ТОП

Скопските улици ќе бидат блокирани во петок

Министерството за внатрешни работи ги известува граѓаните дека утре (17.02.2023), со почеток во 10.30 часот, поради најавен новинарски протестен марш, Единицата за безбедност на патниот сообраќај при СВР Скопје ќе преземе мерки за посебен режим на сообраќајот во централното градско подрачје.Рутата на движење на новинарскиот марш ќе биде од пред зградата на Владата на РСМ во правец кон АД „Македонска пошта“ на бул.„ВМРО“, потоа по бул.„ВМРО“ во правец на ТЦ „Палома Бјанка“, лево во правец на бул.„11 Октомври“ кон зградата на Собранието на РСМ.Од тие причини Одделението за безбедност на патниот сообраќај при СВР Скопје ќе преземе мерки за пренасочување на сообраќајот, како и мерки за посебен режим на сообраќај на сообраќајниците каде што ќе се движат новинарите.МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Скопје | пред 3 години

Владата среќна со одлуката на Стразбур

Владата на Република Македонија ја поздравува денешната одлука на Европскиот суд за човекови права (ЕСЧП) која е во полза на државата и потврдува дека жалбите на апликантите во целост се прогласени за недозволени вклучително и во делот за наводните помилувања.„Аргументите на Владата во однос на недозволеноста на апликациите се целосно уважени од страна на ЕСЧП. Спротивно на тврдењата на апликантите, ЕСЧП не утврдува прекршување на Европската Конвенција за заштита на човековите права (ЕКЧП).Одлуката која денес ја донесе ЕСЧП се однесува на 6 случаи кои пред Судот во Стразбур ја тужеа Република Северна Македонија со наводи за повреда на ЕКЧП по член 5 и член 6. Со одлуката, Судот смета дека жалбите на апликантите се недозволени во принцип поради неискористување на домашните правни лекови.Како држава членка на Советот на Европа, Владата ја користи оваа прилика да ја повтори својата посветеност и кон владеењето на правото и на Европската конвенција за човекови права и вредностите кои ја поткрепуваат. Како држава која води преговори со ЕУ со крајна цел полноправно членство на Северна Македонија во Унијата, посочуваме дека владеењето на правото е еден од највисоките приоритети.Воедно, посочуваме дека Владата на Република Северна Македонија, во рамките на своите надлежности обезбедува поддршка за самостојно и независно функционирање на правосудниот систем. Во таа насока, би сакале да ја информираме јавноста дека со оглед на фактот што кривичните постапки на кои се однесуваат апликациите и оваа одлука на Судот во Стразбур, се сѐ уште во тек пред домашните судови, Владата во овој момент нема да дава дополнителни коментари, како не би влијаела на понатамошните процеси.Воедно, ја информираме јавноста дека официјален превод на сижето од одлуката ќе биде доставено до јавноста во форма на соопштение од страна на Бирото за застапување на Република Северна Македонија пред ЕСЧП, а ќе биде и прикачено на веб страницата на Владата во најбрз можен рок“, велат од Владата.

пред 3 години

Стразбур донесе одлука за аболициите и ја префрли топката во Македонија: Жалбата е недопуштена

Судот за човекови права во Стразбур донесе решение во кое посочува дека преураните се апликациите за дадените и поништени аболиции од претседателот Ѓорѓе Иванов за четирите случаи на Специјалното јавно обвинителство. Ова е донесената одлука во форма на решение, наместо пресуда, по шест години од апликацијата. Според Стразбур, во тек се судските процеси за четирите предмети, па сметаат дека тие можат да донесат пресуда откако ќе се исцрпат сите правни лекови во Македонија.„Во својата одлука во случајот Талески и други против Северна Македонија Европскиот суд за човекови права има едногласно ја прогласи жалбата за недопуштена. Одлуката е конечна“, одлучи ЕСЧП.Европскиот суд дава и образложение во решението.„Многу од апликантите биле членови на владејачката партија (ВМРО-ДПМНЕ) во времето на предметните настани и сите имале истакнати јавни функции, вклучително и премиер, министри во Владата и градоначалници. Ним им се суди за наводни кривични дела поврзани и кои произлегуваат од содржината на незаконското, широко распространето прислушување. Тие добија претседателски помилувања кои подоцна беа поништени. По поништувањата им се судеше, што е предмет на овој предмет. Судот одлучи дека апликантите не ги исцрпиле домашните правни лекови. Тој одлучи дека жалбите според член 6 (право на правично судење) се предвремени бидејќи домашните власти ќе имаат можност прво да ги решат во кривичната постапка што е во тек; а во однос на членот 5 (право на слобода и безбедност), еден од апликантите, г-дин Темелко, не ги подигнал своите жалби од Конвенцијата пред домашните судови, додека правниот лек за кој друг жалител – г-дин Талески – наводно бил ефективен, бил одбиен. како невреме во одлуките на националните судови кои не се чинеше дека биле произволни“, се додава во решението на ЕСЧП.Одлуката значи дека Европскиот суд ја префрли топката кај македонските власти. Обвинетите треба да почекаат да добијат правосилни судски одлуки за случаите, да ги исцрпат сите правни лекови кои им стојат на располагање, сите македонски судови да се произнесат за дадените аболициите на кои обвинетите се повикуваат во судските постапки, па тогаш да се поднесе нова апликација од нив во судот во Стразбур.Решението е резултат на жалбата во која се опфатени случаите поврзани со предметот за масовното прислушување и уништувањето на опремата – „Таргет – Тврдина“, предметот за изборни нерегуларности – „Титаник“, предметот за злоупотреба при организирање превоз на ученици во Битола – „Транспортер“, како и предметот за уривањето на објектот „Космос“, наречен ТНТ.За ваков сличен случај е веќе одлучувано во познатиот случај Лекса против Словачка. Тогаш, Европскиот суд утврди дека одлуките кои доаѓаат од претседателот не се одлуки за кои има некоја повисока инстанца и дека тие со самото тоа се финални и правно обврзувачки.

Македонија | пред 3 години

Митровски: Обезбедени се потребните пратеници за да се изгласа законот за амнестија за осудените за 27 април

Обезбедени се 48 пратеници, а за да помине Законот во Собрание потребни се 41 пратеник, објасни во вчерашната епизода на Тешки муабети адвокатот Јанаки Митровски, во врска со иницијативата за амнестија на лицата осудени во 27 април и групата која го тепаше Зијадин Села.Законот е конципиран да не задира во нивното право, ако до мај се изгласа тоа не го спречува правото на осудените да си го продолжат нивното право пред Врховен суд, ама ќе се бранат од слобода.Мислам сека и притисокот на јавноста си го направи своето, ВМРО-ДПМНЕ даде партија, ВМРО-НП, Демократски сојуз. СДСМ кажа дека дополнително ќе го граделе тој став, а поддршка даде и Левица, нивнивте два пратеници потребни се.За да се изгласа тој Закон потребни се 41 пратеник, треба да има 1 присутен во сала, таа поддршка од 41 постои, е сега треба да видиме на волјата на Собранието кога ќе го стави на дневен ред.Ние се обидуваме да направиме и контакт со некоја од албанските партии за да изградиме консензус, објасни Митровски.

Македонија | пред 3 години

Бојана распали по министерката: Дрско ги пониживте сите автори и изведувачи, мене ми е срам од Вашиве постапки, за Вас лично не знам!

Поп пејачка Бојана Скендеровски со жестока реакција кон министерката за култура Бисера Стојчевска-Костадиновска откако е намален буџетот за музичкиот бренд Макфест.Нејзината објава ви ја пренесуваме во целост:„Министерке…Јас не знам Вие со која музика растевте,дали од дома Ви кажаа дека “Макфест” е основоположник на македонската поп музика,дека ”Макфест” бил почетна точка на многу популарни пеачи,кои подоцна биле регионални ѕвезди,кои денес полнат концертни сали,и се нечии идоли…(Тоше беше еден од нив)Дали Ве научил некој ако не сте забележале сама,дека “Макфест” произвел илјадници песни и хитови со кои се градеа генерации,и така се создаваше припадност на еден народ?!Дали Ви купуваа касети како мала од “Макфест” и Ве учеа дека “Макфест” беше престиж на Југословенско ниво?!Дали сте свесни дека културата е сржта на идентитетот?!Дали сте чуле за традиција?Дали мислите дека Министерството за култура почнува од Ваше време,и завршува со Вас,дали не мислите дека е премногу дрско да ги понижите сите автори,изведувачи,и цела една фела,која со години вложува во македонската поп култура,која е идентификација и посебност на македонскиот народ….Наместо да ги понижувате македонските брендови и производи,Вие треба први да ги чувате и помагате!Мене ми е срам од Вашиве постапки,за Вас лично не знам!

Магазин | пред 3 години

Стразбур денес ќе одлучи дали важи аболицијата на Иванов

Стразбур денес ќе ја реши дилемата – дали важат аболициите на екс претседателот Иванов.По речиси 6 години судот за човекови права треба да одговори на 10тиците апликации кои ги поднесоа обвинетите лица во предметите на СЈО кои се најдоа на листата аболицирани, која Иванов ја објави на 12 април 2016та, а еден месец подоцна ја повлече.Европскиот суд за човекови права има две опции, да застане зад аболицијата, односно да потврди дека еднаш дадената аболиција не може да биде повлечена или да ја потврди втората верзија на правниците кои тврдат Иванов немал законска можност да дава аболиции.Одлуките на европскиот суд за човекови права се обрзувачки за македонските судови па ако судот утре „ги оживее“ аболициите тоа во пракса ќе значи згаснување на поголемиот дел од предметите на СЈО.Обвинетите за масовното прислушување, уништувањето на опремата во УБК, изборни нерегуларности, насилството во општина центар, уривањето на Космос, ќе бидат ослободени од кривично гонење, а државата ќе треба да им плати и оштета.На листата аболицирани пред 7 години се најдоа 56 лица, најголем број тогашни функционери на ВМРО-ДПМНЕ, меѓу кои и Груевски, Јанкуловска, Јанакиевски, Мијалков.Сепак и повторното активирање на аболициите нема да ги спаси овие функционери од кривично гонење за Тенк, Талир, Империја, судски процеси кои не беа опфатени со одлуките на Иванов.

Македонија | пред 3 години

Заканите за бомби кај нас се со идентичен текст со заканите во земјите од регионот, вели Спасовски

-За само година и половина имаме засилување на хибридните закани и напади, не само во Северна Македонија туку и во државите во регионот, кажа министерот за внатрешни работи Оливер Спасовски во гостувањето во ТВ Шења.-Такви се заканите и до училиштата, да создаваат чувство на страв. Но, тука државата покажа капацитет за да се сочува мирот и стабилноста. Пораките што тука ги добиваме, односно училиштата, се исти со тие од регионот, во Хрватска, во Србија, во Црна Гора, во Босна и Херцеговина и други, дури и текстот е идентичен само на друг јазик. Тоа значи дека има еден центар на моќ кој сака овој регион да го доведе во ниво на неспокој. Сите капацитети се ставени во функција. Соработуваме и со Интерпол и Европол, сите до еден се вклучени во процесот. Имаме сериозен проблем во детекцијата, бидејќи се користи ВПН-мрежата и тешко се доаѓа до ИП-адресата, па затоа ова е транснационален криминал, не можеме да дознаеме кој го прави, но знаеме зошто го прави – за да се спречат сите процеси за земјата и во регионот, кажа Спасовски.

Македонија | пред 3 години

„Откажана е еврообврзницата од 600 милиони евра, Тупанчевски не сакал да потпише“, тврди Кочоска

Откажана е еврообврзницата од 600 милиони евра, а причина за ова е смената на министерот за правда кој не сакал да потпише и без негов потпис понатаму не може да се движи постапката, напиша на својот фејсбук-профил Гордана Димитриеска-Кочоска, член на ИК на ВМРО-ДПМНЕ и поранешна заменичка во Министерството за финансии.„Ова е најголем доказ дека и во владата има голем раскол и дека нема капетан на бродот.-Како можевте да дозволите ваков срам на државата и да ја оставите без пари?-Кој ќе сноси одговорност за ваков непромислен потег?-Дали намерно ја втурнувате државата во банкрот?Докторите немаат земено плата а изговор ви е дека ги чекате парите од еврообврзницата. Повеќе од јасно е дека тие пари нема да ги добиеме.Оставка на цела влада веднаш“, стои во објавата.

Коментари | пред 3 години

Пациент со цистична фиброза до владата и претседателот: „Постапете како да сум Ваше дете“

„Постапете како да сум Ваше дете“ – напиша во фејсбук Игор Пехчевски, пациент со цистична фиброза, обраќајќи им се на премиерот, владата и претседателот на државата. Бара од државните функционери да му го обезбедат потребниот лек, бидејќи, како што напишал, повторно ќе се врати во болница.„На никој не би му посакал на ваков начин да ги остварува своите права за Работа и Лек на социјалните мрежи и медиумите. Верувајте тоа е крајно ПОНИЖУВАЧКИУште колку време треба да чекам за Лекот #ТРИКАФТА и за Пристојно работно место, НЕ било какво…Или повторно чекате да се вратам во болнички креветПОСТАПЕТЕ како да сум Ваше дете!!!“, стои во објавата на Пехчевски.

Македонија | пред 3 години

Наум Петрески незадоволен: Со парите што ги добив од Култура можам да платам само една песна, а не цел албум

На популарниот фолк пејач Наум Петрески му се одобрени 60.000 денари, односно околу илјада евра од Министерството за култура, за проект -Издавање на музички албум ЦД Наум Петрески ,,Незаборав”, на Друштво за услуги и трговија Авард Промотион ДООЕЛ Скопје.Овие средства се дел од 12,5 милиони евра, кои годинава Министерството за култура ги обезбеди за финансирање на проекти од национален интерес во културата од музиката и музичко-сценската дејност.За „Фокус“ музичарот вели дека сумата која му била одобрена од министерството не е достоинствена и била доволна за да се сними само една песна. Затоа, појаснува, решил да сними голем број од неговите песни во соседна Србија.-Смешно е да се коментира за сума од илјада евра доделена за снимање на цел албум! Само една песна изнесува толку, ако не и повеќе. Ме има на списокот на министерството, колку да се каже дека ме има! Ако ова е начин да се придонесе за нашата култура и за проекти кои се од голема важност, ќе кажам само дека начинот е сосема погрешен! – вели Петрески.

Магазин | пред 3 години

Калајџиев за случајот со Даравелски: Одлуката е во најмала рака чудна, да не речам дека отворено мириса на изигрување на законот

Универзитетскиот професор по кривично право, Гордан Калајџиев, смета дека судската одлука поранешниот директор на Царинската управа да добие ново судење е чудна и мириса на изигрување на законот.„Одлуката е во најмала рака чудна. Да не речам дека отворено мириса на изигрување на законот, некој вид на злоупотреба. Од кои мотиви не знам. Луѓето прво што помислуваат се лукративни мотиви. Да се тврди дека два совети се поткупени исто така е тешко обвинение … Да се јави лицето откако ќе истече можноста за гонење односно застарување на делото после 20 години и да му се одобри со верување дека лицето кое 20 години живеело во Белград не знаело за сите постапки за него. Па нема човек во Македонија кој не знае дека Даравелски е во бегство и бил осуден. Станува смешно, да не речам трагично“, вели за ТВ Телма професорот Калајџиев.

Македонија | пред 3 години

Марјан од Доказ добивал закани и е тортуриран во затвор, директорот Андов негира

Маја Стаменковска, сопруга на Марјан Стаменковски, уапсениот сопственик на „Доказ М“ кој е во притвор, се жали дека врз него се врши тортура во истражниот затвор во Шутка. Таа за „Макфакс“ посочува дека директорот на затворот му упатувал закани, додека, во поплака испратена до директорот Филип Андов, посочува дека управата и вработени го правеле тоа. Стаменковска посочува дека во затворот се изживуваат со нејзиниот сопруг.„Го преместуваат од една во друга соба, без некоја причина. Мирен си е човекот, не прави никакви проблеми. Во притвор е, нели… Му се заканува директорот цело време, оди кај него во соба и му вели: ‘Ќе видиш што ќе ти се случи’.. Не му ги даваат лековите, облеката, јадењето што ќе му однесам. Едноставно се изживуваат со него. Го ставиле со наркоман во соба. Нема потреба од тоа. Вознемирена сум многу“, вели Стаменковска за „Макфакс“.Директорот на истражниот затвор „Скопје“, Филип Андов негира било какви закани и тортура.Повеќе на Макфакс.

Македонија | пред 3 години

Нема фотографија

(Фото) Пожар во Визбегово, густиот чад се гледа и од Карпиш

Пожар изби во Визбегово. Црн чад се гледа и од Карпош. Екипи на Противпожарната бригада на Скопје се испратени на терен, по пријавата. Пожарот е меѓу поле со пластеници на простор до кој нема асфалтен пат.Првите соседи, посочуваат дека гори најлонот на некој од пластениците, но информациите се непотврдени.Засега нема детални информации од командантот на Противпожарната бригада, Sвонко Томевски, за тоа колкав е пожарот и што точно гори.Повеќе детали се очекуваат наскоро.

Скопје | пред 3 години

Ковачевски е слеп послушник на Ахмети и Артан Груби, владата му ја составува Еди Рама и семејството на Адем Јашари, вели ВМРО-ДПМНЕ

Ковачевски е слеп послушник на Ахмети и Артан Груби, владата му ја составува Еди Рама и семејството на Адем Јашари, владата наликува како влада на Бугарија и Албанија, вели ВМРО-ДПМНЕ„Пратеничка на Алтернатива, која излезе од владата, јасно од собраниска говорница кажа дека владата на Ковачевски во 2022 година ја составувал Еди Рама и семејството на Адем Јашари. Ковачевски е само пиун на Ахмети, кој преку други структури ја прави владата по свој крој.Ковачевски е заложник на Ахмети, кој му ја крои владата, како нему му одговара. Изминатиов период видовме, како Ковачевски нема политика на чување на државните и национални интереси, тој само исполнуваше барања на шовинистичките кругови во Бугарија.Аматеризмот на Ковачевски, поддржан од Ахмети ја чини Македонија најлоши односи со Бугарија до сега, и тоа предизвикани токму од СДС, кои дадоа се што можеше да се даде, ги нарушија преговарачките позиции на Македонија и ја оштетија државата.Ваквите анационални политики се можни само заради слабиот политички капацитет на Ковачевски, кој не може да излезе од тендер матрицата, и буквално прифаќа се, само за ден повеќе на власт.Пристапот на Ковачевски ќе го однесе СДС во длабока опозиција, и тоа е неминовно, но тој треба што побрзо да си замине, зошто со секој останат ден на позиција, тој трајно ја оштетува Македонија“, се вели во соопштението.

Македонија | пред 3 години

(ВИДЕО) Јакимовски: Бугарите ќе бидат гробница за СДСМ!

Бугарите ќе бидат гробница за СДСМ! Толку негативна енергија создаваат контра СДСМ, не знам како не се свесни за таа работа, вели лидерот на ГРОМ Стевчо Јакимовски за тв24.„Сосема е различна состојбата со промена на името во однос на решавање на грчкиот спор, со однос на ова со Бугарите.Се создава една огромна негативна енергија, предизвикана токму од бугарската страна.Вие не можете да одите против својот народ. Очигледно народот пружа отпор и не го сака овашто го прави бугарската влада, на секаков начин гледаат да испровоцираат.Македонија има инструменти во своите раце, само ако е спремна да ги искористи тие инструменти, за да ни се тргнат буквално Бугарите од врат.Зошто ова не е ни од далеку она што го ветуваше Бојко Борисов дека, Бугарија ќе и помогне на Македонија на патот кон Европејскиот сојуз. Вака ли ја поткрепуваат Македонија кон Европејскиот сојуз? Со нови додавки и со нови провокации, додава тој.

Македонија | пред 3 години

Трајанов му врати на Ковачевски: Се надевам дека не е заложник на ДУИ

Се надевам дека Ковачевски не е заложник на ДУИ, изјави Павле Трајанов од Демократскиот сојуз. Тој вчера го напушти владиното мнозинство.Премиерот Димитар Ковачевски денеска рече дека „се надева дека Трајанов нема да стане заложниик на Димитар Апасиев како што е Христијан Мицкоски“. Трајанов вели дека тоа е ниско ниво на комуникација.„Како и досега, немам намера никого да дискредитирам, но подготвен сум да учествувам во сите расправи поврзани со витални прашања битни за граѓаните и државата“, рече Трајанов.Според премиерот, ддлуката којашто ја донесе Демократски сојуз не претставува никакво нарушување на силината и на стабилноста на владиното мнозинство.

Македонија | пред 3 години

(Скандалозно) Пендиков удри по Македонија: Нормално е да се пцујат Бугари, таму се учи лажна историја, ѝ се закануваат на мајка ми

Христијан Пендиков во прво интервју за бугарската телевизија БТВ раскажа за нападот во Охрид. Toj тешко зборуваше по операцијата.Vели дека и по речиси еден месец, заканите продолжиле. Според Пендиков, има информации дека тој може да биде нападнат во Бугарија. Рече дека ѝ се заканувале на неговата мајка и на неговите роднини.Во интервјуто Пендиков раскажа и како тој самиот не ги поднесувал Бугарите кога бил помлад и како пред неколку години се разбудил и станал македонски Бугарин.„ Бев во ресторан со моите пријателки. Дојдоа двајца-тројца и почнаа да ме напаѓаат дека сум Бугарин. Само со зборови. Зошто се нареков Бугарин, дека сум предавник? И такви работи“, се сеќава тој.„ Потоа излегов од ресторанот, да му се јавам на Томе, да му кажам што се случило. Претседателот на клубот, а потоа Илја излезе и ми го зеде телефонот. Ми рече - „Влези внатре и биди смирен за да нема проблеми“. Влегов внатре и видов дека не ме сакаат во ресторанот. Ја земав јакната и излегов надвор. Одев сам до паркингот да си ја земам колата и да си одам дома. И таму се се случи“, рече Пендиков.Според него, тепачката траела најмалку 10 минути и додаде дека имало тројца напаѓачи.„ За жал, во Северна Македонија е нормално да те тепаат, пцујат, пукаат затоа што си Бугарин. Полицијата не треба ништо да прави“, вели секретарот на бугарскиот клуб во Охрид.„За да бидеш македонски Бугарин, само треба да се реализираш. Во Македонија учиме изменета, лажна историја во која Бугарите се фашисти, Татари. Откако ја прочитав светската историја, откако прочитав за ВМРО и што е историја, сфатив“, коментира тој.Вели дека претходно не сакал ниту една од соседните земји:„ Не научија таква приказна дека само Србите ни се браќа и сите други сакаа нешто лошо да и се случи на Македонија.Веќе неколку дена Пендиков има деноноќна полициска заштита. Добива слики од оружје и закани дека луѓето ќе дојдат во Бугарија.„Мајка ми постојано добива закани. И пишуваат коментари дека ќе ја убијат, дека сме предавници, дека треба да се иселиме од Македонија, дека не сме за таму. Сонувам дека еден ден ќе можеме да се вратиме во Македонија, да можам безбедно да кажам дека сум Бугарин и дека никој ништо нема да ми направи - не само мене. На сите нас кои живееме во Македонија и сме македонски Бугари“, нагласува Пендиков.

Македонија | пред 3 години

Митровски бара да одговараат совозачите и оние кои го криеја пијаниот возач прегази дете во Велес

Денеска ОЈО Велес поднесе обвинителен акт против 30-годишниот пијан возач кој усмти девојче пред очите на неговата мајка, која беше тешко повредена во сообраќајната незгода која се случи во Велес.Оттука, адвокатот од Скопје, Јанаки Митровски, кој го застапува оштетеното семејство, преку социјалните мрежи не го криеше разочарувањето од одлуката на Основното јавно обвинителство Велес. Тој бара кривично да одговараат и совозачите, но и мештаните кои два дена го криеле возачот.„Како правен застапник на семејството на починатата единаесетгодишна Магдалена од Велес која беше прегазена на пешачки премин при што причинителот избега, ја искажувам мојата и разочараноста на семејството од одлуката на ОЈО Велес да не покрене постапка за кривично дело Помагање против тројцата совозачи на сторителот, како и против селаните кои го криеле сторителот. Воедно брзината од 68 километри на час која е утврдена со вешт наод и мислење за нас е дискутабилна бидејки родителите се сведоци дека сторителот возел со брзина од над 100 километри на час во зона во која е дозволено 30 километри на час“, вели Митровски.

Македонија | пред 3 години

(ВИДЕО) „Парите ги даваме по бензиски и сервиси“, вели пратеник за патните трошоци

Во оваа владина реконструкција се влегува со единствена цел, да се заштити позицијата на власта. За жал имаме една криминална влада која се занимава само со распродавање, без разлика дали се тоа национални интереси или криминални тендери. Гледаме како неизбран премиер предлага реконструкција на влада. Практично хаосот од извршната власт се пренесува во Собрание, ова во интервју за „Макфакс“ го истакнува Миле Лефков, пратеник од ВМРО-ДПМНЕ.Имаме министри, оценува Лефков кои се разрешуваат и се именуваат исклучиво на коалициони средби и за задоволување на тесно партиски интереси.„Апсолутно нема да гласаме „ЗА“, имаме катастрофални предлози“, потенцира тој.„Најкатегорично ќе речам дека нема да гласаме за Уставот“, вели Лефков додавајќи дека треба да се стави крај на можноста од купување и пазарење со пратениците.„На цела нечесност да ја додадеме уште и можноста за уценување, купување или пазар со пратениците, мислам дека не ни треба тоа, дури ниту како тема. Ваква промена на Уставот нема да дозволиме. Од оние што ја водат државата да бидеме сериозно сфатени и да престанат со приказните за вршење на одреден притисок на пратеници, затоа што тоа е навистина понижувачко.Во Македонија терминот пратеник асоцира на патни трошоци, нагласува Лефков.„Немаме службени возила, пратениците сами си ги одржуваат возилата, сами менуваат гуми, сами менуваат опрема, сами ги регистрираат. Владата е попривилигирана“, појаснува Лефков, правдајќи ги парите од патните трошоци за пратениците.Дали уште се во „љубов“ со Левица, има ли пазар меѓу пратениците за уставните измени, за можна коалциција со ДС, Беса и Алтернатива, за висината на пратеничката плата, дали има злоупотреба на патните трошоци и слично, во интервју за „Макфакс“ одговара пратеникот Миле Лефков.

Македонија | пред 3 години

Снопче го бранеше предложениот министер за правда: Не можеме да се ослободиме од комунистичкиот менталитет

Пратеникот Халил Снопче од Алијансата за Албанците реагираше оти Драган Ковачки од ВМРО-ДПМНЕ од собраниската говорница посочи дека братот на Кренар Лога, кадар за министер за правда бил осомничен за убиство. Снопче му рече на Ковачки дека постапува како во комунизмот, објаснувајќи дека во тоа време кога некој член на семејство ќе сторел некакво дело – одговорност имал друг член на семејството.„Не можеме да се ослободиме од комунистичкиот менталитет. Вие сте десничарска партија а уште употребувате комунистички менталитет ‘браќа, сестри, татковци, мајки, братучеди’.. Во комунизмот, ако братучедот или мајката направеше некое дело, значи синот, сестрата, братот тие одеа во затвор. Го употребувате името на Кренар Лога. Обвинителството кажа дека е отфрлена кривичната пријава оти не постои основано сомневање дека осомничениот го сторил кривичното дело. Ова е од одговор на Обвинителството. Многу јасно. Кренар Лога пред две години со 95 гласа ‘за’ беше избран за член на ДИК. Кога ВМРО гласаше за Кренар Лога, не се артикулираа овие докази. Кога Лога се среќаваше со Мицкоски беше добар, е сега, не чинел“, кажа Снопче на седницата.На ова одговори Ковачки.„Кога кажувате за комунизам и за тоа го обвинувате ВМРО-ДПМНЕ треба да имате во предвид дека СДСМ е наследник на комунистичката партија, а вие денеска со нив влегувате во коалиција. Уште еднаш ќе повторам, она што ве праша Бојан Стојановски – дали ќе ја свикате анкетната комисија поврзана со несреќата од Беса Транс? Дали како што бевте борбен кога бевте во опозиција ќе останете и сега доследен?“, праша Ковачки.Собраниската седница е за разрешувањето на Беким Сали, минситер за здравство, кадар на Алтернатива која излезе од Владата.

Македонија | пред 3 години

Oсум пратеници излегуваат од парламентарното мнозинство, има најава за повеќе, вели Меџити

Потпретседателот и пратеник на Демократската унија за интеграција, Изет Меџити е скептичен околу обезбедувањето на потребните гласови за гласање на реконструкцијата на Владата. Тој рече дека додека Владата обезбедува осум пратеници од Алијансата за Албанците, од парламентарното мнозинство излегуваат повеќе од осум пратеници.„Со изјавата на премиерот дека имаат 64 пратеници, кога вели тој, мислам дека е да се одржи смиреноста внатре во структурата, внатре во мнозинството и ова говори дека немаат ниту 64. Фактички се потврдува тоа што сум го кажал во континуитет дека сигурно ова говори дека е политичка акробација која нема врска со обединување за Европа, ниту зголемување на мнозинството или стабилизирање на мнозинството, бидејќи гледаме дека осум пратеници можат да влезат, но веќе осум излегуваат. Има најави за повеќе заминувања од владиното мнозинство“ – рече Меџити во изјава за ТВ21.Меџити потенцира дека со реконструкцијата на Владата, ДУИ има изгубено 20 проценти од моќта. Посочува дека ДУИ направила промени во извршната власт, прекршувајќи го статутот на партијата.„Без да одлучи мнозинството, без да се земе мислењето од Генералниот совет, се отстранува еден од оние млади кои рекоа дека ќе застанеме зад него, односно господинот Насер Нуредини, министер за екологија, која и се дава на Алијансата за Албанците, бидејќи тој е надомест за Министерството за правда. Без да се праша некој, со голема леснотија на Алијансата за Албанците и се дава ресорот на поранешниот претседател на огранокот на партијата, односно заменик-министерот за одбрана Башким Хасани. ДУИ е веќе минус 20 проценти од моќта што ја имаше, кршејќи го статутот и без бенефит. Веќе се изјаснуваат дека имаат 64 пратеници, но ќе видиме како ќе биде до крај“ – рече Меџити.Во Собранието веќе два дена пратениците расправаат за реконструкција на Владата, со која во владината коалиција влегува Алијансата за Албанците, која има осум пратеници, а излегуваат Алтернатива и Демократскиот сојуз. Пред пратениците се разрешувањата на тројцата министри од редовите на Алтернатива, Беким Сали за здравство, Адмирим Алити за информатичко општество и администрација и Џемаил Чупи, министер без ресор задолжен за дијаспора.За нови министри, премиерот Димитар Ковачевски ги предложи Кренар Лога за правда, Фатмир Меџити за здравство, Азир Алиу за информатичко општество и администрација, тројцата од редовите на Алијансата за Албанците, како и Каја Шукова од СДСМ за животна средина и просторно планирање.

Македонија | пред 3 години

(ФОТО) Страшно: 11 жени нападнати во Карпош 4, обиени 70 станови

Фотографии од жена која е нападната се проширија на социјалните мрежи.Фотографиите се направени од безбедносни камери и на истите се забележуваат две лица кои влечат чанта.Немилиот настан најверојатно се случил изминатата недела во Карпош 4.„Комшии, само што добив инфо, па да споделам со вас како би припазувале, особено жените. Последниов период во Карпош 4 се нападнати 11 жени на влез од зграда и обиени 70 стана“, стои во пораката.https://twitter.com/Andov_S/status/1625235943551647744?s=20&t=I6MURPEne4boRjpd-R5A6QГраѓаните се револтирани што е изгасено дел од уличното осветлување, па упатија прашање до градоначалникот Стевчо Јакимовски, дали се уште општината ќе штеди струја.„11 нападнати жени и 70 станови обиени кај нас во населба. Стевчо брат, уште ќе штедиме струја???“, стои во објавата.https://twitter.com/Gievskaaa/status/1625236944836861952?s=20&t=yFMxQ9cHnbXsvmvy5jFZ_Q

Скопје | пред 3 години

Јоци: Павле како искусен џандар со добри информации, има развиен инстинкт да бега на време од бродот кој тоне

Лидерот на Демократскиот сојуз, Павле Трајанов, кажа дека нема да ја поддржат реконструкцијата на Владата и нема да биде дел од парламентарното мнозинство. Трајанов посочи дека ќе ги поддржуваат само проектите за имплементација на европските стандарди, а со цел влез на Македонија во ЕУ.Во врска со ова на социјалните мрежи се огласи Јорданка Ивановска Јоци која вели дека Трајанов има развиен инстинкт да бега на време од бродот кој тоне.„Павле како искусен џандар со добри информации, веќе 20 години има развиен инстинкт, кој не го лаже, да бега на време од бродот кој тоне.Башка, лут е што му го зема Данела ,,Градски паркинг”. Истата Данела на која власта и` дава ветер во едра, а на која тој откажа љубов“, стои во објавата.

Коментари | пред 3 години

Нема фотографија

Левица: Спомен куќата на Гоце Делчев во Битола со години е затворена

Деновиве е актуелен проблемот со чествувањето на апостолот на македонската национална борба Гоце Делчев. Но, покрај распродавањето на неговиот идеолошки легат, и спомен куќата на Делчев во Битола со години е затворена. Причината поради која е затворена е наводно лошата состојба во која се наоѓа објектот, вели Левица„Министерството за култура не одобрува или одобрува само шест проценти од вкупните потребни средства за конзервација и реставрација на фасадата, па според тоа не може да се предвиди кога би била повторно отворена за посетители. Минатата година биле доделени 250.000 денари за реализација на предвидените активности, а оваа година со Годишната програма на Министерството за култура се доделени само 350.000 денари, од побараните 5.799.000 денари за целосна реализација на проектот.Во оваа куќа Гоце Делчев во 1901 година престојувал во домот на тогашниот началник на Реонскиот комитет на ВМРО во Битолско, Михаил Ракиџиев. Во Битола останал два месеца, а за тоа време, во битолскиот затвор отишол во посета на војводата Даме Груев и остварил други средби со истакнати припадници на револуционерната организација. На заминување, во знак на благодарност, му подарил пиштол на Ракиџиев, што како реликвија се пренесувал од генерација на генерација, кој на крај завршил како вреден експонат во куќата.Распродавањето на културните, идентитетските и националните маркери е модус операнди на оваа власт. Веќе е евидентно дека запуштањето на културното наследство и историските столбови систематски и тенденциозно се спроведува, сè во интерес на соседските шовинистичките политики и внатрешното национално разградување“, се вели во соопштението.

Македонија | пред 3 години

За да не се зборува за уставни измени и Бугари, ќе го забавуваат народот кој нарачувал гнасни текстови кај Марјан Доказ, вели Јоци

И сега до избори, за да не се зборува за уставни измени и Бугари, ќе го забавуваат народот кој нарачувал кај Марјан Доказ гнасни текстови. И на секое рочиште ќе излегуваат по две имиња кои биле соучесници во рекети, давање кешарици, пласирање лаги за јавни личности, вели Јорданка Ивановска Јоци во својата објава на социјалните мрежи„А, богами не се малку очито. Само јас знам десет имиња, самиот дрндаше на сите страни. Освен ако не лажел, а и тоа е опција, но тоа ќе го утврди МВР.Во последната наша комуникација, пред година и пол, во која се каравме токму за негови отстрели кон мои пријатели, му реков на Марјан дека еден ден ќе му требаат пријатели. Тој ми рече дека имал⁉️ Така и заврши тој муабет. Со ,,оккк"...Тие што мислеше дека му се во некоја мера, пред некој ден го пуштија низ вода. Но, ваљда е свесен сега во Шутка.Многу збореше и што треба и што не треба, али он си знае.

Коментари | пред 3 години