Падна мал авион во Хрватска: Едно лице е повредено

Мал авион се урна утринава во близина на аеродромот во Врсар, Хрватска, при што едно лице е повредено.

— реклама —

Како што соопшти хрватската полиција, пријавата за несреќата била примена околу 8:35 часот, по што на местото веднаш биле испратени сите надлежни итни служби.

— реклама —

— реклама —

Според првичните информации, авионот се урнал во непосредна близина на аеродромот во Врсар. Во несреќата е повредено едно лице, но засега не се соопштуваат детали за степенот на повредите и неговата здравствена состојба.

— реклама —

Полицијата и надлежните служби вршат увид на местото на несреќата, по што се очекуваат повеќе информации за причините што довеле до падот на леталото.