Папата ќе биде опериран на белите дробови, Ватикан најави една недела закрепнување

Папата Лав XIV во наредните денови ќе биде подложен на операција за отстранување на ограничена промена во ткивото на белите дробови, која била откриена неодамна при лекарски прегледи.

— реклама —

Папата соопштил дека наодот е откриен во рана фаза. Информацијата ја објавил за време на благословот што го упатил до верниците напладне, пренесе Асошиејтед прес.

— реклама —

Засега не се објавени дополнителни детали за неговата здравствена состојба. Папата има 71 година и е познат по активниот начин на живот. Секоја недела игра тенис и плива во папската летна резиденција во Кастел Гандолфо.

— реклама —

Не е познато дали операцијата и закрепнувањето ќе влијаат врз неговата планирана посета на Уругвај, Аргентина и Перу, која треба да се одржи од 6 до 17 ноември.

Промените во ткивото на белите дробови може да имаат различна природа. Самото откривање на ваков наод не значи дека станува збор за малигно заболување. Може да биде предизвикано од бенигна состојба, воспаление или друга болест, а во одредени случаи може да биде и малигно.