жена

(Многу вознемирувачко видео) Имиграциски агент убива жена, испукува неколку куршуми дирекно во глава: „Убијци, убијци!“, извикуваат бројни сведоци

Американски имиграциски агент уби 37-годишна жена во Минеаполис, што предизвика силна јавна реакција и остри политички судири, откако локалните власти ги отфрлија тврдењата на администрацијата на Доналд Трамп дека станувало збор за самоодбрана, пренесува Би-Би-Си.Инцидентот се случил во средата околу 10:25 часот по локално време. Според Министерството за внатрешна безбедност на САД, жената, идентификувана како Рене Никол Гуд, била „насилна демонстрантка“ која се обидела со возилото да ги прегази агентите на Имиграциска и царинска служба. Од друга страна, градските власти тврдат дека станува збор за прекумерна и неодговорна употреба на сила.Снимки објавени на социјалните мрежи прикажуваат напната сцена на улица, со теренско возило што ја блокира сообраќајницата и присуство на демонстранти и полициски возила. На видеата се гледа како агентите се приближуваат до автомобилот, по што следува пукање. Воопшто не се гледа дека возилото навистина го удира агентот.Американската секретарка за внатрешна безбедност Кристи Ноем изјави дека жената со часови ги следела и попречувала службениците и дека се обидела да го „претвори возилото во оружје“, оценувајќи го инцидентот како чин на „домашен тероризам“. Таа наведе дека агентот испукал „одбранбени истрели“ и дека бил повреден, но по укажаната лекарска помош бил пуштен од болница.Спротивно на тоа, градоначалникот на Минеаполис Џејкоб Фреј остро ја осуди постапката, нарекувајќи ја „безобѕирна употреба на моќ која завршила со смрт на лице“, и јавно побара федералните агенти да го напуштат градот.Градскиот совет соопшти дека убиената жена само „се грижела за своите соседи“. И гувернерот на Минесота, Тим Волз, ја оспори официјалната верзија на федералните власти, порачувајќи дека државата ќе спроведе целосна, брза и независна истрага за да се утврди одговорноста.Трамп: агентот бил прегазенПретседателот Трамп на својата платформа Truth Social напиша дека агентот на ИЦЕ бил „брутално прегазен“ и дека е чудо што преживеал. За инцидентот ја обвини „радикалната левица“, тврдејќи дека таа систематски ги напаѓа припадниците на службите за спроведување на законот.Водечки демократи, меѓу кои и поранешната потпретседателка Камала Харис и лидерот на демократите во Претставничкиот дом Хаким Џефрис, изјавите на администрацијата ги оценија како манипулација.Сведоштво и протестиСведок на настанот, Емили Хелер, за Си-Ен-Ен изјави дека видела расправија меѓу агентите и демонстрантите, по што агент се обидел да ја отвори вратата од автомобилот на жената. Според неа, кога возилото почнало да се оддалечува, агентот пукал од непосредна близина.Смртта на жената предизвика масовни протести во Минеаполис и во други американски градови, меѓу кои Њу Орлеанс, Мајами, Сиетл и Њујорк. Дел од протестите се одржаа во близина на местото каде што во 2020 година беше убиен Џорџ Флојд.Јавните училишта во Минеаполис ја откажаа наставата до крајот на неделата поради безбедносни причини, откако федерални агенти наводно извршиле апсење во близина на едно средно училиште.Зошто ИЦЕ е во МинеаполисВо последните недели администрацијата на Трамп распореди дополнителни 2000 федерални агенти во регионот, како дел од операција поврзана со сомнежи за злоупотреби на социјална помош. Градоначалникот Фреј тврди дека присуството на ИЦЕ не ја зголемува безбедноста, туку создава страв и хаос и доведува до разделување на семејства.Операцијата е дел од поширока кампања за спроведување на имиграциските закони, насочена кон лица со налози за депортација, меѓу кои и припадници на големата сомалиска заедница во градот, која Трамп и претходно јавно ја критикуваше.

Свет | пред 1 седмица

Жена го пријавила мажот за насилство, а по неколку часа тој пријавил дека таа го тепала

Во СВР Скопје вчера (22.11.2025) во 13:00 часот, 35-годишна жена од Скопје пријавила дека во семејниот дом на подрачјето на Кисела Вода, по претходна расправија, била физички нападната од нејзиниот 45-годишен сопруг, кој ѝ го одзел и мобилниот телефон.Подоцна, околу 20:30 часот, 45-годишниот маж од Скопје исто така пријавил дека бил физички нападнат од неговата сопруга, и тоа во истиот временски период околу 13 часот.Од МВР информираат дека се преземаат мерки за целосно расчистување и документирање на случајот.

Скопје | пред 1 месец

Среде ноќ со секира го удирала невенчаниот сопруг

Утрово во 04:30 часот, во СВР Охрид е пријавено дека Џ.Р.(34) физички, а потоа и со секира, го нападнала нејзиниот 40- годишен невенчан сопруг.По целосно документирање на настанот, против неа ќе биде поднесена соодветна пријава.

Македонија | пред 1 месец

Хорор во Дебарско: жена киднапирана од дворот на својот дом, однесена во напуштена зграда и силувана

Две лица од Дебарскиот регион се лишени од слобода и против нив е поднесена кривична пријава за „грабнување“ и „полов напад и силување“, соопшти Министерството за внатрешни работи.„ОВР Струга поднесе кривична пријава против А.Л. (26) од селото Џепиште поради постоење основи на сомнение дека ги сторил кривичните дела грабнување и полов напад и силување, како и против Е.В. (18) од селото Отишани, поради сомнение за сторено кривично дело грабнување,“ информираат од МВР.Според полициските информации, на 6 ноември 2025 година околу 19 часот, двајцата осомничени насилно ја извлекле 30-годишната жена од дворот на нејзината куќа во село во Дебарско и ја внеле во возило „Ауди“, управувано од Е.В.Потоа се упатиле кон напуштен објект во близина на Струга, каде што А.Л. физички ја нападнал, при што оштетената изгубила свест, а тој потоа ја силувал.По извршениот напад, двајцата ја однеле жената во Општата болница во Струга, каде побарале лекарска помош.Од МВР информираат дека двајцата сторители се пронајдени и уапсени, а против нив е поднесена кривична пријава до надлежното обвинителство.

Македонија | пред 2 месеци

Ја шамарал, давел, ја фрлил и удрил во ќош од кревет сопствената бремена сопруга - хорор во Скопје

Основното јавно обвинителство Скопје поведе постапка против државјанин на Република Хрватска, осомничен за кривично дело „Телесна повреда“ по член 130 став 2 во врска со став 1 од Кривичниот законик.Според наводите, тој во својот дом во Скопје физички ја нападнал сопругата, која е во петтиот месец од бременост. Најпрво ѝ се обратил на висок тон, а потоа ја удирал со тупаници и шлаканици по главата и телото. Насилството продолжило со силен притисок врз нејзиниот врат, а потоа ја фрлил во кревет и со главата ја удирал од неговата ивица.Нападот престанал кога оштетената започнала да крвари, по што успеала да се засолни во тоалет и да повика полиција и брза помош. Осомничениот го напуштил станот кога слушнал дека жртвата бара помош.Кај жената биле констатирани бројни повреди на главата, како и повреди на плацентата. Јавниот обвинител до Основниот кривичен суд Скопје достави предлог за определување мерка притвор за осомничениот.

Скопје | пред 4 месеци

Жена брутално претепана во Автокоманда: маж врз глава и фрлил гајба со стаклени шишиња, таа почнала обилно да крвари

Основното јавно обвинителство Скопје поведе постапка против едно лице за кое постои основано сомнение дека сторило кривично дело „Тешка телесна повреда“ по член 131 од Кривичниот законик.Според обвинителството, настанот се случил на 23 август попладне пред угостителски објект во скопската населба Автокоманда. Жената која имала претходни лични недоразбирања со осомничениот дошла да се сретне со него, по што тој почнал грубо да ја навредува. Во еден момент, осомничениот зел пластична гајба полна со стаклени шишиња и ја удрил по главата, предизвикувајќи ѝ тешки телесни повреди.Жртвата почнала обилно да крвари, но успеала да повика полиција и била пренесена со брза помош во болница, каде лекарите констатирале сериозни повреди.Обвинителството соопшти дека поради начинот на сторување на делото и можноста жртвата повторно да биде изложена на ризик, од судијата на претходна постапка било побарано осомничениот да добие повеќе мерки на претпазливост. Меѓу нив се забрана за приближување или воспоставување контакт со оштетената, привремено одземање на патна исправа и редовно јавување пред службено лице.Случајот дополнително ќе се документира, по што ќе следуваат соодветни правни постапки.

Скопје | пред 4 месеци

Жена нападната по сообраќаен конфликт во Шуто Оризари

Физички напад врз жена е пријавен во полициското одделение Шуто Оризари, по расправија во сообраќајот. Настанот се случил на 3 август околу пладне, а според пријавата, напаѓачот бил маж со кого жената претходно имала недоразбирање на патот.-На 03.08.2025 во 20.15 часот во Полициското одделение Шуто Оризари, С.В.(55) од с.Мирковци, скопско, пријавила дека околу 12:00 часот на подрачјето на Шуто Оризари, по претходно недоразбирање во сообраќајот, едно лице физички ја нападнало. Се преземаат мерки за расчистување на случајот, соопштија од МВР.

Скопје | пред 5 месеци

Прегазена жена на патот Кичево-Македонски брод, со тешки повреди однесена во болница

Во петокот вечерта, околу 21:20 часот, на регионалниот пат Кичево – Македонски Брод, во близина на влезот за селото Лисичани, општина Пласница, се случила тешка сообраќајна несреќа во која 30-годишна жена била сериозно повредена.Според информациите од СВР Охрид, патничко возило марка „Мерцедес“ со кичевски регистарски таблички, управувано од 23-годишниот Н.Н. од селото Челопеци, удрило во пешакот А.В. од Лисичани. Жената со тешки телесни повреди била пренесена во Медицинскиот центар Кичево, каде биле констатирани нејзините повреди.Увид на местото на несреќата извршила увидна екипа од ОВР Кичево, а полицијата работи на целосно расчистување на околностите под кои дошло до несреќата.

Македонија | пред 5 месеци