ТОП

(ВИДЕО) Наместо европска, имаме арамиска влада, вели Апасиев

Претседателот на Левица - проф. Димитар Апасиев со вечерен говор во Собранието на РМ (по повод владината реконструкција):„Од експозето на октроираниот премиер Ковачевски може да се издвои само една вистина, а тоа е дека опозицијата ја предводи Левица, додека јавноста пробува да ја убеди дека новите 64 пратеници во владејачкото мнозинство се подобри од претходните 64!?Вие сте анти-работничка, анти-европска и анти-македонска Влада!Во ваше време класната раслоеност доаѓа до невидени размери, бидејќи дејствувате со десничарска неолиберална економска политика. Спротивно на мантрата за "европеизмот", вашата социјалдемократска влада нѐ изолираше од практиката на европските држави за прогресивен данок.Наместо европска, ние со вас имаме арамиска влада, во која се сконцентрирани богаташите и милионерите кои меѓусебно си ги штитат интересите и поради чија корупција и непотизам младите ја напуштаат државата.Но, за среќа, вашите денови во политиката се одбројани“, вели Апасиев.

Македонија | пред 3 години

(ВОЗНЕМИРУВАЧКО ФОТО) Среде Карпош со огнено оружје убиенo маалско куче

Активистката за заштита на животните Тина Мицковска објави тажна, но истовремено и шокантна вест и вознемирувачко фото!Мирното куче Тоби е убиено од огнено оружје среде Карпош.-Маалскиот миленик Тоби од Млечен, мирно куче кое сите таму го чуваа и хранеа, денеска за жал го пронајдоа УБИЕН И ПУКАН со ПУШКА спроти Сидро. Некој монструм се дрзнал насред Карпош да пука со пушка во најмирно куче НАСРЕД БЕЛ ДЕН, помеѓу 8:30 и 09:00 утрово. До кога ќе се дозволува вакви психопати да шетаат слободно? Пред некое време во близина беше пукано и во нашиот маалски миленик Џамбо и ништо чудно да се работи за истата будала што може утре да пука и во човек. Доколку некој има некакви информации, ве молам споделете да помогнеме на МВР побрзо да се пронајде, порача Мицковска.Извини Тоби што живееше во суров свет, трчкај слободно сега горе, порача во својата објава Тина.

Скопје | пред 3 години

Упати и барање: Ковачевски им отвора врати на пратениците од сите партии во Владата

Премиерот Димитар Ковачевски побара ефикасна дискусија за разрешувањето на замениците-министри во Собранието. Тој посочи дека треба да се гради општество кое е интегрирано во ЕУ. Додаде и: „Додека сум премиер, вратата во Владата ќе остане отворена за секој пратеник“.„Барам конструктивна и ефикасна дискусија за разрешување на замениците-министри“, посочи Ковачевски.За дискусија за разрешување на замениците министри, еден од ДУИ и останатите од Алтернатива, ќе продолжи утре. Собранискиот спикер Талат Џафери најави дека се работи по 18 часот, како и денеска.„Ќе работиме утре подолго. Ќе работиме од 14 часот. И задутре исто така. Тука прекинуваме со работа“, кажа Џафери.Претходно, Собранието со по 65 гласови „за“, ниту еден против и воздржан, ги изгласа новите министри кои доаѓаат од редот на Алијансата на Албанците, но и министерката од СДСМ која презема еден ресор.

Македонија | пред 3 години

„Ставот за Асоцијација на албански Општини е мој личен, не на партијата“, вели Ибрахими

Ставот за Асоцијација на албански општини е мој личен, не на партијата, вели генералниот секретар на Алтернатива Зеќирија Ибрахими, за ТВ21.„За поддршката на Претседателот на партијата за ова прашање ќе треба да го прашате него лично. Ставот за Асоцијација на албански Општини е мој личен, не на органите на партијата. Меѓутоа, јас сум генерален секретар на Алтернатива и не сум само поединец во партија. Но, за да бидеме прецизни, немало некој состанок во партија за овој став, кој е само мој политички став, потикнат од моите политички и интелектуални yбедувања.“, рече Ибрахими.

Македонија | пред 3 години

Игор Југ: Гледам свесни сте што ви прават, гледам кукате на ФБ, само не гледам дека нешто преземате во врска со тоа!

Игор Југ, еден од осудените за нападите во Собранието на 27 април, објави статус на социјалните мрежи,Статусот ви го пренесуваме во целост„Гледам свесни сте што ви прават!Гледам кукате за тоа на фб!Само не гледам да превземете нешто во врска со тоаЕпа кукајте си тогаш, ама потивко...“, вели тој.

Коментари | пред 3 години

(ВИДЕО) Силно невреме со град и грмотевици во Струмица, улиците поплавени

Големо невреме проследено со град и грмотевици ја зафати Струмица и струмичкиот регион вечерва пред 20:00 часот.Порталот Струмица Денес објави фотофрафии и видео на кои може да се забележат поплавени улици во градот.Пишува дека струмичани вакво невреме не виделе со години.

Македонија | пред 3 години

(ВИДЕО) Маричиќ: Секаде каде има омаловажување на нашиот народ обвинителство да си ја сработи работата, Пендиков не треба да биде исклучок

Вицепремиерот за европски прашања Бојан Маричиќ вели дека охриѓанецот Христијан Пендиков може кривично да одговара за тврдењата за малтретирање на Бугари во земјава. Пендиков во интервју дадено за бугарска телевизија обвини дека во Македонија убиваат, тепаат, стрелаат Бугари и дека полицијата на презема мерки.Маричиќ смета дека Пендиков не го нападнале во Охрид затоа што се чувствува како Бугарин.„Такво тврдење треба да се докаже. Тоа не е точно, според мене, дека е напаѓан затоа што е Бугарин. Ние одговоривме, секако дека не оправдуваме насилство кон никого", изјави Маричиќ за во интервју за Макфакс.Тој кажа дека момчето ќе сноси одговорност за навредите кон државата.„Би го повикал Обвинителството, исто како што сме го повикале и во најновите случаи сега, секаде каде што има говор на омраза, омаловажување на нашиот народ и на достоинството, да си ја сработи својата работа. Пендиков не треба да биде исклучок", рече Маричиќ. ?t=3128

Македонија | пред 3 години

Апасиев до Бугарите: Простете, браќа, за флашката

По повод празникот Прочка, кој го славевме вчера, лидерот на Левица и пратеник, Димитар Апасиев на социјалните мрежи упати порака до Бугарите.Тој бара да му простат за УСБ-то кое го зема лани од бугарски граѓани во Благоевград, на отварањето на македонскиот клуб „Никола Вапцаров“.„Простете, браќа, за флашката“, пишува Апасиев.Во прв момент, кога настана мешаница во Благоевград, беше нејасно за што станува збор и што е тоа што двајца бугарски граѓани бараат да им врати Апасиев.Потоа, Апасиев објави дека станува збор за УСБ кое го зел таму и на кое имало како што рече фашистички песни.

Коментари | пред 3 години

Матичното у Ѓорче, ѓоа штала, треба ли вработените да почнат да мукаат и млеко да даваат за зграда да им направит, вели Тасевски

Матичното у Ѓорче, ѓоа штала, вели актерот Сашо Тасевски во својата објава на социјалните мрежи.„Другар ми Децко од Ју Ес Еј, у шок паднал ко го пратиле овде да вади извод. И јас исто ко ми ја покажа сликава што он ја сликал.За 30 години самостојност не успеавте едно зградиче да направите?Џе су паре?Срамота бе, Децко Американецот помислил таксистот згрешил и го донел пред сточара. После зошто не се враќаат назад тие шо ќе заминат. Зошто да се вратат? За да чекаат ред за факинг извод пред нешто што личи на штала?Треба ли вработените во матичното да почнат да мукаат и млеко да даваат за зграда да им направите?“, се вели во објавата.

Коментари | пред 3 години

Ванковска за иницијативата за Заедница на албански општини: Ништо не е случајно, одиме кон федерализација

Професорката Билјана Ванковска се огласи на социјалните мрежи во врска со иницијативата за Заедница на албански општини.„Не знаеш кога се полоши: во влада или во опозиција?Иницијатива по излезот од Влада – „Алтернатива“ бара формирање на Заедница на албански општини во Македонија, како реципроцитет на она што меѓународната заедница го бара од Косово, да формира Заедница српски општини.Но, проблемот не е во Алтернатива, бидејќи Алијанса на Села тоа го бараше уште пред нејколку години, а Изет Меџити и сега јавно го бара тоа („ако 3 отсто Срби може да го добијат тоа на Косово, зошто 30 отсто Албанци да го немаат во Македонија“).И ништо не е случајно – консоцијацијата води кон федерализација. Тоа го напишав пред 15 години во колумна „Македонија е федерација, ама нема кој да ѝ каже““, вели Ванковска.

Коментари | пред 3 години

Откриена причината за големата трагедија во Илинден

Снимање на Тик-Ток видео била причината зошто 14-годишното девојче се качило на железничкиот вагон до кој стоела цистерна во синоќешната трагична несреќа во Општина Илинден.Портпаролот на МВР, Тони Ангеловски, за Телма потврди дека се работи за смрт од струен удар, а дека на местото биле присутни три другарки, тинејџерки, кои дошле околу 21 часот. Девојчето починало на самото место. Интервенцијата на пожарникарите траела до 21 часот и 45 минути, а потоа симнатото тело било дадено на обдукција.-Сите мора да внимаваме на нашите деца, особено на малолетниците каде се движат и што прават затоа што за жал ова не е прв случај и за да ги заштитиме нашите деца мора да преземеме соодветни мерки за да се укаже дека не смее да се движат во тие делови и особено да се качуваат на вагоните затоа што се многу опасни и може да настане последица од струен удар, изјави Ангеловски.Слична трагедија со Тик-Ток видео се случи пред неколку месеци во скопско Маџари, кога 17-годишна девојка на идентичен начин доби тешки изгореници по телото.

Скопје | пред 3 години

Најчевска до Меџити: Ти сакаш да замениш цела граѓанска држава за феуд од неколку општини, до таму ти е акалот?

Неформалниот лидер на „огнената група“ и потпретседател на ДУИ, Изет Меџити брзо реагираше на повикот на Аптернатива за обединување околу идејата за создавање на заедница на албански општини во Македонија, по примерот на Заедницата на српски општини во Косово. Меџити вели дека тоа е во духот на децентрализација на локалната самоуправа. Но, како што вели, ако можат Србите да добијат заедница со 4 процентна застапеност на Косово, зошто не би можеле Албанците во Македонија со застапеност од, според него, 30 проценти.Во врска со ова се огласи професорката Мирјана Најчевска која вели дека наместо од се ослободиме од етничките поделби, се повеќе заглавуваме во нив.„Наместо да се ослободуваме од етно делењето ние се повеќе заглавуваме во него.Ако Огнените требаа да го претставуваат напредниот дел од ДУИ тогаш нешто многу помешале што е напред а што назад.Очигледно етничките Албанци во Македонија единствено нешто што можат да понудат на политичката сцена е етно-национализам.Немаат ни знаење, ни интелектуален капацитет ни политичка визија за ништо друго.До таму стигнале. Некаде на почетокот на 18 век.Меџити, ти сакаш да замениш цела граѓанска држава за феуд од неколку општини?До таму ти е акалот?Навистина се помалку мислам дека Македонија има шанси да стане демократска држава.На една страна ВМРО кецарошко и СДСМ корумпирана.На друга страна албанските партии од кои едни се чиста мафија а другите немаат појма што е граѓанско општетсво.А во средина граѓаните кои само гледаат да побегнат од вукојебината.Не сотревте“, вели Најчевска.

Коментари | пред 3 години

МВР со детали за вчерашната трагедија во скопски Илинден

На 25.02.2023 во 21.05 часот во СВР Скопје било пријавено дека во населбата Илинден на железничка станица-складиште има почината малолетничка.По извршениот увид од страна на полициски службеници и јавен обвинител утврдено е дека малолетничка која таму била уште со двајца малолетници, се качила на кровот на цистерната која се наоѓала на железничката пруга, при што настанал струен удар.На местото на настанот починала малолетничката, а смрт била констатирана од страна на лекар од Итната медицинска помош.Извршен бил увид од увидна екипа од СВР Скопје, а по наредба на Јавен обвинител телото на починатата малолетничка било предадено во Институтот за судска медицина за обдукција.

Скопје | пред 3 години

Жалам за страшната трагедија, сочувство за семејството на починатото девојче, вели градоначалникот на Илинден

Градоначалникот на Општина Илинден, Александар Георгиевски за ТВ 24 даде изјава во врска со вчерашната трагедија во која животот го загуби едно дете.– Вечерва во Илинден се случи страшна трагедија каде едно малолетно лице го загуби животот. Според информациите што ги добив од МВР и ПП бригада, до трагедијата дошло откако група малолетници самоиницијативно, најверојатно од забава и несвесно се качувале на паркиран вагон во близина на ЖСТ Илинден и при тоа дошло до струен удар од високиот напон каде на лице место животот го загуби малолетно девојче.Во моментов таму увид врши јавен обвинител и другите надлежни органи. Во овој момент можам само да изразам жалење за целиот настан и воедно да изразам длабоко сочуство до семејството на настраданото дете”, рече градоначалникот.

Скопје | пред 3 години

(ВИДЕО) Нова гатанка за Артан Груби

Портпаролот на ВМРО-ДПМНЕ, Наум Стоилковски денеска продолжи со прозивање на вицепремиерот Артан Груби со нова гатанка.Денеска Стоилковски кажуваше гатанка пред зградата на Министерството за политички систем и односи меѓу заедниците.„Апашлукот му го вардат Владата и солар-аргат.Провизии на лист шпартан, пресметува везден_ _ _ _ _ _ _ _ _ _ “, гласи гатанката на Стоилковски.

Македонија | пред 3 години

Димоски за изјавата на Габер Дамјановска: Зачудува како изметот секогаш испливува на површина

Адвокатот Војо Димоски на свој начин ја коментира изјавата на директорката на Академијата Габер Дамјановска која изрази зачуденост поради жигосувањето поради нечија семејна припадност:„Зачудува како изметот секогаш испливува на површината, ама познавачите на физиката знаат дека тоа е поради неговата помала специфична тежина!“, коментира Димоски.

Коментари | пред 3 години

19-години од смртта на претседателот Борис Трајковски

Со државнички активности, Владата на Република Северна Македонија на 26.02.2023 година (недела) ја одбележува 19-годишнината од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот.„На овогодинешното одбележување во Струмица, со почеток во 10:00 часот на споменикот на поранешниот претседател на Република Северна Македонија, Борис Трајковски, ќе присуствуваат и ќе положат свежо цвеќе делегацијата од Владата на Република Северна Македонија, предводена од Јованка Тренчевска- министерка за труд и социјална политика, заедно со Борче Хаџиев - директор на Бирото за јавни набавки.Во Бутел, Скопје, со почеток во 11:30 часот, на гробот на поранешниот претседател на Република Северна Македонија Борис Трајковски, ќе присуствуваат и ќе положат свежо цвеќе сопругата на поранешниот претседател на Република Северна Македонија, Борис Трајковски, Вилма Трајковска, делегација на кабинетот на Претседателот на Република Северна Македонија предводена од Стево Пендаровски, Претседател на Република Северна Македонија, делегација на Собранието на Република Северна Македонија, предводена од Горан Мисовски, потпретседател на Собранието, делегација на Владата на Република Северна Македонија составена од Славица Грковска, заменик претседател на Владата, Ристо Пенов, министер за локална самоуправа, Беким Реџепи, заменик министер за транспорт. Потоа делегација на АРМ предводена од Генерал мајор Азим Нуредини, заменик началник на Генералштаб, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ.Во Ротимље, близу Мостар, Босна и Херцеговина на спомен обележјето каде што се случи авионската несреќа, во 13:00 часот ќе присуствуваат и ќе положат свежо цвеќе владина делегација во состав од Оливер Спасовски – министер за внатрешни работи, Митко Бојмацалиев, шеф на кабинет на министерот за внатрешни работи на Република Северна Македонија и претставници од кабинетот на претседателот на Република Северна Македонија Катерина Цаневска Арсовска, советник на Претседателот на Република Северна Македонија, Полковник Билјана Блажевска, аѓутант на Претседателот на Република Северна Македонија.Во Ротимље ќе присуствуваат и високи претставници од Босна и Херцеговина“, информираат од владата.

Македонија | пред 3 години

Трагедија во скопски Илинден: Девојче загина, откако малолетници опожариле цистерна во склад на Макпетрол

Несреќа се случила вечерва во населбата Илинден во Скопје. Малолетно девојче загина откако била опожарена цистерна, јавува „Макфакс“.Според информациите од МВР малолетни лица запалиле цистерна кај железничката станица. Децата рекле дека на цистерната имало малолетно женско лице и истото починало.На лице место упатени полициски службеници за расчистување на случајот. Oва е првична информација спoред тоа како е пријавено. Повеќе детали ќе имаме подоцна.

Скопје | пред 3 години

Боки 13 започнува операција „Бумеранг“: Еден милион бомби ќе пукаат кај Абази

Бојан Јовановски-Боки 13 преку адвокатите посочува дека над еден милион фајлови ќе бидат предадени на Обвинителство за гонење на организиран криминал и корупција, а кои се однесуваат на сторен криминал од највисоки државни структури и бизнис елити. Во соопштение до јавноста, посочува дека со оформувањето на предмет од страна на шефот на Обвинителството, Ислам Абази, започнува операцијата која со кодно име „Бумеранг“.„Напоменуваме дека поради обемноста на материјалот и доказите во бројка од 1.150.000 (еден милион и сто и педесет) фајлови со податоци во кои се содржани аудио снимени разговори, транскрипти, пораки, остварени телефонски комуникации, видео и фотографски записи, т.н. "бомби" , заради целисходност при постапување по предметот ќе биде потребно формирање на посебен тим за работа и процесуирање на кривичните пријави во согласност со реалните потреби за ефикасно и правилнло постапување по предметот, за кое нешто ќе истакнеме посебно барање до јавниот обвинител“, велат адвокатите на Јовановски.Тој напоменува дека по поднесувањето на пријавите и предавањето на доказите, очекува темелна и непристрасна разшреница. Посочува дека поради обемноста на доказите, ќе треба цел тим да работи на материјалите.„Поради високиот степен на карактерот и сериозноста на процесот "Бумеранг" бараме и очекуваме посветеност, неселективност и максимална професионалност од страна на надлежниот обвинител. Исто така, напоменуваме дека подносителот Бојан Јовановски ќе ги поднесува пријавите и ќе ги предаде доказите на записник по претходно утврдени законски гаранции за заштита на неговиот физички и психички интегритет поради карактерот, сензитивноста и сериозноста на отпоцнатиот процес со кодно име "Бумеранг". Бојан Јовановски ќе ги поднесе пријавите и ќе ги предаде доказите во присуство на неговите полномошници мр.Владимир Туфегџиќ и Сашко Дукоски, адвокати од Скопје, единствено во сигурносно обезбедени простории во ОЈО за ГОКК, со визуелно, тонски запис од чинот на сослушување и предавање на доказите“, посочува адвокатскиот тим преку кои Јовановски и се обраќа на јавноста.Претходно, шефот на Обвинителството за организиран криминал и корупција, Ислам Абази, кажа дека оформил предмет и делегирал јавен обвинител што ќе го сослушува Бојан Јовановски-Боки 13 и кој ќе ги земе бомбите, односно аудиоразговорите, видеоснимките, транскриптите. Од Обвинителството за „Макфакс“ посочија дека ќе ги земат сите материјали од Боки 13, а за кои осудениот посочи дека се докази за сторени кривични дела на личности од политиката, правосудниот систем и бизнис-елитата.

Македонија | пред 3 години

(ВИДЕО) Како ќе се стигне до 80 пратеници за промена на Уставот и вметнување на Бугарите?

Може ли да се купат пратеници со цел да се дојде до мнозинство во Собранието за уставните измени, одговараше вицепремиерот за европски прашања, Бојан Маричиќ, во интервју за „Макфакс“. Тој рече дека има повеќе начини како да се стигне до мнозинство за уставните промени, па посочи два од нив, кои се поврзани со ВМРО-ДПМНЕ. Призна и дека во моментот немаат мнозинство.„Не постои човек што може да го купите ако искрено не верува во она што го прави“ коментира Маричиќ, па одговараше дали ќе уценуваат за да се стигне до 80 пратеници.Уверен е дека ќе се стигне до 80 пратеници за промена на Уставот и вметнување на Бугарите.Во ноември минатата година Маричиќ убедуваше дека е блиску до 80 пратеници за уставни измени, а сега го коментира тоа и рече: „Денеска сме еднакво блиску колку што сме биле во ноември“.„Над 70 се оние што би гласале во моментот“, рече Маричиќ и кажа од кои политички партии доаѓаат и прокоментира: „На моменти е добро да мислите дека блефирам. Но, не блефирам“.Повеќе за уставните измени и како до 80 пратеници Бојан Маричиќ одговара во интервјуто за „Макфакс“.

Македонија | пред 3 години

Цуцуловски: Во Уставот да се набројат сите живи и мртви, да се опфатат и Марсовците, за да можат Македонците да се разликуваат од сите

Професорот Љубомир Цуцуловски објави статус на Фејсбук во врска со додавањето на Бугарите во уставот.„МАРСОВЦИ И МАКЕДОНЦИ. Некои умно-умни глави упорно ја форсираат тезата дека ако Бугарите се вметнеле во Уставот ќе се обезбедела јасна дистинкција меѓу Македонците и Бугарите. Односно, тоа би значело дека се различни народи/нации. Инаку, зошто би се спомнувале? Следејќи ја оваа логика, дојдов до следниот „предлог/решение.“Во Уставот да се набројат (без исклучок!) сите живи и мртви нешта за да можат Македонците да се разликуваат од сите живи и мртви нешта. Од друга страна, можеби во космосот постојат и Марсовци. Затоа, и тие да се опфатат, бидејќи Марсовците би можеле да имаат свои аспирации кон Македонците, како кон неосвестени Марсовци, несвесни за своето марсовско потекло, историја, традиција, јазик. Значи, сè живо и мртво (може и диво!) да се вметне во Уставот, како неопходен услов за влез во ЕУ. Потоа, што биде, нека биде. Само така, почитувани, се гради држава“, вели тој.

Коментари | пред 3 години

(ВИДЕО) Маричиќ ги направи евроамбасадорите ненајадени

Бојан Маричиќ, вицепремиер за европски прашања, во интервјуто за „Макфакс“ зборуваше и за гоштавањата на државна сметка. Трошењата ги правдаше со ручеци со странци, а на укажувањето дека Европејците ги претставува како ненајадени, тој имаше свое објаснување.„Дури со амбасадорите сега инсистирам да бидат скратени средби и ретко се случуваат тие ручеци – кога се најнеопходни. Некои од тие ручеци во последно време сум ги платил и од сопствен џеб“, посочи Маричиќ.„Не велам дека е нормално да се јаде на државна сметка. Но, ако во една година сте имале посета на претседател на Европскиот суд за човекови права, и тоа прва по 20 години, три дена, и сте биле домаќин – дел од програмата е да ги однесете гостите од странство на ручек. Друг пример, имало министри за правда што доаѓале – сме ги однеле на вечера на разни места“, вели Маричиќ.При анализата на извештаите не секогаш се гледаше гоштавање на државна сметка со странска делегација, на што Маричиќ даде свое видување.„При гостувањето на двајца министри за европски прашања, на Ирска и Данска или Естонија, сме испиле неколку кафиња, а тие нешто јаделе“, рече Маричиќ.Маричиќ даде одговор и на прашањето која е разликата помеѓу актуелната Влада и владата на ВМРО-ДПМНЕ, која исто така трошеше од државната сметка за јадење и пиење.„Најслатка е храната што ја готвам во домашни услови со блиските. Никогаш не ми била слатка храна на туѓа сметка, а особено не на државна. На тоа сум гледал како на дел од работата“, одговара Маричиќ на прашањето дали е послатка храната купена од државна сметка.Сите детали за јадењето и пиењето на државна сметка во интервјуто на Маричиќ за „Макфакс“.

Македонија | пред 3 години

Мециновиќ: Нема да дозволиме узурпација на јавен простор од страна на „Ист Гејт Мол” и наплаќање паркинг

Советникот Амар Мециновиќ, од Советот на Град Скопје за иницијативата на СДСМ која има за цел да овозможи узурпација на јавен простор од страна на „Ист Гејт Мол” и на тој простор да наплаќа паркинг:„Да се потсетиме дека ова стопанисување сакате да му го предадеме на „Ист гејт“ - трговски центар со небезбедна конструкција која видовме дека протекува.Ако на советничката група на СДСМ ова ѝ е приоритет, ми се чини дека ние како Совет, сега гласаме да го оправдаме претходното лошо раководство и ветувањата на Шилегов. Оваа иницијатива е веќе отфрлена и зошто СДСМ повторно ја предлага, зошто да го дискутираме истото?Нема никакви стандарди, затоа мора да го смениме тоа - нема да се дозволува стопанисување на неодговорни компании кои сакаат само да си го подобрат коефициентот за кога ќе сакаат да го продадат.Имаме проблем со јавниот превоз, а вие (СДСМ) сте против набавка на нови автобуси, а сметате дека треба да го решаваме паркингот на „Ист гејт“ со кој простор сака да стопанисува.

Скопје | пред 3 години

Груби: Кога ќе ми каже Ахмети да седам дома, ќе седам дома

Првиот вицепремиер Артан Груби во интервју за Канал 5 истакна дека кога лидерот на ДУИ, Али Ахмети ќе му каже да седи дома, ќе седи дома.Ваквата изјава следува по прашање во врска со барањето на „Огнената група“ за негово разрешување.„Кога Ахмети ќе ми каже седи дома, ќе седам дома и нема да кажам ни А, ни Б. Јас не се оптоварувам со мојата функција“, вели Груби.

Македонија | пред 3 години

Д-р Беќаровски: Неконтролираната употреба на антибиотици допрво ќе ја поднесе својата црна фактура!!!

Доктор Нико Беќаровски преку објава на социјалните мрежи порача дека неконтролираната употреба на антибиотици допрво ќе ја поднесе својата црна фактура.„#Staphylococcus_epidermidis e причинителот на смртниот исход кај 52 годишната пациентка од Прилеп.Низ разни медиуми и портали проструи вест дека наводно оваа бактерија се среќава само во книгите, што е најблаго речено крајно неточна информација.Вистината е сосема поинаква и во најразвиените држави, (САД на пример) оваа бактерија се среќава кај околу 20% од сите кардиолошки, ортопедски, гинеколошки и други импланти.Точно е дека оваа бактерија во нормални услови се третира со голем број на антибиотици, од кои сите се достапни во Македонија, но нашето неконтролирано користење на антибиотици, предизвика и овие релативно едноставно курабилни бактерии да станат резистентни на сите антибиотици.Колку илјадници дози Сумамед, Моксирал и други мултипотентни антибиотици беа непотребно ординирани во текот на Ковид пандемијата.Колку настинки, грипчиња, непотребно се третираат со амоксиклавче ....За жал превисоката цена за оваа наша лоша навика, ја плати нашата сограѓанка од Прилеп.За уште поголема жал, ова нема да биде последен ваков случај, бидејќи неконтролираната употреба на антибиотици допрво ќе ја поднесе својата црна фактура!!!Затоа уште еднаш да Ве замолам, не дозволувајте да Ве трујат со антибиотици без докажан бактериски причинител или јасни лабораториски параметри за бактериска инфекција !!!!Кога навистина ќе ви треба антибиотик, вас или на вашата фамилија можеби нема да делува“, вели д-р. Беќаровски.

Коментари | пред 3 години