Папата разговараше со Зеленски, повика на соработка со Русија

Папата Лав XIV разговарал телефонски со украинскиот претседател Володимир Зеленски и повикал на соработка меѓу Украина и Русија за да се овозможат испорака на хуманитарна помош и безбедна евакуација на жителите на градот Олешки, во украинската област Херсон, соопшти Ватикан.

— реклама —

За време на разговорот, папата ја истакнал тешката состојба во градот и посочил дека претходно од рускиот претседател Владимир Путин побарал привремен прекин на огнот од хуманитарни причини. Целта е до жителите да стигнат храна и лекови, а на цивилите што сакаат да заминат да им се овозможи безбедно напуштање на градот.

— реклама —

— реклама —

Лав XIV разговарал со Путин и во петокот, додека се опоравувал од операција во римската болница „Џемели“. Тоа бил нивниот втор познат телефонски разговор, по првиот во јуни 2025 година. Папата повторил дека Ватикан ќе продолжи да го поддржува дијалогот и напорите за постигнување мир.

Папата бил опериран на 13 октомври, откако лекарите откриле сомнителна промена на белите дробови. При операцијата му бил отстранет долниот резен од десното белодробно крило, а испитувањата потврдиле дека станува збор за аденокарцином на белите дробови. Од болницата бил пуштен во саботата, а вчера изјавил дека постепено се враќа на своите обврски. Се очекува во среда да ја одржи редовната неделна аудиенција на плоштадот „Свети Петар“ во Ватикан.