Ученици од Франција во посета на Општина Неготино

Средношколци од францускиот град Лил престојуваат во Неготино во рамки на соработката меѓу СОУ „Св. Кирил и Методиј“ и гимназијата „Озанам“. Учениците денеска ги прими градоначалничката на Општина Неготино, Марија Нацева, која разговараше со нив и со нивните домаќини.

— реклама —

Соработката започна оваа година, а од 2 до 9 октомври група од 16 ученици од неготинската гимназија, предводени од професорот по француски јазик Драган Трпковски, престојуваше во Лил. Возвратната посета на француските ученици започна вчера и ќе трае до недела, 25 октомври.

— реклама —

— реклама —

Целта е размена на искуства меѓу учениците и професорите, како и запознавање со културата на двете држави. За време на престојот, гостите од Франција ќе ги посетат Охрид, Скопје, Стоби, Битола и Демир Капија.

Градоначалничката Нацева им посака пријатен престој во Неготино и успешно остварување на целите на соработката.