ТОП

Осуден Боки 13 на девет години затвор, Фросина Ременски е ослободена

Бојан Јовановски-Боки 13 е осуден на девет години затвор. Јасна Мандиќ која беше заменик-претседателка на Меѓународен сојуз доби осудителна казна, казна од четири години. Фросина Ременски е ослободена од обвинение. Христина Блажевска доби една година затвор. Миле Јовановски е осуден на условна осуда.Боки 13 е првообвинет за перење пари и измама, а Ременски, Мандиќ и асистентката се обвинети за помагање во извршување на кривичното дело. Таткото на Боки 13 е обвинет за помагање при Перење пари, како и за Неовластено изработување, држење, посредување и тргување со оружје или распрскувачки материи откако во домот при претресот биле пронајдени нефункционални пиштоли за кои немал дозвола, а се останати од неговиот дедо.Судењето за овој предмет го води судијката Софче Гаврилова – Ефремова, а застапник на обвинението е обвинителката Ивана Трајчева.

Македонија | пред 3 години

Најческа за Тупанчески: А лепенче со пчеличка на рачето му ставиле? Мислам да не се расплаче

Професорката Мирјана Најческа која порача дека министерот за правда Никола Тупанчески треба да биде разрешен, се смее на одлуката која ја донесе вицепремиерката задолжена за спроведување на Етичкиот кодекс, Славица Грковска, да му изрече писмена опомена.„Ахахахахаха. Писмена опомена. Ахахахаха. А лепенче со пчеличка на рачето му ставиле? Мислам да не се расплаче.Гонете се бре. Која бре верба во власта ја очекувате? Не разбирате дека од главата смрди и од главата треба да почне да владее правото“, напиша Најческа.Таа и претходно го коментираше лажењето на Тупанчески, заедно со патувањето на сметка на ФФМ.„Тупанчески не треба да поднесе оставка. Тој треба да биде веднаш разрешен, а Ректоратот на Универзитетот “Св. Кирил и Методиј“ треба да расправа за достоинството на професијата и нарушувањето на етичкиот кодекс на Универзитетот“, напиша таа.

Македонија | пред 3 години

Боки 13 прозборе за тортурата и мајчините солзи: Јасминке моја најмила, знаеш дека никому не сум му направил ништо лошо

Бојан Јовановски, познат како Боки 13 одново ја бранува јавноста. Пред неговата пресуда, се заблагодари на неговата мајка Јасминка, како и на најблиските пријатели кои останале до него откако беше притворен, па затворен и осуден. Боки 13 во објавата објавена од негов администратор зборува за тортура која била вршена врз него, кога не дозволувале неговата мајка да влезе во болничка соба каде се лекувал. Како што е познато, Боки 13 неколкупати завршуваше со Брза помош во болница.„Постојат ли зборови, постои ли опис, постои ли мисла, постои ли стих, постои ли песна што може нас да не опише, мене и тебе... Постои ли клетва за оние што ни го направија ова ЗЛО, постои ли утеха, постои ли начин да се избришат мајчините солзи кои се единствените искрени и многу болни, постои ли гума со која може да се избрише тортурата и сите оние моменти кога не ни дозволуваа да се видиме и да се гушнеме додека лежев во болница кога ме држеа во притвор по секоја цена, постои ли начин да ги заборавам белите листови хартија натопени со моите солзи на кои ти ги пишував моите писма од притвор бидејки тоа ни беше единствената комуникација, а кога ќе добиев повратно писмо со твојот краснопис го бакнував милион пати и со него заспивав... постои ли казна на овој свет за сите оние бездушници кои ни глумеа пријатели и роднини додека имаа само гола корист па потоа ја покажаа својата бедотија и постои ли награда и збор за благодарност за оние кои што беа покрај нас и покажаа човечност и големина, и на крајот постои ли заборав за сите злодела и неправди кои ни ги нанесоа... Постои ли поголема среќа од онаа кога ме дочека дома кога се "смилуваа" и ме пуштија во куќен притвор.... НЕ ПОСТОИ !!! ПОСТОИ САМО НАДЕЖ, ВЕРБА И ЉУБОВ Надеж дека правдата ќе дојде и дека ова се , еден ден ќе биде минато од кое сите ќе научиме по нешто и ќе бидеме уште посилни...“, напиша Јовановски.„Јасминке моја најмила, ти ме познаваш најдобро, знаеш каков сум, знаеш дека никому не сум му направил ништо лошо, исто така знаеш колку многу ме имаат повредувано, понижувано, навредувано, дискриминирано и знаеш дека сум издржувал се, а сум издржал се возможно и невозможно поради твојата љубов и поддршка, мојата единствена и вистинска животна среќа е што ти си моја мајка!!! Само посакувам да си ми здрава и жива ти и татко ми, а за се останато ќе се борам, машки , чесно и достоинствено! Овие фотографии се од дочек на Нова Година 2021 кога бев во куќен притвор, бевме јас, ти, кучињата и неколку наши драги и искрени пријатели, Миле не беше со нас... (а за тоа во друга прилика во засебен текст) нема лажен сјај на сликиве, нема филтри и фотошоп, има само љубов и топлинаОвој пост ќе го завршам со стихови од песна на Пепи Бафтировски. Ти не плачи мајко, што сум далеку и сам... Ќе препливам води, назад ќе се вратам пак, во градите едра распнувам за пат, огнови високи сам ќе изодам Ако згрешам, нека изгорам!“, додаде тој.

пред 3 години

258 сообраќајни прекршоци во Скопје, 109 казни изречени на пешаци

Министерството за внатрешни работи во текот на вчерашниот ден (06.04.2022) продолжи со засилените акциски контроли во областа на сообраќајот.„На територија на град Скопје изречени се вкупно 258 мерки, меѓу кои за возење повеќе од дозволената брзина 48 санкции, 14 мерки за возење без возачка дозвола, 109 санкции за прекршоци што ги прават пешаците.Изречени се шест мерки технички неисправни и нерегистрирани возила, четири санкции за возење под дејство на алкохол, шест мерки за недавање првенство на минување на пешаци, 42 за непрописно паркирање...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, вели МВР.

Скопје | пред 3 години

Мицкоски за спорот со Бугарија: Од тоа „ајде само уште ова“ грлото ни е преполно со кнедлите што ги голтнавме, а таму во Европа обезличени не се оди

Навистина е нејасно зошто се радува Бугарија, а Владата на Македонија молчи. Нејасно е и на што се должеше тоа што двете страни го опишуваат како придвижување во разговорите, за да на крај ни кажат дека договориле заедничко чествување на Цар Самоил. А истово ова го соопшти и Заев дека го договорил уште пред 2 години, изјави претседателот на ВМРО-ДПМНЕ, Христијан Мицкоски во говорот пред Унијата на млади сили во врска со спорот со Бугарија.Мицкоски вели дека сега власта играјќи на картата на кратко помнење на народот сакаат да ни кажат дека треба повторно да се радуваме за продавање на работа која веќе ја продале во 2019-та година.- А воедно кога ќе го прашаат Ковачевски кога датум за преговори со ЕУ? Тој ќе одговори, не робувал на датум. Може Ковачевски не робува на датуми ама изгледа и не робува и на ветувања, затоа што партијата чијшто претседател е, дојде на власт со ветување дека ЕУ ќе дошла веднаш и сега. А гледаме дека со СДСМ нема ниту ЕУ, а нема ниту иднина, туку само криминал и тендери, рече Мицкоски.Тој потенцираше дека ВМРО-ДПМНЕ за прашањето со Бугарија има многу јасни позиции, и е против каков било чин или чекор кој ќе значи нарушување на идентитетот, јазикот или срамно решение кое ќе значи откажување од нашето историско наследство.- Ние сме за решение кое ќе ги одразува и зачувува националните и државни интереси и нема повеќе отстапки кои Владата ги опишува со реченица „Ајде само уште ова и само што не дошло подобро време“. Од тоа „ајде само уште ова“ грлото ни е преполно со кнедлите што ги голтнавме, а таму во Европа обезличени не се оди. Туку такви какви што сме Македонци, со богата историја, со свој јазик и идентитет, нагласи Мицкоски.

Македонија | пред 3 години

Три лица со корона починаа, 195 се новозаразени

Министерството за здравство информира,согласно податоците од Институтот за јавно здравје дека во последните 24 часа:Направени се 2.249 тестови, а регистрирани се 195 нови случаи на КОВИД-19: Скопје – 107, Битола – 16, Охрид – 11, Прилеп и Кавадарци – по 9, Велес, Струмица и Делчево – по 4, Гостивар, Кичево, Кочани и Крушево – по 3, Куманово, Штип, Свети Николе, Крива Паланка, Дебар, Валандово и Демир Капија – по 2, Тетово, Струга, Радовиш, Берово и Пробиштип – по 1.Од вкупниот број на позитивни (195), регистрирани се 29 реинфекции.Регистрирани сe 207 оздравени пациенти од: Скопје – 117, Битола и Кавадарци – по 15, Охрид – 11, Струга – 7, Куманово – 6, Прилеп – 5, Велес – 4, Струмица, Кичево, Кочани, Гевгелија и Ресен – по 3, Делчево, Гостивар, Штип, Валандово и Неготино – по 2, Радовиш и Берово – по 1.Во текот на изминатите 24 часа, се регистрирани две починати лица од Скопје (71г и 85г), двете лица се починати во болнички услови.Согласно Регистарот на умрени лица со дијагноза КОВИД-19 од Мој Термин, дополнително е пријавено едно починато лице од Охрид (83г), починато во болнички услови.Од вкупниот број на починати лица (3) , кај сите починати лица се регистрирани коморбидитети.Направени се 2.249 тестови преку: ИЈЗ-259, ЦЈЗ Скопје-83, ЦЈЗ Битола-79, ЦЈЗ Прилеп-37, ЦЈЗ Тетово-16, ЦЈЗ Куманово-42, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–8, ГОБ 8-ми Септември-0, Институт за микробиологија–176, Жан Митрев (Филип Втори)-36, Авицена-48, Биотек-44, Систина-32, лабораторија Лаор-59, Синлаб-8, Ремедика-22, Плодност-22, Генеа-7, Никоб Лаб-187, ВФВ Медикал-21, Ели Медика Плус-21, Ројал Медика–6, Спектра-ММ-8, Рапид Лаб–5, Жан Митрев Струмица–5, Нова Лаб Дијагностика–5, Рамус-3, ЈЗУ и ПЗУ (рапид тест)– вкупно 1.010.Досега во земјата се направени вкупно 1.974.520 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 307.142, бројот на оздравени пациенти е 296.373, на починати е 9.234, а бројот на активни случаи изнесува 1.535Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 144160, Активни 824Куманово 16578, Активни 34Битола 14920, Активни 167Прилеп 14044, Активни 83Тетово 13425, Активни 17Кавадарци 10547, Активни 74Велес 9698, Активни 22Гостивар 9544, Активни 13Охрид 8785, Активни 79Струмица 8018, Активни 25Штип 7983, Активни 15Кичево 5582, Активни 31Кочани 5060, Активни 13Струга 4703, Активни 13Гевгелија 4385, Активни 23Неготино 3662, Активни 5Ресен 2692, Активни 17Свети Николе 2619, Активни 6Радовиш 2517, Активни 8Крива Паланка 2412, Активни 6Делчево 1959, Активни 23Дебар 1673, Активни 4Берово 1639, Активни 2Валандово 1479, Активни 3Виница 1383, Активни 6Пробиштип 1266, Активни 3

пред 3 години

Се укинуваат маските во затворен простор и изолирање на лица кои контактирале со заразени

Претседателот на Комисијата за заразни болести, Александар Петличковски, кажа дека препорачале укинување на две мерки. Тој вели дека се следи состојбата во Македонија со коронавирусот, па се носат одлуки.„Моменталните услови ни овозможуваат намалување на рестрикциите. Препорачавме да се укине мерката на задолжително носење маски во затворен простор. Исклучок се здравствените установи, домовите каде се згрижуваат постари лица и јавниот превоз. Овде останува задолжителното носење маски. И втората поважна препорака се однесува на следењето на контактите по потврдени контакти. Се укинува следењето на контактите и нивно излолирање“, рече Петличковски.Овие укинувања се дадени како предлог на Кризниот штаб при Владата, кои ќе треба да и препорачаат на Владата и да се донесе конечна одлука.„Во пресрет сме на празници кога може да има зголемен број на заразени. Затоа одиме чекор по чекор. Препорачуваме маски да носат возрасните кои се со хронични болести, останува препораката“, рече портапролот на Комисијата, Злате Мехмедовиќ.

пред 3 години

Матичните лекари утре нема да работат, излегуваат на протест

Приватните лекари на Денот на здравството 7 април, утре, ќе излезат на протест за да искажат револт што не им е решен ниту еден од бројните проблемите кои ги имаат. Здружението на приватни лекари (ЗПЛМ) одлучи протестот да се одржи во 12 часот пред Министерството за здравство, на кој покрај докторите ќе протестираат и медицинските сестри.-Се сменија многу министри, многу Влади, но никој не направи ништо за опстанокот на примарното здравство. Не се покачени буџетите за матичните лекари, ниту за специјалисти и лаборатории. Имаме енормни зголемувања, покачена е минимална плата, цената на индустриската струја отиде високо. Капитациониот бод мора да се зголеми, вели д-р Лилјана Чолакова-Дервишова, претседател на ЗПЛМ.Иако после последниот протест со Министерството за здравство беше договорено формирање на работни групи и почнување на разговорите, тоа не се случило.-Ги пративме нашите предлози за примарно и секундарно здравство,за лаборатории и за специјалистички. Но, ништо не се случи, немаше состанок, каде суштински ќе се разговара и ќе има резултати. Не бараме средби само да се гледаме, туку нешто треба да се придвижи. Вредноста на бодот од 63 денари капитација е премногу ниска, а за стоматолог е 48 денари, рече Чолакова-Дервишова.Поддршка за протестот денеска искажаа и од Здружението на приватни здравствени стоматолошки установи и приватни доктори по дентална медицина (ЗПЗСУ ПДДМ).

Македонија | пред 3 години

Возачот кој ја усмрти Викторија кај „Сити мол“ прозборе пред судот, адвокатот го опиша неговиот живот

Возачот Јордан Ѓоргиев кој ја стори несреќата кај „Сити мол“ изрази каење и призна вина. Пресудата за него ќе се чуе во понеделник.„Сакам да изразам сочувство на покојната. Од тој ден немам ни еден миг раат, многу сум вознемирен. Камо да можам да сменам нешто за тој ден. Доколку би можел, би го сменил местото“, кажа возачот Јордан Ѓоргиев.Обвинителството очекува казна која ќе превенира идни вакви несреќи.„ Со оваа кривична санкција искрено се надевам дека ќе биде задоволена правдата пред се во делот на генералната превенција во овој вид на криминалитет, бидејќи во последно време сме сведоци на жал се позачестени вакви незгоди, каде како последица го имаме губењето на човечки животи. Очекувањето на обвинителството е да се определи санкција со која ќе се остварат целите на казнувањето. Предлагам да му се определи кривична казна забрана за управување со моторно возило“, кажа обвинителот Мишо Илиевски.Адвокатот на семејството Николови, кажа дека тие не добиле извинување од адвокатот, семејството и оштетениот и 76 дена по несреќата.„Сакаме да потенцираме дека денеска е 76 ден од смртта на Викторија и во однос на признавањето на вина, сметаме дека истото е институционално. Затоа што во текот на овој период ниту семејството на обвинетиот, а и самиот тој, во ниту една форма, се нема извинето, изразено сочувство или искрено да се покае. Сакаме судот ова да го има во предвид и да донесе казна како што треба за да покажеме владение на правото сразмерна на делото кое е сторено“, кажа адвокатот Владимир Михајловиќ, кој го застапува семејството на загинатата Викторија Николова.Адвокатот Душко Јанковиќ, кој го застапува обвинетиот Јордан Ѓоргиев го опиша неговиот живот. Кажа што проживува, го спомена и каењето. Јанковиќ пред судијката кажа дека возачот е веќе казнет, бидејќи има трајно психичко пореметување. Според адвокатот, возачот Јордан кажал: „Каењето и самообвинувањето на Јордан се гледа и од тоа што во неколку наврати изјавил дека кога би можел да биде на местото на починатата Викторија, би се сменил со неа“.„Чинот на признанието на Јордан мислам дека е единствен начин за таа трагедија се ублажи и за двете страни, но и да денеска ја утврдиме правата вистина за целиот настан. Кога велам да се утврди правата вистина, не мислам на утврдување на фактичка состојба, но мислам, на сите невистини, лаги, инсинуации, злонамерни пишувања, колнења, клевети и закани со убиство искажани кон обвнетиот Јордан, неговото семејство, па и лично кон мене како негов бранител, а искажани преку социјалните мрежи од првиот момент на случената трагедија од страна на квази добротвори, квази правници, кои цело време изведуваа квази судии седејќи позади тастатурата пред компјутер, а вклучен ‘Фејсбук’ и неограничено ги лечеа своите комплекси, а притоа, не сфаќајќи дека се всушност морални накази и чудовишта кои немаа почитување спрема никого и со цел да ова и така не мала несреќа, уште повеќе ја зголемат, а што е најважно, немаа почит и спрема семејството на оштетените. Ова го кажувам со причина. Затоа што, обвинетиот успееја тогаш да го прикажат како дете кое е збеснато, чиј татко бил функционер, бизнисмен, близок со власта, а возел со скап џип, па дека бил пијан, поминал на црвено. Сето тоа влијаеше врз целата оваа постапка, почнувајќи по првиот ден и во некои решенија на овој суд каде што дури беше напишано и наведено дека во одлуката меѓудругото се носи и заради притисокот на јавноста. Ова не е прва сообраќајка ниту последна. Имало и многу потешки кривични дела, но никогаш немало таков публицитет што дури и влијаеше и на судски одлуки. Искрено се надевам дека овој суд нема да подлегне на никакви притисоци и дека ќе донесе објективна одлука. Како и да е, обвинетиот Јордан Ѓоргиев е најобично младо дете од нашето секојдневие. Ниту е син на директор, ниту имал скап џип, ниту бил под дејство на алкохол и дроги, што е факт и видно од самиот обвинителен акт. Живее во семејна заедница, со неговата мајка и помлада сестра и повремено, со неговата вереница. Родителите на Јордан се разведени уште во 2007 година и од тогаш се самохрано семејство. Неговиот татко, како за пример, живее веќе 17 години во Гевгелија и е невработен. Кога го опишуваме карактерот или психолошкиот профил на животот на младиот Јордан, неговата клучна улога во семејството е домаќинската улога и преземањето на улогата на неговиот татко. Јордан е ко-кредитобарател на неговата мајка која е кредитобарател, за кредит, за стан каде што денеска живеат, со рок на исплата од 30 години. Јордан на свое име и со двајца жиранти има подигнато уште еден кредит. Тоа покажува дека покрај тоа што студира, тој работи, зема плата од 45 илјади денари и заедно со неговата мајка го водат семејството“, кажа адвокатот.

Македонија | пред 3 години

Британските разузнавачи зборуваа за ситуацијата во Мариупол

Тешките борби и руските воздушни напади продолжуваат во опколениот украински град Мариупол, соопшти британското воено разузнавање.„Хуманитарната ситуација во градот се влошува“, соопшти Министерството за одбрана.„Повеќето од 160.000 преостанати жители немаат струја, комуникации, лекови, греење или вода. Руските сили спречија хуманитарен пристап, веројатно вршејќи притисок врз ветераните да се предадат.Украинските медиуми јавија за експлозии во регионот Лавов на запад и регионот Дњепропетровск на југоисток.Воениот администратор на Лавов, Максим Козицки, ги потврдил експлозиите во близина на градот Радехив, североисточно од Лавов, објави во вторникот вечерта Украинската правда.Засега нема информации за жртви, рече тој.Во регионот Днепропетровск, очевидци рекоа дека виделе експлозии во Новомосковск, индустриски град на околу 25 километри североисточно од главниот град на регионот Днепро, според украинската правда.

пред 3 години

202 казнети возачи во Скопје, 46 за брзо возење

Министерството за внатрешни работи во текот на вчерашниот ден (05.04.2022) продолжи со засилените акциски контроли во областа на сообраќајот.„На територија на град Скопје изречени се вкупно 202 мерки, меѓу кои за возење повеќе од дозволената брзина 46 санкции, 15 мерки за возење без возачка дозвола,16 санкции за недавање првенство на минување на пешаци.Изречени се осум мерки за користење мобилен телефон, 11 санкции за прекршоци што ги прават пешаците, три мерки за возење под дејство на алкохол, пет за нерегистрирани возила, 73 за непрописно паркирање...Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, напиша МВР.

Скопје | пред 3 години

Тупанчески треба да биде веднаш разрешен, а ректоратот на Универзитетот “Св. Кирил и Методиј“ да расправа за достоинството на професијата, смета Најчевска

Министерот за правда Никола Тупанчески за „А1он“ призна дека не ја платил картата за чартер-летот и влезот на стадионот во Палермо. Фактурата за аранжманот, односно сместувањето ја платил откако целата јавност го виде на трибините, односно по четири денови од одржувањето на натпреварот. За ова, со коментар се јави професорката Мирјана Најчевска.„Тупанчески не треба да поднесе оставка. Тој треба да биде веднаш разрешен, а Ректоратот на Универзитетот “Св. Кирил и Методиј“ треба да расправа за достоинството на професијата и нарушувањето на етичкиот кодекс на Универзитетот“, напиша Најчевска.Министерот претходно велеше дека сите трошоци ги подмирил тој од неговата трансакциска сметка.

Коментари | пред 3 години

Семејствата на жртвите од автобуската несреќа во Бугарија прашуваат: Кого штити Џафери?

МАКЕДОНИЈАСемејствата на жртвите од автобуската несреќа во Бугарија прашуваат: Кого штити Џафери и не дозволува собраниска истрага?Објавено пред 42 минути - 5 април, 2022Од МакфаксСемејствата на жртвите кои ги загубија животите во автобуската трагедија во Бугарија, денеска во допис до медиумите јавно прашуваат кого сака да заштити претседателот на Собранитео, Талат Џафери и зошто не дозволува собраниска истрага за случајот.„Сега кога веќе ги немаме нашите најблиски, ја бараме само вистината и правдата. За таа цел побаравме Анкетната комисија во Собранието да одржи состанок за човековите права и слободи. Но, денеска добивме одговор дека оваа средба, иако ја свика претседателот на Комисијата, Халил Снопче, претседателот на Собранието, Талат Џафери, ја откажа“, се наведува во дописот.Семејствата на жртвите во трагичната несреќа нагласуваат дека пратениците се народни претставници во Собранието и тие треба да бидат глас и поддршка за граѓаните.„Ние ја бараме само вистината и правдата, а таквите одлуки ги цениме како обид да се сокрие истото. Денес, господинот Џафери уште повеќе ни ја отежна болката и јавно го прашуваме зошто му смета вистината, кого сака да заштити и зошто не дозволува собраниска истрага“, стои во дописот до медиумите.

Македонија | пред 3 години

Јанакиески осуден на 3,6 години за „Топлик“, Димитар Димовски доби условна казна

Ексминистерот за транспорт и врски Миле Јанакиески е осуден на 3 години и 6 месеци за случајот „Топлик“, каде од Обвинителството беше гонет за злоупотреба на службената положба и овластување. Димитар Димовски кој бил член на комисија која спроведувала јавно наддавање за „Сончев град“ а беше и член на Извршниот комитет на ВМРО-ДПМНЕ доби условна осуда односно казна затвор од две години ако го повтори делото.Од другите членови на комисијата, Томче Ѓурчилов доби казна затвор од три години. Веса Томчевска е осудена на условна казна, а ќе издржува две години затвор ако во следните пет години направи ново кривично дело , Димитар Ѓаќев доби условна осуда а казна затвор од 2 години ако во рок од пет години направи ново кривично дело и Марица Тасева е осудена на условна осуда, а казна затвор од 2 години ако во рок од пет години направи ново кривично дело

Македонија | пред 3 години

Нови 236 заразени од корона, нема починати

Министерството за здравство информира,согласно податоците од Институтот за јавно здравје дека во последните 24 часа:Направени се 2.212 тестови, а регистрирани се 236 нови случаи на КОВИД-19: Скопје – 125, Битола – 29, Кавадраци – 12, Прилеп и Гевгелија – по 10, Охрид – 9, Ресен – 7, Кичево – 6, Куманово – 5, Струмица – 4, Велес – 3, Гостивар ,Штип, Крива Паланка, Делчево и Пробиштип – по 2, Тетово Кочани, Берово, Крушево, Македонска Каменица и Пехчево – по 1.Од вкупниот број на позитивни (236), регистрирани се 38 реинфекции.Регистрирани сe 252 оздравени пациенти од: Скопје – 137, Битола – 34, Прилеп – 17, Кавадарци – 15, Куманово и Велес – по 7, Кичево и Дебар – по 5, Делчево , Кочани и Неготино – по 4, Тетово – 3, Ресен , Струмица ,Штип и Крива Паланка – по 2, Гевгелија и Дојран – по 1.Во текот на изминатите 24 часа и согласно Регистарот на умрени лица со дијагноза КОВИД-19 од Мој Термин, не се регистрирани нови починати лица.Направени се 2.212 тестови преку: ИЈЗ-203, ЦЈЗ Скопје-76, ЦЈЗ Битола-80, ЦЈЗ Прилеп-16, ЦЈЗ Тетово-14, ЦЈЗ Куманово-43 ,Клиника за инфективни болести и фебрилни состојби-0, Судска медицина-1, лабораторија болница Козле-8, УК Пулмологија со алергологија–0, ГОБ 8-ми Септември-0, Институт за микробиологија–119, Жан Митрев (Филип Втори)-37, Авицена-56, Биотек-103, Систина-51, лабораторија Лаор-45, Синлаб-11, Ремедика-16, Плодност-32, Генеа-5, Никоб Лаб-192, ВФВ Медикал-23, Ели Медика Плус-12, Ројал Медика–5, Спектра-ММ-7, Рапид Лаб–10, Жан Митрев Струмица–6, Нова Лаб Дијагностика–7, Рамус-7, ЈЗУ и ПЗУ (рапид тест)– вкупно 1.027.Досега во земјата се направени вкупно 1.972.271 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.947, бројот на оздравени пациенти е 296.166, на починати е 9.231, а бројот на активни случаи изнесува 1.550.Според епидемиолошки анализи во моментов, дистрибуцијата по градови е следнаДистрибуција по градови Заболени (вкупно), Активни случаи (вкупно)Скопје 144052, Активни 835Куманово 16576, Активни 38Битола 14905, Активни 167Прилеп 14035, Активни 79Тетово 13424, Активни 16Кавадарци 10537, Активни 79Велес 9694, Активни 22Гостивар 9541, Активни 12Охрид 8775, Активни 81Струмица 8013, Активни 23Штип 7983, Активни 17Кичево 5579, Активни 31Кочани 5057, Активни 13Струга 4701, Активни 18Гевгелија 4385, Активни 26Неготино 3662, Активни 7Ресен 2692, Активни 20Свети Николе 2617, Активни 4Радовиш 2516, Активни 8Крива Паланка 2410, Активни 4Делчево 1955, Активни 21Дебар 1671, Активни 2Берово 1638, Активни 2Валандово 1477, Активни 3Виница 1383, Активни 6Пробиштип 1265, Активни 2Богданци 1018, Активни 1Кратово 961, Активни 3Крушево 924, Активни 7Демир Хисар 825, Активни 0Македонски Брод 736, Активни 1Демир Капија 586, Активни 0Македонска Каменица 524, Активни 1Пехчево 486, Активни 1Дојран 344, Активни 0

пред 3 години

Јаулески за Тупанчески: Брука! Прво сами си ја платиле, па после натпреварот уплатиле, па негираа по телевизии и правеа кловнови од себе за на крај да си признаат

Пранитекот Јован Јаулески го коментираше признавањето на министерот за правда, Никола Тупначески, кој по две недели за „А1он“ кажа дека не платил за чартер-летот и за билетите на трибните во Палермо.„Прво сами си ја платиле, па после натпреварот уплатиле, па негираа по телевизии и правеа кловнови од себе за на крај да си признаат.Велеше и дека нема да поднесе оставка затоа што не го прекршил етичкиот кодес, сега признава дека го прекршил. Па, ќе поднесе ли Тупанчевски оставка?На сликите од трибини каде што навиваа заедно, можевме да видиме дека има и директна спрега на релација министер за правда, судија и јавен обвинител, што е недозволиво!Тука се поставуваат и други прашања, на пример, кои предмети ги водат обвинителот и судијата и на кои министерот директно влијае?За да не се прашувате зошто само 8% доверба има народот во судството, ликот на сликава ви е одговорот.Во истиот лик и целата СДС е одговорот и зошто има партизирано судство и наместени обвиненија по нарачка на власта!Срам, беда и мизерија! Наместо да земете дечиња кои се иднината на фудбалот во Македонија да ја почувстуваатна фудбалот на големите терени, барем од трибини, се носат криминалци кои се полни со пари и можат сами да резервираат еден авион.Брука!Оставките се неизбежни!“, напиша Јаулески.

Коментари | пред 3 години

Ковачевски: Сите ја носиме одговорноста брзо да носиме одлуки и да го нормализираме процесот на интеграција во ЕУ

Претседателот на Владата на Република Северна Македонија Димитар Ковачевски, денеска го одржа редовниот брифинг со амбасадорите на земјите членки на ЕУ, на кој присуствуваше и заменик-шефот на Мисијата на ЕУ во нашата земја, Јулијан Васало.На состанокот, премиерот Ковачевски се осврна на најважните прашања од евроинтеграцискиот процес на Република Северна Македонија, во контекст на актуелната безбедносна криза со војната во Украина.„Поминуваме низ драматични времиња поради трагичната ситуација во Украина и бруталната агресија на Русија против друга европска држава која предизвика огромен број мртви, беда и болка кај нејзините граѓани. Нашите мисли денес се со нашите украински пријатели кои го заслужуваат нашето најголемо внимание, поддршка и ангажман“, рече Ковачевски.Она што Унијата демонстрира, беше заеднички заклучено e единство во вредностите, единство во целта и единство во акција.Северна Македонија е на иста линија на надворешна политика со ЕУ посебно во делот на санкции но и учество во хуманитарната помош. Северна Македонија, како кредибилна земја-кандидат, се приклучи и ја сподели и својата одговорност со тоа што 100% се усогласи со политиките на ЕУ како одговор на руската воена агресија.За Северна Македонија, задоцнетиот процес на интеграција во ЕУ е извор на системска ранливост, чиишто ефекти се прелеваат на целиот регион, а злонамерните актери лесно и вешто го искористуваат. Во време кога меѓународниот поредок заснован на правила е разнишан, двоумењето на ЕУ кон оние кои вложуваат огромна општествена енергија за да се придружат до европските правила, стандарди и вредности е нешто што ние заедно не можеме да си го дозволиме. Затоа е императив да се одржат првите меѓувладини конференции и да се отпочнат пристапните преговори и со Северна Македонија и со Албанија сега, за време на француското претседателство со ЕУ.„Ако ништо не се случи до јуни ќе страда самиот политички моментум. Многупати во меѓусебните разговори со европските колеги го слушам аргументот за влијанието на изборните циклуси. Политичката поддршка, како и насекаде, се важни за вас, како и за нас. Тогаш зошто да се ризикува да се изгуби посветен партнер подготвен да ја направи вистинската работа? Каква порака би испратило тоа до останатите земји и народите од Западен Балкан? Она што ќе следи ќе биде посветеноста на една мала мултиетничка земја, на средината на Балканот да се натпреварува рамноправно во полето за игра и да докаже дека вреди да се приклучи на семејството на Европската унија врз основа на сопствените дела.Малку е потребно за да се шутне топката во вистинската насока и да се постигне заедничка победа и за Северна Македонија и за Западен Балкан и за Бугарија и ЕУ во целина. Ова се многу непредвидливи времиња и сите ние ја носиме одговорноста брзо да го завршиме договорот и да дозволиме нормалност во процесот на интеграција во ЕУ“, додаде премиерот Ковачевски.

Македонија | пред 3 години

Груевски: Стефанова застана да го брани Камчев, рамо до рамо, денес се демонстрираше „нова коалиција“

По денешното рочиште за „Плацови на Водно“, експремиерот Никола Груевски, одново со коментар.Неговото писание го пренесуваме интегрално:„За прв пат после една година судење и претходна истрага, денес обвинителката Лиле Стефанова застана во одбрана на Јордан (Орце) Камчев во судницата, рамо до рамо, поточно дури и пред неговите адвокати, барајки да не се прифатат аудио снимки како доказ во судската постапка во кои снимки со разговори Камчев искрено раскажува се, од тоа дека јас немам никаква врска со земјиштето за кое ме теретат, до тоа чие е и кој го купил и кому го продал земјиштето, па и со какви притисоци се соочува тој лично но и неколку други лица (подоцна сведоци на обвинителството), кои Камчев ги именува во разговорот (Алек, Миле…) од кои уште тогаш со уцени и притисоци од обвинителството се барало лажно да сведочат против мене (се доби впечаток, ретко виден во судниците, обвинетиот и неговиот обвинител да застнат на иста страна).Обвинителката денес наведе меѓу другото, дека тие снимки за кои се бараше да бидат доказ во судската постапка не биле од јавен интерес туку од само мој личен интерес!?Денес се демонстрираше во судот една “Нова коалиција”, како ова да е политичка сцена а не суд, направена минатиот месец после неколку лични средби на Камчев со обвинителката во која е направена нова конструкција за завршување на предметот и по која Камчев комплетно ги смени своите позиции од претходните, кога бранејќи ја вистината на секое рочиште на судот беше во силен емотивен вербален конфликт со обвинителката, според присутните и медиумите често на граница на пристојно однесување, па во неколку наврати судијата мораше да интервенира со “гаснење” на зовриените страсти. Типично за човек кој носи силно чуство на неправедно обвинет.Па така, од една страна обвинителката на власта Лиле Стефанова без апсолутно никаков доказ ме терети дека во време кога сум извршувал јавна функција (премиер и претседател на најголемата политичка партија) сум присвоил пари од партијата од донации и чланарини кои сум ги употребил за купување земја и иако преставникот на партијата во судот кажа дека немаат таква информација дека јас сум присвоил пари од партијата, ниту пак постои ревизорски извештај со кој такво нешто се констатира, таа сепак води постапка против мене.Од друга страна таа кажа дека доказите, поточно аудио снимката од разговорот на темата за која сме обвинети меѓу мене и Камчев, не биле од јавен интерес и предложи од страна на судот да не се прифатат како докази, по што судијата не ги прифатил.Втората нејзина забелешка била дека истите биле веќе објавени, што е смешно во однос на снимките кои беа прифатени во десетиците предмети на СЈО и случајот “Рекет” каде сите до една беа објавени па беа прифатени како доказ во судска постапка.Третата причина била дека јас сум го снимал Камчев без да го информирам и за тоа не покажа никаков доказ или документ, а и незнам кој кого информирал дека го снима во другите слични на овој предмети.Значи класични двојни аршини!Двојни стандарди!!!Статистиката покажува дека над 95 осто од обвиненијата во Македонија поднесени од страна на обвинителството судот ги прифаќа.Веројатно ќе беше изненадување да се случеше денес спротивното.Македонија е земја каде што денес судиите дефакто се подчинети на обвинителите, а обвинителите на власта, особено во предметите каде во позадина е политиката.Тоа е дефакто хиреархијата, која е целосно изопачена во однос на нормалните и демократски држави во кои не се вршат политички прогони.Во Македонија ако обвинителството ти покрене обвинение, шансите судот во Македонија да не го прифати се под 5 осто, а пак во овие политички предмети веројатноста да не те осудат е во рамките само на теоретска можност, освен ако не се договориш да им станеш или соработник или да направиш други политички или национални остапки какви ми беа нудени веднаш после референдумот доколку се согласам да им обезбедам пратеници за смена на уставот а со цел смена на името, идентитетот и историјата, “игра” во која одбив да учествувам. Сите до еден пратеници во тоа време може да го посведочат дека никогаш не сум побарал такво нешто од нив. Идентично како што неколку месеци претходно, во јуни 2018 година, пристигнуваа понуди од ист тип ако јавно го подржам штотуку постигнатиот и објавен договор со јужниот сосед.Втора важна работа денес е што излезе на површина еден од елементите од преговорите на новата коалиција “Обвинителство-Камчев” односно “Власт-Камчев” а тоа е преквалификација на обвинението на Ратка Камчева-мајка на Орце Камчев која исто така беше обвинета во предметот.Преквалификацијата е направена на начин што обвинението и е заменето со друга квалификација, која од сега запретената казна од 1 до 10 години затвор, предвидува од 1 до 3 години затвор, што според Законот значи дека делото застарува за 6 години, односно минатата 2021 година е застарено, така што кога ќе се чита пресудата ова ќе биде соопштено, односно дека завршил периодот кога оваа обвинета може да се гони.Ратка Камчева во овој предмет, како и сите останати обвинети немаат никаква вина, и таа беше ставена само со една цел - да се врши поголем притисок на нејзиниот син Орце Камчев со цел тој да стане соработник на обвинителството/власта спасувајќи ја мајка си, и целосно или делумно и себе си, односно да дава лажни изјави какви што ним им одговара.Конечно, на крајот на процесот обвинителството ја исполни таа цел.Во следниот период до комплетно завршување на оваа постапка, вклучувајќи ги и повисоките судови но и предметот “Империја” (а можеби и нешто друго, некоја нова закана на обвинителот со нов потенцијален предмет кој не е познат на јавноста), ќе видиме со што се друго Камчев ја трампал лажната изјава против мене, односно што се друго обвинителството му ветило за да им “игра пиперевка” што би рекол самиот тој.Камчев освен лажни изјави, за кои јавноста во саботата се увери слушајќи аудио разговори помеѓу мене и него водени од фебруари 2021 година, за да ги задоволи апетитите на власта ќе треба да поклони на државата и три стана во вредност од околу 1.3 милиони евра, за да ги прикажат како станови кои требало да бидат мои во некое идно неопределено време, што исто така е дел од смилената конструкција во последен момент пред завршување на предметот.И конечно, имајќи во обзир дека светската судска пракса не ги зема во обзир исказите на обвинетите како докази (во случајот исказите на обвинетите Орце Камчев, Ристо Новачевски и другите), бидејќи правната теорија разработила и утврдила дека обвинетите може да лажат за да се спасат, се се сведува на ЧУВСТВА.ЧУВСТВАТА на Мето Стојчевски, зетот од сестра на Орце Камчев и на уценетиот бизнисмен Александар Ивановски познат по прекарот Алек Теранова.Имено и двајцата кажаа дека имале имот, кој не го чуствувале за свој.И двајцата кажаа дека за тој имот никогаш не разговарале со мене, никогаш не сум побарал од нив да ми купат и чуваат имот, ниту сум им дал или земал пари, ниту сум ги прашал нешто за тој имот кога сме се среќавале, ниту пак тие (според нивните искази) ми кажале дека ми чуваат некаков имот кога сме се среќавале.Друг некој им рекол дека е тоа за мене и толку. Тој друг во судот го негира тоа дека го рекол.Матерјален доказ не постои.Плаќања од моја страна или примање пари од моја страна непостојат. Ниту една фирма или трансакција не е моја или на мој близок.И како што со право рече Орце Камчев во нашиот телефонски разговор во фебруари 2021 година во време кога Камчев како што кажува веќе ја имал целата документација за предметот и имал дадено исказ во обвинителството: (цитирано од аудио снимката)Јордан Камчев:“Знаете што? За да идат на сила треба барем нешто да имаат. Ако матерјалните докази не се на нивна страна, како ќе кажат тие тоа? Ниту има пари од ВМРО, ниту има пари од генерален секретар, ниту има пари од Груевски, ниту има пари од Мијалков, ниту има нешто. Едно е да збориш, друго е со документи, тоа е сосема различно”.На ова јас му одговарам во тој разговор:“Ќе одат на брутални притисоци на луѓе, тоа ќе го прават 100%! Им го знам методот. На пример му наоѓаат на некој некоја друга чарка, и му викаат сега ти тука така вака-онака, …ама не е така…не, ние вака го толкуваме, и ајде сега ти помогни ни тука, ние ќе ти помогнеме на друго место…”, по што малку подоцна Камчев објаснува дека е под голем притисок уште во тоа време со секојдневни закани за апсење, но дека тоа му е веќе начин на живот, како што низ тие разговори од лични средби со нив ми раскажуваше дека под голем притисок и УЦЕНА е и другиот сведок кој доби ЧУСТВО дека неговиот имот не е негов - Александар Ивановски наречен Алек Теранова.Кој не верува нека ја преслуша втората снимка од двете излезени на јутјуб каналот “The true above all” (“Вистоната над се”), кои одат во прилог како линк во овој статус.

Македонија | пред 3 години

Русковска молчи за „Немав гаранција од Вилма“, Стефанова и адвокатите Камчев на „иста страна“ за разговорите

Шефицата Вилма Русковска без никаков јавен коментар и по два дена за новите разговори кои експремиерот и бегалец Никола Груевски кажа дека се автентични, а во кои тврди дека Орце Камчев меѓудругото вели „Немам гаранција од Вилма“. Бизнисменот пред да влезе на судењето за „Плацови на Водно“ каде е обвинет, исто така не коментираше ништо.„Јас бев спремен да ја нападнам, но немав гаранција од Вилма. Сакав да и ги извадам пораките на  Чифлиганец и нејзе за тоа таквото, тие што ги имам, разбираш. Ама да имам гаранција, да идам само јас со глава во ѕид, овие сите бегаат“, се слуша во снимката направена од Груевски за која во суд доставил и вештачење, а за која тврди дека разговара со Камчев.Во судницата се водеше борба за прифаќање на разговорите како докази во постапката. Обвинителката која ги гони обвинетите, Лиле Стефанова, кажа дека не се докази, бараше судијата да ги отфли, за што Илија Трпков ја послуша. Со нејзиното барање се согласија и адвокатите на Камчев.„Овде нема јавен интерес, туку само интерес на Груевски. Ако се прифатат овие разговори, тогаш и ние ќе бараме да се прифатат разговорите каде Груевски кажува дека нашол ‘земјиште за џ’блк’. Груевски го снимал соговорникот без да му го каже тоа“, рече Стефанова.Инаку, Груевски вчера излезе и со јавен став за разговорите кои протекоа во јавност.„Овие разговори ги водевме на почетокот на процесот и тие уште еднаш покажуваат под каков брутален притисок се луѓето опфатени и ставени на листата на власта за политички прогон, каде правосудниот систем е само егзекуторот, вклучително и самиот Камчев. Секако јас сум прв на листата за “отстрел” па подготвени се на секакви работи само за што повеќе да ме обвинат и осудат“, напиша Груевски.Реагираше и Боки 13, особено за споменувањето на Вилма Русковска за која се слуша како не дала гаранција, делот каде се вели „Да наместиш човек е зло“, „Невозможно у светот е да се базираат судски одлуки само на изјави мора да се поткрепат со материјален документ...“, „Го сјебав СЈО...“.„Па сега аналогно на издвоеново а и на целата објавена содржина, прво да ја прашам Вилма Русковска каква гаранција требала да му даде на Камчев, усмена или писмена? Ја прашувам Вилма Русковска како може како шеф на обвинителството за организиран криминал, да дава било какви гаранции на обвинет и дали со тоа истата Русковска ја злоупотребила службената положба олеснувајки му ја положбата на Камчев? Најважното прашање од се е, дали Вилма беше директниот соучесник и покровител на Камчев во "сјебувањето" на СЈО со конструирањето на предметот "Рекет" каде сум осуден на 9 годишна затворска казна, токму онака како што вели Камчев во бомбите без ниеден материјален доказ , туку само на голиот, противречен и конфузен исказ на Камчев и жена му, на кого судот му поклони верба?“, напиша меѓудругото Боки 13 и го објави јавно преку негов администратор, како што пишува.Според обвинението, во „Плацеви на Водно“, Никола Груевски е обвинет за делата „перење пари и за противправно стекнување и прикривање на имот”, неговиот кум Ристо Новачевски, бизнисмените Ненад Јосифовиќ, Јордан (Орце) Камчев и Ратка Куновска Камчева се товарат за „перење пари”, а поранешениот директор на УБК, Сашо Мијалков, е обвинет за „помагање при кривично дело перење пари и други приноси од казниво дело”.(АУДИО) „Немам гаранција од Вилма“, објавени „бомби“ каде се споменуваат Груевски и Орце.... - Скопје1.мк (skopje1.mk)

Македонија | пред 3 години

Истрага за скопјанецот кој престигнувал на полна линија, удрил во мопед и избегал, а едно лице почина

Основното јавно обвинителство Скопје донесе Наредба за спроведување истражна постапка против 26-годишен скопјанец осомничен за – Тешки дела против безбедноста на луѓето и имотот во сообраќајот од член 300 став 2 во врска со член 297 став 1, како и за – Неукажување помош на лице повредено во сообраќајна незгода по член 301 став 1 од Кривичниот законик.На 2 април, како учесник во сообраќајот на јавните патишта, осомничениот управувал автомобил „Фолксваген голф“ со скопски регистарски ознаки, без притоа да поседува возачка дозвола. Движејќи се по улицата „Скупи“, кога дошол пред пунктот на ЈП „Водовод-Пумпи“, во обид да изврши престигнување, преминал преку полна надолжна линија на коловозната лента наменета за движење на возилата од спротивната насока. На овој начин тој го попречил нормалното движење на возилото што доаѓало од спротивната насока – мопед „Пежо“ со скопски регистарски ознаки. Со предниот дел од автомобилот осомничениот удрил во мопедот на кој се превезувале две лица.По несреќата, без да укаже помош на оштетените кои останале да лежат на коловозот, осомничениот го напуштил местото на настанот. Во несреќата, лицето кое управувало со мопедот се здобило со тешки телесни повреди, додека сопатникот на мопедот се здобил со тешки телесни повреди на кои подоцна им подлегнал и починал.Бидејќи постојат околности кои што укажуваат дека осомничениот би можел да се даде во бегство или да го повтори делото, јавниот обвинител до судијата на претходна потапка од Основниот кривичен суд Скопје достави предлог за определување мерка притвор за осомниченото лице. Како значајна околност во предлогот за притвор јавниот обвинител го наведе фактот дека непосредно по сообраќајната несреќа осомничениот избегал без да се обиде да им укаже помош на настраданите, што е очигледен доказ за неговото избегнување да се соочи со последиците од преземените противправни дејствија.​​

Скопје | пред 3 години

Затвор до пет години за одобрување на воeните злосторства во Украина на „Фејсбук“

Одобрување или оправдување на геноцид, злосторства против човечноста или воени злосторства е кривично дело предвидено во членот 407-а од Кривичниот законик.Имено, законот предвидува дека тој што по пат на информационен систем јавно ги негира, грубо ги минимизира, ги одобрува и оправдува ваквите дела ќе се казни со затвор од една до пет години. Ако делото е сторено со намера за поттикнување омраза, дискриминација или насилство против некое лице или група на лица поради нивната национална, етничка или расна припадност или верска определба, сторителот ќе се казни со казна затвор од најмалку четири години.Во членот 404 од Кривичниот законик, пак, прецизно е наведено што опфаќа поимот воено злосторство против цивилно население.Јавното обвинителство и Министерството за внатрешни работи интензивно ги следат сите изјави и коментари на социјалните медиуми поврзани со случувањата во Украина и согласно своите законски надлежности ќе преземат кривичен прогон против сите сторители кои со своите објави и јавно изнесени ставови ќе го сторат наведеното кривично дело.Апелираме и до граѓаните кои ќе забележат вакви случаи да ги пријавуваат на меилот cybercrime@moi.gov.mk за соодветно постапување.

Македонија | пред 3 години

Едно лице почина од ковид

Министерството за здравство информира,согласно податоците од Институтот за јавно здравје дека во последните 24 часа:Направени се 2.067 тестови, а регистрирани се 196 нови случаи на КОВИД-19: Скопје –105, Битола – 30, Прилеп – 13, Охрид - 11, Куманово - 7, Штип и Виница - по 4, Велес, Кичево, Струга и Гевгелија - по 3, Кавадарци, Струмица и Ресен - по 2, Гостивар, Кочани, Неготино и Свети Николе - по 1.Од вкупниот број на позитивни (196), регистрирани се 38 реинфекции.Регистрирани сe 23 оздравени пациенти од: Кавадарци – 7, Битола - 5, Делчево - 3, Велес -2, Гостивар, Кичево, Кочани, Гевгелија, Неготино и Ресен – по 1.Во текот на изминатите 24 часа, е регистрирано едно починато лице од Битола (81г), починато во болнички услови. Од вкупниот број на починати лица (1) , кај сите починати лица се регистрирани коморбидитети.Направени се 2.067 тестови преку: ИЈЗ-125, ЦЈЗ Скопје-90, ЦЈЗ Битола-65, ЦЈЗ Прилеп-29, ЦЈЗ Тетово-11, ЦЈЗ Куманово-36 ,Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–175, Жан Митрев (Филип Втори)-20, Авицена-46, Биотек-50, Систина-22, лабораторија Лаор-65, Синлаб-5, Ремедика-0, Плодност-28, Генеа-7, Никоб Лаб-224, ВФВ Медикал-34, Ели Медика Плус-22, Ројал Медика–12, Спектра-ММ-7, Рапид Лаб–21, Жан Митрев Струмица–8, Нова Лаб Дијагностика–4, Рамус-15, ЈЗУ и ПЗУ (рапид тест)– вкупно 946.Досега во земјата се направени вкупно 1.969.035 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 306.670, бројот на оздравени пациенти е 295.457, на починати е 9.228, а бројот на активни случаи изнесува 1.985Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 143896, Активни 1069Куманово 16570, Активни 45Битола 14875, Активни 204Прилеп 14025, Активни 115Тетово 13422, Активни 36Кавадарци 10523, Активни 85Велес 9691, Активни 36Гостивар 9539, Активни 16Охрид 8762, Активни 96Струмица 8009, Активни 26Штип 7978, Активни 19Кичево 5573, Активни 47Кочани 5057, Активни 20Струга 4701, Активни 20Гевгелија 4376, Активни 19Неготино 3660, Активни 10Ресен 2685, Активни 18Свети Николе 2617, Активни 4Радовиш 2516, Активни 12Крива Паланка 2407, Активни 4Делчево 1953, Активни 32Дебар 1671, Активни 10Берово 1638, Активни 2Валандово 1477, Активни 4Виница 1383, Активни 10Пробиштип 1263, Активни 3Богданци 1019, Активни 4Кратово 962, Активни 4Крушево 923, Активни 10Демир Хисар 826, Активни 1Македонски Брод 736, Активни 1Демир Капија 586, Активни 1Македонска Каменица 523, Активни 1Пехчево 485, Активни 0Дојран 343, Активни 1

пред 3 години

По „бомбите“, Боки 13: Вилмич, блиску е денот кога ќе ги замениме местата во затвор

Бојан Јовановски-Боки 13 излезе со реакција по новите аудио разговори кои се објавени на „Јутуб“ и на фејсбук профили. Тој во објавата посочува кој го води разговорот, издвојува цитати и потоа го коментира.Неговиот статус, го пренесуваме во целост, интегрално:

Коментари | пред 3 години

(АУДИО) „Немам гаранција од Вилма“, објавени „бомби“ каде се споменуваат Груевски и Орце....

Два аудио фајлови попладнево се појавија на YouTube. Каналот каде се објавени е именуван како „The TRUTH ABOVE ALL 1“. Се споменува Никола Груевски, Орце, Вилма, Мартин, Ристе, Тинекс, Сергеј Самсонненко. Се раскажува за профит, ДДВ, СЈО, како и судии и обвинители меѓу кои Смаќоска и Лиле Стефанова.„Бомба“ 1„Бомба“ 2

Македонија | пред 3 години

Груевски ги признава снимките: Тие се помеѓу мене и Камчев, знам во “Рекет” врз база на вакви снимки се донесе пресуда

Експремиерот и бегалец во Унгарија, Никола Груевски, ја призна автентичноста на снимките кои вчера беа објавени на „Јутуб“. Тој вика дека ги водел со бизнисменот Орце Камчев.Интегрално неговото писание на социјалните мрежи:„Денес многумина ме прашуваат дали овие разговори што вчера се појавија на YouTube каналот The true above all помеѓу мене и Камчев се случиле и дали ќе влијаат на судскиот процес.Да, тие разговори се случија во фебруари 2021 година.Овие разговори ги водевме на почетокот на процесот и тие уште еднаш покажуваат под каков брутален притисок се луѓето опфатени и ставени на листата на власта за политички прогон, каде правосудниот систем е само егзекуторот, вклучително и самиот Камчев. Секако јас сум прв на листата за “отстрел” па подготвени се на секакви работи само за што повеќе да ме обвинат и осудат.Тоа не е политика. Тоа не е нормална политичка борба, а најмалку правда и демократија. Нема да има напредок додека се ова е реалност. Луѓето се изложени на секакви можни притисоци и уцени за некој да исполни нечии желби и зацртани политички цели. Во крајна линија тоа не е ни човечки.Незнам дали овие снимки ќе влијаат на судскиот процес.Знам само дека исти вакви снимки во случајот “Рекет” беа прифатени за докази и се донесоа судски пресуди на база на тие докази.Овие снимки точно покажуваат дека немам никаква врска со таканаречените “Плацеви на Водно”. Јасно е дека никој не зел милион и пол евра од партија. Јасно е дека од никого не сум барал никакви услуги или совети за купување на тие плацеви. Самиот Камчев ми кажа дека имал подготвено и физибилити студија за изградба на старачки дом за лица на кои им е потребна лекарска грижа. Самиот Камчев ми кажа под каков притисок бил не само тој, туку и останатите обвинети и сведоци за да даваат лажни искази.Но, нашиот правосуден систем е полн со противречности и двојни аршини и нема ништо да ме изненади. Секако, нема да ме изненади ако и оние 8% доверба во судството станат и помалку.Луѓе лежат во затвори невини или свесно осудени со погрешни квалификации со цел да им се доделат подолги затворски казни, заради некои политички цели. Стотици други не се излезени од судовите заради истите цели а повеќемина користиме политички азил за да се заштитиме од овој брутален однос на власта. Станавме земја со многу политички затворени, прогонувани и емигрирани лица и тој процес продолжува и се продлабочува.Повторувам, нема да има реален напредок во Македонија, ниту доверба во системот, додека се водат вакви валкани политики и правосудниот систем се злоупотребува за вакви цели“.

Македонија | пред 3 години