Панорамски разглед по повод 63 години од земјотресот: Скопје ја претвори трагедијата во сила

По повод 63-годишнината од катастрофалниот земјотрес што го погоди Скопје во 1963 година, беше организиран бесплатен панорамски разглед на градот, преку кој граѓаните имаа можност да се запознаат со историјата, спомените и духот на старо Скопје.

— реклама —

Градоначалникот на Град Скопје, Орце Ѓорѓиевски, во објава на социјалните мрежи информираше дека преку панорамски автобус и стручно водство од туристички водич од Македонската асоцијација на туристички водичи и придружници, присутните слушнале приказни за изгледот на градот пред земјотресот, разурнатите објекти и местата кои го обликувале препознатливиот лик на Скопје.

— реклама —

„Скопје е град кој ја претвори трагедијата во сила, а спомените во темел врз кој ја гради својата иднина“, напиша Ѓорѓиевски.

Тој порача дека зачувувањето на сеќавањето за минатото, негата на културното и историското наследство и пренесувањето на приказната за Скопје на идните генерации се заедничка обврска.

— реклама —