хамас

Нема фотографија

Аналитичар: Да не беше Нетанјаху премиер, ќе беше во затвор

Политичките аналитичари Ведран Обучина и Божо Ковачевиќ за ХРТ коментираа за ситуацијата на Блискиот Исток и дали има изгледи за примирје меѓу Израел и Хамас во Газа.Обучина рече дека се надева оти Рамазан ќе донесе мир за жителите на Газа, но тоа зависи од волјата на Хамас и волјата на израелската влада. На прашањето дали има шанси да се постигне мир во Каиро, Обучина рече дека овде, пред се, не станува збор за мир, туку за примирје.„Тешко е да се очекува мир меѓу Хамас и израелската влада, бидејќи предусловите се присутни и нема компромис од другата страна“, рече тој.Тој додава дека притисокот на меѓународната заедница на двете страни е голем, но, како што вели, не се работи само за преговори меѓу Израел и Палестина.„Ова е исклучиво за владата на Бенјамин Нетанјаху, која ги исклучува сите гласови на опозицијата, еврејската емиграција, која е против таквата политика, а исто така и Палестинците зависат од Хамас. За сето ова свој интерес имаат и регионалните сили“, рече Обучина.Израел одбива да учествува во мировните преговори додека Хамас не ги достави и имињата на заложниците што ги држи, додека Хамас им вели дека не можат да го сторат тоа додека продолжуваат нападите во кои се убиени истите заложници.„Јасно е дека првата грижа на Израел не се заложниците, исто како што е јасно дека првата грижа на Хамас не се Палестинците. Притисоци има и од двете страни, но американската администрација е во голема неволја“, нагласи Ковачевиќ. Тој додава дека изјавата на Нетанјаху дека нема да се согласи на капитулација значи дека нема безусловно да го прифати она што Америка се обидува да го наметне.Обучина истакнува дека доколку Нетанјаху не беше премиер, тој ќе беше во затвор. Ковачевиќ смета дека Нетанјаху ги одложува своите одлуки до претседателските избори во Америка. Како што вели, очекува да победи Доналд Трамп, кој ја поддржува десничарската политика на Нетанјаху.Обучина тврди дека поддршката на администрацијата за Израел е клучна во секое време, без разлика кој ќе победи на изборите во САД.„Прашање е само колку израелското лоби ќе успее да ги спречи негативните конотации, но јасно е дека Џо Бајден и Нетанјаху не се на исто ниво на разговор и дека не се разбираат“, посочи тој.

Свет | пред 1 година

Американскиот потпретседател: Израел треба да создаде хуманитарен план за Газа

Израел треба да создаде „веродостоен“ хуманитарен план пред да постигне понатамошен напредок во јужниот дел на Газа, изјави американскиот потпретседател Камала Харис, пренесува Sky News.Камала Харис, исто така, го повика членот на израелскиот воен кабинет Бени Ганц, чија посета на Вашингтон беше неодобрена од премиерот Бенјамин Нетанјаху, да ја зголеми помошта за разурнатата енклава.Минатиот месец, Израел го засили бомбардирањето на Рафах во јужна Газа, за кој се верува дека е дом на околу 1,5 милиони луѓе, од кои повеќето избегаа од израелската офанзива на север.Како што расте загриженоста за хуманитарна катастрофа, Харис се надоврза на нејзиниот претходен повик до Хамас да ги прифати условите за итен прекин на огнот, опишувајќи ги условите во Газа како „нехумани“.„Харис и Ганц разговараа за ситуацијата во Рафах и потребата од кредибилен и применлив хуманитарен план пред да се разгледа каква било голема воена операција таму со оглед на ризиците за цивилите“, соопшти Белата куќа за вчерашната средба.Во објавата на платформата X, Харис го повтори правото на Израел да се брани и зборува за потребата да се зголеми протокот на помош за Газа.

Свет | пред 1 година

Нема фотографија

Во Газа се преговара за примирје: „Израел повеќе или помалку прифати сè“

Израел „повеќе или помалку“ го прифати договорот за прекин на огнот во Газа, ставајќи ја топката на „дворот на Хамас“, рече американски официјален претставник, во моментот додека САД почнаа да со испорака на хуманитарна помош во Газа.„Договорот е на маса. Израелците повеќе или помалку прифатија. Шестнеделен прекин на огнот во Газа би можел да започне уште денеска доколку Хамас се согласи да ослободи добро дефинирана категорија ранливи заложници“, изјави американски официјален претставник пред очекуваното продолжување на разговорите, веројатно веќе денеска во Каиро.Агенцијата Ројтерс објави, повикувајќи се на египетски извори, дека денеска се очекува во Каиро да пристигнат делегации од Израел и Хамас. Но, друг извор на Ројтерс, запознаен со преговорите, рече дека Израел нема да испрати делегација додека не го има целосниот список на заложници кои се уште се живи.„Разговорите сè уште се во тек“ за да се запечати договорот пред почетокот на Рамазан, светиот муслимански месец кој започнува за една недела, изјави официјален претставник за AFP под услов да остане анонимен. Според него, во последните недели е постигнат значителен напредок, но како и секогаш „нема договор додека не се договори се“.„Израелците начелно прифатија елементи од договорот“, рече претставникот. Тој прецизираше дека шестнеделното примирје е замислено како „прва фаза“, со цел да се постигне „нешто потрајно“ за да може хуманитарната помош да биде доставена во многу поголем обем.Хамас не се откажа од својот став дека привременото примирје мора да биде почеток на процесот кон целосен крај на војната, изјавија за Ројтерс египетски извори и претставник на Хамас. Египетски извори, според Ројтерс, рекоа дека на Хамас му биле понудени гаранции дека условите за траен прекин на огнот ќе бидат разработени во втората и третата фаза од договорот.Во петокот Бајден ја спомена и „можноста за поморски коридор за транспорт на големи количини помош“. Но, тие две опции - испорака на воздух и поморска испорака „не можат да го заменат влезот на помош колку што е можно по копнени патишта“, предупреди во саботата висок американски функционер.Во екот на предизборната кампања во САД, претседателот Бајден, кој се кандидира за втор мандат, е под притисок на левото крило на неговата партија и муслиманската заедница за неговата поддршка за Израел.Во раните утрински часови избувнаа борби во Појасот Газа, а жителите пријавија дека силно гранатирање и тенкови напредуваат околу Хан Јунис, град во јужниот дел на Појасот. Околу Рафа, друг јужен град каде што повеќе од милион Палестинци побарале засолниште на границата со Египет, според властите, вчера и утринава биле убиени 25 лица.

Свет | пред 1 година

Нема фотографија

Бајден: Израел се согласи на прекин на огнот за Рамазан, ја губат поддршката од светот

Американскиот претседател Џо Бајден изјави денеска дека Израел се согласил да ги прекине воените активности во Појасот Газа за време на Рамазан, додавајќи дека еврејската држава ризикува да ја изгуби поддршката од остатокот од светот бидејќи Палестинците умираат во голем број.Бајден, кој ги даде забелешките за време на гостувањето во емисијата „Доцна ноќ со Сет Мејерс“ на NBC, рече дека Израел е посветен да им дозволи на Палестинците да се евакуираат од Рафа во јужна Газа пред да ја интензивира својата кампања таму за уништување на Хамас. Тој рече и дека постои начелен договор за прекин на огнот меѓу двете страни додека не се ослободат заложниците.„Рамазан се приближува, а Израелците се согласија да не учествуваат во активности за време на Рамазан, за да ни дадат време да ги извадиме сите заложници“, рече тој. Муслиманскиот свет месец Рамазан во 2024 година се очекува да започне вечерта на 10 март 2024 година, а да заврши вечерта на 9 април 2024 година.Бајден рече дека привремениот прекин на огнот ќе ги олесни односите меѓу Палестинците и Израел и ќе го забрза процесот на создавање палестинска држава.„Тоа ни дава време да почнеме да се движиме во насоките во кои се подготвени да одат многу арапски земји. На пример, Саудиска Арабија е подготвена да го признае Израел. Јордан е. Египет. Има уште шест земји. Разговарав и со Катар“. - изјави Бајден.

Свет | пред 1 година

Нема фотографија

Израелската влада предложи план за евакуација на цивилите пред очекуваната офанзива во Рафах

Израелската армија предложи план за евакуација на цивилите во Појасот Газа, соопшти утринава израелската влада пред евентуалната офанзива во Рафах.„Армијата на воениот кабинет му претстави план за евакуација на населението од борбените зони во Појасот Газа, како и план за идни операции“, се вели во соопштението од кабинетот на премиерот Бенјамин Нетанјаху.Детали за начинот на евакуација, како и локацијата не се соопштени.Премиерот на Израел сака да започне копнена операција во Рафа, за која вели дека е „последниот бастион“ на исламистичкото движење Хамас.Министерството за здравство на Хамас денеска соопшти дека 92 Палестинци биле убиени во Појасот Газа во израелските напади во текот на ноќта.

Свет | пред 1 година

Нема фотографија

„Нема да учествувам во геноцид, слобода за Палестина“: Американски војник се самозапали пред израелската амбасада во Вашингтон

Американски војник се самозапалил пред израелската амбасада во Вашингтон во знак на протест поради војната во Појасот Газа, а како што пренесува Тајм повикувајќи се на неофицијални извори, им подлегнал на повредите.Тајм додава дека станува збор за Арон Бушнел (25) и веста за неговата смрт ја пренесува повикувајќи се на независната новинарка Талија Џејн, која на социјалните мрежи објавила дека е во контакт со семејството и пријателите на Бушнел.„Веќе нема да бидам соучесник во геноцидот“, рекол војникот пред да се самозапали.Тој се полил со течноста и се запалил извикувајќи „Слобода на Палестина“. Тој бил пренесен во блиската болница со повреди опасни по живот.Воздухопловните сили на САД потврдија дека станува збор за војник на активна должност на американската армија, пишува Тајмс оф Израел. Локалната полиција и Тајната служба го истражуваат инцидентот.На видео кое кружи на интернет, може да се види како полицаец држи пиштол додека војникот гори, а друг офицер го гаси пожарот со апарат за гаснење пожар. Во декември, жена демонстрант се самозапали пред израелскиот конзулат во Атланта.

Свет | пред 1 година

Нема фотографија

Нетанјаху најави пресврт: Можеби треба да го одложиме...

Воената офанзива на Израел врз јужниот палестински град Рафах би можела да биде „донекаде одложена“ доколку се постигне договор за прекин на огнот меѓу Израел и Хамас.Ова го изјави израелскиот премиер Бенјамин Нетанјаху, додавајќи дека апсолутна победа над Хамас може да се постигне неколку недели по почетокот на офанзивата.Нетанјаху во неделата за Си-Би-Ес потврди дека разговорите за еднонеделниот прекин на огнот и ослободувањето на заложниците се во тек, без да даде дополнителни детали.Разговорите за привремено примирје продолжија во неделата на ниво на специјални претставници на сите страни, објави египетската државна телевизија Ал Каиро, цитирајќи египетски функционер кој рече дека разговорите ќе продолжат во Каиро.Во постигнувањето на договорот учествуваат Египет, Катар и САД, а присутни се и претставници на Израел.Нетанјаху оваа недела рече дека ќе му предложи на воениот кабинет да ги одобри оперативните планови, кои вклучуваат евакуација на палестинските цивили на друга локација во Појасот Газа од Рафах, според АП.„Кога ќе започне операцијата, интензивната фаза на борбите ќе трае со недели, а не со месеци. И ако немаме договор, сигурно ќе го сториме тоа“, изјави тој за CBS и нагласи дека преостанатите шест баталјони на Хамас се концентрирани. во Рафах.Советникот за национална безбедност на Белата куќа, Џејк Саливан, изјави за NBC дека претседателот Џозеф Бајден не бил информиран за плановите за Рафа.„Сметаме дека оваа операција не треба да започне се додека или ако не видиме план за заштита на цивилите“, рече Саливан.

Свет | пред 1 година

Нема фотографија

Израел продолжи жестоко да ја бомбардира Газа. ОН: На север владее целосен хаос

Израел денеска продолжи со смртоносното бомбардирање на завојуваната Газа, додека Вашингтон стави вето на резолуцијата на Советот за безбедност на ОН со која се повикува на прекин на огнот на палестинските територии.Глобалните сили, кои се обидуваат да најдат излез од растечката криза, досега не успеаја во тоа, а напорите за посредување не успеаја да обезбедат примирје.Агенцијата за храна на ОН вчера соопшти дека мора да ги запре очајно потребните испораки на северниот дел од територијата, откако таму се соочи со „тотален хаос и насилство“, одлука што ја осуди Хамас.Светската програма за храна ги обнови испораките во неделата, но нивниот конвој беше пречекан со пукотници, насилство и грабежи, возачот на камионот беше претепан и испораките беа повторно прекинати.„Шокирани сме од одлуката на Светската програма за храна да ја прекине испораката на помош во храна во северниот дел на Газа, што значи смртна казна и смрт на три четвртини од милион луѓе“, соопшти во вторникот вечерта канцеларијата за медиуми на Хамас.Повикувајќи ја агенцијата „веднаш да ја повлече катастрофалната одлука“, Хамас рече дека „ги смета Обединетите нации и меѓународната заедница одговорни“.Од почетокот на војната меѓу Израел и Хамас, Газа се соочува со недостиг на храна, а протокот на странска помош е сериозно ограничен.ОН постојано алармираа за страшната хуманитарна ситуација во Газа, предупредувајќи дека недостигот на храна може да доведе до „експлозија“ во смртноста на децата што може да се спречи.Повеќе од четири месеци немилосрдни борби срамнија голем дел од крајбрежната територија, туркајќи 2,2 милиони луѓе на работ на глад и раселени три четвртини од населението, според проценките на ОН.„Веќе не можеме да издржиме. Немаме брашно, не знаеме ни каде да одиме на ова студено време“, рече Ахмад, жител на градот Газа, чии улици се преполни со урнатини од уништени згради и ѓубре.Но, во Њујорк, Вашингтон стави вето на резолуцијата на Советот за безбедност на ОН, подготвена од Алжир, со која се бара итен хуманитарен прекин на огнот и „безусловно“ ослободување на сите заложници земени во нападот на Хамас врз Израел на 7 октомври.Ветото наиде на критики од земјите како Кина, Русија, Саудиска Арабија, па дури и блиските сојузници на САД, Франција и Словенија.Хамас оцени дека американското вето значи „зелено светло за извршување на нови масакри во окупацијата“.Како што гласаа светските сили, израелските напади ја погодија Газа рано во средата, при што загинаа 103 лица, според Министерството за здравство на територијата, управувано од Хамас.Сведоците пријавија силно гранатирање во Газа, вклучително и во Хан Јунис и Рафах во близина на египетската граница, каде околу 1,4 милиони раселени Палестинци побараа засолниште.Рафах, последниот град во Газа кој се соочи со копнена инвазија на израелските сили, е главната влезна точка за очајно потребната помош преку Египет.Катар, кој игра клучна посредничка улога меѓу Хамас и Израел, во вторникот рече дека лекот испратен во Газа според договорот со Франција стигнал до заложниците кои ги држеле милитантите во замена за пратка хуманитарна помош.Но, генерално, преговарачките напори не успеаја да обезбедат долгорочно примирје, и покрај меѓународниот притисок, Израел инсистира на тоа дека копнената операција против Рафах е неопходна за уништување на Хамас.Војната започна кога Хамас започна напад без преседан на 7 октомври, кој резултираше со смрт на околу 1.160 луѓе во Израел, од кои повеќето цивили, според АФП.Милитантите на Хамас, исто така, зеле околу 250 заложници, од кои 130 остануваат во Газа, вклучително и 30 за кои Израел се претпоставува дека се мртви.Во израелската одмаздничка кампања загинаа најмалку 29.195 луѓе, главно жени и деца, според најновите податоци на Министерството за здравство на територијата.

Свет | пред 1 година

Нема фотографија

Хамас: САД ставија зелено светло за Израел да убие уште Палестинци

Палестинската милитантна група Хамас денеска ја осуди одлуката на САД, кои ставија вето на предложената резолуција на Советот за безбедност на Обединетите нации за итен прекин на огнот во Појасот Газа, велејќи дека израелската окупација има за цел „да ги убие и расели“ Палестинците.„Претседателот Џо Бајден и неговата администрација имаат директна одговорност за неусвојувањето на резолуцијата за прекин на огнот во Газа. Американската позиција се смета за зелено светло за окупаторот да изврши повеќе злосторства и да го убие нашиот невин народ преку бомбардирање и гладување“, се вели во соопштението на Хамас, според Ал Џезира.Соединетите Држави денеска повторно ставија вето на предложената резолуција на Советот за безбедност на Обединетите нации за итен прекин на огнот во Појасот Газа, третпат откако избија борби околу палестинската енклава на 7 октомври.Од 15 членки на Советот за безбедност на ОН, 13 гласаа за предложената резолуција поднесена од Алжир, додека Велика Британија беше воздржана.

Свет | пред 1 година

Нема фотографија

ОН: Војната во Газа може да доведе до голема смртност на деца, гладот ​​и болеста се смртоносна комбинација

Алармантниот недостиг на храна, зголемената неухранетост и неконтролираното ширење на болести може да предизвикаат голема смртност на децата во Газа, предупредија Обединетите нации.Дваесет недели по почетокот на нападите на израелската војна против Хамас во Појасот Газа, агенциите на ОН предупредија дека храната и безбедната вода станале „неверојатно оскудни“ на палестинската територија, додавајќи дека речиси сите мали деца имаат заразни болести.Најмалку 90 отсто од децата на возраст под пет години во Газа имаат една или повеќе заразни болести, се вели во заедничката проценка на агенциите на ОН за деца, храна и здравје. Седумдесет проценти имале дијареа во две недели пред проценката, што е 23 пати повеќе во споредба со податоците од 2022 година.„Гладот ​​и болеста се смртоносна комбинација“, изјави службеникот за итни случаи на Светската здравствена организација (СЗО), Мајк Рајан.„Гладни, ослабени и длабоко трауматизирани деца почесто се разболуваат, а болните деца, особено оние со дијареа, не можат добро да ги апсорбираат хранливите материи“, рече тој.Нападот на Хамас врз јужен Израел на 7 октомври резултираше со смрт на околу 1.160 луѓе во Израел, од кои повеќето цивили, според АФП. Во нападот на Израел врз Газа загинаа повеќе од 29.000 луѓе, од кои повеќето жени и деца, според Министерството за здравство на територијата управувана од Хамас.Од почетокот на војната, Газа западна во криза со храна, а надворешната помош е сериозно ограничена. Проценката на ОН покажа дека повеќе од 15 отсто од децата на возраст под две години во северниот дел на Газа, или едно од шест, се акутно неухранети, додека три отсто страдаат од тешка исцрпеност.„Тоа е најопасна по живот форма на неухранетост, што ги става малите деца на најголем ризик од медицински компликации и смрт, освен ако не добијат итен третман“, соопшти СЗО.„Бидејќи податоците беа собрани во јануари, ситуацијата денес е веројатно уште потешка“, предупредија агенциите на ОН. Во јужниот дел на Газа, се проценува дека пет проценти од децата на возраст под две години се акутно неухранети.Пред војната, само 0,8 отсто од децата на возраст под пет години во Газа се сметаа за акутно неухранети, забележаа агенциите на ОН.„Ваквиот пад на нутритивниот статус на населението за три месеци е без преседан на глобално ниво“, велат тие.Според податоците на СЗО, покрај 90 отсто од децата на возраст под две години и 95 отсто од трудниците и доилките, „се соочуваат со сериозна несигурност во храната – што значи дека консумирале две или помалку групи на храна претходниот ден“.Се додава и дека храната до која имаат пристап има најниска хранлива вредност. 95 отсто од домаќинствата „го ограничуваат оброците и големината на порциите“, а 64 отсто од домаќинствата јадат само еден оброк дневно.Повеќе од 95 отсто од домаќинствата рекле дека ја ограничиле количината на храна што ја јадат возрасните за да се осигураат дека малите деца имаат храна, соопшти СЗО.

Свет | пред 1 година

Во израелскиот напад на Либан загинаа 11 лица, меѓу кои 6 деца

Единаесет лица, меѓу кои шест деца, беа убиени вчера во израелски напади врз села низ јужен Либан, известија директорот на тамошната болница и три либански безбедносни извори, додека пак, Израел соопшти дека одговорил на ракетен напад на Хезболах во кој загина еден од неговите војници.Хезболах и израелската војска разменуваат оган долж израелско-либанската граница повеќе од четири месеци, откако либанската вооружена група лансираше ракети преку спорната граница како поддршка на својот палестински сојузник Хамас.Една жена и нејзините две деца се убиени во израелски напад врз селото Ал Савана, соопштија два безбедносни извори. Во нападот на зградата во Набатие загинаа и четири деца, три жени и еден маж. Седум лица се ранети, изјави Вазни за Ројтерс.Четворица борци на Хезболах биле убиени во одвоени напади, според групата и безбедносни извори. Хезболах не објави никакви операции во средата. Шефот на неговиот извршен совет рече дека израелските напади врз Либан „не можат да останат без одговор“.Портпаролот на израелската влада изјави за новинарите дека вчераутро во ракетниот напад од Либан загинал израелски војник, а осум други се хоспитализирани. „Како што јасно кажавме постојано, Израел не е заинтересиран за војна на два фронта. Но, ако бидеме испровоцирани, ќе одговориме силно“, рече портпаролката Илана Стајн.

Свет | пред 1 година

Нема фотографија

„Тоа би бил масакр!“: Израел се подготвува да нападне град во кој се кријат повеќе од милион луѓе, итно реагираа ОН

Обединетите нации предупредија дека израелската копнена офанзива во Рафах, во јужниот дел на Појасот Газа, би можела да „доведе до масакр“ во областа, која е дом на повеќе од милион луѓе.Израел претходно објави дека има намера да ги истера милитантите на Хамас од нивните засолништа во Рафах, каде што палестинската милитантна организација држи израелски заложници, пренесува Ројтерс.„Воените операции во Рафах може да доведат до масакр во Појасот Газа и би можеле да го стават последниот клинец во ковчегот на хуманитарната помош која веќе истекува. Ни недостасуваат безбедносни гаранции, средства за помош и кадровски капацитет за да ја одржиме оваа операција. Владата на Израел не може да продолжи да ги игнорира овие повици“, рече шефот за хуманитарна помош на ОН Мартин Грифитс.Меѓународната заедница предупреди на опасните последици од секоја израелска копнена инвазија на Рафах.Поради повиците до Израел да се воздржи од планираниот напад на Рафах, разговорите за прекин на огнот во Газа во кои учествуваа Израел, САД, Египет и Катар завршија во Каиро без значителен напредок.„Искрено се надевам дека преку преговори за ослободување на заложниците и некаков вид прекин на непријателствата, ќе се избегне општа израелска офанзива на Рафах. Тоа би имало катастрофални последици“, изјави генералниот секретар на ОН Антонио Гутереш на денешната прес-конференција.

Свет | пред 1 година

Нема фотографија

Бајден: САД ја делат целта на Израел за поразување на Хамас

Американскиот претседател Џозеф Бајден, по разговорите со јорданскиот крал Абдула Втори во Белата куќа, рече дека САД ја делат целта на Израел да го поразат Хамас, но во исто време истакна дека палестинскиот народ „исто така претрпе огромна болка и загуба“.Бајден повтори дека израелските воени операции во Рафа не треба да продолжат без план за обезбедување безбедност и помош за повеќе од еден милион Палестинци кои се засолниле во областа.„Исто така, од почетокот бевме јасни дека се спротивставуваме на какво било принудно раселување на Палестинците од Газа“, рече Бајден.Бајден изјави дека работи на изнаоѓање решение за ослободување на сите заложници кои ги држи Хамас, за ублажување на хуманитарната криза во Појасот Газа и за постигнување мир преку решение со две држави. Бајден рече дека ги охрабрува израелските лидери „да продолжат да работат на постигнување договор“ за ослободување на заложниците и воспоставување привремено примирје, откако израелскиот премиер Бенјамин Нетанјаху ги отфрли барањата на Хамас.„Палестинската управа мора итно да се реформира за да може ефективно да донесе резултати за палестинскиот народ и на Западниот Брег и на Газа“, рече Бајден.Бајден рече дека Хамас сè уште држи 134 заложници и не е познато колку се уште се живи, објави „Тајмс оф Израел“. Повеќето од Палестинците убиени во Појасот Газа се невини цивили, вклучително и илјадници деца, рече Бајден, предупредувајќи дека стотици илјади Палестинци немаат пристап до храна, вода и други основни потреби за живот.Бајден посочи дека САД работат на тоа премините Рафах и Керем Шалом да останат отворени за хуманитарна помош и да се отворат дополнителни премини.

Свет | пред 1 година