ТОП

13 починаа, 601 се новозаразени од корона

Направени се 4.501 тестирање, а регистрирани се 601 нови случаи на КОВИД-19:Скопје – 217, Битола – 68, Велес – 34, Кавадарци и Куманово – по 31, Прилеп и Штип – по 28 , Крива Паланка – 18, Кочани и Тетово – по 17, Гевгелија – 16, Делчево, Кичево, Охрид и Радовиш – по 10, Берово – 9, Неготино – 8, Македонска Каменица и Ресен - по 5, Богданци, Виница и Гостивар – по 4, Кратово, Пробиштип и Струмица - по 3, Демир Хисар, Крушево и Свети Николе - по 2, Македонски Брод и Струга - по 1.Регистрирани сe 304 оздравени пациент од: Скопје – 141, Куманово – 26, Велес – 16, Прилеп и Кавадарци – по 15, Битола и Штип – по 14, Охрид – 10, Тетово и Кочани – по 7, Пробиштип – 6, Свети Николе – 5, Струмица, Гевгелија, Неготино и Делчево – 4, Кичево, Струга, Валандово и Демир Хисар – по 2, Гостивар, Ресен, Виница и Кратово – по 1.Во текот на изминатите 24 часа регистрирани се 13 починати лица: по 2 починати лица од Скопје (72г, и 81г), Куманово (60г и 89г) и Кочани (64г и 72г), и едно починато лице од Кавадарци (78г), Демир Хисар (75г), Битола (68г), Крива Паланка (58г), Велес (73г), Неготино (45г), и Виница (78г). Од пријавените лица сите се починати во болнички услови.Направени се 4.501 тест преку: ИЈЗ-339, ЦЈЗ Скопје-58, ЦЈЗ Битола-90, ЦЈЗ Прилеп-50,ЦЈЗ Тетово–81, ЦЈЗ Куманово-58, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–157, Жан Митрев (Филип Втори)-91, Авицена-201, Биотек-247, Систина-61, лабораторија Лаор-200, Синлаб-35, Ремедика-18, Плодност–77, Генеа-11, Никоб лаб-622, ВФВ Медикал-68, Ели Медика-67, Ројал Медика –39, Спектра-ММ-10, Рапид Лаб – 5, ЈЗУ и ПЗУ (рапид тест) – вкупно 1.916.Досега во земјата се направени вкупно 1.404.750 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 205.623, бројот на оздравени пациенти е 190.570, на починати е 7.217, а бројот на активни случаи изнесува 7.836.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 89940, Активни 3657Куманово 12465, Активни 423Тетово 11113, Активни 183Прилеп 9650, Активни 365Гостивар 8021, Активни 35Битола 7733, Активни 465Велес 6949, Активни 368Кавадарци 6460, Активни 324Штип 6298, Активни 259Охрид 6212, Активни 201Струмица 5939, Активни 100Кичево 4157, Активни 113Струга 3850, Активни 44Кочани 3691, Активни 225Гевгелија 2620, Активни 120Неготино 2441, Активни 84Свети Николе 2045, Активни 83Крива Паланка 1727, Активни 171Радовиш 1632, Активни 70Ресен 1607, Активни 57Дебар 1453, Активни 3Берово 1289, Активни 63Делчево 1211, Активни 75Виница 1103, Активни 39Пробиштип 1059, Активни 71Валандово 868, Активни 24Кратово 678, Активни 49Богданци 597, Активни 22Крушево 561, Активни 25Демир Хисар 514, Активни 52Македонски Брод 481, Активни 6Демир Капија 410, Активни 1Македонска Каменица 374, Активни 48Пехчево 324, Активни 4Дојран 151, Активни 7

пред 4 години

„Kaдар на ДУИ се заканува со војна“, Крмов од Левица објави и фото

Пратеникот на Левица, Борис Крмов на Фејсбук објави дека кадар на ДУИ се заканува со војна, откако ВМРО-ДПМНЕ објави дека има ново парламентарно мнозинство.„Шкодране Дардишта кадар на ДУИ СЕ ЗАКАНУВА СО ВОЈНА ако на нејзината партија не и се дозволи да продолжи да ја силува државата! Ама ова во нашиот политички дискурс е потполно легитимно за разлика од фашизмот и нацизмот на Левица нели!?“, прашува Крмов.Објавата на Дардишта ја споделуваат многумина на Фејсбук. Таа порачува да не си играат со оган, оти тие не биле сираци.Граѓаните кои ја споделуваат објавата прашуваат каде е Хелсиншкиот комитет за да реагира на поттикувањето на меѓуетничка нетрпеливост и ширењето на говор на омраза.

Македонија | пред 4 години

Нема фотографија

Мицкоски потврди дека го интересира само власт, нема ниту политичка идеја, нема вредности, нема платформа за делување, велат од СДСМ

„Христијан Мицкоски потврди дека го интересира само власт, по секоја цена, и дека не станува збор за никаква политичка идеја, нема никакви вредности, нема платформа. Денеска народот слушна од Мицкоски дека целта му била да руши Влада со политичка партија која е дел од актуелната влада - БЕСА, дека земјата ќе ја носел напред ама со анти-НАТО и анти-американски коалиционен партнер - Левица. На следниот состанок на масата на новата коалиција останува да ги стави фотографиите од Орце Камчев, Никола Груевски и Сашо Мијалков и да изјави дека заедно ќе го расчистуваат криминалот на ВМРО-ДПМНЕ. Не може тие што ги кочеа сите прогресивни процеси, интерграцијата во НАТО и ЕУ, порастот на платите да бидат опција за иднината“, велат од СДСМ.„Конфликтот на принципи, конфликт на ставови, конфликт на политики и конфликтот на вредности на сите овие политички субјекти кои ги споменува Мицкоски не може да испорача ништо за интересот на граѓаните, ниту пак за националните интереси на државата. Ќе видиме деновиве дали ќе се избере нова анти-демократска, анти-Преспа, анти-НАТО и анти-ЕУ Влада, дали Мицкоски има капацитет и одговорност. Социјалдемократскиот сојуз на Македонија е на страната на граѓаните, на страна на националниот интерес и напредокот на државата. Ги повикуваме на соработка и одговорно застанување на страната на демократската опција сите прогресивни демократски сили и сите пратеници кои се за европска иднина на нашата држава, за правда и економскиот напредок“, додаваат од СДСМ.

Македонија | пред 4 години

Мицкоски соопшти две опции со новото мнозинство

Лидерот на ВМРО-ДПМНЕ, Христијан Мицкоски смета дека новото парламентарно мнозинство значи дека паѓа Владата на СДСМ и Зоран Заев. Според него, тоа ќе значи дека во наредниот период ќе се обиде да формира нова Влада и додаде: „тоа ќе се случи само ако сум сигурен дека ќе биде Влада на сериозен кредибилитет и силни институции кои ќе гарантираат стабилност. Доколку не се постигне оваа цел кон која се стремам и не обезбедам полна ефикасност на Владата, борба против корупцијата и криминалот, тогаш, тоа што ни преостанува како единствена опција се брзи предвремени парламентарни избори за народот да одлучи за новата иднина“.„Очекувам ова мнозинство да биде зголемено. Велеа дека е невозможно, но покажавме дека заедно можеме да направиме повеќе. Со сите разлики, но со една цел, напредок на народот и Македонија, да ја извадиме државата од криза и да донесеме нова иднина, заеднички и сложно. Народот на Македонија со сите разлики, има заедничка мака, делиме исти проблеми“, кажа Мицкоски.Тој посочи дека е време за промени и надминување на разликите.„Овие избори значеа и неминовно референдумско изјаснување против оваа Влада. Луѓето со право сметаат дека Зоран Заев мора да падне бидејќи ги изневери очекувањата на народот. Владее со пазарења. Си поигруваше со достоинството на државата, додека народот тоне во сиромаштија, хаварија и афери на дневна основа. Останувањето на оваа Влада по таков изборен дебакл, без кредибилитет и мотив за работа, ќе значи продлабочување на политичката криза. Со економската криза, енергетскиот шок, ковид тенденциите кои се загрижувачки, ќе ја клекнат земјава на колена. Имаше и такви кои ми велеа дека најдобро за мене и ВМРО-ДПМНЕ е да не прави ништо, а власта на Заев ќе заглавува во поголеми проблеми. Има нешто што се вика одговорност спрема државата и народот. Ваквите тешки времиња се значаен предизвик во кој влегува ВМРО-ДПМНЕ. Се ставаме на страна на народот. Затоа по изборите, во името на сите очекувања на народот, јас тргнав во создавање на ново мнозинство како единствен излез за пад на оваа Влада. Ново парламентарно мнозинство значи заеднички блок со коалицијата на ВМРО-ДПМНЕ, Алијанса на Албанците и Алтернатива, Беса и Левица. Ова е коалиција против криминалот“, рече Мицкоски.

Македонија | пред 4 години

Пожарот во РЕК Битола изгаснат, кои се причините

Пожарот кој изби синоќа во РЕК Битола е изгаснат, а на местото се врши увид од страна на стручни екипи од АД ЕСМ за утврдување на причините. Истрагата треба да утврди дали пожарот избувнал од инсталациите или пак е предизвикан од човечки фактор.-Пожарот почна на еден од изолаторите на надворешниот трансформатор на Блок 3 и со брза интервенција на противпожарните служби огнот беше изгаснат. Не се дозволија дополнителни хавариски оштетувања. Локацијата е обезбедена и екипи на АД ЕСМ и на надлежните служби ќе ги истражуваат причините за настанот. АД ЕСМ најостро ги демантира сите шпекулации за наводно нестручно и несовесно работење и оперирање, со оглед на тоа што се работи за процес на производство со опрема стара над 40 години. За компанијата е најважно што нема повредени лица во при настанувањето на пожарот и неговото санирање, соопштуваат од ЕСМ.За производство на струја нема да се користи Блок 3 туку побргу ќе се работи на рестартирање на Блок 2 во РЕК-от.-Со оглед на тоа што оштетувањето на трансформаторот на Блок 3 е од поголеми размери, истиот одреден период нема да биде во можност да биде приклучен во производниот систем. Истовремено, Блок 2 беше во редовни сервисни активности за подготовка за работа од декември, но со оглед дека има потреба од побрзо вклучување, од следната недела и Блок 2 ќе функционира со полн капацитет, велат од ЕСМ.-ТЕЦ Осломеј во моментот е во редовен сервис за негова подготовка за континуирано производство на електрична енергија од декември до април 2022г, со 300 илјади тони набавен јаглен за кои постапката ќе финишира во следните неколку дена. Останатите капацитети на АД ЕСМ, хидроелектраните Црн Дрим, Маврово, Треска и Тиквеш, гасната електрана Енергетика- Скопје и ветерниот парк Богданци се во функција., стои во соопштението на ЕСМ.

Македонија | пред 4 години

21 причина зошто СДСМ го изгубија мнозинството и довербата: „Другарчиња не е време за плачење и негодување“

Низа критики, анализи и коментари на сметка на СДСМ откако ВМРО-ДПМНЕ успеа со поддршка на албанските партии и Левица да направи мнозинство во Собранието. Една од нив е од Божидар Божиновски, кој честопати ги коментира политичките случувања во земјава. Тој преку статус им порача на СДСМ и функционерите на партијата дека не е време за плачење и негодување.Неговиот коментар во целост:„Другарчиња од СДСМ не е време за плачење и негодување. Молчевте кога:- сдсм имаше скандали корупциски секој ден- кога повторно се бетонизираше Скопје- кога се амнестираа Крсто, Канческа, Тодоров го нема нигде, ниеден градоначалник што беше криминалец не е в затвор. Стевчо дури го вративте- кога со невалиден референдум се смени името- кога се делеа тендери на ваши- кога се партизираа институциите со ваши кадри и колеги од партија- молчевте кога ни ја менуваа историјата- молчевте кога немаше вакцини и се вакциниравме во Србија- молчевте што имаме најголема смртност во Европа од корона- единствено не молчевте кога изгореа 14 пациенти во Тетово, тогаш преку мртви газевте да го сочувате Венко- молчевте кога го разрешија Стојко оти не Премиерот нешто не му чинел- молчевте за тендерите на сопругот на Мила- молчевте кога сдсм со вмро го распуштија СЈО кое беше надеж за правда- “нема правда, нема мир”. Правда нема, мирот ви го купија- молчевте загадување, молчевте за маслото на Анѓушев што то купувала државата и не труеше- молчевте кон сите напади на неистомисленици- молчевте ко сакаше Премиерот да ги зголеми потписите за независни на локалните- молчевте за МЕПСО и фотељи за 200.000 евра, вработување на блиските- молчевте за Мира Дизел и слични- ќутевте за закон за легализација на дивоградби- молчевте што монтираните случаи од вмро не ги разрешивте“, напиша Божидар Божиновски.Тој додаде: Четири години ги поминавте комотно молчејќи по фотељи, акумулирајки податоци, по разни фестивалчиња и проктчиња платени од буџет. Конечно сега ќе зборнете по четири години, честито први зборови“.

Коментари | пред 4 години

„Не кревајте на непознати броеви, бараат пратеници“, „'Тома' е за плачење ама овие од СДСМ кога ги читаш солзи ти навираат“, низа реакции по објавата на ново мнозинство

Лидерот на опозициската ВМРО-ДПМНЕ вечерва објави фотографија на која тој е на средба со претставници од Алијанса за Албанците, Алтернатива и Левица. Подоцна обзнани дека има мнозинство на пратеници за да се изгласа недоверба на Владта предводена од СДСМ и ДУИ. Ова наиде на низа реакции. https://twitter.com/ddimkooooo/status/1456728731729502222https://twitter.com/SicarioMK/status/1456707302665359360https://twitter.com/Kozica_Cer/status/1456718443072430084https://twitter.com/DiSkopje/status/1456872839559192577https://twitter.com/gorankrto/status/1456890699203420160https://twitter.com/Lonesomecowbo19/status/1456874801126158337https://twitter.com/draskachev/status/1456787236977090561https://twitter.com/Nopak_od_Varosh/status/1456771010502483968https://twitter.com/bajkoal/status/1456738619046211585https://twitter.com/Jane_Sk/status/1456737382355587075https://twitter.com/JakovFendu/status/1456736462838374407 

Коментари | пред 4 години

ВИДЕО: Пожар во РЕК Битола

На социјалните мрежи се споделува видео на кое се гледа како гори пожар во РЕК Битола.Се уште нема официјални информации за причината за пожарот и за можната штета.

Македонија | пред 4 години

Мицкоски обезбеди ново парламентарно мнозинство

Лидерот на опозициската ВМРО-ДПМНЕ вечерва објави фотографија на која тој е на средба со претставници од Алијанса за Албанците, Алтернатива и Левица.„Новата иднина доаѓа, ново време и нова надеж. Не чекаат силни предизвици, свесни и благодарни за поддршката заедно ќе успееме. Македонија ќе успее! Имаме ново парламентарно мнозинство“, напиша Мицкоски.

Македонија | пред 4 години

10 починаа, 606 новозаразени

Министерството за здравство информира, согласно податоците од Институтот за јавно здравје дека во последните 24 часа:Направени се 3.257 тестирања, а регистрирани се 606 нови случаи на КОВИД-19:Скопје – 238, Битола – 63, Кочани – 30, Кавадарци – 29, Куманово и Прилеп по – 28, Штип -22, Велес – 20, Гевгелија – 19, Тетово – 15, Неготино – 12, Кичево – 11, Охрид – 10, Крива Паланка – 9, Свети Николе, Берово, Делчево, Пробиштип и Демир Хисар по – 7, Гостивар, Радовиш и Кратово по – 6, Виница – 5, Струмица – 4, Струга – 3, Ресен и Македонска Каменица по – 2, Валандово, Богданци и Македонски Брод по – 1.Регистрирани сe 320 оздравени пациент од: Скопје – 157, Куманово – 31, Крива Паланка – 19, Штип – 13, Прилеп и Тетово по – 12, Кочани и Струмица по – 11, Битола – 9, Пробиштип – 7, Берово – 6, Делчево – 5, Гевгелија, Демир Хисар, Ресен и Валандово по – 3, Велес, Кичево, Радовиш и Македонска Каменица по – 2, Кавадарци, Свети Николе, Гостивар, Кратово, Виница, Богданци и Пехчево по – 1Во текот на изминатите 24 часа регистрирани се 7 починати лица: 5 починати лица од Скопје (69г, 71г, 79г, 81г и 82г) и 2 лица од Велес (68г и 69г). Од пријавените лица сите се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени три починати лица со датум на смрт од 20.08.2021 до 04.11.2021. Регистрирани се починати лица од Скопје (1), Куманово(1) и Гостивар (1) на возраст од 72 до 83 години, од кои сите 3 се починати во домашни услови.Направени се 3.029 тестови преку: ИЈЗ-267, ЦЈЗ Скопје-51, ЦЈЗ Битола-91, ЦЈЗ Прилеп-50, ЦЈЗ Тетово–68, ЦЈЗ Куманово-55, Клиника за инфективни болести и фебрилни состојби-1, Судска медицина-1, лабораторија болница Козле-19, УК Пулмологија со алергологија –0, ГОБ 8-ми Септември-0, Институт за микробиологија–162, Жан Митрев (Филип Втори)-64, Авицена-183, Биотек-140, Систина-77, лабораторија Лаор-88, Синлаб-12, Ремедика-15, Плодност–49, Генеа-5, Никоб лаб-299, ВФВ Медикал-27, Ели Медика-51, Ројал Медика –7, Спектра-ММ-10, Рапид Лаб – 0, ЈЗУ и ПЗУ (рапид тест) – вкупно 1.465.Досега во земјата се направени вкупно 1.400.249 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 205.022, бројот на оздравени пациенти е 190.266, на починати е 7.204, а бројот на активни случаи изнесува 7.552Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 89723, Активни 3583Куманово 12434, Активни 420Тетово 11096, Активни 173Прилеп 9622, Активни 352Гостивар 8017, Активни 32Битола 7665, Активни 412Велес 6915, Активни 351Кавадарци 6429, Активни 309Штип 6270, Активни 245Охрид 6202, Активни 201Струмица 5936, Активни 101Кичево 4147, Активни 105Струга 3849, Активни 45Кочани 3674, Активни 217Гевгелија 2604, Активни 108Неготино 2433, Активни 81Свети Николе 2043, Активни 86Крива Паланка 1709, Активни 154Радовиш 1622, Активни 60Ресен 1602, Активни 53Дебар 1453, Активни 3Берово 1280, Активни 54Делчево 1201, Активни 69Виница 1099, Активни 37Пробиштип 1056, Активни 74Валандово 868, Активни 26Кратово 675, Активни 47Богданци 593, Активни 18Крушево 559, Активни 23Демир Хисар 512, Активни 53Македонски Брод 480, Активни 5Демир Капија 410, Активни 1Македонска Каменица 369, Активни 43Пехчево 324, Активни 4Дојран 151, Активни 7

пред 4 години

Царовска се повлече од раководството

Досегашната потпретседателка на СДСМ, Мила Царовска преку социјалните мрежи соопшти дека се повлекува од функцијата и престанува мандатот на целото раководство.„Изминатите две и пол години, заедно со раководството на партијата, работевме посветено да одговориме на сите предизвици поврзани со подобрувањето на животниот стандард на граѓаните и меѓународниот статус на земјата.Со оставката на претседателот Зоран Заев, престанува и мандатот на целото раководство. Му благодарам за укажаната доверба и можност да дадам придонес во градењето општество за сите. Останувам целосно посветена на борбата за социјалдемократските вредности“, рече Царовска.

Македонија | пред 4 години

ФОТО: Нинџа за викенд седи по кафичи и се слика со пријатели

Осудениот Александар Василевски-Нинџа два месеци користи слободни викенди, поради примерно однесување. Фотографија на социјалните мрежи, додека е тој излезен во угостителски објект веќе се шири на социјалните мрежи. Василевски може да добие викенд на слобода после одлежана една третина од казната, а тој според Управата за извршување санкции веќе одлежал 3 години и 8 месеци од 7 годишната затворска казна. Оттаму претходно кажаа, дека Нинџа веќе би имал право да побара и условен отпуст од затворот оти таа погодност ја имаат затворениците со одлежана пола казна.https://twitter.com/JohnnyParka/status/1456648435558490124?ref_src=twsrc%5Etfw%7Ctwcamp%5Etweetembed%7Ctwterm%5E1456648435558490124%7Ctwgr%5E%7Ctwcon%5Es1_&ref_url=https%3A%2F%2Finfomax.mk%2Fwp%2Fd184d0bed182d0be-d0bdd0b8d0bdd19fd0b0-d0bdd0b0d0bcd0b5d181d182d0be-d0b2d0be-d0b7d0b0d182d0b2op-d0bdd0b0-d0bad0b0d184d0b5-d0b3d0be-d0bf%2FАлескандар Василевски попознат под прекарот Нинџа беше ocyден за настаните на 27 април со најниска казна од само 8 години.Неофицијално причината за ниската казна е што Нинџа неочекувано сведочеше против одредени лица од поранешното раководство на ВМРО-ДПМНЕ и прстот за тоа кој ги организирал протестите за “Заедничка Македонија” го впери кон одредени лица како поранешниот директор на УБК Владимир Атанасовски, Кирил Божиновски, Билјана Бришкоска, Митко Чавков и други.Претходно Зоран Милевски Кичеец осуден за случајот „Рекет“ кој беше ослободен од затвор поради здравствени причини усмрти едно лице во сообраќајна несреќа кај превојот Стража.

Македонија | пред 4 години

Вработен во АНБ и сведок за „27 април“ се гонат дека рекетирале, нуделе запирање на постапка во Обвинителство за пари

Сведокот од предметот за организаторите на 27 април, Михаил Младеновски доби 30-дневен притвор како осомничен дека изнудувал рекет од пријател, за преку вработени во Обвинителството за организиран криминал и корупција да запре постапка која се водела против него. Тој од вчеравечер е во истражниот затвор „Шутка“, поради опасност од бегство, дознава „А1он“. Мерки на претпазливост добил и вториот осомничен, Вилијам Секл. Тие се гонат за лажно претставување и измама. Постојат информации дека едно од лицата е вработен во Агенцијата за национална безбедност, но оттаму тврдат дека нема негова инволвираност во настанот.„ На 04.11.2021 полициски службеници од Одделот за сузбивање на организиран и сериозен криминал во координација со Одделот за криминалистичка полиција до ОЈО Скопје, поднесоа кривична пријава против М.М.(32) и В.С.(31). Против М.М. поради постоење на основи на сомнение за сторено кривично дело „Измама“, предвидено и казниво по член 247 став 3 вв став 1 од Кривичниот законик, а против В.С. поради постоење на основи на сомнение за сторено кривично дело „лажно претставување“ предвидено и казниво по член 391 од Кривичниот законик. Имено, првопријавениот М.М. во текот на 2020 и 2021 година, со намера за себе да прибави противправна имотна корист, пред оштетените лица лажно презентирал факти дека наводно поседувал информации според кои ОЈО за гонење организиран криминал и корупција води постапка против повеќе физички и правни лица. Притоа, за да го увери во вистинитоста на своите тврдења, на еден од наводно осомничените во таа постапка му прикажал Наредба со невистинита содржина, која ја изработил на својот приватен компјутер, за наводно отварање на предистражна постапка од страна на ОЈО за ГОКК, со што го довел во заблуда оштетеното лице. Тој од него побарал парична награда од 75.000 евра кои ќе му бидат исплатени во неколку наврати за да ги искористи своите конекции и врски што наводно ги имал со службени лица – истражители во обвинителството за да се запре постапката. М.М. служејќи се со лаги и манипулации го навел оштетениот да му даде 5.000 ЕУР кои ги зел на 03.11.2021 на нивна средба во угостителски објект во Скопје со што го сторил кривичното дело „Измама“, предвидено и казниво по член 247 став 3 вв став 1 од Кривичниот законик. Второпријавениот В.С., со намера првопријавениот да прибави противправна имотна корист, на средба која се одржала помеѓу пријавените и оштетениот, лажно се претставил како вработен во Управата за финансиско разузнавање, а воедно и истражител во ОЈО за ГОКК, со што му овозможил на првопријавениот да го доведе во заблуда оштетениот дека М.М. има конекции, преку кои можел да издејствува да биде затворена наводната предистражна постапка, со што го сторил кривичното дело „Лажно претставување“, предвидено и казниво по член 391 од Кривичниот законик“, велат од МВР.Од Кривичен суд, најавија и соопштение за одредените мерки.„Основното јавно обвинителство во текот на вчерашниот ден до судија на претходна постапка, при Основниот кривичен суд Скопје, достави предлог за определување мерка притвор за две лица заради основано сомнение за сторени кривични дела Измама од чл. 247 ст.3 вв со ст.1 од КЗ, за едното лице и Лажно претставување по чл. 391 ст.1 од КЗ за другото лице. По спровод на двете лица во Кривичниот суд, на рочиштетo за одлучување по поднесениот предлог, надлежниот Јавен обвинител го повлече предлогод за едното лице и предложи поблаги мерки за обезбедување присуство.Судија на претходна постапка, одлучувајќи по предлогот донесе решенија со кои го прифати предлогот и на М.М. му определи мерка притвор во траење од 8 дена, со оглед да се работи за скратена постапка, додека на В.С. му определи мерки за претпазливост и тоа одземање на патната исправа и обврска лицето повремено да се јавува пред надлежен суд“, велат од Кривичен суд.Агенцијата за национална безбедност демантира дека се апсени нејзини вработени, иако според информации на „А1он“, вработен во Агенцијата е спроведен и пред судија на претходна постапка.„Постапувајќи согласно одредбите ЗКП, Агенцијата овозможи пристап и увид до сите барани податоци од страна на Судот во претходна постапка при што неспорно се утврди дека не постојат никакви податоци или документи кои би можеле да упатат на каква било инволвираност на вработени во АНБ во случајот“, велат од Агенцијата.Од иницијалите кои ги изнесе Министерството за внатрешни работи, се потврдува и неговиот идентитет.„На 04.11.2021 полициски службеници од Одделот за сузбивање на организиран и сериозен криминал (ОСОСК) во координација со Одделот за криминалистичка полиција (ОКП) до ОЈО Скопје, поднесоа кривична пријава против М.М.(32) и В.С.(31). Против М.М. поради постоење на основи на сомнение за сторено кривично дело измама, а против В.С. поради постоење на основи на сомнение за сторено кривично дело лажно претставување, предвидено и казниво“, велат оттаму.Инаку, Михаил Младеновски беше обвинет и амнестиран во првиот предмет за „27 април“ кој беше отворен за извршителите на крвавите инциденти. Во вториот предмет, за организаторите, тој беше и сведок по предлог на обвинителката Вилма Русковска.

Македонија | пред 4 години

Обвинителство за апсењата: Барал 75.000 евра за преку истражители во ОЈО-ГОК да запре постапка

Основното јавно обвинителство Скопје поведе постапка против две лица од кои едното е осомничено дека сторило кривично дело – Измама од член 247 став 3 во врска со став 1 од Кривичниот законик, додека за другото постои основано сомнение дека сторило кривично дело – Лажно претставување согласно член 391 став 1 од Кривичниот законик.Првиот осомничен, со намера да прибави противправна имотна корист за себе, лажно прикажал факти согласно кои наводно поседувал информации дека Основното јавно обвинителство за гонење организиран криминал и корупција води постапка против повеќе физички и правни лица.Притоа, од еден од наводно осомничените во таа постапка и негов пријател побарал парична награда од 75.000 евра кои ќе му бидат исплатени во неколку наврати за да ги искористи своите конекции и врски што наводно ги имал со службени лица – истражители во обвинителството за да се запре постапката. Наредбата со невистинита содржина која му ја прикажал на оштетениот за да го увери во вистинитоста на своите тврдења осомничениот ја креирал на неговиот компјутер, со што го довел во заблуда оштетеното лице. Во тоа му помогнал и вториот осомничен, кој на средба со оштетениот лажно се претставил како вработен во Управата за финансиско разузнавање и воедно истражител во Основното јавно обвинителство за гонење организиран криминал и корупција. На 3 ноември, првиот осомничен се сретнал со оштетениот во ресторан во Скопје и зел од него парични средства во висина од 5.000 евра за услугата што ветувал дека ќе ја изврши.Бидејќи во конкретниот случај постои реална опасност од бегство на двајцата осомничени, јавниот обвинител до судијата на претходна постапка од Основниот кривичен суд Скопје достави предлози за определување мерка притвор.​​

Македонија | пред 4 години

ВИДЕО: Стевчо Јакимовски си праеше шоу пред суд

Градоначалникот на Карпош, Стевчо Јакимовски наместо одговори, за новинарските прашања коментираше дека се смешни. По десетина минути во судница и одлагање на судењето, тој не одговори дали за наредното закажано рочиште, неговиот адвокат ќе дојде на судење. Прашан дали ќе најде време за рочишта откако стана градоначалник, тој посочи дека има одлични менаџерски способности.„Смешно е прашањето. Секогаш сме се јавувале на сите рочишта и на сите рочишта ќе присуствуваме”, кажа Јакимовски.За него, присуството на медиуми на првото рочиште по судската ферија е оркестрирано од страна на како што рече: “еден центар”.„Некому е тешка победата која ја имам“, додаде Јакимовски без да одговори зошто процесот се одолговлекува три години.Инаку рочиштето се одложи бидејќи родителите на неговиот адвокат биле заболени од коронавирус. Според Јакимовски, адвокатот имал интензивен контакт со нив. Судијата Осман Шабани побара да му се достави решение за изолација, како и да направи тест за коронавирус.

Македонија | пред 4 години

Судењето на Стевчо се одложи поради корона

Еден ден откако ја презеде градоначалничката функција во Општина Карпош, Стевчо Јакимовски денеска се појави на суд каде му се суди за дело злоупотреба на службената положба и овластување. Тој се товари дека го направил од 2011 до 2017 година, односно во претходниот градоначалнички мандат.На стартот од судењето Јакимовски достави поднесок дека родителите на неговиот адвокат се заразени со корона, кој имал постојан контакт со заразените. Ова е и причина за одложување на рочиштето.Ова беше прво судење за овој предмет, по судската ферија. Предметот се суди одново, бидејќи судечкиот судија Горан Бошевски беше разрешен, а нов судија е Осман Шабани. За овој предмет, Јакимовски беше и во куќен притвор. Тој се гони бидејќи со неговите дејствија, Обвинителството тврди дека направил штета од 7.209.600,00 денари без ДДВ на буџетот на Општина Карпош.Според Обвинителниот акт, обвинети се 6 лица. Првообвинетиот Јакимовски е обвинет за повеќе кривични дела злоупотреба на службената положба и овластување и едно кривично дело бесправно градење од Кривичниот законик. Тој се товари дека од 2011-2017 година, како градоначалник, во повеќе наврати ја злоупотребил службената положба и овластување во постапки за јавна набавка и во постапка за легализација на времени објекти од деловен карактер и приватизација на градежно земјиште во државна сопственост.

Македонија | пред 4 години

Желино може да растури Влада, вели Хоџа

Министерот за земјоделство, шумарство и водостопанство, Арјанит Хоџа, испрати политичка порака преку совојот Фејсбук профил.„Желино, во кое се роди една партија (како движењето Беса), може да биде и Желино кое растура една Влада“, напиша Хоџа.Хоџа е генерален секретар на Беса, партија која е дел од владината коалиција.

Коментари | пред 4 години

Сугарески поднесе оставка во СДСМ

Поранешниот пратеник и министер за транспорт и врски Горан Сугарески објави дека поднесува оставка од функцијата претседател и член на Надзорниот одбор на СДСМ по поразот во првиот круг од локалните избори како кандидат за градоначалник на Прилеп.Тој исто така нема да се врати на позицијата директор на Царинската управа, од каде што си поднесе оставка како морален чин за растоварен да влезе во градоначалничката трка.„Во знак на морална одговорност за неуспехот на локалните избори, како на локално така и на централно ниво, поднесувам оставка од функцијата претседател и член на Надзорниот одбор на СДСМ.Извршувањето високи партиски и државни функции, покрај другото подразбира и одговорност кон граѓаните и членовите на нашата партија. Во таа насока, оставката претставува мој придонес за што побрза консолидација на партијата и што поскоро враќање на победничките патеки.Упатувам благодарност на актуелното партиско раководство, како и на сите членови на партијата за укажаната можност да извршувам високи партиски функции, меѓу кои и последната, претседател и член на Надзорниот одбор.Јас сум социјалдемократ, секогаш тоа и ќе бидам. Останувам верен на партијата и се ставам на располагање за било каков понатамошен ангажман“, објави Сугарески.

Македонија | пред 4 години

Кои се новите пратеници кои ќе влезат во Собранието на местата од новите градоначалници

Собранието денеска на пленарна седница треба да ги верификува мандатите на новите пратеници откако неколкумина народни избраници станаа градоначалници на локалните избори што завршија во неделата.Локалните избори 2021 донесоа промени во собранискиот состав откако четворица пратеници победија во првиот круг од изборите. Тоа се Костадин Костадинов од СДСМ, кој сега е градоначалник на Струмица. На негово место треба да дојде Љубица Спасова со реден број 12 од листата на партијата на минатите избори.Тимчо Муцунски е нов градоначалник на Општина Аеродром. На негово место доаѓа Тони Јаревски од ВМРО-ДПМНЕ, кој беше на осмото место на листата на партијата и коалицијата во првата изборна единица.Дарко Костовски од ВМРО-ДПМНЕ стана градоначалник на Општина Бутел. Во собраниските купи ќе го замени Зоран Коцевски, кој на листата на пратеници во втората изборна единица беше на осмото место.Иван Јорданов од ВМРО-ДПМНЕ е нов градоначалник на Штип, и на неговото место во Собранието доаѓа Драган Ковачки од третата изборна единица.Во вториот круг од локалните избори градоначалници станаа и Кирил Пецаков од ВМРО-ДПМНЕ во Охрид и Биљал Касами од БЕСА во Тетово.На дневен ред на 51 седница се вкупно 14 точки, меѓу кои Предлог на одлука за испраќање на припадник на Армијата на Република Северна Македонија за учество во меѓународната операција на Европската Унија „АЛТЕА“, во Босна и Херцеговина, предлог-законите за Академија за судии и јавни обвинители, за адвокатура, за граѓанска одговорност за навреда и клевета, сите во прво читање.

Македонија | пред 4 години

Нема фотографија

„Ги исплакав сите деца, а сега го плачам моето“ – ММС со Сања Тодоровска за ретката болест на петгодишната Елеонора

Ги исплакав сите деца, а сега го плачам и моето, вели скопјанката Сања Тодоровска, која како мајка се труди да го направи невозможното за нејзината петгодишна ќерка Елеонора, која, за жал, боледува од многу ретка болест- леукодистрофија. Трета година по ред Тодоровски ги отвораат вратите од болниците за да се обидат колку што е можно и помогнат на нивната ќеркичка, која иако се родила како здраво и право бебе, сепак, сега се бори за живот.ММС ја контактираше Сања, која ја раскажа голготата низ која поминуваат за да најдат лек и на Елеонора и го олеснат животот, бидејќи како родители не можат да гледаат како им се мачи детето. Но, за тоа се потребни средства, кои тие веќе ги немаат бидејќи за овие години, со оглед на нашиот стандард, тоа што го имале сочувано го потрошиле.-Никогаш не знае човек што ќе го снајде во животот. Искрено, како медицинска сестра кога ќе ми донесеа дете болно од церебрална парализа викав Господи мајка вакво нешто да не доживее, не дај Боже. Сите деца ги исплакав, нема дете кое не сум го исплакала, таков тип сум. И сега велам на цело плачење и страв и на толку луѓе што сум помогнала, зошто ова ми се случува. Само еден Господ знае. И не ми се случува ова само на мене, се случува на цело семејство, а најмногу на Елеонора, на неа и е најтешко. Маката е нејзина, а ние покрај неа.Ова е болест на цело семејство, навистина. Сега само се надеваме, бидејќи немаме друг избор. Цела надеж ни е само на матичните клетки дека колку толку ќе и помогнат. Никој не може да гарантира дека ќе се врати како што била ама дека може да има подобрување-да. Има луѓе на кои многу им помогнале матичните клетки. Со Божја помош и чудо се може да се случи. Должност на нас како родители ни е да се обидеме се, затоа и бараме помош, ни рече тажно Сања.Детали на ММС.мк каде е објавена целата сторија

Македонија | пред 4 години

550 новозаболени и 12 починати

Министерството за здравство информира, согласно податоците од Институтот за јавно здравје дека во последните 24 часа:Направени се 3.029 тестирања, а регистрирани се 550 нови случаи на КОВИД-19:Скопје – 214, Битола – 58, Куманово – 30, Кавадарци – 27, Велес – 26, Тетово – 23, Штип – 22, Прилеп – 19, Кочани – 18, Крива Паланка – 15, Пробиштип – 11, Кичево – 9, Струмица и Неготино – по 8, Гевгелија, Радовиш и Кратово – по 7, Берово и Крушево по – 6, Охрид, Свети Николе, Делчево и Демир Хисар – по 5, Валандово – 4, Струга и Македонска Каменица – по 2, Богданци – 1.Регистрирани сe 390 оздравени пациент од: Скопје – 167, Куманово – 45, Велес – 27, Кавадарци – 21, Тетово и Штип – по 16, Кочани – 15, Прилеп, Битола, Охрид и Струмица – по 10, Гевгелија – 7, Свети Николе и Крива Паланка – по 5, Кичево, Струга и Валандово по – 4, Радовиш, Виница и Кратово – по 3, Неготино и Богданци – по 2, Пробиштип - 1.Во текот на изминатите 24 часа регистрирани се 12 починати лица: 5 починати лица од Скопје (32г, 70г, 70г,  87г и 88г), 2 лица од Куманово (75г и 86г) и по едно починато лице од Велес (64г), Крива Паланка (69г), Струмица (63г),  Кочани (87г) и Тетово (85г). Од пријавените лица сите се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, се пријавени четри починати лица со датум на смрт од 25.10.2021 до 30.10.2021. Регистрирани се починати лица од Скопје (1), Куманово(1), Битола(1), и Пробиштип (1) на возраст од 73 до 81 години, од кои 1 е починато во болнички услови , а 3 се починати во домашни услови.Направени се 3.029 тестови преку: ИЈЗ-313, ЦЈЗ Скопје-73, ЦЈЗ Битола-79, ЦЈЗ Прилеп-35,ЦЈЗ Тетово–57, ЦЈЗ Куманово-44, Клиника за инфективни болести и фебрилни состојби-0, Судска медицина-1, лабораторија болница Козле-20, УК Пулмологија со алергологија –0, ГОБ 8-ми Септември-0, Институт за микробиологија–164, Жан Митрев (Филип Втори)-58, Авицена-136, Биотек-159, Систина-71, лабораторија Лаор-62, Синлаб-83, Ремедика-17, Плодност–40, Генеа-4, Никоб лаб-259, ВФВ Медикал-29, Ели Медика-27, Ројал Медика –13, Спектра-ММ-6, Рапид Лаб – 4, ЈЗУ и ПЗУ (рапид тест) – вкупно 1.275.Досега во земјата се направени вкупно 1.396.992 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 204.416, бројот на оздравени пациенти е 189.947, на починати е 7.194, а бројот на активни случаи изнесува 7.275.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 89486, Активни 3508Куманово 12406, Активни 424Тетово 11081, Активни 170Прилеп 9594, Активни 336Гостивар 8011, Активни 27Битола 7601, Активни 358Велес 6895, Активни 335Кавадарци 6400, Активни 281Штип 6248, Активни 236Охрид 6192, Активни 191Струмица 5932, Активни 108Кичево 4136, Активни 96Струга 3846, Активни 42Кочани 3644, Активни 198Гевгелија 2585, Активни 92Неготино 2421, Активни 69Свети Николе 2036, Активни 80Крива Паланка 1700, Активни 164Радовиш 1616, Активни 56Ресен 1600, Активни 54Дебар 1453, Активни 3Берово 1273, Активни 53Делчево 1194, Активни 67Виница 1094, Активни 33Пробиштип 1049, Активни 74Валандово 867, Активни 28Кратово 669, Активни 42Богданци 592, Активни 18Крушево 559, Активни 23Демир Хисар 505, Активни 49Македонски Брод 479, Активни 4Демир Капија 410, Активни 1Македонска Каменица 367, Активни 43Пехчево 324, Активни 5Дојран 151, Активни 7

пред 4 години

Кој е во игра за претседател на СДСМ

Се шпекулира дека во игра за нов лидер на владејачката партија, за кои веќе на големо се лобира, се Петре Шилегов, ексградоначалникот на Скопје, потоа заменичката на Заев, Сања Лукаревска, потпретседателот на партијата Венко Филипче, министерката за одбрана Радмила Шекеринска, но и функционери што не се од скопското крило, како генералниот секретар Љупчо Николовски и кумановскиот градоначалник Максим Димитриевски, пишува Слободен печат.И покрај обидите да добиеме потврда дали имаат амбиција да седнат во партиското столчето на Заев, тие или не одговараа или одбија да коментираат. Аргументите на дел од нив се дека прво е важно да се усогласи кој ќе биде новиот мандатар, а потоа ќе следува постапката за избор на нов партиски лидер.Интересно е дека Шилегов се врти во комбинација и за можен мандатар, но и за кандидат за нов лидер на социјалдемократите. Шпекулациите се засилија откако Шилегов беше присутен на првата средба на Заев со коалициските и со владините партнери по неговата оставка. Кога станува збор за мандатар, тој не би бил спорен за албанските партнери во Владата, со оглед на поддршката што од нив ја доби за локалните избори. Во контекст на можен мандатар и партиски лидер се споменува и Шекеринска.

Македонија | пред 4 години

Скринингот во училиштата дава резулати, објавен бројот на позитивни ученици

Министерството за здравство информира дека во тек е скринингот на учениците од основните и средни училишта во Република Северна Македонија. Скринингот го вршат Центрите за јавно здравје во 496 средни и основни училишта на територија на цела држава. Министерството за здравство ги објавува досега обработените податоци, од спроведениот скрининг во првите денови. Од тестирани 1323 ученици во средни и основни училишта на подрачјето на ЦЈЗ Кочани, Штип, Велес, Скопје, Куманово, Прилеп, Битола, Струмица, Тетово и Охрид, 725 се основци од 1 до 9 одделение, а 598 се средношколци. Од нив само 6 основци биле позитивни на Ковид 19, а 1317 ученици биле негативни на тестот. ЦЈЗ при детектирање на позитивен ученик, постапуваат согласно донесениот Алгоритам за училиштата во случај на појава на ученик со симптоми или сомнителен на вирусот. За поголем дел од Центрите за јавно здравје скринингот завршува утре, а крајните резултати Центрите мора да ги испратат најдоцна до средината од следната седмица. По обработката на податоците Министерството за здравство ќе ја објави целосната анлиза со што ќе се добие генерална слика за присуство на вирусот Ковид 19 меѓу учениците во училиштата.Министерството за здравство информира дека во моментов во РСМ, 885 деца на возраст од 0-17 години, се активни, а 15 се позитивни на Ковид 19. На Институтот за белодробни заболувања кај децата Козле хоспитализирани се 19 деца на возраст од 9-16 години. Еден пациент е на О2, а сите останати се со лесна клиничка слика. Ниту едно од хоспитализираните деца не е вакцинирано.Според податоците од националниот систем Мој Термин досега во земјата 5800 деца на возраст од 12,13,14,15,16 и 17 години примиле една доза вакцина за Ковид 19, а ревакцинирани се 4860 малолетници.

пред 4 години

Британска студија: Веројатноста невакцинираните да умрат од Ковид-19 е 32 пати поголема од вакцинираните

Веројатноста невакцинираните луѓе да умрат од Ковид-19 е 32 пати поголема во споредба со луѓето вакцинирани со две дози, покажаа резултатите од новата британска студија.„ Стапката на смртност од ковид е значително помала кај оние кои се вакцинирани со две дози во споредба со оние кои се вакцинирани со една доза или воопшто не се вакцинирани“, соопшти Британското национално биро за статистика (ONS).Во истражувањето и анализата на ONS биле користени стапките на смртност приспособени според возраста, кои ги земаат предвид разликите во возраста и бројот на членовите на возрасните групи, за да се добие валидна споредба на различни вакцинирани и невакцинирани групи.Резултатите покажале дека во периодот од 2 јануари до 21 септември годинава стапката на смртност кај невакцинираните била 849,7 на 100.000 жители, јавуваат англиските медиуми.Меѓу вакцинираните со две дози, стапката била само 26,2 на 100.000 луѓе, а за оние кои биле вакцинирани со една доза, стапката била 105,3.„ Ова се убедливо најдобри достапни податоци за ефикасноста на вакцините и спречување на најтешките исходи од ковид“, вели д-р Питер Инглиш, поранешен советник на националното тело за контрола на заразни болести.Тој додаде дека вакцините не се 100% ефективни, па некои ќе се заразат или ќе умрат иако се вакцинирани.„ Но, важна порака од ова истражување е дека вакцината е многу ефикасна против смртта од Ковид-19. Имате 32 пати помали шанси да умрете од ефектите на ковид ако сте вакцинирани, а една доза ви дава одредено ниво на заштита, иако не како заштитата од две дози“, истакна тој.

пред 4 години

Тече пријавувањето за вакцина против сезонски грип, пет возрасни групи можат да ја добијат

Министерството за здравство соопшти дека и оваа година набавиле 40.000 дози четиритипни вакцини против сезонски грип за следните ризични групи:– Стари лица (над 65 години)– Лица со хронични заболувања– Здравствени работници– Бремени жени– Децата на возраст од 6 месеци до 5 години„ Веќе трета година по ред вакцината за овие групи граѓани е бесплатна. Поради зголемената побарувачка на вакцини против грип на глобално ниво, се прават напори количините на вакцини да пристигнат во што побрз рок. Нагласуваме дека не е доцна, граѓаните да се вакцинираат против грип во ноември или декември, бидејќи согласно епидемиолошките податоци, оваа болест во последните десетина сезони го достигнува пикот кон крајот на месец февруари“ велат од Министерството за здравство.Пријавувањето за вакцинација против сезонски грип ќе започне од денеска преку страницата vakcinacija.mk Со пополнување на формата се регистрирате за вакцинација директно во системот Мој Термин.„ Согласно распоредот предвиден во планот за вакцинација, по пат на смс ќе добиете информација за точниот датум и час кога треба да се вакцинирате на пунктот кој ќе го изберете при регистрацијата“ додаваат од министерството.Како што се наведува, вакциницијата против грип не штити од Ковид-19, но истата е многу значајна во услови на пандемија со Ковид 19 и влијанието на здравствениот систем.Се предупредува дека во состојба на олабавување на рестриктивните мерки кога се враќаат социјалните контакти и патувањата се зголемува ризикот од ко-циркулација на Ковид-19 и грип. Со тоа може да се очекува оптоварувањето од сезонскиот грип да биде надополнето со оптоварувањето од Ковид-19. Ризичните групи за грип, се истите кои се под најголем ризик и од Ковид-19, поради што се препорачува вакцинација против грип на истите. На тој начин ќе се избегне и дополнително оптоварување на здравствениот систем, бидејќи лицата заболени од грип би се хоспитализирале во ковид центрите, појаснуваат од министерството.

Македонија | пред 4 години