ваучери

Досега доделени 42.606 студентски ваучери – рокот истекува на 20 декември

Министерството за дигитална трансформација потсетува дека преостануваат само уште десет дена за студентите да аплицираат за ваучери за електронски уреди.Досега се доделени 42.606 ваучери, од кои 27.426 се веќе искористени.Во рамките на владиниот проект што се спроведува заеднички со Генералниот секретаријат и Министерството за образование и наука, предвидени се вкупно 55.000 ваучери за студентите на додипломски студии запишани во учебната 2025/26 година.Рокот за аплицирање е 20 декември 2025 година, додека ваучерите можат да се искористат најдоцна до 31 декември 2025 година.

Македонија | пред 2 седмици

СДСМ обвинува за хаос со студентските ваучери: „Неспособноста на власта ги направи младите колатерална штета“

Опозициската СДСМ со ја критикува Владата за начинот на кој се спроведуваше мерката за ваучери за електронска опрема за студентите од прв циклус, оценувајќи дека станува збор за „целосен дебакл на една неспособна власт“.Како што наведуваат од партијата, процесот бил изведен со бројни пропусти: на студентите најпрво им биле издадени ваучери, потоа истите биле поништени, а дел од младите добиле и потврди дека апликациите им се одобрени. Некои веќе успеале да подигнат уред, за подоцна да добијат известување дека ваучерот не важи. Во медиумите, посочуваат од СДСМ, се појавиле и информации дека постдипломци добиле ваучери иако не ги исполнуваат условите.Од СДСМ тврдат дека системите се уриваат веднаш штом ќе се отвори апликацијата, постапката се менува од минута во минута, а критериумите се применуваат хаотично, што создава оправдано сомневање за можни злоупотреби.„Отворени, па затворени пријавувања, испратени па поништени потврди, доделени ваучери без услови – ова е единствениот резултат на неспособноста на ДПМНЕ“, стои во реакцијата.Од партијата алармираат дека студентите кои веќе подигнале уред со одобрениот ваучер сега не знаат каква ќе биде нивната правна положба и дали ќе треба да го враќаат уредот.„Младите не смеат да бидат колатерална штета на неорганизираноста на власта. Македонија заслужува функционална држава, а не систем што се распаѓа на една мерка со една интернет страница“, додава СДСМ, прашувајќи „кој ќе ја преземе одговорноста за хаосот и забуните што ги создаде оваа власт“.

Македонија | пред 1 месец

Хаос со ваучерите: Постдипломци добиле ваучери за лаптоп, иако не им следуваат

Откако Скопје1 објави информации и преписки на социјалните медиуми дека студенти ваучерите за набавка на електронски уред ги продавале за кеш понизок од вредноста на ваучерот, нашата редакција дојде до уште една информација за изигрување на законот.И постдипломци, односно студенти запишани на мастер студии успеале да се пријават за ваучерот од 250 евра и да го добијат, иако тие не ги исполнуваат законските услови да бидат запишани на прв циклус од студиите.Според правилата, државните пари може да ги добие секој студент на прв циклус студии што не е постар од 29 години, без разлика дали е запишан вонредно или редовно.Ваучерот може да го искористи до крајот на годината во точно наведени продавници за електроника.

Македонија | пред 1 месец

„Досетливи” студенти за кеш ги препродаваат ваучерите за лаптоп

Во јавноста се појавија информации дека студенти се обиделе да го изиграат законот со кој им се ветија ваучери за набавка на електронски уред.Наместо за намената, тие договараат и ги препродаваат и тоа за пониска цена на која им гласел ваучерот.Министерката за образование и наука Весна Јаневска вели дека проектот бил ветен и реализиран, а на совеста на студентите е како ќе постапуваат со ваучерите.„Ваучерите им беа ветени на студентите и вообичаено она што сме ветиле, ние и го остваруваме. Има досетливи студенти кои на разно-разни начини се обидуваат некако да си го олеснат животот. Ние со тоа не можеме да се справиме. Се справуваме со тоа што во образовниот систем внесуваме нови вредности, нови програми, нови теми за обработка. Останува на нивната совест и свест да одлучат што ќе направат со ваучерите”, вели Јаневска.Јаневска на „Фејсбук“ објави дека 55 илјади студенти ќе добијат по 15.300 денари за набавка на електронски уред.Оваа мерка е наменета зa сите студенти до 29 години кои имаат запишано семестар во учебната 2025/2026 на додипломски студии на државните или приватните факултети.Со ова, велат од Владата материјално се помага на студентите и нивните семејства, а воедно се овозможува и пристап до сега веќе основното орудие за учење – тоа е комјутерот.Студентите ќе можат да аплицираат до 20 декември, а подигањето на ваучерите ќе можат да го реализираат до 31 декември 2025 година.

Македонија | пред 1 месец

Студенти, аплицирајте веднаш! Стартува доделувањето ваучери за таблети и лаптопи

Државата денес го активираше новиот повик преку кој студентите ќе можат да добијат вредносни ваучери за купување електронски уреди. Пријавувањето се одвива исклучиво онлајн, преку Националниот портал за е-услуги – uslugi.gov.mk, каде што услугата е веќе достапна.Рокот за поднесување на барања е 20 декември 2025 година, а уредите купени со ваучер мора да се подигнат најдоцна до крајот на годината – до 31 декември 2025.Како се аплицира?Студентите кои веќе постојат во евиденцијата на МОН само треба да се најават на порталот и да ја изберат услугата „Јавен повик за доделување вредносен ваучер за студенти“. Системот сам ги проверува личните податоци, без потреба од документи. По одобрувањето, студентот потпишува изјава за искористување и го подига уредот кај избраниот економски оператор.Студентите кои не се заведени во базата на МОН добиваат автоматско известување со линк до посебната услуга, каде што мора да прикачат потврда за редовен или вонреден студентски статус. По позитивното решавање на апликацијата, ваучерот им се издава на ист начин.Каде се подигнуваат уредите?Списокот на трговци кај кои може да се искористи ваучерот е објавен на порталотuslugi.gov.mk/services/ustanovi/rzppk-nacionalniot-portal-za-e-uslugi-lte-p7c-rfМинистерството ги повикува студентите навремено да аплицираат и да ја користат можноста за набавка на нов електронски уред преку Националниот портал.

Македонија | пред 1 месец

(Фото) Редица пред салата „Борис Трајковски“, луѓето чекаат ваучери за инвертери

Голем број граѓани чекаат во ред пред салата „Борис Трајковски“ во Скопје за подигнување на вредносни ваучери за инвертери кои ги доделува Министерството за енергетика. Колони има долж целиот паркинг на салата.Оваа мерка е во насока на остварување на целите на Владата за поддршка на животниот стандард на граѓаните и намалување на аерозагадувањето.Изборот на добитниците на вредносните ваучери, како и изборот на правните субјекти кај кои ќе може да се искористат вредносните ваучери, беа спроведени од страна на Министерството за економија, согласно критериумите на јавниот повик. По направениот избор, новоформираното Министерството за енергетика, рударство и минерални суровини е одговорно само за организирање на доделувањето, соопштија од Министерството.Освен во Скопје, вредносни ваучери се делат и во Битола во спортската сала „Боро Чурлески“ од 9 до 17 часот.За останатите градови, подигнувањето на вредносните ваучери ќе биде во центрите за вработување за што Министерството склучи меморандум за соработка со АВРМ.За граѓаните што нема да бидат во можност да ги подигнат ваучерите на одредениот датум, обезбедена е дополнителна флексибилност – ваучерите да можат да ги подигнат до крајот на месецот, во просториите на Министерството за енергетика, рударство и минерални суровини.Вкупниот број на домаќинства кои ќе добијат вредносен ваучер преку двете програми изнесува 6.182 домаќинства.Преку програмата за енергетска ефикасност во домаќинствата добитници на вредносен ваучер од 23.000 денари или 25.000 денари се 4.591 домаќинствo, а преку програмата за заштита на ранливи потрошувачи на енергија добитници на вредносни ваучери во вредност до 30.000 денари се 1.591 домаќинство.

Македонија | пред 1 година

Каевски оперирал тетива, па не дојде на судење: Обвинителката решена да одговара со другите за штета од 5 милиони евра

Откако на првото рочиште не се појави првообвинетиот Дарко Каевски судењето за спортските ваучери на Агенцијата за млади и спорт се одлага за 9 јули. Авокатот на Каевски, Петре Шилегов кажа дека неговиот клиент е на домашно лекување откако му бил извршен оперативен зафат на тетивата. Покрај Каевски на обвинителна клупа ќе седнат и директорот на АМС, Наумче Мојсовски и претседателот на Македонски олимписки комитет, Даниел Димевски.Обвинителката Лидија Раичевиќ ги обвини дека направиле штета од над пет милиони евра е сторена во случајот со ваучерите на Агенцијата за млади и спорт.„Случајот по многу нешта е специфичен, особено поради бројот на обвинетите, поради природата на кривичното дело, поради настаните кои се случувале и особено поради штетата која што е настапена, многу висока, изнесува над 5 милиони евра, рече таа.Случајот се отвори откако Државната комисија за спречување на корупцијата поднесе иницијатива до надлежниот обвинител дека постои сомнеж во доделувањето на спортските ваучери од страна на раководни лица од АМС. Веднаш потоа јавниот обвинител поднесе обвинителен предлог против 12 луѓе за кривични дела „злоупотреба на службена положба“ и за „несовесно работење“.Судењето го води судијката Џенета Бегтовиќ, а застапник на обвинението е обвинителката Лидија Раичевиќ.

Македонија | пред 1 година