ТОП

Мицкоски до Ахмети: Ако е мудар ќе сфати зошто е во опозиција, сѐ уште живее во минатото

Премиерот Христијан Мицкоски го советува лидерот на ДУИ, Али Ахмети, да не живее во минатото, туку да гледа во иднината. Ако е мудар Ахмети, вели, ќе сфати зошто е во опозиција.„За жал господинот Ахмети сѐ уште живее во минатото, затоа што ако живее во сегашноста ќе може да направи огромна материјална разлика помеѓу минатото и луѓето од минатото и сегашноста во која тој е во опозиција, а околу него има многу милионери кои што се збогатиле врз грбот на граѓаните во Македонија. Ако е мудар како што се претставува, Ахмети ќе извлече поука и наместо да се заканува, ќе направи структурни реформи, и програмски и кадровски во неговата партија и со нови ликови, нова програма ќе излезе пред македонските граѓани да ја бара довербата”, рече денеска премиерот Христијан Мицкоски.

Македонија | пред 10 месеци

За Мицкоски е неприфатливо Таравари да има тивок договор со ДУИ за соработка на локалните избори

Утре ќе седнат на маса премиерот и лидер на ВМРО-ДПМНЕ Мицкоски и министерот за здравство и доскорешен член на коалициската Вреди, Таравари.Се очекува да се отвори темата за понатамошното функционирање на Арбен Таравари во Владата. Средбата денеска ја потврди премиерот Христијан Мицкоски.„Таква средба ќе има неделава, ако не се лажам тоа ќе биде утре, но треба да го погледнам распоредот. И на таа средба јасно сакам да слушнам став кој и медиумите ќе го слушнат, дали е точно дека има договор меѓу партијата на Арбен Таравари и Демократската унија за интеграција дека во најмалку 5 или 6 општини каде тој ќе извади свои кандидати, а ДУИ нема да извади свои кандидати за градоначалници, што прво значи себе понижување како политичка партија, а второ дека тивко ќе го поддржува. Второ, дека тивко ќе го поддржува. Тоа за мене е неприфатливо како претседател на Владата“, изјави премиерот Христијан Мицкоски.

Македонија | пред 10 месеци

(Видео) Шема преку која се избегнала одговорност за сообраќајка во Тетово: обвинет е ослободен оти не возел, но не е гонето лицето кое признало дека возело

Сообраќајниот инженер и судски вештак, Дејан Трпевски, посочува дека системот е трул до тој степен, што остава простор дел да „падне“ и при најмало „тресење“. Трпевски посочи и конкретен пример во правосудството, односно предмет кој се судел во Тетово.Обвинителството гонело лице за предизвикување на сообраќајна несреќа. Во текот на постапката, обвинетиот кажал дека тој не го управувал возилото, туку патник во автомобилот. Медицински вештак рекол дека тоа е точно, поради типот на повредите. Судот го ослободил обинетиот, но патникот никогаш не бил гонет.Тој раскажа многу вакви примери на селективност и неказвиност, а зборуваше и за низа сообраќајки во Македонија.Гледајте тука:

Македонија | пред 10 месеци

(Видео) Се преврте автобус на автопат во Хрватска: има загинати и повредени

Две лица загинаа, а најмалку 15 се повредени во страшна сообраќајна несреќа што се случи синоќа на автопатот А3 помеѓу клучките Поповача и Криж.Полицијата соопшти дека несреќата во која бил вклучен автобус со босански национални ознаки се случила помеѓу 82-ри и 83-ти километар од јужната и северната страна на автопатот и дека сообраќајот е прекинат и се пренасочува по државни, окружни и локални патишта.– Тешка сообраќајна несреќа се случила околу 03:10 часот. Според првичните информации, две лица се починати, додека неколку други се повредени и префрлени во блиските болници – изјави за HRT Маја Филиповиќ , службеник за односи со јавноста во полициската управа Сисак-Мославина.Во тек е полициска истрага за утврдување на сите околности на трагедијата, на која се наоѓаат сите служби за итни случаи.

Свет | пред 10 месеци

Пред 45 години почина претседателот на СФР Југославија, Јосип Броз Тито

Пред 45 години на денешен ден, на 4 мај 1980 година, почина Јосип Броз Тито (88), претседател на Социјалистичка Федеративна Република Југославија (СФРЈ) и на Сојузот на комунисти на Југославија (СКЈ), врховен командант на вооружените сили на Југословенската народна армија (ЈНА) и еден од основачите на Движењето на неврзаните.Тито е роден во Кумровец, место на словенечко-хрватската граница, во мај 1892 година, а 25 мај е одбележан како датум на неговото раѓање, кој е прогласен за Ден на младоста и за време на кој штафетна екипа доаѓа во Белград, на стадионот на ЈНА, кој привремено ја обиколува цела Југославија.Тој беше на чело на федералната држава, составена од шест републики, помалку од 35 години, од ослободувањето на земјата по Втората светска војна во 1945 година, па сè до неговата смрт.Тој ја изведе Југославија од Источниот (Советски) блок и спроведе реформи, по што опустошената и сиромашна земја стана средно развиена, со современ образовен и социјален систем.Сепак, конфискацијата и национализацијата на речиси целиот приватен имот, како и отсуството на демократски систем, слободни медиуми и слободни избори, доведоа до строга државна и партиска контрола врз целиот повоен живот, а идеолошката ексклузивност на владата ги чинеше слободата, па дури и животите на многумина кои не беа подготвени или не можеа да се прилагодат.И покрај ова, тој уживаше огромна популарност меѓу народот, што пониските лидери на социјалистичкиот систем го искористија за да изградат култ на личноста, со надеж дека ова ќе им биде корисно за нивното понатамошно владеење дури и по смртта на Тито.Движењето на неврзаните, во чие основање одигра огромна улога, ја зајакна неговата позиција на меѓународната сцена и ја доближи Југославија до жителите и пазарите на земјите од Африка и Азија, што имаше позитивен политички и економски ефект.Како државник од релативно мала земја со 20 милиони жители, тој стана непропорционално важна фигура во светската политика, влијателен, популарен и добредојден гостин во речиси сите светски центри, од Лондон и Вашингтон, до Москва и Њу Делхи.Системот на самоуправување во економијата, кој беше воведен во средината на седумдесеттите години од минатиот век, сепак, не го издржа тестот на времето, економијата не стана доволно конкурентна, ниту способна да вработи соодветен дел од населението.Во последните години од неговиот живот, можеби без неговото одлучувачко влијание врз донесувањето одлуки, задолженоста на земјата нагло се зголеми со зајакнувањето на социјалните, а подоцна и националните тензии, што десет години подоцна во 1990 година ќе доведе до крвав распад на Југославија и формирање на мали национални држави, слабо влијание и минијатурна политичка моќ.Тито почина на 4 мај 1980 година, во 15:05 часот, во Клиничкиот центар во Љубљана, по компликации по ампутација на ногата и други акумулирани здравствени проблеми.Неговото тело беше транспортирано со „Синиот воз“ до Белград, а по патот беше придружено со цвеќе и солзи од стотици илјади граѓани кои го посетија починатиот лидер, изложен на ковчег во зградата на собранието, во следните неколку дена.На погребот на Јосип Броз Тито присуствуваа повеќе од 200 истакнати личности од целиот свет, претседатели, премиери, кралеви, владетели и партиски лидери од 107 земји. Меѓу нив беа Индира Ганди, Маргарет Тачер, Леонид Брежњев и многу други.Речиси половина век по неговата смрт, Тито остана контроверзна и историски исклучително интересна личност. Неговиот гроб, како и Музејот на Југославија во непосредна близина, секоја година го посетуваат илјадници луѓе од поранешна Југославија.Денес, на годишнината од неговата смрт, Музејот на Југославија ќе биде отворен од 10 до 18 часот, а влезот ќе биде бесплатен за посетителите.

Свет | пред 10 месеци

(Видео) Шекеринска одговори што ќе биде со НАТО ако САД се откаже членството, но и кога Украина ќе стане членка

Познатиот тиктокер Макс Клименко, кој е роден во Украина а живее во Обединетото кралство, е втор кој изминативе денови прави интервју со заменик генералната секретарка на НАТО Радмила Шенернска. Тој прво ја праша кога Украина ќе се приклучи на НАТО, на што таа одговори „Јас го немам одговорот“.Кога тиктокерот и посочи дека за Украина да се приклучи, треба само да се гласа, Шекеринска рече дека за тоа се потребни 32 гласа. На крајот беше прашана што ќе биде со НАТО ако САД се откажат од членството во НАТО.„Го прашав НАТО повторно за Украина. За целиот свет е очигледно дека Русија не сака мир. Тие го покажаа ова со отфрлање на секој продолжен предлог за прекин на огнот или мировен план. Нивната основна цел да ја избришат независна Украина од картата не се променила и нема да се промени. На Украина ѝ се потребни сојузници, а на сојузниците им е потребна Украина за да победат. Патот на Украина кон НАТО е неповратен, а приклучувањето на Украина кон Алијансата е од суштинско значење за европската и глобалната безбедност“, напиша тиктокерот Клименко.

Македонија | пред 10 месеци

Времето идниве денови: нема да има само сонце...

Рано-летните температури, слични на оние кои ги имавме во изминатиов период, ќе се задржат денес и утре (понеделник 5 мај).Времето ќе биде сончево со појава на умерена локална облачност, а повремено ќе засилува и ветерот од западен и од југозападен правец, особено во западните предели.Сепак, утре (понеделник 5 мај) ќе ја почувствуваме промената на времето. Поточно, во попладневните часови ќе се создаваат услови за изолиран развој на грмотевични облачни јадра од кои се очекува појава на краткотраен пороен дожд, грмежи и засилен ветер во зоната на нестабилност.И во Скопје и околината денес и утре (понеделник 5 мај) ќе се задржат високите температури, а утре (понеделник 5 мај) во попладневните часови во делови од котлината ќе има услови за краткотраен дожд и ретки грмежи.

Македонија | пред 10 месеци

Неколку згради во Киев беа оштетени во ноќен напад со беспилотни летала

Во ноќен руски напад со беспилотни летала врз украинскиот главен град Киев, оштетени се неколку станбени згради, а бројни автомобили се запалени, објавија украинските власти.Фрагменти од уништени беспилотни летала предизвикаа пожари на станбени згради во киевските области Оболонски и Свјатошински, како и на бројни автомобили, објави Тимур Ткаченко, првиот човек на воената администрација во Киев.Градоначалникот на Киев, Виталиј Кличко, преку пораки на Телеграм, ги повика своите сограѓани да останат во засолништа, додавајќи дека медицински екипи се повикани и во Свјатошински округ.

Свет | пред 10 месеци

Годишнина од смртта на Делчев, кој пред повеќе од еден век го разбра светот како поле за културен натпревар на народите

Денеска се одбележуваат 122 година од смртта на револуционерот Гоце Делчев, визионерот кој пред повеќе од еден век го разбра светот како поле за културен натпревар на народите.Делчев е роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата.Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија. Делчев е убиен од османлиската војска на денешен ден во 1903 година во селото Баница, Серско.Неговите посмртни останки првин се чувале во Баница, до 1917 година, кога биле пренесени во Ксанти, а потоа во Софија. Останките на Делчев на 11 октомври 1946 година биле пренесени во црквата „Свети Спас“ во Скопје.

Македонија | пред 10 месеци

Таравари се ракуваше со Мицковски, но не и со Меџити и Касами

Иако беа на исто место и исто време бившите коалициски партнери од Вреди, Таравари, Меџити и Касами, буквално се однесуваа како да не се познаваат. Дури ни учтиво не се ракуваа иако до пред месец ,, цветаше” коалициската љубов.Но, Таравари на официјалното започнување на градежните работи на автопатот Тетово – Гостивар се поздрави само со премиерот Христијан Мицкоски.Од понеделник по празничниот викенд, како што најави премиерот ќе се сретне со Таравари по што ќе се знае дали тој ќе остане дел од Владата или ќе замине во опозиција.Таравари вчера во Слупчане се поздрави со Али Ахмети.

Македонија | пред 10 месеци

Жена убиена во Скопје, сопругот се дал во бегство - уапсен на граница

Денеска (03.05.2025) околу 17 часот на граничниот премин Табановце, полициски службеници од РЦГР Север го лишија од слобода Н.А.(38) од Скопје, под сомнение за сторено кривично дело “убиство”.Денеска околу 15 часот во СВР Скопје е пријавено дека во семејната куќа во Скопје, Н.А. со остар предмет и нанел повреди на неговата сопруга Р.А., од кои таа починала, а смрт констатирал лекар од Итна медицинска помош. Н.А. се дал во бегство, но веднаш се преземени мерки и активности за негово пронаоѓање и околу 17 часот тој е лишен од слобода и во координација до јавен обвинител против него ќе биде поднесена кривична пријава.

Скопје | пред 10 месеци

(Видео) Шекеринска се качи на скала и даваше интервју: Ако работата беше храна, мојата ќе беше мусака

Заменик-генералната секретарка на НАТО, Радмила Шекеринска, се качи на скала и учествуваше во шоуто „Career Ladder“, каде одговараше на прашања поврзани со нејзината работа.Во најавната шпица на ова претпознатливо шоу, оди тонско парче во кое низ шега се вели „Се надевам нема да ти се мочка, зошто е време за напредување во кариерата“.На прашањето „Ако работата ти беше храна, која храна ќе беше?“, Шекеринска рече: „Мусака, сѐ во едно тавче“:Инаку, ова шоу има милионска публика.

Магазин | пред 10 месеци

Нема фотографија

Вработен во казино во Бурел, договорил грабеж: го спровел со двајца скопјани

Основното јавно обвинителство Скопје обезбедени се докази кои упатуваат на основано сомнение спрема три лица како извршители на кривично дело – Тешка кражба од член 236 став 1 точка 2 од Кривичниот законик, сторено на 11 април во казино во Бутел.Јавниот обвинител поведе истрага, бидејќи постои сомнение дека тројцата се дружиле за да извршат кражба и од казиното одзеле 1.460.856 денари.Претходниот ден, осомничените – двајца браќа на возраст од 20 и 22 години, како и 29-годишник вработен во казиното, седеле во кафе бар и се договориле како да ја извршат кражбата.Според договорот, на критичниот ден, осомничениот вработен во казиното им дал знак кога е погодно време за реализација на кражбата. Браќата дошле со автомобил пред казиното, при што едниот останал во возилото, а другиот маскиран насилно влегол во објектот, се упатил кај касата и првично му покажал пиштол на вработениот – осомничен како да му се заканува. Потоа пиштолот го оставил на пултот и заедно ја наполниле торбицата со парични средства од вкупниот промет од претходниот ден, со намера противправно да ги присвојат. Веднаш потоа двајцата браќа избегале од местото на настанот.Јавниот обвинител, ценејќи ги сите околности и исполнетоста на законските основи, до судијата на претходна постапка достави предлог за определување мерки на претпазливост за двајца осомничени кои се лишени од слобода. Се предлага забрана за напуштање на живеалиштето, обврска да се јавуваат повремено на определено службено лице во Судот, привремено одземање на патните исправи, забрана за посетување на казиното и забрана за приближување, воспоставување или одржување контакти со останатите осомничени.За третиот осомничен кој е во бегство предложено е определување мерка притвор која ќе започне да се применува по неговото пронаоѓање и лишување од слобода.

Скопје | пред 10 месеци

Ристовска, Ристова, Габер Дамјановска, Даштевски, Менкиновски-со аспирации за судија во ЕСЧП

Ристовска, Ристова, Габер Дамјановска, Даштевски, Менкиновски-со аспирации за судија во ЕСЧПНа конкурсот на МНР за нов македонски судија во Европскиот суд за човекови права во Стразбур се пријавиле 21 лице.Според информациите, меѓи нив има судии, обвинители, адвокати.Од јавноста не сокрија дека амбиции имаат обвинителката Ленче Ристовска и судијката Оља Ристова.Неофицијално на списокот се наоѓаат и Наташа Габер-Дамјановска, поранешна директорка на Академијата за судии и јавни обвинители, но и членот и експретседател на Државната изборна комисија, Александар Даштевски, а во некои кругови се споменува и името на обвинителката Фатиме Фетаи. Желба има и заменик-директорот на Академијата за судии и јавни обвинители, Илир Исени, разрешената претседателка на Врховниот суд Лидија Неделкова, владиниот агент за застапување на земјава пред ЕСЧП Даница Џонова, како и повеќе адвокати, меѓу кои и Тони Менкиновски, судии и обвинители.Апликациите ќе ги разгледува Меѓуресорската комисија формирана со владина одлука која треба да изврши селекција на тројца кандидати, а конечната одлука ќе ја донесе Советодавниот панел на експерти за избор на судии при Советот на Европа. Селекцијата и проверка на тоа кој од кандидатите ги исполнува условите почнува од понеделник.Деветгодишниот мандат на новиот судија ќе почне на почетокот на 2026 година.

Македонија | пред 10 месеци

Костадиновски : На 19 јуни ќе се одржи Подготвителната седница за Законот за јазиците

Претседателот на Уставниот суд, д-р Дарко Костадиновски во интервју за ТВ магазинот „Трилинг” емитувано на 2 мај 2025 година, изјави дека Подготвителната седница за Законот за јазиците е закажана за 19 јуни 2025 година. Претседателот на Уставниот суд објасни дека поради трагедијата во Кочани, Судот еднаш ја одложи седницата, а неговите проценки се дека после локалните избори наесен веќе ќе има одлука на Судот.„На 19 јуни ќе организираме подготвителната седница, по неа ќе ни требаат до два месеци да се подготви нов реферат и да се сублимираат сите мислења на сите учесници. Моја проценка е дека конечната улога ќе биде донесена после изборите, рече тој„Да не се случеше трагедијата, подготвителната седница ќе беше веќе завршена, и за во јуни некаде природно би дошло носењето на одлуката. После подготвителната седница ќе ни требаат месец, месец и пол, два, за да се подготви нов реферат, за да се сублимираат сите мислења на сите учесници…Не знам за кога ќе бидат распишани изборите, пореални се шансите и пообјективно би било, затоа што ние за самата седница кога беше само најавена видовме, тешки политички манипулации, политизација, етнизација, тешки критики за уставниот суд”, рече претседателот.Костадиновски оценува дека во државата нема проблем со меѓуетничките односи, туку со нивната злоупотреба.„Постојат теми во нашето општество што се неподобни за политичка експлоатација. Такви се меѓуетничките односи. Тие се многу важни за општество какво што е македонското. Но, мојот длабоко уверување е дека ние во овој стадиум на развој на нашето општество немаме проблем во меѓуетничките односи. Имаме друг тип на проблем,а тоа е злоупотреба на меѓуетничките односи за политички цели. Ете тоа го сведочевме целиот изминат период и по постапувањето за „Балансерот” и Законот за јазиците. Ние имаме една понасушна потреба. Jас се согласувам дека меѓуетничките односи се еден од столбовите за стабилност на нашата држава. Но во овој момент, мое лично убедување, има еден уште поважен темел за стабилноста на нашата држава. Тоа е владењето на правото. Реално и вистинско, не лажно и не деклараторно. Никој не треба да стравува од нашето постапување. Ниту едно право што секој еден граѓанин го ужива од нашиот Устав, нема да биде ускратено. Нашите правни стојалишта за кој било закон ќе го натераат законодавецот да направи подобар закон, потенцираше Koстадиновски.Претседателот на Уставниот суд се обрати до граѓаните и порача да бидат спокојни и да не веруваат на политичките манипулации, бидејќи Уставниот суд е тој кој го штити Уставот.„На што се темели историската недоверба во институциите на системот? На недостатокот на владење на правото. А што е владењето на правото? Тоа е состојба на уставност. А состојбата на уставност која штити? Уставниот суд. Затоа од нашето постапување никој, ама баш никој не треба да стравува, не треба да трепери општеството какво одлука ќе донесеме. И еве не сакам да полемизирам со политичките фактори, политичката култура ми е добро позната. Нема да го сменам тоа нешто, но сакам да се обратам до граѓаните. И континуирано тоа го правам. Да си бидат спокојни. Ништо страшно нема да се случи. Еве „Балансерот” го укинавме, се случи ли нешто страшно? Не. Законот за iазиците? Ниедно право што секој еден граѓанин го ужива по нашиот Устав, нема да биде ускратено. Граѓаните можат да бидат среќни со постапувањето на Уставниот суд. Зашто? Затоа што нашите наоди, правни стојалишта за било кој закон, ќе го натераат Законодавецот да направи подобар закон од тој што го направиле”, истакна Костадиновски.Соочен со фактот дека на 14 април истече рокот од шест месеци кој Уставниот суд му го предложи на Собранието за да се направат интервенции во Законот за електронски комуникации, Костадиновски кажа дека е во комуникација со претседателот на Собранието, Африм Гаши и добил информација дека се бара решение во однос на спорните одредби за мета податоците на сите граѓани кои ги чуваат операторите, а кои потоа ги користат безбедносните служби. Костадиновски објасни дека станува збор за мета податоци од секој граѓанин кои ги чуваат телефонските оператори, како што се комуникациите преку апликации, повици, локации итн. а потоа во случај на кривични дела може да ги користат истражните органи.„Во комуникација сум со спикерот на Парламентот- Гаши, јас очекувам многу брзо да добијам одговор, најавен ми е одговор, во која фаза е Собранието, зашто ние му одредивме рок од шест месеци, поминаа шест месеци, ние не би сакале и не случајно јавно имам кажано, доколку Собранието не постапи во согласност со нашите правни стојалишта, ние немаме избор. Ние мораме да интервенираме во тој закон. Но последиците, ако настапат, не дај Боже, тогаш ние не сносиме никаква одговорност. Собранието имало доволно временски период да се усогласи со нашите стојалишта, кажа Костадиновски.Претседателот на Уставниот суд, д-р Костадиновски изјави дека според него, овој состав од судии донел најреволуционерни промени, во споредба со било кој состав на Судот од неговото основање по прогласување на независноста на државата.„Овој состав на Уставниот суд е далеку пореволуционерен и од првиот, наречан најугледен состав. Еве ќе ви кажам зашто. Моите колеги во првиот состав не ги виделе слабостите на деловникот што самите го донеле? Манипулативен, подобен за политички инфилтрации. Без рокови може судија, известител да држи предмет 9 години, председател на суд може 3 години додека му трае мандатот, некојпредмет да не го изнесе на седница на Судот. Ева сега ја ќе ви кажам што е разликата меѓу тој, кој сите го викаат за најеминентен состав, го квалификуваат првиот состав на Уставниот суд, компарирано со овој. Новиот Акт на Судот ги адресира сите слабости на Уставниот суд. Нема веке чување на предмети од судија-известител. Шест месеци има да го сработи предметот и да го достави до претседателот на Судот. Ако не го направи тоа, Судот му го одзема правото. На председателот на Судот одземено му е правото да биде манипулативен, 3 години да го чува предметот, додека му трае мандатот. Ако за еден месец не го извадам предметот на седница на Судот, може да ми се одземе правото. И тоа не е една револуционерна промена, има и други. Затоа, ако јас зборувам, било кој да е експерт, ама било кој и да е еминентен, но еминентен не само по статус, туку по завршена работа. Да видиме што сработиле. Дали ја обезбедиле независноста и самостојноста на Уставниот суд? Дали обезбедиле Закон за Уставен суд? Ништо не направиле. Еве јас ќе ви кажам. Уживале во комфорноста на функцијата. Ето тоа е моето мислење. И може да бидам критикуван за ова, но, кога зборуваме за нешто, треба да зборуваме со факти. Што оставиле зад себе? Дали оставиле подобар Уставен суд? Дали успеале да донесат закон?затоа сега организиравме и јавна дебата на таа тема, изјави претседателот Дарко Костадиновски.

Македонија | пред 10 месеци

Се бара притвор за зетот на Зоки Фаци, кој ги запали станот и викенд куќата

Основното јавно обвинителство Скопје поведе постапка против едно лице за кривично дело – Предизвикување општа опасност според член 288 став 1 од Кривичниот законик, откако беа запалени станот и куќата на покојниот новинар Зоран Василевски-Фаци.“Осомничениот, на 2 мај во утринските часови, во викенд – куќа во селото Катланово и во стан во зграда во Скопје, кои се во сопственост на неговата сопруга со која биле разделени и со која водел бракоразводна постапка, со пожар предизвикал значителна опасност за животот на луѓето.Иако бил свесен дека поради неговото сторување може да настапи штетната последица, се согласил со нејзиното настапување и откако еден ден претходно телефонски се заканувал на оштетената и на нивниот син, на критичниот ден со бензин предизвикал пожар најпрво пред влезната врата на викенд-куќата.Пожарот се проширил и во внатрешноста на куќата, а потоа осомничениот се упатил кон Скопје и на сличен начин предизвикал пожар пред влезната врата на станот.Откако ги сторил делата, ја известил оштетената дека ги опожарил двата објекти. Таа јавила на соседи во зградата кои почнале веднаш да го гасат и спречиле пожарот да се прошири кон другите станови од зградата.Ценејќи дека околностите под кои е извршено кривичното дело кое му се става на товар на осомничениот се одликуваат со изразита пресметаност и висок степен на кривична одговорност, како и дека постои реална опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор”, велат од Обвинителството.

Македонија | пред 10 месеци

(Фото) Запалени куќата и станот кои беа на Зоки Фаци

Куќата во Катланово и станов во Аеродром, кои беа сопственост на Зоран Василевски-Фаци, а во кои сега живее неговата сестра со внуците - биле запалени. За ова обзнани Стефан Лазаров, кој беше негов близок пријател. Сѐ се случило вчера утрината. За пожарот предизвикан во станот, изреагирале комшиите кои не дозволиле да се прошири на цел спрат. Од фотографиите може да се види дека на двете места изгореле само вратите.„Е сега се ова станува уште по хаотично! Замислете, пожарот е подметнат од таткото на внуците на Зоки (неговиот зет). Подолг период ги малтретира , им упатува закани по живот, е хроничен алкохоличар, пријавуван 100 пати до сега, со докази за насилство и докази дека им најавува дека ќе ги убие!. Вчера некој полицаец на Бети (сестрата на Зоки, сопруга на сторителот) на нејзина пријава дека сега поранешниот маж и најавил дека ќе ги запали, полицаецот и одговорил “аман секој втор ден ли ќе се расправаме со вас”??“, напиша Лазаров.Тој тврди: „Дополнително ова утро додека куќата во Катланово ја гаснат , таткото им се јавува и им најавува дека ќе го запали и станот, додека тие возат накај Катланово. Веднаш се јавуваат во станицата во Аеродром и повторно го добиваат одговорот “Аман веќе од вас”. Откако го запалил ходникот , и колегите кои веќе се на увид во Катланово , интервенираат кај колегите во Аеродром и тек тогаш излегуваат на терен!! Замислете ситуацијата денес да ескалираше и да имаше поголеми последици!!!!!? Човекот е уапсен , вечерва во 21:00 е пред судија. Ги повекувам сите медиуми да извршат притисок за човекот да оди во затвор. Семејството на Зоки живее со месеци во страв и агонија. Човекот е неколку пати и пријавуван за семејно насилство!!!“.До овој момент, не успеавме да ги потврдиме овие информации од институциите, од каде очекуваме детали во текот на денот.[caption id="attachment_327937" align="alignnone" width="1364"] Screenshot[/caption]

Македонија | пред 10 месеци

(Фото) Ова навистина го објави Белата куќа!

Белата куќа сподели објава од американскиот претседател Доналд Трамп, кој објави фотографија генерирана од вештачка интелигенција од себе како папа.Пред неколку дена, Трамп, кога беше прашан од новинар кој треба да биде следниот папа, рече дека би сакал самиот да биде папа. Трамп се насмевна и се пошегува кога го слушна прашањето, одговарајќи: „Би сакал да бидам папа. Тоа би бил мојот прв избор“. Тој продолжи да нагласува дека нема фаворит, но посочи дека Тимоти Долан, надбискупот на Њујорк, би можел да биде добар избор. „Не знам. Немам фаворит. Но, морам да кажам дека имаме кардинал од Њујорк кој е многу добар, па ќе видиме што ќе се случи“, рече тој.Конклавата за избор на нов папа и поглавар на Католичката црква, која брои 1,4 милијарди членови, ќе започне на 7 мај, а бројот на кардинални електори кои ќе го изберат наследникот на починатиот папа Франциск се намали на 133 откако двајца кардинали изјавија дека не можат да дојдат во Рим поради здравствени проблеми.Претходните два конклава, одржани во 2005 и 2013 година, траеја само два дена. Бенедикт XVI беше избран во четвртиот круг од гласањето, а Франциск во петтиот.

Свет | пред 10 месеци

Температури и до 30 степени - убаво време нѐ очекува викендов

Викендов територијата на Република Македонија ќе биде под влијание на стабилна, сува и топла воздушна маса од југ. Во ваква ситуација, времето кај нас ќе биде сончево и топло со мала до умерена локална облачност. Повремено ќе засилува ветер од променлив правец.И во Скопје и околината викендов ќе имаме сосема слично време како и на другите места од нашата Македонија.Што се однесува до температурите, тие ќе бидат рано – летни и ќе се искачуваат во интервалот од 23 до 30 степени. Во Скопје и околината максималната температура викендов ќе се искачи до околу 30 степени.

Македонија | пред 10 месеци

Ахмети: Чекорот на Таравари е храбар, разбра дека оваа Влада е антиалбанска

„Европски фронт, на чело со ДУИ сè уште не донеле одлука како ќе настапуваат на локалните избори“, изјави Али Ахмети.Тој посочи дека ќе бидат повикани сите партии од коалицијата, при што ќе се разгледа целата ситуација.Ахмети ја цени одлуката на Таравари да се одвои од ВЛЕН.„Секако, го цениме храбриот чекор на Таравари, кој многу порано разбра дека оваа Влада не е ништо повеќе од антиалбанска Влада, бидејќи дојде на власт со антиалбанска платформа. Сè уште не е изградена никаква стратегија. Господинот Таравари ми се чини дека рече: 'јас не сум роден во влада', и во моментот кога ќе стане неприфатливo, може да си замине. Но, ова се прашања на Таравари, тоа не се прашања на ДУИ, ниту на Европскиот фронт, тоа се внатрешни прашања што господинот Таравари треба да ги менаџира“, рече Ахмети.Таравари повеќе не е дел од ВРЕДИ, бидејќи другите лидери од оваа коалиција одбија да излезат со посебни листи за општински советници, како што побара тој.

Македонија | пред 10 месеци

Пијан возач бегал од полиција, тие го бркале низ Скопје

„На 01.05.2025 околу 20.40 часот на бул. „Босна и Херцеговина“ во Скопје, патничко моторно возило „бмв“ со скопски регистарски таблици, не застанало на даден знак за запирање од страна на полициски службеници од СВР Скопје и по кратко кратко време удрило во возило „голф“, сопственост на МВР. По преземени мерки, утврдено е дека возачот го управувал возилото под дејство на алкохол.Извршен е увид од увидна екипа на СВР Скопје и известен е Одделот за внатрешна контрола, криминалистички истраги и професионални стандарди.По целосно документирање на случајот, ќе биде поднесен соодветен поднесок“, велат од МВР.

Скопје | пред 10 месеци

Состојбата во коалицијата е одлична, наскоро средба со Таравари, вели Мицкоски

Кусо и без објаснување, премиерот Христјан Мицкоски вели дека е состојбата во коалицијата е „одлична“, а потоа додава дека ќе има средба со колаициониот партнер и минситер за здравство, Арбен Таравари. Потребата од разговор доаѓа откако Таравари се скара со дел од структурите во ВЛЕН, кои го обвинија дека соработува со ДУИ.„Па ќе се случи наскоро“, рече премиерот Мицкоски.Претходно, во дел од медиумите беше пласирана информацијата дека средбата ќе биде до крај на оваа недела, но тоа не беше потврдено од ниту една од страните.“Досега нашата одлука е само една, а тоа е дека на листите за советници Алијанса за Албанците ќе настапи самостојно. За кандидатите за градоначалници имаме кажано дека сме отворени, пред сè со ВЛЕН, ако се расположени. Ако немаат, втората опција е самостојно, понатаму ќе видиме”, рече Арбен Таравари, министер за здравство.Во меѓувреме, вицепремиерот на Владата Александар Николоски во интервју за „360 степени“ изјави дека доколку Таравари соработува со ДУИ, тоа би претставувало политичко самоубиство.Оваа изјава на Николоски предизвика реакција од ДУИ. Од оваа партија прашуваат: „Зошто целата оваа омраза кон ДУИ и кон Албанците?“

Македонија | пред 10 месеци

Вработени во ЗОО си ја бараат платата, велат дека немаат ни здравствено; Директорот не е ни на работа, рече Неделков од СОНК

Вработени во Зоолошката градина си ја бараат платата за изминатите два месеци. Тие велат дека немаат ништо против Зоолошката градина или Министерството за култура кои им исплаќаат плати, или пак против Град Скопје. Посочуваат дека никогаш не се случило 45 дена да немаат земено плата.„Овој протест е за да нѐ видат дека немаме земено плата за март месец. Плата имаме земено пред 45 дена. Вчера изгубивме и здравствено, бидејќи немаме плата на време. Имаме и колеги кои се на боледување. Кај без плата, па и без здравство. Замолувам тие кои се надлежни ова да го решат, за да ние поскоро земем плата. Си ја бараме заслужената плата која треба да ни ја дадат. Дали ќе исплаќаат по старо или ново - има синдикат, министерство. Ако ние не сме задоволни, ќе си поднесеме преставки до судот и ќе работиме според тоа што ќе ни кажат“, рече Миле Таневски, претседател на синдикална организација на ЗОО-Скопје.Тој порача дека ќе плаќаат камати ако не ги подмират долговите.„Банки, извршители почнаа, знаете како функционира оваа држава. Телефоните ни ги исклучија. Како понатаму, ќе треба да се договориме во Синдикатот. Ние го најавивме протестов, излеговме толку колку што сме. Велигден го пројдовме без плата, 1 Мај го поминавме без пари“, рече Таневски.Немаме луѓе, немаме работници по реони, порача зоо-негователот Мирослав Станковиќ. Апелираше да се донесат помлади работници.„Ова не е протест, туку за време на пауза, да испратиме порака дека ние секојдневно сме склони на повреди, а еве веќе немаме ниту здравствено. Зоолошка градина е подолго време е арена за политички пресметки. Нас тоа не нѐ интересира. Апелираме да ни се реши статусот. При крај ни се и финансиските средства“, додаде Мирослав Станковиќ, зоо-неговател.„Трпението е при крај. Со бирани зборови ја кажуваат нивната мака, нивната тага. Но факт е дека денеска немаат ни здравствено осигурвање. Секојдневно се изложени на повреди, а да останат без здравствено осугурвање е нехумано. Ако не се исплатат платите, веројатно и вратите на ЗОО да бидат затворени. За жал, добив информација дека директорот не е на работа, а мислев да се срентеме. Генерално директорот е задолжен за исплата на плата, а кој е надлежен по хиерархија, нас не нѐ интересира. Ние забелешките ќе ги упатиме до директорот. Според моите информации никој во Град Скопје нема земено плата“, рече претседателот на СОНК, Јаким Неделков.

Скопје | пред 10 месеци

Осум повредени од „Пулс“, се враќаат од лекувањето во странство

Денеска се враќаат осум пациенти од лекување од Турција, Бугарија и Словенија, во странство остануваат хоспитализирани 18 пациентиМинистерството за здравство информира дека денеска уште осум пациенти од повредените во трагедијата во Кочани се враќаат од лекување, од кои пет од Турција, двајца од Бугарија и еден од Словенија. На лекување во странство остануваат уште 18 пациенти.Согласно протоколот, пет пациенти ќе бидат под опсервација во ГОБ „8 Септември“, двајца на Клиника за пластична хирургија и еден пациент во Хируршка клиника „Св.Наум Охридски“.Дел од повредените, кои изминатиот период се вратија во земјава, веќе започнаа процес на рехабилитација во Општата болница во Кочани, кои во зависност од повредите се третираат на одделенијата за неврологија, хирургија и физикална терапија.Министерството за здравство континуирано ја следи состојбата со повредените пациенти, со цел обезбедување најдобар можен третман, како и натамошна рехабилитација.

Македонија | пред 10 месеци

Нема фотографија

Целите на Путин се променија

Нovi разузнавачки информации собрани од американски и западни претставници сугерираат дека рускиот претседател Владимир Путин го префрлил својот непосреден фокус во војната во Украина кон краткорочни цели. Фокусот е првенствено на консолидирање на контролата врз територијата што руските сили веќе ја зазедоа и зајакнување на економијата на Русија, која се бори со тешкотии, изјавија за CNN повеќе извори запознаени со разузнавачките извештаи.Ова е пресврт од претходните проценки на американските и западните разузнавачки агенции, кои сугерираа дека Путин верувал дека шансите се во негова корист и дека имал и моментум и човечки ресурси да води долготрајна војна против ослабената Украина со цел да ја преземе целата земја.Перцепцијата дека Путин можеби се предомислил се совпаѓа со верувањето на американскиот претседател Доналд Трамп и неговите преговарачи дека рускиот претседател сега можеби е поподготвен да разгледа мировен договор отколку порано, изјавија за CNN два американски извори запознаени со дискусиите.Но, високи американски претставници остануваат скептични кон тврдењата на Путин за време на разговорите дека тој сака мировен договор, иако предлогот на САД е во голема мера поволен за Русија и вклучува признавање на поголемиот дел од територијата што ја зазела.Општо е прифатено дека дури и ако Москва се согласи со сегашната верзија на договорот, подоцна би можела да се обиде да ја обнови војната и да се обиде да заземе уште поголема украинска територија.„Мислам дека тој сега размислува - не би рекол поскромно - но во однос на поразумни, понепосредни цели“, рече еден висок западен разузнавачки службеник.Притисокот од администрацијата на Трамп, која сè повеќе се заканува со дополнителни санкции, и економската криза во Русија би можеле да го стават Путин во тешка позиција. Во исто време, можноста за големи американско-руски инвестиции ако војната заврши, што САД ја опишуваат како „историска можност“, исто така силно се нагласува во разговорите.„Сè зависи од тоа што САД ќе донесат на масата, така што не само што ќе ја прикажат победата дома, туку и навистина ќе почувствуваат дека постигнале нешто доволно големо за да оправдаат значајна пауза, а можеби и еден ден повторно да го започнат конфликтот“, рече истиот висок разузнавачки службеник.Изворот забележал дека Путин често се повикува на регионите од кои „потекнува рускиот народ“ и дека сè уште одржува „долгорочна цел“ за заземање на големи делови од Украина, која во својата идеологија ја гледа како „лулка на руската цивилизација“.Висок европски функционер се согласил дека Москва во моментов е подготвена да „ја игра играта“ и привремено да ги ограничи своите цели со цел да ги подобри односите со Вашингтон, но предупредил: „Јасно е дека тие не ги напуштиле своите максималистички воени цели“.„Кремљ се надева дека подобрените односи ќе го одвлечат вниманието од војната, по тактичка пауза, и дека потоа може да користи комбинација од воена сила, економски притисок, информативна пропаганда и политичко влијание за да ги постигне целите на Путин - не само во Украина, туку и пошироко“, рекол истиот европски функционер.Претходно оваа година, американските разузнавачки служби ги предупредија сегашните советници на Трамп дека контролата врз Украина останува главен приоритет на Путин, втор по опстанокот на неговиот сопствен режим. Тие, исто така, предупредија дека рускиот лидер ќе се обиде да го искористи секој знак дека новата администрација брза кон преговори, рекол извор запознаен со разговорите.„Путин се предомисли затоа што верува дека од другата страна е американски претседател кој не знае што прави и кој е фокусиран на брзи победи“, рече демократскиот конгресмен Џејсон Кроу, член на Комитетот за разузнавање на Претставничкиот дом.„Путин верува дека може да се постигне договор кој едноставно нема да се спроведе“, додаде Кроу.Дебатите за територијалните граници се фокусираа на пет области каде што Русија има најсилна контрола, вклучувајќи го и Крим, кој Путин го анектираше во 2014 година. Трамп рече дека Украина нема да врати голем дел од територијата што ја изгуби.Минатата недела, потпретседателот Џ.Д. Венс рече дека САД очекуваат конечно примирје „некаде блиску“ до сегашните бојни линии, со „некои територијални размени“.„Овој мировен договор се однесува на тие пет региони, но вклучува и многу повеќе“, рече Стив Виткоф, преговарачот на Трамп, кој се сретна со Путин четири пати оваа година, додавајќи: „Мислам дека можеби сме блиску до нешто што би можело да биде многу важно за целиот свет“.

Свет | пред 10 месеци