Папата Лав: Мигрантите заслужуваат заштита и достоинствен живот

Папата Лав при посетата на италијанскиот остров Лампедуза упати апел до европските лидери да преземат поголема одговорност за мигрантите кои секојдневно ги ризикуваат своите животи, обидувајќи се да го преминат Средоземното Море.

Во своето обраќање тој истакна дека светот мора да покаже повеќе човечност кон луѓето кои бегаат од војни, сиромаштија и прогон.

— реклама —

„Оние што ги загубија животите во морето се жртви и на одлуките што биле донесени, но и на оние што никогаш не биле донесени“, порача папата.

— реклама —

Тој ја повика Европа да развие сеопфатен пристап кон миграцијата, кој, покрај итното спасување на луѓето на море, ќе вклучува и долгорочна стратегија за нивна интеграција и заштита.

По повод Денот на независноста на САД и 250-годишнината од американската независност, папата испрати и посебна порака до својата татковина, повикувајќи ги Американците да ги прифатат и да им помогнат на мигрантите.

— реклама —

„Да ги примиме со сочувство и великодушност не е само чин на милосрдие, туку и признание на достоинството што му припаѓа на секое човечко суштество“, истакна тој.

— реклама —

Лампедуза, која се наоѓа меѓу Тунис, Малта и Сицилија, претставува една од главните влезни точки за мигрантите во Европа и е дел од една од најопасните миграциски рути во светот.

Според податоците на Обединетите нации, годинава во Италија по морски пат пристигнале 14.464 мигранти, од кои повеќе од половината преку Лампедуза. Во обид да го преминат Средоземното Море во текот на 2026 година, повеќе од 1.400 лица загинале или се водат како исчезнати, меѓу нив и 28 деца.