ученици

Радост за учениците – почнува зимскиот распуст за околу 250.000 деца низ државата

Со денешниот последен училиштен ден пред паузата, околу 250 илјади ученици од основните и средните училишта заминуваат на заслужен зимски распуст. Веќе од утре училниците замолкнуваат, а 20 јануари 2026 година е датумот кога учениците ќе се вратат на настава и ќе го започнат второто полугодие.Во вториот дел од учебната година продолжуваат реформите во образованието – оптимизацијата на училишната мрежа и ширењето на едносменската настава, во која досега се вклучени околу 200 училишта.Матурантите оваа година ќе полагаат државна матура по нов концепт, усогласен со видот на образованието што го посетуваат, а наставниците во март треба да добијат зголемување на платите од 7,5 до 10 проценти.Зимскиот распуст носи одмор за учениците – а образовниот систем веќе се подготвува за динамично продолжение од јануари.

Македонија | пред 2 седмици

Постои надеж дека учениците од прво до петто ќе добијат учебници пред второтополугодие

Постои надеж дека учениците од прво, второ, четврто и од петто одделние во основните училишта ќе добијат учебници пред второто полугодие. На стартот од учебната година, министерот за образование и наука, Јетон Шаќири, посочи дека уште не е избрана фирма која ќе ги печати. За новинарското прашање за тоа чија е одговорноста што ова не е направено пред почетокот на годината, министерот одговори: „Вашето прашање е тенденциозно“.„Кога ќе поставите друг пат прашање, ќе треба да знаете и одговор. Не е избран економскиот оператор. До учениците се доставени учебници и материјали. Тоа значи дека учениците кои учат оваа година, во брз рок ги имаат добиено учебниците за 6,7,8,9 одделение. За децата (од прво до петто одделение) да немаат товар во нивниот фамилијарен буџет, има подготвителни материјали кои се доставуваат навремено. Некаде се доставени, некаде ќе бидат доставени“, посочи Шаќири.Тој посочи дека постапката за печатење на книгите за четири предмети, кои сега ги нема, меѓу кои се и за македонски јазик и математика, е започната навреме. За материјалите кои се делат на учениците, а треба во првото полугодие да ги заменат ученибиците, Шаќири додаде: „Материјалот е подготвен според учебната програма“.

Македонија | пред 3 години

Легендарни преработки на „Брзај, брзај прваче“: Ич не брзај! Кретениве уште учебници немет испечатено

Легендарната песничка која почнува со зборовите „Брзај брзај прваче кон школскиот двор те чека учителка со мајчински збор“ и за овој почеток на учебната година доби своја преработка. Преку неа, се искажуваат критики за образовниот систем, но и наставниот кадар. Твитерџиите пред првиот училишен ден на првачињата, објавија дел од стиховите кои имаат рима и смисла, а дел се и сурово реални.„Брзај брзај првачекон школскиот дворте чека партиски вработен кадарна шест месечен договор.Учебници за тебе нематоа е нова шемазабава за ДУИ се спремапарите ни ги зема“.https://twitter.com/Redington_M5/status/1565232949779390465„Брзај, брзај првачекон школскиот двор,те чекаат учителки на Вентор“.https://twitter.com/okradn/status/1565225383514996736„Брзај, брзај првачекон школскиот двор,те чека учителкатасо погрешен збор“.https://twitter.com/_Dani_D_/status/1565223437060259841„Брзај, брзај првачеКон училишната вратаТе чека учителкаСо зголемена платаЗа букви, сказни, песничкиЌе учиш ти без бригаНекаде во априлЌе добиеш и книга“.https://twitter.com/AdvokatNikolco/status/1565057624164417542Но освен преработки на песничката за првачињата, има коментари и за најмалите кои денеска првпат седнуваат, но и за оние кои не седнуваат во училишните клупи.„Ич не брзај прваче! Кретениве уште учебници немет испечатено“.„Уште прваче да требаше годинава у школо да носам. Плаче дете, плачам јас. Ај да поспиеме, ќе одиш утре“.https://twitter.com/gorskivenec/status/1564506450881396737„Јас ко се упишував за прваче, сам ме пуштија со едно тетратче по тесни и широки. Пешачев 8 км преку реки и ридови“.https://twitter.com/Bavarecot/status/1564972540400963586„Јас кога бев прваче се сеќавам само вода ми истурија за со лесно да ми биде школото… што е ова сега забави, торти, пакетче за првачиња“.https://twitter.com/3zoRgadMd6bcYnc/status/1565059282600689666„Син ми прваче, му надробив салата, акнавме по две ракии и го пратив прв ден у школо“.https://twitter.com/Bouqet100/status/1565215392502788096„Вчера му направивме торта со "среќно прваче" поканивме другарчиња од маало, во игортеката ни пуштија убава детска музика. И денеска среќен и тој и јас и мајка му го однесовне на школо. Нека му е среќен првиот училишен ден на нашиот мал Ајнштајн...“.https://twitter.com/princnabelkonj/status/1565230816829079552„Нашето #прваче е повозбудено дека на баба ѝ е роденден отколку што почнува на училиштесреќно на сите првачињааа“.https://twitter.com/alexhris/status/1565234766667980801

Коментари | пред 3 години

„Татковците“ за учениците: Првачињата во Аеродром ќе пливаат, во Ѓорче, Кисела Вода и Бутел ќе имаат ранче, во Центар ќе имаат очен преглед

Новата учебна година, по скоро три години од пандемијата на коронавирусот, за над 250 илјади ученици во основните и во средните училишта во Македонија, започнува навреме, на 1. септември и тоа на радост на учениците без заштитни маски и други анти-ковид мерки.Но тие останаа и без сведетелствата за претходната учебна година. Само во мал дел од училиштата се веќе доделени, но најголемиот број ученици, ќе ги земат денеска и утре. Тендерот за печатење сведетелства, како и ланската година го доби тетовската компанија „Арбериа“.Скопските општини со низа мерки ги олеснуваат трошоците на семејствата со првачиња.Повеќето општини за првачињата ќе врачат финансиска помош од околу 3.000 денари по прваче. Освен оваа парична помош, надлежните се потрудија да обезбедат прибор, училишни танци, таблети, бесплатен оброк...Општина Аеродром„Учиме да пливаме” е проект кој предвидува олеснување на семејниот буџет на секое семејство на територија на Општина Аеродром кои имаат дете во прво одделение или дете со попреченост. Со субвенционирањето, сите опфатени ученици добиваат: часови пливање, опрема за пливање (капа, наочари), пешкир, сертифициран спортски едукатор како и превоз на учениците од училиште до базенот и назад до своите домови, велат од општината Аеродром.Кисела ВодаНајмалите ученици од Кисела Вода, ќе добијат ранче и прибор подарок од општината. Реализацијата на овој проект насловен како „Ранче за секое прваче“, ќе има за цел барем малку да им ги олесни финансиските трошоци на родителите при уписот на своето дете во училиште, велат надлежните. Еден од следните зацртани проекти во оваа општина е и Таблет за секое дете. Ѓорче ПетровОпштината Ѓорче Петров обезбеди ранчиња за секое прваче, но од годинава и бесплатен појадок за сите првачиња.ЦентарВо општина Центар вкупно 522 дечиња ќе добијат бесплатни офталмолошки прегледи во градинките кои ги посетуваат. Покрај прегледите нашите идни првачиња ќе добијат и потврди за упис во основните училишта.БутелБутел, во пресрет на новата учебна година, обезбеди ранче и училишен прибор за сите 582 првачиња во општината.

Скопје | пред 3 години

Ученици со сите петки паднаа на тестот за упис во гимназија

Oваа година во гимназијата Орце Николов имаше место за 252-ца нови средношколци. Се пријавија 40 повеќе основци. Сите беа со сите петки. Филтерот мораше да се направи преку тест против кој многумина протестираа. Иако сите одлични од почеток до крај, само со петки, според пресметките и објавените резултати од тестирањето на 292-ца ученици на крај излегло дека всушност само 11 ученици оствариле повеќе од 76 % од вкупно 170 бодови од тестот, односно имале 130 бодови и повеќе. Толку всушност според критериумите за одличен би биле одлични по тестот, пишува ТелмаНиту еден од тестираните основци не успеал да го реши тестот за максималните 170 поени, најдобриот на тестирањето имал 152 бода или околу 90 % успешност.Вкупно 40 ученици, колку што биле прекубројни на пријавувањето, добиле незадоволителни резултати на тестот односно иако во основно биле со сите петки, на тестот добиле недоволен 1. Тоа се деца кои имале под 45 бода или помалку од 26 % од бодовите на тестот.39 ученици покажале многу добар успех на тестот според процентот за одговорени прашања на тестот, најмногу од пријавени 133-ца ученици имале резултат за оценка 3 –добар. Доволен успех или двојка добиле 70 завршени деветоодделенци.Резултатот кој личи на масакр на петките од основно покажа на кое ниво е образованието. Тестирањето во Орце Николов го разголи квалитетот на она што го научиле децата и за што добиле највисоки оценки.Целиот текст можете да го прочитате тука

Македонија | пред 3 години

(ФОТО) „Паѓаат“ електронските уписи, родителите нервозни и загрижени

Министерството за образование и наука од оваа година воведе електронски упис во средните училишта. Порталот за запишување беше отворен од 10.06.2022 година во 10.00 часот, a учениците ќе може да ги пополнуваат своите пријави (апликации) заклучно со 15.06.2022 година најдоцна до 15.00 часот, после што системот ќе биде затворен за онлајн аплицирање.Во едно од соопштенијата на МОН се вели дека процесот на аплицирање нема да им одземе на учениците повеќе од 5-10 минути.„Со цел оптимизирање на целокупниот процес на уписи во средните училишта во Република Северна Македонија, Министерството за образование и наука за прв пат оваа година воведува нова дигитална услуга која ќе Ви овозможи електронско аплицирање и нема да Ви одземе повеќе од 5-10 минути“ стои во известувањето од Министерството за образование и наука.Но, реалноста не е таква. Системот за електронско аплицирање во средните училишта падна.Тој постојано е недостапен. Во текот на целиот ден, се враќа, а потоа повторно се исклучува. Ова е причина поради која учениците не можат до крај да ја пополнат апликацијата, но и не е сигурни дали истата е испратена. Родителите и учениците се револтирани, и бараат надлежните веднаш да го решат овој проблем.„Не може вака. Неспремни, а сакаат електронски. Потоа, ќе излезе дека апликацијата не е пратена и ете проблем. Детето неупишано во училиште. Ако не се подготвени, се знае како треба да течат уписите. Стопати отвораме и затвораме, за да се рестартира страната“, пишува родител на социјалните мрежи“За сега нема информации од МОН дали рокот за пријавување ќе биде продолжен или учениците кои денес нема да се запишат ќе мораат да го чекаат вториот уписен рок.

Македонија | пред 3 години