Папата Лав XIV првпат во јавноста по операцијата на белите дробови

Папата Лав XIV се појави во јавноста пет дена по операцијата на белите дробови, обраќајќи им се на верниците на плоштадот „Свети Петар“ во Ватикан.

— реклама —

Од прозорецот на Апостолската палата, насмеан и со јасен глас, поглаварот на Римокатоличката црква им се обрати на насобраните верници, пренесува „Ројтерс“. Тој самостојно, без ничија помош, пристигна до прозорецот и го одржа редовното неделно пладневно обраќање.

— реклама —

Во пораката до верниците, папата повика на отфрлање на себичните амбиции и посветено служење на Бог.

— реклама —

На Лав XIV му бил дијагностициран аденокарцином на белите дробови, по што со операција му бил отстранет долниот лобус на десното белодробно крило.

— реклама —

Според објавените информации, не е познато дали папата претходно имал здравствени проблеми. Тој е познат како физички активен човек, кој секоја недела игра тенис и плива во папската летна резиденција во Кастел Гандолфо.