниот пратеник на САД за Балканот Габриел Екосбар"...би ја охрабрил Владата на Македонија и владите на другите земји во регионот навистина да се посветат на борбата против корупцијата – рече Ескобар".хххГ.Ескобар, проблемот е што во Македонија и во другите земји во регионот корумпирани се и владите и обвинителите. Тоа го знаат и вашите амбасадори“, стои во објавата.

Коментари | пред 3 години

Боки 13 преку адвокатите јавно опомена: Ако продолжат уцените и заканите од центрите на моќ има и одговор

Правниот тим на Бојан Јовановски-Боки 13 побарал термни за поднесување кривични пријави и отпочнување на кривично-правната операција која ја нарекоа „Бумеранг“. Тие велат дека поради обемноста на материјалите кои Јовановски-Боки13 ги поседува, побарани се повеќе термини. Напоменуваат дека: „Квалитативната обработка на материјалот, доказите ќе се врши исклучиво во присуство на подносителот Бојан Јовановски и на неговите полномошници, адвокати“.„Поради чувствителноста , карактерот и сериозноста на отпочнатиот процес со кодно име "Бумеранг" апелираме до јавноста дека истиот ќе се врши транспарентно во име на високиот степен на јавниот интерес. Гласно укажуваме до центрите на моќ кои веројатно се директно засегнати од овој процес да не вршат притисоци, да не упатуваат директни и индиректни закани и да престанат со незаконски дејствија на уценувања и заплашувања со цел да го спречат и попречат започнатиот процес "Бумеранг", секако дека ваквите погоре опишани дејствија од центрите на моќ беа очекувани за нас, но недвојбено истакнуваме дека ништо од сето тоа нема да ја спречи реализацијата на кривично-правната операција "Бумеранг" и дека во одреден момент доколку продолжи трендот на притисоци, закани, уцени, засегнатите страни ќе добијат соодветен одговор за нивните незаконити дејствија кои интензивно и задкулисно се случуваат изминатите денови од кога е јавно објавено започнувањето на процесот“, посочува адвокатскиот тим на Јовановски-Боки 13.Тие се обратија и на меѓународниот фактор.„Го повикуваме и меѓународниот фактор во име на императивната заложба за владеење на правото и во име на фактот сто во изминатите години токму од меѓународната заедница се вложени големи финансиски средства во нашата држава и правосудните институции за подобрување и прогрес на правото и правната држава, да го следат со внимание отпочнатиот процес и во рамки на своите надлежности да дадат свој позитивен придонес кон реализација на процесот. Јавноста ќе биде информирана за првиот термин и за останатите усогласени термини за предавање на доказниот материјал и пријави во ОЈО за ГОКК Скопје“, додаде адвокатскиот тим на Јовановски-Боки 13.

Македонија | пред 3 години

Иванов: Бирајте, ЕУ или македонска крвава свадба!

Новинарот и екс функционер на СДСМ Зоран Иванов со понуда до граѓаните која води или до влез во ЕУ или до крвава иднина на Македонија.„И националистите почнаа да го цртаат македонскиот етно гоблен па сега бирајте:По патот на ЕУ или пак по сокакот на македонската крвава свадба!!”, пишува Иванов.https://twitter.com/ivanov_zoran/status/1629795247935877123?s=20

Коментари | пред 3 години

„Живо ви е кралството, колку и другарството“ - Комитите возвратија на провокацијата од Гробарите

На денешниот ракометен натпревар меѓу Партизан и Вардар во Белград навивачката група на Партизан, Гробари упати тешки националистички навреди кон македонскиот народ. На почетокот на средбата, Гробари извадија грчко знаме, за потоа преку транспарент да порачаат дека Македонците имале криза на идентитетот.„Група со српско име, бугарски војник слави, мора да е тешко со таа криза на идентитет во главата“, стоеше на транспарентот на Гробари.Во еден момент се скандираше и „Стара Србија, никогаш Македонија“.Медиуми јавуваат и дека Комити на мечот во салата „Бањица“ влегле дури во 55 минута, а успеале да возвратат и на навредите од Гробари.Повеќе од три часа вардаровите навивачи не биле пуштани да влезат во Србија на граничниот премин „Табановце“ и тоа од српската полиција, без никакво образложение.Откако им бил дозволен влез, со полициска придружба се упатиле накај Белград, но тоа одело толку бавно што веќе на сите им станало јасно дека нема да стигнат на почетокот на средбата. Но, се случи најлошо сценарио за нив – им беше дозволен влез на пет минути пред крајот, кога веќе прашањето на победникот беше решено. Кога се појавија во салата, настана толкава еуфорија, што на преносот се забележа како сите домашни фанови скандираат „Стара Србија, никогаш Македонија“, а се пееше и грчка навивачка песна, пишува Радио Лидер.Комити на сите провокации возвратија со „Живо ви е кралството – колку и другарството“.

Македонија | пред 3 години

(ВИДЕО) Страшна сообраќајка во Бутел

Скопјанец е пренесен во Градската болница со повреди од тешка сообраќајна несреќа што се случи вчера вечерта на улицата Христијан Тодоровски Карпош во Бутел, на семафорите кај џамијата, објави вечерва Макфакс.Додека тој со својот автомобил стоел на црвено светло, зад него се појавило возило кое залетано со голема брзина удрило и целосно го згмечило задниот дел, а автомобилот се извртел за 360 степени.Очевидци за „Макфакс“ раскажаа дека возачот кој ја предизвикал сообраќајната несреќа возел со неверојатна брзина.„Возеше можеби 200 километри на час“, раскажа за „Макфакс“ жена која ја посведочи несреќата.Возачот не успевал да го совлада забрзаното возило по ударот.  На крајот удрил во куп песок, дијагонално од местото на несреќата кое е целото покриено со стакла.МВР го обезбедува местото. Се чека увидна екипа.

Скопје | пред 3 години

Огнените не го оставаат Груби на раат

Поддржувачи ја пречекаа делегацијата на високи функционери на „огнената група“ од ДУИ, во состав потпретседателот Изет Меџити, организациониот секретар Блерим Беџети, секретарот за родова еднаквост Саранда Имери, претседателот на Надзорниот совет Муса Џафери, членот на Претседателството Невзат Бејта, пратениците Кастриот Реџепи и Мерита Коџаџику, градоначалникот на општина Чаир Висар Ганиу.„Среде овации и барања за итна оставка на Артан Груби на несподобните министри што тој ги предводи, чаирчани се информираа за барањата за враќање на ДУИ во својата генеза, до народот и подалеку од политики за лични интереси на штета на ДУИ и албанскиот народ“, стои во соопштението на „огнената група“.Градоначалникот на општина Чаир, Висар Ганиу, рече дека сите пораснале и созреале во духот на ДУИ, а Чаир е бастионот на ДУИ веќе 20 години.„Бевме во ДУИ со позиции и без позиции, а тие што се на позиции денес, го заборавија својот дом, својот народ и го оставија Чаир на цедило“, рече Ганиу.Саранда Имери Стафаи, секретар за родова рамноправност, рече дека нема посилен показател за нашиот правилен пат, од големото присуство, кое се спротивставува на Артан Груби, кој направи фронт со противниците на ДУИ за да си ја спаси фотелјата.Пратеникот Кастриот Реџепи рече дека формирањето на владата синоќа било еден обичен циркус, па додаде: „збореа за Европа, а се виде дека се работи за интересите на Артан Груби“.Претседателката на Форумот на жени на ДУИ, Мукадес Хајдари, рече дека како жена од Чаир бара меритократија.„Гордо, работев како член на ДУИ, гордо работевме за унапредување на Албанките и ДУИ, но не за лични интереси и кариери на поединци“, рече Хајдари.Членот на Претседателството на ДУИ, Невзат Бејта рече дека и доброто и злото на ДУИ доаѓа од Скопје.Пратеничката на ДУИ Мерита Коџаџику рече дека како пратеник и жена има обврска да придонесе на секое поле на дејствување.Претседателот на Надзорниот совет на ДУИ, Муса Џафери рече: „'ние сме мнозинството на ДУИ овде и по структура и процент, Скопје како главен град е мобилизирано да го заштити 20-годишниот труд вложен во ДУИ, а овие вредности никој не може да ги земе“.Организацискиот секретар и градоначалник на општина Сарај Блерим Беџети рече дека отсекогаш биле резервирани кон министрите и Артан Груби, но сега сите се убедени дека за лични интереси можат да го задушат дијалогот и да соработуваат со најголеми противници само за индивидуални интереси.

Македонија | пред 3 години

Странски вооружени сили влегуваат во државата

Владата ја разгледа и ја усвои Информацијата за влегување и престој на странски вооружени сили на територијата на нашата држава заради изведување на „обука во блиска воздушна поддршка со воздухоплов (Хеликоптер UH-60) на вооружените сили на Соединетите Американски Држави од мисијата „КФОР“ – Косово и донесе Одлука за влегување и престој на странски вооружени сили на територијата на Република Северна Македонија, заради учество на обука во блиска воздушна поддршка со воздухоплови на вооружените сили на Соединетите Американски Држави на Армискиот полигон „Криволак“.Донесена е и Одлука за испраќање припадници на Армијата на Република Северна Македонија за учество на вежбата „CMX 23 (Crisis Management Exercise)“ во Кралството Белгија.

Македонија | пред 3 години

Цената на лебот ќе биде 33 денари до крајот на мај

Одлуката за замрзнување на цената на лебот на 33 денари, ќе се применува до 31 мај годинава, соопшти Владата.За замрзнувањето на цената претходно информираше премиерот Димитар Ковачевски, кој истакна дека одлуките ги носат за да не дозволат едни да плаќаат, други да се богатат оти и покрај субвенцијата за струја, само некои ги намалиле цените.„Неоправдано покачување на цените нема да дозволам. Помина доволно време за да се усогласат цените. По извршените проверки од Државниот пазарен инспекторат, иако производителите добиваа субвенција за електрична енергија, цените на производите не ги намалија или ги намалија незначително. Ова се однесува на дел од производителите на основни прехранбени продукти, дел намалија од 7 до 12 проценти. Затоа денес ја укинавме оваа мерка. Ќе се снабдуваат со струја во согласност со Законот за енергетиката. Ја замрзнавме цената на белиот и на полубелиот леб, сечен и на парчиња или цел, на 33 денари за леб со тежина од 450 грама. Цената на лебот под 450 грама ќе биде до 33 денари. Антикризните мерки не ги донесовме за едни да бидат поповластени од други, едни да плаќаат, други да се богатат и да удрат по џебот на граѓаните за бенефит на поединци“, рече премиерот Ковачевски.Крајната цел на субвенцијата, како што нагласи Ковачевски, била да се овозможи пониска цена на производите за граѓаните, па од тука мерката се укинува.Пекарниците вчера се заканија дека ќе престанат да произведуваат леб и да го носат на пазарот ден по објавувањето на одлуката за замрзнување на цената на лебот во „Службен весник“. Пекарско-мелничарската индустрија смета дека замрзнувањето на цената на 33 денари неминовно води кон затворање на компаниите оти сите веќе бележат загуби или се на нула.

Македонија | пред 3 години

Хајредини со две прашања до Агелер: Дали и натаму важи Вашата оценка дека земјата се наоѓа во вистинска катастрофа?

Поранешниот министер за финансии, Џевдет Хајредини и постави прашања на амбасадорката на САД, Анџела Агелер.„Две прашања за амбасадорката на САД, Анџела Агелер:1.Дали и кога ќе знаеме за наодите на Тимот за санкции од Вашингтон кој, на покана на Бујар Османи, неколку дена престојуваше во Македонија?2.Дали и натаму важи Вашата оценка дека земјата според криминалот и корупцијата се наоѓа во вистинска катастрофа?“, вели Хајредини.

Коментари | пред 3 години

Адвокатот на напаѓачот: На случајот се дава политички акцент

Адвокатот Димитрија Цобоски кој го застапува Илија Спасески кој е обвинет дека поради национализам го натепал Христијан Пендиков кој се произнесува како Бугарин, тврди дека тоа не е точно. Тој посочува дека во овој случај прсти замешала политиката.„Како може да биде напад поради омраза кога неговиот татко спасуваше бугарски државјани во големата бродска несреќа? Тој е воспитан во дух секого да сака и најмалку да мрази било кого. Сега размислете дали може да биде омраза или на ова се дава еден политички акцент, призвук кој се исполитизира до страшни граници. Ова е чисто политичка работа“, кажа адвокатот Димитрија Цобоски.Адвокатот го коментираше и гостувањето на Пендиков во БТВ, за кое рече: „Неспорно е дека тој не знае кој го удрил од позади, тој не знае кој го шутирал, дека бил тепан 10 минути“.Прашан за што била тепачката, адвокатот на Илија Спасески рече: „Ќе видиме тоа треба да го докаже обвинителот. Ние имаме објаснување и во текот на постапката ќе го кажеме“.

Македонија | пред 3 години

ВМРО-ДПМНЕ најави нови докази за богатењето на фамилијата на Груби

Артан Груби е фатен жив за скандалот со купувањето на деловен простор на неговиот брат во центарот на Скопје по багателна цена, вели ВМРО-ДПМНЕ„Првиот вицепремиер Груби е испашен и нервозен бидејќи е фатен во чист криминал, па за тоа со сите сили врши притисоци во Јавното обвинителство за да не се отвори предмет за овој случај.Сепак институциите треба да се надминат и охрабрат и да истражат, како е возможно во строг центар на главниот град да се купи деловен простор од 127 метри квадратни за само 100 илјади евра. Или за 5 пати пoевтина цена од пазарната.Дали Груби добил повластена цена и која е причината за оваа повластица за првиот вицепремиер за деловниот простор кој го купил неговиот брат.Исто така остана нејасно, а институциите мора да дадат одговор дали плаќањето било во кеш за да се избегне потеклото на пари или пак за некое друго ветување за стекнување на друга корист.Очајничките обиди на Артан Груби за дефокус кои преку неговите интернет портали ги користи, не поминуваат. Јавна тајна е дека Груби има свои портали, кои претходно биле на негово име, за пресметка со неговите неистомисленици и политички противници.Седиштето и центарот за координација на овие артанови портали е токму во министерството за политички систем и односи меѓу заедниците.Иако институциите со денови молчат за овој скандал, ВМРО-ДПМНЕ ќе продолжи во објавувањето на докази за енормното богатењето на фамилијата на првиот вицепремиер Артан Груби.Во текот на денешниот ден ќе објавиме нови сомнeжи, но и дoкази за тоа како преведувачот од амбасада и неговото семејство станаа едно од најбогатите фамилии во државата“, се вели во соопштението.

Македонија | пред 3 години

Започнува судењето за нападот на Пендиков

Во основниот суд во Охрид, за денеска е закажано прво рочиште за нападот Прндиков, секретарот на бугарскиот клуб во Охрид.За нападот има неколку лица обвинети, тие денеска за прв пат ќе треба да седнат на обвинителна клупа.Вчера во судот во Охрид поради дојава за бомба истиот беше евакуиран, а по проверките беше констатирано дека станува збор за лажен сигнал.

Македонија | пред 3 години

Избрани новите министри во Владата

Вчера Собранието во доцните ноќни часови, по две недели расправа, ги избра четворицата нови министри во Владата – Кренар Лога за правда, Фатмир Меџити за здравство, Азир Алиу за информатичко општество и администрација, како и Каја Шукова за животна средина и просторно планирање.Лога, Меџити и Алиу се од редовите на Алијанса за Албанците, додека Шукова е предложена од СДСМ. Лога доаѓа на местото на Никола Тупанчески, ресор со кој досега раководеше СДСМ, Меџити на местото на Беким Сали од Алтернатива, а Алиу на местото на Адмирим Алити, исто така од Алтернатива. Шукова, пак, ќе го замени Насер Нуредини од ДУИ.По дебатата која главно се сведе на партиски препукувања меѓу владејачкото мнозинство и опозицијата и две попладневни паузи, за Лога гласаа 65 пратеници, за Меџити 64, за Алиу 65 и за Шукова 65. За ниту еден од министрите немаше глас против, ниту воздржан.Министрите по гласањето дадоа свечена изјава.

Македонија | пред 3 години

Клиника Жан Митрев: Еден ден пред да отпочне судскиот процес донесено е решение да престанеме да работиме!

Клиниката Жан Митрев сака да ја информира јавноста дека на еден ден пред да отпочне судскиот процес, од страна на Кривичниот суд е донесено решение за определување на предлог мерки кои предвидуваат целосно блокирање на сметките на болницата.„Укажуваме дека со донесените мерки целосно се блокира работењето на болницата Жан Митрев, која е здравствена организација од јавен интерес.Клиниката Жан Митрев од денеска не е во можност да ги отплаќа обврските кон банките.Сакаме да ја информираме јавноста дека ќе направиме се што е во нашите можности и лекувањето на ниту еден пациент нема да биде доведено во прашање иако, постапките на Кривичниот суд, а на барање на обвинителството одат во поинаква насока односно бараат наше затворање.Се што баравме е фер судење во однос на лагите и невистините пласирани против нашата Клиника, а добивме „пресуда“ пред отпочнување на судскиот процес.Токму поради овој развој на настаните кој го очекувавме после седум месечната синхронизирано организирана хајка баравме од јавноста, како и од претставниците на меѓународната заедница во Македонија да се заинтересираат и да го следат судскиот процес.Очигледно дека нашите апели беа залудни бидејќи токму пред отпочнувањето на судскиот процесот сме сведоци на брутална блокада со нејасна позадина на Клиниката Жан Митрев.Образложението на Кривичниот суд дека се блокираат сметки на правни лица кои не се од интерес на клиниката е целосно неосновано. „ПЗУ Жан Митрев Струмица“ и „Битола“, не можат сами да ги покријат инвестициите и тие ги покрива матичната клиника во Скопје. Другиот правен субјект „Фила Фарм“ работи со позајмица за да може да ги исплаќа побарувањата на правниот субјект „ЛАБС“, кој е исто основан и поврзан со клиниката „Жан Митрев.“ Друштвата кои се наведени се формирани и се финансираат согласно законската регулатива во државата и истите се тесно поврзани со функционирањето на клиниката. Тие вработуваат голем број луѓе и истите се двојно пораснати во капитал.Потенцираме дека ваквото решение на Кривичниот суд е во спротивност со начелата на презумпција на невиност и создава неиздржлив притисок врз Клиниката Жан Митрев“, стои во соопштението од болницата..

Македонија | пред 3 години