ТОП

Османи со поддршка за САД за воведувањето санкции против Додик

Министерот за надворешни работи на Македонија, Бујар Османи, се огласи на Твитер, по повод санкциите за Милорад Додик, нагласувајќи дека ги поздравува активностите на САД.„Ја поздравуваме одлуката на Министерството за финансии на САД во врска со континуираните закани за стабилноста и територијалниот интегритет на БиХ. Северна Македонија го поддржува суверенитетот и територијалниот интегритет на Босна и Херцеговина и го осудува секој чин што ја поткопува нејзината стабилност и евроатлантската иднина“, напиша Османи.Вчера Канцеларијата за контрола на странски средства на САД (OFAC), во согласност со Извршната уредба 14033, воведе економски санкции за Милорад Додик, член на Претседателството на БиХ и ја стави на листа медиумската куќа под негова контрола Алтернативна телевизија (ATV). Санкции беа изречени и за поранешниот претседател на „VSTS“, Милан Тегелтија и неговата сопруга Тијана, како и за претседателот на „PDA“, Мирсад Кукиќ.

Македонија | пред 4 години

Кунгуловски: Со омикронот се сменија правилата на игра

Доктор Горан Кунгуловски во статус на Фејсбук објаснува за ефикасноста на вакцините во борбата против различните соеви на Ковид-19 и најновиот – омикрон, кој е веќе присутен во Македонија.“После 2 години повторување, пак на некои луѓе не им влегуваат во глава основни работи.Вакцините се дизајнирани против оригиналниот Вухански сој и кон него штитат (не 100%) во првите неколку месеци и од трасмисија и од сериозен тек на болеста. Заштитата од сериозен тек на болеста останува подолго време, веројатно најмалку 1 година или повеќе.Секој нов сој е нова приказна, нов вирус базиран на претходниот со нови својства коишто може да имаат импликации врз луѓето и тие без имунитет и тие со имунитет (вакцинирани и/или прележани).Најважното својство на вакцината (или природен имунитет) е да штити од сериозен тек на болеста, другото е секундарно.Пример кај алфа сојот се утврди дека вакцините се уште штитат од сериозен тек на болеста во процент над 95%, ама дека имаат намален ефект во споредба со оригиналниот сој во однос на трансмисија. Ама си бркаа работа и за едното и другото.Дојде делта и додатно се сменија правилата на игра. Со неа се покажа дека вакцините се уште штитат значајно од сериозен тек на болеста, но дека заштитата од зараза е значајно намалена.Според една студија од ВБ, кога во еден дом би имало заразен со делта, веројатноста да зарази некој вакциниран од истиот дом е 25%, а невакциниран 36%.Сега со омикронот, којшто е силно мутиран во најзначајниот дел на вирусот (spike протеинот) повторно се сменија правилата на игра. Знаеме дека двојната вакцинираност скоро и ништо да не прави во однос на зараза, а тројната вакцинираност подига ефективност во однос на зараза на околу 70% (барем првите 2-3 месеци).И кај двојно вакцинираните и тројно вакцинираните, во епидемиолошкиот контекст на омикрон, заштитата кон сериозен тек на болеста е висок. Веројатно со ефикасност над 90-95% за мРНК вакцини.Многу важно да се знае е дека кога се гледа ефикасност на вакцина, не се гледа на ниво на индивидуа, туку на ниво на популација. Анегдотски примери како “комшијата Ставре се зарази со две примени вакцини, ене го на болница, а комшијата Јоне, невакциниран лесно помина” немаат никакво значење и се погубни.Кога се прават споредби треба да се прават и во релевантни категории на луѓе. Двојно вакциниран 75 годишник има поголем апсолутен ризик за смрт од Ковид-19 отколку невакциниран 25 годишник. Но, кога би имале вакциниран 25 годишник vs невакциниран 25 годишник, вториот ќе има поголем ризик за смрт (иако апсолутниот ризик е мал и за двајцата).Од студиите јасно се гледа дека двојната вакцинираност во просек го намалува ризикот за фатален исход од 5-15 пати. Пример ако имаме 1.000 заразени 75 годишници со имунитет (пр. двојна вакцина) и 1.000 заразени 75 годишници без имунитет, од првиве ќе има 5-10 смртни случаи, а од вториве 50-100.Е драги луѓе и антиваксери, тоа е разликата меѓу луѓе со имунитет (вакцинирани, прележани или комбинации) vs луѓе без имунитет. На ниво на популација вторите умираат многу повеќе. Вторите многу повеќе се хоспитализираат и го оптоваруваат здравствениот систем со што им оневозможуваат на хронично болните да се лечат. Затоа вакцини и за Вас и за другите.Според мене крајниот епилог на пандемијата треба да стигне кога оптовареноста на здравствениот систем ќе стане прифатлива. Можеби грешам, ама веројатно бројката кон којашто треба да целиме е просечната смртност од околу 0.1%. За да се достигне тоа сите треба да имаме некаков имунитет.Тој некаков имунитет за најмладите може да значи 0 вакцини, за младите две дози на вакцини, а за најстарите 3-4-5 дози на вакцини“, напиша тој.

Коментари | пред 4 години

Православните христијани денеска го слават Бадник

Православните христијански верници во Македонија денеска го слават Бадник, ден пред големиот празник Рождество Христово - Божик.Одбележувањето на Бадник ќе се одржи пред Соборниот храм „Свети Климент Охридски“ во Скопје во организација на Здружението на граѓани „Одбор за традиционална прослава на Бадник“.Од Одборот најавија дека традицијата, сепак, продолжува и покрај ситуацијата со коронавирусот, водејќи сметка за сите заштитни мерки и протоколи.Семејството на Бадник се собира на заедничка посна трпеза и според обичајот оваа вечер не се оди на гости. Во сите храмови утрото по Бадник се служи празнична Божикна литургија.Божик е Господски празник и се празнува во спомен на раѓањето на Господ Исус Христос. Овој празник е матица на сите други црковни празници, бидејќи со Христовото раѓање се смета и почетокот на новата ера.

Македонија | пред 4 години

Магла на дел од патиштата во државата

Намалена видливост поради појава на магла од 50 – 100м. има на патните правци Скопје – Катланово, Катланово – Скопје и клучка Хиподром – Обиколница Скопје – Кондово, до 50м. на патните правци Штип – Св.Николе и Св.Николе – Куманово и од 80 – 100м. на патниот правец Струмица – Г.П. Ново Село.Сообраќајот на државните патишта се одвива непречено, по наместа влажни коловози.Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

Македонија | пред 4 години

Јована Јеремиќ не и остана должна на Савиќ: Во емисијата беше за да пополни простор

Пејачката Тања Савиќ го напуштила снимањето на мисијата „Ami G Show“ поради Јована Јеремиќ, а потоа за „Блиц“ изјави дека не се кае за својата постапка и дека се спасила со заминувањето.По нејзината изјава се огласи и Јована Јеремиќ, која не и остана должна на Савиќ.- Па, таа се спаси и себеси и нас од нејзините глупости. Тоа е најгледаната емисија оваа сезона на „Амиџи шоу“. Тања не е личност што влече шерови. Шеровите се поради Нестор, Ивица и јас. Тања беше таму чисто за да го пополни просторот. Таа самоиницијативно си замина и видовте како реагираше Огњен, како некој сосема небитен да го напушти студиото. Значи, тоа не е пресудно за шоуто, затоа продолживме како ништо да не се случило - истакна Јеремиќ.

Магазин | пред 4 години

(ФОТО) Скопје на чекор да стане најзагаден град во светот

Скопјани вечерва дишат отров. Мерните станици покажуваат енормно високи бројки на загаденост. Нивото на ПМ2,5 честичките е 25 пати над дозволеното.На веб страната iqair, на листата на најзагадени градови веднаш под Дака се наоѓа Скопје.Во Лисиче нивото на ПМ10 честичките изнесува 427 мг/м3, нешто пониска, но сепак многу над дозволеното е коцентрацијата на ПМ10 честичките во Центар и Карпош, односно 256 мг/м3 и 219мг/м3.Но освен во Скопје, енормно загаден воздух има и во Кавадарци и Тетово.

Скопје | пред 4 години

ВИДЕО: Камчев излезе од затворот во Шутка

Бизнисменот Орце Камчев излезе од затворот во Шутка каде помина скоро една година. Апелација прифати тој да се брани во случајот „Плацови на Водно“ од слобода. Но, нему му се одредени други мерки на претпазливост. Судиите бараат од бизнисменот да се пријавува повремено во суд. Прифатена му е гаранцијата од скоро 11 милиони евра која ја понудил.На 31 декември, поради влошена здравствена состојба, Камчев беше пренесен на лекување во „Систина“. Тој се пожалил на здравствени проблеми. Таму му беа правени неколку дневни испитувања. Неговото лекување во „Систина“, каде има своја функција, доаѓа откако претходно десетици пати беше одбивано, односно беше препраќан на државните клиники.

Македонија | пред 4 години

26-годишен Македонец заразен со флурон

Министерството за здравство информира дека од страна на лабораторијата „Синлаб“ до Институтот за јавно здравје е доставен податок за детектиран еден случај на флурон (комбинирана инфекција со вирусот на грип и коронавирусот) кај 26-годишен пациент од општина Зајас.Според информациите, пациентот со коинфекција на Ковид-19 и инфлуенца А непосредно пред Нова година се вратил од САД и, според неговите кажувања, таму примил вакцина против Ковид-19, односно втора доза неколку дена пред да пристигне во државава.Пациентот е упатен на домашно лекување бидејќи засега нема тешка клиничка слика.

Македонија | пред 4 години

ЕСМ 2020-та година произведе 50% помалку струја од 2011-та, вели Велинова

„Од 9-ти ноември до 9-ти декември се прогласи кризна состојба во траење од еден месец со цел да можат да закрепнат двете државни енергетски компании, кога се инфилтрираа од буџетот 4 милијарди денари. А, потоа истатат таа кризна состојба се продолжи од 9-ти декември до 9-ти јуни. Значи во Собранието се изгласа Уредба и Одлука со која држават е во кризна енергетска состојба баш од таа причина за да се избегнат рестрикциите, но да може секој недостаток на пари да се вбризгува во овие две еенргетски компании, мислам на ЕСМ односно поранешно ЕЛЕМ и на МЕПСО. Причината зошто ние вака бурно реагираме е затоа што појавата на зголемувањето на цените на берза е некаде од август 2020-та година. Но, заради тоа што имавме предвремени парламентарни избори некако позицијата не сакаше да реагира на нашите укажувања дека се случуваат турбуленции и проблеми на пазарот на електрична енергија“, истакна Елена Маркова Велинова, претседател на Комисија за енергетика при ВМРО-ДПМНЕ во емисија на Телма телевизија.Маркова Велинова додаде дека во тој период не се знаеше дали ќе се прогласи кризна состојба. Во тој период кога ВМРО-ДПМНЕ предупредуваше дека се можни рестрикции доколку се нема пари, се нема и можност да се купи, и постоеше можност за рестрикции. Меѓутоа откако се прогласи првата кризна состојба од 9-ти ноември до 9-ти декември и се вбризгаа пари кај компаниите веќе беше јасно дека нема да има рестрикции но затоа ќе има скапа струја.„Во моментов ние имаме состојба во која електричната енергија ја има на берзите, но е многу скапа. Од таа причина велам причини за рестрикции нема, но еве што се случи, сведоци сме 9.48% зголемување, укинување на дневната евтина тарифа“, појасни Маркова Велинова.Маркова Велинова посочи дека парите кои што недостасуваат да се приберат од граѓаните директно преку сметките ќе се дадат преку буџетот, а тоа се пак пари на граѓаните.„Ние се соочивме со еден сериозен проблем што кога на берзите пораснаа цените, нашето домашно производство драстично беше опаднато. Нашето домашно производство на електрична енергија кое што е негде со средна цена од 55 евра за мегават на час, зборувам за државната компанија ЕЛЕМ денешно ЕСМ, когаа таа би била во добра кондиција таа би требала некаде 70 до 75% од вкупната побарувачка на домашниот пазар да ја покрие. Меѓутоа во 2020-та година ЕЛЕМ произведе само 3.600 гигават на час што е скоро за 50% помалку од она што било во 2011-та година. Јас верувам дека во 2021 година тоа ќе биде и помалку, немаме се уште официјални податоци“, рече Маркова Велинова.Маркова Велинова укажа дека токму тоа е првата причина зошто Македонија има голем проблем со струјата.

Македонија | пред 4 години

Се запали ресторан во Карпош

Денеска (05.01.2022) во 06.01 часот во СВР Скопје било пријавено дека настанал пожар во угостителски објект на ул.„Дрезденска“, сопственост на В.П.(38) од Скопје. Од екипа на Бригадата за противпожарна заштита Скопје пожарот бил изгаснат, а повредени лица нема.Се работи на расчистување на случајот.

Скопје | пред 4 години

1.375 нови случаи, 4 починати

Министерството за здравство информира, согласно податоците од Институтот за јавно здравје дека во последните 24 часа:Направени се 7.188 тестирања, а регистрирани се 1.375 нови случаи на КОВИД-19:Скопје – 852, Битола – 135, Прилеп – 70, Куманово и Кавадарци – по 38, Охрид и Штип – по 25, Струмица – 21, Ресен – 18, Тетово и Гевгелија – по 14, Неготино – 13, Гостивар, Велес и Радовиш – по 10, Валандово – 9, Пробиштип, Демир Хисар и Крушево - по 8, Кичево и Богданци – по 7, Делчево и Крива Паланка – по 6, Кочани – 5, Струга, Виница, Македонски Брод и Свети Николе – по 3, Дебар, Кратово и Пехчево – по 2.Регистрирани сe 217 оздравени пациенти од: Скопје – 116, Охрид – 13, Прилеп – 12, Битола – 10, Струмица и Куманово – по 9, Кавадарци – 8, Гевгелија – 4, Велес, Штип, Кичево, Ресен, Крива Паланка и Берово – по 3, Струга, Валандово, Демир Хисар, Крушево, Македонски Брод и Делчево – по 2, Тетово, Кочани, Свети Николе, Радовиш Пробиштип и Богданци - по 1.Во текот на изминатите 24 часа регистрирани се 2 починати лица: по едно починато лице од Скопје (75г) и Кавадарци (61г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се 2 лица, по едно лице од Тетово (84г) и Делчево (74г), починати на 28.12.2021 и 02.01.2022г. Пријавените се починати во домашни услови.Направени се 7.188 тестови преку: ИЈЗ-411, ЦЈЗ Скопје-96, ЦЈЗ Битола-110, ЦЈЗ Прилеп-68, ЦЈЗ Тетово–15, ЦЈЗ Куманово-112, Клиника за инфективни болести и фебрилни состојби-0, Судска медицина-2, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–177, Жан Митрев (Филип Втори)-234, Авицена-394, Биотек-515, Систина-125, лабораторија Лаор-410, Синлаб-42, Ремедика-18, Плодност-134, Генеа-26, Никоб лаб-763, ВФВ Медикал-106, Ели Медика-98, Ројал Медика–82, Спектра-ММ-35, Рапид Лаб–20, Жан Митрев Струмица–56, Нова Лаб Дијагностика–13, Рамус-28, ЈЗУ и ПЗУ (рапид тест) – вкупно 3.097.Досега во земјата се направени вкупно 1.626.464 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 228.540, бројот на оздравени пациенти е 213.722, на починати е 8.000, а бројот на активни случаи изнесува 6.818.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 101168, Активни 3869Куманово 13225, Активни 138Тетово 11468, Активни 76Прилеп 11014, Активни 404Битола 9619, Активни 544Гостивар 8108, Активни 34Велес 7579, Активни 137Кавадарци 7572, Активни 241Охрид 6935, Активни 268Штип 6821, Активни 105Струмица 6381, Активни 162Кичево 4361, Активни 77Кочани 4138, Активни 52Струга 3962, Активни 40Гевгелија 3016, Активни 126Неготино 2676, Активни 60Свети Николе 2164, Активни 22Крива Паланка 1984, Активни 39Ресен 1934, Активни 113Радовиш 1844, Активни 52Берово 1484, Активни 8Делчево 1487, Активни 37Дебар 1461, Активни 3Виница 1183, Активни 5Пробиштип 1153, Активни 13Валандово 1070, Активни 63Кратово 791, Активни 3Богданци 705, Активни 37Демир Хисар 659, Активни 23Крушево 618, Активни 18Македонски Брод 552, Активни 32Демир Капија 439, Активни 6Македонска Каменица 430, Активни 6Пехчево 361, Активни 2Дојран 178, Активни 3

Македонија | пред 4 години

Детектирана нова инфекција во Македонија

Министерството за здравство ја информира јавноста дека од страна на ПЗУ Синлаб до Институтот за јавно здравје е доставена информација за детектиран еден случај на флурон, (комбинирана инфекција со вирусот на грип и коронавирусот) кај 26 годишен пациент од општина Зајас. Според епидемиолошката анкета, пациентот со коинфекција Ковид19/Инфлуенца А, непосредно пред 31.12.2021 година се вратил од САД и според неговите кажувања таму примил вакцина за Ковид 19, односно се ревакцинирал неколку дена пред да пристигне во РСМ. Пациентот е упатен на домашно лекување, бидејќи засега нема тешка клиничка слика.

Македонија | пред 4 години

(ВИДЕО) Грчка ТВ: Казино во Дојран издава фалисификувани ковид сертификати

Грчката телевизија Опен објави прилог за казино во Дојран кое наводно издава фалсификувани ковид-сертификати. Во прилогото се вели дека извесно казино во близина на граничниот премин Дојран-Дојрани на македонска територија им обезбедува бесплатен лажен негативен тест на своите посетители, а со тој тест тие можат бебзбедно да се вратат во Грција.Целта на сопственикот на казиното, како што тврди телевизија Опен, била да привлече што поголем број клиенти овозможувајќи им олеснето поминување на граничните контроли.Лажните сертификати за брз тест, инаку ги издава овластен дијагностички центар, во кои без да биде извршено какво и да е тестирање, само се пополнуваат имињата на клиентите.

Македонија | пред 4 години

Кој и по кој основ му платил на Георгиевски за новогодишната ноќ, прашува СДСМ

Со оглед на тоа дека Петар Георгиевски – Камиказа призна дека добил 14.000 евра за озвучувње на новогодишната прослава на плоштадот, редно време е Данела да излезе пред граѓаните и да даде конкретни одговори за тоа кој му платил на Георгиевски и по кој основ на неговата фирма биле исплатени 14.000 евра, вели СДСМ„Во официјалното соопштение од Град Скопје се вели дека парите се платени директно на изведувачите и дека изведувачите, озвучувањето и осветлувањето не биле ангажирани од градот.Логично се поставуваат прашањата како е можно друго правно лице да организира дочек на Нова година во име на Град Скопје и по кој основ и кој може во име на градот да плаќа кон фирми кои биле ангажирани за прославата.Ова е нов скандал за Данела Арсовска за кој постои основано сомневање за корупција, особено ако ангажманот на Георгиевски бил договорен претходно.На целата македонска јавност деновиве и стана јасно дека коалицијата меѓу Левица и ВМРО-ДПМНЕ функционира и на локално ниво и освен што е деструктивна, прераснува и во кеш коалиција меѓу двете партии.Арсовска да излезе пред јавноста и да ги даде сите одговори, бидејќи граѓаните заслужуваат да знаат што се случува во градот“, се вели во соопштението.

пред 4 години

25 сантиметри снег на Попова Шапка

Најмногу снег утринава има на Попова Шапка, каде се измерени 25 сантиметри, а потоа во Маврови Анови – пет сантиметри.Најстудено утрово било во Скопје-Петровец, Тетово, Берово и Куманово со измерени минус три степени Целзиусови и во Штип и Струмица со измерени минус два степени. Најтопло било на Попова Шапка, каде се измерени пет степени Целзиусови.Во текот на ноќта времето беше претежно ведро, а утрово по котлините вдолж Повардарието има појава магла, најмногу во источниот дел од Скопската котлина со намалена видливост до 200 метри. Дуваше слаб до умерен ветер од јужен правец, а во северозападните планински подрачја умерен до засилен ветер од западен правец.

Македонија | пред 4 години

Над половина од активните случаи на коронавирус се во Скопје

Досега во земјата се направени вкупно 1.619.276 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 227.168, бројот на оздравени пациенти е 213.505, на починати е 7.996, а бројот на активни случаи изнесува 5.667.Според епидемиолошките анализи, во моментов дистрибуцијата по градови е следна:Скопје 100.317, Активни 3.135Куманово 13.187, Активни 109Тетово 11.454, Активни 64Прилеп 10.944, Активни 346Битола 9.484, Активни 419Гостивар 8.098, Активни 24Велес 7.569, Активни 130Кавадарци 7.534, Активни 212Охрид 6.910, Активни 256Штип 6.796, Активни 83Струмица 6.360, Активни 150Кичево 4.354, Активни 73Кочани 4.133, Активни 48Струга 3.959, Активни 39Гевгелија 3.002, Активни 116Неготино 2.663, Активни 47Свети Николе 2.161, Активни 20Крива Паланка 1.978, Активни 36Ресен 1.916, Активни 98Радовиш 1.834, Активни 43Берово 1.484, Активни 11Делчево 1.481, Активни 34Дебар 1.459, Активни 1Виница 1.180, Активни 2Пробиштип 1.145, Активни 6Валандово 1.061, Активни 56Кратово 791, Активни 3Богданци 698, Активни 31Демир Хисар 651, Активни 17Крушево 610, Активни 12Македонски Брод 549, Активни 31Демир Капија 439, Активни 6Македонска Каменица 430, Активни 6Пехчево 359, Активни 0Дојран 178, Активни 3

пред 4 години

Фатени нови автобуси кои превезувале патници со фалсификувана лиценца

Денеска, полициски службеници од Полициската станица за граничен премин и граничен надзор Ново Село извршиле контрола во две товарни возила, со тетовски регистарски ознаки, сопственост на правно лице од с.Мала Речица, тетовско.При контролата било утврдено дека возилата не поседуваат уредна документација, односно лиценците и изводите за вршење превоз во внатрешен и меѓународен патен сообраќај се фалсификувани. Од претставник на Државниот инспекторат за патен сообраќај при Министерството за транспорт и врски возилата биле исклучени од сообраќај и им биле одземени сообраќајните дозволи.Додека, пак полициски службеници од СВР Струмица ги одзеле лиценците и изводите за вршење превоз во внатрешен и меѓународен патен сообраќај за понатамошна постапка. За настанот бил известен Јавен обвинител и по целосно документирање на случајот ќе бидат поднеснеи пријави по член 284-а за „вршење на јавен превоз без лиценца" и по член 378 – „фалсификување исправа" од Кривичниот законик.

Македонија | пред 4 години

Кај осуммина скопјани детектиран омикрон

Министерството за здравство ја информира јавноста дека во лабораторијата за вирусологија на Институтот за јавно здравје се направени анализи за детекција на сојот Омикрон на вирусот SARSCoV2. Во лабораторијата изработени се 24 примероци позитивни на SARSCoV2 земени од пациенти од Скопје, Кочани, Велес, Гевгелија и од Богданци.Од вкупниот број тестирани, кај 9 пациенти е детектирана варијантата Омикрон на коронавирусот, што изнесува 37,5% од позитивните примероци.Од потврдени случаи, осум позитивни пациенти на Омикрон се од Скопје, а еден е од Кочани.

Скопје | пред 4 години

“Кумовите ги пуштија за да јадат прасечко за Божиќ и да вртат лепче со паричка”, прашуваат за Камчев

Бизнисменот Јордан Камчев излезе од затворот каде помина скоро една година. Апелација прифати тој да се брани во случајот „Плацови на Водно“ од слобода. Но, нему му се одредени други мерки на претпазливост. Судиите бараат од бизнисменот да се пријавува повремено во суд. Прифатена му е гаранцијата од скоро 11 милиони евра која ја понудил.Ова се дел од реакциите на твитерhttps://twitter.com/zmicenamice/status/1478465235992428546https://twitter.com/Blau_Wagen/status/1478462978601193480https://twitter.com/Zen_Toni_Zen/status/1478454959721127936https://twitter.com/tonivancoski/status/1478456735019020312https://twitter.com/RedRadish5/status/1478428906634059791https://twitter.com/koloski_/status/1478421774501036035https://twitter.com/VidanaDeSign/status/1478410089698578443https://twitter.com/Kalabalak_/status/1478410638804279304 

Коментари | пред 4 години

Торта со Коридор 8 за роденденот на Ахмети

Лидерот на ДУИ, Али Ахмети, кој утре ќе наполни 63 години, вечерва доби торта од сопартијците од ДУИ, со декорација од Коридорот 8.-Единствената, вистинската, последната ренесанса на албанската нација, напиша на Артан Груби на фејсбук, споделувајќи фотографија на лидерот со тортата.

Македонија | пред 4 години

По колку дена од заразата со омикрон се појавуваат првите симптоми

Д-р Миланко Шеклер, виролог и микробиолог на Ветеринарниот специјалистички институт во Краљево, за РТС изјави дека вакцинацијата е сè уште совршено корисна и ефикасна против соевите на омикрон и дека е докажано дека смртноста кај оваа варијанта на вирусот е три до седум пати помала.Како што објасни, потребни се само три или четири дена за новиот вид на вирусот да покаже симптоми, додека за претходните варијанти за појава на симптоми беше потребен подолг временски период - дури и до десет дена.Течење на носот, главоболка, замор, кивање, болки во грлото, се главните симптоми на новиот сој на коронавирус. Омикрон, кој полека е доминантен вид на корона вирусот, според некои научници, покрај основните дал уште еден симптом, а тоа е намалување на апетитот. Ова го открија и научниците врз основа на податоците од студијата „ZOE Covid Symptom“.Здравствените експерти од Американскиот центар за контрола на болести наведуваат дека еден од симптомите на инфекција со сој омикрон може да биде бледа, сива или сина нијанса на ноктите, усните или кожата. Тие предупредуваат дека синкавата боја на кожата, усните и ноктите може да биде знак за ниско ниво на кислород, што е многу загрижувачко.

пред 4 години

(ФОТО) Отров се диши: Скопје најзагаден во свет, Струмица во Македонија

Струмица вечерва со екстремно загаден воздух. Пм 10 честичките достигнаа до 602 милиграми.Освен во Струмица,во Кавадарци, Куманово, Скопје и Тетово според податоците од мерните станици на Министерството за животна средина има многу загаден воздух.Скопје засега е осми најзагадем град во светот на листата на air visual. Концентрацијата на ПМ2,5 е 18 пати над дозволеното.

Македонија | пред 4 години

Апасиев го спореди Боки 13 со Навални

Лидерот на политичката партија Левица, Димитар Апасиев објави статус на социјалните мрежи во кој Боки 13 го спореди со Алексеј Навални.„Чекајте малце другари...Алексеј Навални, наводниот дисидент во Путинова Русија, доби дозвола за интервју во затворот.Боки 13, во демократска НАТОвска Македонија, не доби дозвола за интервју во затворот!?Ало, Хелсиншки, Вистиномери, Цивили и Сороспии - се слушаме? Камо "пишчење-вришчење"?

Коментари | пред 4 години

Камчев по стапките на Милајков: Кој што даде за да добие слобода

Бизнисменот Јордан Камчев, по стапките на ексдиректорот на УБК, Сашо Мијалков.-На исти начин и скоро исти средства, двајцата добија слобода наместо затворски ќелии. Разликата е само во деновите, односно Мијалков излезе пред Нова година, а Камчев пред Божиќ. Двајцата гарантираат со готовински средства, но и со многу недвижнини. Ако се спореди вредноста, разликата е 110.048 евра. Односно, вредноста на гаранцијата на Мијалков е 11.106.501 евра, а вредноста на гаранцијата од Камчев е 10.996.453 евра.Ако Мијалков гарантира со деловни објекти, плацови, бензински пумпи и депоа, но и со делови од хотелски комплекси, непознато е кој имот на Камчев е под хипотека. За Мијалков гарантираа неговиот син Јордан преку семејните фирми и Алек Ивановски-Теранова.За Камчев, не е познато кој дал гаранции со имот под хипотека. Интересно е што Обвинителството досега веќе тврдеше дека има докази од кои се гледа дека целиот имот на Камчев, како и фирмите кои се во Македонија, во последните години ги има ставено под хипотеки за кредити од повеќе банки во Македонија, заедно со фирмите каде сопственик е неговата мајка Ратка Камчева, тој извршен директор.Апелација во јавност не ја образложи одлуката за ослободување на Камчев. До сега не се откри ниту Кривичниот совет кој одлучувал. Познато е само дека утре ќе се запише хипотеката на имотот, по што Камчев ќе биде слободен веќе за Божиќ. Бизнисменот помина десетина месеци во затвор, каде тврдеше дека му е правена тортура, но и од каде тврдеше дека му е влошено здравјето.Мијалков беше ослободен за „Трезор“, а потоа Кривичен му одреди притвор за „Плацови на Водно“. Неколку дена потоа, Апелација го ослободи и за овој предмет. Камчев лежеше во затворот во „Шутка“ поради истиот судски случај. Сега, тој е слободен.

Македонија | пред 4 години

(ВИДЕО) МВР со информации за девојката која беше нападната од питбул во Аеродром

На 03.01.2022 во 19.35 М.Л. (18) пријавила во СВР Скопје дека пред зграда на ул. Васко Карангелески во Скопје, додека го шетала своето куче, биле нападнати од куче кое било шетано од нејзиниот сосед К.В.(58). По расчистување на случајот ќе биде поднесен соодветен поднесок.„Сопственик на расно куче питбул нападна девојче и нејзина пудлица разминувајќи се. Доколку видеово стигне до кај девојчето може да го тужи сопственикот кој не му ставил маска на своето агресивно куче.“, се вели во објавата, а од видеото можат да се слушнат и вресоци.

Скопје | пред 4 години