ТОП

Видео од местото на несреќата: Во еден момент двете ленти стануваат три без никакви вертикални ознаки, корупцијата убива!

На социјалните мрежи беше објавено видео од местото на несреќата каде загинаа 45 македонски граѓани по сообраќајна незгода со автобус. Многу шофери веќе го изразија своето мислење дека самиот начин на кој што е изградено ова раздвојување на патот може да е причина за трагедијата, бидејќи знакот не е поставен на соодветно место, туку токму на местото каде што се дели патот.„Вака изгледаше делницата од автопатот Струма ден пред трагедијата. Ставете се на местото на возач на автобус: возите ноќе, по експресен пат со две ленти, една лента за итни случаи. Во еден момент, двете ленти стануваат три без никакви вертикални ознаки што укажуваат дека „третата лента“ има некоја друга цел. Како професионален и совесен возач одговорен за 50 судбини, „останувате“ на безбедната лента по која што возите со вашето возилото, на крајната десна лента. По кривината, сфаќате дека обележувањето ве изневерило, но веќе е доцна. Правите се што е во ваша моќ, но вашата судбина и на уште 50 невини луѓе е веќе предодредена. Корупцијата убива.“ стои во описот на видеото.Според авторот на видеото, на местото воопшто нема вертикално обележување.

Македонија | пред 4 години

(ВИДЕО) Сведоштво на патникот од Прешево: Тркалата пукнаа, избувна пожар, имаше многу чад

Љуљзим Сулејмани од Прешево и неговата свршеничка, Медина Љутфи (25) од кумановски Сопот, од софиската Клиничка болница за ТВ Клан го раскажаа пеколот што го доживеале на автопатот, кога рано утрово изгоре автобусот на туристичката агенција „Беса Транс“ и животот го загубија 45 луѓе.„Автобусот во движење удри од десната страна во тротоарот. Тркалата пукнаа и почна да избувнува пожар и имаше многу чад. Потоа автобусот се движеше 20 метри лево. И сам застана. Луѓето почнаа да повраќаат, да врескаат како во хорор филмови. Го зедов чеканот во автобусот и го скршив стаклото. Ја извадив свршеницата и уште пет лица, изјави Сулејмани за ТВ Клан.

Македонија | пред 4 години

Нема фотографија

Пиргов: Ако кај резервната гума имало бензин, тоа било кобно

Секретарот на Регионалниот совет за безбедност на Перник, Васко Пиргов, кој меѓу првите пристигнал на местото на настанот, смета дека возачот на опожарениот автобус возел со несоодветна брзина, повеќе од 100 километри на час, а се движел по десната коловозна лента.-Првото што ми падна во очи беше дека шоферот не кочел. Нема шанса ниту да заспал, а бидејќи автобусот е нов, оставам само 10% за можна техничка неисправност, евентуално да откажале сопирачките, но искрено не верувам, вели Пиргов за nova.bg.Тој појасни и дека автобусот удрил со предната десна гума во знак што летнал 5 метри. Според него, пожарот избил од предниот дел од автобусот, а според полицијата кај резервната гума имало туби со бензин.– Во автобусот имало доста гориво, па мислам дека бил продупчен резервоарот, по што истекла нафта. Нафтата е тешко запавлива течност, но од искрите кои се појавиле од триењето на железо со железо, односно на автобусот од банкината, се создава пареа, како магла. Навлегувајќи во внатрешноста на автобусот се сомневам дека тоа најпрвин ги задушило, или ги зашеметило патниците. Вториот удар, кога запрел автобусот, некои велат, јас не сум видел, дека автобусот се запалил од напред, а наводно имало туби со бензин. Тоа многу лесно може да се докаже и верувам дека тоа ќе го направат истражните органи. Резревната гума се наоѓа точно напред. Ако таму имало бензин, тогаш тој гори многу брзо и за пет минути и затоа немале време да се спасат, единствено оние кои седеле на задните седишта, изјави утринава Пиргов.

Македонија | пред 4 години

Бизнис секторот е лут: Неприфатливо е тестирање платено од претпријатија, кога тие се во лоша финансиска состојба

Сузбивање на пандемијата и намалување на несаканите ефекти врз економијата е единствено возможно доколку се носат одржливи мерки кои ќе даваат вистински резултати, а не да се избираат преодни решенија од кои нема ефект. Ова го бара Сојузот на стопански комори. Оттаму велат дека со префрлање на одговорноста на друго место и со поставување на ултиматуми за кои нема правен механизам за спроведување сите се ставаат во неповолна состојба.„Со најавената задолжителна вакцинација во приватниот сектор се добива впечаток дека проблемот се префрла од Министерството за здравство кон деловните субјекти. Во услови кога не е спроведена целосна вакцинација на медицинскиот персонал, потребна е сериозна кампања на Министерството за здравство преку која ќе се споделат релевантни информации за вакцините и ќе им овозможи на луѓето секој индивидуално да донесе одлука базирана на факти.Целосно е неприфатливо товарот за задолжително тестирање за оние кои не сакаат да се вакцинираат да падне на претпријатијата, бидејќи тие и така се наоѓаат во лоша финансиска состојба со сериозно намалена ликвидност, бидејќи голем дел од обврската за да се задржат вработените и да се одржи деловната активност во услови на криза е токму на работодавачите.Во услови на инфлација, раст на цените на сите суровини и репроматеријали, стотици парафискални давачки, наместо олеснување и креирање на политики за економско заздравување, ваквото наметнување на нов трошок за ПЦР тестови само ќе придонесе за згаснување на претпријатијата и продукција на зголемен број на невработени лица кои ќе паднат на товар на државата. Проблемот е нагласен поради тоа што не се работи за еднократен трошок, за да би можеле деловните субјекти да калкулираат во своите пресметки, како што се на пример редовните систематски прегледи за вработените, туку се работи за константно повторување на секои 72 часа, што е тотално несправедливо.Ја повикуваме Владата наместо донесување на мерки со кои ќе се продлабочи кризата, во наредниот период да се посвети на креирање и имплементација на политики кои ќе донесат заздравување на економијата, преку нови, навремени, континуирани и насочени мерки, донесени во консултација со приватниот сектор. Сојуз на стопански комори, како и досега, изразува подготвеност со свои експерти да придонесе во предлагање и креирање на истите“, посочија од Сојузот на стопански комори.

Македонија | пред 4 години

За една недела, 49 граѓани по вторпат заразени со коронавирус

Од Институтот за јавно здравје (ИЈЗ) информираат дека во изминатата недела 49 граѓани по втор пат се заразиле од Ковид-19, со што вкупната бројка на заразени по втор пат се искачи на 870 граѓани.-Регистрирани се и 49 реинфекции. Заклучно со 21 ноември вкупно се пријавени 870 реинфекции, што е 0,4 отсто од вкупниот број на досега заразени кој изнесува 212.375 лица, велат од ИЈЗ.Активни на Ковид-19 се 8.290 лица, хоспитализирани се 495, од кои 330 се на кислородна поддршка и 14 на инвазивна/неинвазивна механичка вентилација.

пред 4 години

(ВИДЕО) Пукање во Чаир, едно лице заврши во болница

На 23.11.2021 околу 16,40 пријавено е дека на паркингот на ОУ Живко Брајковски на ул.Хо Ши Мин, каде претходно било паркирано патничко возило „рено“ со скопски регистерски таблички, во кое биле лицата М.А. и А.У.(34), по кажување на М.А., од страна на М.Б. било пукано кон возилото, дознава тв21Со повреди на десната нога се здобил М.А., а лекарска помош му е укажана во ГОБ Св.Наум Охридски. Исто така, А.У. се здобил со повреди- расекотини по лицето.Се преземаат мерки за расчистување на случајот.

Скопје | пред 4 години

Од Црна Гора и Русија до Португалија: Трагедијата со загинатите македонски државјани е најтешка во изминативе 10 години

Автобуската несреќа во која загинаа најмалку 45 лица во Бугарија е најтешката во Европа во последните десет години.Еве ја листата на најтешките автобуски несреќи во Европа во изминатата деценија.2019 годинаПОРТУГАЛИЈА: Најмалку 29 германски туристи загинаа на 17 април во автобуска несреќа со педесетина луѓе на португалскиот остров Мадеира. На кривината автобусот излетал во провалија длабока десетина метри.РУСИЈА: Автобус со околу 40 патници падна во замрзната река во Трансбајкалската област во Сибир на 1 декември, при што загинаа 19 лица, а 21 лице беа повредени, пренесува net.hr.2018 годинаТУРЦИЈА: Најмалку 17 лица загинаа, а 36 се повредени на 29 март во источна Турција во минибус кој превезувал илегални мигранти од Иран од Пакистан, Авганистан и Иран.БУГАРИЈА: При силен дожд, туристички автобус излетал од патот и паднал во реката Искар, во близина на Своге на северозападот од земјата. Загинаа 20 лица, а околу дваесет беа повредени. Патниците се враќале од посета на манастирот.2017 годинаИТАЛИЈА: Унгарски автобус со тинејџери се запали на 21 јануари откако удри во столб на мост на излезот од автопатот кај Верона. Загинаа 16 лица.ТУРЦИЈА: Најмалку 23 лица загинаа, а 11 беа тешко повредени на 13 мај на преминот Сакар, планинска област во близина на одморалиштето Мармарис во југозападниот дел на земјата, кога автобус излета од кривина и падна врз друго возило на петнаесет метри подолу.ГЕРМАНИЈА: Осумнаесет лица загинаа, а 30 се повредени на 3 јули на автопатот во близина на Минберг на југот на земјата кога во сообраќаен метеж автобус удрил во камион пред себе и се самозапалил.РУСИЈА: Најмалку 17 лица загинаа на 25 август на југот на земјата кога автобус со градежни работници падна во Црното Море од височина од неколку метри. На 6 октомври истата година, воз налета на автобус на железнички премин на околу сто километри источно од Москва. Убиени се 16 лица, главно Узбеци.2015 годинаФРАНЦИЈА: Четириесет и три лица загинаа на 23 октомври во фронтален судир меѓу камион кој превезувал трупци и автобус кој превезувал пензионери во департманот Жиронд во југозападниот дел на земјата. Двете возила се запалиле, а патниците останале заробени во автобусот.2014 годинаТУРЦИЈА: Дваесет и едно лице загина, а 26 беа повредени на 23 јануари во центарот на провинцијата Кајсери. Автобусот кој сообраќал на линијата Истанбул-Кајсери се лизнал и излетал од автопатот.ТУРЦИЈА: Камион-цистерна со течен гас се преврте и експлодираше на 22 јули, при што беа запалени два автобуса и автомобил што се наоѓаа во близина, на автопатот во близина на Дијарбакир на југоистокот на земјата. Загинаа 26 лица.2013 годинаЦРНА ГОРА: Шеснаесет Романци загинаа, а 31 беа повредени на 23 јуни во Црна Гора во автобуска несреќа во провалија во Грл, на планински пат на околу 30 километри северно од Подгорица.РУСИЈА: Најмалку 18 лица загинаа во судир на камион и автобус на 13 јули во близина на Москва.2012 годинаШВАЈЦАРИЈА: Дваесет и осум лица, меѓу кои 22 студенти од Белгија, загинаа на 13 март во автобуска несреќа што удри во ѕид од тунел во близина на Сиера во кантонот Вале на југот на земјата.2011 годинаТУРЦИЈА: Камион се судри со минибус на 21 декември во провинцијата Дијарбекир, при што загинаа 25 лица, главно студенти.

Македонија | пред 4 години

Никој не знае колку време „Беса транс“ превезувале патници со автобус без лиценца

Институциите не знаат колку пати автобусот на „Беса транс“ вршел превоз на патници во и надвор од Македонија. Нема одговор ниту колку пати е направена контрола во компанијата од страна на инспекторатот за транспорт. Министерот за транспорт и врски, Благој Бочварски, кажа дека при излегување од државата, Царинската управа требало да прави редовна контрола при секое напуштање на државата со патници.„Контрола на транспортните компании врши Државниот инспекторат за транспорт. Контролите се прават по пријава или вонредна контрола. Таа компанија може да биде исконтролирана на граничните премини. Не знаеме колку пати ова возило ја напуштило државата и вршело транспорт. Треба документацијата да биде исконтролирана на границите од страна на Царинската управа. При излегување да бидат побарани сите документи, а ако не ги поседува, треба да биде запрен“, кажа Бочварски додавајќи дека една лиценца која ја издава Министерството за транспорт и врски важи пет години.Тој нема информации дека во автобусот имало канти со нафта и додаде дека доколку е така, треба тоа да го утврди истрагата.„Техничката исправност на возилата не ја утврдуваме ние. Тоа се контролира кога се дава согласност и контрола на техничката исправност на самото возило. Ние добиваме документација од тие компании за тоа дали и колку техничка исправност има возилото за да врши превоз на патници. Има разни типови на превоз, со 12,15,19 седишта. Зависно од спецификацијата. Таа регистрација ја врши МВР по извршен техники преглед. Потоа, се аплицира за дозволи за превоз на патници“, кажа Бочварски.

Македонија | пред 4 години

Организацијата околу враќањето на жртвите ќе биде на трошок на државата

Министерот за внатрешни работи, Оливер Спасовски, кажа дека државата ќе ги плати трошоците околу враќањето на жртвите.„Сакам да порачам како човек и член на Владата дека остануваме заедно со семејствата, а институциите се тука за помош и поддршка. Организацијата и трошоците на жртвите во несреќата во државава, ќе бидат на трошок на државата. Тим на МВР од сообраќајната полиција, Одделот за криминалистичко-технички вештачења тргна за Бугарија за да биде помош на бугарските колеги. Во Бугарија пристигнаа и претставници на стручни служби која ја понудија експертската помош. Очекувам брза и сеопфатна реакција на надлежните служби и верувам дека со заедничка соработка, брзо ќе имаме одговор на сите нејаснотии за оваа трагедија. Согласно тој одговор ќе имаме ефикасност во утврдување на одговорноста“, кажа Спасовски.

Македонија | пред 4 години

Автобусот поминал технички преглед и бил оценет како исправен

Министерот за внатрешни работи, Оливер Спасовски, кажа дека последната проверка на техничката исправност на автобусот била на 5 октомври 2021 година односно пред месец дена. За сите отворени прашања, Спасовски посочи дека истрагата ќе ги даде одговорите. Тој изрази благодарност до Бугарија и посочи дека посакува брзо закрепнување на повредените.„Тим на МВР од сообраќајната полиција, Одделот за криминалистичко-технички вештачења тргна за Бугарија за да биде помош на бугарските колеги. Во Бугарија пристигнаа и претставници на стручни служби која ја понудија експертската помош. Очекувам брза и сеопфатна реакција на надлежните служби и верувам дека со заедничка соработка, брзо ќе имаме одговор на сите нејаснотии за оваа трагедија. Согласно тој одговор ќе имаме ефикасност во утврдување на одговорноста“, кажа Спасовски.

Македонија | пред 4 години

Бугарска новинарка со детали за трагедијата, немало втор возач во автобусот

Гориво купено во Турција, каде е поевтино отколку во Македонија и во Бугарија, имало во автобусот што настрада утринава на автопатот Струма, при што загинаа 46 лица.Новинарката Патриција Кирова за ТВ21 сподели првични сомневања за причините за несреќата.„Тоа  гориво се запалило и е една од причините за несреќата. Сите загинати во несреќата биле на средна врата во обид за спас, немало ниту еден на седиштата“ вели таа.Кирова сподели и информација дека немало втор возач во автобусот кој патувал од Истанбул до Македонија.

Македонија | пред 4 години

Автобусот на „Беса Транс“ не е во системот на Министерство за транспорт

Автобусот на „Беса Транс“ во кој во вторникот загинаа 45 луѓе на автопатот во Бугарија, не бил пријавен кај надлежните институции во земјата, дознава Дојче веле. Во Министерството за транспорт и врски се уште е во тек анализата на документацијата на превозникот „Беса Транс“. Досегашните податоци покажуваат дека опожарениот автобус воопшто не бил пријавен од страна на сопственикот и не фигурира во системот на Министерството.Сѐ уште се проверува дали двајцата возачи кои управувале во автобусот имале сертификат и дали биле пријавени од страна на сопственикот на агенцијата. Постапката ја отежнува фактот што сѐ уште не се познати имињата на сите загинати во трагедијата која се случи во вторникот утрото во близина на Перник, Република Бугарија.Фирмата „Беса Транс“ имала лиценца за слободен превоз на патници од 2018 годинаЦелиот текст можете да го прочитате тука

Македонија | пред 4 години

(ВИДЕО) Над 20 од загинатите се од Студеничани, вели Нухиу

Најмалку 20 лица од 46-те загинати во автобусот на „Беса транс“ од Скопје се од општината Студеничани. Неизмерна тага и болка кај сограѓаните.Екипата на „Слободен печат“ го посети местото и разговараше со секретарот на општина Студеничани Бурханедин Нухиу.„Според неофицијални информации непотврдени од релевантни извори над 20 и повеќе лица од загинатите се од територијата на општина Студеничани. Жалосно, немаме зборови да ја опишеме оваа трагедија, без разлика што дел од жртвите се од Студеничани, вели Нухиу.Тој потврди дека меѓу загинатите е учителка од Основното училиште Наим Фрашери заедно со својата малолетна ќерка, а Општината во несреќата го загуби и матичарот, вработен во Управата за водење матични книги при Подрачната единица на Министерството за правда, кој на екскурзија во Истанбул патувал со својата сопруга.

Македонија | пред 4 години

Јовески: Можни се два фактора за несреќата

Јавниот обвинител Љубомир Јовески изјави дека сè уште не може да се каже која е причината за незгодата.„Можни се два фактора, човечкиот фактор или, пак, техничката неисправност на возилото“, изјави Јовески пред болницата „Пирогов“ во Софија, каде што се сместени седуммина од преживеаните патници од денешната автобуска несреќа.„За причините во овој момент не може да се каже. Сите прашања се отворени. Впрочем, затоа се води и истрагата. Нашите колеги јавни обвинители од Република Бугарија, со кои имаме одлична соработка, ги фиксираат сите траги, прибираат податоци и во овој момент не може воопшто ништо да се каже која е причината за незгодата“, истакна тој и појасни дека станува збор за пообемни вештачења.Додаде дека обдукцијата на телата ќе се врши во Бугарија, додека биолошките траги на роднините на починатите ќе се земаат во Институтот за судска медицина во Скопје и веднаш ќе се достават во Бугарија.„Телата се извлекуваат од автобусот, ќе треба да се земат биолошки траги од роднините и очекуваме тој процес многу брзо да заврши“, изјави Јовески.„Со Обвинителството на Бугарија имаме развиено добри колегијални односи. Станува збор да се забрза оваа постапка, да видиме кои документи им се потребни од нашата држава за да може што поскоро да се утврдат сите факти за оваа трагедија“, вели Јовески.Државниот јавен обвинител изразувајќи сочувство до семејствата на настраданите вели дека е уверен оти бугарските лекари и медицинските лица преземаат сè што е неопходно за повредените патници.

Македонија | пред 4 години

Tахографот на македонскиот автобус е изгорен - ќе собираат податоци од камерите на патиштата

„Автобусот е во таква состојба што не може да се утврдат податоци од техничкиот уред кој го снима движењето на автобусот - тахографот. Се изгорело.“ Ова за БНР го објасни извршниот директор на Извршната агенција, Бојко Рановски.Тој посочи дека според информациите на ДАИ од граничниот премин „Капитан Андреево“ до местото на инцидентот не се регистрирани прекршувања на сообраќајните правила.Рановски рече дека според податоците од камерите на граничните пунктови и Агенцијата за патишта, истражните органи можат да извлечат информации кои се неопходни за утврдување на причините за инцидентот на патот.

Македонија | пред 4 години

Беса Транс: Соработуваме со надлежните институции за да се утврдат причините за оваа страшна трагедија

Компанијата „Беса Транс – Скопје“ упати телеграма со сочувство по страшната несреќа на македонскиот автобус во Бугарија.„Денеска е многу тажен и тежог ден за нас како компанија, изразуваме сочуство до семејствата и роднините на починатите, се молиме за брзо оздравување на преживеаните. Компанијата во целост соработува со надлежните институции со Р.C.Македонија и Р.Бугарија се со цел да се утврдат причините за оваа страшна трагедија! Се извинуваме на сите што не сме во можност да одговориме на бараните информации, бидејќи сме во голем шок. Со почит. за секакви информаци во врска со случајт јавете се на бројот 075273732“, посочуваат од компанијата.

Македонија | пред 4 години

15 починаа од корона, 490 се новозаразени

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 2.869 тестирања, а регистрирани се 490 нови случаи на КОВИД-19:Скопје – 209, Битола – 42, – , Прилеп - 33, Кавадарци – 30, Велес – 18, Куманово – 17, Ресен – 16, Берово – 14, Кочани – 12, Гевгелија и Делчево - по 10, Тетово и Штип – по 8, Струмица и Крива Паланка – по 7, Радовиш – 6, Кичево и Богдаци – по5, Валандово,Кратово, Македонска Каменица и Пехчево – по 4, Охрид, Свети Николе и Неготино – по 3, Струга и Виница – по 2, Гостивар, Пробиштип, Крушево и Македонски Брод – по 1.Регистрирани сe 484 оздравени пациенти од: Скопје – 233, Битола – 37, Куманово – 28, Кочани – 22, Велес и Гевгелија – по 19, Кавадарци – 18, Штип – 17, Охрид – 15, Тетово – 11, Струмица и Пробиштип – по 9, Кичево – 8, Неготино – 7, Каратово – 6, Свети Николе – 5, Радовиш – 4, Ресен и Богданци – по 3, Струга и Демир Хисар – по 2, Прилеп, Крива Паланка, Валандово, Гостивар, Дебар, Демир Капија и Дојран – по 1.Во текот на изминатите 24 часа регистрирани се 9 починати лица: По 3 починати лица од Скопје (85г, 75г и 41г) и Штип (91г, 86г и 78г), 2 починати лица од Куманово (88г и 76г) и едно починато лице од Берово (75г). Од пријавените сите лица се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени 6 починати лица со датум на смрт од 25.10.2021 до20.11.2021. Регистрирани се починати лица од Куманово (1), Велес (1), Штип (1), Струмица (1), Свети Николе (1) и Демир Хисар (1). Починатите лица се на возраст од 89-61г, од ) кои 5 лица се починати во домашни услови, а 1 лице во болнички услови.Направени се 2.869 тестови преку: ИЈЗ-320, ЦЈЗ Скопје-76, ЦЈЗ Битола-67, ЦЈЗ Прилеп-36, ЦЈЗ Тетово–34, ЦЈЗ Куманово-50, Клиника за инфективни болести и фебрилни состојби-2, Судска медицина-2, лабораторија болница Козле-15, УК Пулмологија со алергологија –0, ГОБ 8-ми Септември-0, Институт за микробиологија–8, Жан Митрев (Филип Втори)-84, Авицена-162, Биотек-182, Систина-73, лабораторија Лаор-0, Синлаб-21, Ремедика-20, Плодност–55, Генеа-6, Никоб лаб-244, ВФВ Медикал-23, Ели Медика-28, Ројал Медика–11, Спектра-ММ-12, Рапид Лаб – 4, Жан Митрев Струмица – 0, ЈЗУ и ПЗУ (рапид тест) – вкупно 1.334.Досега во земјата се направени вкупно 1.453.084 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 212.865, бројот на оздравени пациенти е 197.120, на починати е 7.464, а бројот на активни случаи изнесува 8.281.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 93032, Активни 3831Куманово 12778, Активни 267Тетово 11276, Активни 153Прилеп 10040, Активни 424Битола 8406, Активни 671Гостивар 8056, Активни 36Велес 7216, Активни 354Кавадарци 6813, Активни 296Штип 6517, Активни 198Охрид 6358, Активни 255Струмица 6040, Активни 145Кичево 4211, Активни 93Кочани 3928, Активни 213Струга 3890, Активни 61Гевгелија 2754, Активни 154Неготино 2536, Активни 85Свети Николе 2087, Активни 66Крива Паланка 1846, Активни 149Ресен 1705, Активни 101Радовиш 1698, Активни 75Дебар 1454, Активни 0Берово 1387, Активни 96Делчево 1338, Активни 130Виница 1139, Активни 44Пробиштип 1102, Активни 36Валандово 902, Активни 39Кратово 749, Активни 69Богданци 635, Активни 40Демир Хисар 586, Активни 82Крушево 575, Активни 24Македонски Брод 486, Активни 7Демир Капија 421, Активни 8Македонска Каменица 399, Активни 61Пехчево 346, Активни 16Дојран 159, Активни 2

пред 4 години

Страотни сведоштва на роднини: Душата ја дава Господ и ја зема Господ. Ние не сме против тоа.

Беким Алити, сопруг на една од патничките во автобусот што имаше сообраќајна несреќа во Бугарија, вели дека се уште нема никакви информации ниту од Министерството за надворешни работи, ниту од Амбасадата дали неговата сопруга е жива.Тој додава дека го видел списокот со имињата на патниците во автобусот, што го објавија некои медиуми меѓутоа како што рече, не знае кои се живи, а кои не.„Малку информации имаме. Тие биле во автобусот. Телефонот ѕвонеше трипати околу седум часот, кај една од нашите жени. Од тогаш, немаме никаква информација. Две сестри од фамилијата беа во автобусот“, велат роднини на патниците.„Јас со жена ми, вчера пишувавме, па немам никаков контакт. Го прашав шоферот кога ќе стигнат во Македонија за да излезам да ги пречекам. Почнав да бидам загрижен. Едната беше достапна на телефонот, другата жена не беше. Но, и жената која беше достапна не одговараше. И што се случило, не знаеме“, рече роднина.„Нема транспарентност. Душата ја дава Господ и ја зема Господ. Ние не сме против тоа. Не е работата само да се профитира. Некој треба да излезе овде и да даде информации. Но овде, вака функционира“, додава еден од роднините на патниците.„Јас се јавив во болницата во Бугарија, но тие не ни дадоа никаква вест. Седум души се во бугарската болница, но не даваат информации“.„Ние информациите ги добивме од пријатели. Амбасадата не потврдува ништо. Другари и пријатели ни дадоа информации. Ни кажаа дека биле во автобусот, но за натаму, не знаеме ништо. Ни потврдија дека нашите жени биле во автобусот. Но, го промениле автобусот. Кога отишле за Турција биле во еден автобус, потоа, се префрлиле во друг автобус“, изјавуваат роднините.Автобусот со македонска регистрација влегол во Бугарија од Турција преку граничниот премин „Капитан Андреево“ нешто по 21 часот, а несреќата се случила околу 2 часот по македонско време на магистралниот пат „Струма“ на потегот Софија – Благоевград.

Македонија | пред 4 години

Министерство за транспорт дозволило компанијата да превезува патници, се огласија оттаму

До Министерството за транспорт и врски, Сектор за патен сообраќај, поднесено е барање од страна на превозникот Беса Транс БТБ од Скопје, ул. 1 бр. 1, Рашче, Скопје, евидентирано под број 08-4127/1 од 18.07.2018 година, за добивање на лиценца за вршење на меѓународен слободен превоз на патници.„Кон барањето е доставена целокупната документација согласно член 8 од Законот за превоз во патниот сообраќај, со што превозникот ги исполнил условите предвидени во Законот и му е издадена лиценца за вршење на меѓународен слободен превоз на патници.Со барањето за добивање на лиценца за вршење на меѓународен слободен превоз на патници, превозникот ги исполнил условите за добивање на лиценца и издадена му е лиценца за вршење на меѓународен слободен превоз на патници со сериски број 007017 со важност од 08.08.2018 година до 08.08.2022 година.Од тој момент превозникот се нема обратено до Министерството за транспорт и врски, Сектор за патен сообраќај, со поднесено барање за добивање на извод од лиценца за ново набавено возило.Очекуваме истрагата да ги покаже причините поради кои настана трагичната несреќа.Министерството за транспорт и врски останува отворено за соработка со сите надлежни домашни и меѓународни институции за целосно расчистување на случајот“, се вели во соопштението.

Македонија | пред 4 години

Најмлади жртви се четиригодишните близнаци

4-годишните близнаци се најмладите жртви во македонскиот автобус.Најстариот патник има 63 години.Според податоците, повеќето патници се родени помеѓу 1971 и 2004 година.Според информациите на македонскиот премиер Зоран Заев, има државјанин од Прешево, Србија,  како и патник со белгиско државјанство.ТВ Алсат-М објави список на патници во автобусот. Се уште не е јасно кој од нив починал, а кој преживеал. Сите патници имаат албански имиња.Потсетуваме, во тешката катастрофа ноќеска загинаа 45 лица, а 7 се повредени.

Македонија | пред 4 години

Роднина на загинатите со потресна изјава

Ми изгоре цело семејство”, изјави член на семејството Јахи од Скопје-Север кој во трагедијата во Бугарија изгуби 10 члена заедно со членови на семејство Мухаџери со кои се во роднинска врска.Од семејството изјавија дека нивните роднини заминале на туристичко патување во Истанбул, и како што велат заминале на „пат за да не се вратат никогаш”.„Слободен печат“ дознава дека и една мајка учителка Фекрије Исени (1982 год) во основното училиште во Студеничани, Скопје заедно со нејзината ќерка (Аниса) која е малолетна починале во несреќата.Целиот текст тука

Македонија | пред 4 години

Нема фотографија

Зачудувачки е што од 2 ноќта до 8 часот наутро немаме слика за состојбата, вели бугарски експерт

Претседателот на Синдикатот на возачи за авто-мото обука Јонко Иванов во студиото на „Бугарија наутро“ ја коментираше огромната трагедија на магистралата Струма, во која во сообраќајна несреќа загинаа најмалку 46 лица.Тој објасни дека ова е серија од многу кривини со спуштања и искачувања, тоа не е автопат, тоа е спореден пат – максималната брзина е 120 km/h.„На овие стрмни падини, моторната сопирачка на автомобилот е затегната, тоа е одговорност на возачот. Овде не гледаме растојание за сопирање. Ниските заштитни огради не треба да постојат на такви ризични делови од патот“, изјави тој за Бугарија ON AIR.Иванов посочи дека имало удар во заштитната ограда десно од автобусот и речиси фронтален удар во разделницата на патот. Според него, зачудувачки е што од 2 ноќта до 8 часот наутро немаме слика за состојбата. Изненадувачки беше и тоа што немаше сведоци на несреќата.„Тоа е пат, автомобил, возач – една од овие три работи или сите доведоа до оваа трагедија. Во автобусот треба да има двајца возачи за да се возат. Дали времето за одмор е исполнето? Влегува во 22 часот во Бугарија и патува долга релација, застанува околу 1 час да одмара. А луѓето се симнале надолу, што значи дека не спиеле сите во овој период“, вели гостинот во студиото.

Македонија | пред 4 години

Алсат објави список на патници во автобусот

Телевизијата Алсат го објави списокот на патници кои се превезувале со автобусот кој рано изутринава, околу 02:00 часот изгоре на автопат во Бугарија:Мемеди Кадри,Широки Мухсин,Љупчо ЗафировАмети Љуан,Амети Џихан,Амети Аљбан,Амети Авни,Рустеми Ибрахим,Рустеми Февзије,Амеди Алејна,Фејзулахи Халиме,Халити Хамије,Фустан Нермије,Сумеја ЛокФазлији Сумерја,Абдуловска Наџије,Белули Албина,Укали Газменд,Ислами Хатије,Исени Меџиде,Исени Хамди,Раманоска Алмира,Раманоски Енис,Сали Рабија,Мустафоска Зелија,Мустафоски Саде,Јахи Белма,Јахи Рамиз,Исени Фикрије,Исени АнисаЈахи Разије,Мухаџери Анеса,Јахи Ергин,Јахи Омер,Мухаџери Ерда,Јахи Ајла,Јахи Семие,Јахи Амијет,Љутфији Медина,Сулејмани Љулјзим,Османова Шефија,Фера Ајла,Сали Јехона,Јашаровска Жуљејха,Пајазитовски Елмедин,Јашаровска Ѓула,Пајазитовска Ѓулизарка,Јашаровска Илмија,Пајазитовски Ебип,Алити Висар,Јашаровски Минир,Алити Орхан

Македонија | пред 4 години

Роднини на патниците: Од Беса-Транс молчат, информации добиваме од социјалните мрежи

Утрово група на граѓани – роднини се собраа пред седиштето на агенцијата „Беса Транс“. Тие велат дека немаат никакви информации од одговорните лица во агенцијата, за состојбата на патниците.Еден од присутните кажа дека информацијата за трагедијата ја прочитале на социјалните мрежи.-Се обидувам да го добијам братучед ми по телефон, но не се јавува. Тој беше сам на патувањето. Вртевме по телефони во Беса Транс, цело време се јавуваме… Се чуди зошто никој не се јавува, вели еден од присутните роднини.

Македонија | пред 4 години

Жртвите ќе се идентификуваат со ДНК анализа

Истрагата за страотната автобуска несреќа ќе ја води Бугарското обвинителство. Но, на местото на несреќата веќе е тргната екипа од Крим техника од МВР за асистенција на тамошните истражни органи.Загинатите се изгорени до непрепознатливост според првичниот увид, и идентификацијата ќе се врши со ДНК анализа. За тоа, според македонските истражни органи, Бугарија има врвна опрема.Во моментов е невозможно ни оддалеку да се знае кои македонски граѓани биле во изгорениот автобус. Во турата имало 4 автобуси превезувани од иста туристичка агенција од Скопје, но постои можност патници да се менувале по желба со местата, од автобус во автобус. Затоа, велат нашите соговорници, не може засега да се зборува за список на загинати патници. Патниците на оваа екскурзија, според неофицијалните податоци, се од повеќе градови од Македонија, пишува СДК.Целиот текст можете да го прочитате тука

Македонија | пред 4 години