хакирање

МРТ: Падот на емитувањето на Дневник е поради технички проблем, можно и хакерско влијание

Сериозен технички проблем бил причината поради која Македонската радио-телевизија (МРТ) вчера не ги емитувала редовните телевизиски дневници во 17:00, 19:30 и 22:30 часот, соопштија од јавниот сервис.„Се врши проверка дали станува збор за намерен упад во мрежниот систем, поради постоечки сомнежи за пробивање на заштитниот механизам од надворешни напади и влијанија“, се наведува во официјалното соопштение од МРТ.Од телевизијата додаваат дека во истрагата и расветлувањето на настанот ќе бидат вклучени сите надлежни државни институции, а во меѓувреме се преземаат мерки за стабилизирање на системот и нормализирање на емитувањето.Јавниот сервис им се извини на гледачите поради прекинот во програмата и неможноста да ги следат централните информативни изданија, нагласувајќи дека МРТ ќе продолжи да известува навремено, објективно и во интерес на јавноста.

Македонија | пред 2 месеци

(Видео) Закани кон македонските власти, преку хакираната страница на скопската автобуска страница

Веб-страницата на скопската меѓуградска автобуска станица (sas.com.mk) беше хакирана од поединец или група што се претставува под името „Аргонс“, а на неа е поставено видео со заканувачка порака упатена кон македонските власти.На местото на редовната содржина на страницата се појавува видео на платформата Vimeo, објавено на 13 октомври, во кое се слуша глас на англиски јазик што најавува „сајбер армагедон“.„Мислевте дека можете да не искористите за да ги уништите своите противници со нашите методи. Но никогаш не плативте. Тоа што е договорено, договорено е. Наскоро ќе видите дека не можете да се зае*авате со нас. Не плативте за она што го нарачавте со пари – сега ќе платите со болка. Судниот ден се приближува. Сајбер армагедон ќе се истури врз вас“, се наведува во пораката.Според датумот на објавата на Vimeo, видеото е поставено уште на 13 октомври, што значи дека пораката најверојатно стои на хакнатата веб-страница веќе два дена. Засега нема официјално соопштение ниту од управата на автобуската станица, ниту од надлежните државни органи.Не е познато дали групата „Аргонс“ претходно имала слични акции, ниту дали зад нападот стои политичка или криминална мотивација.Интернет-страницата и понатаму е нефункционална.

Македонија | пред 2 месеци

Лажни се мејловите и пасвордите кои кружат на интернет од државни институции, лажна е заканата за голем сајбер напад, вели Андоновски

До повеќе медиуми во земјава беше испратена електронска порака со заканувачка содржина, во која се најавуваше „голем сајбер напад“ за време на Дигиталниот Самит на Западен Балкан 2025 што се одржа во Скопје. Во пораката бил наведен и список со наводни е-маил адреси и лозинки од државни институции и физички лица.Од Министерството за дигитална трансформација за „Скопје1“ велат дека заедно со засегнатите институции направиле детална анализа на содржината. Резултатите покажале дека огромен дел од наведените адреси биле лажни, со погрешно наведени имиња, домени и податоци кои требало да создадат впечаток на автентичност. Само помалку од 2% од објавените адреси потекнувале од стари, одамна затворени инциденти собрани од различни извори.„Со внимание го следиме целиот процес. Министерството за внатрешни работи презема мерки за справување со настанот, кој има и кривично-правна позадина“, стои во соопштението.Според министерот за дигитална трансформација Стефан Андоновски, станува збор за политички мотивирана сајбер закана чија цел била да се создаде страв и недоверба кај вработените во јавната администрација и кај граѓаните.„Оваа кампања користеше лаги, манипулации и измислици со цел да се наруши довербата во Владата и Министерството за дигитална трансформација, токму во период кога се одржуваше голем регионален настан“, изјави Андоновски, додавајќи дека за време на Самитот не бил забележан ниту еден безбедносен проблем на системите под надлежност на Министерството.Како дополнителна мерка, Владата на предлог на Министерството усвоила Информација за зајакнување на политиките за лозинки на службените е-маил адреси во сите институции. Со тоа, секоја институција е задолжена да воведе високо ниво на безбедност при креирање лозинки, доколку тоа досега не било направено.Воедно, Министерството најави сет обуки за унапредување на сајбер безбедноста во јавниот сектор, со цел превенција и поголема подготвеност во случај на реални сајбер напади во иднина.

Македонија | пред 3 месеци

Мистериозен „хакирачки напад“ без последици? МВР истражува кој праќа пораки за хакирање на Мицкоски и Тошковски

Помина една недела откако од електронска пошта именувана како „Косова Приштина“ до медиумите беше испратен мејл со наводи за хакерски напад врз мејловите на највисоките државни функционери, меѓу кои премиерот Христијан Мицкоски и министерот за внатрешни работи Панче Тошковски.Во пораката, испратена и до „Скопје1“, се тврдеше дека ќе има „специјално хакирање во живо“ за време на Дигиталниот самит што се одржа на 1 и 2 октомври во Скопје. Дополнително, во јавноста почнаа да кружат и листи со наводни кориснички сметки и лозинки на државни институции – меѓу нив Министерството за надворешни работи, Министерството за образование, Министерството за транспорт и врски и Општина Гостивар.Во мејлот до медиумите беа доставени и наводни лозинки и кориснички податоци за е-поштата на премиерот Мицкоски и министерот Тошковски.Сепак, ниту една институција досега не пријавила конкретни последици од ваков напад.Од МВР за „Скопје1“ изјавија дека секторот за компјутерски криминал презема активности за утврдување на вистината.„До овој момент во секторот за компјутерски криминал при МВР нема поднесена пријава за таков случај. Секторот по допрен глас презема мерки за откривање на сторителите и расчистување на случајот,“ соопштија од Министерството.Не е познато дали наведените податоци претставуваат вистински безбедносен пробив или пак станува збор за обид за спин во пресрет на ИТ-самитот во Скопје.

Македонија | пред 3 месеци

Мајкрософт: Во светот има 600 милиони сајбер напади дневно

Во новиот годишен извештај „Дигитална одбрана“, Мајкрософт предупреди на загрижувачкиот раст на сајбер нападите во светот и извести дека неговите корисници се соочуваат со околу 600 милиони вакви напади дневно, што е силно поврзано со геополитички конфликти.Следејќи ги трендовите од јули 2023 до јули оваа година, Мајкрософт, како дел од Извештајот за дигитална одбрана, нагласува дека сајбер нападите доаѓаат од криминалци, но и државни актери и дека за ефикасна борба против овој растечки бран, потребна е „дигитална одбрана“ да се зајакне на сите нивоа и да се поттикнат трајните принципи на посветеност на сајбер безбедноста.Мајкрософт во извештајот наведува дека во набљудуваниот период забележал 2,75 пати зголемување на нападите на „рансомвер“ во споредба со претходниот период, но и дека процентот на организации кои на крајот биле уценети (достигнување до фазата на шифрирање на податоците) е намален за повеќе од три пати во текот на изминатите две години.Напаѓачите сè уште сметаат на предвидливо човечко однесување, како што е изборот на лозинки кои лесно се паметат и повторно ги користат на повеќе веб-локации, така што лесно стануваат жртви на „фишинг“ напади, а нападите со лозинка се најчести и сочинуваат 99 проценти од сите корисници напади врз идентитетот.Финансиската измама овозможена од сајбер е исто така во пораст на глобално ниво, со нови трендови во измами со плаќање и злоупотреба на легитимни услуги за фишинг и злонамерни активности, се вели во извештајот.Во исто време, Мајкрософт ја истакнува „алармантна форма на измама“ - techscam, која ги мами корисниците преку презентирање легитимни услуги или лажна техничка поддршка и реклами.Сообраќајот за измами на Techscam се зголеми за 400 проценти од 2021 до 2023 година, што е далеку над 180 проценти зголемување на малициозниот софтвер и 30 проценти во фишинг. DDoS нападите исто така продолжуваат, иако Microsoft вели дека во втората половина од оваа година ублажиле 1,25 милиони од овие напади, што е четирикратно зголемување во споредба со минатата година.„Геополитичките конфликти предизвикуваат сајбер кампањи и напади, а државите стануваат сè поагресивни во сајбер просторот, при што нивоата на техничка софистицираност одразуваат зголемени инвестиции во ресурси и обука.Руските, иранските и кинеските актери ги интензивираа сајбер операциите околу моментално активните конфликти, па руските напади првенствено беа насочени кон Украина и земјите од НАТО, како и кинески Тајван и Југоисточна Азија.Војната меѓу Израел и Хамас ги интензивираше иранските сајбер активности против Израел, САД и земјите од Персискиот залив, а и Русија и Иран, исто така, ја искористија војната и изборите во САД за да шират пропаганда за поделби“, истакнува Мајкрософт.Тие, исто така, предупредуваат на злоупотреба на генеративната вештачка интелигенција (ВИ), со која експериментираат сите сајбер-криминалци, додека од друга страна, алатките за вештачка интелигенција, исто така, им помагаат на тимовите за сајбер-безбедност побрзо да одговорат на заканите преку автоматизирање на задачите како што е анализата на предупредувања.„Ублажувањето на сајбер заканите бара силна соработка меѓу јавниот и приватниот сектор. Владите мора да воведат значителни казни за злонамерни активности за да спречат напади. Сегашните меѓународни стандарди во сајбер просторот немаат ефективно спроведување, што резултира со продолжување на агресивните активности спонзорирани од државата“, велат од Microsoft. .

Магазин | пред 1 година