Пад на цените на нафтата по сигналите од Иран за можни преговори со САД

Цените на нафтата во понеделникот забележаа пад, откако Иран сигнализираше дека е подготвен да ги продолжи разговорите со Соединетите Американски Држави доколку тие бидат засновани врз националните интереси на земјата. Инвеститорите ова го протолкуваа како можност за обновување на дипломатските напори и намалување на тензиите.

— реклама —

Фјучерсите на суровата нафта од типот „брент“ се намалија за 0,18 проценти и се тргуваа по цена од 87,94 долари за барел, откако претходно достигнаа 91,42 долари, највисоко ниво од 11 јуни.

Американската сурова нафта WTI поевтини за 0,82 проценти, на 81,81 долар за барел, по претходниот раст до 85,39 долари, што беше највисока цена од 12 јуни.

— реклама —

Портпаролот на иранското Министерство за надворешни работи, Есмаил Багаеи, изјави дека во последните денови преку посредници биле доставени нови пораки до Техеран, но не откри детали за нивната содржина.

— реклама —

И покрај падот на цените, неизвесноста на нафтениот пазар останува поради намалениот бродски сообраќај низ Ормускиот теснец. Според податоците на LSEG, во неделата низ теснецот поминале само четири брода, наспроти осум претходниот ден.

Цените на нафтата претходно пораснаа поради ескалацијата на судирот меѓу САД и Иран и стравувањата дека транспортот преку Ормускиот теснец ќе остане нарушен. Соединетите Американски Држави деветта ноќ по ред извршуваа напади врз Иран, додека Кувајт и Бахреин пријавија нови ирански напади.

— реклама —

Ормускиот теснец е една од најважните светски поморски рути за транспорт на енергенси. Пред почетокот на конфликтот низ него се транспортираа околу 20 проценти од светските количини на нафта, поради што секое нарушување на сообраќајот предизвикува стравувања од недостиг на понудата и раст на цените.