ТОП

Петрова за случајот со таксистот кој допирал девојка по телото: Нам не ни треба општествена реформа, нам ни треба реформа во умовите!

Коментарите под веста: „19 годишна кичевчанка пријавила скопски таксист дека ја допирал по телото додека ја превезувал“ ми потврдија само дека под вакви и слични наслови секогаш постојат неписмени безделници коишто си ги лечат своите фрустрации. Ним не им е битно дали е 4.20 наутро или 12 на пладне, секако ќе го напишат тоа што го мислат. Поминаа седум месеци откако јас го пријавив мојот случај и уште чекам да го фатат манијакот, кој патем, го пишуваат и опишуваат по социјалните мрежи. Додека чекам МВР да се разбуди, одлучив со мојот говор за Ораторската вечер „Иво Пухан“ јавно да ги поддржам жртвите да бидат силни и да не молчат. #СамаСиГоБарала, вели Ведрана Петрова во својот статус на социјалните мрежи.„Фројд вели: Конфликтот помеѓу волјата да се негираат ужасните настани и волјата да се кажат гласно е централната дијалектика на психолошката траума. Дијалектиката на траума предизвикува сложени, понекогаш чудни промени на свеста, кои Џорџ Орвел ги нарекува „двојно размислување“, а професионалците за ментално здравје „дисоцијација“.Уште од мали нѐ учат дека заради нашата безбедност треба да гледаме на лево-на десно кога поминуваме улица, дека секогаш треба да бираме осветлена траса за да стасаме до нашата дестинација, дека не треба да зборуваме со непознати, дека јавниот превоз без оглед дали е автобус или такси е најсигурното и најбезбедното место.Во ова последново, верував и јас до денот кога мојата прва роденденска честитка беше од манијак што пред мене се самозадоволуваше во преполн автобус. Да, во полн автобус, сред бел ден! Никој од патниците не реагираше. Никој! И сѐ уште никој не реагира, иако случајот го пријавив во полиција и таму го поминав преостанатиот дел од мојот роденден. Барем да ги почастев нешто. Па, нели имаме камери!? Safe city system? Имаме полиција која дава резултати! Имаме безбедна држава... имаме што на мое интересирање дали има нешто ново инспекторите ме викнаа на препознавање после три месеци и ми покажаа слики на лица кои ни приближно не соодветствуваа на описот што им го дадов. На одење ми дадоа задача. Ако го видам да го задржам или во најмала рака да го сликам. Толку! Господе фрли тула, ама биди прецизен!Да ве потсетам, според член 190 од Кривичниот законик: Тој што пред друг врши полово дејствие на јавно место, ќе се казни со парична казна или со затвор до една година.Господа, колку од вас преземаат нешто за да спречат да бидат сексуално нападнати? Слободно кренете рака. Како што претпоставував, се чувствувате непријатно во својата кожа, ова не е трик прашање, но вашиот одговор очигледно е ништо. Не размислувате за тоа, нели?Драги дами, вас нема да ве прашам. Зашто знам дека ни стана навика. Кога сме сами ги стискаме клучевите или чантата како потенцијално оружје, гледаме на задното седиште на сопствениот автомобил пред да влеземе во него, ги затвораме сите прозорци кога спиеме, спиеме со светло, мобилниот телефон секогаш ни е при рака, не се качуваме во лифт со мажи, особено ако се непознати, носиме бибер спреј, трепериме, молчиме...Е па, јас одлучив да не молчам! И не ми е срам! Прочитав еден куп гадотии од тоа „нека се шета гола и никој нема да ја погледне, до најзачудувачкиот: „Подобро ли е да бил геј? Треба да се награди“. Бев згрозена од коментарите, особено од жени, мајки кои се влезени во филмот дека вината е секогаш во нас – жените и дека „сами си го бараме“. Ме силуваа манијаците со своите коментари, ме силуваа жени чии ќерки можеа да бидат на мое место, ме силуваше другар кој не знаеше дека јас сум таа. Делеа совети, правеа свои приказни, судеа, колнеа...Нам не ни треба општествена реформа, нам ни треба реформа во умовите! Ни треба некој што на ваквите „експертки“ ќе им објасни дека на манијакот не му е потребен повод, зашто е болен, исто како кога си болен и кашлаш, не кашлаш намерно, туку оти си болен. Ни треба некој што на „хероите“ во автобусот што гледаа и молчеа додека јас го удирав, да им укаже дека секое недејствување е соучесништво во кривичното дело. Само тогаш може да се надеваме дека сме тргнале на пат кон здраво општество.Јас ја кажав мојата вистина и преживеав! Затоа девојки, жени, мајки ако некогаш сте биле или бидете во ваква ситуација, не чувствувајте вина, ниту срам зашто вината е на оној што се осмелил да посегне по вашето тело, а срамот е на државата што не се потрудила да ги научи мажите да не силуваат и да го почитуваат нашето „не“!Бидете гласни, не молчете!One Can - Youth“, стои во објавата.

Коментари | пред 3 години

Зеколи со прашања до Агелер: Дали најавите за санкции и црни листи се дел од шемата на ФБИ и Еди Рама за уценување на опозицијата?

Екс амбасадорот и политички аналитичар Арсим Зеколи на Твитер поставува четири прашања до Американската Амбасада во Македонија во врска со функционерот на ФБИ кој ја водеше истрагата за руските врски на Доналд Трамп за на крајот да излезе дека тој самиот имал врски со руски линкови на Путин.„Прашања до Американската Амбасада во Северна Македонија.1.Дали Македонија е засегната од шпиунско – коруптивната шема на ФБИ Агентот МекГонигал која ги потресува САД и Албанија?2.Дали мрежата на влијание од МекГонигал преку Еди Рама ги опфаќа и Али Ахмети, Димитар Ковачевски, Зоран Заев, Арбен Таравари како блиски до Рама?3.Дали тековните напори за “зајакнување на коалицијата” е дел од истата шема ФБИ виа Рама?4.Дали најавите за санкции и црни листи се дел од шемата на ФБИ и Еди Рама за уценување / дефамација на опозицијата според моделот употребен од ФБИ и Рама против Сали Бериша?“, стои во објавата на Твитер.https://twitter.com/ArsZek/status/1620238183463260160?ref_src=twsrc%5Etfw%7Ctwcamp%5Etweetembed%7Ctwterm%5E1620238183463260160%7Ctwgr%5E8d2f8be50c570e53c4af22dc111641d40b6b9fa2%7Ctwcon%5Es1_c10&ref_url=https%3A%2F%2Fmakedonskivesnik.com%2FD0B7D0B5D0BAD0BED0BBD0B8-D181D0BE-D0BFD180D0B0D188D0B0D19AD0B0-D0B4D0BE-D0B0D0B3D0B5D0BBD0B5D180-D0B4D0B0D0BBD0B8-D0BDD0B0D198D0B0D0B2%2F 

Коментари | пред 3 години

Ангелов бара амнестија за 27-ми април: Го амнестиравме УЧК, време е Македонците да си подадат рака

Лидерот на Достоинство Стојанче Ангелов побара амнестија за осудените за 27-април. Тој вели дека сите припадници на УЧК кои во 2001 ја нападнаа државата и убиваа македонски војници и полицајци беа амнестирани, па така Македонците, но и сите други треба да си подадат рака и да си простат.„Со Законот за амнестија од март 2002 година сите припадници на УЧК кои во 2001-та ја нападнаа дежавата и убиваа македонски војници и полицајци беа амнестирани. Беа амнестирани и оние кои ги убија 8-те бранители во заседата кај Вејце но и оние кои ги убија 10-те македонски бранители во заседата кај Карпалак како и оние кои ги убија 8-те македонски бранители кај Љуботенски Бачила.Како тоа да беше малку, во 2011 година, со Автентичното толкување на Законот за амнестија македонското Собрание ги амнестираше и оние кои извршија воени злосторства убивајќи 12 невини македонски цивили собрани од улица или од нивните домови. Беа амнестирани и злосторниците кои највулгарно и ѕверски се изживуваа врз киднапираните мавровски работници.Војната од 2001-та веќе одамна е зад нас. Во Македонија тече процесот на помирување. Помирување помеѓу Македонците и Албанците но и помирување помеѓу припадниците на македонските безбедносни сили и припадниците на УЧК.И покрај сите слабости и недостатоци процесот на помирување ја направи Македонија далеку побезбедна и постабилна земја од она што беше некогаш, и повеќето од нас, заедно, успеавме да направиме огромен безбедносен чекор напред, помагајќи и на Македонија да влезе во најголемиот воено политички сојуз во светот, НАТО.Но, процесот на помирување не треба да застане овде. Ние, македонските бранители од Достоинство, одамна зборуваме за процес на внатрешно помирување помеѓу самите Македонци бидејки внатре-македонската нетрпеливост и омраза наместо да се намалува и полека да спласне или исчезне, од ден на ден, станува се поголема и поголема, зголемувајки го јазот помеѓу Македонците во татковината и во светот.Доволно е само различно мислење за иста тема за да дојде до изблик на вулгарни навреди, нетрпеливост и омраза а понекогаш и закани или физички пресметки.Еден од најсензитивните настани кој драстично ја зголеми и сеуште ја зголемува нетрпеливоста помеѓу Македонците е и крвавиот 27 април 2017 година, настан кој за малку ќе ја турнеше државата во безумна граѓанска војна. Постоеше опасност да почнат да се убиваат Македонец со Македонец, брат со брат, татко со син, само затоа што припаѓаат на различни политички страни.Инспираторите и организаторите на овој настан ја носат крвта на пратениците на нивните раце. За жал многумина искрени македонски патриоти наседнаа на намерно создадената патриотска атмосфера и несвесно станаа дел од злосторничкиот план.Нема ништо херојско во тоа крвнички да се тепаат пратениците од македонското собрание, жени и мажи, татковци и мајки, додека нивните родители и деца, во живо на ТВ, гледаа обид за линч врз нивните родители и деца.Но, како и да е, и оние кои го осмислија, и оние кои го испланираа и реализираа овој пеколен план, но и оние кои ненамерно влетаа во него, сепак не убија никого, не запалија никого, не пукаа во глава никому. Така како што правеше УЧК во 2001-та. И сега, кога како држава ги амнестиравме оние кои убиваа и палеа македонски бранители вклучително и цивили, сметаме дека државата треба да собере сила и покрај сите контроверзи, и покрај експлозивните емоции и силно спротивставени аргументи и ставови, да најде начин да ги ослободи осудените за 27 април.Како Достоинство, први, уште на 28 април 2018 година, додека во знак на почит кон 8-те загинатите херои палевме свеќи и полагавме цвеќе на местото на заседата кај Вејце, повикавме да се развие дебата за амнестија на тогаш обвинетите за 27 април.Според нас од Достоинство, тие не се херои, но уште помалку се терористи и не треба да бидат во затвор.Додека некои ветерани од УЧК со години се наоѓаат на високи државни позиции, меѓу лицата кои гнијат во затвор осудени за 27 април е и поранешниот началник на полициските специјални единици, храбар бранител од 2001-та.Како непосреден учесник во воената 2001-ва, како тешко ранет бранител од борбите во Арачиново, јас смогнав сили да си подадам рака со тие кои ме ранија и почнав да работам на процесот на помирување помеѓу Македонците и Албанците, помеѓу бранителите и УЧК.Затоа, си земам за слобода уште еднаш, по којзнае кој пат, да ги повикам Македонците но и сите други, да си подадеме рака, да си простиме, да покажаме милост, и сите заедно да продолжиме напред, бидејки кој и да е на власт, Македонија сеуште ја чекаат тешки и неизвесни времиња. А нам бранителите од Достоинство, Македонија ни е се’ што имаме!Поаѓајќи од овој наш став, Достоинство дава целосна подршка на иницираниот Предлог-закон за амнестија на учесниците во настаните од 27 април, кој од неколку адвокати е испратен до македонското Собрание. Воедно, ги повикуваме сите пратеници, без разлика на верската, етничката или партиската припадност, да дадат подршка на оваа иницијатива, да го предложат и изгласаат овој Закон.Ги зедовме во предвид и укажувањата на претседателот на ВМРО ДПМНЕ Мицкоски дека правдата ќе биде задоволена само тогаш кога Врховниот суд ќе го врати овој предмет во прв степен а потоа би била донесена ослободителна пресуда. Без да навлегуваме во тоа колку е реална оваа можност во разумен временски рок, мораме да констатираме дека времето безмилосно тече и секој еден ден кој овие луѓе го поминуваат во затвор е ден помалку поминат со нивните семејства, со нивните родители, сопруги и деца.Затоа, час поскоро амнестија на осудените за крвавиот 27 април но воедно ова да биде последна групна амнестија дадена од македонското Собрание“, вели Ангелов.

Коментари | пред 3 години

„Апсурдно е учениците од Математичко информатичката гимназија да имаат по само еден до два часа дневно“, вели Сојуз на средношколци

Сојузот на средношколци апелира што побрзо да се реши проблемот во Математичко информатичката гимназија бидејќи апсурдно е учениците од оваа гимназија да имаат по само еден до два часа дневно.„Непречениот образовен процес е уставно и законско право на секој ученик и државата истото мора да го почитува и запазува. Недозволиво е поради неможноста МОН и Министерството за финансии да најдат заедничко решение учениците да немаат настава за 8 стручни предмети во МИГ.Со жалење ја констатираме состојбата во гимназијата која беше замислена како елитна образовна институција за учениците талентирани по Математиката и Информатика. Силно веруваме во тоа дека развојот на сите науки е екстремно важен, особено земајќи ја предвид круцијалната улога на средното образование во процесот. Ја потсетуваме јавноста дека Сојузот на средношколци се залага за отворање на две нови селективни гимназии - Јазична гимназија по примерот на Филолошките гимназии во Белград и Сараево и Хуманистичко-општествена гимназија по примерот на францускиот образовен систем.Надлежните мора да ја регулираат ситуацијата во МИГ и да се држат на високите посакувани стандарди - не само бидејќи е уставно право на нејзините ученици, туку и за да ни докаже дека нашите амбиции за развојот на сите науки се реални и остварливи“, се вели во соопштението.

Македонија | пред 3 години

Нема фотографија

Оставка од Филип Андов - Сокол и одговорност од Тупанчевски, бара ВМРО-ДПМНЕ

Во рок од еден месец јавноста дозна за три бегства од затвор. Последниот случај на бегство е повторно од затворот Шутка каде што директор е кадарот на СДС , Филип Андов - Сокол. Имено лицето Ариф Алили од Кичево, уапсен за дрога, избегал од „слободно одделение“ на затворот, вели ВМРО-ДПМНЕ„Да потсетиме пред извесно време од затворот избега и Нафи Абдиоски, лице со полн фотоалбум од заеднички слики со функционери на СДС. За овие скандалозни бегства нема никаква одговорност од директорот Филип Андов, ниту владата му бара оставка, ниту се најавува смена.Ваквите бегства покажуваат дека се работи за целосен распад на затворскиот систем, кој се претвори во решето систем. Пред неколку недели се случи и скандалозното бегство од затворот Идризово, при што беше ранет и еден затворски полицаец. Овој случај, но и останатите покажуваат дека корупцијата и криминалот владеат со затворите во Македонија.Дали владата на Ковачевски чека и во затворот Шутка да се случи скандалозно бегство со жртви за да преземе конкретни мерки и да побара одговорност одФилип Андов - Сокол и од Тупанчевски? Затоа потребна е оставка од Филип Андов - Сокол и одговорност од Тупанчевски веднаш.Јавноста логично прашува дали врската со мафијата на власт и корупцијата затворски врати отвора?Одговорност за бегствата и за решето затворскиот систем мора да има“, се вели во соопштението.

Македонија | пред 3 години

Димитриевски: Ако се отвори бугарски клуб со несоодветно име ќе бараме реакција од државата, ако не, никој нема да може да ги спречи кумановци

Во име на мојата општина, на 4 февруари полагам цвеќе на гробот на Гоце Делчев. И годинава сме пријавени и очекувам одобрување. Апелирам до граѓаните на достоинствен начин да го испочитуваме ликот и делото на Делчев. Исто така, апелирам до оние кои ќе дојдат од Бугарија да покажат достоинство оти доаѓаат да почитуваат еден голем ревелуционерен лик. Не смееме да забрануваме некој да влезе во земјата, но полицијата и безбедносните служби треба да ги детектира личностите кои сакаат да направат проблем и тоа да го решат со време, вели Максим Димитриевски, градоначалник на Куманово во емисијата студио 10 на ТВ24.-И Џамбаски и кој било друг што нема да ја почитува земјата, што ќе ја негира земјата, ако го сторат тоа сега треба да им се забрани понатамошен влез во Македонија, вели Димитриевски.Тоа што го кажа Османи во Бугарија повлекува барање за оставка, вели Димитриевски за изјавата на министерот за надворешни работи со која рече дека повеќе ѝ верува на една странка во случајот отколку на органите на законот и правдата.-Македонија е демонтирана држава, службите се демонтирани. Денес нема кој да соработува со службите во заштита на државата – а тоа не е срамно – затоа што луѓе беа лустрирани затоа што работеле за Македонија, вели Димитриевски додавајќи дека државата станува се послаба.Куманово е мултикултурен град на толерантни луѓе, вели Димитриевски за најавите за отворање уште еден бугарски клуб овојпат во Куманово. -Кај нас сите се добредојдени ако сте добронамерни. Ако не сте добронамерни и не негирате, Кумановчани од добронамерен народ стануваат пркосни и реагираат, вели Димитриевски додавајќи дека прагот на толеранција не смее да се премине.-Ако има обид да се отвори бугарски клуб со несоодветно име ќе ги повикаме официјалните, државните служби да реагираат. Ако тоа не се случи, никој не може да ги спречи кумановци да се самоорганизираат, вели Димитриевски.

Македонија | пред 3 години

Димитров: Се будиме со извинувања кон Бугарија, станавме бугарска провинција

Никола Димитров, поранешниот министер за надворешни работи, во емисијата „Утринска“ на Телма побара од власта да не се однесува, како што рече, како бугарска провинција и да превземе мерки доколку е потребно во однос на европратеникот Ангел Џамбаски доколку планира провокации на 4 февруари, пишува Фактор.– Тоа се територијални претензии и мора да се однесуваме како држава, а не како бугарска провинција и апсолутно целосно легитимно е да превземеме мерки, но се потекнува од првото – да се соочиме дека ќе има проблеми со Бугарија ако се преправаае дека не постојат, искоментира Димитров.Тој ја искритикува власта дека секое утре се буди со извинување кон Бугарија.– Нас ни треба пред се да избегаме од оваа панична автоцензура, во која ќе треба денот да го започнуваме со извинување кон Софија, Треба да се смириме, да седнеме широко и да видиме како да излеземе од овој чвор. Немаме правна гаранција дека ова воопшто води кон ЕУ, нека влезе некој европски олеснувач да седне со историчарите, ако Бугарија има црно на бело дека сме вештачки, па Берлин и Париз нека дадат свои официјални изјави дека се радуваат дека еден ден македонскиот јазик ќе стане дел од ЕУ. Ова со амандманите е врзано со негацијата, да разговараме и за Бугарите во Уставот, но да влезе во сила кога ќе станеме членка во Брисел, нафрлуваше Димитров.Во критиката кон власта, тој дополни дека таа не се труди да добие некакви гаранции за тоа со што би завршиле бугарските условувања.– Нашата власт се однесува неодговорно кон својот народ, бидејќи не се потруди да добие некакви гаранции дека ние имаме некаква цел. Европа не ги испорача своите верувања и ние имаме одговорност спрема нашипот народ, дека имаме пакет што ќе има некаква смисла. Ние сега немаме таков пакет. Почнавме преговори, или не почнавме преговори? Комисијата на историчарите ќе биде услов или нема да биде услоив?, прашува тој.Поранешниот дипломат вели дека и кога бил официјално министер, не молчел за овие проблеми.– Кога немате аргументи, фрлате лично дрва и камења, но да се вратиме на суштината – од Стразбур во дебата со Захариева сите мои настапи биле на овие принципи – еднаш за 11 Октомври во Прилеп кажав дека ако е цената јазикот и македонскиот идентитет – нема ЕУ, тоа го кажав како член на Влада, рече Димитров.Вели дека не може да разбере зошто одеднаш власта да се откаже од македонските позиции.– Европската перспектива има три предизвици – Бугарија со оваа амбиција, наместо да ни бидат вистински пријатели они отворено станаа непријатели, второр- неспремноста на политичките партии кои се однесуваат како дуќани со корупција, партизација, клиентелизмот и капацитетот да се спроведуваат европски политики дома. Владата мавта со знамето на ЕУ а дома не одалечува и третиот предизвик – не само што нема брз воз, туку нема воз а и шините се подизместени.Имаме неизвесност од ЕУ, неизвесност од бугарска страна и немаме политичка волја од нашите политичари да работат дома. Илузија е дека некој од надвор ќе дојде и дека ќе ги бере нашите гајлчињ, тврди Димитров.Порача и дека како член на Владата се залагал да се решат и други проблеми, надвор од дипломатијата, но дека како поединец немал доволно моќ и влијание.– Бев против легализација на дивоградби, на вили од милиони евра во националните паркови, приватизација на надлежности на Царина, повеќето битки ги губев, но бев само случаен политичар -активист без своја парламентарна група, истакна Димитров.

Македонија | пред 3 години

Аризанов: Себебитисување на Македонецот ќе биде комплетно само тогаш кога ќе се одрече и од комунизмот, и од фашизмот

Блаже Аризанов, млад претприемач и автор на социјалните мрежи објави статус во кој вели дека Македонците се однесуваат како творба на Тито.„Доволно е само да се присетиш на сеуште значајната бројка на улици низ Македонски градови именувани по Тито.Планински врвови именувани по Тито.Улици именувани Жртви на Фашизмот, но ни една улица именувана Жртви на Комунизмот.Залудно се чука Македонецот по гради и тврди дека има засебен идентитет – неговото себебитисување ќе биде комплетно само тогаш кога ќе се одрече и од комунизмот, и од фашизмот.Само тогаш ќе биде сфатен сериозно.Ова ни е цивилизациска задача од која сеуште бегаме и се криеме како глувци. Сеуште не можеме да го погледнеме светот со исправено лице.Од фашизмот тврдиме дека се одрековме.Од Комунизмот кога?Кога ќе се одречеме од Комунизмот како што тоа го сторија Естонците на пример?Дотогаш нека не се вреѓаме доколку нè сметаат за Коминтерновска творба“, стои во објавата.

Коментари | пред 3 години

Ахмети: Јас сум бил, сум и секогаш ќе бидам ангажиран во одбрана на каузата на нашите сограѓани Македонци

Претседателот на ДУИ Али Ахмети од денешниот партиски настан на ДУИ во Тетово под мотото „Заедно за ЕУ“, упати порака дека бил и секогаш ќе биде „ангажиран во одбрана на каузата на Македонците“.„Јас сум бил, сум и секогаш ќе бидам ангажиран во одбрана на каузата на нашите сограѓани Македонци, нивниот идентитет, јазик и култура“, рече Ахмети.Според лидерот на ДУИ, токму затоа сега сакаат да отворат „нова сцена, проевропски фронт“ што го забрзува нашето членство во Европската унија“„Овој фронт е помош што го забрзува нашиот пат кон ЕУ, кој мобилизира кон уставни измени. Овој фронт мора да работи и за нашите македонски сограѓани“, рече Ахмети.

Македонија | пред 3 години

Георгиевски откри како го вработил Мијалков

Лидерот на ВМРО-НП и поранешен премиер Љубчо Георгиевски во емисијата „Во центар“, изјави дека екс премиерот Никола Груевски барал од него да го вработи поранешниот директор на УБК, Сашо Мијалков.„Хил бараше да го тргнам Сашо Мијалков на двапати зашто им продавал оружје на Србите. И два пати Доста дојде за истото. Па го сменивме. После доаѓа Грујо и ми вели: да те замолам за Сашо, има деца нема како да го храни, а Сашо знаеме каков капитал има нели? И вели Никола „Може ли да го земеш за државен советник барем плата да зема. И го назначив, земаше плата и седеше дома. Така јас му помогнав на Сашо“, рече Георгиевски.

Македонија | пред 3 години

ВМРО-ДПМНЕ: Kои странски агентури влијаат на односите со Бугарија, и од каде се финансираат бугарските здруженија

Поданичкиот однос на владата допринесе Македонија да биде понижувана од Бугарија. Веднењето на кичма е причина на барањата на Бугарија кои секој ден се се повеќе, вели ВМРО-ДПМНЕ„Оваа власт трајно ги оштети македонските позиции, и ја стави државата во подредена положба. Цела извршна власт со денови не може да одлучи дали некого прогласува или не персона нон грата, и наместо реална реакција, само подгрева атмосфера, а потоа се повлекува.Македонија не смее повеќе да биде ставана на позиција за поткусурување по потреба на Ковачевски и Османи. Затоа бараме:Прво, власта на Ковачевски и Пендаровски да не ги крие и јавно да ги каже кои се тие агентурни мрежи и странски агенти кои работат на преку здруженија и фондации за поттикнување на антижакедонски ставови.Второ, финаниските институции да го проверат финансирањето на дел од овие здруженија и потеклото на парите, бидејќи со овие здруженија се шири антимакедонска политика.Трето, владата да се заинтересираат за делувањето, целта и постоењето на бугарско здружение во Корча, соседна Албанија, каде што во целата област живее мнозинско македонско население. Зошто досега не се побарани одговори за ова ниту од Еди Рама, ниту од властите во Албанија на кои начин дозволуваат да се негира постоењето на македонското национално малцинство во Албанија кое што таму живее со векови.Четврто, владата досега нема ниту една посериозна реакција во однос на било кое отворено негирање на македонската нација, историја и јазик. Затоа постојат македонски институции и тие мора да се спротистават на отворената кампања против Македонија.Петто, бараме македонската влада да побара доследно спроведување на пресудите добиени во судот за човекови права во Стразбур во насока на заштита и признавање на засебноста на Македонците во Бугарија, нивното право на здружување, нивното право на учество на избори, нивното право на образование на мајчин јазик како и нивното право на национално определување како Македонци. Должност е на Македонија да се грижи со сета сила и аргументи за правото на сите Македонци каде и да се наоѓаат.Владата да почне да работи, за Македонија, а за почеток може да ја почитува Резолуцијата од Собранието, која и самите ја гласаа“, се вели во соопштнеието.

Македонија | пред 3 години

Пронајдено тело во Вардар

На 28.01.2023 околу 12.44 часот во СВР Скопје е пријавено дека по течението на реката Вардар во Долно Лисиче, пловел човечки труп, кој малку подоцна бил извлечен од водата од страна на противпожарната единица Скопје.Од лекар од Итна медицинска помош е констатирана смрт.Увид на местото извршила екипа од СВР Скопје и известен е Јавен обвинител по чија наредба телото е предадено за обдукција.

Скопје | пред 3 години

Најчевска: Како смее во ситуација на очигледен конфликт, известувач за Македонија да биде државјанин на Бугарија?

Како смее во ситуација на очигледен конфликт меѓу Македонија и Бугарија, известувач за Македонија да биде државјанин на Бугарија, прашува професорката Мирјана Најчевска.„Некој ептен се подигрува со нашата држава.И не, Бугарите не се и никогаш не биле дел од државнотворноста на Македонија.Напротив.На секој начин се обидувале да ја попречат, а денес се обидуваат да ја уништат.И не знам со кој памет македонските власти не се побуниле против поставувањето на Бугарин како известител за напредокот на Македонија во ЕУ пристапниот процес“, додава таа.

Коментари | пред 3 години

Приватните превозници се враќаат на протести

Приватните автобуски превозници „Мак експрес“ и „Слобода превоз“ најавуваат протест за утре (понеделник) пред седиштето на Јавното сообраќајно претпријатие Скопје (ЈСП) во Автокоманда, пишува Вечер.Причина за утрешниот протест според Милорад Димитријевски, еден од сопствениците на „Мак екпрес“ е сумата што ЈСП им ја должи на приватните превозници.Како што изјавил Димитријевски, контролата на Управата за јавни приходи утврдила дека ЈСП се работи за долг од 29.590.000 денари.Протестот е закажан за во 9 часот.

Скопје | пред 3 години

Каракамишева: Нека ги преслуша Пендаровски изјавите на Џамбаски за да ги види сите елементи за загрозување на државниот поредок и безбедност на Македонија

Професорката Тања Каракамишева вели дека релативизацијата од страна на претседателот на Република Македонија е опасна работа и додава дека Пендаровски треба повторно да ги преслуша сите изјави на европратеникот Ангел Џамбаски за да ги види сите елементи на загрозување на безбедноста на Македонија.„Релативизацијата е многу опасна работа од официјален функционер како претседател на Република Македонија!Нека си ја преслуша претседателот Пендаровски уште еднаш целата изјава на Џамбаски изнесена во центарот на Скопје, а му предлагам и сите претходни, за да ги види сите елементи на загрозување на државниот поредок на Македонија и нејзината безбедност!Никој не спори право на етничка/национална припадност на одредени луѓе, но многу спориме кога тие луѓе ги НЕГИРААТ МАКЕДОНЦИТЕ, НИВНИОТ ИДЕНТИТЕТ И ИСТОРИЈА!

Коментари | пред 3 години

Груевски: Уставобранителите треба веднаш да бидат ослободени, целта на нивниот прогон беше да се скрши отпорот на народот

Вчерашната иницијатива на адвокатите на луѓето кои низ политички монтиран процес ги осудија на долгогодишни затворски казни за случајот “27. април” е добра, но не целосна и не со соодветно образложение, вели поранешниот премиер Никола Груевски.„Прво, сите осудени во овој процес треба да бидат ослободени веднаш и без одлагање, без селективност и без очекување дека во случај на повторено судење ова заробено и во еден дел криминално судство, со чест на исклучоците, кое не случајно е со 4% доверба на јавноста, ќе постапи поинаку од претходно или поинаку од насоките кои ќе ги добие од оние кои владеат со нив.Еден дел воопшто не требаше да бидат судени и осудени бидејки не сторија кривично дело.Дури и оние кои имаа несоодветно однесување и насилство, јасно е дека најголемиот дел од нив согласно законот требаше да добијат условни казни како што започна да постапува ОЈО пред смената на власта и еден помал дел евентуално можеа да добијат не поголема казна од половина од времето кое веќе го поминаа во затвор.Второ, вистинското образложение кое веројатно адвокатите не го напишале за да ја одоброволат власта да го подржи Законот за амнестијата треба да биде дека луѓето кои се неправедно и свесно со погрешни обвинителски квалификации неправедно осудени, се дел од политички монтиран процес, после очигледно посакуван инцидент од оние кои со однесувањето во парламентот го предизвикаа истиот, со цел да се скрши демократскиот отпор на народот кон она што беше јасно дека следува и што потоа на политички план се случи во Македонија.Да не заборавиме дека инцидентот се случи одкако претходно новото мнозинство на актуелната власт на незаконски и неуставен начин избра претседател на собранието.Целта очигледно беше потоа да има судење со лажни и уценети сведоци од страна на обвинителството и власта кои во еден дел беа осудени на база на претпоставки и лажни квалификации на обвинението, па наместо докази во услови на против уставно, противзаконско и спротивно на Деловникот на парламентот делување на тогашната опозиција во Парламентот, намерно темпирани токму во време и саат кога пред собранието веќе 60 дена имаше мирни протести, а со цел со цел да се исценира инцидент и потоа да се доделат драконските казни кои произлегоа од невистинита квалификација за наводно нивно терористичко загрозување на уставниот поредок.Преку тоа, целта беше да се заплашат сите граѓани на Македонија и политичките елити и да се одвратат од можни јавни реакции и протести во пресрет на престојното менување на уставот во 2018/2019 заради менување на уставното име и бришење на АСНОМ од уставот, како и менување на името на македонската нација, јазик, идентитет и менување на историјата веднаш по инсталирањето на марионетската влада на СДСМ, која само за да добие власт која се покажа дека ја посакувале заради криминални мотиви, беше подготвена на секакви предавства на националните интереси и неправди на Македонците на кои подоцна бевме сведоци.Времето покажа дека сомнежите и причините на народот во тогашните мирни протести на граѓаните биле повеќе од оправдани и се што во тој момент денес веќе владејачката СДСМ негираше, веќе го спроведе, побрутално и понеповолно за Македонија дури и од најцрните тогашни сценарија, а наскоро истото ќе го повтори.Се покажаа и дека судијката Добрила Кацарски која ги осуди нив а го ослободи Заев од обвинение за барање мито, како што политички а не како чесен судија пресуди во уште неколку други случаи кои произлегоа од политичкиот прогон, како што јавно го кажав тоа уште во 2018 година дека ќе се случи, го правела тоа од лична корист за крупно унапредување како награда за нанесените неправди на голем број луѓе., па на тој начин доби подршка за позиција член а потоа и претседател на уставниот суд“, додава Груевски.

Македонија | пред 3 години

„Нешто што е многу нормално во други држави кај нас е реткост и се дочекува со не верување…“, коментар на денот

Советничка во општина Ѓорче Петров на социјалните мрежи објави стастус во кој вели дека нешто што е многу нормално во други држави, кај нас е реткост и се дочекува со неверување„За тоа до каде сме како држава, многу кажува оној восихит кога некој од етничките заедници (роден, пораснат, школуван, вработен во Македонија) говори македонски, ќе се појави со македонското знаме, навива за Македонија, не му е сеедно за ситуацијата во која се наоѓа државата во која живее и слично.Нешто што е многу нормално во други држави кај нас е реткост и се дочекува со не верување…“, стои во објавата.

Коментари | пред 3 години

Малолетник го прегазил и усмртил дедото во Чаир, изречен му е притвор – детали за несреќата

17-години има детето кое го прегази и усмрти дедото во скопски Бутел. Нему му е изречен притвор, откако обвинителот успеал да го убеди судијата дека постои можност детето да се даде во бегство, дознава „Скопје1“. Главната причина поради која судијата се одлучил да ја изрече најстрогата мерка за обезбедување на присуство е што се сомневал дека детето може да го повтори делото, односно да го земе автомобилот, да го управува и повторно да го загрози сообраќајот. Поради ова не било дозволено да му се изрече поблага мерка.Според решението на Кривичниот суд, малолетникот ќе остане во притвор до крајот на февруари. До тогаш, обвинителот ќе треба да ја заврши истрагата и да покрене обвинение. Возачот се товари за тешки дела против безбедноста во сообраќајот со смртни последици. Неофицијално, тој немал возачка дозвола со која би го управувал возилото.Несреќата се случила вчера во Чаир, на крстосницата од улиците „Кемал Сејфула“, „Александар Урдаревски“ и „Босна и Херцеговина“. Мажот загинал на самото место, а лекар од итна медицинска помош констатирал смрт. Возачот бил пренесен во градската општа болница „8 септември“, каде му биле констатирани телесни повреди.

Скопје | пред 3 години

Трагедија: 18-годишник прегази и усмрти пешак во Скопје

Вчера вечер во 20.15 часот во СВР Скопје било пријавено дека во 19.45 часот на крстосницата од улиците „Кемал Сејфула“, „Александар Урдаревски“ и „Босна и Херцеговина“, патничко возило „голф 5“ со скопски регистарски ознаки, управувано од 18-годишниот И.Ј. од село Брест, скопско, удрило во пешакот 71-годишниот Ш.Р. од Скопје, извести МВР.– На местото на несреќата пешакот им подлегнал на повредите, а лекар од Итна медицинска помош констатирал смрт, додека возачот И.Ј. се здобил со телесни повреди, констатирани во Градската општа болница „8 Септември“, соопшти МВР.Увид на местото на несреќата извршиле екипа од СВР Скопје и Јавен обвинител, по чија наредба телото на починатиот е предадено за обдукција.

Скопје | пред 3 години

ФОТО: Дина добро ја поминала операцијата, закрепнува од туморот - ние сме на потег!

„Да ве известиме дека Дина ја помина операцијата добро и закрепнува“, објави семеството Неданоски.Тие додаваат: „Добар дел од туморот е отстранет што ни дава надеж дека терапијата со зрачење ќе има поголем успех и туморот ќе се уништи. Фала ви на сите за досегашната поддршка и донации. Знаејќи дека имаме долга борба пред нас, секоја помош е добредојдена. Бројчињата за донации се уште активни, како и gofundme сајтот.https://gofund.me/ccada031 ☎️ A1 143 463 ☎️ T-Mobile 143 133 Денарска сметка: 210501616680716. Шифра: 562. Цел на дознака: Донација за Дина. Девизна сметка. MK07210501616680716. Swift TUTNMK22 Фала ви уште еднаш на сите 🙏 Фамилија Неданоски“.

Македонија | пред 3 години

Мицкоски го „рашлака“ Ахмети: Басни за 2001-ва Али Ахмети да му раскажува на Ковачевски

Басни за 2001-ва Али Ахмети да му раскажува на Ковачевски, напиша на социјалните мрежи, лидерот на ВМРО-ДПМНЕ, Христијан Мицкоски споделувајќи фотографија на која е облечен во воена униформа.Ова се случува откако опозицискиот лидер претходно кажа дека бил добоволец во војната во 2001 година, а лидерот на ДУИ, Али Ахмети возврати дека Мицкоски не учествувал во војната, туку само ја гледал на телевизија.„Басните за 2001-ва може Али да ги раскажува на Димитар Ковачевски. Првиов се храбри од своите удoбни хациенди од Зајас, додека албанскиот народ, исто како македонскиот, гладува. Вториот како дезертер од 2001-ва сѐ ќе му поверува и мора да спроведе, за да прави криминал и тој самиот. Другпат добро нека гледаат и читаат што кажувам, а не да вадат од контекст. П.С. Јас пак мислев дека ќе се пофалат со нова фабрика…“, напиша Мицкоски.

Коментари | пред 3 години

Случајот во Охрид е сценарио, луѓе од иста групација се и тие кои тепаат и тие кои се тепани, откри министерот за внатрешни работи

Министерот за внатрешни работи Оливер Спасовски за последниот случај во Охрид смета дека е сценарио и дел од хибридната војна. Тој во емисијата „Утрински печат“ кажа дека „од иста групација се и тие што тепаат и тие што се тепани“.– Луѓе од иста групација се и тие кои тепаат и тие кои се тепани. Тоа ја докажува таа хибридна војна. За секое инкриминирачко дејство што се прави државата реагира во овој дел и ние кажуваме дека не може во ниту еден момент, ниту еден граѓанин, без разлика на национална, верска, политичка и која било друга припадност да биде физички нападнат и да биде малтретиран. На тоа државата јасно ќе се спротивстави и ќе преземе мерки какви што презема и во овој случај, рече Спасовски.Тој посочи дека за овој случај многу лажни вести се шират дека полицијата не реагирала кога било пријавено.– Веднаш откако е пријавено, полицијата отиде во болница да види што се случува, да земе изјави итн. Исто и од страна на болничките центри се преземени мерки за првично згрижување на пациентот, вели Спасовски.

Македонија | пред 3 години

(ФОТО) Граѓаните се организираа, на 4 февруари ќе се блокира патот до Скопје

Бугарски граѓани на 4 февруари организирано ќе дојдат во Скопје за да се поклонат пред гробот на Гоце Делчев.На социјалните мрежи објавен е повик граѓаните на 4 февруари да ја блокираат патарината Куманово - Скопје со цел нивно спречување.„Повик до сите родољуби! Дојдете со камиони, трактори, автомобили и друга машинерија и поддржете го протестот. Кумановчани - ве повикуваме во 9 часот да ја блокирате патарината кон Скопје. Да не дозволуваме бугарските нео-нацисти да плукаат по споменот на великанот Гоце Делчев“, стои во објавата.Вчера бугарска фондација на социјалните мрежи објави насоки за Бугарите кои на 4 февруари планираат да дојдат во Скопје. 

Македонија | пред 3 години

Доколку најуспешните фирми дадат само 1% од својата добивка, ќе се реши проблемот со бездомните кучиња

Млад скопјанец на социјалните мрежи објави предлог за хумано решавање на проблемот со бездомните кучиња, но и ќе се соберат средства за лекување на лицата со ретки болести.„1% од добивката на најуспешните 20-30 фирми во Македонија, да оди за решавање на проблемот со кучиња и нивна стерилизација, за лекување на луѓето со ретки болести и за оние кои имаат потреба од хитни операции ‼️‼️Не сум љубител на пишување статуси на фејсбук. ️Ова е мој прв статус напишан за 13 години. Но овојпат чувствував потреба и Искрено се надевам дека, овој предлог ќе допре до владата, бидејќи со истиот трајно ќе се реши проблемот со многу теми во нашето општество.Ситуацијата е многу сериозна, бидејќи се поголем е бројот на кучиња на улиците, а начинот на тоа, како поединци или институции се справуваат, ни малку не е хумана.Постојано со години сме сведоци дека се клеветaт, според мене неправедно, Лајка, Анима мунди, а често на критика од сограѓани, сме и сите ние како поединци или група (кои помагаме на милениците, донираме итн).Цитирам "ако ви е жал земете си ги дома"И Се ќе беше тоа во ред, ако некој како поединец можеше да ја реши ситуацијата.Имам донирано безброј пати и за луѓе, и за животни. Познавам и поединци кои многу повеќе се ангажирале. Но свесен сум бил дека кога ќе донирам сум решавал само, илјадити дел од проблемот.Затоа е потребно, ова да се регулира на повисоко ниво и веќе никогаш и никој да не бара донации, особено не за кучиња и не за оние лица кога животот им е во опасност и имаат потреба од операција, а немааат средства да си ја дозволат истата.За жал, финансиите со кои располагаат Лајка, не се нималку доволни да се реши ситуацијата.Анима Мунди колку што знам, се организација формирана од љубители и ситуацијата со финансии е веројатно и уште полоша.Поединец или група, неможат исто сами трајно да го решат проблемот.Макпетрол, Окта, Цементарница Усје се само дел од фирмите кои прават големи профити,Само Makpetrol Mk има приходи од 1 милион евра дневно и раст од 290% на добивката за една година. Да не ги збориме штетните ефекти кои OKТА, Цементарница Усје и голем дел од тие 30 фирми ги имаат за животната средина. Крајно време е да се одолжат и да придонесат нешто за општеството.Доколку најуспешните 20-30 фирми дадат само 1% од својата добивка, (внимание од добивката, а не од приходите) тоа ќе биде доволно да има за стерилизации, да се намали агресивноста на уличните кучиња, за нивно лекување и храна, но и за хитни операции на луѓе во странство, за лекување на луѓе со ретки болести итн. Средствата ќе се распределат на Лајка, Анима мунди,но пред се кај ветеринарите, бидејќи голем дел од нив тоа го заслужуваат.Во прилог се добивките на најуспешните 20 фирми. Ве молам споделете“, стои во објавата.

Коментари | пред 3 години

После бегството на Абдиовски од затворот Шутка да бевме нормална држава Сокол “на клоци“ ќе беше избркан од функцијата, вели ВМРО-ДПМНЕ

Нафи Абдиовски е лицето кое 12 дена е избеган од затворот Шутка кај што директорува Филип Андов Сокол. Она кое што е заедничко за овие двајца е што се членови на СДС со многу теренски активноси за партијата. Сокол е и поранешен советник на Заев, а Нефи Абдиовски кој освен што има дузина пријави е и лик од доверба на СДС бидејќи има заеднички фотографии и со Заев и со Груби и со Пендаровски, но и фотографии во премиерскиот кабинет во Влада. Очигледно овој бегалец од затворот кај што директорува Сокол имал и повластен третман, што веројатно му овозможило да го напушти затворот и да не ја долежи казната, вели ВМРО-ДПМНЕ„И замислете за ваков скандал нема никаква одговорност. Ниту Андов викан Сокол, ниту било кој друг не поднел оставка за овој случај. Да беше нормална држава, Сокол или ќе си поднесеше оставка или владата “на клоци“ ќе го избркаше од функцијата. Бегствата од затвор станаа секојдневие. Пред неколку недели имаше бегство од затворот Идризово од каде избега опасен криминалец кој дури и застрела затворски стражар. Исто така медиумите известија дека пред Нова Година е извршено убиство, а убиецот бил избеган затвореник од Идризово.Криминалците наместо во затвор се на улица и затоа подземјето владее со државата. Но во една мафијашка држава која има криминална влада, не е ни чудо главен сојузник на функционерите да бидат криминалците.Ова мора да престане, ова мора да се смени. Одоворност за ваквите скандали мора да има. Оваа криминална власт која дозволува криминалци и убијци слободно да шетаат на улица, мора да биде поразена и сменета“, се вели во соопштението.

Македонија | пред 3 години