По вчерашниот хакерски напад, официјалниот твитер-профил на министерот за надворешни работи Бујар Османи е вратен, соопштија од МНР. Оттаму велат дека освен неколку избришани твитови, не е забележана некаква посериозна злоупотреба.Вчера, министерот Османи објави дека неговиот официјален профил на Твитер е хакиран и дека случајот го пријавил во полиција. Името на профилот беше сменето во „Sheldon The Sniper“.
Македонија | пред 4 години
Денеска се одбележува 13 Ноември – Денот на ослободувањето на Скопје во Втората светска војна.На 13 ноември 1944 година, борците од 42. и 50. Народнослободителна дивизија на македонската војска и 16. Македонска бригада го ослободија Скопје од фашистичка окупација.По неколкудневните тешки борби со припадниците на 22-та Гренадиска германска дивизија, составена од 47-от и 65-от полк и делови од 11-та воздухопловна десантна дивизија, како и со германската тврдинска бригада „Ангермилер“, која беше распоредена пред Качаничката Клисура, борците со победоносен марш влегоа во градот.
Скопје | пред 4 години
На 14 ноември Светскиот ден на дијабетесот годинава се обележуваат – 100 години од откривањето на инсулинот. „Пристап до современа дијабетска заштита“ е мотот на овој јубилеј, а ова само ја нагласува важноста за грижа на секој здравствен систем кон лицата со дијабет, односно пристап до модерна иновативна терапија, како би им се овозможил нормален живот на овие луѓе.Министерот за здравство д-р Венко Филипче на Форумот организиран во чест на Светскиот ден за борба со дијабет, посочи за заложбите изминативе 4 години, кои се направени за унапредување на здравјето на лицата со дијабет и обезбедувањето современ пристап на лекување.-Го укинавме паралелниот увоз на инсулин и терапија за дијабетис. Паралелниот увоз не гарантираше квалитет на инсулинот, ниту пак имавме контрола дали терапијата која им е потребна на пациентите во земјава влегува исправна, дали е запазен неопходниот ладен синџир кога се транспортираат овие лекови. Со измените на законот за паралелен увоз воведовме сертификат за квалитет, како и систем за следење, и сега знаеме која доза лек каде завршила. Веќе не станува збор само за тоа како се третира дијабетот, туку секогаш мора да имаме предвид дека станува збор за начин на живот.Што значи дека не е само инсулинот како инсулин, како препарат, туку како целокупната филозофија и целокупниот пристап кон овие пациенти со цел тие да имаа што понормален живот, посебно децата, за да имаат нормален раст и развој. Имаме интензивна комуникација со претставниците на здруженијата за дијабет. Најпрво успеавме да слушнеме кои се вистинските проблеми, врз основа на проблемите со кои тие се соочуваат ги димензионираме нашите политики. Решенијата треба да им служат на тие на кои што се наменети – посочи министерот Филипче.Министерот рече дека сега се обезбедени пет нови препарати коишто овозможуваат уште подобра контрола на гликемијата, инсулини кои се кардиопротективни, го штитат срцето и крвните садови и со многу помала количина се контролира инсулинот до 20%.-Она што во овој момент го правиме е постапката за првпат во нашата земја се набават сензори за мерење гликемија, а тоа значи дека наместо вообичаените боцкања за земање крв и мерење на шеќерот, сега се ставаат специјални сензори на надлактицата и тоа се мери со електронски девајс или со мобилен телефон – врз oснова на најнова технологија. Со ова уште повеќе го зголемуваме квалитетот на живот за овие пациенти, посебно за децата со што значително ќе се намали траумата која ја доживуваат од секојдневните боцкања со игли – рече Филипче.
Македонија | пред 4 години
Градоначалничката на Град Скопје Данела Арсовска вели дека отстранувањето на третата галија на Кеј 13 Ноември е завршена работа и дека нејзиниот претходник Петре Шилегов веќе има потпишано извршно решение.„Таму се постапува. За другите две треба да видам како стојат работите, до каде се постапките па потоа ќе се одлучи што ќе се прави. Јас не би урнала ништо“, вели Арсовска.Таа ова за СДК го потврдува неколку дена откако сопственикот на бродот објави видео како ги брка со навреди и псовки работниците кои работат на уривањето, а спомена и дека повеќе Шилегов сега не е градоначалник.
Скопје | пред 4 години
Професорот Дејан Трајковски, редовно на Фејсбук ја анализира состојбата со Ковид-19 во Македонија.“12.11.2021. Најновите пресметки на ефективностите на вакцините против заразување и смртен исход.Изгледа дека ефективноста против заразување повеќе не се намалува (портокаловата линија на првиот дијаграм), односно дека нема многу да слегува под 20%, барем додека трае есенскиот бран.Ефективноста против смртен исход исто така не покажува знаци на драстично влошување со текот на времето, иако неделава видовме нејзино намалување на околу 78% (виолетовата линија на првиот дијаграм).Учеството на вакцинираните меѓу починатите (виолетовата линија на вториот дијаграм) многу порасна неделава, но сé уште ова е статистички возможно (остапување под 2 стандардни девијации) и прифатливо, со оглед на високиот опфат со вакцинација кај постарите.Просечниот временски интервал од втората доза кај досега вакцинираните веќе изнесува 103 дена, што значи дека повеќе од половината од вакцинираните со кинеските вакцини се изложени на ризик и за нив веќе дошло време за примање на бустер доза (3 месеци по втората доза).Неделава се заразиле 1.570 од 769 илјади вакцинирани (инциденца 291 заразен на милион вакцинирани дневно) и 1.911 од 731 илјада невакцинирани (инциденца 374 заразени на милион невакцинирани дневно).Соодносот на ризиците изнесува 0,778, односно ефективноста (намалувањето на ризикот) против заразување изнесува 22,2%.Неделава починале 42 од 242 илјади вакцинирани постари од 60 години (морталитет 25 починати на милион вакцинирани постари од 60 години дневно) и 58 од 73 илјади невакцинирани постари од 60 години (морталитет 114 починати на милион невакцинирани постари од 60 години дневно).Соодносот на ризиците изнесува 0,219, односно ефективноста (намалувањето на ризикот) против смртен исход изнесува 78,1%.Во сите пресметки е сметано со вкупно население од 1,8 милиони, што не мора да значи дека е точна вредност.При помал број на жители, би се добиле повисоки ефективности.Да се потсетиме, на последниот попис се презентирани 1,8 милиони лични карти, односно матични броеви.Со вкрстување на податоците од разни датабази овој број веројатно ќе биде малку намален (според една постара изјава на директорот на Државниот завод за статистика (ДЗС), вистинскиот број на резиденти изнесува 1,5-1,7 милиони жители).Исто така, вршени се апроксимации за опфатот со вакцинација кај постарите од 60 години, бидејќи Институтот за јавно здравје (ИЈЗ) веќе неколку недели не го објавува овој податок.Меѓутоа, бидејќи бројот на вакцинирани бавно се зголемува (уште побавно кај постарите), пресметката би требало да има задоволителна точност.Искористена е дополнитена претпоставка дека сите починати биле постари од 60 години, иако во реалноста од таа група доаѓаат околу 90% од починатите.Со ова се докажува дека вакцините се сé уште ефикасно сретство за спречување на смртен исход (главната причина за вакцинација), но со текот на времето речиси ја изгубиле ефикасноста за спречување на заразувањето (со споменатата ефективност од 22%).Заразата може ефикасно да се спречи единствено со превентивни и рестриктивни мерки, како и интензивно тестирање на населението и изолирање на заразените“, пишува тој.
Македонија | пред 4 години
Хакиран е официјалниот Твитер профил на министерот за надворешни работи, Бујар Османи. Профилот е преименуван во „Sheldon The Sniper“, a променети се и сите информации, како и профилни фотографии.Министерот Османи на Фејсбук потврди дека Твитер профилот бил предмет на хакерски напад и е преземен од непознати лица.„Сакам да ве информирам дека мојот официјален и верификуван твитер-профил, како министер за надворешни работи, @Bujar_O (Бујар Османи), денес беше предмет на хакерски напад и преземен од страна на непознати лица. Be известувам дека во моментов, мојот твитер профил е надвор од моја контрола, и соодветно, последните активности не претставуваа дел ниту од моите интенции, активности, ставови, убедувања, ниту претставуваат официјални ставови на институцијата. Случајот е пријавен во министерството за внатрешни работи, како и на соодветните адресати на социјалната мрежа “Твитер”, од каде очекувам брза реакција и враќање на официјалниот и верификуван профил повторно на мое управување“, напиша Османи.
Македонија | пред 4 години
Претседателот на Алтернатива, Африм Гаши во емисијата „360 степени“ на Алсат, ја коментираше седницата во Собранието на која требаше да се расправа за интерпелацијата за Владата на Заев.– Не можеме да кажеме нешто друго од тоа што го кажа лично пратеникот. Ако вели „слободен сум, по моја волја сум тука“, немаме право да кажеме нешто ако тој го кажал спротивното за себе. Дали имало притисоци, тоа е сосема друга димензија. Но, сè додека тој лично излегува и кажува што се случило, кој е неговиот став, мислам дека јавноста треба да молчи односно нема право да му противречи. Mожеме да кажеме дека имало големи притисоци врз сите пратеници, не знам дали е нормално, сакав да го наречам како нешто нормално. Нормално е секое мнозинство да го чува својот број пратеници, мнозинството, но не со недемократски форми. Затоа, мислам дека е крајно време да се ослободиме од ваквиот начин на функционирање на демократијата и да бидеме попринципиелни и поправедни пред граѓаните, себеси и пред Господ – рече Гаши.
Македонија | пред 4 години
На новинарско прашање дали општината е заглавена во долгови од претходниот градоначалник, актуелниот градоначалник на Општина Ѓорче Петров изјави дека долгот е 139 милиони денари и истиот уште расте.„За жал, општинските долгови се многу големи. Со пресекот кој го добив утрово, до 31.10, по доспеани фактури, долгот изнесува околу 139 милиони денари, неплатени парични побарувања. Тоа е голема сума на пари. Негде над 2 милиони евра. Дополнително имаме скоро исто толкава сума на пари по однос на склучени договори, но тоа зависи како ќе се реализира со понатамошниот дел од буџетската година. Тоа што го разговарам со луѓето од Секторот за финансии се очекувања, ова што го кажав како затекнати и неплатени долгови, да стигне повеќе од 180 милиони до крајот на годината. Но, за тоа ќе можеме релевантно да кажеме по пресекот на четвртиот квартал. Дополнително на тоа, имаме четири кредити, дел завршуваат наредната година, дел почнуваат по период од една до две години. За жал, финансиската позиција на Ѓорче Петров не ни е сјајна. Затоа ќе мораме да се однесуваме подомаќински и поодговорно, доколку сакаме, а сакаме да излеземе во пресрет на реалните потреби кои ги имаат граѓаните во Ѓорче Петров и да реализираме капитални проекти“, кажа Алекснадар Стојкоски, градоначалник на Ѓорче Петров.
Скопје | пред 4 години
Откако вечерва претседателот на Беса, Билал Касами го исклучи пратеникот Кастриот Реџепи од партијата, Реџепи се јави со индиректна реакција на својот приватен Фејсбук профил.Реџепи објави фотографија со знамето на САД и натписот: God bless America или Господ да ја благослови Америка.
Македонија | пред 4 години
Министерството за здравство информира, согласно податоците од Институтот за јавно здравје дека во последните 24 часа направени се 3.296 тестирања, а регистрирани се 469 новислучаи на КОВИД-19:Скопје – 205, Битола – 50, Кавадарци – 35, Прилеп – 23, Куманово и Штип – по 20, Тетово – 13, Велес и Охрид – по 11, Крива Паланка и Делчево – по 9, Кочани – 7, Гевгелија – 6, Струмица, Неготино, Ресен и Кратово – по 5, Пехчево – 4, Гостивар, Кичево, Свети Николе, Радовиш и Демир Хисар – по 3, Виница и Македонска Каменица – по 2, Струга, Берово, Богданци, Крушево, Македонски Брод, Демир Капија и Дојран – по 1.Регистрирани сe 375 оздравени пациенти од: Скопје – 178,Куманово – 29, Кавадараци и Битола – по 20, Прилеп – 18, Штип – 13, Неготино – 12, Велес – 11, Кочани – 10, Тетово – 9, Свети Николе – 8, Кичево и Пробиштип – по 7, Крива Паланка и Делчево – по 6, Гевгелија и Крушево – по 5, Берово – 3, Радовиш – 2, Охрид, Ресен, Кратово, Богданци, Македонски Брод и Македонска Каменица – по 1.Во текот на изминатите 24 часа регистрирани се 13 починати лица: 3 починати лица од Скопје (44г, 60г и 77г), по 2 починати лица од Велес (73г и 80г) и Струмица (57г и 77г) и по едно починато лице од Прилеп (73г), Битола(73г), Кавадарци (75г), Кичево (77г), Неготино (33г) и Крива Паланка (82г). Од пријавените лица сите се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, нема пријавени починати лица.Вкупната бројка на КОВИД-дијагностицирани лица во нашата земја од почетокот на епидемијата изнесува 208.467,бројот на оздравени пациенти е 192.745, на починати е 7.307, а бројот на активни случаи изнесува 8.415.
пред 4 години
Лидерот на Беса, Биљал Касами, објави дека партијата го исклучила пратеникот Кастриот Реџепи, кој вчера не се појави на собраниската седница за недоверба на владата.„Имајќи ги предвид неодамнешните постапки на пратеникот нa Реџепи, кој не се појави во Собранието пред неколку дена да го поддржи предлогот за недоверба на Владата, со што постапи спротивно на одлуката на партијата и сериозно го наруши и престижот на партијата, јас го исклучувам споменатиот член од сите партиски функции и како член“, објави Касами на фејсбук.
Македонија | пред 4 години
Секоја држава има своја мафија, а синоќа се докажа дека во Северна Македонија мафијата има држава. една Влада со 59 пратеници, се чатали и дрско се однесува кон граѓаните и бара спас преку уцени, закани, купување или киднапирање пратеници. Еден хибриден режим кој се повикува на европски вредности, а целиот нејзин мандат и крајот се карактеризира со постапки и скандали спротивни на тие вредности, изјави Халил Снопче, од Алијанса за Албанците.Синоќа не потфрли новото мнозинство, а уште помалку опозицијата. Синоќа се вклучи алармот за сите граѓани и за меѓународната заедница. Синоќа се потврдија сите оценки на меѓународните организации за Северна Македонија, а се потврдија и сите наши предупредувања. Кога на избран претставник на народот му се оневозможува да си оди на работа, тогаш што може да биде со обичниот граѓанин.Не потфрли синоќа Алијансата за Албанците, таа само се зацврсти на страната на правдата, на страната на народот кој бара промени, а излегоа на виделина вистинските лица на оние кои се борат против промените и го бранат режимот по секоја цена. Битката продолжува, уште посилно, уште почисто, уште порешително, и тоа веднаш.
Македонија | пред 4 години
Се работи на оспособување на трансформаторот на Блок 3 во РЕК „Битола“ кој беше ошететен во пожарот минатиот петок, а според првичните наоди, причина за пожарот е висок напон кој дошол до трансформаторот преку електроенергетскиот систем.– Стручни лица од РЕК „Битола“, со поддршка на колеги од МЕПСО и „ЕВН Македонија“, како и експерти од техничките факултети во Битола и Скопје, интензивно работат на оспособување на трансформаторот на Блок 3, кој беше оштетен во пожарот минатиот петок. Првичните, неофицијални наоди говорат дека пожарот го предизвикал висок напон кој дошол до трансформаторот преку електроенергетскиот систем, информира денеска АД ЕСМ.Генералниот директор и директорот на производство во АД ЕСМ, Васко Ковачевски и Благојче Трповски најавија формирање на експертски тим од енергетските компании кој ќе ги дефинира чекорите за спречување на слични појави во иднина.Од компанијата информираат дека двајцата директори изразиле задоволство од зголемената динамика на ископ на јаглен во рудниците на РЕК Битола и формирањето на солидни залихи на депонијата од која се снабдува термоелектраната.– Во РЕК Битола продолжуваат и завршните активности за заокружување на процесот на т.н. нега на Блок 2 кој во недела треба да биде ставен во функција, се наведува во соопштението.
Македонија | пред 4 години
Пријателството со Соединетите Американски Држави и Европската Унија, но и со земјите од регионот е без алтернатива и неприкосновено под никакви услови и под никакви околности, напиша лидерот на ДУИ Али Ахмети на Фејсбук.– Денес преовладуваше свеста за заедничките достигнувања, слободата, еднаквоста, правдата, добрососедството, евроатлантската ориентација на нашата земја и сигурната прозападна иднина. На нашата земја и треба повеќе безбедност, повеќе стабилност и целосна политичка предвидливост. Негирањето на Охридскиот, Преспанскиот договор, добрососедството, но и НАТО, Европската Унија, Република Косово, албанскиот јазик не може да имаат место овде, додава Ахмети.Нагласи дека нема да постапуваат ниту со емоции ниту со еуфорија. – Засекогаш заедно!, напиша Ахмети.
Македонија | пред 4 години
Пратеникот Кастриот Реџепи од Беса, кој вчера не се појави во Собранието и на тој начин не го обезбеди потребното мнозинство на опизициските партии за да се гласа недоверба на Владата, денеска своеволно дошол во полициска станица и дал изјава дека пријавата оти е исчезнат е невистинита, информираат од МВР.„Во врска со вчера добиената пријава во Полициската станица Бит-пазар за К. Р., МВР известува дека пред малку К. Р. своеволно дојде во полициска станица и даде изјава дека пријавата е невистинита, односно никогаш не бил исчезнат, туку самоволно, без никаков притисок, со своето семејство, заминал кај пријател за да се заштити од публицитет поврзан со собраниската седница“, се наведува во соопштението на МВР.Лидерот на Беса, Биљал Касами, вчера го повика МВР да излезе со службена информација каде се наоѓа нивниот сопартиец изразувајќи сомнеж дека тој е чуван под присила.„Во ситуација кога одам да го пријавам за исчезнат во МВР, излегува видео од него – затоа се сомневаме дека оваа ситуација e исценирана“, рече вчера Касами.
Македонија | пред 4 години
На 20 минути пред полноќ, претседателот на Собранието, Талат Џафери, констатираше дека нема кворум за гласање на прашањето за доверба на Владата.На седницата се појавија дел од министрите од владината коалиција, како и лидерот на СДСМ, Зоран Заев, додека пратениците од ВМРО-ДПМНЕ два часа претходно го напуштија Собранието.На Владата не ѝ е изгласана недоверба и таа продолжува да работи во полн состав, констатираше Џафери.„Со оглед дека немаме кворум за целта за кое беше поставено ова прашање, не може да има дебата за изгласување доверба на Владата. Не ни останува ништо друго освен да констатираме дека на Владата не ѝ е изгласана недоверба и таа продолжува со полн состав и должностите што ги има. Предвидената материја за оваа седница е исцрпена и констатирам дека седницата е завршена“, рече Џафери.
Македонија | пред 4 години
Требаше да киднапираат пратеник само за да опстои владата, Заев е најлошото за Македонија, вели ВМРО-ДПМНЕ.„Власта не покажа дека има мнозинство, владата на Заев е единствена која немаше пратеници да ја бранат.Владата на губитникот Заев е делегитимирана.Губитникот Заев има само 59 пратеника плус еден киднапиран пратебик. Вчера мораше да киднапира пратеник, за да може да продолжи да краде.Цел ден се држеше во заложништво пратеник, кој на крај не се појави во собранието, туку беше пуштен преку видео после сите стравувања за неговата безбедност.Вчера Заев ја уби демократијата во државата.Со недемократски методи на владеење ќе тонеме на листите на релевантните меѓународни институции како Транспаренси или на листите на списанијата како Економист.Земјата не смее да биде заложник на интересите на една тесна клика на луѓе“, се вели во соопштението.
Македонија | пред 4 години
Министерот за земјоделство, шумарство и водостопанство, Арјанит Хоџа во вчерашното интервју на ТВ21 потврди дека во текот на денешниот ден во Владата ќе поднесе оставка од функцијата министер.За деталите, како што вели, ќе зборува на прес-конференцијата која се очекува да биде закажана во текот на денешниот ден.
Македонија | пред 4 години
Претседателот на Собранието не ја исклучува можноста пратеникот од БЕСА, Кастриот Реџепи да биде дел од актуелното мнозинство. Гостувајќи во емисија на ТВ21, Талат Џафери рече дека учеството на Реџепи во новото мнозинство ќе биде негова лична одлука.Џафери, коментирајќи ги денешните случувања околу седницата за доверба на владата, напомена дека можно е уште утре да се знае какво ќе биде новото мнозинство.
Македонија | пред 4 години
Пратеникот од Левица, Борислав Крмов обвинува дека пленарната сала во Собранието е затворена и дека пратениците биле спречени да влезат внатре.„Претседателот Талат Џафери ја заклучил Пленарната сала за пратениците да не можат да влезат! Сабајлето исчезна пратеник, а сега физички сме спречени да влеземе во салата. Тоа се тие демократски методи на земја-членка на НАТО. Џабе ви е узурпатори! Ќе дојдат и нашите пет минути, ама ќе траат десет“, напиша Крмов на Фејсбук.
Коментари | пред 4 години
Неколку фотографии од генералниот секретар на Алијансата за Албанците, Арбен Таравари, вечерва беа објавени на социјалните мрежи. Таравари бил фотографиран на скопскиот аеродром, а според ТетоваСот тој отпатувал во Турција, односно во Истанбул.Како резултат на нерушењето на Владата, на социјалните мрежи повторно почнаа да бараат оставка од лидерот Зијадин Села за последниот дебакл, наведува порталот.https://twitter.com/Safiye_Sultanaa/status/1458882962649399301?fbclid=IwAR1uV-cn2N8cLH-JF7PaAugca-6z8ipRa8eLpgp5wO_aZBo5oHVugBBRvao
Македонија | пред 4 години
Лидерот на ВМРО-ДПМНЕ, Христијан Мицкоски на социјалните мрежи објави фотографии од државната клиника каде правеше операција. Тој оперирал масно ткиво на вратот.Веднаш по објавата имаше реакции на социјалните мрежи а ова се дел од нив.https://twitter.com/nesa_bridzis/status/1458895043679432705https://twitter.com/AgentFordMKD/status/1458892511418761219https://twitter.com/Dank_Hopper/status/1458898440398770190https://twitter.com/Safiye_Sultanaa/status/1458891268352884739https://twitter.com/nepotvrden/status/1458891104703688707https://twitter.com/DesnoLev/status/1458886756942626821
Коментари | пред 4 години
Александар Николовски од ВМРО-ДПМНЕ на прес-конеференција изјави дека пратениците го напуштаат собранието.„За жал имаме ден кој ке биде на црните страници на македонската историја, беше киднапиран пратеник. Ќе одговараат сите кои одзимаа телеофни од пратеници, држеа затворени пратеници, и оние кои киднапираа пратеник. Ќе има одговорност. Имам порака во име на целата коалиција, а тоа е дека најбрзото и наједноставно решение за излез од оваа криза се брзи предвремени избори во најкус можен рок“, изјави НиколовскиТој им порача на оние кои го држат пратеникот да го ослободат.
Македонија | пред 4 години
Лидерот на Левица, Димитар Апасиев, вели дека видеото кое беше објавено од пратеникот изгледа на оние заробеници на терористички организиции.„Ова е преседан кој ќе ни се врати од глава. Кога можете пратеник да киднапирате и да држите… Не знам дали го видовте видеото, мене ми изгледаше како оние заробеници на терористички организации пред егзекуција. Ситуацијата е опасна, граѓаните треба да ја сфатат сериозноста. Мислам оваа власт не паѓа со милум и треба радикализација на состојбата – порача Апасиев.„Пратеникот до последно беше со нас, нешто се случило“, додаде Апасиев.
Македонија | пред 4 години
Лидерот на ВМРО-ДПМНЕ, Христијан Мицкоски вечерва на Клиниката во Скопје имаше оперативен зафат. На Мицкоски му било отстрането масно ткиво од вратот, а на фотографијата која тој ја објави може да се забележи фластер токму во тој дел.„Динамичен ден. Киднапиран пратеник, криминал, уцени, срам, и нормално најголемата желба на СДСМ-ДУИ да ме немало во политиката… После 45 минути лесна хируршка интервенција, се чувствувам одлично. Огромна благодарност до д-р Џиковски, Срцева, Пеев и останатите. Одиме понатаму, ние сме тоа што тие не се – Обединети за нова иднина на Македонија!“, напиша тој.
Македонија | пред 4 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
