ТОРНАДО

(Фото) Голема пијавица снимена во Истра

Кај хрватскиот град Умаг денеска се појави пијавица над морето, метеоролошки феномен што го привлече вниманието на граѓаните и туристите.Вртложниот столб на воздух беше јасно видлив во близина на брегот, а снимката ја објави „Истрамет“.„Кај Умаг моментално убаво врти“, напишаа од „Истрамет“ покрај видеото.Пијавицата се создава кога вртложен столб на воздух се развива под олуен облак и се спушта кон морската површина. На море ваквите појави најчесто траат кратко, но можат да изгледаат многу драматично.Метеоролозите посочуваат дека пијавиците не се ретка појава на Јадранот, особено во периоди на нестабилно време и развој на олујни облаци над топлото море.Северниот Јадран, особено Истра и Кварнер, е едно од подрачјата каде вакви појави се регистрираат почесто поради наглите временски промени и влажниот воздух.Иако најчесто траат само неколку минути, пијавиците можат да бидат опасни за помалите пловила ако се најдат во нивна близина.

Свет | пред 4 часа

(Видео) Торнадо пустоши во Португалија: три лица загинаа, десетици повредени

Силното торнадо Клаудија пустоши во Португалија. Најмалку три лица загинаа, а десетици се повредени во силното невреме што во изминатите денови го погоди регионот, соопштија португалските власти.За повеќе региони, меѓу кои Фаро, Брага, Бежа и Сетубал издадени се портокалови и жолти метео-аларми поради продолжениот ризик од екстремно лошите временски услови.Претседателот Марсело Ребело де Соуза изрази сочувство до семејствата на загинатите и најави поддршка за погодените заедници.Поројните дождови и поплави предизвикани од истата временска бура погодија делови од Велика Британија, вклучувајќи го Монмут и југоисточен Велс, каде се издадени повеќе од 180 предупредувања за поплави.

Свет | пред 6 месеци

Драматично во Америка: Торнадо оштети стотици куќи, а има и повредени

Три лица се повредени во округот Ланкастер во американската сојузна држава Небраска кога торнадо урна индустриска зграда во која се наоѓаа 70 луѓе, а сите се евакуирани, соопштија властите.Неколку торнада ги погодија Небраска и американската сојузна држава Ајова во петокот, а најразорните ги погодија северозападните предградија на Омаха, град со 485.000 жители.Торнадото оштети стотици куќи и други згради, а околу 10.000 потрошувачи во областа останаа без струја, пренесува АП.Фотографиите на социјалните мрежи покажаа дека малиот град Минден, Ајова, на околу 30 милји североисточно од Омаха, исто така претрпел голема штета.Полицијата соопшти дека торнадото предизвикало превртување на возот во близина на Вејверли, Небраска.

Свет | пред 2 години